ରାଜନୀତି

ବିଜେଡି ସଭାପତି ପଦ ପାଇଁ ନାମାଙ୍କନ ଭରିଲେ ନବୀନ

ଜାରି ରହିଛି ବିଜେଡ଼ିର ସାଙ୍ଗଠନିକ ନିର୍ବାଚନ ପ୍ରକ୍ରିୟା। ଜିଲ୍ଲା ସଭାପତିଙ୍କ ନାମ ଘୋଷଣା ପରେ ଦଳର ସଭାପତି ପଦପାଇଁ ନିର୍ବାଚନ ହେବାକୁ ଯାଉଛି। ରବିବାର ବିଜୁ ଜନତା ଦଳର ସଭାପତି ପଦ ପାଇଁ ନାମାଙ୍କନ ପତ୍ର ଦାଖଲ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। କେବଳ ଔପଚାରିକ ଭାବେ ନବୀନ ନାମାଙ୍କନ ଭରିଛନ୍ତି। ପୁଣି ଥରେ ଅପ୍ରତିଦ୍ୱନ୍ଦ୍ୱୀ ଭାବେ ବିଜେଡି ସଭାପତି ନିର୍ବାଚିତ ହେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ହେଲେ ସାମ୍ବିଧାନିକ ନିୟମ ଅନୁସାରେ ଏହି ନିର୍ବାଚନ କରିବାର ବିଧେୟ ରହିଛି। ଏହି ନିର୍ବାଚନ ପରିଚାଳନା କରିବା ପାଇଁ ଦଳ ତରଫରୁ ବରିଷ୍ଠ ନେତା ତଥା ବିଧାୟକ ପ୍ରତାପ ଦେବଙ୍କୁ ନିଯୁକ୍ତି ଦିଆଯାଇଛି। ଏଥର ମଧ୍ୟ ସେହିପରି ନବୀନ ପଟ୍ଟନାୟକ ସଭାପତି ହେବେ ବୋଲି ସମସ୍ତେ ଜାଣନ୍ତି। ଏଥିସହ ଲଗାତାର ଅଷ୍ଟମ ଥର ପାଇଁ ଦଳରେ ହେବ ତାଙ୍କର ରାଜାଭିଷେକ। ଆଜି ନବୀନ ପଟ୍ଟନାୟକ ନାମାଙ୍କନ ଭରିଥିବା ବେଳେ ଦଳର ୮୦ ଜଣ କାର୍ଯ୍ୟକାରିଣୀ ସଦସ୍ୟ ବି ନାମାଙ୍କନ ଭରିଛନ୍ତି। ନବୀନଙ୍କ ପାଇଁ ୧୦ ଜଣ ପ୍ରସ୍ତାବକ ଓ ସମର୍ଥକ ରହିଥିଲେ। ଦଳର ବରିଷ୍ଠ ନେତାମାନେ ଏହି ସମୟରେ ଉପସ୍ଥିତ ଥିବାର ଦେଖିବାକୁ ମିଳିଥିଲା। ଆସନ୍ତା ୨୬ ତାରିଖରେ ବିଜେଡିର ସଭାପତି ଘୋଷଣା କରାଯିବ।

ଓଡ଼ିଶାରେ ନୂଆ ଇତିହାସ ସୃଷ୍ଟି ହୋଇଛି: ମୋଦି
ଆୟରଲାଣ୍ଡ୍‌ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଲେ ମୂଳ

ଗତ ୨୦୧୭ରେ ପ୍ରଥମ ମୂଳ ଭାରତୀୟ ଭାବେ ଆୟରଲାଣ୍ଡ୍‌ର ପ୍ରଧାନମନ୍ତ୍ରୀ ହେବାର ସୌଭାଗ୍ୟ ଲାଭ କରିଥିଲେ ଲିଓ ଭାରାଦ୍‌କର। କିନ୍ତୁ ଗତ ୮ ତାରିଖରେ ଅନୁଷ୍ଠିତ ନିର୍ବାଚନରେ ତାଙ୍କ ଦଳକୁ ଶୋଚନୀୟ ପରାଜୟ ବରଣ କରିବାକୁ ପଡ଼ିଥିବାରୁ ସେ ତାଙ୍କ ପଦରୁ ଇସ୍ତଫା ଦେଇଛନ୍ତି। ନିକଟରେ ଶେଷ ହୋଇଥିବା ନିର୍ବାଚନର ଫଳାଫଳ ଆସିବା ପରେ ଦେଶରେ ଏକ ଝୁଲା ସରକାର ଗଠିତ ହୋଇଛି। ତେବେ ୪୧ ବର୍ଷୀୟ ଭାରାଦ୍‌କର ପରବର୍ତ୍ତୀ ସରକାର ଗଠନ ହେବା ପର୍ଯ୍ୟନ୍ତ ସାମୟିକ ଭାବେ ରାଷ୍ଟ୍ରପତି ଦାୟିତ୍ବରେ ରହିବେ ବୋଲି ଡବଲିନ୍‌ଠାରେ ବିଧିବଦ୍ଧ ଭାବେ ଘୋଷଣା କରାଯାଇଛି। ମେଣ୍ଟ ସରକାର ଗଠନ ପାଇଁ ୩ ସପ୍ତାହର ସମୟ ରହିଥିବା ବେଳେ ଏହି ସମୟ ଭିତରେ ଭାରାଦକର କୌଣସି ପ୍ରକାର ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେଇପାରିବେ ନାହିଁ।

ସାବରବତୀ ଆଶ୍ରମ ଯିବେନି ଟ୍ରମ୍ପ୍‌, ୯ କିମିକୁ କମିଲା ରୋଡ୍‌

ଆସନ୍ତା ୨୪ ତାରିଖରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ଭାରତ ଗସ୍ତରେ ଆସିବେ। ଏଠାରେ ସେ ନୂଆଦିଲ୍ଲୀରେ ପହଞ୍ଚିବା ପରେ ଗୁଜରାଟ ଗସ୍ତରେ ଯାଇ ସେଠାରେ ଏକାଧିକ କାର୍ଯ୍ୟକ୍ରମରେ ଯୋଗଦେବାର କାର୍ଯ୍ୟକ୍ରମ ରହିଛି। ଏହାଛଡ଼ା ଟ୍ରମ୍ପ୍‌ ଓ ତାଙ୍କ ପତ୍ନୀ ମେଲାନିଆ ତାଜମହଲ ମଧ୍ୟ ବୁଲି ଦେଖିବେ। ଏହା ଟ୍ରମ୍ପ୍‌ ଦମ୍ପତିଙ୍କର ପ୍ରଥମ ଭାରତ ଗସ୍ତ ହେବାକୁ ଥିବା ବେଳେ ଏଥିରୁ ଭାରତ ଦ୍ବିପାକ୍ଷିକ କୂଟନୈତିକ ଫାଇଦା ହାସଲ କରିବା ଲକ୍ଷ୍ୟରେ ରହିଛି। ତେଣୁ ଟ୍ରମ୍ପ୍‌ଙ୍କ ଭାରତ ଗସ୍ତକୁ ସ୍ମରଣୀୟ ଓ ଫଳପ୍ରଦ କରିବା ସକାଶେ ଭାରତ ସରକାର ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି। ତେବେ ଅହମଦବାଦରୁ ମୋଟେରା ଷ୍ଟାଡିୟମ୍‌ ପର୍ଯ୍ୟନ୍ତ ପାଖାପାଖି ୨୨ କିମିର ରୋଡ୍‌ ଶୋ’ ଆୟୋଜନର ପ୍ରସ୍ତାବ ଥିଲେ ହେଁ ଏହାକୁ ଶୁକ୍ରବାର ହ୍ରାସ କରାଯାଇଛି। କାରଣ ଟ୍ରମ୍ପ୍‌ଙ୍କ ପ୍ରଥମ କାର୍ଯ୍ୟସୂଚୀରେ ମହାତ୍ମା ଗାନ୍ଧିଙ୍କ ସାବରମତୀ ଆଶ୍ରମ ଗସ୍ତ କରିବାର କାର୍ଯ୍ୟକ୍ରମ ଥିଲେ ହେଁ ଏହାକୁ ବାତିଲ୍‌ କରିଦିଆଯାଇଛି। ତେଣୁ ଏହି ରୋଡ୍‌ ଶୋ’ର ଦୈର୍ଘ୍ୟକୁ ୨୨ରୁ ୯ କିମିକୁ କମାଇ ଦିଆଯାଇଛି। ଫଳସ୍ବରୂପ ଏବେ ଟ୍ରମ୍ପ୍‌ ଅହମଦାବାଦ ବିମାନବନ୍ଦରରୁ ଗାନ୍ଧିନଗରର କୋଟେଶ୍ବର ଦେଇ ସିଧାସଳଖ ମୋଟେରାରେ ପହଞ୍ଚିବେ।

ଅନୁ ହେଲେ ବେଗୁନିଆ ନିର୍ବାଚନ ମଣ୍ଡଳୀରୁ ସାଂସଦ ପ୍ରତିନିଧି

ଅନୁ ଚୌଧୁରୀଙ୍କୁ ମିଳିଛି ନୂଆ ନିଯୁକ୍ତି। ଅଣୁ ଏଣିକି ବେଗୁନିଆ ନିର୍ବାଚନ ମଣ୍ଡଳୀରୁ ସାଂସଦଙ୍କ ପ୍ରତିନିଧି ଭାବେ କାର୍ଯ୍ୟ କରିବେ ବୋଲି ଜଣାପଡ଼ିଛି। ଏନେଇ ସାଂସଦ ଅପରାଜିତା ଷଡ଼ଙ୍ଗୀ ଚିଠି ଲେଖି ଖୋର୍ଦ୍ଧା ଜିଲ୍ଲାପାଳଙ୍କୁ ଅବଗତ କରିଛନ୍ତି। ବେଗୁନିଆ ନିର୍ବାଚନମଣ୍ଡଳୀ ଅଧୀନରେ ଯେକୌଣସି କାର୍ଯ୍ୟକ୍ରମ ବା ବୈଠକରେ ଭୁବନେଶ୍ୱର ସାଂସଦଙ୍କ ପ୍ରତିନିଧି ଭାବରେ ଅନୁ ଚୌଧୁରୀ ଯୋଗ ଦେବେ ବୋଲି ଚିଠିରେ ଉଲ୍ଲେଖ ରହିଛି। ଏଥିସହ ପୂର୍ବରୁ ଏହି ପଦବୀରେ ଥିବା ବିଜେଡି ରାଜ୍ୟସଭା ସାଂସଦ ପ୍ରଶାନ୍ତ ନନ୍ଦଙ୍କ ପୁଅ ତଥା ବିଜେପି ବିଧାୟକ ପ୍ରାର୍ଥୀ ଋଷଭ ନନ୍ଦଙ୍କୁ ହଟାଇ ଦେଇଛନ୍ତି ଅପରାଜିତା। ତେବେ ତାଙ୍କ ନିଯୁକ୍ତିକୁ ୫ ମାସ ନ ପୁରୁଣୁ ତାଙ୍କୁ ହଟାଇଦେବା ନେଇ ଚର୍ଚ୍ଚା ଜୋର୍‌ ଧରିଛି।

ଜର୍ମାନୀ ବୈଦେଶିକ ମନ୍ତ୍ରୀଙ୍କ ସହ ଜୟଶଙ୍କରଙ୍କ ଆଲୋଚନା


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ