ବାଦ ବିବାଦ

ଜେଏନ୍‌ୟୁ ଅଶାନ୍ତ: ଛାତ୍ର ସଂସଦ କାର୍ଯ୍ୟକର୍ତ୍ତାଙ୍କ ବିରୋଧରେ

ଆଜି ବି ଜାରି ରହିଛି ଫି ବୃଦ୍ଧି ପ୍ରତ୍ୟାହାର ଦାବିରେ ଦୀର୍ଘ ତିନି ସପ୍ତାହ ଧରି ଚାଲିଥିବା ଜବାହରଲାଲ ନେହରୁ ୟୁନିଭର୍ସିଟି (ଜେଏନ୍‌ୟୁ) ଛାତ୍ର ଆନ୍ଦୋଳନ। ୧୪୪ ଧାରା ଜାରି ହୋଇଥିବା ସତ୍ତ୍ବେ ଗତକାଲି ଜେଏନ୍‌ୟୁ ଛାତ୍ରଛାତ୍ରୀମାନେ ସଂସଦ ଭବନ ବାହାରେ ଥିବା ବ୍ୟାରିକେଡ୍‌କୁ ଡେଇଁ ବଳପୂର୍ବକ ସଂସଦ ଭବନକୁ ପ୍ରବେଶ କରିବାକୁ ଉଦ୍ୟମ କରିଥିଲେ। ଏଣୁ ଆଇନ ଉଲ୍ଲଂଘନ କରିବା ଅଭିଯୋଗରେ ଛାତ୍ର ସଂସଦର କାର୍ଯ୍ୟକର୍ତ୍ତାଙ୍କ ବିରୋଧରେ ଆଜି କିଷନଗଡ଼ ଥାନାରେ ଆଇପିସିର ଧାରା ୧୮୬ ଏବଂ ୩୫୩ ଧାରା ଅନୁସାରେ ଏଫ୍‌ଆଇଆର୍‌ ରୁଜୁ କରାଯାଇଛି ବୋଲି ଜଣେ ପୋଲିସ୍‌ ଅଧିକାରୀ କହିଛନ୍ତି। ପୋଲିସ୍‌ର କହିବା ଅନୁଯାୟୀ, ଗତକାଲିର ଘଟଣାରେ ୩୦ ପୋଲିସ୍‌ କର୍ମଚାରୀ ଏବଂ ୧୫ ଛାତ୍ରଛାତ୍ରୀ ଆହତ ହୋଇଛନ୍ତି। ଅନ୍ୟପକ୍ଷରେ ଗତକାଲି ଛାତ୍ରଛାତ୍ରୀଙ୍କ ଉପରେ ପୋଲିସ୍‌ର ଲାଠିମାଡ଼ ଘଟଣାକୁ ଜେଏନ୍‌ୟୁ ଛାତ୍ର ସଂସଦ ନିନ୍ଦା କରିଛି।

ସବରୀମାଲାରେ ୧୨ ବର୍ଷୀୟ ଝିଅକୁ ଅଟକାଇଲା ପୋଲିସ

ମଙ୍ଗଳବାର ସକାଳେ ସବରୀମାଲା ଆୟପ୍ପା ମନ୍ଦିର ଦର୍ଶନ ପାଇଁ ପରିବାର ସହ ଯାଉଥିବା ଜଣେ ୧୨ ବର୍ଷୀୟ ଝିଅକୁ ପୋଲିସ୍‌ ପାମ୍ବାରେ ଅଟକାଇଛି। ପରିବାରର ଅନ୍ୟ ସଦସ୍ୟଙ୍କୁ ଆୟପ୍ପା ଦର୍ଶନ ପାଇଁ ଅନୁମତି ଦେଇ ୧୨ ବର୍ଷୀୟ ଝିଅକୁ ଅଟକାଇ ମହିଳାଙ୍କ ପାଇଁ ଉଦ୍ଦିଷ୍ଟ ପ୍ରକୋଷ୍ଠରେ ରହିବାର ସୁବିଧା କରିଛି। ମାତ୍ର ପୋଲିସ ପକ୍ଷରୁ ଏହାକୁ ଅସ୍ବୀକାର କରାଯଇଥିଲା ବେଳେ ଏହାର ଭିଡିଓ ସୋସାଲ ମିଡିଆରେ ପ୍ରକାଶ ପାଇଛି। ଝିଅଟି ଆୟପ୍ପାଙ୍କ ଦର୍ଶନ ପାଇଁ ଚାହୁଁଥିଲା ବେଳେ ପୋଲିସ ତାଙ୍କୁ ବାରଣ କରୁଥିବା ଭିଡିଓ ପଦାକୁ ଆସିଛି। ଝିଅଟିକୁ ପ୍ରବେଶ ପାଇଁ ମିଳିଥିବା ଟୋକନ୍‌ରେ ୧୦ ବର୍ଷ ଦର୍ଶାଯାଇଥିଲେ ବି ତା’ର ଆଇଡିରୁ ବୟସ ୧୨ ବର୍ଷ ବୋଲି ଜଣାପଡ଼ିବା ପରେ ପୋଲିସ ତାଙ୍କୁ ଅଟକାଇଥିଲା। ବାଳିକା ଜଣକର ପରିବାର ପୁଡୁଚେରୀରୁ ଅସିଥିବା ମଧ୍ୟ ଜଣାପଡ଼ିଛି।

ତେଜୁଛି ଟୋକନ୍‌ ଆନ୍ଦୋଳନ: ବିଧାୟକଙ୍କ ଘର ସମ୍ମୁଖରେ

ଧାନ ବିକିବା ପାଇଁ ଦହଗଞ୍ଜ ହେଉଛନ୍ତି ଚାଷୀ। ଧାନ କିଣା ଆରମ୍ଭରୁ ଦେଖାଦେଇଛି ଘୋର୍‌ ଅବ୍ୟବସ୍ଥା। ଅନ୍‌ଲାଇନ୍ ଟୋକନ୍‌ ବ୍ୟବସ୍ଥାକୁ ବିରୋଧ କରି ଦେଖାଦେଇଛି ଚାଷୀ ଅସନ୍ତୋଷ। ପଶ୍ଚିମ ଓଡ଼ିଶାର ବିଭିନ୍ନ ଜିଲ୍ଲାର ମଣ୍ଡିରେ ଶହ ଶହ ବସ୍ତା ଧାନ ଖୋଲା ଆକାଶ ତଳେ ପଡ଼ି ରହିଥିବା ବେଳେ ସରକାରଙ୍କ ପକ୍ଷରୁ ଆରମ୍ଭ ହୋଇଥିବା ଟୋକନ୍‌ ବ୍ୟବସ୍ଥାକୁ ବିରୋଧ କରିଛନ୍ତି ଚାଷୀ। ଅନ୍ୟପକ୍ଷରେ ମଧ୍ୟ ଧାନକିଣାକୁ ନେଇ ସରଗମର ହୋଇଛି ବିଧାନସଭା। ଗତକାଲି ଧାନକିଣାକୁ ନେଇ ଗୃହରେ ହଙ୍ଗାମା କରିଛି କଂଗ୍ରେସ। ସୋମବାର ଟ୍ରାକ୍ଟରରେ ଧାନ ବସ୍ତା ଲଦି ଶୋଭାଯାତ୍ରା କରି ସମ୍ୱଲପୁର ଜିଲ୍ଲାପାଳଙ୍କ ଅଫିସ୍ ପରିସରକୁ ଧସେଇ ପଶିବାକୁ ଉଦ୍ୟମ ବେଳେ ଚାଷୀ-ପୋଲିସ୍‌ ମୁହାଁମୁହିଁ ହୋଇଥିଲେ। ଏହାପରେ ମଙ୍ଗଳବାର ଚାଷୀମାନେ ବିଧାୟକଙ୍କ ଘର ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ବିଧାୟକଙ୍କ ଘର ସମ୍ମୁଖରେ ଧାନବସ୍ତା ରଖି ପ୍ରତିବାଦ କରିଛନ୍ତି ଚାଷୀ।

ସ୍ମିତାରାଣୀ ପ୍ରସଙ୍ଗ: ଗୃହକୁ ଆସିଲାନି ବିଜେପି

ବିଧାନସଭାର ଶୀତ ଅଧିବେଶନ ଆରମ୍ଭ ହେବା ଦିନଠାରୁ ଯାଜପୁର ଜିଲ୍ଲା ଧର୍ମଶାଳା ବ୍ଲକ୍‌ ହରିଦାସପୁର ପିଇଓ ସ୍ମିତାରାଣୀ ବିଶ୍ୱାଳଙ୍କ ମୃତ୍ୟୁ ଘଟଣାକୁ ନେଇ ଗୃହରେ ହଟ୍ଟଗୋଳ ଲାଗି ରହିଛି। ଏହି ଘଟଣାର ସିବିଆଇ ତଦନ୍ତ ଦାବି ଏବଂ ଅଭିଯୁକ୍ତ ରୂପେଶ ଭଦ୍ର ନାମରେ ଦଫା ୩୦୨ ଲଗାଇବାକୁ ଅଡ଼ି ବସିଛି ବିଜେପି। ଏଥିସହ ସ୍ମିତାରାଣୀ ମାମଲା ଗୃହରେ କହିବାକୁ ସୁଯୋଗ ଦିଆଯାଉ ନ ଥିବା କହି ପ୍ରତିବାଦ କରି ଆସୁଛି ବିଜେପି। ଗତ ଦୁଇଟି କାର୍ଯ୍ୟ ଦିବସରେ ବିଜେପି ବିଧାୟକମାନେ ମୁହଁରେ କଳାପଟି ଓ କାନ୍ଧରେ କଳା ଗାମୁଛା ପକାଇ ପ୍ରତିବାଦ କରିବା ସହ ସୋମବାର ଗୃହକୁ ନ ଯିବା ଲାଗି ନିଷ୍ପତ୍ତି ନେଇଛନ୍ତି। ସୋମବାର ଗୃହରେ ବିଜେପିର ସମସ୍ତ ବିଧାୟକ ଅନୁପସ୍ଥିତ ରହିବା ସହ ସ୍ମିତାରାଣୀଙ୍କୁ ନ୍ୟାୟ ଦାବିରେ ବ୍ୟାନର ଧରି ବିଧାନସଭା ପରିସରରେ ଥିବା ଗାନ୍ଧିମୂର୍ତ୍ତି ତଳେ ଧାରଣାରେ ବସିଛନ୍ତି।

ଖୋଲିଲା ସବରୀମାଲା: ୫୦ ବର୍ଷରୁ କମ୍‌ ମହିଳାଙ୍କୁ
ଏନ୍‌ଡିଏ ବୈଠକରେ ଯୋଗଦେବନି ଶିବସେନା: ଓହରିବା


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ