ବାଣିଜ୍ୟ ଓ ଅର୍ଥନୀତି

ବଜେଟ୍‌ରେ କାହାକୁ ମିଳିବ ଫାଇଦା, କିଏ ସହିବେ କ୍ଷତି

୨୦୨୦-୨୧ ବର୍ଷ ପାଇଁ କେନ୍ଦ୍ରୀୟ ବଜେଟ୍‌ ଉପସ୍ଥାପନରେ ପରେ କାହାକୁ ମିଳିବ ଫାଇଦା ଓ କିଏ ସହିବେ କ୍ଷତି, ଏହାକୁ ନେଇ ହିସାବ ନିକାଶ ଆରମ୍ଭ ହୋଇ ଯାଇଛି। ପରିବହନ କ୍ଷେତ୍ର, ଇଲେକ୍‌ଟ୍ରୋନିକ୍ସ ଉତ୍ପାଦନକାରୀ କମ୍ପାନୀ, କୃଷି କ୍ଷେତ୍ର, ଜଳ ଯୋଗାଣ, ଅନଲାଇନ ଶିକ୍ଷା, ଆଇଟି ଫାର୍ମ, ପାଇପଲାଇନ୍‌ ଓ ସିଟି ଗ୍ୟାସ ଯୋଗାଣକାରୀ ସଂସ୍ଥା ଫାଇଦାରେ ରହିବେ ବୋଲି ସ୍ପଷ୍ଟ ହୋଇଛି। ହାଇୱେ ଓ ରେଲୱେ ଭିତ୍ତିଭୂମି ପାଇଁ ୧.୭ ଟ୍ରିଲିଅନ ଟଙ୍କା ବ୍ୟୟବରାଦ ହୋଇଛି। ଲାର୍ସନ ଆଣ୍ଡ ଟ୍ୟୁବ୍ରୋ, କେଏନ୍‌ଆର କନଷ୍ଟ୍ରକ୍ସନ୍‌, ଆଇଆରବି ଇନ୍‌ଫ୍ରା ଫାଇଦାରେ ରହିବ ବୋଲି କୁହାଯାଉଛି। ସେହିପରି ଇଲେକ୍‌ଟ୍ରୋନିକ୍ସ ସାମଗ୍ରୀ ଉତ୍ପାଦନ କରୁଥିବା ଡିକ୍ସ ଟେକ୍ନୋଲୋଜି, ଅମ୍ବର ଏଣ୍ଟରପ୍ରାଇଜ୍‌, ସୁବ୍ରୋଜ୍‌, ବିନୟ ପଣ୍ଡିତ ପରି ସଂସ୍ଥାକୁ ଫାଇଦା ମିଳିବାକୁ ଯାଉଛି। ସେହିପରି ଅନ୍‌ଲାଇନ ଶିକ୍ଷା କ୍ଷେତ୍ରରେ ବଜେଟ୍‌ରେ ୯୯୩ ବିଲିଅନ୍‌ ୨୦୨୦-୨୧ ବର୍ଷ ପାଇଁ ବ୍ୟୟବରାଦ ହୋଇଥିବାରୁ ଏହି ସେକ୍ଟର ମଧ୍ୟ ଫାଇଦାରେ ରହିବ।

ସରକାର ହାତ ଟେକି ଦେଇଛନ୍ତି: ପି ଚିଦାମ୍ବରମ୍‌
ବଜେଟ୍‌କୁ ନେଇ ମିଶ୍ର ପ୍ରତିକ୍ରିୟା ରଖିଲେ ମୁଖ୍ୟମନ୍ତ୍ରୀ
ବଜେଟ୍‌ ଅଭିଭାଷଣରେ ସୀତାରମଣଙ୍କ ରେକର୍ଡ

ଗତବର୍ଷ ନରେନ୍ଦ୍ର ମୋଦି ସରକାର ଦ୍ବିତୀୟ ଥର ପାଇଁ ସରକାର ଗଠନ କରିବା ପରେ ଅର୍ଥ ମନ୍ତ୍ରୀ ପରି ଏକ ଗୁରୁତ୍ବପୂର୍ଣ୍ଣ ବିଭାଗର ଦାୟିତ୍ବ ପାଇଥିଲେ ନିର୍ମଳା ସୀତାରମଣ। ଦେଶର ପ୍ରଥମ ମହିଳା ଭାବେ ଏହି ବିଭାଗର ପୂର୍ଣ୍ଣକାଳୀନ ଦାୟିତ୍ବ ପାଇଥିବା ସୀତାରମଣ ଶନିବାର ୨୦୨୦-୨୧ ଆର୍ଥିକ ବର୍ଷ ପାଇଁ ସାଧାରଣ ବଜେଟ୍‌ ଉପସ୍ଥାପନ କରିଛନ୍ତି। ଏହି ଅବସରରେ ସେ ଦୀର୍ଘ ୨ ଘଣ୍ଟା ୪୦ ମିନିଟ୍‌ ଧରି ବଜେଟ୍‌ ଅଭିଭାଷଣ ପ୍ରଦାନ କରିଛନ୍ତି। ଏଥିସହ ସୀତାରମଣ ଏ କ୍ଷେତ୍ରରେ ରେକର୍ଡ ସୃଷ୍ଟି କରିଛନ୍ତି। ପୂର୍ବରୁ ସଂସଦରେ ଏତେ ଅଧିକ ସମୟ କୌଣସି ଅର୍ଥ ମନ୍ତ୍ରୀ ଅଭିଭାଷଣ ଦେଇ ନ ଥିଲେ। ଲୋକସଭାରେ ଅଭିଭାଷଣ ଦେବା ବେଳେ ସୀତାରମଣ ଗ୍ରାମାଞ୍ଚଳ, ଭିତ୍ତିଭୂମି ଓ ଶିକ୍ଷା କ୍ଷେତ୍ର ଉପରେ ଅଧିକ ଫୋକସ୍ କରିଥିଲେ।

ସିଗାରେଟ୍‌ ଓ ତମାଖୁ ମହଙ୍ଗା, ପ୍ୟାକେଟ୍‌ କ୍ଷୀର ଓ ଚାରା ଶସ୍ତା

କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଶନିବାର ୨୦୨୦-୨୧ ଆର୍ଥିକ ବର୍ଷ ପାଇଁ ସାଧାରଣ ବଜେଟ୍‌ ଉପସ୍ଥାପନ କରିଛନ୍ତି। ବଜେଟ୍‌ରେ କେତେକ ସାମଗ୍ରୀ ଉପରେ ଛାଡ଼ କରାଯାଇଥିବା ଉତ୍ପାଦ ଶୁଳ୍କକୁ ପୁନର୍ବାର ଲାଗୁ କରାଯାଇଛି। ତା’ଛଡ଼ା ଆୟକର ଛାଡ଼ ସୀମା ଅପରିବର୍ତ୍ତିତ ରହିଥିଲା ବେଳେ ଟିକସ ପ୍ରତିଶତ ହ୍ରାସ ପାଇଥିବାରୁ ବଜେଟ୍‌ରେ କେତେକ ସାମଗ୍ରୀ ପୂର୍ବାପେକ୍ଷା ଶସ୍ତା ହୋଇଛି ଓ ଆଉ କେତେକ ସାମଗ୍ରୀ ଦର ବୃଦ୍ଧି ପାଇଛି। ତେଣୁ ଆଗାମୀ ଦିନରେ ଦେଶର ଜନସାଧାରଣ କ’ଣ ସବୁ ସାମଗ୍ରୀ ଶସ୍ତାରେ ପାଇବେ ଓ କେଉଁ ସବୁ ସାମଗ୍ରୀ ଉପରେ ପୂର୍ବାପେକ୍ଷା ସେମାନଙ୍କୁ ଅଧିକ ଖର୍ଚ୍ଚ କରିବାକୁ ପଡ଼ିବ, ସେ ବିଷୟରେ ଏଠାରେ ଉଲ୍ଲେଖ କରାଗଲା। ଶସ୍ତା ହୋଇଥିବା ସାମଗ୍ରୀ ଭିତରେ ପ୍ୟାକେଟ୍‌ କ୍ଷୀର ଓ ଚାରା ରହିଥିବା ବେଳେ ମହଙ୍ଗା ହୋଇଥିବା ସାମଗ୍ରୀ ମଧ୍ୟରେ ସିଗାରେଟ୍‌ ଓ ତମାଖୁ ରହିଛି।

ଟିକସଦାତାଙ୍କୁ ରିହାତି, ଜମାକାରୀ ବୀମା ୫ ଲକ୍ଷକୁ ବୃଦ୍ଧି

୨୦୨୦-୨୧ ଆର୍ଥିକ ବର୍ଷର ବଜେଟ୍‌ରେ କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ ଟିକସଦାତାଙ୍କୁ ଆଶ୍ବସ୍ତି ପ୍ରଦାନ କରିଛନ୍ତି। ବର୍ତ୍ତମାନ ୨୦ ପ୍ରତିଶତ ଟିକସ ଦେଉଥିବା ବ୍ୟକ୍ତିଙ୍କୁ ଆଗାମୀ ଆର୍ଥିକ ବର୍ଷରେ ୧୦ ପ୍ରତିଶତ ପର୍ଯ୍ୟନ୍ତ ଟିକସ ଦେବାକୁ ପଡ଼ିବ। ଆୟକର ଛାଡ଼ ସୀମା ପୂର୍ବବତ୍‌ ୫ ଲକ୍ଷ ଟଙ୍କା ପର୍ଯ୍ୟନ୍ତ ରହିଥିବା ବେଳେ ୫ ଲକ୍ଷରୁ ସାଢ଼େ ୭ ଲକ୍ଷ ଟଙ୍କା ବାର୍ଷିକ ଆୟ କରୁଥିବା ବ୍ୟକ୍ତିଙ୍କୁ ୧୦ ପ୍ରତିଶତ ହାରରେ ଆୟକର ପଇଠ କରିବାକୁ ପଡ଼ିବ ବୋଲି ଅର୍ଥ ମନ୍ତ୍ରୀ ନିର୍ମଳା ବଜେଟ୍‌ ଉପସ୍ଥାପନ ବେଳେ କହିଛନ୍ତି। ସେହିପରି ସାଢ଼େ ୭ ଲକ୍ଷରୁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଆୟ ପାଇଁ ପୂର୍ବରୁ ୨୦ ପ୍ରତିଶତ ଟିକସ ଦେବାକୁ ପଡ଼ୁଥିବା ବେଳେ ଏହାକୁ ୧୫ ପ୍ରତିଶତକୁ ହ୍ରାସ କରାଯାଇଛି। ଏହାଛଡ଼ା ୧୨ରୁ ୧୫ ଲକ୍ଷ ପର୍ଯ୍ୟନ୍ତ ଆୟ ପାଇଁ ୨୫ ପ୍ରତିଶତ ଓ ୧୫ ଲକ୍ଷରୁ ଊର୍ଦ୍ଧ୍ବ ପାଇଁ ୩୦ ପ୍ରତିଶତ ଆୟ କର ଭରିବାକୁ ପଡ଼ିବ ବୋଲି ଘୋଷଣା କରାଯାଇଛି। ସେହିପରି ଆଗାମୀ ଆର୍ଥିକ ବର୍ଷରେ ବିତ୍ତୀୟ ନିଅଣ୍ଟ ସାଢ଼େ ୩ ପ୍ରତିଶତ ଆକଳନ କରାଯାଇଛି। ଏହାଛଡ଼ା ଦେଶର ମୋଟ ଘରୋଇ ଉତ୍ପାଦ (ଜିଡିପି) ୧୦ ପ୍ରତିଶତରେ ପହଞ୍ଚିବାର ସମ୍ଭାବନା ବ୍ୟକ୍ତ କରାଯାଇଛି।

ପ୍ରତିଷ୍ଠା ହେବ ଶହେ ନୂଆ ବିମାନବନ୍ଦର, ଏସ୍‌ସି/ଏସ୍‌ଟି ବିକାଶ

ମୋଦି ସରକାରଙ୍କ ପ୍ରଥମ ପୂର୍ଣ୍ଣକାଳୀନ ବଜେଟ୍‌ ଶନିବାର ସଂସଦରେ ଅର୍ଥ ମନ୍ତ୍ରୀ ନିର୍ମଳା ସୀତାରମଣ ଉପସ୍ଥାପନ କରିଥିବା ବେଳେ ଆଗାମୀ ଆର୍ଥିକ ବର୍ଷରେ ଦେଶରେ ଉଡାନ୍‌ ସ୍କିମ୍‌ରେ ୧୦୦ଟି ନୂଆ ବିମାନବନ୍ଦର ପ୍ରତିଷ୍ଠା ହେବ ବୋଲି ଘୋଷଣା କରାଯାଇଛି। ଏହାଛଡ଼ା ଦେଶର ଅନୁସୂଚିତ ଜାତି ଓ ଜନଜାତି (ଏସ୍‌ସି/ଏସ୍‌ଟି)ଙ୍କ ବିକାଶ ପାଇଁ ୧ ଲକ୍ଷ ୩୫ ହଜାର କୋଟି ଟଙ୍କାର ବନ୍ଦୋବସ୍ତ କରାଯାଇଛି। ଏଥିରୁ ୮୫ ହଜାର କୋଟି ଟଙ୍କା ଏସ୍‌ସି ଓ ୫୩ ହଜାର କୋଟି ଟଙ୍କା ଏସ୍‌ଟିଙ୍କ ବିକାଶ ପାଇଁ ଖର୍ଚ୍ଚ ହେବ। ସେହିପରି ୬ ଲକ୍ଷ ଅଙ୍ଗନବାଡ଼ିଙ୍କୁ ସ୍ମାର୍ଟଫୋନ୍‌ ପ୍ରଦାନ କରାଯିବ। ବରିଷ୍ଠ ନାଗରିକ ଓ ଅନ୍ୟାନ୍ୟ ପଛୁଆ ବର୍ଗ (ଓବିସି)ଙ୍କ ସକାଶ ୯୫୦୦ କୋଟି ଟଙ୍କା ବରାଦ କରାଯାଇଛି। ସେହିପରି ନ୍ୟାସନାଲ୍‌ ପୋଲିସ୍‌ ୟୁନିଭର୍ସିଟି ଓ ନ୍ୟାସନାଲ୍‌ ଫୋରେନ୍‌ସିକ୍‌ ୟୁନିଭର୍ସିଟି ପ୍ରତିଷ୍ଠା ହେବ। ଶିକ୍ଷକଙ୍କ ସକାଶେ ସ୍ବତନ୍ତ୍ର ବ୍ରିଜ୍‌ କୋର୍ସ ଆରମ୍ଭ କରାଯିବ। ଭାରତରେ ଶିକ୍ଷା ଗ୍ରହଣ କରିବା ସକାଶେ ଆଗ୍ରହୀ ଥିବା ବିଦେଶୀ ଛାତ୍ରଛାତ୍ରୀମାନଙ୍କୁ ସାଟେଲାଇଟ୍‌ ଟେଷ୍ଟ୍‌ କ୍ଷେତ୍ରରେ ସୁଯୋଗ ଦିଆଯିବ। ସେହିପରି ଯୁବତୀଙ୍କ ବିବାହ ବୟସ ନିର୍ଦ୍ଧାରଣ ସକାଶେ ସ୍ବତନ୍ତ୍ର ଟାସ୍କ ଫୋର୍ସ ଗଠନ କରାଯିବା ସହ ୫ଟି ରାଜ୍ୟରେ ଆଇକନିକ୍‌ ପର୍ଯ୍ୟଟନ କ୍ଷେତ୍ରରେ ସଂଗ୍ରହାଳୟ ପ୍ରତିଷ୍ଠା କରାଯିବା ସକାଶେ ବଜେଟ୍‌ରେ ବନ୍ଦୋବସ୍ତ କରାଯାଇଛି ବୋଲି ଅର୍ଥ ମନ୍ତ୍ରୀ କହିଛନ୍ତି।

କୃଷି ଉତ୍ପାଦ ପରିବହନ ପାଇଁ କିସାନ୍‌ ରେଲ୍‌ ଓ କୃଷି ଉଡାନ୍‌

କେନ୍ଦ୍ର ସରକାର କୃଷକମାନଙ୍କର ବିକାଶ ଉପରେ ଗୁରୁତ୍ବ ଦେଇଆସିଛନ୍ତି। ଆଗାମୀ ୨୦୨୨ ସୁଦ୍ଧା ଦେଶର କୃଷକମାନଙ୍କ ଆୟକୁ ଦ୍ବିଗୁଣିତ କରିବା କେନ୍ଦ୍ର ସରକାରଙ୍କ ପ୍ରମୁଖ ଲକ୍ଷ୍ୟ। ସେଥିପାଇଁ ଜଳସେଚନ ସୁବିଧା ସହ ବିଭିନ୍ନ ପ୍ରକାର ଆନୁଷଙ୍ଗିକ ସୁବିଧାସୁଯୋଗ ଯୋଗାଇ ଦିଆଯିବା ଉପରେ ମଧ୍ୟ ଗୁରୁତ୍ବ ଦିଆଯାଉଛି। ସେଥିପାଇଁ ୨୦୧୯-୨୦ ଆର୍ଥିକ ବର୍ଷ ତୁଳନାରେ ୨୦୨୦-୨୧ ଆର୍ଥିକ ବର୍ଷ ପାଇଁ ଘୋଷିତ ବଜେଟ୍‌ରେ କୃଷି କ୍ଷେତ୍ର ପାଇଁ ୧୦ ପ୍ରତିଶତ ଅଧିକ ରାଶି ବ୍ୟୟ ବରାଦ କରାଯାଇଛି। ପ୍ରଥମ ଥର ପାଇଁ କେନ୍ଦ୍ର ସରକାର କିସାନ୍‌ ରେଲ୍‌ର ଘୋଷଣା କରିଛନ୍ତି। ଏହା ଦେଶ ଭିତରେ ଏକ ଶୀତଳଭଣ୍ଡାର ଚେନ୍‌ ସୃଷ୍ଟି କରିପାରିବ। ଭାରତୀୟ ରେଳବାଇ ପକ୍ଷରୁ ଖୁବ୍‌ଶୀଘ୍ର ପିପିପି ମୋଡ୍‌ରେ କିସାନ୍‌ ରେଲ୍‌ ଯୋଜନା ଆରମ୍ଭ କରାଯିବ। ଏହାଛଡ଼ା ଜାତୀୟ ଓ ଅନ୍ତର୍ଜାତୀୟ ରୁଟ୍‌ରେ ବେସାମରିକ ଜାହାଜ ଚଳାଚଳ ମନ୍ତ୍ରାଳୟ ସହଯୋଗରେ କୃଷି ଉଡାନ୍‌ ଯୋଜନାର ମଧ୍ୟ ଶୁଭାରମ୍ଭ କରାଯିବ। ଏହାଦ୍ବାରା ଜଲ୍‌ଦି ନଷ୍ଟ ହେଉଥିବା କୃଷି ଉତ୍ପାଦ ସହଜରେ ଓ କମ୍‌ ସମୟ ମଧ୍ୟରେ ଲକ୍ଷ୍ୟସ୍ଥଳରେ ପହଞ୍ଚିପାରିବ ଓ ବଜାର ବ୍ୟବସ୍ଥାରେ ମଧ୍ୟ ଉନ୍ନତି ଆସିପାରିବ ବୋଲି କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ କହିଛନ୍ତି।

ଦ୍ବିତୀୟ ଦିନରେ ବ୍ୟାଙ୍କ୍ ଧର୍ମଘଟ: କାରବାର ଠପ୍‌

ଶୁକ୍ରବାରଠାରୁ ଆରମ୍ଭ ହୋଇଥିବା ବ୍ୟାଙ୍କ୍‌ ଧର୍ମଘଟ ଶନିବାର ଦ୍ବିତୀୟ ଦିନରେ ପହଞ୍ଚିଛି। ମଜୁରୀ ସଂଶୋଧନରେ ୨୦ ପ୍ରତିଶତ ବୃଦ୍ଧି, ସପ୍ତାହରେ ୫ ଦିନ ବ୍ୟାଙ୍କ୍‌ କାର୍ଯ୍ୟ, ମୂଳ ଦରମା ସହିତ ସ୍ୱତନ୍ତ୍ର ଭତ୍ତାର ମିଶ୍ରଣ, ସ୍ୱତନ୍ତ୍ର ପେନସନ୍‍ ସ୍କିମ୍‍, ପରିବାର ପେନ୍‍ସନ୍‌ରେ ବୃଦ୍ଧି ଆଦି ୧୨ ଦଫା ଦାବି ନେଇ ବ୍ୟାଙ୍କ୍‌ କର୍ମଚାରୀମାନେ ଆନ୍ଦୋଳନକୁ ଓହ୍ଲାଇଛନ୍ତି। ୟୁନାଇଟେଡ୍‌ ଫୋରମ୍‌ ଅଫ୍‌ ବ୍ୟାଙ୍କ୍‌ ୟୁନିୟନ୍ସ(ୟୁଏଫ୍‌ବିୟୁ) ପକ୍ଷରୁ ଦିଆଯାଇଥିବା ଏହି ଧର୍ମଘଟ ଡାକରାରେ ଦେଶର ୧୦ ଲକ୍ଷ ବ୍ୟାଙ୍କ କର୍ମଚାରୀ ସାମିଲ୍‌ ହୋଇଥିବା ବେଳେ ଓଡ଼ିଶାର ୪୦ ହଜାର କର୍ମଚାରୀ ସାମିଲ୍‌ ହୋଇଥିବା ସୂଚନା ରହିଛି। କର୍ମଚାରୀଙ୍କ ଧର୍ମଘଟ ଯୋଗୁ ବ୍ୟାଙ୍କ୍ କାରବାର ସମ୍ପୂର୍ଣ୍ଣ ଠପ୍‌ ହୋଇଯାଇଛି। ପାଖାପାଖି ୨୦ ହଜାର କୋଟି ଟଙ୍କାର ବ୍ୟାଙ୍କ୍ କାରବାର ପ୍ରଭାବିତ ହୋଇଥିବା ଜଣାପଡ଼ିଛି। ତେବେ ବ୍ୟାଙ୍କ୍‌ ଶାଖାଗୁଡିକ ବନ୍ଦ ରହିବା ଯୋଗୁ ଗ୍ରାହକମାନେ ବେଶ ହନ୍ତସନ୍ତ ହୋଇଛନ୍ତି।

ନିର୍ମଳାଙ୍କ ବଜେଟ୍‌ରେ କୃଷି, ପରିବହନ, ଶିକ୍ଷା ଓ ସ୍ବାସ୍ଥ୍ୟ ଉପରେ


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ