ମୁଖ୍ୟ ଖବର

ଭାରତ-ରୁଷ୍‌ ଶିଖର ସମ୍ମିଳନୀରେ ମୋଦୀ-ପୁଟିନ୍‌ଙ୍କ ସାକ୍ଷାତ
ଭାରତ-ରୁଷ ମଧ୍ୟରେ କଲସନିକୋଭ ରାଇଫଲ ଓ ପ୍ରତିରକ୍ଷା ସହଯୋଗ ଚୁକ୍ତି ସ୍ୱାକ୍ଷରିତ

ନୂଆଦିଲ୍ଲୀ: ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମଧ୍ୟରେ ସୋମବାର ସନ୍ଧ୍ୟାରେ ଶିଖର ବୈଠକର ଆୟୋଜନ ପୂର୍ବରୁ ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ବୈଦେଶିକ ମନ୍ତ୍ରୀ ଏସ ଜୟଶଙ୍କର ସେମାନଙ୍କ ରୁଷ ପ୍ରତିପକ୍ଷଙ୍କ ସହିତ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଛନ୍ତି। ସୂଚନାଯୋଗ୍ୟ ଯେ ଆଜି ମୋଦୀ ଓ ପୁତିନଙ୍କ ମଧ୍ୟରେ ଏକବିଂଶତମ ଭାରତ-ରୁଷ ବାର୍ଷିକ ଶିଖର ବୈଠକ ଅନୁଷ୍ଠିତ ହେବ। ୨୦୧୯ ବ୍ରିକ ସମ୍ମିଳନୀ ପରବର୍ତ୍ତୀ ସମୟରେ ଦୁଇ ନେତାଙ୍କ ମଧ୍ୟରେ ଏହା ଶାରୀରିକ ଉପସ୍ଥିତିରେ ପ୍ରଥମ ସମ୍ମୁଖ ବୈଠକ ହେବ। ତାହା ପୂର୍ବରୁ ରାଜନାଥ ସିଂ ଏବଂ ଏସ ଜୟଶଙ୍କର ରୁଷର ପ୍ରତିରକ୍ଷା ମନ୍ତ୍ରୀ ଜେନେରାଲ ସର୍ଗେଇ ଶୋୟିଗୁ ଏବଂ ବୈଦେଶିକ ମନ୍ତ୍ରୀ ସର୍ଗେଇ ଲାଭରୋଭଙ୍କ ସହିତ ବୈଠକରେ ମିଳିତ ହୋଇଥିଲେ।

ଭାରତ-ନ୍ୟୁଜିଲାଣ୍ଡ ସିରିଜରେ ଅଶ୍ବିନଙ୍କ ଏକାଧିକ ରେକର୍ଡ

ମୁମ୍ବାଇ: ଭାରତ-ନ୍ୟୁଜିଲାଣ୍ଡ ସିରିଜରେ ଭାରତର ଷ୍ଟାର ସ୍ପିନର ରବିଚନ୍ଦ୍ରନ ଅଶ୍ବିନ ଏକାଧିକ ରେକର୍ଡ କରିଛନ୍ତି। ଘରୋଇ ଟେଷ୍ଟ ମ୍ୟାଚ୍‌ରେ ରବିଚନ୍ଦ୍ରନ ଅଶ୍ବିନ ୩୦୦ ୱିକେଟ ଦଖଲ କରିଛନ୍ତି। ଘରୋଇମାଟିରେ ଅନୀଲ କୁମ୍ବଲେଙ୍କ ୩୫୦ ଟେଷ୍ଟ ୱିକେଟ ପରେ ଏହା ୨ୟ ସର୍ବାଧିକ। ଅଶ୍ବିନଙ୍କ ପୂର୍ବରୁ ବିଶ୍ବରେ ମାତ୍ର ୫ ଜଣ ବୋଲର ଘରୋଇ ଟେଷ୍ଟରେ ୩୦୦ କିମ୍ବା ଅଧିକ ୱିକେଟ ନେଇଛନ୍ତି। ଟେଷ୍ଟ ମ୍ୟାଚ୍‌ରେ ୯ମ ଥର ପାଇଁ ଆର୍. ଅଶ୍ବିନ୍ ପ୍ଲେୟର ଅଫ୍ ଦ ସିରିଜ୍ ପୁରସ୍କାର ପାଇଛନ୍ତି। ବିଶ୍ବରେ ଏହା ଯୁଗ୍ମ ଦ୍ବିତୀୟ ସର୍ବାଧିକ। ଦକ୍ଷିଣ ଆଫ୍ରିକାର ଜ୍ୟାକ୍‌ସ କାଲିସ୍‌ ମଧ୍ୟ ୯ ଥର ପ୍ଲେୟର ଅଫ୍ ଦ ସିରିଜ୍ ହୋଇଛନ୍ତି। ଶ୍ରୀଲଙ୍କାର ମୁଥେୟା ମୁରଲୀଧରନ୍ ସର୍ବାଧିକ ୧୧ ଥର ପ୍ଲେୟର ଅଫ୍ ଦ ସିରିଜ୍ ହୋଇଛନ୍ତି।

ଭାରତ ଜିତିଲା ସିରିଜ୍: ଦ୍ବିତୀୟ ଟେଷ୍ଟରେ ନ୍ୟୁଜିଲାଣ୍ଡକୁ ୩୭୨ ରନ୍‌ରେ ହରାଇଲା

ମୁମ୍ବାଇ: ଭାରତ-ନ୍ୟୁଜିଲାଣ୍ଡ ସିରିଜରେ ମୁମ୍ବାଇର ଓ୍ଵାଙ୍ଖେଡେ ଷ୍ଟାଡିୟମ୍‌ରେ ଚାଲିଥିବା ଦ୍ବିତୀୟ ଟେଷ୍ଟ୍‌ ମ୍ୟାଚ୍‌ରେ ଆଶାନୁସାରେ ଭାରତ ନ୍ୟୁଜିଲାଣ୍ଡକୁ ୩୭୨ ରନ୍‌ରେ ହରାଇ ସହଜରେ ମ୍ୟାଚ୍‌ ଜିତିନେଇଛି। ଆଜି ଘଣ୍ଟାଏରୁ କମ୍ ସମୟ ମଧ୍ୟରେ ନ୍ୟୁଜିଲାଣ୍ଡର ୫ଟି ୱିକେଟ୍‌ ନେଇ ଭାରତ ବିଜୟ ହାସଲ କରିଛି। ଏହାସହ ୨ ମ୍ୟାଚ୍‌ର ଟେଷ୍ଟ ସିରିଜକୁ ଭାରତ ୧-୦ରେ ଜିତିବାରେ ସଫଳ ହୋଇଛି। ୨ୟ ଇନିଂସରେ କଷ୍ଟକର ୫୪୦ ରନ୍‌ର ପିଛା କରୁଥିବା ନ୍ୟୁଜିଲାଣ୍ଡ ସୋମବାର ୪ର୍ଥ ଦିନର ଭୋଜନ ବିରତି ପୂର୍ବରୁ ୧୬୭ ରନ୍‌ରେ ଅଲ୍ଆଉଟ ହୋଇ ଯାଇଥିଲା। ଫଳରେ ଭାରତ ୩୭୨ ରନ୍‌ରେ ୱାଙ୍ଖେଡ଼େ ଟେଷ୍ଟ ମ୍ୟାଚ୍‌କୁ ଜିତିବାରେ ସଫଳ ହୋଇଛି। ଭାରତୀୟ ଟେଷ୍ଟ ଇତିହାସରେ ରନ୍‌ ବ୍ୟବଧାନ ଅନୁସାରେ ଏହା ଭାରତର ସର୍ବବୃହତ୍ ଟେଷ୍ଟ ବିଜୟ। ପୁଣି ରନ୍‌ ବ୍ୟବଧାନ ଅନୁସାରେ ଏହା ନ୍ୟୁଜିଲାଣ୍ଡର ସର୍ବବୃହତ୍ ଟେଷ୍ଟ ପରାଜୟ। ନ୍ୟୁଜିଲାଣ୍ଡର ଶେଷ ୫ଟି ୱିକେଟ ମଧ୍ୟରୁ ସୋମବାର ଜୟନ୍ତ ଯାଦବ ୪ଟି ୱିକେଟ ନେଇଥିବା ବେଳେ ରବିଚନ୍ଦ୍ରନ ଅଶ୍ବିନ ଗୋଟିଏ ୱିକେଟ ନେଇଥିଲେ। ୪ର୍ଥ ଦିନରେ ନ୍ୟୁଜିଲାଣ୍ଡ ଆଉ ୨୭ ରନ୍‌ ଯୋଗ କରି ଶେଷ ୫ଟି ୱିକେଟ ହରାଇ ପରାସ୍ତ ହୋଇଥିଲା। ମ୍ୟାଚ୍‌ରେ ୧୫୦ ଓ ୬୨ ରନ୍‌ କରିଥିବା ମୟଙ୍କ ଅଗ୍ରୱାଲ ପ୍ଲେୟର ଅଫ୍ ଦ ମ୍ୟାଚ୍‌ ଏବଂ ସିରିଜ୍‌ରେ ମୋଟ ୭୦ ରନ୍‌ କରିବା ସହ ୧୪ଟି ୱିକେଟ ନେଇଥିବା ଅଶ୍ବିନ ପ୍ଲେୟର ଅଫ୍ ଦ ସିରିଜ୍‌ ହୋଇଥିଲେ।

ଆଜି ଭାରତ ଆସୁଛନ୍ତି ପୁଟିନ

ନୂଆଦିଲ୍ଲୀ: ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଡିସେମ୍ବର ୬ ତାରିଖ ସୋମବାର ଭାରତ ଗସ୍ତରେ ଆସୁଛନ୍ତି। ତାଙ୍କର ଏହି ଗସ୍ତ କାଳରେ ଭାରତ ଏବଂ ରୁଷ ମଧ୍ୟରେ ସହଯୋଗ ଅଧିକ ମଜଭୁତ କରିବାକୁ ପ୍ରତିରକ୍ଷା, ବାଣିଜ୍ୟ ଓ ପୁଞ୍ଜିନିବେଶ, ଶକ୍ତି ଓ ପ୍ରଯୁକ୍ତି ଆଦି କ୍ଷେତ୍ରରେ ଏକାଧିକ ରାଜିନାମା ସ୍ୱାକ୍ଷରିତ ହେବା କାର୍ଯ୍ୟକ୍ରମ ରହିଛି। ସରକାରୀ ସୂତ୍ରରୁ କୁହାଯାଇଛି ଯେ ପୁଟିନ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ମଧ୍ୟରେ ଶିଖର ବୈଠକ ଅନୁଷ୍ଠିତ ହେବା ସହିତ ଦୁଇ ଦେଶର ପ୍ରତିରକ୍ଷା ଏବଂ ବୈଦେଶିକ ମନ୍ତ୍ରାଳୟ ସ୍ତରରେ ମଧ୍ୟ ଦ୍ୱିପାକ୍ଷିକ ଆଲୋଚନା ଅନୁଷ୍ଠିତ ହେବ। ଏଥିରେ ଆଫଗାନିସ୍ତାନ ପ୍ରସଙ୍ଗ ସହିତ ଲସ୍କର ଇ ତଇବା ଏବଂ ଜୈଶ-ଏ-ମହମ୍ମଦ ଭଳି ଆତଙ୍କୀ ସଂଗଠନ ଆଡୁ ଭାରତ ପ୍ରତି ଲଗାତର ସୃଷ୍ଟି ହେଉଥିବା ବିପଦ ବିଷୟ ସ୍ଥାନ ପାଇବା ଆଶା କରାଯାଉଛି। ଶିଖର ବୈଠକ ପରେ ଏକ ମିଳିତ ବିବୃତି ପ୍ରକାଶ ପାଇବ।

ଆର୍ଜେଣ୍ଟିନା କନିଷ୍ଠ ପୁରୁଷ ହକି ବିଶ୍ବକପ୍ ଚାମ୍ପିଅନ୍‌‌: ଜର୍ମାନୀକୁ

ଭୁବନେଶ୍ୱର: ଭୁବନେଶ୍ବରରେ ଆୟୋଜିତ କନିଷ୍ଠ ପୁରୁଷ ହକି ବିଶ୍ୱକପ୍‌ରେ ବିଜୟଟିକା ପିନ୍ଧିଛି ଆର୍ଜେଣ୍ଟିନା। କଳିଙ୍ଗ ଷ୍ଟାଡିୟମରେ ରବିବାର ଖେଳା ଯାଇଥିବା ୧୨ଶ ସଂସ୍କରଣର ଫାଇନାଲରେ ଆର୍ଜେଣ୍ଟିନା ଲାଉଟାରୋ ଡୋମିନ୍‍ଙ୍କ ହ୍ୟାଟ୍ରିକ୍‍ ଗୋଲ ବଳରେ ୬ ଥରର ବିଜେତା ଜର୍ମାନୀକୁ ୪-୨ ଗୋଲ୍‌ରେ ହରାଇ ୨ୟ ଥର ପାଇଁ କନିଷ୍ଠ ପୁରୁଷ ହକି ବିଶ୍ବକପ୍ ଚାମ୍ପିଅନ୍ ଟ୍ରଫି ଜିତିପାରିଛି। ଆର୍ଜେଣ୍ଟିନା ପୂର୍ବରୁ ୨୦୦୫ରେ ପ୍ରଥମଥର ପାଇଁ କନିଷ୍ଠ ପୁରୁଷ ହକି ବିଶ୍ୱକପ ଚାମ୍ପିଅନ୍ ହୋଇଥିଲା। ଅନ୍ୟପକ୍ଷରେ ୮ମ ଥର ଫାଇନାଲ ଖେଳିଥିବା ଜର୍ମାନୀ ୧୯୭୯ ପରେ ୨ୟ ଥର ପାଇଁ ଉପବିଜେତାରେ ସନ୍ତୁଷ୍ଟ ହୋଇଛି। ଲିଗ୍‍ ପର୍ଯ୍ୟାୟରେ ଜର୍ମାନୀ ନିକଟରୁ ପରାଜିତ ହୋଇଥିବା ଆର୍ଜେଣ୍ଟିନା ଫାଇନାଲରେ ସ୍ୱତନ୍ତ୍ର ରଣନୀତି ସହ ପଡ଼ିଆକୁ ଓହ୍ଲାଇଥିଲା। ୧୦ମ ମିନିଟରେ ଆର୍ଜେଣ୍ଟିନାକୁ ମ୍ୟାଚର ପ୍ରଥମ ପେନାଲ୍‌ଟି କର୍ଣ୍ଣର ମିଳିଥିଲା। ଏହାକୁ ଲାଉଟାରୋ ଡୋମିନ୍‍ ଗୋଲରେ ପରିଣତ କରି ଦଳକୁ ୧-୦ରେ ଆଗୁଆ କରିଥିଲେ।

କନିଷ୍ଠ ପୁରୁଷ ହକି ବିଶ୍ବକପ୍‌: ଫ୍ରାନ୍ସ ତୃତୀୟ, ଭାରତ ଚତୁର୍ଥ

ଭୁବନେଶ୍ବର: ଦୁର୍ବଳ ରକ୍ଷଣଭାଗ, ତାଳମେଳରେ ଘୋର ଅଭାବ ଏବଂ ଗତି ଓ ରଣନୀତି ରୂପାୟନରେ ବିଫଳତା ପାଇଁ ଫ୍ରାନ୍ସଠାରୁ ୧-୩ ଗୋଲ୍‌ରେ ହାରି କଳିଙ୍ଗ ଷ୍ଟାଡିୟମ୍‌ରେ ଆୟୋଜିତ କନିଷ୍ଠ ପୁରୁଷ ହକି ବିଶ୍ବକପ୍‌ରେ ଗତଥତର ବିଜେତା ଭାରତ ଚତୁର୍ଥ ସ୍ଥାନରେ ରହିଲା। ଜନ୍ମଦିନରେ ଓଡ଼ିଆ ତାରକା ସୁଦୀପ ଚିରମାକୋଙ୍କ ଚମତ୍କାର ପ୍ରଦର୍ଶନ ସତ୍ତ୍ବେ ଭାରତ ହାରିଲା। ଦୁର୍ଭାଗ୍ୟଜନକ ଭାବେ ଫ୍ରାନ୍ସଠାରୁ ହାରି ଅଭିଯାନ ଆରମ୍ଭ କରିଥିବା ଭାରତ ସେହି ଫ୍ରାନ୍ସ ବିପକ୍ଷ ପରାଜୟରେ ବିଶ୍ବକପ୍ ଶେଷ କଲା। ଅନ୍ୟପକ୍ଷରେ ପୁଲ୍ ପର୍ଯ୍ୟାୟରେ ୫-୪ ଗୋଲ୍‌ରେ ବିଜୟୀ ହୋଇଥିବା ଫ୍ରାନ୍ସ ଆୟୋଜକ ଭାରତ ବିପକ୍ଷରେ ଲଗାତାର ଦ୍ବିତୀୟ ବିଜୟ ହାସଲ କରିବା ସହ ତୃତୀୟ ସ୍ଥାନ ଅଧିକାର କରିଥିଲା। ୨୦୧୩ ମସିହା ପରେ ଫ୍ରାନ୍ସର ଏହା ସର୍ବଶ୍ରେଷ୍ଠ ପ୍ରଦର୍ଶନ। ଦୁଇ ଥର ବିଜେତା ଭାରତ କିନ୍ତୁ ଦ୍ବିତୀୟ ଥର ପାଇଁ ଚତୁର୍ଥ ସ୍ଥାନରେ ରହିଛି। ହ୍ୟାଟ୍ରିକ୍ ଅର୍ଜନ କରି ଭାରତକୁ ହରାଇବାରେ ପ୍ରମୁଖ ଭୂମିକା ନେଇଥିବା ଫ୍ରାନ୍ସର ତିମୋଥି କ୍ଲେମେଣ୍ଟ ମ୍ୟାଚ୍‌ର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ।

ଦ୍ୱିତୀୟ ଟେଷ୍ଟ: ବିଜୟ ଦ୍ୱାରରେ ଭାରତ, ନ୍ୟୁଜିଲାଣ୍ଡ ୧୪୦/୫
ଜାଭା ଦ୍ୱୀପରେ ଭୟଙ୍କର ଆଗ୍ନେୟଗିରି ବିସ୍ଫୋରଣ: ୧୩ ମୃତ

ଜାକର୍ତ୍ତା: ଇଣ୍ଡୋନେସିଆର ଜାଭା ଦ୍ୱୀପରେ ଭୟଙ୍କର ଆଗ୍ନେୟଗିରି ବିସ୍ଫୋରଣ ହୋଇଛି। ଫଳରେ ଏଠାରେ ୧୩ ଜଣଙ୍କ ମୃତ୍ୟୁ ହୋଇଛି। ଏନେଇ ଇଣ୍ଡୋନେସିଆର ବିପର୍ଯ୍ୟୟ ପରିଚାଳନା ଏଜେନ୍ସି ପକ୍ଷରୁ ସୂଚନା ଦିଆଯାଇଛି। ଏନେଇ ଏଜେନ୍ସିର ମୁଖପାତ୍ର ଅବଦୁଲ ମୁହାରୀ କହିଛନ୍ତି ଯେ ସ୍ଥାନୀୟ ସେମେରୁ ପାହାଡ ନିକଟରେ ଥିବା ଆଗ୍ନେୟଗିରିରେ ହୋଇଥିବା ବିସ୍ଫୋରଣର ମୃତକଙ୍କ ମଧ୍ୟରୁ ୨ ଜଣଙ୍କର ପରିଚୟ ମିଳିଛି। ଏହି ପ୍ରାକୃତିକ ବିପର୍ଯ୍ୟୟରେ ଅନେକ ଲୋକ ଆହତ ବି ହୋଇଛନ୍ତି। ସେମାନଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି। ଆଗ୍ନେୟଗିରିରେ ବିସ୍ଫୋରଣ କାରଣରୁ ଅଧିକାଂଶ ଲୋକ ଜୀବନ୍ତ ଦଗ୍ଧ ହୋଇଯାଇଛନ୍ତି ବୋଲି ସେଠାକାର ସରକାରଙ୍କ ସୂଚନା ଦେଇଛନ୍ତି। ଏହି କାରଣରୁ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି। ତେବେ ଏକ ଗଣମାଧ୍ୟମ ରିପୋର୍ଟରେ କୁହାଯାଉଛି ଯେ ଏହି ବିସ୍ଫୋରଣରେ ପାଖାପାଖି ୪୧ ଜଣ ଆହତ ହୋଇଛନ୍ତି। ଗତ କିଛି ଦିନ ହେବ ଏହି ଆଗ୍ନେୟଗିରିରୁ ନିୟମିତ ଭାବେ ପାଉଁଶ ଓ ଧୂଆଁ ଉଠିଥିଲା। ଆଗ୍ନେୟଗିରିରୁ ବାହାରୁଥିବା ପାଉଁଶ ଓ ଧୂଳିର ଆସ୍ତରଣ ଏତେ ବହଳ ଥିଲା ଯେ ଜାଭା ଦ୍ୱୀପପୁଞ୍ଜ ଦିନରେ ବି ରାତି ପରି ଦେଖାଯାଉଥିଲା।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।
ପ୍ରମୋଦ ଡେଇଁପଡ଼ି ମୋତେ କୁଣ୍ଢାଇବେ ବୋଲି ଭାବି ନ
ନୂଆଦିଲ୍ଲୀ: ଭାରତୀୟ ବ୍ୟାଡ୍‌ମିଣ୍ଟନ୍ ଇତିହାସରେ ଏହା ଏକ ଅବିସ୍ମରଣୀୟ ଦୃଶ୍ୟ । ଟୋକିଓ ପାରାଲିମ୍ପିକ୍ସର ପୁରୁଷ ଏସ୍‌ଏଲ୍‌୩ ବ୍ୟାଡ୍‌ମିଣ୍ଟନ ଇଭେଣ୍ଟର ଫାଇନାଲ ମ୍ୟାଚ୍ ଜିତି ସ୍ବର୍ଣ୍ଣ ପଦକ ହାସଲ କରିବା ପରେ ଓଡ଼ିଆ ବ୍ୟାଡ୍‌ମିଣ୍ଟନ ଖେଳାଳି ପ୍ରମୋଦ ଭଗତ ଉତ୍ସବମୁଖର ନ ହୋଇ ସିଧା ଭାରତୀୟ ଦଳର ପ୍ରଶିକ୍ଷକ ଗୌରବ ଖାନ୍ନାଙ୍କ ପାଖକୁ ଦୌଡ଼ିଯାଇ ତାଙ୍କୁ ଆଲିଙ୍ଗନ କରିଥିଲେ। ପ୍ରମୋଦ ଏତେ ଖୁସି ହୋଇ ଯାଇଥିଲେ ଯେ ଗୌରବଙ୍କୁ ସେ ଆଲିଙ୍ଗନ କରି ଝୁଲି ପଡ଼ିଥିଲେ। ଗୌରବ କହିଛନ୍ତି ଯେ ଏହା ଅପ୍ରତ୍ୟାଶିତ ଥିଲା ଏବଂ ପ୍ରମୋଦ ଏପରି କରିବେ ବୋଲି ସେ ଆଦୌ ଆଶା କରି ନ ଥିଲେ। ପ୍ରମୋଦଙ୍କ ଏପରି ଆଚରଣ ତାଙ୍କୁ ବହୁତ ଖୁସି ଦେଇଥିଲା ବୋଲି ଭାରତୀୟ ଜାତୀୟ ବ୍ୟାଡ୍‌ମିଣ୍ଟନ ପ୍ରଶିକ୍ଷକ ଗୌରବ କହିଛନ୍ତି।