କୋଭିଡ୍‌-୧୯

ଦେଶରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨୭୦କୁ ବୃଦ୍ଧି

ନୂଆଦିଲ୍ଲୀ: ଦେଶରେ କୋରୋନାର ନୂଆ ଭ୍ୟାରିଆଣ୍ଟ ଓମିକ୍ରନରେ ଆକ୍ରାନ୍ତ ରୋଗୀ ସଂଖ୍ୟା ୯୬୧କୁ ବୃଦ୍ଧି ପାଇଛି। ସେମାନଙ୍କ ମଧ୍ୟରୁ ୩୭୪ ଜଣ ସୁସ୍ଥ ହୋଇସାରିଛନ୍ତି। ମହାରାଷ୍ଟ୍ରରେ ସର୍ବାଧିକ ୪୫୦ ଜଣ ଏହି ପ୍ରକରଣରେ ଆକ୍ରାନ୍ତ ହୋଇଥିବା ଚିହ୍ନଟ କରାଯାଇଥିବାବେଳେ ଦିଲ୍ଲୀରେ ୩୨୦ ଜଣ ଓ କେରଳରେ ୧୦୯ ଜଣ ଚିହ୍ନଟ ହୋଇଛନ୍ତି। ସେହିଭଳି ଗୁଜରାଟରେ ୯୭ ଜଣ, ରାଜସ୍ଥାନରେ ୬୯, ତେଲେଙ୍ଗାନାରେ ୬୨ ଓ ତାମିଲନାଡୁରେ ୪୬ ଜଣଙ୍କୁ ଚିହ୍ନଟ କରାଯାଇଛି। କର୍ଣ୍ଣାଟକରେ ୩୪ ଜଣ, ଆନ୍ଧ୍ରପ୍ରଦେଶରେ ୧୬, ହରିୟାଣାରେ ୧୪, ଓଡ଼ିଶାରେ ୧୪, ପଶ୍ଚିମବଙ୍ଗରେ ୧୧, ଉତ୍ତରାଖଣ୍ଡରେ ୪, ଚଣ୍ଡିଗଡ ଓ ଜମ୍ମୁ କାଶ୍ମୀର ପ୍ରତ୍ୟେକରେ ୩ ଜଣ ଲେଖାଏଁ, ଆଣ୍ଡାମାନ ନିକୋବର ଓ ଉତ୍ତର ପ୍ରଦେଶରେ ୨ ଜଣ ଲେଖାଏଁ ଚିହ୍ନଟ ହୋଇଛନ୍ତି। ଗୋଆ, ହିମାଚଳପ୍ରଦେଶ, ଲଦାଖ, ମଣିପୁର, ପଞ୍ଜାବରେ ଓମିକ୍ରନ ପ୍ରକରଣରେ ଜଣେ ଲେଖାଏଁ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି।

ଦେଶରେ ଦିନକରେ ୧୧,୯୧୯ ନୂଆ କୋରୋନା ସଂକ୍ରମିତ

ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟାରେ ଦୈନିକ କୋରୋନା ସଂକ୍ରମିତଙ୍କ ସଂଖ୍ୟା ୧୧ ହଜାରରୁ ଅଧିକ ଥିବା ବେଳେ ମୃତ୍ୟୁସଂଖ୍ୟା ୪୦୦ରୁ ଅଧିକ ରହିଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳାୟ ତଥ୍ୟ ଅନୁସାରେ, ଗୁରୁବାର ସକାଳ ୮ଟା ସୁଦ୍ଧା ସମଗ୍ର ଦେଶରେ ଗତ ୨୪ ଘଣ୍ଟା ମଧ୍ୟରେ ୧୧,୯୧୯ ଜଣ ନୂଆ କୋରୋନା ସଂକ୍ରମିତଙ୍କୁ ଠାବ କରାଯାଇଛି ଓ ୪୭୦ ମୃତ୍ୟୁ ରେକର୍ଡ କରାଯାଇଛି। ଏଥିସହ ଦିନକ ଭିତରେ ଚିହ୍ନଟ ହୋଇଥିବା ନୂତନ ଆକ୍ରାନ୍ତଙ୍କୁ ମିଶାଇ ଦେଶରେ ଆଜି ପର୍ଯ୍ୟନ୍ତ କୋଭିଡ୍ ସଂକ୍ରମିତଙ୍କ ସଂଖ୍ୟା ୩ କୋଟି ୪୪ ଲକ୍ଷ ୭୮ ହଜାର ୫୧୭ରେ ପହଞ୍ଚିଯାଇଛି। ସେହିପରି ଗତ ୨୪ ଘଣ୍ଟା ମଧ୍ୟରେ ମାତ୍ର ୪୭୦ ଜଣ ସଂକ୍ରମିତଙ୍କର ପ୍ରାଣହାନିକୁ ମିଶାଇ ଭାରତରେ ସମୁଦାୟ କୋରୋନାଜନିତ ମୃତ୍ୟୁସଂଖ୍ୟା ୪,୬୪,୬୨୩ରେ ପହଞ୍ଚିଛି।

ଦିନକରେ ୧୦ ହଜାର ୧୯୭ ସଂକ୍ରମିତ ଚିହ୍ନଟ, ୩୦୧ ମୃତ

ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟା ମଧ୍ୟରେ ୧୦ ହଜାର ୧୯୭ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ଏହା ଗତ ସୋମବାର ଦିନକ ଭିତରେ ଚିହ୍ନଟ ହୋଇଥିବା ସଂକ୍ରମିତଙ୍କ ସଂଖ୍ୟା ତୁଳନାରେ ୧୫ ପ୍ରତିଶତରୁ ଅଧିକ। ସେହିପରି ଗତ ୨୪ ଘଣ୍ଟା ମଧ୍ୟରେ ୩୦୧ ଜଣ ସଂକ୍ରମିତଙ୍କର ପ୍ରାଣହାନି ଘଟିଛି। ଏଥିସହ ଦେଶରେ ଗତ ୨୪ ଘଣ୍ଟା ମଧ୍ୟରେ ୧୨ ହଜାର ୧୩୪ ଜଣ କୋଭିଡ୍ ସଂକ୍ରମିତ କୋରୋନା ଭୂତାଣୁକୁ ମାତ୍ ଦେବାରେ ସକ୍ଷମ ହୋଇଛନ୍ତି। ଫଳସ୍ବରୂପ ଆଜି ପର୍ଯ୍ୟନ୍ତ ମୋଟ ସଂକ୍ରମିତ ସଂଖ୍ୟାର ୯୮.୨୭ ପ୍ରତିଶତ ସୁସ୍ଥତା ଲାଭ କରିସାରିଛନ୍ତି। ଏହା ଗତ ବର୍ଷ ମାର୍ଚ୍ଚ ପରଠାରୁ ସର୍ବାଧିକ। ବୁଧବାର ପୂର୍ବାହ୍ନରେ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ଦିଆଯାଇଥିବା ସୂଚନାନୁସାରେ, ଆଜି ପର୍ଯ୍ୟନ୍ତ ଦେଶରେ ମୋଟ ୩ କୋଟି ୩୮ ଲକ୍ଷ ୭୩ ହଜାର ୮୯୦ ଜଣ ସଂକ୍ରମିତ ସୁସ୍ଥ ହୋଇସାରିଛନ୍ତି। ଏବେ ଦେଶରେ ୧ ଲକ୍ଷ ୨୮ ହଜାର ୫୫୫ ଜଣ ଚିକିତ୍ସାଧୀନ ଅଛନ୍ତି, ଯାହାକି ଗତ ୫୨୭ ଦିନ ଭିତରେ ସର୍ବାଧିକ ବୋଲି ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।

ପୁଣି କମିଲା ସଂକ୍ରମଣ: ଦେଶରେ ଦିନକରେ ୮,୮୬୫ ନୂଆ

ନୂଆଦିଲ୍ଲୀ: ପୁଣି କମିଲା ସଂକ୍ରମଣ। ଦେଶରେ ଗତ ୨୪ ଘଣ୍ଟାରେ ସୋମବାର ତୁଳନାରେ କମ୍ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଦେଶରେ କୋରୋନା ଦୈନିକ ସଂକ୍ରମିତଙ୍କ ସଂଖ୍ୟା ୯ ହଜାର ତଳକୁ ଖସିଥିବା ବେଳେ ମୃତ୍ୟୁସଂଖ୍ୟା ୧୦୦ରୁ ଅଧିକ ରହିଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳାୟ ତଥ୍ୟ ଅନୁସାରେ, ସୋମବାର ସକାଳ ୮ଟା ସୁଦ୍ଧା ସମଗ୍ର ଦେଶରେ ଗତ ୨୪ ଘଣ୍ଟା ମଧ୍ୟରେ ୮,୮୬୫ ଜଣ ନୂଆ କୋରୋନା ସଂକ୍ରମିତଙ୍କୁ ଠାବ କରାଯାଇଛି ଓ ୧୯୭ ମୃତ୍ୟୁ ରେକର୍ଡ କରାଯାଇଛି। ଏଥିସହ ଦିନକ ଭିତରେ ଚିହ୍ନଟ ହୋଇଥିବା ନୂତନ ଆକ୍ରାନ୍ତଙ୍କୁ ମିଶାଇ ଦେଶରେ ଆଜି ପର୍ଯ୍ୟନ୍ତ କୋଭିଡ୍ ସଂକ୍ରମିତଙ୍କ ସଂଖ୍ୟା ୩ କୋଟି ୪୪ ଲକ୍ଷ ୫୬ ହଜାର ୪୦୧ରେ ପହଞ୍ଚିଯାଇଛି। ସେହିପରି ଗତ ୨୪ ଘଣ୍ଟା ମଧ୍ୟରେ ମାତ୍ର ୧୯୭ ଜଣ ସଂକ୍ରମିତଙ୍କର ପ୍ରାଣହାନିକୁ ମିଶାଇ ଭାରତରେ ସମୁଦାୟ କୋରୋନାଜନିତ ମୃତ୍ୟୁସଂଖ୍ୟା ୪,୬୩,୮୫୨ରେ ପହଞ୍ଚିଛି।

ସଂକ୍ରମଣରେ ୯ ପ୍ରତିଶତ ହ୍ରାସ: ୧୦ ହଜାର ୨୨୯ ନୂଆ

ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟାରେ ଶନିବାର ତୁଳନାରେ ୯.୨ ପ୍ରତିଶତ କମ୍ ସଂକ୍ରମିତ ଚିହ୍ନଟ ହୋଇଛନ୍ତି। ଗତ ଶନିବାର ଦିନକ ଭିତରେ ୧୧ ହଜାରରୁ ଊର୍ଦ୍ଧ୍ବ ଆକ୍ରାନ୍ତଙ୍କୁ ଚିହ୍ନଟ କରାଯାଇଥିବା ବେଳେ ରବିବାର ଦିନକ ଭିତରେ ୧୦ ହଜାର ୨୨୯ ଜଣ ସଂକ୍ରମିତଙ୍କୁ ଠାବ କରାଯାଇଛି। ଏଥିସହ ଦେଶରେ ଆଜି ପର୍ଯ୍ୟନ୍ତ କୋଭିଡ୍ ସଂକ୍ରମିତଙ୍କ ସଂଖ୍ୟା ୩ କୋଟି ୪୪ ଲକ୍ଷ ୪୭ ହଜାର ୫୩୬ରେ ପହଞ୍ଚିଯାଇଛି। ପ୍ରଭାବିତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ମଧ୍ୟରେ କେରଳରେ କ୍ରମାଗତ ଭାବେ ସର୍ବାଧିକ ସଂକ୍ରମିତ ଚିହ୍ନଟ ହୋଇଚାଲିଥିବା ବେଳେ ଗତ ରବିବାର ଦିନକ ଭିତରେ ଉକ୍ତ ରାଜ୍ୟରୁ ୫ ହଜାର ୮୪୮ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି। ସେହିପରି ଦ୍ବିତୀୟ ସର୍ବାଧିକ ୯୫୬ ଜଣ ସଂକ୍ରମିତ ମହାରାଷ୍ଟ୍ରରୁ ଚିହ୍ନଟ ହୋଇଥିବା ବେଳେ ୩ୟ ସର୍ବାଧିକ ୮୭୫ ଜଣ ପଶ୍ଚିମବଙ୍ଗରୁ, ଚତୁର୍ଥ ସର୍ବାଧିକ ୮୦୫ ଜଣ ତାମିଲନାଡ଼ୁରୁ ଓ ୨୬୨ ଜଣ ଓଡ଼ିଶାରୁ ଚିହ୍ନଟ ହୋଇଛନ୍ତି। ଦିନକ ଭିତରେ ଚିହ୍ନଟ ହୋଇଥିବା ସଂକ୍ରମିତଙ୍କ ସଂଖ୍ୟାରେ ଓଡ଼ିଶା ପଞ୍ଚମ ସ୍ଥାନରେ ରହିଛି। ସେହିପରି ଗତ ୨୪ ଘଣ୍ଟାରେ ଠାବ ହୋଇଥିବା ସଂକ୍ରମିତଙ୍କ ମଧ୍ୟରୁ କେବଳ କେରଳରୁ ୬୭.୧୭ ପ୍ରତିଶତ ଚିହ୍ନଟ ହୋଇଥିବା କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୋମବାର ପୂର୍ବାହ୍ନରେ ସୂଚନା ଦିଆଯାଇଛି।

ଦେଶରେ ଦିନକରେ ୧୧ ହଜାର ୪୬୬ ସଂକ୍ରମିତ ଚିହ୍ନଟ,

ନୂଆଦିଲ୍ଲୀ: ଦେଶରେ ଗତ କିଛି ମାସ ହେଲା କ୍ରମାଗତ ଭାବେ ଯଥେଷ୍ଟ କମ୍ ମାତ୍ରାରେ ସଂକ୍ରମିତଙ୍କୁ ଚିହ୍ନଟ କରାଯାଇଆସୁଛି। ଏହି କ୍ରମରେ ଗତ ମଙ୍ଗଳବାର ଦିନକ ଭିତରେ ୧୧ ହଜାର ୪୬୬ ଜଣ କୋଭିଡ୍ ସଂକ୍ରମିତଙ୍କୁ ଚିହ୍ନଟ କରାଯାଇଛି। ଅବଶ୍ୟ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହୋଇଥିବା ସଂକ୍ରମିତଙ୍କ ସଂଖ୍ୟା ସୋମବାର ସଂଖ୍ୟାଠାରୁ ୧୩.୨ ପ୍ରତିଶତ ଅଧିକ। ସେହିପରି ଦେଶରେ ଏବେ ମୋଟ ୧ ଲକ୍ଷ ୩୯ ହଜାର ୬୮୩ ଜଣ କୋଭିଡ୍ ସଂକ୍ରମିତ ଚିକିତ୍ସାଧୀନ ଅଛନ୍ତି, ଯାହାକି ମୋଟ ସଂକ୍ରମିତ ସଂଖ୍ୟାର ମାତ୍ର ୦.୪୧ ପ୍ରତିଶତ। ଏହା ଗତ ମାର୍ଚ୍ଚ ପରଠାରୁ ସର୍ବନିମ୍ନ ବୋଲି ବୁଧବାର ପୂର୍ବାହ୍ନରେ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି। ଏହି ସୂଚନାନୁସାରେ, ଦେଶରେ ଆଜି ପର୍ଯ୍ୟନ୍ତ ମୋଟ ସଂକ୍ରମିତ ସଂଖ୍ୟାର ୯୮.୨୫ ପ୍ରତିଶତ ସୁସ୍ଥତା ଲାଭ କରିସାରିଛନ୍ତି। ସେହିପରି ଦେଶରେ ଆଜି ପର୍ଯ୍ୟନ୍ତ ମୋଟ ୩ କୋଟି ୩୭ ଲକ୍ଷ ୮୭ ହଜାର ୪୭ ଜଣ ସଂକ୍ରମିତ ଠାବ ହୋଇସାରିଛନ୍ତି। ଦେଶରେ ଏବେ ସକ୍ରିୟ ସଂକ୍ରମିତଙ୍କ ସଂଖ୍ୟା ମୋଟ ସଂଖ୍ୟାର ୧ ପ୍ରତିଶତ ତଳେ ଅର୍ଥାତ୍ ୦.୪୧ ପ୍ରତିଶତ ରହିଛି। ତା’ଛଡ଼ା ଗତ ୨୬୪ ଦିନ ପରେ ଦେଶରେ ସବୁଠାରୁ କମ୍ ସକ୍ରିୟ ସଂକ୍ରମିତ ରହିଥିବା ମନ୍ତ୍ରାଳୟ ପକ୍ଷରୁ କୁହାଯାଇଛି। ମନ୍ତ୍ରାଳୟ ପକ୍ଷରୁ ଦିଆଯାଇଥିବା ସୂଚନାନୁସାରେ, ସାପ୍ତାହିକ ସଂକ୍ରମଣ ହାର ୧.୨୦ ପ୍ରତିଶତ ରହିଛି। ଏଥିସହ ଦେଶରେ କ୍ରମାଗତ ୪୭ ଦିନ ହେଲା ୨ ପ୍ରତିଶତରୁ ବି କମ୍ ସଂକ୍ରମିତ ଚିହ୍ନଟ ହୋଇଚାଲିଛନ୍ତି।

ସଂକ୍ରମଣରେ ସାଢ଼େ ୫ ପ୍ରତିଶତ ବୃଦ୍ଧି: ଦିନକରେ ୧୧୪୫୧

ନୂଆଦିଲ୍ଲୀ: ଭାରତରେ ଗତ ୨୪ ଘଣ୍ଟା ମଧ୍ୟରେ ୧୧ ହଜାର ୪୫୧ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି। ଏହା ଗତ ଶନିବାର ଦିନକ ଭିତରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ତୁଳନାରେ ସାଢ଼େ ୫ ପ୍ରତିଶତ ଅଧିକ। ଏଥିସହ ଦେଶରେ ମୋଟ କୋଭିଡ୍ ସଂକ୍ରମିତଙ୍କ ସଂଖ୍ୟା ୩ କୋଟି ୪୩ ଲକ୍ଷ ୬୬ ହଜାର ୯୮୭ରେ ପହଞ୍ଚିଯାଇଛି। ସେହିପରି ଗତ ଦିନକ ଭିତରେ ୨୬୬ ଜଣ ଆକ୍ରାନ୍ତଙ୍କର ପ୍ରାଣହାନି ହୋଇଛି। ଫଳସ୍ବରୂପ ଦେଶରେ ଅଦ୍ୟାବଧି କୋରୋଜାନିତ ମହାମାରୀରେ ୪ ଲକ୍ଷ ୬୧ ହଜାର ୫୭ ଜଣଙ୍କର ପ୍ରାଣହାନି ଘଟିଛି। ଗତ ୨୪ ଘଣ୍ଟା ମଧ୍ୟରେ ପୂର୍ବପରି କେରଳରୁ ସର୍ବାଧିକ ୭ ହଜାର ୧୨୪ ଜଣ ସଂକ୍ରମିତଙ୍କୁ ଠାବ କରାଯାଇଛି। ଏଥିସହ ଏହି ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୫୦ ଲକ୍ଷ ୧୫ ହଜାର ୫୦୫ରେ ପହଞ୍ଚିଯାଇଥିବା କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ କୁହାଯାଇଛି। ସେହିପରି ଦ୍ବିତୀୟ ସର୍ବାଧିକ ସଂକ୍ରମିତ ମହାରାଷ୍ଟ୍ରରୁ ଚିହ୍ନଟ ହୋଇଛନ୍ତି, ଯାହା ୮୯୨ ରହିଛି। ଫଳସ୍ବରୂପ ଏହି ରାଜ୍ୟରେ ଆଜି ପର୍ଯ୍ୟନ୍ତ ମୋଟ ୬୬ ଲକ୍ଷ ୧୭ ହଜାର ୬୫୪ ଜଣ କୋଭିଡ୍ ସଂକ୍ରମିତଙ୍କୁ ଠାବ କରାଯାଇଥିବା ମନ୍ତ୍ରାଳୟ ସ୍ପଷ୍ଟ କରିଛି।

ଦିନକରେ ୧୨ ହଜାର ୫୧୪ ନୂଆ ସଂକ୍ରମିତ ଚିହ୍ନଟ, ୩୬୮

ନୂଆଦିଲ୍ଲୀ: ଭାରତରେ ଗତ ରବିବାର ଦିନକ ଭିତରେ ପ୍ରଭାବିତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ସର୍ବମୋଟ ୧୨ ହଜାର ୫୧୪ ଜଣଙ୍କୁ ଚିହ୍ନଟ କରାଯାଇଛି। ଏହା ଗତ ଶନିବାର ତୁଳନାରେ ୨.୪ ପ୍ରତିଶତ କମ୍ ରହିଛି। ଆହୁରି ୩୬୮ ଜଣ ସଂକ୍ରମିତଙ୍କର ପ୍ରାଣହାନି ଘଟିଯାଇଛି। ଏଥିସହ ଦେଶରେ ଆଜି ପର୍ଯ୍ୟନ୍ତ ମୋଟ କୋଭିଡ୍ ସଂକ୍ରମିତଙ୍କ ସଂଖ୍ୟା ୩ କୋଟି ୪୨ ଲକ୍ଷ ୮୫ ହଜାର ୮୧୪ରେ ପହଞ୍ଚିସାରିଛି। ତା’ଛଡ଼ା ଦେଶରେ ଏବେ ମାତ୍ର ୧ ଲକ୍ଷ ୫୮ ହଜାର ୮୧୭ ଜଣ ସଂକ୍ରମିତ ଚିକିତ୍ସାଧୀନ ଅଛନ୍ତି, ଯାହାକି ଗତ ୨୪୮ ଦିନ ଭିତରେ ସର୍ବନିମ୍ନ ବୋଲି କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦିଆଯାଇଛି। ଏହି ସୂଚନାନୁସାରେ, ଦେଶରେ ଦେଶରେ ଆଜି ପର୍ଯ୍ୟନ୍ତ ମୋଟ ୪ ଲକ୍ଷ ୫୮ ହଜାର ୪୩୭ ଜଣ କୋଭିଡ୍ ସଂକ୍ରମଣ କାରଣରୁ ପ୍ରାଣ ହରାଇସାରିଛନ୍ତି। ଦେଶରେ ଏବେ ୧ ଲକ୍ଷ ୫୮ ହଜାର ୮୧୭ ଜଣ ସଂକ୍ରମିତ ଚିକିତ୍ସାଧୀନ ଅଛନ୍ତି। ସେହିପରି କ୍ରମାଗତ ୨୪ ଦିନ ହେଲା ଦେଶରେ ଦୈନିକ ୨୦ ହଜାର ତଳେ ସଂକ୍ରମିତ ଠାବ ହୋଇଚାଲିଛନ୍ତି। ତା’ଛଡ଼ା ଗତ ୧୨୭ ଦିନ ହେଲା କ୍ରମାଗତ ଭାବେ ୫୦ ହଜାର ତଳେ ଦୈନିକ ସଂକ୍ରମିତ ଚିହ୍ନଟ ହୋଇଚାଲିଛନ୍ତି। ଆହୁରି ଦେଶରେ ଏବେ ସକ୍ରିୟ ସଂକ୍ରମିତଙ୍କ ସଂଖ୍ୟା ମୋଟ ସଂକ୍ରମିତଙ୍କ ସଂଖ୍ୟାର ୦.୪୬ ପ୍ରତିଶତ ରହିଛି ବୋଲି ମନ୍ତ୍ରାଳୟ ପକ୍ଷରୁ କୁହାଯାଇଛି।

୫୪୫ କୋରୋନା ଆକ୍ରାନ୍ତ ଚିହ୍ନଟ, ୭ ମୃତ

ରାଜ୍ୟରେ ତଳମୁହାଁ ହେଉଛି କୋରୋନା ଗ୍ରାଫ୍‌। ଧିରେ ଧିରେ ରାଜ୍ୟରୁ ସଂକ୍ରମିତଙ୍କ ସଂଖ୍ୟା କମୁଥିଲେ ହେଁ ଗତକାଲି ତୁଳନାରେ ଆଜି ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇଛି। ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ସୂତ୍ରରୁ ମିଳିଥିବା ତଥ୍ୟ ଅନୁଯାୟୀ, ରାଜ୍ୟରେ ଗତ ୨୪ ଘଣ୍ଟାରେ ୫୪୫ ସଂକ୍ରମିତ ଚିହ୍ନଟ ହୋଇଛନ୍ତି। ଚିହ୍ନଟଙ୍କ ମଧ୍ୟରୁ ୧୮ ବର୍ଷରୁ କମ୍ ବର୍ଗର ୭୪ ଆକ୍ରାନ୍ତ ଅଛନ୍ତି। ଆଜି ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ୩୧୯ ଜଣ କ୍ୱାରେଣ୍ଟାଇନ୍‌ରୁ ରହିଥିବା ବେଳେ ୨୨୬ ଜଣ ସ୍ଥାନୀୟ ସଂକ୍ରମିତ ବୋଲି ଜଣାପଡ଼ିଛି। ଗତ ୨୪ ଘଣ୍ଟାରେ ୪ଟି ଜିଲ୍ଲାରୁ କୌଣସି ଆକ୍ରାନ୍ତ ଚିହ୍ନଟ ହୋଇ ନ ଥିବା ବେଳେ କେବଳ ଖୋର୍ଦ୍ଧା ଜିଲ୍ଲାକୁ ବାଦ୍ ଦେଲେ ରାଜ୍ୟରେ ଅନ୍ୟ କୌଣସି ଜିଲ୍ଲାରେ ସଂକ୍ରମଣ ଶହେ ଉପରେ ଦେଖିବାକୁ ମିଳିନାହିଁ। ସେହିପରି ସେହିପରି ରାଜ୍ୟରେ କୋରୋନା ସଂକ୍ରମିତଙ୍କ ସଂଖ୍ୟା କମୁଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ କମୁଛି। ରାଜ୍ୟରେ ଆଉ ୭ ଜଣ କୋରୋନା ଆକ୍ରାନ୍ତ ପ୍ରାଣ ହରାଇଛନ୍ତି। ଫଳରେ ରାଜ୍ୟରେ ମୋଟ୍ କରୋନା ଜନିତ ମୃତ୍ୟୁ ସଂଖ୍ୟା ୮୧୮୭କୁ ବୃଦ୍ଧି ପାଇଛି। ଏହି ୭ ଜଣଙ୍କ ମଧ୍ୟରେ ଖୋର୍ଦ୍ଧା, କଟକ, ଗଞ୍ଜାମ, ଯାଜପୁର ଓ କେନ୍ଦ୍ରାପଡ଼ାରୁ ଜଣେ ଲେଖାଏଁ ଥିବା ବେଳେ ଜଗତ୍‌ସିଂହପୁରରୁ ୨ ଜଣ ଅଛନ୍ତି।

ଡବ୍ଲ୍ୟୁଏଚ୍ଓ ବିଚାରବିମର୍ଶରେ କାର୍ଯ୍ୟ ଚାଲିଥିବାରୁ ପ୍ରକ୍ରିୟା ବିଳମ୍ବ ହେଉଛି: ଭାରତ ବାୟୋଟେକ୍

ଦେଶରେ ବେଶ୍ ଦ୍ରୁତ ଗତିରେ କୋଭିଡ୍ ଟିକାକରଣ କାର୍ଯ୍ୟ ଚାଲିଥିବା ବେଳେ ହାଇଦ୍ରାବାଦ ଭିତ୍ତିକ ଅନ୍ୟତମ ଟିକା ଉତ୍ପାଦନକାରୀ କମ୍ପାନୀ ଭାରତ ବାୟୋଟେକ୍ ବିଶ୍ବ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍ଓ) ସହ ମିଳିତ ଭାବେ କାର୍ଯ୍ୟ କରୁଛି। କୋଭାକ୍ସିର ଏମର୍ଜେନ୍ସି ୟୁଜ୍ ଅଥରାଇଜେସନ୍ (ଇୟୁଏ) ପାଇଁ ଡବ୍ଲ୍ୟୁଏଚ୍ଓ ସହ ବିଚାରବିମର୍ଶ ପୂର୍ବକ କାର୍ଯ୍ୟ ଚାଲିଥିବାରୁ ଭାରତରେ ଏହି ଟିକାର ଉତ୍ପାଦନ ବିଳମ୍ବିତ ହେଉଛି ବୋଲି ବାୟୋଟେକ୍ ସ୍ପଷ୍ଟ କରିଦେଇଛି। ଏନେଇ ମଙ୍ଗଳବାର ବାୟୋଟେକ୍ ପକ୍ଷରୁ ଜାରି ଏକ ବିବୃତିରେ କୁହାଯାଇଛି ଯେ ଏକ ଦାୟିତ୍ବଶୀଳ ଉତ୍ପାଦନକାରୀ କମ୍ପାନୀ ଭାବେ ଆମର ଅନ୍ୟାନ୍ୟ ଟିକାକୁ ଅନୁମୋଦନ ମିଳିସାରିଛି। ତେବେ ଏହି ଟିକା ଭାରତରେ ଉତ୍ପାଦନ ହେବାର ଲକ୍ଷ୍ୟ ରହିଛି। ଏନେଇ ଡବ୍ଲ୍ୟୁଏଚ୍ଓ ସହ ସବିଶେଷ ବିଚାରବିମର୍ଶ କରାଯାଉଥିବାରୁ ଏହି ପ୍ରକ୍ରିୟା ବିଳମ୍ବିତ ହେଉଛି। ତେବେ ଏକ ଦାୟିତ୍ବଶୀନ ଉତ୍ପାଦନକାରୀ କମ୍ପାନୀ ଭାବେ ଟିକାର ଉତ୍ପାଦନ ପ୍ରକ୍ରିୟା ନେଇ କୌଣସି ପ୍ରକାର ମତାମତ କିମ୍ବା ଭବିଷ୍ୟତ ବାଣୀ କରିବା ଯୁକ୍ତିଯୁକ୍ତ ନୁହେଁ। ତେବେ ତୁରନ୍ତ ଇୟୁଏଲ୍ ହାସଲ କରିବା ସକାଶେ ଆମର ପ୍ରଚେଷ୍ଟା ଜାରି ରହିଛି ବୋଲି ଏହି ବିବୃତିରେ କୁହାଯାଇଛି। ଏଥିସହ ଗଣମାଧ୍ୟମଗୁଡ଼ିକ ଏ ସଂକ୍ରାନ୍ତ ରିପୋର୍ଟ ପରିବେଷଣ ବେଳେ ଯଥେଷ୍ଟ ସତର୍କତା ଅବଲମ୍ବନ କରିବାକୁ ଉକ୍ତ କମ୍ପାନୀ ପକ୍ଷରୁ ନିବେଦନ କରାଯାଇଛି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।
ପ୍ରମୋଦ ଡେଇଁପଡ଼ି ମୋତେ କୁଣ୍ଢାଇବେ ବୋଲି ଭାବି ନ
ନୂଆଦିଲ୍ଲୀ: ଭାରତୀୟ ବ୍ୟାଡ୍‌ମିଣ୍ଟନ୍ ଇତିହାସରେ ଏହା ଏକ ଅବିସ୍ମରଣୀୟ ଦୃଶ୍ୟ । ଟୋକିଓ ପାରାଲିମ୍ପିକ୍ସର ପୁରୁଷ ଏସ୍‌ଏଲ୍‌୩ ବ୍ୟାଡ୍‌ମିଣ୍ଟନ ଇଭେଣ୍ଟର ଫାଇନାଲ ମ୍ୟାଚ୍ ଜିତି ସ୍ବର୍ଣ୍ଣ ପଦକ ହାସଲ କରିବା ପରେ ଓଡ଼ିଆ ବ୍ୟାଡ୍‌ମିଣ୍ଟନ ଖେଳାଳି ପ୍ରମୋଦ ଭଗତ ଉତ୍ସବମୁଖର ନ ହୋଇ ସିଧା ଭାରତୀୟ ଦଳର ପ୍ରଶିକ୍ଷକ ଗୌରବ ଖାନ୍ନାଙ୍କ ପାଖକୁ ଦୌଡ଼ିଯାଇ ତାଙ୍କୁ ଆଲିଙ୍ଗନ କରିଥିଲେ। ପ୍ରମୋଦ ଏତେ ଖୁସି ହୋଇ ଯାଇଥିଲେ ଯେ ଗୌରବଙ୍କୁ ସେ ଆଲିଙ୍ଗନ କରି ଝୁଲି ପଡ଼ିଥିଲେ। ଗୌରବ କହିଛନ୍ତି ଯେ ଏହା ଅପ୍ରତ୍ୟାଶିତ ଥିଲା ଏବଂ ପ୍ରମୋଦ ଏପରି କରିବେ ବୋଲି ସେ ଆଦୌ ଆଶା କରି ନ ଥିଲେ। ପ୍ରମୋଦଙ୍କ ଏପରି ଆଚରଣ ତାଙ୍କୁ ବହୁତ ଖୁସି ଦେଇଥିଲା ବୋଲି ଭାରତୀୟ ଜାତୀୟ ବ୍ୟାଡ୍‌ମିଣ୍ଟନ ପ୍ରଶିକ୍ଷକ ଗୌରବ କହିଛନ୍ତି।