ରାଜନୀତି

ଦିଲ୍ଲୀ ବିଜେପି ମୁଖ୍ୟ ମନୋଜ ତିୱାରୀଙ୍କ ଇସ୍ତଫା ଘୋଷଣା

ଦିଲ୍ଲୀ ନିର୍ବାଚନରେ ବିଜେପିକୁ ଲାଗିଛି ବଡ଼ ଝଟକା। ୨୧ ବର୍ଷ ପରେ ଦିଲ୍ଲୀରେ ଶାସନ କ୍ଷମତା ହାତେଇବାକୁ ଆଶା ରଖିଥିବା ବିଜେପିକୁ ନିରାଶ ହେବାକୁ ପଡ଼ିଛି। ମଙ୍ଗଳବାର ଦିଲ୍ଲୀ ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇଥିବା ବେଳେ ଏଥିରେ ଆପ୍‌କୁ ୬୨ଟି ଆସନ ସହ ସ୍ପଷ୍ଟ ବହୁମତ ମିଳିଥିବା ବେଳେ ୮ଟି ଆସନ ସହ ବିଜେପି ଦ୍ବିତୀୟ ସ୍ଥାନରେ ରହିଛି। ସେହିଭଳି ଆପ୍ ପୂର୍ବରୁ ଏଠାରେ କ୍ଷମତାରେ ଥିବା କଂଗ୍ରେସ ଚଳିତ ଥର ମଧ୍ୟ ଖାତା ଖୋଲିପାରିନି। ଦଳର ଶୋଚନୀୟ ପରାଜୟ ପରେ ଦିଲ୍ଲୀର ବିଜେପି ପ୍ରଦେଶ ଅଧ୍ୟକ୍ଷ ମନୋଜ ତିଓ୍ବାରୀ ଦଳରୁ ଇସ୍ତଫା ଦେବା ପାଇଁ ଘୋଷଣା କରିଛନ୍ତି। ଦଳର ଏହି ପରାଜୟ ପାଇଁ ସେ ନିଜକୁ ଦାୟୀ କରିବା ସହ ବୁଧବାର ବିଜେପି ଅଧ୍ୟକ୍ଷ ଜେ.ପି. ନଡ୍ଡାଙ୍କ ପାଖକୁ ଏକ ଇସ୍ତଫା ପତ୍ର ପଠାଇଥିଲେ। କିନ୍ତୁ ତାଙ୍କର ଏହି ଇସ୍ତଫା ପତ୍ରକୁ ଭାଜପା ହାଇକମାଣ୍ଡ ଗ୍ରହଣ ନ କରିବା ସହ ନିଜ ପଦରେ ରହିବାକୁ ତିୱାରୀଙ୍କୁ ନିବେଦନ କରିଥିବା ଜଣାପଡ଼ିଛି।

ଡ୍ରେନେଜ୍‌ ପାଇଁ ମାଷ୍ଟର୍‌ ପ୍ଲାନ୍‌ କରିବାକୁ ଚିଠି ଲେଖିଲେ
କେଜରିୱାଲଙ୍କ ବିଜୟରେ କଂଗ୍ରେସ ଖୁସି, ଅଣବିଜେପି ଦଳରୁ

ଦିଲ୍ଲୀବାସୀ ଆପ୍‌କୁ ପୁଣି ଥରେ କ୍ଷମତାରେ ରହିବା ପାଇଁ ଜନାଦେଶ ଦେବା ପରେ ଏହାକୁ ନେଇ ଜାତୀୟ ରାଜନୈତିକ ଦୃଶ୍ୟପଟ୍ଟ ମଧ୍ୟ ଉଷ୍ମ ହୋଇଛି। ଏହି ମଉକାରେ କେତେକ ଅଣବିଜେପି ଦଳ କେଜରିୱାଲଙ୍କୁ ବଧେଇ ଜଣାଇବା ସହ ବିଜେପି ଉପରେ ରାଗ ସୁଝାଇବାକୁ ପଛାଇ ନାହାନ୍ତି। କିନ୍ତୁ ଆଶ୍ଚର୍ଯ୍ୟର କଥା ଯେ ଦିଲ୍ଲୀ ରେଜଲ୍ଟ ସମ୍ପୂର୍ଣ୍ଣ ପ୍ରକାଶ ପାଇବା ପୂର୍ବରୁ କଂଗ୍ରେସର ବରିଷ୍ଠ ନେତା ଅଧିର ରଞ୍ଜନ ଚୌଧୁରୀ କେଜରିୱାଲଙ୍କୁ ବଧେଇ ଜଣାଇବା ସହ ଆପ୍‌ର ବିଜୟରେ ଖୁସି ବୋଲି ଚୌଧୁରୀ କହିଥିଲେ। ଦିଲ୍ଲୀରେ ବିଜେପି ହାରିବା ଦରକାର ଥିଲା। ଏହା କେଜରିୱାଲଙ୍କ ଜରିଆରେ ସମ୍ଭବ ହୋଇଥିବାରୁ ଆମେ ଖୁସି ବୋଲି କହିଥିଲେ। ଯାହାକୁ ନେଇ ପରବର୍ତ୍ତୀ ପର୍ଯ୍ୟାୟରେ ବିଜେପି ପକ୍ଷରୁ ତାଚ୍ଛଲ୍ୟ କରାଯାଇଥିଲା। ସୂଚନାନୁସାରେ ଦିଲ୍ଲୀ କଂଗ୍ରେସ ମୁଖ୍ୟ ସୁଭାଷ ଚୋପ୍ରା ଦଳର ପରାଜୟ ପାଇଁ ନିଜକୁ ଦାୟୀ କରି ତାଙ୍କ ପଦରୁ ଇସ୍ତଫା ଦେଇଥିବା ସୂଚନା ମିଳିଛି।

ଧନୀ ତାଲିକାରେ ମୁଖ୍ୟମନ୍ତ୍ରୀ ଆଗରେ, ତୁଷାରକାନ୍ତି ସବୁଠୁ
ଆବାସ ଘୋଟାଲା: କେନ୍ଦ୍ରମନ୍ତ୍ରୀଙ୍କ ଠାରେ ଫେରାଦ ହେଲେ

ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ବଣ୍ଟନରେ ବ୍ୟାପକ ଅନିୟମିତତା ହୋଇଛି। ଯୋଗ୍ୟ ହିତାଧିକାରୀଙ୍କୁ ବାଦ ଦିଆଯାଇ ବଡ଼ବଡ଼ିଆଙ୍କୁ ଘର ବଣ୍ଟା ଯାଇଛି। ଯାହାକୁ ନେଇ ବାରମ୍ବାର ଅଭିଯୋଗ କରି ଆସିଛି ବିଜେପି। ଏହି ପ୍ରସଙ୍ଗକୁ ନେଇ ଓଡ଼ିଶାର ବିଜେପି ସାଂସଦମାନେ କେନ୍ଦ୍ର ପଞ୍ଚାୟତିରାଜ ମନ୍ତ୍ରୀଙ୍କ ନିକଟରେ ଫେରାଦ ହୋଇଛନ୍ତି। କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ରାଜ୍ୟର ବିଜେପି ସାଂସଦମାନେ କେନ୍ଦ୍ର ପଞ୍ଚାୟତିରାଜ ମନ୍ତ୍ରୀ ନରେନ୍ଦ୍ର ସିଂହ ତୋମାରଙ୍କୁ ଭେଟି ତାଙ୍କର ହସ୍ତକ୍ଷେପ ଲୋଡ଼ିଛନ୍ତି। କେନ୍ଦ୍ର ସରକାରଙ୍କ ଗାଇଡ୍‌ଲାଇନ୍ ଅନୁସାରେ ରାଜ୍ୟ ସରକାର ହିତାଧିକାରୀ ତାଲିକା ପ୍ରସ୍ତୁତ କରିବା ସହ ପ୍ରଧାନମନ୍ତ୍ରୀ ଆବାସ ଯୋଜନାରେ ଯେଉଁ ଘର ବଣ୍ଟନ କରୁଛନ୍ତି ତାହାକୁ କେନ୍ଦ୍ର ସରକାରଙ୍କ ଯୋଜନା ନାଁରେ ବଣ୍ଟନ କରିବାକୁ ସେମାନେ ଦାବି କରିଛନ୍ତି। ସେହିପରି ରାଜ୍ୟରେ ଅଯୋଗ୍ୟ ହିତାଧିକାରୀଙ୍କୁ ଘର ବଣ୍ଟନ ପାଇଁ ଅର୍ଥ ଯୋଗାଇଦେବା ମାମଲାର ତଦନ୍ତ କରିବା ପାଇଁ ଅଧିକାରୀଙ୍କୁ ନିର୍ଦେଶ ଦେବାକୁ ବିଜେପିର ସାଂସଦମାନେ ଦାବି କରିଛନ୍ତି।

ପତ୍ନୀଙ୍କୁ ’ବିଜୟ’ ଉପହାର ଦେଲେ କେଜରିୱାଲ୍‌, ୧୪ରେ

ଚଳିତ ଦିଲ୍ଲୀ ବିଧାନସଭା ନିର୍ବାଚନରେ ୭୦ରୁ ୬୩ଟି ଆସନରେ ବିଜୟ ପକ୍କା କରି ତୃତୀୟ ଥର ପାଇଁ ସରକାର ଗଠନ କରିବା ପାଇଁ ଯୋଗ୍ୟ ବିବେଚିତ ହୋଇଛି ଆପ୍‌। ଦଳର ମୁଖ୍ୟ ତଥା ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍‌ ଦିଲ୍ଲୀବାସୀଙ୍କୁ ପୁଣିଥରେ ତାଙ୍କ ଉପରେ ଭରସା ବ୍ୟକ୍ତ କରିଥିବାରୁ ଧନ୍ୟବାଦ ଜଣାଇଛନ୍ତି। ଏଥିସହ କେଜରିୱାଲ୍‌ ପତ୍ନୀ ସୁନୀତାଙ୍କୁ ଜନ୍ମଦିନରେ ସବୁଠାରୁ ବଡ଼ ଉପହାର ଦେଇଛନ୍ତି। ନିର୍ବାଚନରେ ବିଜୟୀ ହୋଇ ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ହେବା ସୁନିଶ୍ଚିତ କରିବା ତାଙ୍କ ପାଇଁ ସବୁଠାରୁ ବଡ଼ ଓ ସ୍ମରଣୀୟ ଉପହାର ବୋଲି ସୁନୀତା କହିଛନ୍ତି। ଏହି ବିଜୟର ଶ୍ରେୟ କେଜରିୱାଲ୍‌ ଦେଶବାସୀଙ୍କୁ ଦେଇଥିବା ବେଳେ ଆସନ୍ତା ଫେବ୍ରୁଆରୀ ୧୪ ତାରିଖରେ ସେ ମୁଖ୍ୟମନ୍ତ୍ରୀ ଭାବେ ଶପଥ ନେବାର ଯଥେଷ୍ଟ ସମ୍ଭାବନା ରହିଛି। ଗତ ୨୦୧୫ ନିର୍ବାଚନରେ ଦଳ ଅବିଶ୍ବସନୀୟ ବିଜୟ ହାସଲ କରିବା ସହ ୬୭ଟି ଆସନ ପାଇଥିଲା। ସେତେବେଳେ ଫେବ୍ରୁଆରୀ ୧୪ ତାରିଖରେ କେଜରିୱାଲ୍‌ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ। ତେଣୁ ଚଳିତ ଥର ମଧ୍ୟ ସେ ଉକ୍ତ ତାରିଖରେ ହିଁ ଦିଲ୍ଲୀ ସିଂହାସନରେ ବସିବେ ବୋଲି ଚର୍ଚ୍ଚା ହେଉଛି।

ବହୁମତ ପାଇଁ ଦିଲ୍ଲୀବାସୀଙ୍କୁ କେଜରିୱାଲ୍‌ ଓ ସିସୋଦିଆଙ୍କ

ଦିଲ୍ଲୀ ବିଧାନସଭା ନିର୍ବାଚନରେ ପୁଣିଥରେ ବାଜିମାତ୍‌ କରିଛି ଆପ୍‌। ଏହି ଦଳ ତୃତୀୟ ଥର ପାଇଁ କ୍ଷମତା ହାସଲ କରିବାରେ ସକ୍ଷମ ହୋଇଛି। ମଙ୍ଗଳବାର ନିର୍ବାଚନ ଫଳାଫଳ ପ୍ରକାଶ ପାଇଥିବା ବେଳେ ଏଥିରେ ଆପ୍‌ ସପକ୍ଷରେ ୬୩ଟି ଆସନ ଯିବାକୁ ଥିବା ବେଳେ ବିରୋଧୀ ବିଜେପିକୁ ୭ଟି ଆସନ ମିଳିବା ନିଶ୍ଚିତ ହୋଇଛି। ଶେଷ ରିପୋର୍ଟ ହସ୍ତଗତ ହେବା ବେଳକୁ ଆପ୍‌ ପ୍ରାର୍ଥୀ ୫୪ଟି ଆସନରେ ବିଜୟ ଲାଭ କରିସାରିଥିବା ବେଳେ ୯ଟି ଆସନରେ ଆଗୁଆ ଅଛନ୍ତି। ସେହିପରି ବିଜେପି ୫ଟି ଆସନରେ ବିଜୟ ହାସଲ କରିସାରିଛି ଓ ଏବେ ବି ଦୁଇ ଜଣ ପ୍ରାର୍ଥୀ ସେମାନଙ୍କ ପ୍ରତିଦ୍ବନ୍ଦ୍ବୀ ପ୍ରାର୍ଥୀଙ୍କଠାରୁ ଆଗରେ ଅଛନ୍ତି। ତେବେ ଗତ ୨୦୧୫ ପରି ଏଥର ମଧ୍ୟ କଂଗ୍ରେସ ଖାତା ଖୋଲିବାରୋ ବିଫଳ ରହିଛି। ଦିଲ୍ଲୀବାସୀ ପୁଣିଥରେ ଆପ୍‌ ଉପରେ ଭରସା ପ୍ରକଟ କରିଥିବାରୁ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍‌ ଓ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ସେମାନଙ୍କୁ ବଧେଇ ଜଣାଇଛନ୍ତି।

ଦିଲ୍ଲୀରେ ବିଜେପିର ବିଫଳତା ପାଇଁ ନିଜକୁ ଦାୟୀ କଲେ ତିୱାରୀ

ମଙ୍ଗଳବାର ଦିଲ୍ଲୀ ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇବା ପରେ ଆପ୍‌ ତୃତୀୟ ଥର ପାଇଁ କ୍ଷମତା ବଜାୟ ରଖିପାରିଛି। ନିର୍ବାଚନ ପରେ ଏକ୍‌ଜିଟ୍‌ ପୋଲ୍‌ରେ କେଜରିୱାଲ୍‌ଙ୍କୁ ସ୍ପଷ୍ଟ ବହୁମତ ମିଳିବ ବୋଲି ନିଶ୍ଚିତ ହୋଇଥିଲେ ହେଁ ଏହା ଭୁଲ୍‌ ପ୍ରମାଣିତ ହେବ ବୋଲି ଦିଲ୍ଲୀ ବିଜେପି ମୁଖ୍ୟ ମନୋଜ ତିୱାରୀ ଦୃଢ଼ୋକ୍ତି ପ୍ରକାଶ କରିଥିଲେ। କିନ୍ତୁ ଏକ୍‌ଜିଟ୍‌ ପୋଲ୍‌ ଫଳାଫଳ ଦିଲ୍ଲୀରେ ପୁଣିଥରେ ସତ୍ୟ ପ୍ରମାଣିତ ହୋଇଛି। ତେବେ ଦିଲ୍ଲୀବାସୀଙ୍କ ମତାମତକୁ ବିଜେପି ଗ୍ରହଣ କରୁଛି ଓ ଏହା ବିଧାନସଭାରେ ସକାରାତ୍ମକ ପ୍ରଦର୍ଶନ କରିବ ବୋଲି ତିୱାରୀ କହିଛନ୍ତି। ନିର୍ବାଚନ ଫଳାଫଳ ସ୍ପଷ୍ଟ ହେବା ପରେ ଏଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ତିୱାରୀ କେଜରିୱାଲ୍‌ଙ୍କୁ ବଧେଇ ଜଣାଇବା ସହ ସେ ଦିଲ୍ଲୀବାସୀଙ୍କ ମଙ୍ଗଳ ପାଇଁ କାର୍ଯ୍ୟ କରିବେ ବୋଲି ଆଶା କରିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ