ନାରୀ

ଶେଫର୍ଡଙ୍କୁ ସାବାସୀ: ୭୧ ବର୍ଷ ବୟସରେ ହୋଇଥିଲେ ବଡି

ଜୀବନରେ ଯଦି କୌଣସି ଲକ୍ଷ୍ୟ ହାସଲ କରିବାକୁ ଚାହାନ୍ତି କିମ୍ବା ନିଜ ସହିତ କରିଥିବା ପ୍ରତିଶ୍ରୁତି ପୂରଣ କରିବାକୁ ଚାହାନ୍ତି, ତେବେ ବୟସ କେବଳ ଏକ ନମ୍ବର ହୋଇ ରହିଯିବ। ବ୍ୟକ୍ତିଙ୍କର କାମ କରିବାର ସାହସ ଓ ଧୈର୍ଯ୍ୟ ରହିବା ଉଚିତ। ଏହି ସାହସ ଓ ଧୈର୍ଯ୍ୟକୁ ପ୍ରମାଣ କରିବାକୁ ଯାଇ ଆମେରିକାର ଏର୍ଣ୍ଣେଷ୍ଟାଇନ୍‌ ଶେଫର୍ଡ କେବଳ ଯୁବପିଢ଼ିଙ୍କୁ ମାତ୍‌ ଦେଇ ନାହାନ୍ତି, ସେମାନଙ୍କ ପାଇଁ ପ୍ରେରଣା ମଧ୍ୟ ପାଲଟିଛନ୍ତି। କିଶୋରାବସ୍ଥାରେ ଦୁର୍ଘଟଣାର ସମ୍ମୁଖୀନ ହୋଇଥିଲେ ମଧ୍ୟ ଏଥିରେ ଭାଙ୍ଗି ନ ପଡ଼ି ପରବର୍ତ୍ତୀ ସମୟରେ ୭୧ ବର୍ଷ ବୟସରେ ଶେଫର୍ଡ ନିଜ ବଡିକୁ ମଜ୍‌ବୁତ କରି ବଡି ବିଲ୍ଡିଂ ଚାମ୍ପିଅନଶିପ୍‌ ଜିତିଥିଲେ। ଆଜି ୮୨ ବର୍ଷ ବୟସରେ ବି ଶେଫର୍ଡ ତାଙ୍କ ବଡିକୁ ମଜ୍‌ବୁତ ରଖି ପାରିଛନ୍ତି।

ପିଲାଙ୍କୁ ଅନୁଶାସନ ଶିଖାଇବା ସମୟରେ କରନ୍ତୁନି ଏସବୁ ଭୁଲ୍‌

ପ୍ରତ୍ୟେକ ବାପା ମା’ଙ୍କର ପିଲାଙ୍କୁ ଲାଳନ ପାଳନ କରିବା ଓ ସେମାନଙ୍କୁ ଭୁଲ୍‌ ଠିକ୍‌ ଶିଖାଇବାରେ ପଦ୍ଧତି ଅଲଗା ଅଲଗା ହୋଇଥାଏ। ପିଲା ଯଦି ଭୁଲ୍‌ କରୁଛନ୍ତି, ତେବେ ସେମାନଙ୍କୁ ଅନୁଶାସନ କରିବା ଓ ଦଣ୍ଡ ଦେବା ଶୈଳୀ ମଧ୍ୟ ପ୍ରତ୍ୟେକ ମା’ ବାପାଙ୍କ ଅଲଗା ଅଲଗା ହୋଇଥାଏ। କିନ୍ତୁ ଅନେକ ସମୟରେ ଏମିତି ବି ହୋଇଥାଏ, ଆପଣ ପିଲାଙ୍କୁ ନାଲି ଆଖି ଦେଖାଇବା ଓ ଗାଳି ଦେବା ପରେ କିଛି ସରପ୍ରାଇଜ୍‌ କିମ୍ବା ଲାଞ୍ଚ ବି ଦେଇଥାନ୍ତି। କିନ୍ତୁ ଆପଣଙ୍କ ପିଲା ଆପଣଙ୍କ କଥା ଶୁଣନ୍ତି ନାହିଁ। ଏପରି ଏଥିପାଇଁ ହୋଇଥାଏ, ହୁଏତ ଆପଣ ପିଲାଙ୍କୁ ଅନୁଶାସନ ଶିଖାଇବା ସମୟରେ କିଛି ଭୁଲ୍‌ କରି ଦେଇଥାନ୍ତି। ପିଲାକୁ ଉଭୟେ ବାପା ଓ ମା’ ଅନୁଶାସନ କରୁଥିଲେ ମଧ୍ୟ ପିଲା ସହିତ ମା’ ଅଧିକ ସମୟ ରହିଥାନ୍ତି। ଚାଲନ୍ତୁ ଜାଣିବା ପିଲାଙ୍କୁ ଅନୁଶାସନ କରିବା ସମୟରେ କେଉଁ ସବୁ ଭୁଲ୍‌ କରିବା ଉଚିତ ନୁହେଁ।

ପ୍ରେରଣାର ଉତ୍ସ ପାଲଟିଛନ୍ତି ସେଲିବ୍ରିଟି ସିଙ୍ଗଲ ମଦର

ସମୟର ବିବର୍ତ୍ତନ ସହ ସମାଜ ଯେତେ ଆଗକୁ ବଢ଼ିଥିଲେ ବି ନାରୀମାନଙ୍କ କ୍ଷେତ୍ରରେ କେତେକ ନିର୍ଦ୍ଦିଷ୍ଟ ସୀମା ରହିଛି। ଅବଶ୍ୟ ଏକଥା ସତ ଯେ ପୂର୍ବାପେକ୍ଷା ନାରୀମାନେ ବିଭିନ୍ନ କ୍ଷେତ୍ରରେ ବେଶ୍‌ ଆଗକୁ ବଢ଼ିଛନ୍ତି। କିନ୍ତୁ ଏସବୁ ସତ୍ତ୍ବେ ଜୀବନରେ ସାଥୀ ବିନା ସନ୍ତାନସନ୍ତତିଙ୍କ ଲାଳନପାଳନ କରିବା କେତେ କଷ୍ଟକର, ଯିଏ କରିଛି ସିଏ ଜାଣିଛି। ସିଙ୍ଗଲ ପ୍ୟାରେଣ୍ଟମାନେ ସାଧାରଣତଃ ସାମାଜିକ, ଆର୍ଥିକ ଓ ଭାବନାତ୍ମକ ଭାବେ ସମସ୍ୟାର ସମ୍ମୁଖୀନ ହୋଇଥାନ୍ତି। କିନ୍ତୁ ଭାରତୀୟ ଫିଲ୍ମ ଏବଂ ଟେଲିଭିଜନ୍‌ ବ୍ୟକ୍ତିତ୍ବ ଏହି ଚ୍ୟାଲେଞ୍ଜକୁ ଗ୍ରହଣ କରି ଏକାକୀ ମାତାପିତା ଭାବେ ପିଲାଙ୍କୁ ଲାଳନପାଳନ କରିବା ସହ ଅନ୍ୟମାନଙ୍କ ପାଇଁ ପ୍ରେରଣା ହୋଇଛନ୍ତି। ଚାଲନ୍ତୁ ଜାଣିବା ଏପରି କେତେକ ସିନେ ଓ ଟେଲିଭିଜନ ବ୍ୟକ୍ତିତ୍ବଙ୍କ ସମ୍ପର୍କରେ, ଯେଉଁମାନେ ସିଙ୍ଗଲ ମଦର ଭାବେ ପିଲାଙ୍କୁ ପାଳିବା ସହିତ ସମାଜରେ ପ୍ରତିଷ୍ଠା ହାସଲ କରିପାରିଛନ୍ତି। ଏହି ସେଲିବ୍ରିଟିଙ୍କ ମଧ୍ୟରେ କେତେକ ଅବିବାହିତ ଥିବାବେଳେ, ଅନ୍ୟ କେତେକ ଛାଡ଼ପତ୍ର ଗ୍ରହଣ କରିଛନ୍ତି। ଅନ୍ୟ କେତେକ ସେଲିବ୍ରିଟି ପୋଷ୍ୟ ସନ୍ତାନ ଗ୍ରହଣ କରିଥିବାବେଳେ ଅନ୍ୟ କେତେକ ସରୋଗେସି ମଦର ମଧ୍ୟ ଅଟନ୍ତି। ଏହି ସେଲିବ୍ରିଟିମାନେ ସେମାନଙ୍କ ଦୃଢ଼ ମନୋବଳ, ସହନଶୀଳତା, ଦାୟିତ୍ତ୍ବବାନ ମନୋଭାବ ଓ ମାତୃତ୍ବ ପାଇଁ ପ୍ରେରଣାର ଉତ୍ସ ପାଲଟିଛନ୍ତି।

ପିଲା ବିଛଣାରେ ପରିସ୍ରା କରୁଥିଲେ ଏପରି ରୋକନ୍ତୁ

କେବଳ ନବଜାତ ଶିଶୁ କିମ୍ବା ଛୋଟ ପିଲା ନୁହନ୍ତି, ୭ରୁ ୮ ବର୍ଷର ପିଲାମାନେ ମଧ୍ୟ ନିଦରେ ବାଉଳା ହୋଇ ବିଛଣାରେ ପରିସ୍ରା କରି ଦିଅନ୍ତି। ଏହାକୁ ବେଡ୍‌ୱେଟିଂ ମଧ୍ୟ କୁହାଯାଏ। ଏହି ସମସ୍ୟା ପିଲାଙ୍କୁ ଲଜ୍ଜିତ କରୁଥିବାବେଳେ ବାପା ମା’ଙ୍କ ପାଇଁ ଚିନ୍ତାର କାରଣ ପାଲଟିଥାଏ। ଏପରିସ୍ଥଳେ ଏଠାରେ କେତେକ ସହଜ ଉପାୟ କୁହାଯାଇଛି, ଯାହାକୁ ଅନୁସରଣ କରି ଆପଣ ପିଲାଙ୍କ ବେଡ୍‌ୱେଟିଂ ସମସ୍ୟା ଛଡ଼ାଇପାରିବେ। ଯଦି ଆପଣ ରାତିରେ ଶୋଇବା ସମୟରେ ଆପଣଙ୍କ ସହିତ ଆପଣଙ୍କ ପିଲାଙ୍କ ନିଦ ଖରାପ କରିବାକୁ ଚାହୁ ନାହାନ୍ତି, ତେବେ ଶୋଇବାର ଠିକ୍‌ ପୂର୍ବରୁ ପିଲାଙ୍କୁ ମାତ୍ରାଧିକ ପାଣି କିମ୍ବା କୌଣସି ତରଳ ପଦାର୍ଥ ସେବନ କରାନ୍ତୁ ନାହିଁ। ଆପଣ ଚାହିଲେ ଦିନରେ ଅଧିକ ମାତ୍ରାରେ ପାଣି ପିଲାଙ୍କୁ ପିଆଇ ପାରିବେ। କିନ୍ତୁ ସନ୍ଧ୍ୟା ପରେ ଏହାର ମାତ୍ରା କମାଇ ଦିଅନ୍ତୁ।

ଫ୍ୟାଶନ୍‌ ଦୁନିଆରେ ରିତୁଙ୍କ କମାଲ୍‌: ଭାରତୀୟତାକୁ କରିଛନ୍ତି

ଭାରତରେ ଏପରି ଅନେକ ମହିଳା ଅଛନ୍ତି, ଯେଉଁମାନେ ଫ୍ୟାଶନ୍‌ କ୍ଷେତ୍ରରେ ପରିବର୍ତ୍ତନ ଆଣିଛନ୍ତି। କିନ୍ତୁ ସେମାନଙ୍କ ମଧ୍ୟରେ ଯେଉଁ କେତେଜଣ ଫ୍ୟାଶନ୍‌ ଡିଜାଇନ୍‌ ମାଧ୍ୟମରେ ଭାରତୀୟ ସଂସ୍କୃତିକୁ ନୂଆ ରୂପ ଦେଇଛନ୍ତି ତନ୍ମଧ୍ୟରେ ଫ୍ୟାଶନ୍‌ ଡିଜାଇନର ରିତୁ କୁମାର ଅନ୍ୟତମ। ଲୋକପ୍ରିୟ ଫ୍ୟାଶନ୍‌ ଡିଜାଇନର ରିତୁ କୁମାର ଭାରତର ପ୍ରଥମ ମହିଳା ଡିଜାଇନର, ଯିଏକି ଭାରତୀୟ ସାଂସ୍କୃତିକ ପରିଧାନକୁ ଅନ୍ତର୍ଜାତୀୟ ସ୍ତରରେ ପରିଚିତ କରାଇଛନ୍ତି। ଏବେ ସେ ଯେଉଁ ସ୍ଥାନରେ ପହଞ୍ଚିଛନ୍ତି, ସେଠାରେ ପହଞ୍ଚିବା ଲାଗି ସେ କଠିନ ପରିଶ୍ରମ କରିଛନ୍ତି। ଚାଲନ୍ତୁ ଜାଣିବା ଫ୍ୟାଶନ୍‌ର ପରିଭାଷାକୁ ସମ୍ପୂର୍ଣ୍ଣ ଭାବେ ବଦଳାଇ ଦେଇଥିବା ଲୋକପ୍ରିୟ ଫ୍ୟାଶନ୍‌ ଡିଜାଇନର ରିତୁ କୁମାରଙ୍କ ସମ୍ପର୍କରେ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ