ବାଣିଜ୍ୟ ଓ ଅର୍ଥନୀତି

ଜାତି ଉଦ୍ଦେଶ୍ୟରେ ୩ ପେଟ୍ରୋଲିୟମ୍ ପ୍ରକଳ୍ପର ଲୋକାର୍ପଣ,

ଆଉ ମାତ୍ର ଅଳ୍ପ ଦିନ ପରେ ବିହାର ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହି ନିର୍ବାଚନରେ ବିଜେପି ସହଯୋଗୀ ଜେଡି(ୟୁ) ଓ ଲୋକ ଜନଶକ୍ତି ପାର୍ଟି (ଏଲଜେପି) ସହ ମେଣ୍ଟ କରି ଅବତୀର୍ଣ୍ଣ ହେଉଛି। ରବିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିହାରରେ ପେଟ୍ରୋଲିୟମ୍ ସେକ୍ଟର ସହ ଜଡ଼ିତ ତିନିଟି ପ୍ରକଳ୍ପର ଲୋକାର୍ପଣ କରିଛନ୍ତି। ଭିଡିଓ କନଫରେନ୍ସିଂ ମାଧ୍ୟମରେ ପ୍ରଧାନମନ୍ତ୍ରୀ ଏହି କାର୍ଯ୍ୟ ସମ୍ପନ୍ନ କରିବା ସହ ବିହାର ମୁଖ୍ୟମନ୍ତ୍ରୀ ତଥା ଆଗାମୀ ନିର୍ବାଚନରେ ରାଜ୍ୟର ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ରହିଥିବା ଜେଡି(ୟୁ) ମୁଖ୍ୟ ନୀତିଶ କୁମାରଙ୍କୁ ମଧ୍ୟ ପ୍ରଶଂସା କରିଛନ୍ତି। ରବିବାର ପ୍ରଧାନମନ୍ତ୍ରୀଙ୍କ କରକମଳରେ ଲୋକାର୍ପିତ ହୋଇଥିବା ତିନିଟି ପ୍ରକଳ୍ପ ହେଲା ପାରାଦୀପ-ହଳଦିଆ-ଦୁର୍ଗାପୁର ପାଇପଲାଇନ୍ ପ୍ରକଳ୍ପର ଦୁର୍ଗାପୁର-ବାଙ୍କା ସେକ୍ସନ୍ ଓ ଦୁଇଟି ଏଲପିଜି ବଟଲିଂ ପ୍ଲାଣ୍ଟ୍। ବିହାରରେ କଲ୍ୟାଣମୂଳକ କାର୍ଯ୍ୟକୁ କେନ୍ଦ୍ର ସରକାର ଅଗ୍ରାଧିକାର ଦେଇଆସୁଥିବା ବେଳେ ଇତିମଧ୍ୟରେ ପେଟ୍ରୋଲିୟମ୍ ଓ ଗ୍ୟାସ୍ ସେକ୍ଟର ସହ ଜଡ଼ିତ ୧୦ଟି ମେଗା ପ୍ରକଳ୍ପର ଶୁଭାରମ୍ଭ କରାଯାଇଛି। ଅଧିକନ୍ତୁ ସେଥି ମଧ୍ୟରୁ ୭ଟି ପ୍ରକଳ୍ପର କାର୍ଯ୍ୟ ଇତିମଧ୍ୟରେ ସମ୍ପୂର୍ଣ୍ଣ ହୋଇସାରିଛି। ସେହିପରି କେନ୍ଦ୍ର ସରକାର ବିହାରରେ ଏହିସବୁ ପ୍ରକଳ୍ପ ବାବଦରେ ୨୧ ହଜାର କୋଟି ଟଙ୍କା ଖର୍ଚ୍ଚ ପାଇଁ ମଧ୍ୟ ମଞ୍ଜୁରୀ ପ୍ରଦାନ କରିସାରିଛନ୍ତି ବୋଲି ମୋଦି କହିଛନ୍ତି।

ଆମାଜନ୍ ଓ ଫ୍ଲିପକାର୍ଟ ବିରୋଧରେ ପ୍ରଦୂଷଣ ଅଭିଯୋଗ

ଦେଶରେ ଅନଲାଇନ୍ ଶପିଙ୍ଗ୍ କ୍ଷେତ୍ରରେ ବେଶ୍ ଆଗରେ ଥିବା ଆମାଜନ୍ ଓ ଫ୍ଲିପ୍‌କାର୍ଟ ବିରୋଧରେ ପରିବେଶ ପ୍ରଦୂଷଣ ଅଭିଯୋଗ ରହିଥିବା ବେଳେ ଏହି ମାମଲାରେ ଜରିମାନା ଆଦାୟ କରିବା ସକାଶେ ନିର୍ଦେଶ ଦିଆଯାଇଛି। ଏହି ଦୁଇଟି ଅନଲାଇନ୍ ଶପିଙ୍ଗ୍ ସାଇଟ୍ ସେମାନଙ୍କ ଗ୍ରାହକମାନଙ୍କୁ ସାମଗ୍ରୀ ଡେଲିଭରି ଦେବା ବେଳେ ଅତ୍ୟଧିକ ମାତ୍ରାରେ ପ୍ଲାଷ୍ଟିକର ଉପଯୋଗ କରୁଥିବାରୁ ଏହା ପରିବେଶ ପ୍ରଦୂଷଣ କ୍ଷେତ୍ରରେ ଗୁରୁତ୍ବପୂର୍ଣ୍ଣ ଭୂମିକା ବହନ କରୁଛି। ତେଣୁ ଏପରି ଭୁଲ୍ ପଦକ୍ଷେପ ପାଇଁ ଉଭୟ ଅନଲାଇନ୍ ଶପିଙ୍ଗ୍ ପ୍ଲାଟଫର୍ମଠାରୁ ଜୋରିମାନା ଆଦାୟ କରିବା ସକାଶେ ଜାତୀୟ ଗ୍ରୀନ୍ ଟ୍ରିବ୍ୟୁନାଲ୍ (ଏନଜିଟି) ପକ୍ଷରୁ କେନ୍ଦ୍ର ପରିବେଶ ନିୟନ୍ତ୍ରଣ ବୋର୍ଡ (ସିପିସିବି)କୁ ନିର୍ଦେଶ ଦିଆଯାଇଛି। ଉଭୟ କମ୍ପାନୀ ବିରୋଧରେ ପରିବେଶ ସଂକ୍ରାନ୍ତ ନିୟମର ଉଲ୍ଲଙ୍ଘନ କରିଥିବା ଅଭିଯୋଗ ରହିଛି। ଏନେଇ ଏନଜିଟି ଅଧ୍ୟକ୍ଷ ଜଷ୍ଟିସ୍ ଏକେ ଗୋଏଲଙ୍କ ନେତୃତ୍ବାଧୀନ ଏକ ଖଣ୍ଡପୀଠ କହିଛନ୍ତି ଯେ ସିପିସିବି ପକ୍ଷରୁ ଏକ ରିପୋର୍ଟ ଦାଖଲ କରାଯାଇଛି, ଯେଉଁଥିରେ ଉଭୟ କମ୍ପାନୀ ବିରୋଧରେ ନିର୍ଦ୍ଦିଷ୍ଟ ଆଇନ ଲାଗୁ ନ କରିବା ସକାଶେ ଗୋଟିଏ କି ଦୁଇଟି କାରଣ ଦର୍ଶାଯାଇଛି। କିନ୍ତୁ ପ୍ରତିଷେଧକ ପଦକ୍ଷେପ ସ୍ବରୂପ ସିପିସିବି ହେଉ ଅବା ସଂପୃକ୍ତ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ହେଉ, କେହି ବି ପ୍ରତିଷେଧକମୂଳକ ପଦକ୍ଷେପ ନେଇଥିବା ସମ୍ପର୍କରେ ଉଲ୍ଲେଖ କରିନାହାନ୍ତି।

ଭାରତକୁ ୟୁରିଆ ଉତ୍ପାଦନରେ ଆତ୍ମନିର୍ଭର କରିବ ତାଳଚେର

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବୁଧବାର ତାଳଚେର ସାର କାରଖାନା ଦ୍ୱାରା କାର୍ଯ୍ୟକାରୀ ହେଉଥିବା କୋଇଲା ଗ୍ୟାସିଫିକେସନ୍‌ ଓ ୟୁରିଆ ଉତ୍ପାଦନ ପ୍ରକଳ୍ପର ଅଗ୍ରଗତି ନେଇ କେନ୍ଦ୍ର କୋଇଲା ଓ ଖଣି ମନ୍ତ୍ରୀ ପ୍ରହ୍ଲାଦ ଯୋଶୀ, କେନ୍ଦ୍ର ସାର ଓ ରସାୟନ ମନ୍ତ୍ରୀ ଡି.ଭି ସଦାନନ୍ଦ ଗୌଡ ଏବଂ କେନ୍ଦ୍ର ସାର ଓ ରସାୟନ ରାଷ୍ଟ୍ରମନ୍ତ୍ରୀ ମନସୁଖଲାଲ ମାଣ୍ଡଭିୟଙ୍କ ସହ ଆଲୋଚନା କରିଛନ୍ତି। ଧର୍ମେନ୍ଦ୍ରତାଳଚେର ସାର ସାରଖାନା ପାଇଁ ଥିବା ଚ୍ୟାଲେଞ୍ଜ ଓ ଏହି ପ୍ରକଳ୍ପକୁ ଦ୍ରୁତ ଗତିରେ କାର୍ଯ୍ୟକ୍ଷମ କରିବା ନେଇ ତିନି ମନ୍ତ୍ରୀଙ୍କ ସହ ଆଲୋଚନା କରିଥିଲେ। ତାଳଚେର ସାର କାରଖାନା କାର୍ଯ୍ୟକ୍ଷମ ହେବା ପରେ ଏହା ଭାରତକୁ ୟୁରିଆ ଉତ୍ପାଦନରେ ଆତ୍ମନିର୍ଭର କରିବାରେ ସହାୟକ ହେବ ବୋଲି ଧର୍ମେନ୍ଦ୍ର କହିଛନ୍ତି।

ରପ୍ତାନୀ ପ୍ରସ୍ତୁତି ସୂଚକାଙ୍କ ତାଲିକାରେ ଓଡ଼ିଶା ୫ମ
ଓଡ଼ିଶାରେ ପର୍ଯ୍ୟଟନକୁ ବ୍ୟାପକ ଓ ବିକଶିତ କରିବ ମୋଦିଙ୍କ

ବନ୍ୟଜନ୍ତୁ ସଂରକ୍ଷଣ ଏବଂ ସହାବସ୍ଥାନ ଭାରତର ସାଂସ୍କୃତିକ ବୈଶିଷ୍ଟ୍ୟର ଏକ ଅଙ୍ଗ ଭାବେ ରହି ଆସିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଭାରତ ସରକାର ଜୈବ ବିବିଧତା ସଂରକ୍ଷଣ ପ୍ରତି ଅଧିକ ସମ୍ବେଦନଶୀଳ ଏବଂ ଏହାର ପ୍ରୋତ୍ସାହନ ଓ ସୁରକ୍ଷା ଦେବା ପାଇଁ ପ୍ରତିଶ୍ରୁତିବଦ୍ଧ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେହିପରି ଉତ୍ସର୍ଗୀକୃତ ବୃକ୍ଷରୋପଣ କାର୍ଯ୍ୟ ଯୋଗୁଁ ଓଡ଼ିଶାରେ ଦ୍ରୁତ ଗତିରେ ଜଙ୍ଗଲ ସଂଖ୍ୟା ବୃଦ୍ଧି ପାଇଛି। ଓଡ଼ିଶାରେ ସବୁଜବଳୟକୁ ବୃଦ୍ଧି କରିବା ପାଇଁ ଭାରତ ସରକାର ଅଭୁତପୂର୍ବ ସମର୍ଥନ ଦେଇଛନ୍ତି। କାମ୍ପା ପାଣ୍ଠି ଅଧୀନରେ କେନ୍ଦ୍ର ସରକାର ବୃକ୍ଷରୋପଣ କାର୍ଯ୍ୟକୁ ପ୍ରୋତ୍ସାହିତ କରିବା ପାଇଁ ଓଡ଼ିଶାକୁ ୫୯୩୩.୯୮କୋଟି ଟଙ୍କା ମଞ୍ଜୁର କରିଛନ୍ତି ବୋଲି କହିଛନ୍ତି ଧର୍ମେନ୍ଦ୍ର।

ଲୋନ୍ ମୋରାଟୋରିୟମ ନେଇ କେନ୍ଦ୍ରକୁ ସୁପ୍ରିମକୋର୍ଟଙ୍କ

ଲୋନ ମୋରାଟୋରିୟମ କୋହଳ ପ୍ରସଙ୍ଗରେ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଭର୍ତ୍ସନା କରିଛନ୍ତି। ସପ୍ତାହକ ମଧ୍ୟରେ ଏନେଇ ସରକାର ଆଭିମୁଖ୍ୟ ସ୍ପଷ୍ଟ କରିବା ପାଇଁ କହିଛନ୍ତି। ସେପ୍ଟେମ୍ବର ୧ରେ ପରବର୍ତ୍ତୀ ଶୁଣାଣି ନେଇ ମଧ୍ୟ ଦିନ ଧାର୍ଯ୍ୟ କରିଛନ୍ତି। ବୁଧବାର ଏନେଇ ହୋଇଥିବା ଶୁଣାଣି ବେଳେ ସର୍ବୋଚ୍ଚ କୋର୍ଟ ମୋରାଟୋରିୟମ ପିରିୟଡରେ ଇଏମଆଇ ଛାଡ଼ କରିଥିଲେ ବି ଏହି ସମୟ ମଧ୍ୟରେ ଋଣ ଗ୍ରହୀତାଙ୍କ ସୁଧ ଛାଡ଼ କରିବା ସକାଶେ କିଛି ସ୍ପଷ୍ଟ କରି ନାହାନ୍ତି। ଅର୍ଥାତ ବ୍ୟାଙ୍କ ମାନେ ବକେୟା ସୁଧ ଉପରେ ସୁଧ ନେବା ପାଇଁ ବାର୍ତ୍ତା ପଠାଇବା ଆରମ୍ଭ କରିଛନ୍ତି। ତେଣୁ ସୁପ୍ରିମକୋର୍ଟ କେନ୍ଦ୍ରକୁ ଭର୍ତ୍ସନା କରି କହିଛନ୍ତି ଯେ ଆପଣ ଏହି ମହାମାରୀ କାଳରେ ବ୍ୟବସାୟ କଥା ଚିନ୍ତା କରୁଛନ୍ତି ମାତ୍ର ଲୋକଙ୍କ ଦୁର୍ଦ୍ଦଶା ପ୍ରତି ଆଖି ବୁଜି ଦେଉଛନ୍ତି। ଯଦି ଇଏମଆଇ ଦେବା ବନ୍ଦ କରି ସୁଧ ଉପରେ ସୁଧ ନିଆଯାଏ, ଏହା ଦ୍ବାରା ଋଣ ଗ୍ରହୀତାଙ୍କର କୌଣସି ଉପକାର ହେବନି ବୋଲି କୋର୍ଟ କହିଛନ୍ତି।

ଗ୍ରାମୀଣ ଅର୍ଥନୀତିର ପୁନରୁଦ୍ଧାର ପାଇଁ ସ୍ବତନ୍ତ୍ର କୋଭିଡ୍‌

କୋରୋନା ମହାମାରୀରେ କ୍ଷତିଗ୍ରସ୍ଥ ହୋଇଥିବା ଗ୍ରାମାଞ୍ଚଳ ଜୀବନ ଜୀବିକାର ବିକାଶ ନିମନ୍ତେ ଘୋଷଣା ହୋଇଥିବା କୋଭିଡ-୧୯ ସହାୟତା ପ୍ୟାକେଜ୍‌କୁ ଅନୁମୋଦନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଗ୍ରାମାଞ୍ଚଳରେ ବସବାସ କରୁଥିବା ଗରିବ ଓ ଅତିଗରିବ ପରିବାର ତଥା ପ୍ରବାସୀ ଫେରନ୍ତାଙ୍କ ଜୀବିକା ବିକାଶ କରିବା ନିମନ୍ତେ ଚାରୋଟି ସ୍ୱତନ୍ତ୍ର ଆର୍ଥିକ ପ୍ୟାକେଜର୍‌ ବ୍ୟବସ୍ଥା କରାଯାଇଛି। ଯାହାକୁ ଅନୁମୋଦନ କରିଛନ୍ତି ମୁଖ୍ୟମନ୍ତ୍ରୀ। ଗ୍ରାମାଞ୍ଚଳରେ ବସବାସ କରୁଥିବା ଗରିବ ଓ ଅତିଗରିବ ପରିବାରମାନଙ୍କ ଜୀବିକା ବିକାଶ ପାଇଁ ରାଜ୍ୟ ସରକାରଙ୍କ ବିଭିନ୍ନ ବିଭାଗ ଯଥା ପଞ୍ଚାୟତିରାଜ ଓ ପାନୀୟ ଜଳ ବିଭାଗ, ଆଦିବାସୀ ଓ ହରିଜନ ଉନ୍ନୟନ ବିଭାଗ, ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ବିଭାଗ ଇତ୍ୟାଦି ଏହି ଦିଗରେ କାର୍ଯ୍ୟ କରିବେ ବୋଲି ଜଣାପଡ଼ିଛି। ଏହାଦ୍ୱାରା ଗ୍ରାମୀଣ ଅଣୁ ଏବଂ କ୍ଷୁଦ୍ର ଉଦ୍ୟୋଗ କୁଶଳୀ ଓ ଅର୍ଦ୍ଧକୁଶଳୀ ପ୍ରବାସୀ ଫେରନ୍ତା, କୃଷି ଏବଂ ଅଣ କୃଷିକ୍ଷେତ୍ରରେ କାର୍ଯ୍ୟ କରୁଥିବା ଉତ୍ପାଦକ ତଥା ଉଦ୍ୟୋଗଗୋଷ୍ଠୀମାନେ ଏହା ଦ୍ୱାରା ଉପକୃତ ହୋଇପାରିବେ ଯାହାକି ରାଜ୍ୟର ଆର୍ଥିକସ୍ଥିତିକୁ ସୁଦୃଢ଼ କରିପାରିବ ବୋଲି ଜଣାପଡ଼ିଛି।

ସେବା ଆରମ୍ଭ ପାଇଁ ଦିଲ୍ଲୀ ମେଟ୍ରୋ ରେଳ ପ୍ରସ୍ତୁତ, କେନ୍ଦ୍ର

କୋରୋନା ସଂକ୍ରମଣ କାରଣରୁ ପାଖାପାଖି ୫ ମାସ ହେଲା ବନ୍ଦ ରହିଥିବା ଦିଲ୍ଲୀ ମେଟ୍ରୋ ରେଳ ସେବା ଖୁବ୍‌ଶୀଘ୍ର ଆରମ୍ଭ କରାଯିବାର ଆବଶ୍ୟକତା ରହିଛି ବୋଲି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲ୍ କହିଥିଲେ। ରାଜଧାନୀରେ କ୍ରମଶଃ କୋରୋନାଜନିତ ସ୍ଥିତିରେ ସୁଧାର ଆସୁଥିବାରୁ କେନ୍ଦ୍ର ସରକାର ଏଥିପାଇଁ ଅନୁମତି ଦେବା ଉଚିତ ବୋଲି କେଜରିଓ୍ୱାଲ୍ ମତ ଦେଇଥିଲେ। ଦିଲ୍ଲୀ ମୁଖ୍ୟମନ୍ତ୍ରୀ ଏପରି ମତ ଦେବାର କେଇ ଘଣ୍ଟା ପରେ ସେବା ଚଳାଚଳ ଦାୟିତ୍ୱରେ ଥିତ୍ବା ଦିଲ୍ଲୀ ମେଟ୍ରୋ ରେଲ୍ କର୍ପୋରେସନ୍ (ଡିଏମ୍ଆରସି) ପକ୍ଷରୁ କୁହାଯାଇଛି ଯେ କୌଣସି ସମୟରେ ରେଳ ସେବା ଆରମ୍ଭ କରାଯିବା ସକାଶେ ଆମେ ପ୍ରସ୍ତୁତ ରହିଛୁ। କେବଳ କେନ୍ଦ୍ର ସରକାର ଏଥିପାଇଁ ଅନୁମତି ଦେବାର ଆବଶ୍ୟକତା ରହିଛି ବୋଲି ଡିଏମଆରସି ପକ୍ଷରୁ ଜାରି ଏକ ବିବୃତିରେ କୁହାଯାଇଛି।

ବନ ପ୍ରକଳ୍ପ ପାଇଁ ଖର୍ଚ୍ଚ ହେବ ୬୦୨ କୋଟି

ବିଭିନ୍ନ ପ୍ରକାର ବନ ପ୍ରକଳ୍ପ କାର୍ଯ୍ୟକାରୀ କରିବା ପାଇଁ ଚଳିତ ଆର୍ଥିକ ବର୍ଷରେ ରାଜ୍ୟ ସରକାର ୬୦୨ କୋଟି ଟଙ୍କା ବ୍ୟୟ କରିବେ। ବ୍ୟୟବରାଦ ହୋଇଥିବା ସମସ୍ତ ପ୍ରକଳ୍ପକୁ ମହାତ୍ମା ଗାନ୍ଧି ନରେଗା ସଂଯୋଜନ କମିଟି ପକ୍ଷରୁ ମଞ୍ଜୁରି ମିଳିସାରିଛି ବୋଲି ମନ୍ତ୍ରୀ ବିକ୍ରମ କେଶରୀ ଆରୁଖ କହିଛନ୍ତି। ଗତ ୨୦୧୯-୨୦ ଆର୍ଥିକ ବର୍ଷରେ ମହାତ୍ମା ଗାନ୍ଧି ନରେଗା ସଂଯୋଜନ କମିଟି ଦ୍ୱାରା ମଞ୍ଜରୀପ୍ରାପ୍ତ ପ୍ରକଳ୍ପଗୁଡ଼ିକୁ କାର୍ଯ୍ୟକାରୀ କରିବା ଦିଗରେ ୭୦ କୋଟି ଟଙ୍କା ବିନିଯୋଗ କରାଯାଇଥିଲା। ଚାରା ରୋପଣ, ଚାରା ଉତ୍ପାଦନ କେନ୍ଦ୍ରଗୁଡ଼ିକରେ ଚାରା ଉତ୍ପାଦନ, ମୃତ୍ତିକା ଆର୍ଦ୍ରତା ସଂରକ୍ଷଣ, ଜଙ୍ଗଲ ଚତୁଃପାର୍ଶ୍ବରେ ଟ୍ରେଞ୍ଚ ଖନନ, ମୂଲ୍ୟବାନ କାଠ ଉଦ୍ଧାର, ଜଙ୍ଗଲ ରାସ୍ତା ନିର୍ମାଣ ଆଦି ବନ ପ୍ରକଳ୍ପଗୁଡ଼ିକୁ ମହାତ୍ମା ଗାନ୍ଧି ନରେଗା ସଂଯୋଜନ କମିଟି ମଞ୍ଜୁରୀ ପ୍ରଦାନ କରିଥାଏ। ଚଳିତବର୍ଷ ପ୍ରଥମ ଥର ପାଇଁ ମହାତ୍ମା ଗାନ୍ଧି ନରେଗା ଯୋଜନାରେ ଜଙ୍ଗଲ ରାସ୍ତା ମରାମତି କାର୍ଯ୍ୟ ହାତକୁ ନିଆଯାଉଛି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ