ଖେଳକୁଦ

ଏକଦିବସୀୟ ମାନ୍ୟତାରେ କୋହଲି ବିଶ୍ବ ନଂ.୧, ରୋହିତ

ଦୁବାଇ: ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି ) ସଦ୍ୟ ଏକଦିବସୀୟ ବ୍ୟାଟ୍ସମ୍ୟାନ ମାନ୍ୟତା ପ୍ରକାଶ କରିଛି। ଭାରତୀୟ ଅଧିନାୟକ ବିରାଟ କୋହଲି ଏବଂ ‘ହିଟମ୍ୟାନ୍’ ରୋହିତ ଶର୍ମା ସେମାନଙ୍କ ଆଧିପତ୍ୟ ଜାରି ରଖିଛନ୍ତି। ଆଇସିସି ଏକଦିବସୀୟ ବ୍ୟାଟ୍ସମ୍ୟାନ୍ ମାନ୍ୟତାରେ ବିରାଟ ୮୭୦ ପଏଣ୍ଟ ଏବଂ ରୋହିତ ୮୪୨ ପଏଣ୍ଟ ପାଇ ପ୍ରଥମ ଏବଂ ଦ୍ୱିତୀୟ ସ୍ଥାନରେ ଅଛନ୍ତି। ଏଥି ସହିତ ବୋଲର ତାଲିକାରେ ଦ୍ରୁତ ବୋଲର ଜସପ୍ରୀତ ବୁମରା ତୃତୀୟ ସ୍ଥାନରେ ରହିଛନ୍ତି। ଆହତ କାରଣରୁ ରୋହିତ ଅଷ୍ଟ୍ରେଲିଆ ଗସ୍ତରେ ସୀମିତ ଓଭର ସିରିଜରୁ ବଞ୍ଚିତ ହୋଇଥିଲେ। କୋଭିଡ -୧୯ ମହାମାରୀ ଆରମ୍ଭ ହେବା ପରଠାରୁ ସେ କୌଣସି ଏକଦିବସୀୟ ଖେଳି ନାହାନ୍ତି। କିନ୍ତୁ ସେ ଦ୍ୱିତୀୟ ସ୍ଥାନରେ ରହି ପାକିସ୍ତାନ ଅଧିନାୟକ ବାବର ଆଜାମଙ୍କ (୮୩୭ ପଏଣ୍ଟ) ଠାରୁ ପାଞ୍ଚ ପଏଣ୍ଟ ଅଧିକ ପାଇଛନ୍ତି । ବ୍ୟାଟ୍ସମ୍ୟାନ୍ ତାଲିକାରେ ନ୍ୟୁଜିଲ୍ୟାଣ୍ଡର ରସ୍ ଟେଲର (୮୧୮ ପଏଣ୍ଟ) ଏବଂ ଅଷ୍ଟ୍ରେଲିଆ ଅଧିନାୟକ ଆରୋନ ଫିଞ୍ଚ (୭୯୧ ପଏଣ୍ଟ) ଶ୍ରେଷ୍ଠ ୫ ଜଣଙ୍କ ମଧ୍ୟରେ ସ୍ଥାନ ପାଇଛନ୍ତି।

ସୌରଭ ଗାଙ୍ଗୁଲି ପୁଣି ହସ୍‌ପିଟାଲ୍‌ରେ ଭର୍ତ୍ତି

ଟିମ୍‌ ଇଣ୍ଡିଆର ପୂର୍ବତନ ଅଧିନାୟକ ତଥା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଅଧ୍ୟକ୍ଷ ସୌରଭ ଗାଙ୍ଗୁଲି ପୁଣି ହସ୍ପିଟାଲରେ ଭର୍ତ୍ତି ହୋଇଛନ୍ତି। ଆଜି ମଧ୍ୟାହ୍ନରେ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ କୋଲକାତାର ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଛି। ସେଠାରେ ଡାକ୍ତର ତାଙ୍କ ଚିକିତ୍ସା ଜାରି ରଖିଛନ୍ତି। ତେବେ ସୌରଭଙ୍କ ସ୍ବାସ୍ଥ୍ୟାବସ୍ଥା ନେଇ ହସ୍‌ପିଟାଲ୍‌ କର୍ତ୍ତୃପକ୍ଷଙ୍କ ପକ୍ଷରୁ କୌଣସି ସୂଚନା ଦିଆଯାଇନାହିଁ। ସୌରଭଙ୍କ ପତ୍ନୀ ଡୋନା ଗାଙ୍ଗୁଲି ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ମଙ୍ଗଳବାର ରାତିରେ ସୌରଭ ଛାତିରେ ଯନ୍ତ୍ରଣା ଅନୁଭବ କରିଥିଲେ। ହେଲେ ଆଜି ମଧ୍ୟାହ୍ନରେ ଯନ୍ତ୍ରଣା ବଢିଥିଲା। ଟେିଲିଫୋନ୍‌ରେ ପରାମର୍ଶ କରାଯିବା ପରେ ତାଙ୍କୁ ଆଜି ଅପରାହ୍ଣରେ ହସ୍‌ପିଟାଲ୍‌ରେ ଭର୍ତ୍ତି କରାଯାଇଛି।

ଗାବା ଟେଷ୍ଟ ଜିତି ବିଶ୍ବ ଟେଷ୍ଟ ଚାମ୍ପିଅନଶିପ ମାନ୍ୟତା ଶୀର୍ଷରେ
ଇଂଲଣ୍ଡ ଟେଷ୍ଟ ସିରିଜ: ଟିମକୁ ଫେରିଲେ କୋହଲି, ହାର୍ଦ୍ଦିକ ଓ

ଅଷ୍ଟ୍ରେଲିଆ ମାଟିରେ ଭାରତୀୟ ଦଳର ଐତିହାସିକ ଟେଷ୍ଟ ସିରିଜ ବିଜୟକୁ ନେଇ ସାରା ଦେଶରେ ଖୁସିର ଲହରି ପ୍ରକାଶ ପାଇଥିଲା ପରବର୍ତ୍ତୀ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ଖେଳିବା ପାଇଁ ଦଳ ଘୋଷଣା ହୋଇଛି। ଚେତନ ଶର୍ମାଙ୍କ ନେତୃତ୍ବାଧୀନ ନୂଆ ଚୟନ କମିଟି ଘରୋଇ ମାଟିରେ ଇଂଲଣ୍ଡ ବିପକ୍ଷରେ ଖେଳାଯିବାକୁ ଥିବା ଟେଷ୍ଟ ସିରିଜର ପ୍ରଥମ ଓ ଦ୍ବିତୀୟ ଟେଷ୍ଟ ପାଇଁ ୧୮ ଜଣିଆ ଦଳ ଘୋଷଣା କରିଛନ୍ତି। ଅଧିନାୟକ ବିରାଟ କୋହଲି ଦଳକୁ ଫେରିବା ସହ ଅଧିନାୟକ ପଦକୁ ଫେରିଛନ୍ତି। ସେହିପରି ମାତ୍ର ସପ୍ତାହକ ତଳେ ବାପାଙ୍କୁ ହରାଇ ମ୍ରିୟମାଣ ହୋଇଥିବା ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ଚୟନ କମିଟି ଆସ୍ଥା ସ୍ଥାପନ କରିଛି। ଟେଷ୍ଟ ମ୍ୟାଚ ପାଇଁ ପ୍ରଥମ ଚଏସ ବୋଲର ଈଶାନ୍ତ ଶର୍ମା ଫିଟ ହୋଇ ପୁଣି ଥରେ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି। ଅଷ୍ଟ୍ରେଲିଆ ଗସ୍ତରେ ଆହତଜନିତ ସମସ୍ୟା ପାଇଁ ବାଦ ପଡ଼ିଥିବା ଲୋକେଶ ରାହୁଲ ମଧ୍ୟ ଫିଟ ଘୋଷିତ ହେଇ ଦଳରେ ସ୍ଥାନ ପାଇଛନ୍ତି।

ପ୍ରଶଂସନୀୟ ପ୍ରଦର୍ଶନ ପାଇଁ ପୁରସ୍କାର: ଟିମ୍ ଇଣ୍ଡିଆ ପାଇଁ

ଅପେକ୍ଷାକୃତ ଅନଭିଜ୍ଞ ଥିଲେ ହେଁ ପ୍ରତିଭାର ଭଣ୍ଡାର ସଦୃଶ ଭାରତୀୟ ଖେଳାଳିମାନେ ମଙ୍ଗଳବାର ଅଷ୍ଟ୍ରେଲିଆକୁ ତା’ରି ମାଟିରେ ଧରାଶାୟୀ କରି କ୍ରିକେଟ୍ ଜଗତରେ ଆଲୋଡ଼ନ ସୃଷ୍ଟି କରିଛନ୍ତି। ଦଳର ନିୟମିତ ଅଧିନାୟକ ବିରାଟ କୋହଲିଙ୍କ ଅନୁପସ୍ଥିତି ସହ ପରବର୍ତ୍ତୀ ସମୟରେ ମହମ୍ମଦ ଶମୀ, ଉମେଶ ଯାଦବ, ରବିଚନ୍ଦ୍ରନ୍ ଅଶ୍ବିନ୍, ହନୁମା ବିହାରୀ, ଜସପ୍ରୀତ୍ ବୁମରାଙ୍କ ପରି ତାରକା ଖେଳାଳି ଜଣକ ପରେ ଜଣେ ଆହତ କାରଣରୁ ଟିମଠାରୁ ଦୂରେଇ ଯାଇଥିଲେ। ଫଳସ୍ବରୂପ ଏକାଧିକ ଯୁବ ଖେଳାଳି ଡେବ୍ୟୁ କରିବାର ସୁଯୋଗ ପାଇଥିଲେ। ତେବେ ଏହି ଖେଳାଳିମାନେ ସେମାନଙ୍କଠାରେ ଯେ ଭରପୂର ପ୍ରତିଭା ରହିଛି, ତାହା ପ୍ରମାଣିତ କରିଦେଇଛନ୍ତି ଓ ଅଷ୍ଟ୍ରେଲିଆ ସହ ସମଗ୍ର କ୍ରିକେଟ୍ ଜଗତ ଏକ ଚମତ୍କାର କ୍ରିକେଟ୍ ମ୍ୟାଚ୍ ଦେଖିବାକୁ ପାଇଛି। ଟିମ୍ ଇଣ୍ଡିଆର ଏହି ଅବିସ୍ମରଣୀୟ ସଫଳତା ପରିପ୍ରେକ୍ଷୀରେ ବିସିସିଆଇ ପକ୍ଷରୁ ୫ କୋଟି ଟଙ୍କାର ପୁରସ୍କାର ଘୋଷଣା କରାଯାଇଛି। କୋହଲିଙ୍କ ଅନୁପସ୍ଥିତିରେ ଅଜିଙ୍କ୍ୟ ରାହାଣେଙ୍କ ନେତୃତ୍ୱାଧୀନ ଟିମ୍‌ ଇଣ୍ଡିଆର ପ୍ରତିଟି ସଦସ୍ୟ ଓ ସପୋର୍ଟ ଷ୍ଟାଫ୍‌ଙ୍କୁ ସମୁଦାୟ ୫ କୋଟି ଟଙ୍କା ବୋନସ୍ ଆକାରରେ ପ୍ରଦାନ କରାଯିବ ବୋଲି ବିସିସିଆଇ ପକ୍ଷରୁ ସୂଚନା ଦିଆଯାଇଛି।

ଗାବାରେ ଅଷ୍ଟ୍ରେଲିଆ ଦବଦବା ଶେଷ, ଭାରତର ୩ୟ

ମଙ୍ଗଳବାର ଅଷ୍ଟ୍ରେଲିଆ ବିପକ୍ଷ ଟେଷ୍ଟ୍ ସିରିଜର ଶେଷ ମ୍ୟାଚକୁ ଭାରତ ୩ ଓ୍ବିକେଟରେ ଜିତି ଘରୋଇ ଅଷ୍ଟ୍ରେଲିଆକୁ ଧୂଳି ଚଟାଇବାରେ ସକ୍ଷମ ହୋଇଛି। ଏହି ମ୍ୟାଚରୁ ଭାରତର ଏକାଧିକ ତାରକା ଖେଳାଳି ଆହତ କାରଣରୁ ବାଦ୍ ପଡ଼ିଥିଲେ ମଧ୍ୟ ଯୁବ ଖେଳାଳିମାନେ ସେମାନଙ୍କ ପ୍ରତିଭାର ପରିଚୟ ଦେଇ ଘରୋଇ ଦଳ ଉପରେ ବେଶ୍ ଭାରୀ ପଡ଼ିଥିଲେ। ଶେଷ ଦିନରେ ବିଜୟ ପାଇଁ ୩୨୪ ରନ୍ ଆବଶ୍ୟକ କରୁଥିବା ଭାରତ ମ୍ୟାଚକୁ ଡ୍ର’ ରଖିବାକୁ ଉଦ୍ୟମ କରିବ ବୋଲି ସାଧାରଣରେ ଏକ ଧାରଣା ସୃଷ୍ଟି ହୋଇଥିଲେ ମଧ୍ୟ ଦୁଇ ଯୁବ ବ୍ୟାଟ୍ସମ୍ୟାନ୍ ଶୁବମାନ ଗିଲ୍ ଓ ଋଷଭ ପନ୍ତ୍ ଯଥାକ୍ରମେ ୯୧ ଓ ୮୯ ରନ୍ କରିବା ଫଳରେ ଭାରତ ଟିମ୍ ପେନଙ୍କ ନେତୃତ୍ବାଧୀନ ଅଷ୍ଟ୍ରେଲିଆକୁ ୨-୧ରେ ଟେଷ୍ଟ୍ ସିରିଜ୍‌ରେ ପରାସ୍ତ କରିବା ସହ ବର୍ଡର-ଗାଭାସ୍କର ଟ୍ରଫି ବଜାୟ ରଖିଛି। ଏହି ଚମତ୍କାର ବିଜୟ ସହ ଗାବାରେ ଅଷ୍ଟ୍ରେଲିଆର ଦୀର୍ଘ ୩ ଦଶନ୍ଧିର ରାଜୁତିରେ ପୂର୍ଣ୍ଣଚ୍ଛେଦ ପଡ଼ିଛି। ଗତ ୧୯୮୯ରୁ ଅଷ୍ଟ୍ରେଲିଆ ଏଠାରେ ଖେଳିଥିବା ଟେଷ୍ଟଗୁଡ଼ିକରେ ଗୋଟିଏ ବି ପରାଜୟ ବରଣ କରି ନ ଥିଲା। ଗତ ୨୦୧୯ରେ ଦଳ ଏଠାରେ ଶେଷ ଟେଷ୍ଟ୍ ଖେଳିଥିଲା। କିନ୍ତୁ ଭାରତର ଯୁବ ଖେଳାଳିମାନେ ଅଭିଜ୍ଞତାସମ୍ପନ୍ନ ଅଷ୍ଟ୍ରେଲିଆକୁ ମାତ୍ ଦେବାରେ ସକ୍ଷମ ହୋଇଛନ୍ତି। ଆଲୋଚ୍ୟ ସମୟ ମଧ୍ୟରେ ଅଷ୍ଟ୍ରେଲିଆ ଏଠାରେ ୩୧ଟି ଟେଷ୍ଟ୍ ଖେଳିଥିଲା।

ଗିଲ୍ ଓ ପନ୍ତ୍‌ଙ୍କ ସାହସିକ ବ୍ୟାଟିଂ: ଅଷ୍ଟ୍ରେଲିଆକୁ ଧୂଳି ଚଟାଇ

ପିଙ୍କ୍ ବଲ୍ ଟେଷ୍ଟରେ ଲଜ୍ଜାଜନକ ୩୬ ରନରେ ଅଲ୍ଆଉଟ୍ ହୋଇଥିବା ଟିମ୍ ଇଣ୍ଡିଆ ନିଜର ପ୍ରଦର୍ଶନରେ ଏକରକମ ସଂସ୍କାର ଆଣିବାରେ ସକ୍ଷମ ହୋଇଛି। ପ୍ରଥମ ଟେଷ୍ଟରେ ୮ ୱିକେଟରେ ପରାଜୟ ବରଣ କରି ୪ ମ୍ୟାଚ୍ ବିଶିଷ୍ଟ ଟେଷ୍ଟ୍ ସିରିଜ୍‌ରେ ୦-୧ରେ ପଛୁଆ ଥିବା ଭାରତ ପରବର୍ତ୍ତୀ ୩ଟି ଟେଷ୍ଟରେ ପ୍ରଶଂସନୀୟ ପ୍ରଦର୍ଶନ କରିଛି। ଫଳସ୍ବରୂପ ଭ୍ରମଣକାରୀ ଦଳ ୨-୧ରେ ଟେଷ୍ଟ୍ ସିରିଜ୍ ଜିତି ବର୍ଡର୍-ଗାଭାସ୍କର ଟ୍ରଫି ବଜାୟ ରଖିଛି। ଏଥିସହ ଭାରତ ଦୁଇ ବର୍ଷ ତଳେ ଅଷ୍ଟ୍ରେଲିଆ ଗସ୍ତରେ ଐତିହାସିକ ବିଜୟ ହାସଲ କରିଥିବା ବେଳେ ମଙ୍ଗଳବାର ଏହି ଧାରା ବଜାୟ ରଖିବାରେ ସକ୍ଷମ ହୋଇଛି। ବ୍ରିସବେନ୍ ଟେଷ୍ଟର ପଞ୍ଚମ ଦିନରେ ଭାରତ ବିଜୟ ପାଇଁ ୩୨୪ ରନ୍ ଆବଶ୍ୟକ କରୁଥିବା ବେଳେ ଯୁବ ଓପନର ଶୁବମାନ ଗିଲଙ୍କ ୯୧ ଓ ବିସ୍ଫୋରକ ବ୍ୟାଟ୍ସମ୍ୟାନ୍ ଋଷଭ ପନ୍ତ୍‌ଙ୍କ ଅପରାଜିତ ୮୯ ରନ୍ ସହାୟତାରେ ମାତ୍ର ୭ଟି ୱିକେଟ୍ ହରାଇ ବିଜୟ ଲକ୍ଷ୍ୟରେ ପହଞ୍ଚିଯାଇଛି। ଏଥିସହ ଦୀର୍ଘ ୩୨ ବର୍ଷ ଧରି ଏଠାକାର ଗାବା ଗ୍ରାଉଣ୍ଡରେ ଅପରାଜିତ ରହିଥିବା ଅଷ୍ଟ୍ରେଲିଆକୁ ପରାଜୟର ସ୍ବାଦ ଚଖାଇବାରେ ଭାରତୀୟ ଖେଳାଳିମାନେ ସକ୍ଷମ ହୋଇଛନ୍ତି। ୧୩୮ଟି ବଲ୍ ଖେଳି ୯ଟି ଚୌକା ଓ ଗୋଟିଏ ଛକା ଜରିଆରେ ୮୯ ରନ୍ କରି ଅପରାଜିତ ଥିବା ପନ୍ତ୍‌ଙ୍କୁ ମ୍ୟାନ୍ ଅଫ୍ ଦ ମ୍ୟାଚ୍ ଓ ସିରିଜରେ ୨୧ଟି ୱିକେଟ୍ ନେଇଥିବା ଅଷ୍ଟ୍ରେଲୀୟ ପେସର୍ ପ୍ୟାଟ୍ କମିନ୍ସଙ୍କୁ ମ୍ୟାନ୍ ଅଫ୍ ଦ ସିରିଜ୍ ବିବେଚିତ କରାଯାଇଛି। ଗସ୍ତରେ ଭାରତର ୧୦ରୁ ଊର୍ଦ୍ଧ୍ବ ଖେଳାଳି ଆହତ ହେବା ଓ ୪ ଜଣ ଖେଳାଳି ଡେବ୍ୟୁ କରିଥିଲେ ମଧ୍ୟ ସେମାନଙ୍କ ଉପଯୁକ୍ତ ଯୋଗଦାନ ମାଧ୍ୟମରେ ଭାରତ ଏହି ସ୍ମରଣୀୟ ବିଜୟ ହାସଲ କରିଛି।

ଟୟୋଟା ଥାଇଲାଣ୍ଡ୍ ଓପନ୍: ଦ୍ବିତୀୟ ରାଉଣ୍ଡକୁ ଉଠିଲେ ଶ୍ରୀକାନ୍ତ

ମଙ୍ଗଳବାରଠାରୁ ଏଠାରେ ଟୟୋଟା ଥାଇଲାଣ୍ଡ୍ ଓପନ୍ ବ୍ୟାଡମିଣ୍ଟନ୍ ଟୁର୍ଣ୍ଣାମେଣ୍ଟ୍ ଆରମ୍ଭ ହୋଇଥିବା ବେଳେ ଏଥିରେ ପ୍ରଥମ ରାଉଣ୍ଡରେ ବିଜୟୀ ହୋଇଛନ୍ତି ଭାରତର ଦୁଇ ଜଣ ପ୍ରମୁଖ ଶଟଲର୍ ପିଭି ସିନ୍ଧୁ ଓ କିଦାମ୍ବୀ ଶ୍ରୀକାନ୍ତ ବିଜୟୀ ହୋଇଛନ୍ତି। ବିଶ୍ବ ଚାମ୍ପିଅନ୍ ମହିଳା ଶଟଲର୍ ସିନ୍ଧୁ ତାଙ୍କର ପ୍ରଥମ ରାଉଣ୍ଡ୍ ମ୍ୟାଚରେ ଥାଇଲାଣ୍ଡର ବୁସାନାନ୍ ଓଙ୍ଗ୍ବାମରୁଙ୍ଗଫାନ୍‌ଙ୍କୁ ଭେଟିଥିଲେ। ଏହି ସୁପର୍ ୧୦୦୦ ସିରିଜ୍ ଟୁର୍ଣ୍ଣାମେଣ୍ଟରେ ଭାରତର ଟପ୍ ସିଡ୍ ଖେଳାଳି ସିନ୍ଧୁ ୨୧-୧୭, ୨୧-୧୩ରେ ବିଜୟୀ ହୋଇଛନ୍ତି। ଏଥିସହ ଏହି ମ୍ୟାଚଟିକୁ ସିନ୍ଧୁ ୪୩ ମିନିଟରେ ଶେଷ କରିଛନ୍ତି। ଭାରତର ବ୍ୟାଡମିଣ୍ଟନ୍ ଖେଳାଳିମାନେ ପାଖାପାଖି ୧୦ ମାସ ଧରି କୋରୋନା ସଂକ୍ରମଣ କାରଣରୁ କୋର୍ଟଠାରୁ ଦୂରେଇ ରହିବା ପରେ ଗତ ସପ୍ତାହରେ ପ୍ରତ୍ୟାବର୍ତ୍ତନ କରିଥିଲେ। କିନ୍ତୁ ୟୋନେକ୍ସ ଥାଇଲାଣ୍ଡ ଓପନ୍‌ରେ ସିନ୍ଧୁଙ୍କ ପ୍ରଦର୍ଶନ ନୈରାଶ୍ୟଜନକ ଥିଲା।

ସିରିଜ ଡ୍ର’ କରିବା ପରାଜୟ ଠାରୁ ବି ଖରାପ: ପଣ୍ଟିଂ

ଅଷ୍ଟ୍ରେଲିଆ ଦଳ ପୂର୍ବତନ ଅଧିନାୟକ ରିକି ପଣ୍ଟିଂ କହିଛନ୍ତି ଯେ ଯଦି ଭାରତ ବିପକ୍ଷରେ ଅଷ୍ଟ୍ରେଲିଆ ଦଳ ଟେଷ୍ଟ ସିରିଜ ଡ୍ର କରେ, ତାହେଲେ ଏହା ଗତ ସିରିଜ ପରାୟଜଠାରୁ ଆହୁରି ଖରାପ ରେଜଲ୍ଟ ହେବ। କାରଣ ଭାରତୀୟ ଦଳ ଆହତଜନିତ ସମସ୍ୟାକୁ ନେଇ ପୂରା ସିରିଜ ଖେଳିଛି। ଦଳରେ ୫ ଜଣ ଆଗଧାଡ଼ିର ବୋଲର ବ୍ରିସବେନ ଟେଷ୍ଟ ଖେଳୁ ନାହାନ୍ତି। ସେହିପରି ନିର୍ଭରଯୋଗ୍ୟ ବ୍ୟାଟ୍ସମ୍ୟାନଙ୍କୁ ବି ଭାରତୀୟ ଦଳ ସିରିଜ ଅଧାରୁ ହରାଇଛି। ଆଉ ନିୟମିତ ଅଧିନାୟକ ବିରାଟ କୋହଲି ମଧ୍ୟ ଦଳ ସହ ନାହାନ୍ତି। ଏସବୁ ସତ୍ତ୍ବେ ଅଷ୍ଟ୍ରେଲିଆ ଯଦି ୪ ମ୍ୟାଚ ସିରିଜ ଡ୍ର ରଖେ ତାହେଲେ ଗତ ସିରିଜ ପରାଜୟ ଠାରୁ ଏହି ଡ୍ର’ ରେଜଲ୍ଟ ବେଶି ପ୍ରଭାବ ପକାଇବ। ଆଉ ଯଦି ସିରିଜ ଡ୍ର ରୁହେ ଭାରତ ଗତ ସିରିଜରେ ବିଜୟୀ ହୋଇଥିବାକରୁ ବର୍ଡର-ଗାଭାସ୍କର ଟ୍ରଫି ବଜାୟ ରଖିବ।

ବ୍ରିସବେନରେ ୫ ୱିକେଟ ନେବାରେ ସିରାଜ ପଞ୍ଚମ ଭାରତୀୟ

ଟେଷ୍ଟ କ୍ୟାରିଅରର ୩ୟ ମ୍ୟାଚ ଖେଳୁଥିବା ଦ୍ରୁତ ବୋଲର ମହମ୍ମଦ ସିରାଜ ଭାରତ-ଅଷ୍ଟ୍ରେଲିଆ ଟେଷ୍ଟ ସିରିଜର ୪ର୍ଥ ଦିନରେ ୫ ୱିକେଟ ବୋଲିଂ ସଫଳତା ହାସଲ କରିଛନ୍ତି। ବ୍ରିସବେନରେ ଏପରି ସଫଳତା ହାସଲ କରିବାରେ ସିରାଜ ପଞ୍ଚମ ଭାରତୀୟ ବୋଲର। ଆଉ ଦୀର୍ଘ ୧୭ ବର୍ଷର ବ୍ୟବଧାନ ପରେ ଜଣେ ଭାରତୀୟ ବୋଲର ପୁଣି ଥରେ ଏହି ସଫଳତା ପାଇଛନ୍ତି। ସିରାଜ ଅଷ୍ଟ୍ରେଲିଆର ଦ୍ବିତୀୟ ଇନିଂସରେ ୧୯.୫ ଓଭର ବୋଲିଂ କରି ୭୩ ରନ ଦେଇ ତାଙ୍କ କ୍ୟାରିଅରରେ ପ୍ରଥମ ୫ ୱିକେଟ ସଫଳତା ପାଇଛନ୍ତି। ବାପାଙ୍କ ମତ୍ୟୁ ସତ୍ତ୍ବେ ଅଷ୍ଟ୍ରେଲିଆ ଗସ୍ତରୁ ନ ଫେରି ଦଳ ସହ ରହିବା ନେଇ ସେ ଯେଉଁ ପ୍ରତିବଦ୍ଧତା ଦେଖାଇଥିଲେ, ତାହାର ସୁଫଳ ପାଇପାରିଛନ୍ତି। ସିରାଜଙ୍କୁ ଅଷ୍ଟ୍ରେଲୀୟ ଦର୍ଶକ ଜାତିଆଣ ଆରୋପ କରି ମନୋବଳ ଭାଙ୍ଗିବା ପାଇଁ ଉଦ୍ୟମ କରିବା ସତ୍ତ୍ବେ ସେ ଏହାକୁ ଭ୍ରୁକ୍ଷେପ ନ କରି ଶ୍ରେଷ୍ଠ ପ୍ରଦର୍ଶନ କରି ଭାରତ ପାଇଁ ସିରିଜ ଜିତିବା ସକାଶେ ସୁଯୋଗ ସୃଷ୍ଟି କରିଛନ୍ତି।

ସିରାଜଙ୍କୁ ୫ ୱିକେଟ, ବ୍ରିସବେନ୍ ଟେଷ୍ଟରେ ଭାରତକୁ ୩୨୮

ସାମ୍ପ୍ରତିକ ସମୟରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଟେଷ୍ଟ୍ ସିରିଜର ଚତୁର୍ଥ ତଥା ଅନ୍ତିମ ଟେଷ୍ଟରେ ଜିତିବାକୁ ହେଲେ ଭାରତକୁ ୩୨୮ ରନ୍ କରିବାକୁ ପଡ଼ିବ। କାରଣ ଘରୋଇ ଅଷ୍ଟ୍ରେଲିଆ ପ୍ରଥମ ଇନିଂସରେ ୩୩ ରନର ଅଗ୍ରଣୀ ପାଇବା ପରେ ଦ୍ବିତୀୟ ଇନିଂସରେ ୨୯୪ ରନ୍ କରି ଅଲ୍ଆଉଟ୍ ହୋଇଛି। ଜବାବରେ ଭାରତ ତା’ର ଦ୍ବିତୀୟ ଇନିଂସରେ ବିନା କୌଣସି କ୍ଷତିରେ ୪ ରନ୍ କରିଛି। ଦୁଇ ଓପନର ରୋହିତ ଶର୍ମା ୪ ଓ ଶୁବମାନ ଗିଲ୍ ବିନା କୌଣସି ରନ୍ କରି ଅପରାଜିତ ଅଛନ୍ତି। ପୂର୍ବରୁ ଅଷ୍ଟ୍ରେଲିଆ ମ୍ୟାଚର ୩ୟ ଦିନର ଖେଳ ଶେଷ ସୁଦ୍ଧା ବିନା କୌଣସି କ୍ଷତିରେ ୨୧ ରନ୍ କରିଥିବା ବେଳେ ସୋମବାର ଏହିଠାରୁ ଦୁଇ ଅପରାଜିତ ଓପନର ଡେଭିଡ୍ ୱାର୍ଣ୍ଣର୍ (୨୦) ଓ ମାର୍କସ୍ ହାରିସ୍ (୧) ଖେଳ ଆରମ୍ଭ କରିଥିଲେ। ତେବେ ଭାରତୀୟ ବୋଲରମାନେ ଦମଦାର ପ୍ରଦର୍ଶନ କରିବା ଫଳରେ ଅଷ୍ଟ୍ରେଲିଆ ଇନିଂସ ୨୯୪ରେ ସୀମିତ ରହିଥିଲା। ଭାରତ ପକ୍ଷରୁ ମହମ୍ମଦ ସିରାଜ୍ ଚମତ୍କାର ବୋଲିଂ କରି ୭୩ ରନ୍ ବ୍ୟୟ କରି ୫ଟି ଓ୍ବିକେଟ୍ ନେଇଥିବା ବେଳେ ଶାର୍ଦ୍ଦୁଲ୍ ଠାକୁର ମଧ୍ୟ ପ୍ରଶଂସନୀୟ ବୋଲିଂ କରି ୪ଟି ୱିକେଟ୍ ନେଇଥିଲେ। ଅନ୍ୟତମ ୱିକେଟଟି ଡେବ୍ୟୁଟାଣ୍ଟ୍ ୱାଶିଂଟନ୍ ସୁନ୍ଦରଙ୍କୁ ମିଳିଛି।

ଗାଲ୍ ଟେଷ୍ଟକୁ ୭ ୱିକେଟରେ ଜିତିନେଲା ଇଂଲଣ୍ଡ, ରୁଟ୍ ମ୍ୟାନ୍

ଚଳିତ ଶ୍ରୀଲଙ୍କା ଗସ୍ତରେ ଭ୍ରମଣକାରୀ ଇଂଲଣ୍ଡ ସୋମବାର ତା’ର ପ୍ରଥମ ବିଜୟ ହାସଲ କରିଛି। ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ୍ ସିରିଜର ପ୍ରଥମ ମ୍ୟାଚରେ ଦଳ ଶ୍ରୀଲଙ୍କାକୁ ୭ ୱିକେଟରେ ପରାସ୍ତ କରି ୧-୦ରେ ଆଗୁଆ ରହିଛି। ପ୍ରଥମ ଇନିଂସ ଭିତ୍ତିରେ ୨୮୬ ରନରେ ଆଗୁଆ ରହିବା ପରେ ଇଂଲଣ୍ଡ ଶ୍ରୀଲଙ୍କାର ଦ୍ବିତୀୟ ଇନିଂସକୁ ୩୫୯ ରନରେ ଶେଷ କରିଥିଲା। ଫଳରେ ଦଳ ଆଗରେ ବିଜୟ ପାଇଁ ମାତ୍ର ୭୪ ରନର ବିଜୟ ଲକ୍ଷ୍ୟ ଧାର୍ଯ୍ୟ ହୋଇଥିଲା। ଏହି ଲକ୍ଷ୍ୟର ପିଛା କରି ଇଂଲଣ୍ଡ ମାତ୍ର ୩ଟି ୱିକେଟ୍ ହରାଇ ୭୬ ରନ୍ କରି ବେଶ୍ ସହଜ ବିଜୟ ହାସଲ କରିବା ସହ ମ୍ୟାଚକୁ ଚତୁର୍ଥ ଦିନର ପ୍ରଥମ ସେସନରେ ହିଁ ଶେଷ କରିଛି। ରବିବାର ମ୍ୟାଚର ୩ୟ ଦିନର ଖେଳ ଶେଷ ସୁଦ୍ଧା ଇଂଲଣ୍ଡ ୩ଟି ୱିକେଟ୍ ହରାଇ ୩୮ ରନ୍ କରିଥିଲା। ଏହିଠାରୁ ସୋମବାର ଦୁଇ ଅପରାଜିତ ବ୍ୟାଟ୍ସମ୍ୟାନ୍ ଜନ୍ନି ବେୟାରଷ୍ଟୋ ଓ ଡାନ୍ ଲରେନ୍ସ ଯଥାକ୍ରମେ ୧୧ ଓ ୭ ରନରୁ ସେମାନଙ୍କ ବ୍ୟାଟିଂ ଆରମ୍ଭ କରିଥିଲେ। ସେମାନେ ଆଉ କୌଣସି ୱିକେଟର ପତନ ଘଟିବାକୁ ନ ଦେଇ ଦଳକୁ ବିଜୟ ଲକ୍ଷ୍ୟରେ ପହଞ୍ଚାଇଥିଲେ। ବେୟାରଷ୍ଟୋ ୨ଟି ଚୌକା ସହ ୩୫ ରନରେ ଅପରାଜିତ ଥିବା ବେଳେ ଲରେନ୍ସ ୨୧ ରନ୍ କରି ଅପରାଜିତ ଥିଲେ। ଶ୍ରୀଲଙ୍କା ପକ୍ଷରୁ ଲାସିଥ୍ ଏମ୍ବୁଲଦେନିୟା ୨ଟି ଓ୍ବିକେଟ୍ ନେଇଥିଲେ ଓ ଅଧିନାୟକ ଜୋ ରୁଟ୍ ୧ ରନ୍ କରି ରନଆଉଟ୍ ହୋଇଥିଲେ। ପ୍ରଥମ ଇନିଂସରେ ହାସଲ କରିଥିବା ରେକର୍ଡ ଦ୍ବିଶତକୀୟ ଇନିଂସ ପାଇଁ ସେ ମ୍ୟାନ୍ ଅଫ୍ ଦ ମ୍ୟାଚ୍ ବିବେଚିତ ହୋଇଛନ୍ତି।

ସମ୍ମାନ ରଖିଲେ ଶାର୍ଦ୍ଦୁଲ୍-ସୁନ୍ଦର, ରେକର୍ଡ ଭାଗିଦାରୀ ପରେ

ଚଳିତ ଭାରତ-ଅଷ୍ଟ୍ରେଲିଆ ଟେଷ୍ଟ୍ ସିରିଜର ୩ୟ ତଥା ଚୂଡ଼ାନ୍ତ ଟେଷ୍ଟ୍ ଏଠାକାର ଗାବା ଗ୍ରାଉଣ୍ଡରେ ଜାରି ରହିଛି। ମ୍ୟାଚର ୩ୟ ଦିନରେ ରବିବାର ଘରୋଇ ଅଷ୍ଟ୍ରେଲିଆ ପ୍ରଥମ ଇନିଂସ ଭିତ୍ତିରେ ୩୩ ରନରେ ଆଗୁଆ ରହିଛି। ଦ୍ବିତୀୟ ଦିନରେ ୨ଟି ୱିକେଟ୍ ହରାଇ ୬୨ ରନ୍ କରିଥିବା ଭାରତ ରବିବାର ୩୩୬ ରନ୍ କରି ଅଲଆଉଟ୍ ହେବା ଫଳରେ ଅଷ୍ଟ୍ରେଲିଆକୁ ଏହି ଅଗ୍ରଣୀ ମିଳିଛି। ୩ୟ ଦିନରେ ଘରୋଇ ଦଳ ତା’ର ଦ୍ବିତୀୟ ଇନିଂସ ଆରମ୍ଭ କରି ୬ ଓଭର୍ ଖେଳିବା ସହ ବିନା କୌଣସି କ୍ଷତିରେ ୨୧ ରନ୍ କରିଛି। ଅର୍ଥାତ୍ ରବିବାରର ଖେଳ ଶେଷ ସୁଦ୍ଧା ଅଷ୍ଟ୍ରେଲିଆ ଏହି ମ୍ୟାଚରେ ସମୁଦାୟ ୫୪ ରନରେ ଆଗୁଆ ରହିଛି ଓ ଦଳ ହାତରେ ଏବେ ବି ୧୦ଟିଯାକ ଦ୍ବିତୀୟ ଇନିଂସ ୱିକେଟ୍ ସୁରକ୍ଷିତ ରହିଛି। ତେବେ ୩ୟ ଦିନରେ ଭାରତର ଦୁଇ ଜଣ ସ୍ପେଶାଲିଷ୍ଟ୍ ବୋଲର୍ ଚମତ୍କାର ବ୍ୟାଟିଂ କରି ଶତକୀୟ ଭାଗିଦାରୀ କରିବା ସବୁଠାରୁ ଚର୍ଚ୍ଚିତ ଘଟଣା ଥିଲା। ଦୀର୍ଘଦିନ ପରେ ଟେଷ୍ଟ୍ ଟିମକୁ ଫେରିଥିବା ଶାର୍ଦ୍ଦୁଲ୍ ଠାକୁର ଓ ଏଠାରେ ଦୁଇ ଦିନ ତଳେ ଡେବ୍ୟୁ କରିଥିବା ୱାଶିଂଟନ୍ ସୁନ୍ଦର ୧୨୩ ରନ୍ ଯୋଡ଼ି ଭାରତର ସମ୍ମାନ ରଖିବା ସହ ଅଷ୍ଟ୍ରେଲିଆକୁ ବଡ଼ ଅଗ୍ରଣୀ ନେବାରୁ ବଞ୍ଚିତ କରିଛନ୍ତି। ଉଭୟ ବ୍ୟାଟ୍ସମ୍ୟାନ୍ ଅର୍ଦ୍ଧଶତକୀୟ ଇନିଂସ ଖେଳିବା ସହ ଭାରତ ପକ୍ଷରୁ ଅଷ୍ଟ୍ରେଲିଆରେ ସପ୍ତମ ୱିକେଟ୍ ପାଇଁ ୩ୟ ସର୍ବାଧିକ ଭାଗିଦାରୀ କରିଥିଲେ। ସେହିପରି ସୁନ୍ଦର ଅଷ୍ଟ୍ରେଲିଆରେ ବିଦେଶୀ ବ୍ୟାଟ୍ସମ୍ୟାନ୍ ଭାବେ ଡେବ୍ୟୁରେ ସର୍ବାଧିକ ସ୍କୋର୍ କରିବାର ରେକର୍ଡ ମଧ୍ୟ ନିଜ ନାମରେ କରିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ