କୋଭିଡ୍‌-୧୯

ଫେବ୍ରୁଆରୀ ସୁଦ୍ଧା ଆମେରିକାରେ କୋରୋନା ମୃତ୍ୟୁ ୫ ଲକ୍ଷ

ନ୍ୟୁୟର୍କ: ଯୁକ୍ତରାଷ୍ଟ୍ର ଆମେରିକାରେ କୋରୋନା ମୃତ୍ୟୁ ଆସନ୍ତା ଫେବ୍ରୁଆରୀ ସୁଦ୍ଧା ୫ ଲକ୍ଷ ଛୁଇଁପାରେ ବୋଲି ଏକ ବିଶେଷଜ୍ଞ ଟିମ ପୂର୍ବାନୁମାନ କରିଛି। ଯଦି ସମସ୍ତ ଆମେରିକୀୟ ଏହି କୋରୋନା ମହାମାରୀ ବେଳେ ମାସ୍କ ନ ପିନ୍ଧନ୍ତି, ଆମେରିକାରେ ଅବସ୍ଥା ଆଗକୁ ଆହୁରି ଭୟଙ୍କର ହେବ ବୋଲି ଆଶଙ୍କା ପ୍ରକାଶ କରାଯାଇଛି। ଶୁକ୍ରବାର ରଏଟର୍ସ ତଥ୍ୟ ଅନୁସାରେ ଗୁରୁବାର ଆମେରିକାରେ ପୁଣି ଥରେ ୭୬ ହଜାର ୧୯୫ ଜଣ କୋରୋନାରେ ସଂକ୍ରମିତ ହୋଇଛନ୍ତି। ଜୁଲାଇ ୧୬ରେ ଆମେରିକାରେ ଗୋଟିଏ ଦିନରେ ସର୍ବାଧିକ ୭୭ ହଜାର ୨୯୯ ଜଣେ ସଂକ୍ରମିତ ହୋଇଥିଲା ବେଳେ ଗୁରୁବାରର ସଂକ୍ରମଣ ଗୋଟିଏ ଦିନରେ ଦ୍ବିତୀୟ ସର୍ବାଧିକ ବୋଲି କୁହାଯାଇଛି। କେବଳ ଭାରତ ବର୍ଷରେ ସେପ୍ଟେମ୍ବର ୧୭ରେ ଗୋଟିଏ ଦିନରେ ସର୍ବାଧିକ ୯୭ ହଜାର ୮୯୪ ଜଣ ସଂକ୍ରମିତ ହେବା ଏବେ ବି ସର୍ବାଧିକ ବୋଲି ରେକର୍ଡ ହୋଇ ରହିଛି।

ଭାରତରେ କୋରୋନା ସଂକ୍ରମଣ ୭୮ ଲକ୍ଷ ଟପିଲା

ନୂଆଦିଲ୍ଲୀ: ଦେଶରେ କୋରୋନା ସଂକ୍ରମଣ ଶନିବାର ୭୮ ଲକ୍ଷ ପାର କରିଛି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ତଥ୍ୟ ଅନୁସାରେ ଦେଶରେ କୋରୋନା ସଂକ୍ରମଣ ୭୮ ଲକ୍ଷ ୧୪ ହଜାର ୬୮୨ରେ ପହଞ୍ଚିଛି। ସେହିପରି କୋରୋନାରେ ସଂକ୍ରମିତ ହୋଇ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ବଢ଼ି ୧ ଲକ୍ଷ ୧୭ ହଜାର ୯୫୬ରେ ପହଞ୍ଚିଛି। ଗତ ୨୪ ଘଣ୍ଟାରେ ଦେଶରେ ୫୩ ହଜାର ୩୭୦ ଜଣ କୋରୋନା ସଂକ୍ରମିତ ହୋଇଥିଲା ବେଳେ ୬୫୦ ସଂକ୍ରମିତଙ୍କ ଜୀବନ ଯାଇଛି। ସ୍ବାସ୍ଥ୍ୟ ମନ୍ତ୍ରାଳୟ ତଥ୍ୟ ଅନୁସାରେ ଦେଶରେ ବର୍ତ୍ତମାନ ୬ ଲକ୍ଷ ୮୦ ହଜାର କୋରୋନା ସଂକ୍ରମିତ ଚିକିତ୍ସାଧୀନ ରହିଛନ୍ତି। ଗତ ୨୪ ଘଣ୍ଟା ଭିତରେ ସଂକ୍ରମିତଙ୍କ ସଂଖ୍ୟା ସାରା ଦେଶରେ ୧୪ ହଜାର ୮୨୯ କମ ହୋଇଛି। ସେହିପରି ଏଯାବତ ୭୦ ଲକ୍ଷ ୧୬ ହଜାର ୪୬ ଜଣ ଆକ୍ରାନ୍ତ ସୁସ୍ଥ ହୋଇ ସାରିଲେଣି। ଗତ ୨୪ ଘଣ୍ଟାରେ ୬୭ ହଜାର ୫୪୯ ଜଣ କୋରୋନାରୁ ସୁସ୍ଥ ହୋଥିବା ମଧ୍ୟ ସ୍ପଷ୍ଟ ହୋଇଛି।

ନିର୍ବାଚନ ଜିତିଲେ ଆମେରିକାବାସୀଙ୍କୁ ମାଗଣା ଟିକା ନେଇ
ଖୁବ୍‌ଶୀଘ୍ର କୋରୋନା ଟିକା: ସ୍ବାସ୍ଥ୍ୟକର୍ମୀଙ୍କ ଡାଟାବେସ୍‌ ପ୍ରସ୍ତୁତି

ଭୁବନେଶ୍ବର: କୋରୋନା ମହାମାରୀରେ କବଳିତ ସାରା ବିଶ୍ୱ ଏବେ ବି ଟିକା ଅପେକ୍ଷାରେ। ଖୁବ୍‌ଶୀଘ୍ର କୋଭିଟ୍‌ ଟିକା ମିଳିବ ବୋଲି କେନ୍ଦ୍ର ସରକାର କହୁଥିବା ବେଳେ ସମସ୍ତଙ୍କ ପାଖରେ ଟିକା ପହଞ୍ଚାଇବା ପାଇଁ ୫୦ ହଜାର କୋଟି ଟଙ୍କା ଖର୍ଚ୍ଚ ହେବ ବୋଲି କହିଛନ୍ତି। ଏପରିସ୍ଥିତିରେ କୋଭିଡ୍‌-୧୯ ବିରୋଧରେ ଟିକାକରଣ ପାଇଁ ଓଡ଼ିଶା ସରକାର ପ୍ରକ୍ରିୟା ଆରମ୍ଭ କରିଥିବାରୁ ନୂଆ ଆଶା ସଞ୍ଚାର ହୋଇଛି। ସ୍ବାସ୍ଥ୍ୟ କର୍ମୀଙ୍କୁ ପ୍ରଥମେ ଟିକା ଦେବା ପାଇଁ ସରକାର ଯୋଜନା କରୁଛନ୍ତି। ଏହି ପରିପ୍ରେକ୍ଷୀରେ ସ୍ବାସ୍ଥ୍ୟ ସେବା କର୍ମୀ ବା ହେଲ୍‌ଥ କେୟାର କର୍ମଚାରୀଙ୍କ ଡାଟାବେସ୍‌ ପ୍ରସ୍ତୁତ କରାଯିବ। ଏ ନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର ମହିଳା ଓ ଶିଶୁ କଲ୍ୟାଣ ବିଭାଗ ସମେତ ଆଇଏମ୍‌ଏ ଓଡ଼ିଶା, ଘରୋଇ ଡାକ୍ତରଖାନା ସଂଘର ସଭାପତି, ଆୟୁଷ, ନର୍ସିଂ ଓ ପାରାମେଡ଼ିକ ସଂଘକୁ ଚିଠି ଲେଖିଛନ୍ତି।

୭୭ ଲକ୍ଷ ଟପିଲା ଦେଶରେ କୋରୋନା ଆକ୍ରାନ୍ତ ସଂଖ୍ୟା

ଦେଶରେ ଗତ କିଛି ଦିନ ହେଲା ଧିରେ ଧିରେ ଦେଶରେ କୋରୋନା ଆକ୍ରାନ୍ତ ଓ ମୃତକଙ୍କ ସଂଖ୍ୟାରେ ହ୍ରାସ ପାଉଥିବା ଦେଖାଯାଉଛି। ସେପ୍ଟେମ୍ବର ମାସରେ ଦୈନିକ ସଂକ୍ରମଣ ସଂଖ୍ୟା ୯୦ ହଜାର ଉପରେ ରହୁଥିବାବେଳେ ଏବେ ତାହା ନିୟମିତ ଭାବେ କମିଚାଲିଛି। ଗତ ୨୪ ଘଣ୍ଟାରେ ଦେଶରେ ୫୪ ହଜାର ୩୬୬ ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୬୯୦ ଜଣଙ୍କ ମୃତ୍ୟୁ ହୋଇଛି। ମୋଟ କୋରୋନାଜନିତ ମୃତ୍ୟୁ ସଂଖ୍ୟା ୧,୧୭, ୩୦୬ରେ ପହଞ୍ଚିଛି। ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା ୭୭ ଲକ୍ଷ ୬୧ ହଜାର ୩୧୨କୁ ବୃଦ୍ଧି ପାଇଛି। ଏହାସହ ୬,୯୫,୫୦୯ ଆକ୍ରାନ୍ତ ଚିକିତ୍ସାଧୀନ ଅବସ୍ଥାରେ ରହିଥିବା ବେଳେ ୬୯,୪୮,୪୯୭ ସୁସ୍ଥ ହୋଇ ଘରକୁ ଫେରିଛନ୍ତି। ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର ମନ୍ତ୍ରାଳୟ ପକ୍ଷରୁ ସୂଚନା ମିଳିଛି।

୧୨ ଶହ ଟପିଲା କୋରୋନା ମୃତ୍ୟୁ: ଆଜି ଆଉ ୧୮ ମୃତ

ରାଜ୍ୟରେ କୋରୋନା ମୃତ୍ୟୁ ଚିନ୍ତାଜନକ ରହିଛି। ଗତକାଲି ରାଜ୍ୟରୁ ୧୫ ଜଣଙ୍କ ମୃତ୍ୟୁ ହୋଇଥିବା ବେଳେ ଆଜି ଆଉ ୧୮ ଜଣଙ୍କ ପ୍ରାଣ ନେଇଛି ପ୍ରାଣଘାତୀ ମହାମାରୀ। ଫଳରେ ଆଜିର ମୃତକଙ୍କୁ ମିଶାଇ ରାଜ୍ୟରେ କୋରୋନା ମୃତ୍ୟୁ ୧୨୧୪ ହୋଇଛି। ଏଥିସହ ଅକ୍ଟୋବର ୨୩ ଦିନରେ ୩୭୨ ଆକ୍ରାନ୍ତଙ୍କର ମୃତ୍ୟୁ ହୋଇଥିବା ସରକାରୀ ଭାବେ କୁହାଯାଇଛି। ତେବେ ସବୁଠାରୁ ଚିନ୍ତାର ବିଷୟ ପାଲଟିଛି ଖୋର୍ଦ୍ଧା ଜିଲ୍ଲା। ସେହିପରି ଗତ ୪ ଦିନ ଧରି ମୟୁରଭଞ୍ଜ ଜିଲ୍ଲାରେ ମଧ୍ୟ ମୃତ୍ୟୁ ଚିନ୍ତାଜନକ ରହିଛି। ଏହି ୪ ଜଣ ଦିନରେ ୧୩ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ଆଜି ମୃତ୍ୟୁବରଣ କରିଥିବା ୧୮ ଜଣଙ୍କ ମଧ୍ୟରୁ ଅନୁଗୁଳ, ଖୋର୍ଦ୍ଧା, ଗଜପତି ଜିଲ୍ଲାରୁ ୩ ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମଞ୍ଜୁରଭଞ୍ଜ ଓ ଯାଜପୁର ଜିଲ୍ଲାରୁ ୨ ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି। ଭଦ୍ରକ, ଢେଙ୍କାନାଳ, ନବରଙ୍ଗପୁର, ମାଲକାନଗିରି ଓ ପୁରୀ ଜିଲ୍ଲାରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି।

୨୪ ଘଣ୍ଟାରେ ରାଜ୍ୟରୁ ୧୯୧୩ ଆକ୍ରାନ୍ତ ଚିହ୍ନଟ

ଦୀର୍ଘ ୨ ମାସର ବ୍ୟବଧାନ ପରେ ରାଜ୍ୟରେ ସଂକ୍ରମଣ ସ୍ଥିତି ସୁଧୁରିବାରେ ଲାଗିଛି। ଲଗାତର ୫ ଦିନ ଧରି ୨ ହଜାର ତଳେ ରହିଛି ଦୈନିକ ସଂକ୍ରମଣ। ଗତକାଲି ରାଜ୍ୟରୁ ୧୯୧୩ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଗତ ୨୪ ଘଣ୍ଟାରେ ରାଜ୍ୟରୁ ଚିହ୍ନଟ ହୋଇଛନ୍ତି ଆଉ ୧୭୯୩ ଆକ୍ରାନ୍ତ। ଆଜିର ଆକ୍ରାନ୍ତଙ୍କୁ ମିଶାଇ ଏହି ୨୩ ଦିନରେ ୫୮ ହଜାର ୭୬୮ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି କ୍ବାରେଣ୍ଟାଇନ୍‌ ସେଣ୍ଟର୍‌ରୁ ୧୦୩୧ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସ୍ଥାନୀୟ ସଂକ୍ରମଣ ୭୬୨ ରହିଛି। ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ଆକ୍ରାନ୍ତ ରହିଥିବା ବେଳେ କେବଳ ମୟୁରଭଞ୍ଜ ଓ କଟକ ଜିଲ୍ଲାରୁ ଶତାଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି। ଅନ୍ୟପକ୍ଷରେ ସଂକ୍ରମଣ ତୁଳନାରେ ସୁସ୍ଥ ରୋଗୀଙ୍କ ସଂଖ୍ୟା ବଢ଼ିବାରେ ଲାଗିଛି। ଫଳରେ ଚିକିତ୍ସାଧୀନ ରୋଗୀଙ୍କ ସଂଖ୍ୟା ମଧ୍ୟ କମିବାରେ ଲାଗିଛି। ଗତକାଲି ୨୧୨୮ ଆକ୍ରାନ୍ତ ସୁସ୍ଥ ହୋଇଥିବା ବେଳେ ଏବେ ରାଜ୍ୟରେ ମୋଟ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୧୯ ହଜାରକୁ ଚାଲି ଆସିଛି। ସେହିପରି ରାଜ୍ୟରେ ମୋଟ ସଂକ୍ରମଣ ସଂଖ୍ୟା ମଧ୍ୟ ୨.୭୭ ଲକ୍ଷ ଟପିଛି।

କୋରୋନା ଭ୍ୟାକ୍ସିନ ପାଇଁ ୫୧ ହଜାର କୋଟିର ବ୍ୟୟବରାଦ

ନୂଆଦିଲ୍ଲୀ: କେନ୍ଦ୍ର ସରକାର ଦେଶର ସବୁ ଲୋକଙ୍କ ପାଖରେ କୋରୋନା ଭ୍ୟାକ୍ସିନ ପହଞ୍ଚାଇବା ପାଇଁ ୭ ବିଲିଅନ ଡଲାର (ପ୍ରାୟ ୫୧ ହଜାର କୋଟି ଟଙ୍କା)ର ବ୍ୟୟ ଅଟକଳ କରିଛନ୍ତି। ସରକାରୀ ଭାବେ ଏହା ପ୍ରକାଶ କରାଯାଇ ନ ଥିଲେ ବି ସରକାର ଦେଶର ୧.୩ ବିଲିଅନ ଲୋକଙ୍କ ପାଖରେ କୋରୋନା ଟିକା ପହଞ୍ଚାଇବା ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଥିବା ଜଣାପଡ଼ିଛି। ଏହି ଯୋଜନାରେ ଜଣେ ବ୍ୟକ୍ତି ପିଛା ସରକାର ଭ୍ୟାକ୍ସିନ ବାବଦକୁ ୬ରୁ ୭ ଡଲାର (ପ୍ରାୟ ୪୫୦ରୁ ୫୫୦ ଟଙ୍କା) ପର୍ଯ୍ୟନ୍ତ ଖର୍ଚ୍ଚ କରିବାକୁ ଲକ୍ଷ୍ୟ ଧାର୍ଯ୍ୟ କରିଛନ୍ତି। ଚଳିତ ଆର୍ଥିକ ବର୍ଷ ଅର୍ଥାତ ମାର୍ଚ୍ଚ ୩୧ ଭିତରେ ଏହି ଲକ୍ଷ୍ୟ ପୂରଣ ପାଇଁ ସରକାର ଆଗକୁ ବଢ଼ୁଛନ୍ତି। ଜଣେ ବ୍ୟକ୍ତି କିପରି ଭାବେ ୨ଟି ଭ୍ୟାକ୍ସିନ ପାଇପାରିବେ ତାହା ଉପରେ ସରକାର ଗୁରୁତ୍ବ ଦେଉଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ