ଖେଳକୁଦ

ଅଲ୍‌ ଇଂଲଣ୍ଡ ବ୍ୟାଡ୍‌ମିଣ୍ଟନ୍ ଚାମ୍ପିଅନ୍‌ଶିପ୍‌: କ୍ବାର୍ଟର୍‌ରେ ସିନ୍ଧୁ ଓ
ଇଣ୍ଡିଆନ୍‌ ସୁପର୍‌ କପ୍‌ କ୍ବାଲିଫାୟର୍ସ: ପ୍ରିକ୍ବାର୍ଟର୍‌ରେ ପହଞ୍ଚିଲେ
ରାଜ୍ୟଗୋଷ୍ଠୀ କ୍ରୀଡ଼ା ପାଇଁ ଭାରତୀୟ ମହିଳା ହକି ଦଳ

ଆସନ୍ତା ୪ ତାରିଖଠାରୁ ଅଷ୍ଟ୍ରେଲିଆର ଗୋଲ୍‌ଡ କୋଷ୍ଟ୍‌ଠାରେ ଆରମ୍ଭ ହେଉଥିବା ରାଜ୍ୟଗୋଷ୍ଠୀ କ୍ରୀଡ଼ାର ଏକବିଂଶତମ ସଂସ୍କରଣରେ ଭାଗ ନେବା ସକାଶେ ବୁଧବାର ଭାରତୀୟ ମହିଳା ହକି ଦଳର ଘୋଷଣା କରାଯାଇଛି। ଏହି ୧୮ ଜଣିଆ ଦଳର ନେତୃତ୍ବ ଦାୟିତ୍ବ ପ୍ରମୁଖ ଷ୍ଟ୍ରାଇକର୍‌ ରାନୀଙ୍କୁ ଦିଆଯାଇଥିବା ବେଳେ ୪ ଜଣ ଓଡ଼ିଆ ଖେଳାଳିଙ୍କୁ ସ୍ଥାନ ଦିଆଯାଇଛି। ସେମାନେ ହେଲେ ଦୀପଗ୍ରେସ୍‌ ଏକ୍କା, ଲିଲିମା ମିଞ୍ଜ୍‌, ସୁନୀତା ଲାକ୍ରା ଓ ନମିତା ଟପ୍ପୋ। ଏହି ୪ ଖେଳାଳି ନିୟମିତ ଭାବେ ସିନିୟର୍‌ ଦଳ ସହ ଖେଳିଆସୁଥିବା ବେଳେ ଗତ ୨୦୧୬ ରିଓ ଅଲିମ୍ପିକ୍ସରେ ମଧ୍ୟ ଭାଗ ନେଇଥିଲେ। ଏହାଛଡ଼ା ଦଳର ଉପଅଧିନାୟିକା ଦାୟିତ୍ବ ନିକଟରେ ଦକ୍ଷିଣ କୋରିଆ ଗସ୍ତ ପାଇଁ ବିଶ୍ରାମ ପାଇଥିବା ଗୋଲ୍‌କିପର୍‌ ସବିତାଙ୍କୁ ମିଳିଛି।

ରବାଡାଙ୍କୁ ୬ ଓ୍ୱିକେଟ୍: ଦ୍ୱିତୀୟ ଟେଷ୍ଟ୍ ଜିତି ସିରିଜ୍‌କୁ ଫେରିଲା

ଯୁବ ଦ୍ରୁତ ବୋଲର୍ କାଗିସୋ ରବାଡାଙ୍କ ଚମତ୍କାର ବୋଲିଂ ବଳରେ ଘରୋଇ ଦକ୍ଷିଣ ଆଫ୍ରିକା ଦ୍ୱିତୀୟ ଟେଷ୍ଟରେ ଅଷ୍ଟ୍ରେଲିଆକୁ ୬ ଓ୍ୱିକେଟ୍‌ରେ ପରାସ୍ତ କରିଛି। ଏଥିସହ ସାଉଥ୍ ଆଫ୍ରିକା ଚାରିମ୍ୟାଚ୍ ବିଶିଷ୍ଟ ସିରିଜ୍‌କୁ ୧-୧ରେ ବରାବର କରିଛି। ଡର୍ବାନ୍‌ରେ ଅନୁଷ୍ଠିତ ପ୍ରଥମ ଟେଷ୍ଟରେ ଅଷ୍ଟ୍ରେଲିଆ ବିଜୟୀ ହୋଇଥିଲା। ପୋର୍ଟ ଏଲିଜାବେଥ୍ ଟେଷ୍ଟର ଚତୁର୍ଥ ଦିବସରେ ସୋମବାର ଦକ୍ଷିଣଆଫ୍ରିକା ବୋଲର ଦମ୍‌ଦାର ପ୍ରଦର୍ଶନ କରି ଅଷ୍ଟ୍ରେଲିଆକୁ ଦ୍ୱିତୀୟ ଇନିଂସ୍‌ରେ ୨୩୯ ରନ୍‌ରେ ସୀମିତ ରଖିଥିଲା। ପ୍ରଥମ ଇନିଂସ୍‌ରେ ୫ଟି ଓ୍ୱିକେଟ୍ ନେଇଥିବା ରବାଡା ଦ୍ୱିତୀୟ ଇନିଂସରେ ୫୪ ରନ୍ ଦେଇ ୬ଟି ଓ୍ୱିକେଟ୍ ନେଇ ମ୍ୟାଚ୍ ବିଜେତା ସାବ୍ୟସ୍ତ ହୋଇଛନ୍ତି। ପ୍ରଥମ ଇନିଂସ୍ ୧୩୯ ରନ୍‌ରେ ପଛୁଆ ଥିବା ଅଷ୍ଟ୍ରେଲିଆ ପ୍ରତିପକ୍ଷ ଦକ୍ଷିଣ ଆଫ୍ରିକା ସାମ୍ନାରେ ମାତ୍ର ୧୦୧ ରନ୍‌ର ବିଜୟ ଲକ୍ଷ୍ୟ ରଖିଥିଲା ଯାହାକୁ ଘରୋଇ ଦଳ ୪ ଓ୍ୱିକେଟ୍ ହରାଇ ହାସଲ କରିନେଇଥିଲା। ଅଧିନାୟକ ଫାଫ୍ ଡ୍ୟୁପ୍ଲେସିସ୍ ୨ ଓ ଡି’ ବ୍ରୁନ୍ ୧୫ ରନ୍ କରି ଅପରାଜିତ ରହିବା ସହ ଦଳକୁ ବିଜୟ ଲକ୍ଷ୍ୟରେ ପହଞ୍ଚାଇଥିଲେ। ଦକ୍ଷିଣ ଆଫ୍ରିକା ପକ୍ଷରୁ ପ୍ରଥମ ଇନିଂସ୍‌ରେ ଏବି ଡି’ଭିଲିୟର୍ସ ୧୨୬ ରନ୍‌ର ଅପରାଜିତ ଇନିଂସ ଖେଳିଥିବା ବେଳେ ରବାଡା ସମୁଦାୟ ୧୧ଟି ଓ୍ୱିକେଟ୍ ନେଇ ମ୍ୟାନ୍ ଅଫ୍ ଦ ମ୍ୟାଚ୍ ବିବେଚିତ ହୋଇଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ