ରାଜନୀତି

ଜେଏମ୍‌ଏମ୍‌ରେ ଯୋଗଦେଲେ ପୂର୍ବତନ ସାଂସଦ ରାମଚନ୍ଦ୍ର ହାଁସଦା

ବିଜେଡି ଛାଡ଼ିବାର ଦିନକ ପରେ ଶନିବାର ଜେଏମ୍‌ଏମ୍‌ରେ ଯୋଗ ଦେଇଛନ୍ତି ମୟୂରଭଞ୍ଜର ପୂର୍ବତନ ଲୋକସଭା ସାଂସଦ ଇଂ. ରାମଚନ୍ଦ୍ର ହାଁସଦା। ଶନିବାର ଦିନ ରାଇରଙ୍ଗପୁର ବ୍ଲକ୍‌ ପଡ଼ିଆରେ ଆୟୋଜିତ ଜେଏମ୍‌ଏମ୍‌ ପ୍ରଦେଶ କମିଟି କାର୍ଯ୍ୟକାରିଣୀ ବୈଠକ ଓ ମିଶ୍ରଣ ପର୍ବରେ ହାଁସଦା ଦଳରେ ଯୋଗ ଦେଇଥିଲେ। ପୂର୍ବତନ ବିଧାୟକ ପ୍ରହ୍ଲାଦ ପୂର୍ତିଙ୍କ ସଭାପତିତ୍ବରେ ଅନୁଷ୍ଠିତ ବୈଠକ‌ରେ ମୁଖ୍ୟଅତିଥି ଭାବେ ଝାଡ଼ଖଣ୍ତର କ୍ୟାବିନେଟ ମନ୍ତ୍ରୀ ତଥା ଦଳର କେନ୍ଦ୍ରୀୟ କମିଟି ଉପାଧ୍ୟକ୍ଷ ଚାମ୍ପାଇ ସୋରେନ, ମୁଖ୍ୟବକ୍ତା ଭାବେ ଝାଡ଼ଖଣ୍ତର ପୋଟକା ନିର୍ବାଚନ ମଣ୍ତଳୀର ବିଧାୟକ ସଞ୍ଜୀବ ସର୍ଦ୍ଦାର, ସମ୍ମାନିତ ଅତିଥି ଭାବେ ବହରାଗୋଡ଼ା ନିର୍ବାଚନ ମଣ୍ତଳୀର ବିଧାୟକ ସମୀର ମହାନ୍ତି, ରାଜ୍ୟ ମହିଳା ମୋର୍ଚ୍ଚାର ଅଧ୍ୟକ୍ଷା ଅଞ୍ଜନି ସୋରେନ ପ୍ରମୁଖ ଯୋଗ ଦେଇଥିଲେ। କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ନୀତିକୁ ତୀବ୍ର ସମାଲୋଚନା କରିଥିଲେ ଦଳୀୟ ନେତୃବୃନ୍ଦ।

ଓଡ଼ିଆ ପିଲାଙ୍କ ବୌଦ୍ଧିକ କ୍ଷମତାରେ ବ୍ୟବସାୟର ପେଣ୍ଠସ୍ଥଳୀ ହେବ ଓଡ଼ିଶା: ଧର୍ମେନ୍ଦ୍ର

ଆମ ରାଜ୍ୟରେ ବହୁଭାଷୀ ଛାତ୍ରଛାତ୍ରୀ ଅଛନ୍ତି। ଆଇଟି ସମେତ ଅନ୍ୟାନ୍ୟ କ୍ଷେତ୍ରରେ ଦକ୍ଷତାସମ୍ପନ୍ନ ଓଡ଼ିଆ ପିଲାମାନେ କାମ କରୁଛନ୍ତି। ତେଣୁ ଏହି ମାନଙ୍କୁ ନେଇ ସେମାନଙ୍କ ବୌଦ୍ଧିକ କ୍ଷମତାକୁ ଉପଯୋଗ କରି ବ୍ୟବସାୟର ସମ୍ଭାବନାର ସମ୍ପୂର୍ଣ୍ଣ ଉପଯୋଗ କରିବାକୁ ହେବ। ରେଳ, ସଡ଼କ ପଥ, ଆକାଶ ପଥ, ସାମୁଦ୍ରିକ ଅର୍ଥନୀତିର ଓଡ଼ିଶା ରାଜ୍ୟରେ ଥିବା ସମ୍ଭାବନା କେବଳ ସାଢେ ୪ କୋଟି ଓଡ଼ିଆଙ୍କ ପାଇଁ ନୁହେଁ ବରଂ ସମଗ୍ର ପୂର୍ବ ଭାରତର ଆବଶ୍ୟକତାକୁ ପୂରଣ କରିବା ପାଇଁ। ଭାରତ ପାଇଁ ଏହି ଦଶକ ରୋରିଂ-୨୦ ହେବାକୁ ଯାଉଥିବା ବେଳେ ଓଡ଼ିଶା ବ୍ୟବସାୟ କ୍ଷେତ୍ରର ପେଣ୍ଠସ୍ଥଳୀ ହେବ, ଏହା ନିଃସନ୍ଦେହ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଶନିବାର ଦୈନିକ ଖବରକାଗଜ ଓଡ଼ିଶା ପୋଷ୍ଟ୍‌ ଏବଂ ଧରିତ୍ରୀ ପକ୍ଷରୁ ଆୟୋଜିତ ‘ବିଜନେସ୍ ଏମିନେନ୍ସ ଆୱାର୍ଡ୍ସ’ରେ ଯୋଗଦେଇ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ରାଜନୈତିକ ସ୍ବାର୍ଥ ପାଇଁ ନୁହେଁ ବରଂ ଲୋକଙ୍କ କଲ୍ୟାଣକୁ ପ୍ରାଥମିକତା ଦେବା ଦରକାର: ଧର୍ମେନ୍ଦ୍ର

ବିକାଶ ପାଇଁ ଡବଲ୍‌ ଇଞ୍ଜିନର ସରକାର ଦରକାର। ରାଜନୈତିକ ସ୍ୱାର୍ଥ ପାଇଁ ନୁହେଁ ବରଂ ଓଡ଼ିଶାର ସାଧାରଣ ନାଗରିକଙ୍କ କଲ୍ୟାଣ, ସମସ୍ତଙ୍କୁ ଟୀକା ଯୋଗାଇବା, ମୌଳିକ ସୁବିଧା ଦେବା, ଓବିସି ଓ ଏସଇବିସି ବର୍ଗଙ୍କୁ ସଂରକ୍ଷଣ ଦେବା ସରକାରଙ୍କ ପ୍ରାଥମିକତା ହେବା ଦରକାର। ପ୍ରଧାନମନ୍ତ୍ରୀ ମୋଦୀଙ୍କ ପ୍ରତି ଭାରତୀୟବାସୀଙ୍କ ବିଶ୍ୱାସନୀୟତା ବଢିଛି। ପଶ୍ଚିମବଙ୍ଗରେ ବିକାଶର ଦାୟିତ୍ୱ ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଭାରତ ସରକାର ନେଇଛନ୍ତି। ଆଜିର ଦିନରେ ଆମେ ପଶ୍ଚିମବଙ୍ଗରେ ଶତପ୍ରତିଶତ ସରକାର କରିବୁ ବୋଲି ଓଡ଼ିଆ ବୈଦ୍ୟୁତିକ ଗଣମାଧ୍ୟମ କନକ ନ୍ୟୁଜ ପକ୍ଷରୁ ଆୟୋଜିତ ‘ଓଡ଼ିଶା ନିର୍ମାଣ କନ୍‌କ୍ଲେଭର୍‌ ୫ମ ସଂସ୍କରଣ’ ଆଲୋଚନା କାର୍ଯ୍ୟକ୍ରମରେ ଯୋଗଦେଇ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ବିଜେପି ଇସ୍ତାହାର ପ୍ରକାଶ: ସରକାରୀ ଚାକିରିରେ ମହିଳାଙ୍କୁ ୩୩ ପ୍ରତିଶତ ସଂରକ୍ଷଣ ପ୍ରତିଶ୍ରୁତି

ଆଗାମୀ ପଶ୍ଚିମବଙ୍ଗ ନିର୍ବାଚନ ପାଇଁ ରବିବାର ଅପରାହ୍ନରେ ବିଜେପି ପକ୍ଷରୁ ନିର୍ବାଚନୀ ଇସ୍ତାହାର ପ୍ରକାଶ କରାଯାଇଛି। ଏହି ଇସ୍ତାହାରରେ ବିଜେପି ରାଜ୍ୟରେ କ୍ଷମତା ଦଖଲ ସକାଶେ ରାଜ୍ୟ ଭୋଟରମାନଙ୍କୁ ବିଭିନ୍ନ ପ୍ରକାର ପ୍ରତିଶ୍ରୁତି ଦେଇଛି। ଏହି ପ୍ରତିଶ୍ରୁତି ମଧ୍ୟରେ ପ୍ରମୁଖ ହେଉଛି, କ୍ଷମତାକୁ ଆସିଲେ ବିଜେପି ରାଜ୍ୟର ମହିଳାମାନଙ୍କୁ ସରକାରୀ ଚାକିରି କ୍ଷେତ୍ରରେ ୩୩ ପ୍ରତିଶତ ସଂରକ୍ଷଣ ସୁବିଧା ଦେବ। ଏହାଛଡ଼ା ରାଜ୍ୟରେ ନାଗରିକ ସଂଶୋଧନ ଆଇନ (ସିଏଏ) ଲାଗୁ କରିବା ସକାଶେ ବିଜେପି ପ୍ରତିଶ୍ରୁତି ଦେଇଛି। ସେହିପରି କ୍ଷମତା ଦଖଲ କରିବା ପରେ ପ୍ରଥମ କ୍ୟାବିନେଟ୍ ବୈଠକରେ ରାଜ୍ୟର ସମସ୍ତ ଜନସାଧାରଣଙ୍କୁ କେନ୍ଦ୍ର ସ୍ବାସ୍ଥ୍ୟ ବୀମା ଯୋଜନା ଆୟୁଷ୍ମାନ୍ ଯୋଜନାର ହିତାଧିକାରୀ ଭାବେ ଘୋଷଣା କରିବାକୁ ମଧ୍ୟ ଦଳ ଇସ୍ତାହାରରେ ପ୍ରତିଶ୍ରୁତି ଦେଇଛି। ‘ସୋନାର ବାଙ୍ଗଲା ସଂକଳ୍ପ ପତ୍ର ୨୦୨୧’ ଶୀର୍ଷକ ଏହି ନିର୍ବାଚନୀ ଇସ୍ତାହାରେ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ୍ ଶାହ ଓ ପଶ୍ଚିମବଙ୍ଗ ବିଜେପି ମୁଖ୍ୟ ଦିଲୀପ ଘୋଷ ପ୍ରକାଶ କରିଛନ୍ତି। ସେହିପରି ଏହି ସଂକଳ୍ପପତ୍ରରେ ଆହୁରି ମଧ୍ୟ ପ୍ରତିଶ୍ରୁତି ଦିଆଯାଇଛି ଯେ ଆଗାମୀ ନିର୍ବାଚନରେ ବିଜେପି ବହୁମତ ହାସଲ କରି ସରକାର ଗଠନ କଲେ, ରାଜ୍ୟର ମହିଶ୍ୟ, ତିଲି ଓ ଅନ୍ୟାନ୍ୟ ପଛୁଆ ବର୍ଗ ସଂପ୍ରଦାୟକୁ ସଂରକ୍ଷଣ କୋଟାରେ ସାମିଲ୍ କରାଯିବ।

ଅଧିକାରୀଙ୍କ ପରିବାରକୁ ଚିହ୍ନିପାରି ନ ଥିବାରୁ ନିଜକୁ ଗଧ ବୋଲି କହିଲେ ମମତା

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିଜକୁ ଗଧ ବୋଲି କହିଛନ୍ତି। ଟିଏମସି ଛାଡ଼ି ବିଜେପିରେ ଯୋଗ ଦେଇଥିବା ଶୁଭେନ୍ଦୁ ଅଧିକାରୀ ତାଙ୍କୁ ଆଗାମୀ ନିର୍ବାଚନରେ ନନ୍ଦିଗ୍ରାମରୁ ଟକ୍କର ଦେବାକୁ ଯାଉଛନ୍ତି। ତେବେ ପୂର୍ବ ମେଦିନିପୁର ଜିଲ୍ଲାର ଏହି ଶୁଭେନ୍ଦୁ ଅଧିକାରୀଙ୍କ ପରିବାରକୁ ଠିକ୍ ଭାବେ ଚିହ୍ନିପାରି ନ ଥିବାରୁ ମମତା ନିଜକୁ ଗଧ ବୋଲି କହିଛନ୍ତି। ପୂର୍ବରୁ ଶୁଭେନ୍ଦୁ ବିଜେପିରେ ଯୋଗ ଦେଇଥିବା ବେଳେ ରବିବାର ତାଙ୍କ ପିତା ଶିଶିର ଅଧିକାରୀ ମଧ୍ୟ ଏହି ଦଳରେ ଯୋଗ ଦେଇଛନ୍ତି। ଏପରି ସ୍ଥିତିରେ ଅଧିକାରୀ ପରିବାରକୁ ଠିକ୍ ଭାବେ ଚିହ୍ନିପାରି ନ ଥିବାରୁ ନିଜକୁ ଦୋଷୀ ବୋଲି କାନ୍ଥି ଦକ୍ଷିଣଠାରେ ଆୟୋଜିତ ଏକ ରାଲିରେ ଯୋଗଦେବା ଅବସରରେ ମମତା କହିଛନ୍ତି। ମମତା କହିଛନ୍ତି ଯେ ଅଧିକାରୀ ପରିବାର ପାଖାପାଖି ୫ ହଜାର କୋଟି ଟଙ୍କାର ଅର୍ଥ ଠୁଳ କରିଥିବା ଗୁଜବ ପ୍ରଚାର ହେଉଥିବା ତାଙ୍କ କାନକୁ ଆସିଛି। ଆଗାମୀ ନିର୍ବାଚନରେ ଟିଏମସି ବିଜୟ ଲାଭ କରି କ୍ଷମତା ବଜାୟ ରଖିବା ପରେ ସେ ଏହି ମାମଲାର ତଦନ୍ତ କରିବେ ବୋଲି ମୁଖ୍ୟମନ୍ତ୍ରୀ କହିଛନ୍ତି। ପଶ୍ଚିମବଙ୍ଗରେ ଅଧିକାରୀ ପରିବାରର ଅଧିକାଂଶ ସଦସ୍ୟ ବିଶେଷ ପ୍ରଭାବଶାଳୀ ପଦରେ ଅବସ୍ଥାପିତ ଅଛନ୍ତି। ସେମାନଙ୍କ ମଧ୍ୟରୁ କେତେକ ବିଜେପିରେ ଯୋଗଦେଇସାରିଥିବା ବେଳେ ଆଉ କେତେକ ଆଗାମୀ ଦିନରେ ଯୋଗଦେବା ଅପେକ୍ଷାରେ ଥିବା ଜଣାପଡ଼ିଛି।

ଦୁର୍ନୀତି ଅଭିଯୋଗ ପରେ ମହାରାଷ୍ଟ୍ର ଗୃହ ମନ୍ତ୍ରୀଙ୍କ ଇସ୍ତଫା ଦାବିକଲେ ଫଡନବୀସ

ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ ବିଜେପି ନେତା ଦେବେନ୍ଦ୍ର ଫଡ଼ନବୀସ ରବିବାର ମହାରାଷ୍ଟ୍ରର ଗୃହ ମନ୍ତ୍ରୀ ଭାବେ କାର୍ଯ୍ୟ କରୁଥିବା ଅନୀଲ ଦେଶମୁଖଙ୍କ ଇସ୍ତଫା ଦାବି କରିଛନ୍ତି। ତାଙ୍କ ବିରୋଧରେ ବରିଷ୍ଠ ପୋଲିସ୍ ଅଧିକାରୀ ପରମବୀର ସିଂହ ଦୁର୍ନୀତି ଅଭିଯୋଗ ଆଣିବା ପରେ ନୈତିକତା ଦ୍‌ଷ୍ଟିରୁ ସେ ଇସ୍ତଫା ଦେବା ଉଚିତ ବୋଲି ଫଡ଼ନବୀସ କହିଛନ୍ତି। ସେ କହିଛନ୍ତି ଯେ ଏହି ଅଭିଯୋଗର ତଦନ୍ତ ଠିକ୍ ଭାବେ ଆଦୌ ହୋଇପାରିବ ନାହିଁ। ଯେ ପର୍ଯ୍ୟନ୍ତ ମହାରାଷ୍ଟ୍ର ଗୃହ ମନ୍ତ୍ରୀ କ୍ଷମତାରେ ଅଛନ୍ତି, ସେ ପର୍ଯ୍ୟନ୍ତ ପରମବୀରଙ୍କ ଅଭିଯୋଗର ସତ୍ୟତା ପ୍ରମାଣିତ କରିବା କଷ୍ଟକର ବ୍ୟାପାର ହେବ। ତେଣୁ ନିରପେକ୍ଷ ଓ ଅବାଧ ତଦନ୍ତ ପାଇଁ ଦେଶମୁଖ ତାଙ୍କ ପଦବୀରୁ ଇସ୍ତଫା ଦେବା ଜରୁରୀ ବୋଲି ଫଡ଼ନବୀସ କହିଛନ୍ତି। ସେହିପରି ଫଡ଼ନବୀସ ଏନସିପି ମୁଖ୍ୟ ଶରଦ ପାୱାରଙ୍କ ଉପରେ ମଧ୍ୟ ବର୍ଷିଛନ୍ତି। ପରମବୀର ଦୁର୍ନୀତି ଅଭିଯୋଗ ଆଣିବା ପରେ ପାୱାର୍ ଦେଶମୁଖଙ୍କୁ ସମର୍ଥନ କରିଥିବାରୁ ଏହି ବରିଷ୍ଠ ନେତା ଜଣକ ସତ୍ୟଠାରୁ ଦୂରକୁ ପଳାୟନ ପାଇଁ ଉଦ୍ୟମ କରୁଛନ୍ତି ବୋଲି ଫଡ଼ନବୀସ କହିଛନ୍ତି।

ଚାଷୀମାନଙ୍କୁ ସମର୍ଥନ କରୁଥିବାରୁ ମୋଦୀ ସରକାର ମୋତେ ହଇରାଣ କରୁଛି: କେଜରିୱାଲ୍

ଦିଲ୍ଲୀ ସୀମାବର୍ତ୍ତୀ ଅଞ୍ଚଳରେ ୩ ମାସରୁ ଊର୍ଦ୍ଧ୍ବ ସମୟ ହେଲା ହଜାର ହଜାର ସଂଖ୍ୟାରେ ଚାଷୀ ଆନ୍ଦୋଳନ କରିଆସୁଥିବା ବେଳେ ସେମାନଙ୍କୁ ସମର୍ଥନ କରି ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ମୁଖ୍ୟ ଅରବିନ୍ଦ କେଜରିୱାଲ୍ ଏକାଧିକ ଥର ସେମାନଙ୍କ ସହ ଯୋଗ ଦେଇଛନ୍ତି। ରବିବାର ସେ ପଞ୍ଜାବରେ ଏକ କିସାନ୍ ମହାପଞ୍ଚାୟତରେ ଯୋଗ ଦେବା ସହ କେନ୍ଦ୍ର ସରକାରଙ୍କୁ ତିନିଟି ବିବାଦୀୟ କୃଷି ଆଇନ ପରିପ୍ରେକ୍ଷୀରେ ଘେରିବାକୁ ଉଦ୍ୟମ କରିଛନ୍ତି। ସେ କହିଛନ୍ତି ଯେ ଦେଶରେ ଚାଷୀ ଆନ୍ଦୋଳନ ଆରମ୍ଭ ହେବା ଦିନଠାରୁ ଏହାକୁ ସେ ସମର୍ଥନ କରିଆସୁଛନ୍ତି। ଏହି କାରଣରୁ କେନ୍ଦ୍ରରେ କ୍ଷମତାସୀନ ମୋଦୀ ସରକାର ତାଙ୍କୁ ଜାଣିଶୁଣି ହଇରାଣ ହରକତ କରୁଛି। ତାଙ୍କ ସରକାରର କ୍ଷମତା ହ୍ରାସ କରିବା ସକାଶେ କେନ୍ଦ୍ର ସରକାର ନିକଟରେ ସଂସଦରେ ଏକ ବିଲ୍ ମଧ୍ୟ ଆଗତ କରିଥିବା କେଜରିୱାଲ୍ ଅଭିଯୋଗ କରିଛନ୍ତି। ଦିଲ୍ଲୀ ସୀମାବର୍ତ୍ତୀ ଅଞ୍ଚଳରେ ଚାଷୀମାନେ ପହଞ୍ଚିବା ପରେ କେନ୍ଦ୍ର ସରକାର ଦିଲ୍ଲୀର ୯ଟି ପଡ଼ିଆକୁ ଅସ୍ଥାୟୀ ଜେଲରେ ପରିଣତ କରିବା ସକାଶେ ଷଡ଼ଯନ୍ତ୍ର କରିବା ସହ ସେଥିରେ ଚାଷୀମାନଙ୍କୁ ଭର୍ତ୍ତି କରିବା ସକାଶେ ଯୋଜନା କରିଥିଲା ବୋଲି କେଜରିୱାଲ୍ କହିଛନ୍ତି।

ଆଜି ଆସୁଛନ୍ତି ରାଷ୍ଟ୍ରପତି: ଗସ୍ତସୂଚୀ ପ୍ରସ୍ତୁତ
ପଶ୍ଚିମବଙ୍ଗରେ ମୋଦୀଙ୍କ ପ୍ରଚାର: ରାଜ୍ୟର ବିକାଶ ୫୫ ବର୍ଷ ତଳକୁ ଚାଲିଯାଇଛି

ପଶ୍ଚିମବଙ୍ଗରେ ଆସନ୍ତା ମାର୍ଚ୍ଚ ୨୭ ତାରିଖରେ ପ୍ରଥମ ପର୍ଯ୍ୟାୟ ନିର୍ବାଚନ ହେବାକୁ ଥିବା ବେଳେ ବିଜେପି ଓ ଟିଏମସି ନିଜର ପ୍ରଚାରକୁ ଜୋରଦାର କରିଛନ୍ତି। ଏହି କ୍ରମରେ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଶ୍ଚିମବଙ୍ଗର ଖଡ଼ଗପୁରଠାରେ ଆୟୋଜିତ ଏକ ନିର୍ବାଚନୀ ରାଲିରେ ମମତା ସରକାରକୁ କଡ଼ା ସମାଲୋଚନା କରି ଏହି ସରକାର ରାଜ୍ୟ ଜନସାଧାରଣଙ୍କ ପୀଡ଼ା ବଢ଼ାଇ ଚାଲିଛି। ରାଜ୍ୟରେ ଆଗାମୀ ନିର୍ବାଚନରେ ଭୋଟରମାନେ ବିଜେପିକୁ କ୍ଷମତାକୁ ଆଣିଲେ, ଏହି ଦଳ ଜନସାଧାରଣଙ୍କ ସବୁ ପୀଡ଼ା ହରଣ କରିବା ସହ ରାଜ୍ୟର ସମସ୍ତ ପ୍ରକାର ବିକାଶ କରିପାରିବ ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି। ‘ଅବ୍ କୀ ବାର୍ ମୋଦୀ ସରକାର’ ସ୍ଲୋଗାନ୍ ଦୋହରାଇବା ସହ ମୋଦୀ ‘ଅବ୍ କୀ ବାର୍, ପଶ୍ଚିମବଙ୍ଗରେ ବିଜେପି ସରକାର’ ବୋଲି କହିବା ସହ ଜନସାଧାରଣ ଏହି ଦଳ ଉପରେ ଭରସା ପ୍ରକଟ କରିବାକୁ ଆହ୍ବାନ ଦେଇଛନ୍ତି। ସେହିପରି ପଶ୍ଚିମବଙ୍ଗରେ ଅଦ୍ୟାବଧି ଶାସନ କରିଥିବା କଂଗ୍ରେସ, ବାମଦଳ ଓ ଟିଏମସି ମିଳିତ ଭାବେ ରାଜ୍ୟର ବିକାଶକୁ ୫୫ ବର୍ଷ ତଳକୁ ନେଇଯାଇଛନ୍ତି ବୋଲି ମଧ୍ୟ ମୋଦୀ କହିଛନ୍ତି।

ମମତାଙ୍କୁ ‘କୁଇନ୍‌ ଅଫ୍‌ ରିଗିଂ’ କହିଲେ ଶୁଭେନ୍ଦୁ
ମେଦିନୀପୁର ରାଲିରେ ଶିବରାଜଙ୍କ ଟାର୍ଗେଟରେ ଦିଦି

ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ପଶ୍ଚିମବଙ୍ଗର ମେଦିନୀପୁରରେ ଏକ ରାଲିରେ ତୃଣମୂଳ କଂଗ୍ରେସ (ଟିଏମସି) ଏବଂ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରିଛନ୍ତି। ଶିବରାଜ ମମତାଙ୍କୁ ଆକ୍ରମଣ କରି କହିଥିଲେ ଯେ, ମୋ ପାଇଁ ଦିଦିଙ୍କ ‘ଡି'’ର ଅର୍ଥ ହେଉଛି ଡିକ୍ଟେକ୍ଟର ବା ଏକଛତ୍ରବାଦୀ ଶାସକ, ‘ଆଇ’ର ଅର୍ଥ ଇନସେନ୍ସିଟିଭ ବା ଲୋକଙ୍କ ପ୍ରତି ଅସମ୍ବେଦନଶୀଳ,‘ଡି’ର ଅର୍ଥ ହେଉଛି ଡିଡ଼ ଅଫ ସ୍ପ୍ରେଡିଙ୍ଗ ଫିୟର ବା ଭୟ ବିସ୍ତାର କରିବାର କାର୍ଯ୍ୟ ଓ ‘ଆଇ’ ର ଅର୍ଥ ଇନକମ୍ପିଟେଣ୍ଟ ସିଏମ ବା ଅଯୋଗ୍ୟ ମୁଖ୍ୟମନ୍ତ୍ରୀ। ୧୯୦୬ ମସିହାରେ ବ୍ରିଟିଶମାନେ ପଶ୍ଚିମବଙ୍ଗକୁ ବିଭକ୍ତ କରିଥିଲେ ଏବଂ ବର୍ତ୍ତମାନ ମମତା ସୁନାର ପଶ୍ଚିମବଙ୍ଗକୁ ହିନ୍ଦୁ ଏବଂ ମୁସଲମାନରେ ବିଭକ୍ତ କରିଛନ୍ତି।

ଭୁବନେଶ୍ବରର ସମସ୍ୟା ନେଇ ୫ କେନ୍ଦ୍ରମନ୍ତ୍ରୀଙ୍କୁ ଭେଟିଲେ ଅପରାଜିତା


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ