ବାଦ ବିବାଦ

ଜେଏନୟୁ ଛାତ୍ର ଶର୍ଜୀଲ ଇମାମ ଜହାନାବାଦରୁ ଗିରଫ
ପାକିସ୍ତାନରେ ହିନ୍ଦୁ ଯୁବତୀଙ୍କୁ ଅପହରଣ ଓ ଧର୍ମ ପରିବର୍ତ୍ତନ

ପାକିସ୍ତାନରେ ପୁଣି ଜଣେ ହିନ୍ଦୁ ନାବାଳିକାଙ୍କୁ ଅପହରଣ କରି ଜବରଦସ୍ତ ଧର୍ମ ପରିବର୍ତ୍ତନ କରାଇ ବାହା କରି ଦିଆଯାଇଥିବା ନେଇ କଥା ପଦାକୁ ଆସିଛି। ଏପରି ହିନ୍ଦୁ ନାବାଳିକା ଜଣଙ୍କ ପାଇଁ ବାହା ବେଦୀ ପ୍ରସ୍ତୁତ ସରିଥିଲା ବେଳେ ତାଙ୍କୁ ବିବାହ ସ୍ଥଳୀରୁ ହିଁ ଅପହରଣ କରାଯିବା ପରେ ଧର୍ମ ପରିବର୍ତ୍ତନ କରାଯାଇ ଜଣେ ମୁସଲମାନ ବ୍ୟକ୍ତିକୁ ବାହା କରିଦିଆଯାଇଥିବା ଜଣାପଡ଼ିଛି। ଅପହୃତ ହୋଇଥିବା ହିନ୍ଦୁ ନାବାଳିକା ଜଣକ ସିନ୍ଧ ପ୍ରୋଭିନ୍ସର ହୋଇଥିଲା ବେଳେ ତାଙ୍କୁ କରାଚୀରୁ ପାକିସ୍ତାନ ପୋଲି ଉଦ୍ଧାର କରି କୋର୍ଟରେ ହାଜର କରିଛି। ମାତ୍ର ଯେଉଁମାନେ ହିନ୍ଦୁ ନାବାଳିକାଙ୍କୁ ଅପହରଣ କରି ଧର୍ମ ପରିବର୍ତ୍ତନ କରାଇଥିଲେ, ସେମାନଙ୍କୁ ପାକିସ୍ତାନ ପୋଲିସ ଗିରଫ କରିବାରେ ସଫଳ ହୋଇଛି ନା ନାହିଁ, ତାହା ଜଣାପଡ଼ିନି।

ୟୁରୋପିଆନ୍‌ ପାର୍ଲାମେଣ୍ଟରେ ସିଏଏ ବିରୋଧୀ ପ୍ରସ୍ତାବ
ଘରେ ପଶି ଦୁଷ୍କର୍ମ ଲୁଣ୍ଠନ କରିବା ପୂର୍ବରୁ ସିଏଏ ବିରୋଧୀଙ୍କୁ

କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ସିଏଏ ବିରୋଧୀ ମାନଙ୍କୁ ଦେଶଦ୍ରୋହୀ କହିବା ସହ ସେମାନଙ୍କୁ ହତ୍ୟା କରିବା ସକାଶେ ଆହ୍ବାନ ଦେଇଥିବା ବେଳେ ଆଉ ଜଣେ ବିଜେପି ସାଂସଦ ସମାନ ମତ ବ୍ୟକ୍ତ କରିଛନ୍ତି। ଶାହୀନ୍‌ବାଗ୍‌ଠାରେ ଚାଲିଥିବା ସିଏଏ ବିରୋଧୀ ଆନ୍ଦୋଳନରେ ସାମିଲ୍‌ ଥିବା ଲୋକମାନେ ଆଗାମୀ ଦିନରେ ଦିଲ୍ଲୀବାସୀଙ୍କ ଘରେ ପଶି ସେମାନଙ୍କ ଝିଅବୋହୂଙ୍କୁ ଦୁଷ୍କର୍ମ କରିବା ସହ ହତ୍ୟା କରିବେ। ତେଣୁ ଦିଲ୍ଲୀବାସୀ ସେମାନଙ୍କୁ ହତ୍ୟା କରିବାକୁ ବିଜେପି ସାଂସଦ ପରବେଶ ବର୍ମା ଆହ୍ବାନ ଦେଇଛନ୍ତି। ସେ କହିଛନ୍ତି ଯେ ଦିଲ୍ଲୀବାସୀ ବର୍ତ୍ତମାନ ବିଚାର କରିବାର ସମୟ ଆସିଛି। ସେମାନେ ବୁଦ୍ଧି ବିବେକ ଖଟେଇ ବିଚାର କରନ୍ତୁ ଓ ସେମାନଙ୍କ ପରିବାର ବିପଦ ସାଜିବାକୁ ଥିବା ସିଏଏବିରୋଧୀମାନଙ୍କୁ ଏବେ ଦଣ୍ଡ ଦିଅନ୍ତୁ। ଆଗାମୀ ଦିନରେ କୌଣସି ବିପଦ ପଡ଼ିଲେ ମୋଦିଜୀ କିମ୍ବା ଶାହଜୀ ସେମାନଙ୍କୁ ବଞ୍ଚାଇବାକୁ ଆସିବେ ନାହିଁ ବୋଲି ବର୍ମା କହିଛନ୍ତି।

ବିବାଦୀୟ ବୟାନ ଦେଇ ଅଡ଼ୁଆରେ ଅନୁରାଗ ଠାକୁର

କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ତଥା ବିଜେପି ସାଂସଦ ଅନୁରାଗ ଏବେ ବିବାଦୀୟ ବୟାନ ଦେଇ ଅଡ଼ୁଆରେ ପଡ଼ିଛନ୍ତି। ଏଣୁ ରିଥାଲା ନିର୍ବାଚନମଣ୍ଡଳୀର ରିଟର୍ଣ୍ଣିଂ ଅଫିସର୍‌ଙ୍କଠାରୁ ଦିଲ୍ଲୀ ମୁଖ୍ୟ ନିର୍ବାଚନ ଅଧିକାରୀ (ସିଇଓ) ରିପୋର୍ଟ ତଲବ କରିଛନ୍ତି। ସିଏଏ ବିରୋଧୀ ଆନ୍ଦୋଳନକାରୀମାନଙ୍କ ଉପରେ ଅନୁରାଗ ବର୍ଷିବା ସହ ସେମାନଙ୍କୁ ଦେଶଦ୍ରୋହୀ ବୋଲି କହିବା ସହ ସେମାନଙ୍କୁ ଗୁଳି ମାରିଦେବା ଉଚିତ ବୋଲି କହିଥିଲେ। ଏପରି ବିବାଦୀୟ ମନ୍ତବ୍ୟ ପାଇଁ ବିରୋଧୀ କଂଗ୍ରେସ ବିଜେପିକୁ ଟାର୍ଗେଟ୍‌ କରିବା ସହ ଏହା ବିରୋଧରେ ସିଇଓ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବା ସକାଶେ ଦାବି କରିଛି। ଅନ୍ୟପକ୍ଷରେ ଏନେଇ କୌଣସି ଲିଖିତ ଅଭିଯୋଗ ମିଳି ନ ଥିଲେ ହେଁ ଏନେଇ ଜିଲ୍ଲା ନିର୍ବାଚନ ଅଧିକାରୀଙ୍କଠାରୁ ରିପୋର୍ଟ ମଗାଯାଇଥିବା ସିଇଓଙ୍କ ପକ୍ଷରୁ କୁହାଯାଇଛି।

ମୁକେଶ ମାମଲାର ତ୍ବରିତ ଶୁଣାଣି ସପକ୍ଷରେ ପ୍ରଧାନ ବିଚାରପତି
ଲାଞ୍ଚ ନେଇ ସିଏଏ ବିରୋଧରେ ସ୍ବର ଉଠାଇଛନ୍ତି ସିବଲ୍‌!

କେନ୍ଦ୍ର ସରକାର ଗତ ମାସରେ ନାଗରିକତା ସଂଶୋଧନ ଆଇନ (ସିଏଏ) ଲାଗୁ କରିବା ପରେ ଏହାକୁ ଉତ୍ତର-ପୂର୍ବାଞ୍ଚଳ ରାଜ୍ୟ ଓ ଅନ୍ୟାନ୍ୟ ରାଜ୍ୟମାନଙ୍କରେ ବିରୋଧ କରାଯାଇଆସୁଛି। ବିରୋଧୀ କଂଗ୍ରେସ ଦଳ ଓ ଅନ୍ୟାନ୍ୟ ଦଳମାନେ ଏଥିରେ ସକ୍ରିୟ ସହଯୋଗ କରୁଛନ୍ତି। ତେବେ କଂଗ୍ରେସର ବରିଷ୍ଠ ନେତା କପିଲ ସିବଲ୍‌ଙ୍କ ବିରୋଧରେ ସିଏଏ ବିରୋଧୀ ଆନ୍ଦୋଳନ ପ୍ରସଙ୍ଗରେ ଗୁରୁତର ଅଭିଯୋଗ ଆସିଛି। କଂଗ୍ରେସର ଏହି ପୂର୍ବତନ କେନ୍ଦ୍ର ମନ୍ତ୍ରୀ ଲାଞ୍ଚ ନେଇ ସିଏଏ ବିରୋଧରେ ସ୍ବର ଉତ୍ତୋଳନ କରିଥିବା ଏକ ଇଂରାଜୀ ଗଣମାଧ୍ୟମରେ ପ୍ରସାରିତ ରିପୋର୍ଟରେ କୁହାଯାଇଛି। ଏହି ରିପୋର୍ଟରେ ଯେଉଁ ସଂଗଠନ ଲାଞ୍ଚ ଦେଇଛି, ତାହା ଏକ କଠୋରପନ୍ଥୀ ଇସଲାମୀୟ ସଂଗଠନ ଓ ତା’ର ନାମ ପପୁଲାର୍‌ ଫ୍ରଣ୍ଟ୍‌ ଅଫ୍ ଇଣ୍ଡିଆ (ପିଏଫ୍‌ଆଇ) ବୋଲି କୁହାଯାଇଛି।

ବିମାନବନ୍ଦରରେ ଛାତ ଭୁଶୁଡ଼ିବା ଘଟଣା: କଣ୍ଟ୍ରାକ୍ଟର ଦିଲ୍ଲୀପଙ୍କ

ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ଟର୍ମିନାଲ-୧ରୁ ଟର୍ମିନାଲ-୨କୁ ସଂଯୋଗ କରୁଥିବା ବିଲ୍ଡିଂ ଶୁକ୍ରବାର ରାତିରେ ଭୁଶୁଡିବା ଘଟଣାରେ ଦିଲ୍ଲୀପ କନ୍‌ଷ୍ଟ୍ରକଶନ କଣ୍ଟ୍ରାକ୍ଟର ଦିଲ୍ଲୀପ ଖଟେଇଙ୍କ ସମେତ ୪ ଜଣଙ୍କୁ ଶନିବାର ଗିରଫ କରାଯାଇଛି। ସେମାନେ ହେଲେ ଇଞ୍ଜିନିୟର ଅଭିଳାଷ ସରକାର, ଆଶିଷ ସରକାର ଓ ବିମାନବନ୍ଦର ପ୍ରୋଜେକ୍ଟ ଇନଚାର୍ଜ ଗୌତମ ରାଏ। ଶନିବାର ଏମାନଙ୍କ ଜାମିନ ନାମଞ୍ଜୁର ହେବା ପରେ ରାତିରେ ଝାରପଡ଼ା ଜେଲକୁ ପଠାଇ ଦିଆଯାଇଛି। ଶୁକ୍ରବାର ରାତିରେ ଦିଲ୍ଲୀପ ଏବଂ ଇଞ୍ଜିନିୟରଙ୍କୁ ପୋଲିସ ଅଟକ ରଖି ପଚରାଉଚରା କରୁଥିଲା। ଅନ୍ୟପଟରେ ଏହି କନ୍‌ଷ୍ଟ୍ରକ୍ସନ ସଂସ୍ଥାର ଅନ୍ୟ କେଉଁମାନେ ଦୁର୍ଘଟଣା ପଛରେ ସଂପୃକ୍ତ, ତାହା ଜଣାପଡ଼ିବା ପରେ ସେମାନଙ୍କୁ ଗିରଫ କରାଯିବ ବୋଲି ପୋଲିସ କହିଛି।

ଫୋନ୍‌ ଟ୍ୟାପିଙ୍ଗ୍‌ ଅଭିଯୋଗ ନେଇ ମହାରାଷ୍ଟ୍ର ସରକାର

ମହାରାଷ୍ଟ୍ରରେ ଗତ ବର୍ଷ ସମ୍ପନ୍ନ ବିଧାନସଭା ନିର୍ବାଚନ ସମୟରେ କ୍ଷମତାରେ ଥିବା ବିଜେପି ସରକାର ଏନ୍‌ସିପି ଓ ଶିବସେନା ନେତାମାନଙ୍କର ଫୋନ୍‌କୁ ଟ୍ୟାପ୍‌ କରିଥିଲା ବୋଲି ଶୁକ୍ରବାର ମହାରାଷ୍ଟ୍ର ସରକାର ଅଭିଯୋଗ କରିଛନ୍ତି। କିନ୍ତୁ ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼୍‌ନବୀସ ଏପରି ଅଭିଯୋଗକୁ ଖଣ୍ଡନ କରିବା ସହ ମହାରାଷ୍ଟ୍ର ରାଜନୀତି ସଂସ୍କୃତିରେ ଏପରି ପରମ୍ପରା ନାହିଁ ବୋଲି କହିଛନ୍ତି। ତାଙ୍କ ଶାସନ କାଳ ସମୟରେ ସରକାର କଦାପି କୌଣସି ଫୋନ୍‌ କଲ୍‌ ଟ୍ୟାପ୍‌ କରିବା ସକାଶେ ନିର୍ଦେଶ ଦେଇନାହାନ୍ତି ବୋଲି ଫଡ଼ନବୀସ କହିବା ସହ ଯେଉଁମାନେ ଏପରି ଅଭିଯୋଗ ଆଣିଛନ୍ତି, ସେମାନେ କେତେଦୂର ବିଶ୍ବାସଯୋଗ୍ୟ ତାହା ସମସ୍ତେ ଜାଣନ୍ତି ବୋଲି କହିଛନ୍ତି। ଏଥିସହ ବର୍ତ୍ତମାନର ସରକାର ଏହି ଘଟଣାର ଯାଞ୍ଚ୍‌ ପାଇଁ ନିର୍ଦେଶ ଦେଲେ ଏହାକୁ ସ୍ବାଗତ କରିବେ ବୋଲି ମଧ୍ୟ ଫଡନବୀସ କହିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ