ବାଣିଜ୍ୟ ଓ ଅର୍ଥନୀତି

୨ ହଜାରରୁ କମ୍‌ ନେଣଦେଣ ଉପରେ ଦେବାକୁ ପଡ଼ିବନି ଶୁଳ୍କ

ନୂଆଦିଲ୍ଲୀ: ଗତ ୨୦୧୬ ନଭେମ୍ବର ୮ ତାରିଖ ରାତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୫ ଶହ ଓ ଏକ ହଜାର ଟଙ୍କିଆ ନୋଟ୍‌ର ପ୍ରଚଳନ ବନ୍ଦ କରିଦେବା ସହ ନଗଦମୁକ୍ତ ସମାଜ ଗଠନ ଉପରେ ଗୁରୁତ୍ବ ଦେଇଥିଲେ। ଏହାପରଠାରୁ ଜନସାଧାରଣଙ୍କ ମଧ୍ୟରେ କାର୍ଡ ମାଧ୍ୟମରେ କାରବାର କରିବାର ଆଗ୍ରହ ବୃଦ୍ଧି ପାଇଛି। ତେବେ ଡେବିଟ୍‌ କାର୍ଡ ମାଧ୍ୟମରେ ଅର୍ଥ ପଇଠ କରୁଥିବା ଗ୍ରାହକମାନଙ୍କୁ ଶୁଳ୍କ ଦେବାକୁ ପଡ଼ୁଥିବାରୁ ଏହା କେତେକଙ୍କ ପାଇଁ ବୋଝ ସଦୃଶ ହେଉଛି। ତେବେ କେନ୍ଦ୍ର ସରକାର ଏବେ ଏହି ଧରଣର ଗ୍ରାହକଙ୍କ ପାଇଁ ସାମାନ୍ୟ ଆଶ୍ବସ୍ତି ଆଣିଦେଇଛନ୍ତି। କାରଣ ଏଣିକି ୨ ହଜାର ଟଙ୍କା ଭିତରେ ହେଉଥିବା ଦେଣନେଣ ପାଇଁ ଗ୍ରାହକଙ୍କୁ କୌଣସି ପ୍ରକାର ଶୁଳ୍କ ପଇଠ କରିବାକୁ ପଡ଼ିବ ନାହିଁ ବୋଲି ଅର୍ଥ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।

ଡିସେମ୍ବର ୨୫ ପର୍ଯ୍ୟନ୍ତ ବଢ଼ିଲା ଜିଓ କ୍ୟାଶ୍‌ବ୍ୟାକ୍‌ ଅଫର୍‌
ପଣ୍ଡା ଟ୍ରାଭେଲ ମାର୍ଟ ପାଳିଲା ରିଟେଲ ଏମ୍ପ୍ଲଇଜ୍ ଡେ’

ଭୁବନେଶ୍ୱର: ଓଡ଼ିଶାର ଅଗ୍ରଣୀ ଲଗେଜ୍‌ ଏବଂ ଟ୍ରାଭେଲ୍ ଆସେସୋରିଜ୍ ଷ୍ଟୋର୍ ପଣ୍ଡା ରିଟେଲ ପ୍ରାଇଭେଟ ଲିମିଟେଡ଼ ପକ୍ଷରୁ ଏହାର ଭୁବନେଶ୍ୱର ଶାଖାରେ ରିଟେଲ ଏମ୍ପ୍ଲଇଜ୍ ଡେ’ ପାଳନ କରାଯାଇଛି। ଏହି ସଂସ୍ଥାର ପରିଚାଳନା ନିର୍ଦେଶକ ଶିବ ପ୍ରସାଦ ପଣ୍ଡା ଏବଂ ନିର୍ଦେଶିକା ମନସ୍ବିନୀ ପଣ୍ଡା ଏହି ଅବସରରେ ସମସ୍ତ କର୍ମଚାରୀଙ୍କୁ ସ୍ବାଗତ କରିଥିଲେ। ଲଗେଜ ଇଣ୍ଡଷ୍ଟି୍ରର ଖ୍ୟାତି ସମ୍ପନ୍ନ ବ୍ୟକ୍ତିତ୍ବ ତଥା ସାମ୍‌ସୋନାଇଟ କର୍ପୋରେସନ ୟୁଏସଏର ପୂର୍ବତନ ଅଧ୍ୟକ୍ଷ ଏବଂ ସାମସୋନାଇଟ ଅଲଇଣ୍ଡିଆ ସେଲ୍‌ସ ହେଡ୍‌ କାର୍ଯ୍ୟନିର୍ବାହୀ ଅଧିକାରୀ ଏବଂ ଭିଆପି ଇଣ୍ଡଷ୍ଟ୍ରିଜ୍ ଲିମିଟେଡର ଓଡ଼ିଶା ମୁଖ୍ୟ ଶଶି ଦାସ, ସାମସୋନାଇଟ ଏସିଆ ପ୍ରାଇଭେଟ ଲିମିଟେଡ୍‌ର ଶାଖା ପ୍ରବନ୍ଧକ ତଥା ଭିଆଇପି ଇଣ୍ଡଷ୍ଟ୍ରିଜ ଲିମିଟେଡ୍‌ର ଓଡ଼ିଶା ମୁଖ୍ୟ ଏବଂ ବହୁ ମାନ୍ୟଗଣ୍ୟ ବ୍ୟକ୍ତି ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ