ଉତ୍ତମ ସ୍ବାସ୍ଥ୍ୟ

ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ଲାଭକାରୀ ଭିଟାମିନ

କୋରୋନା ଭାଇରସରୁ ରକ୍ଷା ପାଇବା ପାଇଁ ପ୍ରଥମେ ସମସ୍ତଙ୍କୁ ନିଜ ରୋଗ ପ୍ରତିରୋଧକ ଶକ୍ତି ମଜବୁତ କରିବାକୁ ପଡ଼ିବ। ଏକ ଆମେରିକୀୟ ଗବେଷଣା ଅନୁସାରେ ଭାଇରସ ସହିତ ଲଢ଼ିବା ପାଇଁ ଯେ କୌଣସି ଚେଷ୍ଟା ଭିଟାମିନ ଇ ବିନା ଅଧୁରା। ଟି-ଲିସାଇଟ ନାମକ ପ୍ରତିରୋଧକ କୋଷିକାର ଉତ୍ପାଦନ ପାଇଁ ସବୁଠାରୁ ଦରକାରୀ। ଏହି ଭିଟାମିନ ଟ୍ରାଉଟ ଫିଶ, ଲାଲ କ୍ୟାପସିକମ ଓ ବାଦାମରେ ଭରପୂର ମାତ୍ରାରେ ରହିଛି। ଅନେକ ପ୍ରକାରର ରୋଗ ସହିତ ଲଢ଼ିବା ପାଇଁ ଭିଟାମିନ ଇ’ର ଆବଶ୍ୟକତା ରହିଛି। ଏହା କେଶ ସହିତ ଚର୍ମର ରିଙ୍କଲ୍ସ ଦୂର କରିବାରେ ମଧ୍ୟ ଲାଭଦାୟକ। ଭିଟାମିନ ଇ’ର ଆବଶ୍ୟକତା ଉପରେ ଗବେଷଣା କରିଥିବା ମୁଖ୍ୟ ଗବେଷକ ଏଲିଜାବେଥ ସୋମରଙ୍କ କହିବାନୁସାରେ ଟି-ଲିସାଇଟ ଦୁଇ ପ୍ରକାରର ହୋଇଥାଏ ଗୋଟିଏ ହେଉଛି ରେଗୁଲେଟୋରି ଓ ଅନ୍ୟଟି ହେଉଛି ସାଇଟକ୍ସିକ। ରେଗୁଲେଟୋରି ବାହାର ତତ୍ତ୍ବକୁ ଶରୀରରେ ପ୍ରବେଶ କରିବା ପରେ ଆଣ୍ଟିବଡିର ଉତ୍ପାଦନ କରିଥାଏ। ସେହିପରି ସାଇଟକ୍ସିକ ବ୍ୟାକ୍ଟେରିଆ ଓ ଭାଇରସରୁ ସଂକ୍ରମିତ କୋଷିକାକୁ ନଷ୍ଟ କରିଦିଏ। ବୟସ୍କ ଓ ମଧ୍ୟବୟସ୍କ ଲୋକ ଭିଟାମିନ ଇ’ଯୁକ୍ତ ଆହାର ସେବନ କରି ରୋଗ ପ୍ରତିରୋଧକ ତନ୍ତ୍ରକୁ ପୁଣି ଥରେ ଅଧିକ ମାତ୍ରାରେ କୋଷିକାଗୁଡ଼ିକୁ ଉତ୍ପାଦନ କରିବା ପାଇଁ ପ୍ରେରିତ କରିଥାଏ।

ଶ୍ବାସ ରୋଗୀଙ୍କ ପାଇଁ ସର୍ବୋତ୍ତମ ପାସାସନ

ଶ୍ବାସ ଏଭଳି ଏକ ଗମ୍ଭୀର ରୋଗ ଯେଉଁଥିରେ ବ୍ୟକ୍ତିଙ୍କୁ ନିଃଶ୍ବାସ ପ୍ରଶ୍ବାସ ସମ୍ବନ୍ଧୀୟ ସମସ୍ୟାର ସାମ୍ନା କରିବାକୁ ପଡ଼ିଥାଏ। ଏପରିସ୍ଥଳେ ସାଧାରଣତଃ ଅଧିକ ଧୂଳିମାଟି, ପ୍ରଦୂଷଣ ଆଦି ଯୋଗୁ ଫୁସ୍‌ଫୁସ୍‌ରେ ଠିକ୍‌ ମାତ୍ରାରେ ଅମ୍ଳଜାନ ନ ପହଞ୍ଚିବା କାରଣରୁ ଏହି ରୋଗ ହୋଇଥାଏ। ଶ୍ବାସ ରୋଗରେ ପୀଡ଼ିତ ବ୍ୟକ୍ତିଙ୍କୁ ଠିକ୍‌ ଭାବରେ ନିଃଶ୍ବାସ ପ୍ରଶ୍ବାସ ନେବାରେ ସମସ୍ୟା ହେବା ସହିତ ଜୀବନ ଯିବାର ଆଶଙ୍କା ମଧ୍ୟ ରହିଥାଏ। ଏପରିସ୍ଥଳେ ଏଥିରୁ ମୁକ୍ତି ପାଇବା ପାଇଁ ସେମାନଙ୍କୁ ପାସାସନ କରିବା ଉଚିତ। ଏହି ଆସନ କରିବା ଦ୍ବାରା ଶ୍ବାସ ସମ୍ବନ୍ଧୀୟ ସମସ୍ୟାରୁ ମୁକ୍ତି ମିଳିବା ସହିତ ଶରୀରର ଅନେକ ସମସ୍ୟାରୁ ମୁକ୍ତି ପାଇପାରିବେ। ଚାଲନ୍ତୁ ଜାଣିବା ପାସାସନ କରିବାର ସଠିକ୍‌ ଉପାୟ ଓ ଏହର ଫାଇଦା ସମ୍ପର୍କରେ।

କୋରୋନା ଯୁଦ୍ଧରେ ସାହାଯ୍ୟ କରିବ ଶହଶହ ବର୍ଷ ତଳର
କୋରୋନା ଡରରେ ଲୋକେ ଥକାପଣର ଶିକାର

କୁହାଯାଉଛି, ୨୦୨୦ର ସବୁଠାରୁ ନେଗେଟିଭ୍ ଶବ୍ଦ ହେଉଛି ପଜିଟିଭ। କୋରୋନା ଭାଇରସ ସହିତ ଯୋଡ଼ି ଏହି ଶବ୍ଦ ଦେଖିଲେ ଠିକ୍ ଭାବେ ବୁଝାପଡ଼ିଯିବ ଯେ କୋରେନା ଭାଇରସର ପଜିଟିଭ୍ ରେଜଲ୍ଟ ଶୁଣିବା ମାତ୍ରେ ଲୋକେ ନେଗେଟିଭିଟି ଓ ଡିପ୍ରେସନର ଶିକାର ହେବାରେ ଲାଗିଛନ୍ତି। ଜାନୁଆରୀ ୨୦୨୦ର ଆରମ୍ଭ କୋରୋନା ଭାଇରସ ସହିତ ହୋଇଥିଲା ଓ ଏବେ ଜୁଲାଇ ୨୦୨୦ରେ ଆପଣ କୋରୋନା ସହିତ ଜଡ଼ିତ ସମସ୍ତ ଖବର ମୁଖ୍ୟଖବରରେ ଦେଖିବାକୁ ପାଉଛନ୍ତି। ସୋସାଲ ମିଡିଆରେ ମଧ୍ୟ କୋରୋନା ଭାଇରସ ସହିତ ଜଡ଼ିତ ଅପଡେଟ୍ ଭରପୂର ମାତ୍ରାରେ ରହିଛି। ଅଧିକାଂଶ ଖବର ନେଗେଟିଭ୍ ହିଁ ଆସୁଛି। କୋରୋନା ସଂକ୍ରମଣ ମାମଲା ବଢ଼ିବା ହେଉ ବା କୌଣସି ଚିହ୍ନା ପରିଚିତ ଲୋକଙ୍କୁ କୋରୋନା ହେଉ ବା କୋରୋନାରେ କାହାରି ମୃତ୍ୟୁ ଖବର ପ୍ରତ୍ୟେକ ଦିନ କିଛି ନା କିଛି ଖବର ଶୁଣିବାକୁ ମିଳୁଛି। ଆମକୁ ଏତେ ମାତ୍ରାରେ ଖବର ଶୁଣିବାକୁ ମିଳୁଛି, ଯାହା ଆମକୁ ଏକ ନୂଆ ରୋଗ ଦେଇଛି। ଆଉ ତାହା ହେଉଛି ଡିଜାଷ୍ଟର ଫାଟିଗ। ଯେତେବେଳେ କୌଣସି ଦୁର୍ଘଟଣା ଦୀର୍ଘ ସମୟ ଯାଏ ଚାଲେ ଓ ତାହା ଆପଣଙ୍କ ଆଡ଼କୁ ଆସୁଥିବା ଅନୁଭବ ହୁଏ, ତେବେ ସେତେବେଳେ ଆପଣ ଡିଜାଷ୍ଟର ଥକାପଣର ଶିକାର ହୋଇପାରନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ