ଉତ୍ତମ ସ୍ବାସ୍ଥ୍ୟ

ପିଲାଙ୍କ ହାଡ଼ ଓ ମାଂସପେଶୀ ଦୁର୍ବଳ କରୁଛି ସ୍କୁଲ୍‌ ବ୍ୟାଗ୍‌ ବୋଝ
ଟ୍ରେଡ୍‌ମିଲ୍‌ରେ ୱାର୍କଆଉଟ୍‌ କରିବାବେଳେ କରନ୍ତୁନି ଏସବୁ ଭୁଲ୍‌

ନୋଏଡ଼ାର ସେକ୍ଟର ୭୬ ସ୍ଥିତ ଏକ ସୋସାଇଟିର ଜିମ୍‌ରେ ୨୫ ସେପ୍ଟେମ୍ବର ବୁଧବାର ସନ୍ଧ୍ୟାରେ ଜଣେ ୨୪ ବର୍ଷୀୟ ସଫ୍ଟୱେୟର ଇଞ୍ଜିନିୟର ଟ୍ରେଡ୍‌ମିଲ୍‌ରେ ରନିଙ୍ଗ କରୁଥିଲେ। ଏହି ସମୟରେ ଅଚାନକ ତାଙ୍କୁ ଚକ୍କର ଆସିବା ଫଳରେ ସେ ତଳେ ପଡ଼ି ଯାଇଥିଲେ। କିଛି ସମୟ ପରେ ତାଙ୍କର ମୃତ୍ୟୁ ଘଟିଥିଲା। ଡାକ୍ତରଙ୍କ କହିବାନୁସାରେ ଉକ୍ତ ଯୁବକଙ୍କ ମୃତ୍ୟୁ ହୃଦ୍‌ଘାତରେ ହୋଇଛି। ଟ୍ରେଡମିଲ୍‌ରେ ଦୌଡ଼ିବା ସମୟରେ ହୃଦ୍‌ଘାତ ହେବା ମାମଲା ପ୍ରଥମ ଥର ପାଇଁ ହୋଇନାହିଁ। ଏହାପୂର୍ବରୁ ମଧ୍ୟ ୨୦୧୩ରେ ଟିଭି ଓ ଫିଲ୍ମର ଲୋକପ୍ରିୟ ଅଭିନେତା ଅବୀର ଗୋସ୍ବାମୀଙ୍କ ମୃତ୍ୟୁ ଟ୍ରେଡ୍‌ମିଲ୍‌ରେ ଦୌଡ଼ିବା ସମୟରେ ହିଁ ହୋଇଥିଲା। ଟ୍ରେଡ୍‌ମିଲ୍‌ରେ ଦୌଡ଼ିବା ସମୟରେ ମଧ୍ୟ ତାଙ୍କର ହୃଦ୍‌ଘାତ ହୋଇଥିଲା ଓ ଡାକ୍ତରଖାନାରେ ପହଞ୍ଚିବା ପୂର୍ବରୁ ତାଙ୍କର ମୃତ୍ୟୁ ହୋଇଥିଲା।

କୋଲେଷ୍ଟ୍ରଲ ନିୟନ୍ତ୍ରଣ ପାଇଁ ଅମୋଘ ଅସ୍ତ୍ର ଅଁଳା

କୋଲେଷ୍ଟ୍ରଲ ଶରୀର ଭିତରେ ଜମା ହୋଇଥିବା ଚର୍ବି ଜାତୀୟ ପଦାର୍ଥ, ଯାହା କୋଷିକାଗୁଡ଼ିକୁ ଶକ୍ତି ଯୋଗାଇଥାଏ। ଆମ ଶରୀରରେ ଦୁଇ ପ୍ରକାରର କୋଲେଷ୍ଟ୍ରଲ ରହିଛି। ଗୋଟିଏ ହେଲା ଗୁଡ୍‌ କୋଲେଷ୍ଟ୍ରଲ (ଏଚ୍‌ଡିଏଲ୍‌) ଓ ବ୍ୟାଡ୍‌ କୋଲେଷ୍ଟ୍ରଲ (ଏଲ୍‌ଡିଏଲ୍‌)। ଶରୀରରେ ଉଭୟ କୋଲେଷ୍ଟ୍ରଲର ମାତ୍ରାରେ ବାଲାନ୍ସ ରହିବା ଆବଶ୍ୟକ। ନଚେତ୍‌ ହୃଦ୍‌ରୋଗ ଆଶଙ୍କା ୩ ଗୁଣା ବଢ଼ିଯାଏ। ଅଧିକାଂଶ ଲୋକେ କୋଲେଷ୍ଟ୍ରଲ ନିୟନ୍ତ୍ରଣ କରିବା ଲାଗି ଔଷଧ ସେବନ କରନ୍ତି। କିନ୍ତୁ ଘରୋଇ ଉପାୟରେ ମଧ୍ୟ ଏହି ସମସ୍ୟାର ସମାଧାନ କରାଯାଇପାରିବ। ଏଠାରେ ଅଁଳା ଜୁସ୍‌ର ଉପକାରିତା ସମ୍ପର୍କରେ ସୂଚନା ଦିଆଯାଇଛି। ଯାହା କେବଳ କୋଲେଷ୍ଟ୍ରଲ ସ୍ତରକୁ ନିୟନ୍ତ୍ରଣ କରି ନ ଥାଏ, ବରଂ ଏହାଦ୍ବାରା କୋଲୋନ ମଧ୍ୟ ସଫା ହୋଇଥାଏ। ଯାହାଫଳରେ ଆପଣ ହୃଦ୍‌ରୋଗରୁ ରକ୍ଷା ପାଇପାରିବେ।

ସାଇନସ୍‌ ଯନ୍ତ୍ରଣା ଦୂର କରିବ ଏହି ମସାଜ

ସାଇନୋସାଇଟିସ ଯନ୍ତ୍ରଣା ଯେଉଁ ଲୋକେ ଭୋଗିଛନ୍ତି, ତାହା ସେହିମାନେ ହିଁ ବୁଝିପାରିବେ। ସାଧାରଣ ଥଣ୍ଡା କାଶ ହେଲେ ମଧ୍ୟ ଲୋକେ ଚିନ୍ତିତ ହୋଇପଡ଼ନ୍ତି। ମୁଣ୍ଡବିନ୍ଧା, କାଶ, ଜ୍ବର ଓ ଚେହେରା ଫୁଲିବା ଭଳି ସମସ୍ୟା ହୋଇ ସ୍ଥିତି ଖରାପ ହୋଇଯାଏ। ସାଇନୋସାଇଟିସ ଏଭଳି ଏକ ସ୍ଥିତି, ଯେଉଁଥିରେ ଥଣ୍ଡା କିମ୍ବା ଆଲର୍ଜି କାରଣରୁ ସାଇନସ୍‌ ଫୁଲି ଯାଇଥାଏ। ଅନେକ ଲୋକେ ଏହି ଯନ୍ତ୍ରଣାରୁ ମୁକ୍ତି ପାଇବା ଲାଗି କେତେକ ବିଶେଷ ମସାଜ କରିଥାନ୍ତି, ଯାହା ମାଧ୍ୟମରେ ଆପଣ ଯନ୍ତ୍ରଣାରୁ ମୁକ୍ତି ପାଇପାରିବେ। ସାଇନୋସାଇଟିସ ଯନ୍ତ୍ରଣା ସହଜରେ ଆରାମ ଦେଇପାରିବ। ଏଥିପାଇଁ ଆପଣଙ୍କୁ କେତେକ ବିଶେଷ ପଏଣ୍ଟସ୍‌ ଉପରେ ମସାଜ କରିବା ଆବଶ୍ୟକ। ଆମ ଶରୀରରେ ସାଇନସ୍‌ର ୪ ଯୋଡ଼ି ରହିଛି। ଏହା ଚେହେରାର ଅଲାଗ ଅଲଗା ଅଂଶରେ ରହିଥାଏ। ଏହା ଉପରେ ମସାଜ କରିବା ଦ୍ବାରା ଆପଣଙ୍କ ଯନ୍ତ୍ରଣାରୁ ମୁକ୍ତି ଦେଇପାରିବ।

ମଧୁମେହରୁ ଆରାମ ଦେବ ଆକ୍ୟୁପଙ୍କଚର ଥେରାପି
ପେଟ ଯନ୍ତ୍ରଣା ହୋଇପାରେ ଗ୍ୟାଷ୍ଟ୍ରୋଇଣ୍ଟେଷ୍ଟାଇନାଲ୍‌

ସାଧାରଣତଃ କାହାରି ପେଟରେ ଯନ୍ତ୍ରଣା ହେଲେ ଔଷଧ ଷ୍ଟୋରରୁ ଔଷଧ ଆଣି ସେବନ କରିଥାନ୍ତି କିମ୍ବା ଘରୋଇ ଟୋଟ୍‌କା ଅନୁସରଣ କରି ଏଥିରୁ ମୁକ୍ତି ପାଇବା ଲାଗି ଚେଷ୍ଟା କରନ୍ତି। କିନ୍ତୁ ଏହି ପେଟ ଯନ୍ତ୍ରଣାକୁ ଅଣଦେଖା କରିବା ଆପଣଙ୍କ ଉପରେ ଭାରୀ ପଡ଼ିପାରେ। ଏହା କୌଣସି ଗୁରୁତର ରୋଗର ଲକ୍ଷଣ ମଧ୍ୟ ହୋଇପାରେ। ତେଣୁ କେବେ ବି ବଦହଜମି ଓ ପେଟ ଯନ୍ତ୍ରଣାକୁ ଅଣଦେଖା କରନ୍ତୁ ନାହିଁ। ଯଦି ଆପଣଙ୍କର ବାରମ୍ବାର ପେଟ ଯନ୍ତ୍ରଣା ହେଉଛି, ତେବେ ଡାକ୍ତରଙ୍କ ପରାମର୍ଶ ନିହାତି ଭାବେ ନିଅନ୍ତୁ। କାରଣ ଗ୍ୟାଷ୍ଟ୍ରୋଇଣ୍ଟେଷ୍ଟାଇନାଲ କ୍ୟାନ୍‌ସର (ଅନ୍ତନଳୀ କିମ୍ବା ପେଟରେ କ୍ୟାନ୍‌ସର) ହେଲେ ମଧ୍ୟ ପେଟ ଯନ୍ତ୍ରଣା ହୋଇଥାଏ। ଏହି କ୍ୟାନ୍‌ସର ଭାରତରେ ଚତୁର୍ଥ ସବୁଠାରୁ ଅଧିକ ହେଉଥିବା କ୍ୟାନ୍‌ସର ଅଟେ। ଗତବର୍ଷ ଏହି ଗ୍ୟାଷ୍ଟ୍ରୋଇଣ୍ଟେଷ୍ଟାଇନାଲ କ୍ୟାନ୍‌ସରରେ ୫୭,୩୯୪ ଲୋକ ପୀଡ଼ିତ ହୋଇଥିଲେ।

ଅଣଦେଖା କରନ୍ତୁନି ହିପ୍ସ ଯନ୍ତ୍ରଣା, ଶୀଘ୍ର ଉପଚାର କରନ୍ତୁ

ଶରୀରର ଯେ କୌଣସି ଅଂଶରେ ଯନ୍ତ୍ରଣା ହେଲେ ମଧ୍ୟ ଏହା ସାଧାରଣ ଜୀବନଶୈଳୀକୁ ପ୍ରଭାବିତ କରିଥାଏ। ଅଣ୍ଟା, ବେକ ପଛପାଖ, ମଣିବନ୍ଧ, ପାଦରେ ଯନ୍ତ୍ରଣା ହେଲେ, ଆମେ ଔଷଧ ଲଗାଇ କାମରେ ଲାଗିଯାଇଥାଉ। କିନ୍ତୁ ହିପ୍ସ ଯନ୍ତ୍ରଣାକୁ ଏଭଳି ଅଣଦେଖା କରି ଏହା ସହିତ ଦୀର୍ଘ ସମୟ ପର୍ଯ୍ୟନ୍ତ ଜୀବନ ବିତାଇବା ଉଚିତ ନୁହେଁ। ଏହା ଆମର ଦୈନନ୍ଦିନ କାମ ସହ ଶରୀରକୁ ମଧ୍ୟ ବହୁତ ମାତ୍ରାରେ ପ୍ରଭାବିତ କରିଥାଏ। ହିପ୍ସରେ ଯନ୍ତ୍ରଣା ହେବାର ମୁଖ୍ୟ କାରଣ ସେଠାରେ ଷ୍ଟ୍ରେଚ୍‌, ଫ୍ରାକ୍ଚର, ଆଘାତ ଲାଗିବା କିମ୍ବା ଗଣ୍ଠି ସ୍ଥାନ ଫୁଲିଯିବା ଆଦି ହୋଇପାରେ। ଯଦି ଏହି ଯନ୍ତ୍ରଣାକୁ ଆପଣ ଅଣଦେଖା କରନ୍ତି, ତେବେ ଆପଣଙ୍କ ଚଲାବୁଲା, ବସା ଉଠାରେ ସମସ୍ୟା ହୋଇପାରେ। ଗବେଷଣା ଅନୁସାରେ ୧୦୦ରୁ ୧୦ ଜଣ ଲୋକଙ୍କୁ ଏହି ସମସ୍ୟାର ସାମ୍ନା କରିବାକୁ ପଡ଼ିଥାଏ। ଯନ୍ତ୍ରଣା କାହିଁକି ହେଉଛି, ତାହାର ପରୀକ୍ଷାନୀରିକ୍ଷା ପରେ ଜଣାପଡ଼ିଥାଏ ଯେ ହିପ୍ସର ଡିସ୍କ ଖସି ଯାଇଥିଲେ କିମ୍ବା ଠିକ୍‌ ଭାବରେ ରକ୍ତ ପ୍ରବାହ ନ ହୋଇ ପାରିବା କାରଣରୁ ହିପ୍ସର ଜଏଣ୍ଟ କ୍ଷତିଗ୍ରସ୍ତ ହୋଇଥାଏ। ଅନେକ ସମୟରେ ଏହାକୁ ଅଧିକ ଅଣଦେଖା କରିବା ଫଳରେ ଜଏଣ୍ଟ ରିପ୍ଲେସ୍‌ମେଣ୍ଟ ସର୍ଜରୀ ମଧ୍ୟ କରିବାକୁ ପଡ଼ିଥାଏ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ