ରାଜନୀତି

ଦୁର୍ଘଟଣା ପଛର କାର୍ପଟଦାର ବିଧାୟକ ସେନଗାର: ଉନ୍ନାଓ

ଦିଲ୍ଲୀ ଏମ୍ସରେ ଚିକିତ୍ସିତ ହେଉଥିବା ଉନ୍ନାଓ ଦୁଷ୍କର୍ମ ପୀଡ଼ିତା କହିଛନ୍ତି ଯେ ଗତ ଜୁଲାଇ ୨୮ ଦୁର୍ଘଟଣା ପଛରେ ମୁଖ୍ୟ ନାୟକ ହେଉଛନ୍ତି ତାଙ୍କୁ ଦୁଷ୍କର୍ମ କରିଥିବା ବିଧାୟକ କୁଲଦୀପ ସିଂହ ସେନଗାର। ଏନେଇ ପୀଡ଼ିତା ଏକ ପ୍ରମୁଖ ଗଣମାଧ୍ୟମ ସଂସ୍ଥାକୁ ଟେଲିଫୋନ୍‌ ଯୋଗେ କହିଥିବା ସୂଚନା ମିଳିଛି। ଜୁଲାଇ ୨୮ ଘଟଣାରେ ଉନ୍ନାଓ ଦୁଷ୍କର୍ମ ପୀଡ଼ିତା ଓ ତାଙ୍କ ଓକିଲ ଗୁରୁତର ଆହତ ହୋଇଥିଲା ବେଳେ ତାଙ୍କର ଦୁଇ ଜଣ ମାଉସୀ ପ୍ରାଣ ହରାଇଥିଲେ। ଦୁର୍ଘଟଣା ଘଟିଲା ବେଳେ ତାଙ୍କ ଓକିଲ ନିଜେ ଗାଡ଼ି ଚଳାଉଥିଲେ। ଦୁର୍ଘଟଣାରେ ତାଙ୍କୁ ମାରିଦେବାକୁ ହୋଇଥିବା ଷଡ଼ଯନ୍ତ୍ର ଅନୁସାରେ ଟ୍ରକ୍‌ଟି ସିଧା ରାସ୍ତାରେ ଆସି ସାମ୍ନାପଟୁ ଧକ୍କା ଦେଇଥିଲା। ଗାଡ଼ି ଚଳାଉଥିବା ଓକିଲ କାର୍‌ଟିକୁ ରକ୍ଷା କରିବା ପାଇଁ ଚେଷ୍ଟା କରିଥିଲେ ବି ସଫଳ ହୋଇପାରି ନ ଥିଲେ।

ଶେଷରେ ତିହାର ଜେଲ୍‌ ଗଲେ ଚିଦାମ୍ବରମ୍‌

ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମ୍‌ ତିହାର ଜେଲ୍‌କୁ ନ ଯିବା ପାଇଁ କରିଥିବା ସମସ୍ତ ଉଦ୍ୟମ ବିଫଳ ହୋଇଛି। ଦିଲ୍ଲୀର ସ୍ବତନ୍ତ୍ର କୋର୍ଟ ଚିଦାମ୍ବରମ୍‌ଙ୍କୁ ସେପ୍ଟେମ୍ବର ୧୯ ପର୍ଯ୍ୟନ୍ତ ବିଚାର ବିଭାଗୀୟ ହାଜତରେ ରହିବା ପାଇଁ ନିର୍ଦେଶ ଦେବା ପରେ ତାଙ୍କୁ ତିହାର ଜେଲ୍‌କୁ ପଠାଇ ଦିଆଯାଇଛି। ଆଇଏନ୍‌ଏକ୍ସ ମିଡିଆ ସ୍କାମ ମାମଲାର ଶୁଣାଣି କରୁଥିବା ସ୍ପେଶାଲ ଜଜ୍‌ ଅଜୟ କୁମାର କୁହରଙ୍କ ଏପରି ନିର୍ଦେଶନାମା ପରେ ଚିଦାମ୍ବରମ ଶେଷରେ ତିହାର ଜେଲ୍‌ରେ ପ୍ରବେଶ କରିଛନ୍ତି। ମାତ୍ର ସ୍ବତନ୍ତ୍ର କୋର୍ଟ ଚିଦାମ୍ବରମଙ୍କୁ ତାଙ୍କ ଔଷଧ ସାଥିରେ ନେଇ ଯିବା ପାଇଁ ଅନୁମତି ଦେଇଛନ୍ତି। ଏଥିସହ ସେ ଜେଡ୍‌ ସୁରକ୍ଷା ବିତରେ ଆସୁଥିବାରୁ ତାଙ୍କ ପାଇଁ ସ୍ବତନ୍ତ୍ର ସୁରକ୍ଷା ବ୍ୟବସ୍ଥା କରିବାକୁ ମଧ୍ୟ ସ୍ପେଶାଲ ଜଜ୍‌ ନିର୍ଦେଶ ଦେଇଛନ୍ତି।

ପୁରୀ ପାଇଁ ୩ଟି ନୂଆ ପ୍ରକଳ୍ପକୁ ଅନୁମୋଦନ କଲେ ମୁଖ୍ୟମନ୍ତ୍ରୀ

ପୁରୀ ଐତିହ୍ୟ ନଗରୀ ପ୍ରକଳ୍ପ କାର୍ଯ୍ୟର ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଲୋକସେବା ଭବନଠାରେ ମୁଖ୍ୟମନ୍ତ୍ରୀ ଗୁରୁବାର ପ୍ରକଳ୍ପ କାର୍ଯ୍ୟର ଅଗ୍ରଗତି ନେଇ ସମୀକ୍ଷା କରିବା ସହ ନୂତନ ୩ଟି ପ୍ରକଳ୍ପକୁ ଅନୁମୋଦନ କରିଛନ୍ତି। ଏହି ୩ଟି ପ୍ରକଳ୍ପ ମଧ୍ୟରେ ଐତିହ୍ୟ ସୁରକ୍ଷା ଜୋନ୍, ରଘୁନନ୍ଦନ ଲାଇବ୍ରେରୀ ଓ ବାସଗୃହ ପ୍ରକଳ୍ପ ରହିଛି। ଲାଇବ୍ରେରୀ ଓ ବାସଗୃହ ପ୍ରକଳ୍ପ ପାଇଁ ୧୨୦ କୋଟି ଟଙ୍କା ବ୍ୟୟ କରାଯିବା ନେଇ ସ୍ଥିର କରାଯାଇଛି। ଏହି ସମୀକ୍ଷା ବୈଠକରେ ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା, ମୁଖ୍ୟ ଶାସନ ସଚିବ ଅସୀତ କୁମାର ତ୍ରିପାଠୀ, ଉନ୍ନୟନ କମିଶନର ସୁରେଶ ଚନ୍ଦ୍ର ମହାପାତ୍ର ଓ ପୂର୍ତ୍ତ ସଚିବ ଡକ୍ଟର କ୍ରିଷନ କୁମାରଙ୍କ ସହିତ ବିଭିନ୍ନ ବିଭାଗର ପ୍ରମୁଖ ସଚିବ ଓ ସଚିବମାନେ ଉପସ୍ଥିତ ଥିଲେ।

ଅରୁଣ ଜେଟଲୀଙ୍କ ସ୍ମୃତିରେ ସର୍ବଦଳୀୟ ଶ୍ରଦ୍ଧାଞ୍ଜଳି ସଭା

ପୂର୍ବତନ ଅର୍ଥମନ୍ତ୍ରୀ ତଥା ବିଜେପିର ବରିଷ୍ଠ ନେତା ଅରୁଣ ଜେଟ୍‌ଲୀଙ୍କ ସ୍ମୃତିରେ ବିଜେପି ପକ୍ଷରୁ ଅନୁଷ୍ଠିତ ହୋଇଛି ସାର୍ବଜନୀନ ଓ ସର୍ବଦଳୀୟ ଶ୍ରଦ୍ଧାଞ୍ଜଳି ସଭା। ଭୁବନେଶ୍ୱରରେ ଆୟୋଜିତ ଏହି ସଭାରେ ସବୁ ଦଳର ନେତାଙ୍କୁ ନିମନ୍ତ୍ରଣ କରାଯାଇଥିଲା। ଏଥିରେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବାଚସ୍ପତି ସୂର୍ଯ୍ୟନାରାୟଣ ପାତ୍ର, ବିଜେପି ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା ପ୍ରମୁଖ ଯୋଗ ଦେଇଥିଲେ। ସେହିପରି ବିଜେଡି ପକ୍ଷରୁ ଦେବୀ ମିଶ୍ର, ସୌମ୍ୟରଞ୍ଜନ ପଟ୍ଟନାୟକଙ୍କ ସହ ଦଳର ଅନ୍ୟ ନେତାମାନେ ମଧ୍ୟ ଯୋଗ ଦେଇଥିଲେ। କଂଗ୍ରେସ ପକ୍ଷରୁ ଶ୍ରୀକାନ୍ତ ଜେନା, ସୁରେଶ ରାଉତରାୟ, ଆର୍ଯ୍ୟ କୁମାର ଜ୍ଞାନେନ୍ଦ୍ର ପ୍ରମୁଖ ଉପସ୍ଥିତ ଥିଲେ। ରାଜ୍ୟ ବିଜେପି ପକ୍ଷରୁ ଦିବଂଗତ ନେତା ଜେଟ୍‌ଲୀଙ୍କ ସ୍ମୃତିରେ ଏହି ସଭା ଆୟୋଜନ କରାଯାଥିଲା।

ନିଆଁରେ ଘିଅ: ନବୀନଙ୍କ ନୂଆ ମିଡିଆ ଟିମ୍‌କୁ ନେଇ ଖଟ୍‌କା

ଓଡ଼ିଶାରେ ପଞ୍ଚମ ଥର ପାଇଁ ନବୀନ ପଟ୍ଟନାୟକଙ୍କ ନେତୃତ୍ବାଧୀନ ବିଜୁ ଜନତା ଦଳ (ବିଜେଡି) ସରକାର ଗଠନ କରିଥିଲେ ବି ଦଳ ଭିତରେ କୁହୁଳି ଚାଲିଛି ଅସନ୍ତୋଷର ନିଆଁ। ପୂର୍ବରୁ ମନ୍ତ୍ରିମଣ୍ଡଳ ଓ ବିଭିନ୍ନ ଦଳୀୟ ପଦ ପଦବୀରେ ଥଇଥାନ ନେଇ ବିଜେଡି ନେତାଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିବା ବେଳେ ଏବେ ନବୀନଙ୍କ ନୂଆ ମିଡିଆ ଟିମ୍‌ ଗଠନ ଏହି ଅସନ୍ତୋଷର ନିଆଁରେ ଘିଅ ଢାଳିବା ସଦୃଶ ହୋଇଛି। ନବଗଠିତ ନବୀନଙ୍କ ନୂଆ ମିଡିଆ ଟିମ୍‌ରେ ଦଳ ସମ୍ପର୍କରେ ଅନଭିଞ ଥିବା କେତେକ ଚେହେରାଙ୍କୁ ସାମିଲ କରାଯାଇଥିବା ବେଳେ ଜୁନିଅର ନେତାଙ୍କୁ ଅଧିକ ଗୁରୁତ୍ବ ପ୍ରଦାନ କରାଯାଇଛି। ଏହାକୁ ନେଇ ସିନିଅର ନେତାଙ୍କ ମୁହଁ ହାଣ୍ଡି ହୋଇଯାଇଛି। ପ୍ରକାଶ୍ୟରେ କେହି କିଛି କହିପାରୁ ନ ଥିଲେ ହେଁ ଦଳ ଭିତରେ ଏ ନେଇ ଚାପା ଗୁଞ୍ଜରଣ ସୃଷ୍ଟି ହୋଇଛି। ଏଣୁ ଏହା ଦଳ ପାଇଁ ଖଟ୍‌କା ହୋଇଛି ବୋଲି ଅନେକେ କହିବା ଆରମ୍ଭ କଲେଣି।

ବ୍ରିଟେନ୍‌କୁ କହିଲା ଭାରତ: ପାକିସ୍ତାନୀ ବର୍ବରତା ବିରୋଧରେ
ପିଭି ସିନ୍ଧୁଙ୍କୁ ସମ୍ବର୍ଦ୍ଧିତ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ବ୍ୟାଡମିଣ୍ଟନ୍ ଖେଳାଳି ତଥା ବିଶ୍ବ ବିଜୟିନୀ ପିଭି ସିନ୍ଧୁ ଓ ତାଙ୍କ ପିତା ପିଭି ରମଣଙ୍କୁ ନୂଆଦିଲ୍ଲୀରେ ଭେଟିଛନ୍ତି କେନ୍ଦ୍ର ପେଟ୍ରୋଲିୟମ୍‌ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏହି ଅବସରରେ ଧର୍ମେନ୍ଦ୍ର ସିନ୍ଧୁଙ୍କୁ ଦେଶର ଗୌରବ ବୋଲି ଅଭିହିତ କରିବା ସହ ବିଡବ୍ଲ୍ୟୁଏଫ୍ ବିଶ୍ୱ ଚାମ୍ପିଅନସିପ୍‌ରେ ସ୍ୱର୍ଣ୍ଣ ପଦକ ହାସଲ କରିବା ପାଇଁ ଅଭିନନ୍ଦନ ଜଣାଇ ତାଙ୍କୁ ସମ୍ବର୍ଦ୍ଧିତ କରିଥିଲେ। ସିନ୍ଧୁ ଏବଂ ତାଙ୍କ ପିତାଙ୍କୁ ମହାପ୍ରଭୁ ଜଗନ୍ନାଥଙ୍କ ନବକଳେବର ଅବସରରେ ଭାରତ ସରକାରଙ୍କ ଦ୍ୱାରା ଜାରି ହୋଇଥିବା ସ୍ମାରକ ମୁଦ୍ରା ଓ ଏକ ଓଡ଼ିଆ ଶାଲ୍ ଉପହାର ସ୍ୱରୂପ ପ୍ରଦାନ କରିଥିଲେ। ଏହାବ୍ୟତିତ ଧର୍ମେନ୍ଦ୍ର ସିନ୍ଧୁଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିବା ସହ ୨୦୨୦ ଅଲମ୍ପିକ୍ସ ପ୍ରତିଯୋଗିତା ପାଇଁ ଶୁଭକାମନା ଜଣାଇଥିଲେ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ