ବାଣିଜ୍ୟ ଓ ଅର୍ଥନୀତି

ଆତ୍ମନିର୍ଭର ୟୁପି ରୋଜଗାର ଅଭିଯାନର ଶୁଭାରମ୍ଭ: ୧.୨୫

ଶୁକ୍ରବାର ପୂର୍ବାହ୍ନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆତ୍ମନିର୍ଭର ୟୁପି ରୋଜଗାର ଅଭିଯାନର ଶୁଭାରମ୍ଭ କରିଛନ୍ତି। ଏହି ଅଭିଯାନ ମାଧ୍ୟମରେ ସ୍ଥାନୀୟ ଉଦ୍ୟୋଗର ବିକାଶ ହେବା ସହ ବିଭିନ୍ନ ଔଦ୍ୟୋଗିକ ପ୍ରତିଷ୍ଠାନ ସହ ଭାଗିଦାରୀ ମାଧ୍ୟମରେ ନୂତନ ନିଯୁକ୍ତି ସ୍‌ଷ୍ଟି ହୋଇପାରିବ ବୋଲି ଲକ୍ଷ୍ୟ ରଖାଯାଇଛି। ଏହି ଅବସରରେ ରାଜ୍ୟ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବା ସହ ତାଙ୍କ ବକ୍ତବ୍ୟରେ କହିଛନ୍ତି ଯେ କୋରୋନା ଭୂତାଣୁ ସଂକ୍ରମଣ ରୋକିବା ସକାଶେ ଘୋଷଣା ହୋଇଥିବା ଲକଡାଉନ୍ କାରଣରୁ ଲକ୍ଷ ଲକ୍ଷ ପ୍ରବାସୀ ଶ୍ରମିକ ସେମାନଙ୍କ ରୋଜଗାର ହରାଇଥିବା ବେଳେ ସେମାନଙ୍କୁ ଏହି ଅଭିଯାନ ମାଧ୍ୟମରେ ନିଯୁକ୍ତି ଦିଆଯାଇପାରିବ। ଏହି ଅଭିଯାନ ମାଧ୍ୟମରେ ରାଜ୍ୟରେ ୧.୨୫ କୋଟି ନୂତନ ନିଯୁକ୍ତି ସୃଷ୍ଟି ହେବା ସହ ପ୍ରବାସୀ ଶ୍ରମିକମାନେ ଏହାଦ୍ବାରା ନିଶ୍ଚିତ ଭାବେ ଉପକୃତ ହୋଇପାରିବେ। ଲକଡାଉନ୍ କାରଣରୁ ରାଜ୍ୟକୁ ୩୫ ଲକ୍ଷରୁ ଊର୍ଦ୍ଧ୍ବ ପ୍ରବାସୀ ଶ୍ରମିକ ପ୍ରତ୍ୟାବର୍ତ୍ତନ କରିଛନ୍ତି। ସେହିପରି ଦକ୍ଷତା ବିକାଶ ନିମନ୍ତେ ୩୦ ଲକ୍ଷ ପ୍ରବାସୀ ଶ୍ରମିକମାନଙ୍କୁ ପ୍ରଶିକ୍ଷଣ ପ୍ରଦାନ କରାଯିବା ସହ ରୋଜଗାର ଯୋଗାଇ ଦିଆଯିବ ବୋଲି ଆଦିତ୍ୟନାଥ କହିଛନ୍ତି।

ଏଚୟୁଏଲର ନିଷ୍ପତ୍ତି: ‘ଫେୟାର୍ ଏଣ୍ଡ୍ ଲଭଲି’ରୁ ହଟିବ

ଦେଶର ଅନ୍ୟତମ ପ୍ରମୁଖ ବିଉଟି କ୍ରିମ୍ ଉତ୍ପାଦନକାରୀ କମ୍ପାନୀ ହିନ୍ଦୁସ୍ତାନ ୟୁନିଲିଭର୍ ଲିମିଟେଡ୍ (ଏଚୟୁଏଲ୍) ଏହାର ସର୍ବାଧିକ ଆଦ୍ରୁତ ବିଉଟି କ୍ରିମ୍ ‘ଫେୟାର୍ ଏଣ୍ଡ୍ ଲଭଲି’ରୁ ଖୁବଶୀଘ୍ର ‘ଫେୟାର୍’ ଶବ୍ଦକୁ ହଟାଯିବ ବୋଲି ଘୋଷଣା କରିଛି। କମ୍ପାନୀ ପକ୍ଷରୁ ‘ଫେୟାର’ ଶବ୍ଦର ଉପଯୋଗ ସୌନ୍ଦର୍ଯ୍ୟର ପ୍ରତୀକ ଭାବେ ବ୍ୟବହାର କରାଯାଉଛି। ଦେଶରେ ବିଭିନ୍ନ ରଙ୍ଗର ମହିଳା ଥିବା ବେଳେ କେବଳ ଗୋରା ରଙ୍ଗକୁ ଗୁରୁତ୍ବ ଦିଆଯିବା ପ୍ରସଙ୍ଗକୁ ଭାରତର କେତେକ ବର୍ଗ ପକ୍ଷରୁ ସମାଲୋଚନା କରାଯାଇଥିଲା। ଏହାକୁ ଦୃଷ୍ଟିରେ ରଖି ଏଚୟୁଏଲ୍ ପକ୍ଷରୁ ଫେୟାର୍ ଶବ୍ଦକୁ ହଟାଯିବା ସକାଶେ ନିଷ୍ପତ୍ତି ହୋଇଛି। ଏ ସଂକ୍ରାନ୍ତରେ ଏଚୟୁଏଲ୍ ପକ୍ଷରୁ ଜାରି ଏକ ବିବୃତିରେ କୁହାଯାଇଛି ଯେ ଅଧିକରୁ ଅଧିକ ବ୍ୟବହାରକାରୀଙ୍କ ନିକଟରେ ପହଞ୍ଚିବା ଦିଗରେ କମ୍ପାନୀର ଉଦ୍ୟମ ବଳବତ୍ତର ରହିଛି। ଏଥିପାଇଁ ‘ଫେୟାର୍ ଏଣ୍ଡ୍ ଲଭଲି’ରୁ ‘ଫେୟାର୍’ ଶବ୍ଦକୁ ହଟାଯିବ। ତେବେ ଏହି ବିଉଟି ପ୍ରଡକ୍ଟର ନୂଆ ନାମ ରେଗୁଲେଟୋରୀର ସ୍ବୀକୃତି ଅପେକ୍ଷାରେ ରହିଛି। ଆଗାମୀ କିଛି ମାସ ଭିତରେ ଏହା କାର୍ଯ୍ୟକାରୀ ହେବା ନେଇ ଏଚୟୁଏଲ୍ ଆଶାବାଦୀ ରହିଛି। ଏଥିସହ କମ୍ପାନୀ ସମସ୍ତ ବର୍ଗର ସ୍କିନ୍ ଟୋନକୁ ଗୁରୁତ୍ବ ଦେଉଛି ବୋଲି ମଧ୍ୟ ଏଚୟୁଏଲ୍ ପକ୍ଷରୁ କୁହାଯାଇଛି।

କୋଲକାତାରେ ‘ମେଡ୍ ଇନ୍ ଇଣ୍ଡିଆ’ ବ୍ୟାନର୍ ଲଗାଇଲା

ଚୀନ୍ ବିରୋଧରେ ସୀମା ବିବାଦ ତେଜିବା ପରେ ଭାରତରେ ଏହି ଦେଶର ଉତ୍ପାଦକୁ ବର୍ଜନ କରିବା ସକାଶେ କ୍ରମଶଃ ଦାବି ଜୋରଦାର ହେଉଛି। ଦେଶର ବ୍ୟବସାୟୀ ବର୍ଗ ଚୀନ୍ ତିଆରି ସାମଗ୍ରୀ ବର୍ଜନ ଉପରେ ଗୁରୁତ୍ବ ଦେବା ସହ ଚୀନକୁ ଆର୍ଥିକ ଭାବେ ଦୁର୍ବଳ କରିଦେବାକୁ ଆହ୍ବାନ ଦେଉଛନ୍ତି। ଏହି କ୍ରମରେ କୋଲକାତାରେ ଚୀନର ପ୍ରମୁଖ ମୋବାଇଲ୍ ହ୍ୟାଣ୍ଡସେଟ୍ ନିର୍ମାଣକାରୀ କମ୍ପାନୀ ସାଓମୀ ପକ୍ଷରୁ ଷ୍ଟୋର୍ ବାହାରେ ‘ମେଡ୍ ଇନ୍ ଇଣ୍ଡିଆ’ ବ୍ୟାନର୍ ଲଗାଯାଇଛି। ଏହି ବ୍ୟାନରରେ ସାଓମୀର ପାରମ୍ପରିକ ରଙ୍ଗ ଗେରୁଆ ବ୍ୟାକଗ୍ରାଉଣ୍ଡରେ ରହିଥିବା ବେଳେ ଇଂରାଜୀ ଭାଷାରେ ମେଡ୍ ଇନ୍ ଇଣ୍ଡିଆ ଲେଖାଯାଇଛି। ତେବେ ଏପରି ଏକ ବ୍ୟାନର୍ ଲଗାଯିବା ସମ୍ପର୍କରେ ଉକ୍ତ ଷ୍ଟୋର୍ ପକ୍ଷରୁ କମ୍ପାନୀରେ ଭାରତୀୟ କର୍ମଚାରୀଙ୍କୁ ଅଗ୍ରାଧିକାର ଭିତ୍ତିରେ ନିଯୁକ୍ତି ଦିଆଯିବା ସହ ଅଧିକାଂଶ ଉତ୍ପାଦ ଭାରତରେ ପ୍ରସ୍ତୁତ ହେଉଛି ବୋଲି କୁହାଯାଇଛି। କିନ୍ତୁ ଚୀନ୍ ସାମଗ୍ରୀ ବର୍ଜନ ପାଇଁ ଦିନକୁ ଦିନ ଆଭିମୁଖ୍ୟ ଜୋରଦାର ହେଉଥିବାରୁ ଏଥିରୁ ରକ୍ଷା ପାଇବା ସକାଶେ ଷ୍ଟୋର୍ ଏପରି ଏକ ଉଦ୍ୟମ କରୁଥିବା ମଧ୍ୟ ସୋସାଲ୍ ମିଡିଆରେ ଅନେକ ମତ ଦେଉଛନ୍ତି।

୨୦୨୦-୨୧ ଆର୍ଥିକ ବର୍ଷରେ କୌଣସି ନୂଆ ଯୋଜନା ଆରମ୍ଭ

ଆସନ୍ତା ୨୦୨୧ ମାର୍ଚ୍ଚ ପର୍ଯ୍ୟନ୍ତ କେନ୍ଦ୍ର ସରକାର କୌଣସି ନୂଆ ଯୋଜନାରେ ଅର୍ଥ ଖର୍ଚ୍ଚ କରିବେ ନାହିଁ। ଅର୍ଥାତ୍ ୨୦୨୦-୨୧ ଆର୍ଥିକ ବର୍ଷରେ କୌଣସି ପ୍ରକାର ନୂଆ ଯୋଜନା ଘୋଷଣା କରାଯିବ ନାହିଁ। କୋରୋନା ଭୂତାଣୁ ସଂକ୍ରମଣ କାରଣରୁ ଦେଶରେ ଲକଡାଉନ୍ ଜାରି ହୋଇଥିବା ବେଳେ ଏଥିରେ ସୁଧାର ପାଇଁ କେନ୍ଦ୍ର ସରକାର ଘୋଷଣା କରିଥିବା ପ୍ରଧାନମନ୍ତ୍ରୀ ଗରିବ କଲ୍ୟାଣ ପ୍ୟାକେଜ୍ ଓ ଆତ୍ମନିର୍ଭର ଭାରତ ଅଭିଯାନ ପ୍ୟାକେଜ ପାଇଁ କେନ୍ଦ୍ର ସରକାର ଅର୍ଥ ଦେବେ ବୋଲି ଶୁକ୍ରବାର କେନ୍ଦ୍ର ଅର୍ଥ ମନ୍ତ୍ରାଳୟ ପକ୍ଷରୁ ଜାରି ଏକ ବିଜ୍ଞପ୍ତିରେ ସ୍ପଷ୍ଟ ଭାବେ କୁହାଯାଇଛି। ଏହି ବିଜ୍ଞପ୍ତି ଅନୁସାରେ, ୨୦୨୦-୨୧ ଆର୍ଥିକ ବର୍ଷ ପାଇଁ ପୂର୍ବରୁ ୫ ଶହ କୋଟି ପର୍ଯ୍ୟନ୍ତ ଏସଏଫସି ପ୍ରସ୍ତାବକୁ ମଞ୍ଜୁରୀ ମିଳିଥିଲେ ମଧ୍ୟ ୨୦୨୧ ମାର୍ଚ୍ଚ ପର୍ଯ୍ୟନ୍ତ ସେସବୁକୁ ବାତିଲ୍ କରିଦିଆଯାଇଛି। ଏହାଛଡ଼ା ବର୍ତ୍ତମାନ ଜାରି ରହିଥିବା ବିଭିନ୍ନ ଯୋଜନାକୁ ୨୦୨୧-୨୨ରୁ ୨୦୨୫-୨୬ ଆର୍ଥିକ ବର୍ଷରେ ଜାରି ରଖାଯିବ କି ନାହିଁ, ସେନେଇ ପଞ୍ଚଦଶ ଅର୍ଥ କମିଶନ୍ ସୁପାରିସ୍ ଲାଗୁ ହେବା ଉପରେ ନିର୍ଭର କରିବ ବୋଲି ମଧ୍ୟ ଉକ୍ତ ବିଜ୍ଞପ୍ତିରେ କୁହାଯାଇଛି।

ଡାଲି ଜାତୀୟ ଶସ୍ୟ ସଂଗ୍ରହ ନିମନ୍ତେ ଚାଷୀଙ୍କ ପଞ୍ଜୀକରଣ
ବୀମା ନବୀକରଣ ପାଇଁ ଉପଭୋକ୍ତାଙ୍କୁ ଅତିରିକ୍ତ ମହଲତ

ବର୍ତ୍ତମାନ ସମୟରେ କୋରୋନା ଭୂତାଣୁଜନିତ ବିଭୀଷିକା ଜାରି ରହିଥିବା ବେଳେ ଜୀବନ ବୀମା କମ୍ପାନୀମାନଙ୍କୁ ସେମାନଙ୍କ ଉପଭୋକ୍ତାଙ୍କୁ ଅତିରିକ୍ତ ମହଲତ ଦେବା ସକାଶେ ବୀମା ନିୟାମକ ଉନ୍ନୟନ ପ୍ରାଧିକରଣ (ଆଇଆର୍‌ଡିଏ) ପକ୍ଷରୁ ନିର୍ଦେଶ ଦିଆଯାଇଛି। କମ୍ପାନୀମାନେ ଅତି କମ୍‌ରେ ନିଜ ନିଜର ଉପଭୋକ୍ତାଙ୍କୁ ୩୦ ଦିନର ମହଲତ ଦେବାକୁ ଏହି ନିର୍ଦେଶନାମାରେ କୁହାଯାଇଛି। କୋରୋନା ଭୂତାଣୁ ତା’ର କାୟା କ୍ରମଶଃ ବୃଦ୍ଧି କରିଚାଲିଥିବାରୁ ଏହାକୁ ନିୟନ୍ତ୍ରଣ କରିବା ସକାଶେ କେନ୍ଦ୍ର ଓ ରାଜ୍ୟ ସରକାର କଠୋର ପଦକ୍ଷେପ ନେଇଛନ୍ତି। ଏହି ପଦକ୍ଷେପ ସ୍ବରୂପ ଅଧିକାଂଶ ରାଜ୍ୟରେ ଏବେ ଲକ୍‌ଡାଉନ୍‌ ଘୋଷଣା କରାଯାଇସାରିଛି। ତେଣୁ ଉପଭୋକ୍ତାମାନଙ୍କୁ ଏପରି ପରିସ୍ଥିତିରେ ଜୀବନ ବୀମା କମ୍ପାନୀମାନେ ସାମାନ୍ୟ ଆଶ୍ବସ୍ତି ଦେବାର ଆବଶ୍ୟକତା ରହିଛି ବୋଲି ଆଇଆର୍‌ଡିଏ ପକ୍ଷରୁ କୁହାଯାଇଛି। ବିଶେଷକରି ସ୍ବାସ୍ଥ୍ୟ ବୀମା ଉପଭୋକ୍ତାଙ୍କୁ ସେମାନଙ୍କ ପଲିସି ନବୀକରଣ ପାଇଁ ଏହି ମହଲତ ଦେବା ସକାଶେ କୁହାଯାଇଛି।

ଭିଡ଼ କମାଇବାକୁ ପ୍ଲାଟ୍‌ଫର୍ମ ଟିକେଟ୍‌ ଦର ବଢ଼ାଇଲା ରେଳବାଇ

କୋରୋନା ଭାଇରସ୍‌ର ବ୍ୟାପକତା ପରିପ୍ରେକ୍ଷୀରେ ଭାରତୀୟ ରେଳବାଇ ପକ୍ଷରୁ ମଙ୍ଗଳବାର ପ୍ଲାଟ୍‌ଫର୍ମ ଟିକେଟ୍‌ର ଦାମ୍‌କୁ ୫୦ ଟଙ୍କାକୁ ବଢ଼ାଇ ଦିଆଯାଇଛି। ପୂର୍ବରୁ ଏହି ଦର ୧୦ ଟଙ୍କା ଥିଲା। ତେବେ କୋରୋନା ଭାଇରସ୍‌ ଉଦ୍‌ବେଗଜନକ ଭାବେ ବ୍ୟାପୁଥିବାରୁ ବିଭିନ୍ନ ଷ୍ଟେସନ୍‌ରେ ଅଯଥା ଭିଡ଼ କମାଇବା ଲକ୍ଷ୍ୟ ନେଇ ରେଳବାଇ ପକ୍ଷରୁ ଏପରି ପଦକ୍ଷେପ ନିଆଯାଇଛି। ଦେଶର ୨୫୦ଟି ଷ୍ଟେସନ୍‌ରେ ଏହି ନୂଆ ଦର ଲାଗୁ ହେବା ନେଇ ରେଳ ମନ୍ତ୍ରାଳୟ ପକ୍ଷରୁ କୁହାଯାଇଛି। ପଶ୍ଚିମତଟ ରେଳବାଇ ପକ୍ଷରୁ ମୁମ୍ବାଇ, ଭଡୋଦରା, ଅହମଦାବାଦ, ରତ୍‌ଲାମ୍‌, ରାଜକୋଟ, ଭାବନଗର ପରି ୬ଟି ଡିଭିଜନ୍‌ରେ ଏହି ଟିକେଟ୍‌ ଦର ବୃଦ୍ଧି କରାଯାଇଛି ବୋଲି କୁହାଯାଇଛି। କିନ୍ତୁ ଏହି ଦର ବୃଦ୍ଧି ସ୍ଥାୟୀ ନୁହେଁ, ସାମୟିକ ଏବଂ ଷ୍ଟେସନ୍‌ରେ କେବଳ ଭିଡ଼ ନିୟନ୍ତ୍ରଣ କରିବା ସକାଶେ ଏକ ପଦକ୍ଷେପ ବୋଲି ଜନୈକ ଅଧିକାରୀ କହିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ