ଉତ୍ତମ ସ୍ବାସ୍ଥ୍ୟ

ହୃଦ୍‌ଘାତଠାରୁ ଅଧିକ ବିପଦଜନକ କାର୍ଡିଆକ ଆରେଷ୍ଟ

ବଲିଉଡ୍‌ର ପ୍ରଥମ ମହିଳା ସୁପରଷ୍ଟାର ଶ୍ରୀଦେବୀଙ୍କ ମୃତ୍ୟୁ ଗତ ଶନିବାର ରାତି ୧୧ଟାରେ ହୋଇଥିଲା। ସେ ତାଙ୍କ ଭଣଜା ମୋହିତ ମାରୱାହଙ୍କ ବାହାଘରରେ ଯୋଗଦେବା ଲାଗି ପତି ବୋନି କପୁର ଏବଂ ସାନ ଝିଅ ଖୁସିଙ୍କ ସହ ଦୁବାଇ ଯାଇଥିଲେ। ତେବେ ଶନିବାର ରାତିରେ ତାଙ୍କୁ ଅଚେତ ଅବସ୍ଥାରେ ବାଥ୍‌ଟବ୍‌ରୁ ଉଦ୍ଧାର କରାଯାଇଥିଲା। ପ୍ରଥମେ ତାଙ୍କ ମୃତ୍ୟୁର କାରଣ କାର୍ଡିଆକ ଆରେଷ୍ଟ ବୋଲି କୁହାଯାଉଥିବାବେଳେ ପରେ ମାତ୍ରାଧିକ ମଦ୍ୟପାନ କରିବା ଫଳରେ ସେ ବାଥ୍‌ଟବ୍‌ରେ ବୁଡ଼ି ମୃତ୍ୟୁବରଣ କରିଥିବା ଫୋରେନ୍ସିକ୍‌ ରିପୋର୍ଟରୁ ଜଣାପଡ଼ିଛି। ତେବେ ଅଧିକାଂଶ ଲୋକ ହାର୍ଟ ଆଟାକ ଏବଂ କାର୍ଡିଆକ ଆରେଷ୍ଟ ଏକାକଥା ବୋଲି ଭାବୁଥିବାବେଳେ ଏହା ସମ୍ପୂର୍ଣ୍ଣ ଭାବେ ଭିନ୍ନ। ହୃଦ୍‌ଘାତଠାରୁ କାର୍ଡିଆକ ଆରେଷ୍ଟ ଅଧିକ ବିପଦପୂର୍ଣ୍ଣ। ଏଥିରେ ବଲିଉଡ୍‌ର ଅନେକ ଅଭିନେତ୍ରୀଙ୍କ ମୃତ୍ୟୁ ହୋଇ ସାରିଛି। ତେବେ ଚାଲନ୍ତୁ ଜାଣିବା ହୃଦ୍‌ଘାତ ଏବଂ କାର୍ଡିଆକ ଆରେଷ୍ଟ ମଧ୍ୟରେ କ’ଣ ପ୍ରଭେଦ ରହିଛି।

ବ୍ୟାନ୍‌ ହୋଇପାରେ ୩୪୯ଟି ଔଷଧ!

ଏବେ ୩୪୯ଟି ଫିକ୍ସ ଡୋଜ୍‌ କମ୍ବିନେସନ (ଏଫ୍‌ଡିସି) ଔଷଧ ଉପରେ ପୁଣି ଥରେ ଖଣ୍ଡା ଝୁଲିଛି। କୁହାଯାଉଛି ଏହି ଔଷଧକୁ ପୁଣି ଥରେ ବଜାରରୁ ହଟାଇ ଦିଆଯିବ। ସୁପ୍ରିମ୍‌କୋର୍ଟଙ୍କ ଆଦେଶ ପରେ ଭାରତର ଡ୍ରଗ୍‌ କଣ୍ଟ୍ରୋଲର ଜେନେରାଲ ଏହାର ତଦନ୍ତ ପାଇଁ ଏକ କମିଟି ଗଠନ କରିଛନ୍ତି। ୨୦୧୬ରେ ସରକାର ଏହି ସବୁ ଔଷଧକୁ ଅନ୍‌ସାଇଣ୍ଟିଫିକ୍‌ ଏବଂ ସ୍ବାସ୍ଥ୍ୟ ପ୍ରତି ବିପଦ ବୋଲି ଦର୍ଶାଇ ବ୍ୟାନ୍‌ କରିଦେଇଥିଲେ। ଏହି ବ୍ୟାନ୍‌କୁ ବିରୋଧ କରି ଅନେକ ନାମୀ ଦାମୀ ଔଷଧ କମ୍ପାନୀ ସୁପ୍ରିମ୍‌କୋର୍ଟଙ୍କ ଦ୍ବାରସ୍ଥ ହୋଇଥିଲେ। ପ୍ରଥମେ ଅଦାଲତରେ ବ୍ୟାନ୍‌କୁ ଭୁଲ୍‌ ବୋଲି ଦର୍ଶାଯାଇ ଔଷଧ କମ୍ପାନୀଗୁଡ଼ିକ ପକ୍ଷରୁ ଯୁକ୍ତି ଉପସ୍ଥାପନ କରାଯାଇଥିଲା। ସୁପ୍ରିମ୍‌କୋର୍ଟ ଏହି ଆଧାରରେ ବ୍ୟାନ୍‌କୁ ଖାରଜ କରିଦେଇଥିଲେ।

ଦାନ୍ତ କ୍ୟାଭିଟି ସମସ୍ୟା ଦୂର ପାଇଁ ଘରୋଇ ଉପାୟ

ସୁନ୍ଦର ଓ ଧଳା ଦାନ୍ତ ବ୍ୟକ୍ତିଙ୍କ ସୌନ୍ଦର୍ଯ୍ୟକୁ ବଢ଼ାଇଦିଏ। ଏହା ବିନା ଖାଇବାର କିଛି ମଜା ନ ଥାଏ। ଦାନ୍ତ ପୋକ କାଟିଥିଲେ କିମ୍ବା କଳା ପଡ଼ିଥିଲେ ହସିବାବେଳେ ନିଜକୁ ଅନ୍ୟମାନଙ୍କ ସମ୍ମୁଖରେ ସଙ୍କୋଚ ଲାଗେ। ତେଣୁ ଦାନ୍ତର ଯତ୍ନ ନେବା ନିହାତି ଦରକାର। କେତେକ ଲୋକ ଖରାପ ଖାଦ୍ୟପେୟ କିମ୍ବା ଦାନ୍ତର ଠିକ୍‌ ଭାବେ ଯତ୍ନ ନ ନେବା ଫଳରେ ଦାନ୍ତରେ କ୍ୟାଭିଟି ବା ପୋକ ଲାଗିଯାଇଥାଏ। ଯେ କୌଣସି ବୟସର ଲୋକଙ୍କ ଦାନ୍ତରେ ପୋକ ଲାଗିପାରେ। ଅନେକ ସମୟରେ ପୋକ କାଟିବା ଯନ୍ତ୍ରଣା ଏଭଳି ହୋଇଥାଏ ଯେ ସହିବା କଷ୍ଟକର ହୋଇପଡ଼େ। ଏହି ଯନ୍ତ୍ରଣାରୁ ମୁକ୍ତି ପାଇବା ଲାଗି ଲୋକେ ଚିକିତ୍ସାର ସହାୟତା ନେଇଥାନ୍ତି। ଏହା ବହୁତ ଖର୍ଚ୍ଚ ସାଧ୍ୟ ମଧ୍ୟ। ତେଣୁ ଘରୋଇ ଉପଚାର କରି ଦାନ୍ତରେ ଲାଗିଥିବା କ୍ୟାଭିଟ୍‌କୁ ସହଜରେ ହଟାଇ ପାରିବେ।

ଏମ୍‌ଆର୍‌ଆଇ ମେସିନ୍‌ ପାଖରେ ଜମାରୁ

କିଛି ଦିନ ତଳେ ମୁମ୍ବାଇର ଏକ ହସ୍ପିଟାଲକୁ ନିଜ ମା’ଙ୍କୁ ଭେଟିବାକୁ ଯାଇଥିବା ରାଜେଶ ମାରୁ ନାମକ ଜଣେ ଯୁବକ ମ୍ୟାଗ୍ନେଟିକ ରିଜୋନାନ୍ସ ଇମେଜିଂ (ଏମ୍‌ଆଇଆର୍‌) ମେସିନ୍ ଥିବା ରୁମ୍‌କୁ ଅକ୍ସିଜେନ୍‌ ସିଲିଣ୍ଡର ନେଇ ଚାଲିଯାଇଥିଲେ। ଏମ୍‌ଆଇଆର୍‌ ରୁମ୍‌କୁ ପ୍ରବେଶ ମାତ୍ରେ ମ୍ୟାଗ୍ନେଟିକ ପାୱର ସହିତ ଚାଲୁଥିବା ଏମ୍‌ଆଇଆର୍‌ ମେସିନ୍‌ ରାଜେଶଙ୍କୁ ନିଜ ଆଡ଼କୁ ଟାଣି ନେଇଥିଲା। ଏମ୍‌ଆଇଆର୍‌ ମେସିନ୍‌ର ମ୍ୟାଗ୍ନେଟିକ ଫିଲ୍ଠରେ ପଶିଯିବା ଫଳରେ ରାଜେଶଙ୍କ ମୃତ୍ୟୁ ଘଟିଥିଲା। ମାତ୍ର ଏହି ଦୁର୍ଘଟଣା ନୁଆ କଥା ନୁହେଁ। ମୁମ୍ବାଇରେ ଏମିତି ଘଟଣା ପୂର୍ବରୁ ବି ହୋଇସାରିଛି। ଦିଲ୍ଲୀର ଡ.ରାମ ମନୋହର ଲାଲ ହସ୍ପିଟାଲ (ଆର୍‌ଏମ୍‌ଏଲ୍‌)ରେ ମଧ୍ୟ ଏଭଳି ଘଟଣା ଥରେ ଦେଖିବାକୁ ମିଳିଥିଲା। ମାତ୍ର ସେତେବେବେଳ ଏଥିରେ କାହାରି ମୃତ୍ୟୁ ଘଟି ନ ଥିଲା।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ