ନାରୀ

ସାବଧାନ: ଚର୍ମକୁ କ୍ଷତି ପହଞ୍ଚାଇପାରେ ପ୍ରସାଧନ ସାମଗ୍ରୀ

ପ୍ରସାଧନ ସାମଗ୍ରୀ ବ୍ୟବହାର କରୁଥିଲେ ସାବଧାନ ହୋଇଯାଆନ୍ତୁ। କାରଣ ବ୍ୟୁଟି ବ୍ଲେଣ୍ଡର, ମସ୍କରା, ଲିପ୍‌ ଗ୍ଲସ୍‌ ଭଳି ପ୍ରସାଧନ ସାମଗ୍ରୀ ମାଧ୍ୟମରେ ପ୍ରାଣଘାତକ ସୁପରବଗ ସଂକ୍ରମଣ ହେଉଥିବା ଜଣାପଡ଼ିଛି। ଆମେରିକାରେ ନିକଟରେ ହୋଇଥିବା ଏକ ଗବେଷଣା ପରେ ଗବେଷକମାନେ ଏହି ଚେତାବନୀ ଦେଇଛନ୍ତି। ଆମେରିକାର ଇଷ୍ଟର୍ଣ୍ଣ ୟୁନିଭର୍ସିଟିର ମୁଖ୍ୟ ଗବେଷକ ଅମରିନ ବଶୀର କହିଛନ୍ତି ଯେ ଲଣ୍ଡନରେ ପ୍ରତ୍ୟେକ ଦିନ ଲକ୍ଷାଧିକ ଲୋକେ ସୌନ୍ଦର୍ଯ୍ୟ ପ୍ରସାଧନ ସାମଗ୍ରୀ ବ୍ୟବହାର କରୁଛନ୍ତି। ଏହି ସବୁ ଉତ୍ପାଦ ଜରିଆରେ ଘାତକ ଇ-କୋଲି ଓ ଷ୍ଟାଫିଲୋକୋକି ବ୍ୟାକ୍ଟେରିଆରେସଂକ୍ରମିତ ହୋଇଥାଏ। କାରଣ ଏହାକୁ ସଫା କରାଯାଇ ପାରି ନ ଥାଏ। ଏପରିକି କେତେକ ସୌନ୍ଦର୍ଯ୍ୟ ପ୍ରସାଧନ ସାମଗ୍ରୀର ଏକ୍ସପାୟାରି ଡେଟ୍‌ ଗଲା ପରେ ମଧ୍ୟ ଏହାକୁ ଅନେକ ବ୍ୟବହାର କରିଥାନ୍ତି, ଯାହାକି ବିପଦଜନକ ହୋଇପାରେ।

ସାହସୀ କର୍ମବୀର ସୁଧା ମୂର୍ତ୍ତି: ବୁଝିଛନ୍ତି ମହିଳା ଓ ଅସହାୟଙ୍କ

ସାଧାରଣରୁ ଅସାଧାରଣ ପାଲଟିବା ପରେ ବି ସାଧାରଣ ଜୀବନଶୈଳୀ ଆପଣାଇବା ବେଶ୍‌ କାଠିକର ପାଠ। ଏହା କୌଣସି ବାହ୍ୟ ପରିସ୍ଥିତି ଦ୍ବାରା ପ୍ରଭାବିତ ହୋଇ ନ ଥିବାକୁ ବୁଝାଏ। ଏହାର ଜ୍ବଳନ୍ତ ନମୂନା ହେଉଛନ୍ତି ଇନ୍‌ଫୋସିସ୍‌ ଫାଉଣ୍ଡେସନ୍‌ର ଅଧ୍ୟକ୍ଷା ସୁଧା ମୂର୍ତ୍ତି। ପିତା ମାତାଙ୍କ ଅନିଚ୍ଛା ସତ୍ତ୍ବେ ଇଞ୍ଜିନିୟର ହେବା ପରେ ବି ତାଙ୍କ ଜୀବନ ଯାତ୍ରାର ପଥ ସହଜ ନ ଥିଲା। ତେବେ ନିଜ ଲକ୍ଷ୍ୟସ୍ଥଳୀରେ ପହଞ୍ଚିବା ପାଇଁ ଅଧ୍ୟବସାୟ, ଏକାଗ୍ର ଚିତ୍ତ ଓ ଦୃଢ଼ ମନୋଭାବ ତାଙ୍କୁ ବେଶ୍‌ ସାହାଯ୍ୟ କରିଥିଲା। ଇନ୍‌ଫୋସିସ୍‌ର ସହପ୍ରତିଷ୍ଠାତା ଏନ୍‌ଆର୍‌ ନାରାୟଣ ମୂର୍ତ୍ତିଙ୍କୁ ବିବାହ କରିବା ପରେ ବି ସୁଧା ନିଜର ସ୍ବତନ୍ତ୍ର ପରିଚୟ ରଖିପାରିଛନ୍ତି। ବିଶେଷକରି ମହିଳାଙ୍କୁ ସେମାନଙ୍କ ସମସ୍ୟା ପ୍ରତି ସଚେତନ କରାଇବା ଏବଂ ଅସହାୟଙ୍କୁ ଅକୁଣ୍ଠିତ ସାହାଯ୍ୟର ହାତ ବଢ଼ାଇବା ତାଙ୍କୁ ଅସାଧାରଣ ବ୍ୟକ୍ତିତ୍ବର ପରିଚୟ ଦେଇଛି। ଖାସ୍‌ ଏଥିପାଇଁ ସେ ଅନେକଙ୍କ ଲାଗି ପ୍ରେରଣାର ଉତ୍ସ ପାଲଟିଛନ୍ତି।

ମୈନାଙ୍କୁ ମାନିବାକୁ ପଡ଼ିବ: ୩ ଝିଅଙ୍କୁ ପାଳିବାକୁ ଆପଣାଇଲେ
ଝଟକୁଛନ୍ତି ଜ୍ୟୋତି: ଦିନ ମଜୁରିଆରୁ ପାଲଟିଲେ କୋଟିପତି

ସବୁବେଳେ ପରିଶ୍ରମର ମୂଲ୍ୟ ରହିଛି। ଏହି ପରିପ୍ରେକ୍ଷୀରେ କୁହାଯାଏ, କଠିନ ପରିଶ୍ରମ ନିଶ୍ଚୟ ଫଳ ଦେଇଥାଏ। ଏହାକୁ ଅକ୍ଷରେ ଅକ୍ଷରେ ପ୍ରମାଣିତ କରିଛନ୍ତି ଆମେରିକାରେ ପ୍ରତିଷ୍ଠା ଲାଭ କରିଥିବା ଭାରତର ମହିଳା ଉଦ୍ୟୋଗୀ ଜ୍ୟୋତି ରେଡ୍ଡୀ। ଦିନେ ଯେଉଁ ଝିଅ ଖାଲି ପାଦରେ ସ୍କୁଲ୍‌ ଯାଉଥିଲେ, ଏବେ ସେ ମର୍ସିଡିଜ୍‌ ବେଞ୍ଜ ଚଲାଉଛନ୍ତି। ତାଙ୍କ ପାଖରେ ଏବେ ୫୦୦ରୁ ଊର୍ଦ୍ଧ୍ବ ଶାଢ଼ି ଓ ୩୦ରୁ ଊର୍ଦ୍ଧ୍ବ ସନ୍‌ଗ୍ଲାସ୍‌ ରଖିଛନ୍ତି। ତେବେ ଏସବୁ ବିଳାସପୂର୍ଣ୍ଣ ସାମଗ୍ରୀ ‘କି ସଫ୍ଟୱେୟର ସଲ୍ୟୁସନ୍‌ ଆଇଏନ୍‌ସି’ର ମାଲିକାଣୀ ଜ୍ୟୋତିଙ୍କ ପାଇଁ ବହୁତ ଛୋଟ ଜିନିଷ। ୨୦୧୬ରେ ଜ୍ୟୋତିଙ୍କ ବାର୍ଷିକ ଆୟ ୧୫ ମିଲିଅନ୍‌ ଆମେରିକୀୟ ଡଲାର ଥିଲା। ଏହି ଅସାଧାରଣ ସଫଳତାର ଅଧିକାରିଣୀ ଜ୍ୟୋତିଙ୍କୁ ଏବେ ୪୭ ବର୍ଷ। ପାଞ୍ଚ ଭାଇ ଭଉଣୀଙ୍କ ମଧ୍ୟରେ ଦ୍ବିତୀୟ ଜ୍ୟୋତିଙ୍କ ପିତାଙ୍କ ନାମ ଭେଙ୍କଟ ରେଡ୍ଡୀ। ତେଲଙ୍ଗାନାର ୱାରଙ୍ଗଲ ଜିଲାସ୍ଥିତ ନରସିମୁହଲା ଗୁଡେମାରେ ଜ୍ୟୋତି ଜନ୍ମଗ୍ରହଣ କରିଥିଲେ। ତାଙ୍କ କହିବାନୁଯାୟୀଜୀବନରେ ସୁଖ ଓ ଦୁଃଖର ବହୁତ ବଡ଼ ଭୂମିକା ରହିଛି। ସୁଖ ମଣିଷକୁ ଖୁସି ଦେଉଥିବାବେଳେ ଦୁଃଖ ମୁସ୍କିଲ୍‌ ସମୟକୁ ସାମ୍ନା କରିବା ଓ ଜଣେ ଉତ୍ତମ ମଣିଷ ହେବା ଲାଗି ପ୍ରେରଣା ଯୋଗାଇଥାଏ। ଯେଉଁ ବ୍ୟକ୍ତି ଏହି ସବୁ ମୁସ୍କିଲ୍‌କୁ ଦୃଢ଼ତାର ସହ ସାମ୍ନା କରନ୍ତି, ସେହି ବ୍ୟକ୍ତି ଦିନେ ନା ଦିନେ ସଫଳ ହୋଇପାରନ୍ତି। ଜୀବନରେ ଆସୁଥିବା ଏହି ସବୁ ସମସ୍ୟାକୁ ସାମ୍ନା କରି ଭାରତରେ ଲାଳନପାଳନ ହୋଇଥିବା ଜ୍ୟୋତି ଏବେ ଆମେରିକାରେ ଜଣେ ସଫଳ ଉଦ୍ୟୋଗୀ ଭାବେ ନିଜକୁ ପ୍ରତିଷ୍ଠିତ କରାଇପାରିଛନ୍ତି। ଜୀବନରେ ପ୍ରତିକୂଳ ପରିସ୍ଥିତିରେ ସଂଘର୍ଷ କରି କିଭଳି ଦିନ ମଜୁରିଆରୁ ଜ୍ୟୋତି କୋଟିପତି ସଫଳ ଉଦ୍ୟୋଗୀ ପାଲଟିଛନ୍ତି, ତାହା ନିଶ୍ଚିତ ରୂପେ ଯୁବପିଢ଼ିଙ୍କ ପାଇଁ ପ୍ରେରଣାଦାୟୀ ହୋଇଛି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ