ବାଦ ବିବାଦ

ଜାଲ୍‌ ସାର୍ଟିଫିକେଟ୍‌ ଅଭିଯୋଗକୁ ସ୍ବୀକାର କରିଛନ୍ତି ଅନୁଭବ

ଶିକ୍ଷାଗତ ଯୋଗ୍ୟତା ପ୍ରସଙ୍ଗକୁ ନେଇ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତିଙ୍କୁ ପୁଣି ଥରେ ଟାର୍ଗେଟ୍‌ କରିଛି କଂଗ୍ରେସ। ନିର୍ବାଚନ ସମୟରେ ଅନୁଭବ ଜାଲ୍‌ ସାର୍ଟିଫିକେଟ୍ ଦାଖଲ କରିଥିଲେ ବୋଲି କଂଗ୍ରେସ ଯେଉଁ ଅଭିଯୋଗ ଆଣିଥିବା ତାହାକୁ ପରୋକ୍ଷରେ ସାଂସଦ ସ୍ବୀକାର କରିଛନ୍ତି ବୋଲି ସୋମବାର ପୁଣି ଏକ ସାମ୍ବାଦିକ ସମ୍ମିଳନୀ କରି କଂଗ୍ରେସ ନେତା ନିଶିକାନ୍ତ ମିଶ୍ର ପ୍ରକାଶ କରିଛନ୍ତି। ଜାଲ୍‌ ଶିକ୍ଷାଗତ ଯୋଗ୍ୟତା ପ୍ରମାଣପତ୍ର ଓ ସୂଚନା ଅଧିକାର ଆଇନ୍ ତଥ୍ୟକୁ ନେଇ ରବିବାର ଅନୁଭବ ମହାନ୍ତିଙ୍କ ବିରୋଧରେ କଂଗ୍ରେସ ଆଣିଥିବା ଅଭିଯୋଗକୁ ଖଣ୍ଡନ କରିବାକୁ ଯାଇ ସାଂସଦ ଯେଉଁ ଲିଖିତ ପ୍ରେସ୍ ଇସ୍ତାହାର ଦେଇଛନ୍ତି, ସେଥିରେ ପରୋକ୍ଷରେ ଅଭିଯୋଗକୁ ସ୍ୱୀକାର କରିଛନ୍ତି ବୋଲି ମିଶ୍ର କହିଛନ୍ତି।

ଗାନ୍ଧିଜୀଙ୍କ ସ୍ବାଧୀନତା ଆନ୍ଦୋଳନକୁ ‘ଡ୍ରାମା’ କହିଲେ ବିଜେପି

ବିଜେପି ନେତାଙ୍କ ତୁଣ୍ଡରେ ବାଡ଼ବତା ରହୁନି। କ୍ଷମତା ହାସଲ କରିବା ପରେ ଏହି ଦଳର ନେତାମାନେ ଯାହା ତୁଣ୍ଡକୁ ଆସିଲା, ତାହା ସର୍ବସମକ୍ଷରେ କହିବାକୁ ଆଦୌ ପଛଘୁଞ୍ଚା ଦେଉନାହାନ୍ତି। ସେମାନଙ୍କ ଉକ୍ତ ମନ୍ତବ୍ୟ ସମାଜ ଉପରେ କି ପ୍ରକାର ପ୍ରଭାବ ପକାଇବ, ସେମାନଙ୍କ ଭାବମୂର୍ତ୍ତି ଏହାଦ୍ବାରା କିପରି ଭାବେ ପ୍ରଭାବିତ ହେବ, ତାହା ସେମାନେ କଦାପି ବିଚାର କରୁନାହାନ୍ତି। ବିରୋଧୀଙ୍କୁ ଆକ୍ରମଣ କରିବାକୁ ଯାଇ ବିଜେପି ନେତାମାନେ ନିଜ ଗୋଡ଼ରେ ଯେ କୁରାଢ଼ି ମାରୁଛନ୍ତି, ତାହା ସେମାନେ ହୃଦୟଙ୍ଗମ କରିପାରୁନାହାନ୍ତି। ବିରୋଧୀକୁ ସମାଲୋଚନା କରିବା ସକାଶେ ସେମାନେ କୌଣସି ବି ସ୍ତରକୁ ଖସିଯିବାକୁ ପଛାଉନାହାନ୍ତି। ଏହାର ଏକ ଜ୍ବଳନ୍ତ ଉଦାହରଣ ହେଉଛନ୍ତି ବିଜେପିର ପୂର୍ବତନ କେନ୍ଦ୍ର ମନ୍ତ୍ରୀ ତଥା ବର୍ତ୍ତମାନର ସାଂସଦ ଅନନ୍ତ କୁମାର ହେଗ୍‌ଡେ। ଏହି ସାଂସଦ ଜଣକ ଆଉ କାହାକୁ ନୁହେଁ, ବରଂ ଦେଶବାସୀଙ୍କୁ ବ୍ରିଟିଶ୍‌ ଶାସକଙ୍କଠାରୁ ମୁକ୍ତି ଦେଇଥିବା ଜାତିର ପିତା ମହାତ୍ମା ଗାନ୍ଧିଙ୍କୁ ସମାଲୋଚନା କରିଛନ୍ତି। ଏପରିକି ଗାନ୍ଧିଜୀଙ୍କ ଶାନ୍ତିପୂର୍ଣ୍ଣ ସ୍ବାଧୀନତାକୁ ସେ ଏକ ‘ଡ୍ରାମା’ ବୋଲି କହିବାକୁ ପଛାଇନାହାନ୍ତି।

ଅଦିନିଆ ରଥଯାତ୍ରା ପାଇଁ କାର୍ଯ୍ୟାନୁଷ୍ଠାନ ନେବାକୁ ଦାବି

ମୁମ୍ବାଇରେ ମହାପ୍ରଭୁ ଶ୍ରୀଜଗନ୍ନାଥଙ୍କ ଅଦିନିଆ ରଥଯାତ୍ରା ହୋଇଥିବା ଦେଖିବାକୁ ମିଳିଛି। ଇସ୍କନ ପକ୍ଷରୁ ଏହି ରଥଯାତ୍ରା କରାଯାଇଛି। ଗୋଟିଏ ରଥରେ ଚତୁର୍ଦ୍ଧା ମୂର୍ତ୍ତିକୁ ବସାଇ ରଥଟଣା ଯାଇଛି। ମୁମ୍ବାଇର ଶିବାଜୀ ପାର୍କରୁ ଆରମ୍ଭ ହୋଇଥିଲା ଏହି ରଥଯାତ୍ରା। ତେବେ ଇସ୍କନର ଏହି ଅଦିନଆ ରଥଯାତ୍ରାକୁ ନେଇ ପ୍ରବଳ ଜନ ଅସନ୍ତୋଷ ଦେଖାଦେଇଛି। ଜଗନ୍ନାଥ ପ୍ରେମୀଙ୍କ ଠାରୁ ଆରମ୍ଭକରି ରାଜନେତା ସମସ୍ତେ ଇସ୍କନର ଏଭଳି ଅଦିନିଆ ରଥଯାତ୍ରାକୁ ନିନ୍ଦା କରିଛନ୍ତି। ଓଡ଼ିଶାର ସ୍ବାଭିମାନ ଓ ପରମ୍ପରା ପ୍ରତି ଏହା ବଡ଼ ଷଡ଼ଯନ୍ତ୍ର ବୋଲି କହିଛନ୍ତି। ଏନେଇ ବିଶ୍ବାବସୁମାନେ ମୁଖ୍ୟମନ୍ତ୍ରୀଙ୍କୁ ଚିଠି ମଧ୍ୟ ଲେଖିଛନ୍ତି। ଏଥିସହ ସଚେତନ ନାଗରିକ ମଞ୍ଚ ପକ୍ଷରୁ ସିଂହଦ୍ବାର ଥାନ‌ାରେ ଏତଲା ଦିଆଯାଇଛି।

ସୁଧୁରିଲାନି ଇସ୍କନ: ପୁଣି ମୁମ୍ବାଇରେ ଶ୍ରୀଜଗନ୍ନାଥଙ୍କ ଅଦିନିଆ
କୋରୋନା ଭାଇରସ୍‌ ଆତଙ୍କ: ଚୀନ୍‌ ସେବା ବନ୍ଦ କଲା ବ୍ରିଟିଶ୍‌

ଚୀନ୍‌ର ୧୩ରୁ ଊର୍ଦ୍ଧ୍ବ ସହରରେ ଘାତକ କୋରୋନା ଭାଇରସ୍‌ ବ୍ୟାପିସାରିଥିବା ବେଳେ ଦେଶରେ ୧୭୧ ଜଣ ଲୋକ ମୃତ୍ୟୁବରଣ କରିସାରିଲେଣି। ଏହାଛଡ଼ା ୪ ହଜାରରୁ ଊର୍ଦ୍ଧ୍ବ ଲୋକ ଏହି ଭୂତାଣୁ ଦ୍ବାରା ସଂକ୍ରମିତ ହୋଇଥିବା ମଧ୍ୟ ଜଣାପଡ଼ିଛି। ଏପରି ସ୍ଥିତିରେ ଚୀନ୍‌କୁ ନିଜର ସମସ୍ତ ବିମାନ ସେବା ବନ୍ଦ କରିଛି ବ୍ରିଟିଶ୍‌ ଏୟାର୍‌ୱେଜ୍‌। ବ୍ରିଟିଶ୍‌ ସରକାର ଦେଶବାସୀଙ୍କୁ କୋରୋନା ଭାଇରସ୍‌ଠାରୁ ନିଜକୁ ଦୂରେଇ ରଖିବା ସକାଶେ ସମସ୍ତ ସମ୍ଭବ ପଦକ୍ଷେପ ନେବାକୁ ଘୋଷଣା କରିବା ପରେ ବ୍ରିଟିଶ୍‌ ଏୟାର୍‌ୱେଜ୍‌ ପକ୍ଷରୁ ଏପରି ପଦକ୍ଷେପ ନିଆଯାଇଛି। ବ୍ରିଟିଶ୍‌ ଏୟାର୍‌ୱେଜ୍‌ର ଅଫିସିଆଲ୍‌ ୱେବ୍‌ସାଇଟ୍‌ରେ ଏହି ବାତିଲ୍‌ ନେଇ ସୂଚନା ଦିଆଯାଇଛି। ଏହି ସୂଚନାନୁସାରେ, ଚଳିତ ଜାନୁଆରୀ ଓ ଆସନ୍ତା ଫେବ୍ରୁଆରୀରେ ଚୀନ୍‌କୁ ସିଧାସଳଖ କୌଣସି ବିମାନ ଯାତ୍ରା କରିବ ନାହିଁ। ଏହା ନିଶ୍ଚିତ ଭାବେ ଯାତ୍ରୀଙ୍କ ପାଇଁ ସମସ୍ୟା ସୃଷ୍ଟି କରିବ। କିନ୍ତୁ ଗ୍ରାହକ ଓ ବିମାନ କର୍ମଚାରୀମାନଙ୍କ ସୁରକ୍ଷା ମଧ୍ୟ ଆମର ପ୍ରାଥମିକ ଦାୟିତ୍ବ ବୋଲି ବୁଧବାର ପକ୍ଷରୁ ଏୟାର୍‌ୱେଜ୍‌ ପକ୍ଷରୁ ଜାରି ଏକ ଇ-ମେଲ୍‌ ବାର୍ତ୍ତାରେ କୁହାଯାଇଛି।

ମୋହଲ୍ଲା କ୍ଲିନିକ୍‌ ନେଇ କେଜରିୱାଲ୍‌ଙ୍କ ଉପରେ ବିଜେପିର

ଆଗାମୀ ବିଧାନସଭା ନିର୍ବାଚନ ପରିପ୍ରେକ୍ଷୀରେ ବିଜେପି ଓ ଆପ୍‌ ମଧ୍ୟରେ ବିଭିନ୍ନ ପ୍ରସଙ୍ଗରେ ପରସ୍ପର ଉପରେ ଦୋଷ ଲଦାଲଦି ପର୍ବ ଚାଲିଥିବା ବେଳେ ଗୁରୁବାର ବିଜେପି ପକ୍ଷରୁ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍‌ଙ୍କୁ ଟାର୍ଗେଟ୍‌ କରାଯାଇଛି। ଦିଲ୍ଲୀରେ ମୋହଲ୍ଲା କ୍ଲିନିକ୍‌ ଖୋଲିବାରେ ଆପ୍‌ ସରକାର ଅପାର ସଫଳତା ପାଇଥିବା ନେଇ ମୁଖ୍ୟମନ୍ତ୍ରୀ କେଜରିୱାଲ୍‌ ଦାବି କରିଆସୁଥିଲେ ଏକ ଭିଡିଓ ମାଧ୍ୟମରେ ଏହାର ପର୍ଦ୍ଦାଫାସ୍‌ କରିଛି ବିଜେପି। ଏନେଇ ଏକ ଭିଡିଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଅପଲୋଡ୍‌ କରିଥିବା ବେଳେ ଏହାକୁ ବିଜେପିର ପୂର୍ବତନ ରାଷ୍ଟ୍ରୀୟ ଅଧ୍ୟକ୍ଷ ତଥା ବର୍ତ୍ତମାନର ସ୍ବରାଷ୍ଟ୍ର ମନ୍ତ୍ରୀ ଅମିତ୍‌ ଶାହ ଶେୟାର୍‌ କରିଛନ୍ତି। ଆପ୍‌ ସରକାର ଦ୍ବାରା ଖୋଲାଯାଇଥିବା ମୋହଲ୍ଲା କ୍ଲିନିକ୍‌ରେ ଔଷଧ ଓ ଭିତ୍ତିଭୂମି ପରି ମୌଳିକ ସୁବିଧା ମଧ୍ୟ ଉପଲବ୍ଧ ନ ଥିବା ଉକ୍ତ ଭିଡିଓରେ ଦର୍ଶାଯାଇଛି।

ଅର୍ଣ୍ଣବଙ୍କୁ କାମରାଙ୍କ ଦୁର୍ବ୍ୟବହାର: ୬ ମାସ ପାଇଁ କାମ୍‌ରାଙ୍କୁ

କମେଡିଆନ୍‌ କୁନାଲ୍‌ କାମ୍‌ରା ୬ ମାସ ପର୍ଯ୍ୟନ୍ତ ଇଣ୍ଡିଗୋ ବିମାନରେ ଯାତ୍ରା କରିପାରିବେ ନାହିଁ। ବୁଧବାର ସମ୍ପୃକ୍ତ ଘରୋଇ କମ୍ପାନୀ କାମ୍‌ରାଙ୍କ ଉପରେ ଏହି କଟକଣା ଲଗାଇଛି। ମଙ୍ଗଳବାର କାମରା ଏହି ବିମାନରେ ମୁମ୍ବାଇରୁ ଲକ୍ଷ୍ନୌ ଯାତ୍ରା କରୁଥିବା ବେଳେ ତାଙ୍କର ବିଶିଷ୍ଟ ଗଣମାଧ୍ୟମ ପ୍ରତିନିଧି ଅଣ୍ଣବ୍‌ ଗୋସ୍ବାମୀଙ୍କୁ ଏକ ନିର୍ଦ୍ଦିଷ୍ଟ ପ୍ରସଙ୍ଗରେ ଗାଳିଗୁଲଜ କରିଥିଲେ। ଏପରି ଘଟଣା ଆଗାମୀ ଦିନରେ ଯାତ୍ରୀଙ୍କ ସକାଶେ ବିପଜ୍ଜନକ ସାବ୍ୟସ୍ତ ହେବାର ଆଶଙ୍କା କରି ଏହାକୁ ନିରୁତ୍ସାହିତ କରିବା ସକାଶେ ଇଣ୍ଡିଗୋ ପକ୍ଷରୁ କାମରାଙ୍କ ଉପରେ କଟକଣା ଲଗାଯାଇଛି। ଏହାଛଡ଼ା କେନ୍ଦ୍ର ବେସାମରିକ ଜାହାଜ ଚଳାଚଳ ବିଭାଗ ମନ୍ତ୍ରୀ ହରଦୀପ ସିଂହ ପୁରୀ କାମରାଙ୍କ ଉପରେ ଇଣ୍ଡିଗୋ ପରି ସମସ୍ତ ବିମାନ ଚଳାଚଳ କମ୍ପାନୀ ସମାନ ଆଭିମୁଖ୍ୟ ଆପଣାଇବା ଉଚିତ ବୋଲି ଟ୍ବିଟ୍‌ କରି କହିଛନ୍ତି। ପୁରୀ କହିଛନ୍ତି ଯେ କୌଣସି ପ୍ରକାର ଆକ୍ରମଣାତ୍ମକ ଆଭିମୁଖ୍ୟ ବିମାନ ଭିତରେ ବିଶୃଙ୍ଖଳା ସୃଷ୍ଟି କରିବା ପାଇଁ ଉଦ୍ଦିଷ୍ଟ। ଏହା ନିଶ୍ଚିତ ଭାବେ ଯାତ୍ରୀର ଜୀବନ ପ୍ରତି ବିପଦ ସୃଷ୍ଟି କରିଥାଏ। ତେଣୁ କାମରାଙ୍କ ପରି ଆଚରଣ ଆଦୌ ଗ୍ରହଣୀୟ ନୁହେଁ ବୋଲି ପୁରୀ କହିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ