କୋଭିଡ୍‌-୧୯

ସରକାର ବାହାରେ ଜଗିଛନ୍ତି, ମା’ମାନେ ଘରେ ଜଗନ୍ତୁ: ମୁଖ୍ୟମନ୍ତ୍ରୀ

ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ରାଜ୍ୟବାସୀଙ୍କୁ ସମ୍ବୋଧିତ କରିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି, ବର୍ଷେରୁ ଅଧିକ ସମୟ ହେଲା ସାରା ବିଶ୍ୱ ଏକ ଅସାଧାରଣ ପରିସ୍ଥିତି ଦେଇ ଗତି କରୁଛି। ମାନବ ଇତିହାସରେ ଏଭଳି ସଙ୍କଟ ନିକଟ ଅତୀତରେ କେବେ ବି ଆସି ନ ଥିଲା। କୋଭିଡ୍ ସଂକ୍ରମଣର ପ୍ରଥମ ଲହର ସମୟରେ ଜନସାଧାରଣ ତଥା ପଞ୍ଚାୟତ ପ୍ରତିନିଧିଙ୍କ ସହଯୋଗ ଏବଂ କୋଭିଡ୍ ଯୋଦ୍ଧା ଅସୀମ ତ୍ୟାଗ ଓ ସେବା ଯୋଗୁ ଆମେ ଅନେକ ଜୀବନ ରକ୍ଷା କରିପାରିଥିଲେ। କୋଭିଡ୍‌ର ପ୍ରଥମ ଲହର ସମୟରେ ଆମକୁ ବହୁ କଠିନ ପଦକ୍ଷେପ ନେବାକୁ ପଡ଼ିଥିଲା। ବାରମ୍ବାର ଲକ୍‌ଡାଉନ୍ ଓ ସଟ୍‌ଡାଉନ୍‌ କରିବାକୁ ପଡ଼ିଥିଲା। ଲକ୍‌ଡାଉନ୍ ପାଇଁ ସମସ୍ତେ ଅନେକ ସମସ୍ୟାର ସମ୍ମୁଖୀନ ହୋଇଥିଲେ। କୋଭିଡ୍-୧୯ର ଦ୍ବିତୀୟ ଲହର ଆରମ୍ଭ ହେଲାଣି। ଏହା ଖୁବ୍ ଶୀଘ୍ର ବ୍ୟାପୁଛି। ଏଥିପାଇଁ ଦେଶର ଅନେକ ରାଜ୍ୟରେ ଲକ୍‌ଡାଉନ୍, ସଟ୍‌ଡାଉନ୍ ଓ ନାଇଟ୍ କର୍ଫ୍ୟୁ ଲାଗୁ ହେଲାଣି। କିନ୍ତୁ ଆମେ ଯଦି କୋଭିଡ୍ ନିୟମ ଠିକ୍ ଭାବେ ମାନିବା, ମାସ୍କ ଠିକ୍ ଭାବେ ପିନ୍ଧିବା ତେବେ ଲକ୍‌ଡାଉନ୍ ବିନା କୋରୋନା ସଂକ୍ରମଣକୁ ରୋକିପାରିବା ବୋଲି ସେ କହିଛନ୍ତି।

ପୁଣି ରେକର୍ଡ ଭାଙ୍ଗିଲା କୋରୋନା ସଂକ୍ରମଣ: ଦିନକରେ ଲକ୍ଷେ ୩୧ ହଜାର ଆକ୍ରାନ୍ତ

ନୂଆଦିଲ୍ଲୀ: ଭାରତରେ ଦ୍ବିତୀୟ ପର୍ଯ୍ୟାୟ କୋରୋନା ଲହରୀ ବେଶ୍ ଦ୍ରୁତ ଗତିରେ ବଢ଼ିଚାଲିଥିବା ବେଳେ ଦିନକୁ ଦିନ ଅଧିକରୁ ଅଧିକ ସଂକ୍ରମିତ ହୋଇଚାଲିଛନ୍ତି। ସପ୍ତାହକ ଭିତରେ ୩ୟ ଥର ପାଇଁ ୨୪ ଘଣ୍ଟାରେ ୧ ଲକ୍ଷରୁ ଊର୍ଦ୍ଧ୍ବ ସଂକ୍ରମିତ ଚିହ୍ନଟ ହୋଇଛନ୍ତି। ଶୁକ୍ରବାର ପୂର୍ବାହ୍ନରେ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ଦିଆଯାଇଥିବା ସୂଚନାନୁସାରେ, ଦିନକ ଭିତରେ ଭାରତରେ ୧ ଲକ୍ଷ ୩୧ ହଜାର ନୂଆ କୋରୋନା ସଂକ୍ରମିତଙ୍କୁ ଠାବ କରାଯାଇଛି, ଯାହାକି ଦେଶରେ ଏହି ଭୂତାଣୁ ବ୍ୟାପିବା ପରଠାରୁ ସର୍ବାଧିକ ରହିଛି। ଏଥିସହ ଦେଶରେ ସର୍ବମୋଟ ସଂକ୍ରମିତଙ୍କ ସଂଖ୍ୟା ୧ କୋଟି ୩୦ ଲକ୍ଷ ୬୦ ହଜାର ୫୪୨ରେ ପହଞ୍ଚିଯାଇଛି। ସେହିପରି ଗତ ୨୪ ଘଣ୍ଟାରେ ସଂକ୍ରମିତଙ୍କ ମଧ୍ୟରୁ ୭୮୦ ଜଣ ସଂକ୍ରମିତଙ୍କର ମୃତ୍ୟୁ ହୋଇଥିବାରୁ ମୋଟ ସଂଖ୍ୟା ୧ ଲକ୍ଷ ୬୭ ହଜାର ୬୪୨ରେ ପହଞ୍ଚିଯାଇଛି। ତା’ଛଡ଼ା ଏବେ ଦେଶର ବିଭିନ୍ନ ହସ୍ପିଟାଲରେ ୯ ଲକ୍ଷ ୭୯ ହଜାର ୬୦୮ ଜଣ ସଂକ୍ରମିତ ଚିକିତ୍ସାଧୀନ ଅଛନ୍ତି। ଗତ ୨୪ ଘଣ୍ଟାରେ ୬୧ ହଜାର ୮୯୯ ଜଣ ସୁସ୍ଥତା ଲାଭ କରିବା ଫଳରେ ଦେଶରେ ଆଜି ପର୍ଯ୍ୟନ୍ତ ୧ କୋଟି ୧୯ ଲକ୍ଷ ୧୩ ହଜାର ୨୯୨ ଜଣ ସୁସ୍ଥ ହୋଇସାରିଛନ୍ତି। ଏଥିସହ କ୍ରମାଗତ ଚତୁର୍ଥ ଦିନରେ ଦେଶରେ ଦିନକ ଭିତରେ ଲକ୍ଷେରୁ ଊର୍ଦ୍ଧ୍ବ କୋଭିଡ୍ ସଂକ୍ରମିତ ଠାବ ହୋଇଚାଲିଛନ୍ତି।

୫ ହଜାର ଟପିଲା ସକ୍ରିୟ ମାମଲା: ଆଜି ୧୨୮୨ ଆକ୍ରାନ୍ତ ଚିହ୍ନଟ

ଭୁବନେଶ୍ବର: ରାଜ୍ୟରେ କୋରୋନା ସ୍ଥିତି ବିଗିଡ଼ିବାରେ ଲାଗିଛି। କୋରୋନାର ଦ୍ୱିତୀୟ ଲହରର କୋପ ରାଜ୍ୟରେ ଦେଖିବାକୁ ମିଳିଲାଣି। ଦିନକୁ ଦିନ ଲମ୍ବ ଡିଆଁ ମାରି ଆଖି ପିଛୁଳାକେ ମାଡ଼ି ଚାଲିଛି ସଂକ୍ରମଣ। ଏପ୍ରିଲ୍ ମାସର ପ୍ରତିଦିନ କୋରୋନା କରୁଛି ନୂଆ ନୂଆ ରେକର୍ଡ। ରାଜ୍ୟରେ ପୁଣି ଥରେ କୋରୋନା ସଂକ୍ରମଣ ଦ୍ରୁତଗତିରେ ବଢ଼ିବା ପରେ ଆଜି ପ୍ରଥମ ଥର ପାଇଁ ଦୈନିକ ଆକ୍ରାନ୍ତଙ୍କ ସଂଖ୍ୟା ହଜାରେ ଡେଇଁଛି। ଗତ ୨୪ ଘଣ୍ଟାରେ ରାଜ୍ୟରେ ୧୨୮୨ ଜଣ ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ୧୨୮୨ ଆକ୍ରାନ୍ତଙ୍କ ମଧ୍ୟରୁ ୭୫୫ ଜଣ କ୍ୱାରେଣ୍ଟାଇନ୍‌ରେ ଥିଲେ। ବାକି ୫୨୭ଟି ହେଉଛି ଲୋକାଲ୍ କେସ୍‌। ୨୮ଜିଲ୍ଲା ଓ ଷ୍ଟେଟ୍‌ ପୁଲ୍‌ରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ସୁନ୍ଦରଗଡ଼ ଜିଲ୍ଲାରୁ ସର୍ବାଧିକ ୨୨୪ ଜଣ ଚିହ୍ନଟ ହୋଇଥିବା ବେଳେ ବାକି ୨ଟି ଜିଲ୍ଲାରୁ ଜଣେ ବି ନୂଆ ଆକ୍ରାନ୍ତ ଚିହ୍ନଟ ହୋଇ ନାହାନ୍ତି। ଅନ୍ୟପକ୍ଷରେ ଗତ ୨୪ ଘଣ୍ଟାରେ ରାଜ୍ୟରୁ ୨୨୮ ଜଣ ସୁସ୍ଥ ହୋଇଥିବା ବେଳେ ମୋଟ ସକ୍ରିୟ ମାମଲା ଏବେ ୫ ହଜାର ଟପିଛି। ଇତିମଧ୍ୟରେ ରାଜ୍ୟ‌ରେ ୯୩ ଲକ୍ଷ ଅତିକ୍ରମ କରିଛି ନମୁନା ପରୀକ୍ଷଣ। ବର୍ତ୍ତମାନ ସୁଦ୍ଧା ରାଜ୍ୟରେ ୯୩ ଲକ୍ଷ ୪ ହଜାର ୭୧୨ ଟି ନମୁନା ପରୀକ୍ଷଣ କରାଯାଇଛି। ସେଥିମଧ୍ୟରୁ ୩ ଲକ୍ଷ ୪୬ ହଜାର ୮୦୮ ଜଣ କୋରୋନାରେ ଆକ୍ରାନ୍ତ ହୋଇଛନ୍ତି। ସେମାନଙ୍କ ମଧ୍ୟରୁ ୩ ଲକ୍ଷ ୩୮ ହଜାର ୮୯୦ ଜଣ ସୁସ୍ଥ ହୋଇସାରିଥିବା ବେଳେ ୫୯୪୧ ଜଣ ବିଭିନ୍ନ କୋଭିଡ୍‌ ହସ୍ପିଟାଲ୍‌ରେ ଚିକିତ୍ସାଧୀନ ଅଛନ୍ତି।

ବେକାବୁ ହେଲାଣି କୋରୋନା: ଦିନକ ଭିତରେ ୧.୨୬ ଲକ୍ଷ

ନୂଆଦିଲ୍ଲୀ: ଗତ ବର୍ଷ ମାର୍ଚ୍ଚରେ ଭାରତରେ ପ୍ରଥମ କୋଭିଡ୍ ସଂକ୍ରମିତ ଚିହ୍ନଟ ହୋଇଥିବା ବେଳେ ଚଳିତ ବର୍ଷ ଏହା ନୂଆ ରେକର୍ଡ ସ୍‌ଷ୍ଟି କରିଚାଲିଛି। ଗତ ୪ ଦିନ ଭିତରେ ୩ୟ ଥର ପାଇଁ ୧ ଲକ୍ଷରୁ ଊର୍ଦ୍ଧ୍ବ ସଂକ୍ରମିତ ଚିହ୍ନଟ ହୋଇଛନ୍ତି। ଗତ ରବିବାର ଦିନକ ଭିତରେ ୧ ଲକ୍ଷ ୩ ହଜାର ସଂକ୍ରମିତ ଚିହ୍ନଟ ହୋଇଥିବା ବେଳେ ମଙ୍ଗଳବାର ୧ ଲକ୍ଷ ୧୫ ହଜାର ସଂକ୍ରମିତ ଚିହ୍ନଟ ହୋଇଥିଲେ। ଏବେ ବୁଧବାର ଦିନକ ଭିତରେ ଦେଶରେ ୧ ଲକ୍ଷ ୨୬ ହଜାରରୁ ଊର୍ଦ୍ଧ୍ବ ସଂକ୍ରମିତ ଚିହ୍ନଟ ହେବା ଫଳରେ ଏହା ସବୁ ରେକର୍ଡକୁ ଟପିଯାଇଛି। ଶୁକ୍ରବାର ପୂର୍ବାହ୍ନରେ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ଦିଆଯାଇଥିବା ସୂଚନାନୁସାରେ, ବୁଧବାର ୧ ଲକ୍ଷ ୨୬ ହଜାର ୭୮୯ ଜଣ ସଂକ୍ରମିତଙ୍କୁ ଚିହ୍ନଟ କରାଯିବା ଫଳରେ ଦେଶରେ ଆଜି ପର୍ଯ୍ୟନ୍ତ ଏହି ଘାତକ ଭୂତାଣୁ କବଳରେ ୧ କୋଟି ୨୯ ଲକ୍ଷ ୨୮ ହଜାର ୫୭୪ ଜଣ ପଡ଼ିସାରିଛନ୍ତି। ସେହିପରି ଦିନକ ଭିତରେ ୬୮୫ ଜଣ ସଂକ୍ରମିତଙ୍କର ପ୍ରାଣହାନୀ ଘଟିବା ଫଳରେ ମୋଟ ମୃତ୍ୟୁସଂଖ୍ୟା ୧ ଲକ୍ଷ ୬୬ ହଜାର ୮୬୨ରେ ପହଞ୍ଚିଯାଇଛି। ସେହିପରି ଗତ ୨୪ ଘଣ୍ଟଶ ମଧ୍ୟରେ ୫୯ ହଜାର ୨୫୮ ଜଶ ସସ୍ପିଟାଲରୁ ଡିସଚାର୍ଜ ହୋଇଥିବା ଅବା ସୂସ୍ଥତା ଲାଭ କରିଥିବା ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।

୯ ଶହ ମୁହାଁ ଦୈନିକ ସଂକ୍ରମଣ

ଭୁବନେଶ୍ବର: ରାଜ୍ୟରେ କୋରୋନା ସ୍ଥିତି ବିଗିଡ଼ିବାରେ ଲାଗିଛି। କୋରୋନାର ଦ୍ୱିତୀୟ ଲହରର କୋପ ରାଜ୍ୟରେ ଦେଖିବାକୁ ମିଳିଲାଣି। ଦିନକୁ ଦିନ ଲମ୍ବ ଡିଆଁ ମାରି ଆଖି ପିଛୁଳାକେ ମାଡ଼ି ଚାଲିଛି ସଂକ୍ରମଣ। ଏପ୍ରିଲ୍ ମାସର ପ୍ରତିଦିନ କୋରୋନା କରୁଛି ନୂଆ ନୂଆ ରେକର୍ଡ। ଗତ ୨୪ ଘଣ୍ଟାରେ ରାଜ୍ୟରୁ ୮୭୯ ଜଣ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି। ତନ୍ମଧ୍ୟରୁ କ୍ୱାରେଣ୍ଟାଇନ୍‌ରୁ ୫୧୮ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୩୬୧ଟି ମାମଲା ହେଉଛି ସ୍ଥାନୀୟ ସଂକ୍ରମଣ। ୨୮ଜିଲ୍ଲା ଓ ଷ୍ଟେଟ୍‌ ପୁଲ୍‌ରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୪୪ ଜଣ ଚିହ୍ନଟ ହୋଇଥିବା ବେଳେ ବାକି ୨ଟି ଜିଲ୍ଲାରୁ ଜଣେ ବି ନୂଆ ଆକ୍ରାନ୍ତ ଚିହ୍ନଟ ହୋଇ ନାହାନ୍ତି। ଅନ୍ୟପକ୍ଷରେ ଗତ ୨୪ ଘଣ୍ଟାରେ ରାଜ୍ୟରୁ ୨୪୬ ଜଣ ସୁସ୍ଥ ହୋଇଥିବା ବେଳେ ମୋଟ ସକ୍ରିୟ ମାମଲା ଏବେ ୪ ହଜାର ଟପିଛି। ଇତିମଧ୍ୟରେ ରାଜ୍ୟ‌ରେ ୯୨ ଲକ୍ଷ ଅତିକ୍ରମ କରିଛି ନମୁନା ପରୀକ୍ଷଣ। ବର୍ତ୍ତମାନ ସୁଦ୍ଧା ରାଜ୍ୟରେ ୯୨ ଲକ୍ଷ ୪୪ ହଜାର ୫୭୪ ଟି ନମୁନା ପରୀକ୍ଷଣ କରାଯାଇଛି। ସେଥିମଧ୍ୟରୁ ୩ ଲକ୍ଷ ୪୫ ହଜାର ୫୨୬ ଜଣ କୋରୋନାରେ ଆକ୍ରାନ୍ତ ହୋଇଛନ୍ତି। ସେମାନଙ୍କ ମଧ୍ୟରୁ ୩ ଲକ୍ଷ ୩୮ ହଜାର ୬୬୨ ଜଣ ସୁସ୍ଥ ହୋଇସାରିଥିବା ବେଳେ ୪୮୮୮ ଜଣ ବିଭିନ୍ନ କୋଭିଡ୍‌ ହସ୍ପିଟାଲ୍‌ରେ ଚିକିତ୍ସାଧୀନ ଅଛନ୍ତି।

ପୁଣି ସେଞ୍ଚୁରୀ ମାରିଲା ରାଜଧାନୀ

ଭୁବନେଶ୍ବର: ରାଜ୍ୟରେ ପ୍ରତିଦିନ କୋରୋନାର ଦୈନିକ ସଂକ୍ରମଣ ସୀମା ଟପୁଥିବାବେଳେ ଏବେ ରାଜଧାନୀ ଭୁବନେଶ୍ୱର ସମସ୍ତଙ୍କୁ ଡରାଇବା ଆରମ୍ଭ କଲାଣି। ଦ୍ବିତୀୟ ଦିନ ପାଇଁ କୋରୋନା ସଂକ୍ରମଣ ସେଞ୍ଚୁରୀ ମାରିଛି। ଗତିକାଲି ରାଜଧାନୀରୁ ୧୦୧ ଜଣ ଚିହ୍ନଟ ହୋଇଥିବା ବେଳେ ଆଜି ପୁଣି ଚିହ୍ନଟ ହୋଇଛନ୍ତି ୧୦୩ ଜଣ। ସେଥିରୁ ୨୪ ଜଣ କ୍ୱାରେଣ୍ଟାଇନ୍‌ ସେଣ୍ଟର୍‌ରୁ ରହିଥିବାବେଳେ ୭୯ ଲୋକାଲ୍‌ କେସ୍‌ ରହିଥିବା ଟ୍ବିଟ୍‌ କରି ସୂଚନା ଦେଇଛି ବିଏମ୍‌ସି। ଅନ୍ୟପକ୍ଷରେ କୋଭିଡ୍ କଟକଣା ଉଲ୍ଲଙ୍ଘନ ଅଭିଯୋଗରେ ରାମ ମନ୍ଦିର କନ୍‌ଫରେନ୍ସ ହଲକୁ ସିଲ୍ କରିଥିବାବେଳେ ପଲ୍ଲାସପଲ୍ଲୀସ୍ଥିତ ଅକ୍ସଫୋର୍ଡ କଲେଜ୍ ଅଫ୍ ଇଞ୍ଜିନିୟରିଂ ଆଣ୍ଡ ମ୍ୟାନେଜମେଣ୍ଟ୍‌ କଲେଜକୁ ସିଲ୍ କରିଛି ବିଏମ୍‌ସି। ସେହିପରି ସାଧାରଣ ଲୋକଙ୍କୁ ବିଏମ୍‌ସି ଓ ବିଡିଏ କାର୍ଯ୍ୟାଳୟକୁ ପ୍ରବେଶ ଉପରେ କଟକଣା ଲଗାଯାଇଛି।

ସବୁ ରେକର୍ଡ ଭାଙ୍ଗିଲା କୋରୋନା: ଦିନକରେ ୧.୧୫ ଲକ୍ଷ

ନୂଆଦିଲ୍ଲୀ: ଦେଶରେ ଗତ ବର୍ଷ ମାର୍ଚ୍ଚଠାରୁ କୋରୋନା ସଂକ୍ରମିତଙ୍କୁ ଠାବ କରାଯାଇଆସିଥିବା ବେଳେ ମଙ୍ଗଳବାର ଦିନକ ଭିତରେ ଚିହ୍ନଟ ହୋଇଥିବା ସଂକ୍ରମିତଙ୍କ ସଂଖ୍ୟା ଅଦ୍ୟାବଧି ସବୁ ରେକର୍ଡକୁ ପଛରେ ପକାଇ ଦେଇଛି। ଅର୍ଥାତ୍ ମଙ୍ଗଳବାର ଦିନକ ଭିତରେ ଦେଶରେ ରେକର୍ଡ ପରିମାଣର କୋରୋନା ପଜିଟିଭ୍ ଚିହ୍ନଟ ହୋଇଛନ୍ତି। କେନ୍ଦ୍ର ସରକାରଙ୍କ ପକ୍ଷରୁ କୋଭିଡ୍ ଟିକାକରଣ ଆରମ୍ଭ ହୋଇଥିବା ସହ ନାନାଦି ପ୍ରତିଷେଧକମୂଳକ ବ୍ୟବସ୍ଥା ଗ୍ରହଣ କରାଯାଇଆସୁଥିଲେ ହେଁ ଦିନକରେ ୧ ଲକ୍ଷ ୧୫ ହଜାର ୭୩୩ ଜଣ ସଂକ୍ରମିତ ଚିହ୍ନଟ ହେବା ଫଳରେ ସ୍ବାସ୍ଥ୍ୟ ବିଶେଷଜ୍ଞଙ୍କ ସହ କେନ୍ଦ୍ର ସରକାରଙ୍କ ଏକରକମ ବୁଦ୍ଧିବଣା ହୋଇଯାଇଛି। ସେହିପରି ୨୪ ଘଣ୍ଟା ମଧ୍ୟରେ ନୂଆ ସଂକ୍ରମିତଙ୍କ ସହ ତାଳ ଦେଇ ମୃତ୍ୟୁସଂଖ୍ୟା ବି ବଢ଼ିଚାଲିଛି। କାରଣ ମଙ୍ଗଳବାର ଦିନକ ଭିତରେ ୬୩୦ ଜଣ ସଂକ୍ରମିତଙ୍କର ମୃତ୍ୟୁ ଘଟିଛି। ଫଳସ୍ବରୂପ ଦେଶରେ ମୋଟ ୧ ଲକ୍ଷ ୬୬ ହଜାର ୧୭୭ ଜଣଙ୍କର ପ୍ରାଣହାନୀ ଘଟିସାରିଥିବା କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।

କୋରୋନା ବିସ୍ଫୋଟ: ଚିହ୍ନଟ ହେଲେ ୭୯୧ ଆକ୍ରାନ୍ତ, ଜଣେ

ଭୁବନେଶ୍ବର: ରାଜ୍ୟରେ କୋରୋନା ସ୍ଥିତି ବିଗିଡ଼ିବାରେ ଲାଗିଛି। ବିସ୍ଫୋରକ ରୂପ ନେଇ ଦିନକୁ ଦିନ ଭୟଙ୍କର ହେବାରେ ଲାଗିଛି କୋରୋନା। ପ୍ରତିଦିନ ସଂକ୍ରମିତଙ୍କ ସଂଖ୍ୟା ରେକର୍ଡ ହାରରେ ବୃଦ୍ଧି ପାଉଛନ୍ତି। ଗତ ସୋମବାର ୫୭୩ କୋରୋନା ରୋଗୀ ଚିହ୍ନଟ ହୋଇଥିବାବେଳେ ମଙ୍ଗଳବାର ଚିହ୍ନଟ ହୋଇଥିଲେ ୫୮୮ ଆକ୍ରାନ୍ତ। ହେଲେ ଆଜି ସବୁ ରେକର୍ଡ ଭାଙ୍ଗିଛି କୋରୋନା। ଗତ ୨୪ ଘଣ୍ଟା ମଧ୍ୟରେ ୭୯୧ କୋରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ୪୫୯ ଜଣ କ୍ୱାରେଣ୍ଟାଇନ୍‌ ସେଣ୍ଟର୍‌ରୁ ହୋଇଥିବାବେଳେ, ୩୩୨ଜଣ ସ୍ଥାନୀୟ ସଂକ୍ରମିତ ବୋଲି ଜଣାପଡ଼ିଛି। ତେବେ ଆଜି ଜଣେ କୋରୋନା ଆକ୍ରାନ୍ତଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ମୃତକ ଜଣକ ପୁରୀ ଜିଲ୍ଲାର ୨୮ ବର୍ଷୀୟ ଯୁବକ ବୋଲି ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି।

ଆଜି ବି ସଂକ୍ରମିତଙ୍କ ସଂଖ୍ୟା ପାଖାପାଖି ଲକ୍ଷେ, ୪୪୬ ମୃତ

ନୂଆଦିଲ୍ଲୀ: ଦେଶରେ କୋରୋନା ସଂକ୍ରମିତଙ୍କ ସଂଖ୍ୟା ଉପରମୁହାଁ ରହିଛି। ଗତ ୨୪ ଘଣ୍ଟାରେ ପୁଣି ଥରେ ପ୍ରାୟ ୧ ଲକ୍ଷ ସଂକ୍ରମିତ ଚିହ୍ନଟ ହୋଇଛନ୍ତି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ତଥ୍ୟ ଅନୁସାରେ ଦିନକ ଭିତରେ ୯୬ ହଜାର ୯୮୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ଦିନକ ପୂର୍ବରୁ ସଂକ୍ରମିତ ୧ ଲକ୍ଷରୁ ଅଧିକ ବଢ଼ିଥିଲା ବେଳେ ଗତ ୨୪ ଘଣ୍ଟାରେ ବି ସଂକ୍ରମଣ ଅନୁରୂପ ସ୍ଥିତିରେ ରହିଛି। ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୧ କୋଟି ୨୬ ଲକ୍ଷ ୮୬ ହଜାର ୪୯କୁ ବଢ଼ିଛି। ସେହିପରି ଗତ ୨୪ ଘଣ୍ଟାରେ ଦେଶରେ ୫୦ ହଜାର ୧୪୩ ଜଣ ସଂକ୍ରମିତ ସୁସ୍ଥ ହୋଇଛନ୍ତି। ଫଳରେ କୋରୋନାରୁ ଆରୋଗ୍ୟଙ୍କ ସଂଖ୍ୟା ୧ କୋଟି ୧୭ ଲକ୍ଷ ୩୨ ହଜାର ୨୭୯ରେ ପହଞ୍ଚିଛି। ଆକ୍ଟିଭ କେସ ସଂଖ୍ୟା ବଢ଼ି ୭ ଲକ୍ଷ ୮୮ ହଜାର ୫୪୭ ହୋଇଛି। ଗତ ୨୪ ଘଣ୍ଟାରେ ପ୍ରାଣ ହରାଇଥିବା ୪୪୬ ଆକ୍ରାନ୍ତଙ୍କ ମିଶାଇବାରୁ ମୋଟ ସଂଖ୍ୟା ୧ ଲକ୍ଷ ୬୫ ହଜାର ୫୪୭କୁ ବଢ଼ିଛି।

ଶହେ ଟପିଲା ଖୋର୍ଦ୍ଧା: ଆଜି ୨୭ ଜିଲ୍ଲାରୁ ୫୮୮ ଆକ୍ରାନ୍ତ

ଭୁବନେଶ୍ୱର: ରାଜ୍ୟରେ କୋଭିଡ୍ ସଂକ୍ରମିତଙ୍କ ସଂଖ୍ୟା ବଢ଼ି ବଢ଼ି ଚାଲିଛି। ଏପ୍ରିଲ୍ ମାସର ପ୍ରତିଦିନ କୋରୋନା କରୁଛି ନୂଆ ନୂଆ ରେକର୍ଡ। ଗତ ୨୪ ଘଣ୍ଟାରେ ରାଜ୍ୟରୁ ୫୮୮ ଜଣ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି। କ୍ୱାରେଣ୍ଟାଇନରୁ ୩୪୨ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୨୪୬ଟି ମାମଲା ହେଉଛି ସ୍ଥାନୀୟ ସଂକ୍ରମଣ। ୨୭ ଜିଲ୍ଲା ଓ ଷ୍ଟେଟ୍‌ ପୁଲ୍‌ରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୦୫ ଜଣ ଚିହ୍ନଟ ହୋଇଥିବା ବେଳେ ବାକି ୩ ଜିଲ୍ଲାରୁ ଜଣେ ବି ନୂଆ ଆକ୍ରାନ୍ତ ଚିହ୍ନଟ ହୋଇ ନାହାନ୍ତି। ଅନ୍ୟପକ୍ଷରେ ଗତ ୨୪ ଘଣ୍ଟାରେ ରାଜ୍ୟରୁ ୨୧୫ ଜଣ ସୁସ୍ଥ ହୋଇଥିବା ବେଳେ ମୋଟ ସକ୍ରିୟ ମାମଲା ଏବେ ୩ ହଜାର ଟପିଛି। ଇତିମଧ୍ୟରେ ରାଜ୍ୟ‌ରେ ୯୨ ଲକ୍ଷ ଅତିକ୍ରମ କରିଛି ନମୁନା ପରୀକ୍ଷଣ। ବର୍ତ୍ତମାନ ସୁଦ୍ଧା ରାଜ୍ୟରେ ୯୨ ଲକ୍ଷ ୧୩ ହଜାର ୪୩ ଟି ନମୁନା ପରୀକ୍ଷଣ କରାଯାଇଛି। ସେଥିମଧ୍ୟରୁ ୩ ଲକ୍ଷ ୪୩ ହଜାର ୮୫୬ ଜଣ କୋରୋନାରେ ଆକ୍ରାନ୍ତ ହୋଇଛନ୍ତି। ସେମାନଙ୍କ ମଧ୍ୟରୁ ୩ ଲକ୍ଷ ୩୮ ହଜାର ୧୫୦ ଜଣ ସୁସ୍ଥ ହୋଇସାରିଥିବା ବେଳେ ୩୭୩୧ ଜଣ ବିଭିନ୍ନ କୋଭିଡ୍‌ ହସ୍ପିଟାଲ୍‌ରେ ଚିକିତ୍ସାଧୀନ ଅଛନ୍ତି।

ମହାରାଷ୍ଟ୍ରରେ ସପ୍ତାହାନ୍ତ ଲକଡାଉନ୍, ନାଇଟ୍ କର୍ଫ୍ୟୁ ଲାଗୁ

ମୁମ୍ବାଇ: ଦେଶରେ ଦ୍ବିତୀୟ ପର୍ଯ୍ୟାୟ କୋରୋନା ଲହରୀ ଆରମ୍ଭ ହୋଇସାରିଥିବା ବେଳେ ଏଥିରେ ସବୁଠୁ ଅଧିକ ପ୍ରଭାବିତ ହୋଇଛି ମହାରାଷ୍ଟ୍ର। ଏହି ରାଜ୍ୟରେ ଦୈନିକ ପାଖାପାଖି ୫୦ ହଜାର ସଂକ୍ରମିତଙ୍କୁ ଚିହ୍ନଟ କରାଯାଉଥିବାରୁ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏହାକୁ ନିୟନ୍ତ୍ରଣ କରିବା ସକାଶେ ସପ୍ତାହାନ୍ତ ଲକଡାଉନ୍ ଓ ନାଇଟ୍ କର୍ଫ୍ୟୁ ଜାରି କରିଛନ୍ତି। ରାଜ୍ୟରେ କୋରୋନା ସଂକ୍ରମିତଙ୍କ ସଂଖ୍ୟା ଅପ୍ରତ୍ୟାଶିତ ଭାବେ ବଢ଼ୁଥିବାରୁ ସେ ଆହୁରି ମଧ୍ୟ କେତେକ କଟକଣା ଘୋଷଣା କରିଛନ୍ତି। ରାଜ୍ୟରେ ନାଇଟ୍ କର୍ଫ୍ୟୁ ରାତି ୮ଟାରୁ ସକାଳ ୭ଟା ପର୍ଯ୍ୟନ୍ତ ଆସନ୍ତା ସୋମବାର ଠାରୁ ଲାଗୁ ହେବ ବୋଲି ସରକାରୀ ଭାବେ ଘୋଷଣା କରାଯାଇଛି। ସେହିପରି ରାଜ୍ୟରେ ଆସନ୍ତା ଶୁକ୍ରବାର ରାତି ୮ଟାରୁ ସୋମବାର ପ୍ରାତଃ ୭ଟା ପର୍ଯ୍ୟନ୍ତ ସମ୍ପୂର୍ଣ୍ଣ ଲକଡାଉନ୍ ଜାରି ରହିବ ବୋଲି ମଧ୍ୟ କୁହାଯାଇଛି। ଏନସିପି ମନ୍ତ୍ରୀ ନବାବ୍ ମଲିକ କହିଛନ୍ତି ଯେ ପ୍ରତିଷେଧକମୂଳକ ବ୍ୟବସ୍ଥା ଧାରା ୧୪୪ ଅଧୀନରେ ଜାରି କରାଯାଇଥିବା ବେଳେ ଏହା ଦିନସାରା ବଳବତ୍ତର ରହିବ।

୫ ଶହ ଟପିଲା ଦୈନିକ ସଂକ୍ରମଣ: ଶହେ ମୁହାଁ ଖୋର୍ଦ୍ଧା

ଭୁବନେଶ୍ବର: ରାଜ୍ୟରେ କୋରୋନା ଗ୍ରାଫ୍ ଉପରମୁହାଁ ହୋଇଛି। ରାଜ୍ୟରେ ୫ ଶହ ଡେଇଁଛି ଦୈନିକ କୋରୋନା ସଂକ୍ରମଣ। ଗତ ୨୪ ଘଣ୍ଟାରେ ୫୭୩ କୋରୋନା ପଜିଟିଭ ଚିହ୍ନଟ ହୋଇଛନ୍ତି। ଏଥିମଧ୍ୟରୁ ୩୩୭ କ୍ୱାରେଣ୍ଟାଇନ୍‌ ମାମଲା ଥିବା ବେଳେ ୨୩୬ ଲୋକାଲ କେସ୍‌ ରହିଛି। ୨୮ ଜିଲ୍ଲା ଓ ଷ୍ଟେଟ୍‌ ପୁଲ୍‌ରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୯୬ ଜଣ ଚିହ୍ନଟ ହୋଇଥିବା ବେଳେ ବାକି ୨ ଜିଲ୍ଲାରୁ ଜଣେ ବି ନୂଆ ଆକ୍ରାନ୍ତ ଚିହ୍ନଟ ହୋଇ ନାହାନ୍ତି। ଅନ୍ୟପକ୍ଷରେ ଗତ ୨୪ ଘଣ୍ଟାରେ ରାଜ୍ୟରୁ ୨୦୦ ଜଣ ସୁସ୍ଥ ହୋଇଥିବା ବେଳେ ମୋଟ ସକ୍ରିୟ ମାମଲା ଏବେ ୩ ହଜାର ଟପିଛି। ଇତିମଧ୍ୟରେ ରାଜ୍ୟ‌ରେ ୯୧ ଲକ୍ଷ ଅତିକ୍ରମ କରିଛି ନମୁନା ପରୀକ୍ଷଣ। ବର୍ତ୍ତମାନ ସୁଦ୍ଧା ରାଜ୍ୟରେ ୯୧ ଲକ୍ଷ ୮୮ ହଜାର ୩୮ ଟି ନମୁନା ପରୀକ୍ଷଣ କରାଯାଇଛି। ସେଥିମଧ୍ୟରୁ ୩ ଲକ୍ଷ ୪୩ ହଜାର ୨୬୮ ଜଣ କୋରୋନାରେ ଆକ୍ରାନ୍ତ ହୋଇଛନ୍ତି। ସେମାନଙ୍କ ମଧ୍ୟରୁ ୩ ଲକ୍ଷ ୩୭ ହଜାର ୯୩୫ ଜଣ ସୁସ୍ଥ ହୋଇସାରିଥିବା ବେଳେ ୩୩୫୮ ଜଣ ବିଭିନ୍ନ କୋଭିଡ୍‌ ହସ୍ପିଟାଲ୍‌ରେ ଚିକିତ୍ସାଧୀନ ଅଛନ୍ତି।

ଦିନକରେ ୯୩ ହଜାରରୁ ଊର୍ଦ୍ଧ୍ବ କୋରୋନା ସଂକ୍ରମିତ ଚିହ୍ନଟ, ୮

ନୂଆଦିଲ୍ଲୀ: ଭାରତରେ ବେକାବୁ ହେଲାଣି କୋରୋନାଜନିତ ସ୍ଥିତି। ପ୍ରତିଦିନ ପୂର୍ବଦିନ ତୁଳନାରେ ଅଧିକ ସଂଖ୍ୟାରେ କୋଭିଡ୍ ସଂକ୍ରମିତ ଚିହ୍ନଟ ହେଉଛନ୍ତି। ଶନିବାର ଦିନକ ଭିତରେ ୯୩ ହଜାରରୁ ଊର୍ଦ୍ଧ୍ବ ସଂକ୍ରମିତ ଚିହ୍ନଟ ହେବା ଫଳରେ ଗତ ୮ ମାସ ଭିତରେ ସର୍ବାଧିକ ସଂକ୍ରମିତଙ୍କୁ ଠାବ କରାଯାଇଛି। ଦିନକ ଭିତରେ ୯୩ ହଜାର ୨୪୯ ଜଣ କୋଭିଡ୍ ସଂକ୍ରମିତ ଠାବ ହେବା ଫଳରେ ଦେଶରେ ୧ କୋଟି ୨୪ ଲକ୍ଷ ୮୫ ହଜାର ୫୦୯ରେ ପହଞ୍ଚିଯାଇଛି। ଶନିବାର ପୂର୍ବାହ୍ନ ୮ଟା ସୁଦ୍ଧା ଶୁକ୍ରବାର ଦିନକ ଭିତରେ ୬ ମାସରେ ସର୍ବାଧିକ ୮୯ ହଜାର ୧୨୯ ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ରବିବାର ଏହାକୁ ମଧ୍ୟ ସଂଖ୍ୟା ଟପିଯାଇଛି। ସେହିପରି ଦିନକ ଭିତରେ ଚିହ୍ନଟ ସଂକ୍ରମିତ ସଂଖ୍ୟାରେ ଭାରତ ଆମେରିକା ଓ ବ୍ରାଜିଲକୁ ମଧ୍ୟ ଟପିଯାଇଛି। କାରଣ ସର୍ବାଧିକ ପ୍ରଭାବିତ ଆମେରିକାରେ ଗତ ଶନିବାର ୨୪ ଘଣ୍ଟାରେ ୭୦ ହଜାର ୫୬୯ ଜଣ ସଂକ୍ରମିତ ଠାବ ହୋଇଥିବା ବେଳେ ବ୍ରାଜିଲରେ ଏହି ସଂଖ୍ୟା ୭୦ ହଜାର ୨୩୮ ରହିଛି। ଅନ୍ୟପକ୍ଷରେ ଗତ ଦିନକ ଭିତରେ ଭାରତର ବିଭିନ୍ନ ହସ୍ପିଟାଲରୁ ୬୦ ହଜାର ୪୮ ଜଣ ସଂକ୍ରମିତଙ୍କୁ ଡିସଚାର୍ଜ କରାଯାଇଛି ବୋଲି କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ