ଭୁବନେଶ୍ବର: ଗୋଟିଏ ପଟେ ରାଜ୍ୟରେ କୋରୋନାର ଦୈନିକ ସଂକ୍ରମଣ ୨ ହଜାର ତଳେ ରହୁଥିବାବେଳେ କିନ୍ତୁ ମୃତ୍ୟୁସଂଖ୍ୟା କମିବାର ନାଁ ଧରୁନି। ଗତକାଲି ରାଜ୍ୟରୁ ୧୧ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ଆଜି ଆଉ ୧୨ ଜଣଙ୍କ ମୃତ୍ୟୁ ହୋଇଛି। ଫଳରେ ଆଜିର ମୃତକଙ୍କୁ ମିଶାଇ ରାଜ୍ୟରେ କୋରୋନା ମୃତ୍ୟୁସଂଖ୍ୟା ୧୩୨୦ ହୋଇଛି। ତେବେ ସବୁଠାରୁ ଅକ୍ଟୋବର ମାସ ଘାତକ ସାଜିଛି। ଅକ୍ଟୋବର ୩୧ ଦିନରେ ୪୭୮ ଆକ୍ରାନ୍ତଙ୍କର ମୃତ୍ୟୁ ହୋଇଥିବା ସରକାରୀ ଭାବେ କୁହାଯାଇଛି। ତେବେ ସବୁଠାରୁ ଚିନ୍ତାର ବିଷୟ ପାଲଟିଛି ଖୋର୍ଦ୍ଧା ଜିଲ୍ଲା। ଜିଲ୍ଲାରେ ପ୍ରତିଦିନ ଏକାଧିକ ଆକ୍ରାନ୍ତଙ୍କର ମୃତ୍ୟୁ ହେଉଛି। ଆଜି ମୃତ୍ୟୁବରଣ କରିଥିବା ୧୨ ଜଣଙ୍କ ମଧ୍ୟରୁ ଖୋର୍ଦ୍ଧା ଓ ସୁନ୍ଦରଗଡ଼ ଜିଲ୍ଲାରୁ ସର୍ବାଧିକ ୩ ଜଣ ରହିଥିବା ବେଳେ କେନ୍ଦୁଝର ଜିଲ୍ଲାରୁ ୨ ଜଣଙ୍କର ମୃତ୍ୟୁ ହୋଇଛି। ସେହିପରି ଝାରସୁଗୁଡ଼ା, ପୁରୀ, ଗଞ୍ଜାମ ଓ ନୂଆପଡ଼ା ଜିଲ୍ଲାରେ ଜଣେ ଲେଖାଏଁ ଆକ୍ରାନ୍ତ ପ୍ରାଣ ହରାଇଥିବା ଜଣାପଡ଼ିଛି।
ଭୁବନେଶ୍ବର: ରାଜ୍ୟରେ କୋରୋନା ସ୍ଥିତିରେ ସାମାନ୍ୟ ସୁଧାର ଆସିଥିଲେ ମଧ୍ୟ ବିପଦ ଟଳିନାହିଁ। କାରଣ ରାଜ୍ୟରେ ରି-ଇନ୍ଫେକ୍ସନ ଆରମ୍ଭ ହୋଇଥିବା ଆଇଏସ୍ଏଲ୍ର ନିର୍ଦେଶକ ଅଜୟ ପରିଡ଼ା ସୂଚନା ଦେଇଛନ୍ତି। ଅନ୍ୟପକ୍ଷରେ ଆଗକୁ ଶୀତଋତୁ ଆସୁଥିବାରୁ ସଂକ୍ରମଣ ପୁଣି ଉପରମୁହାଁ ହେବା ନେଇ ବିଶେଷଜ୍ଞମାନେ ଆଶଙ୍କା ବ୍ୟକ୍ତ କରିବା ପରେ ଅଧିକ ସତର୍କ ରହିବା ପାଇଁ ଗତକାଲି ରାଜ୍ୟ ସରକାର ମଧ୍ୟ ପରାମର୍ଶ ଦେଇଛନ୍ତି। ଗତକାଲି ରାଜ୍ୟରୁ ୧୫୪୭ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ପୁଣି ଚିହ୍ନଟ ହୋଇଛନ୍ତି ୧୪୭୦ ଆକ୍ରାନ୍ତ। ତେବେ ଦୀର୍ଘଦିନ ପରେ ଖୋର୍ଦ୍ଧା ଜିଲ୍ଲାରେ ସଂକ୍ରମଣ ହ୍ରାସ ପାଇଛି। ଖୋର୍ଦ୍ଧା ଜିଲ୍ଲାରେ ଆଜି ସଂକ୍ରମଣ ୨ ଶହ ତଳକୁ ଖସିଛି। ସେହିପରି ଖୋର୍ଦ୍ଧାକୁ ଛାଡ଼ିଦେଲେ କଟକ ଓ ସୁନ୍ଦରଗଡ଼ ଜିଲ୍ଲାରେ ଶତକ ଡେଁଇଛି କୋରୋନା। ଆଜିର ଆକ୍ରାନ୍ତଙ୍କୁ ମିଶାଇ ଏହି ୩୧ ଦିନରେ ୭୦ ହଜାର ୯୯୭ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି କ୍ବାରେଣ୍ଟାଇନ୍ ସେଣ୍ଟର୍ରୁ ୮୫୩ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସ୍ଥାନୀୟ ସଂକ୍ରମଣ ୬୧୭ ରହିଛି। ଅନ୍ୟପକ୍ଷରେ ସଂକ୍ରମଣ ତୁଳନାରେ ସୁସ୍ଥ ରୋଗୀଙ୍କ ସଂଖ୍ୟା ବଢ଼ିବାରେ ଲାଗିଛି। ଫଳରେ ଚିକିତ୍ସାଧୀନ ରୋଗୀଙ୍କ ସଂଖ୍ୟା ମଧ୍ୟ କମିବାରେ ଲାଗିଛି। ଗତକାଲି ୧୮୦୦ ଆକ୍ରାନ୍ତ ସୁସ୍ଥ ହୋଇଥିବା ବେଳେ ଏବେ ରାଜ୍ୟରେ ମୋଟ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୧୪ ହଜାରକୁ ଚାଲି ଆସିଛି। ସେହିପରି ରାଜ୍ୟରେ ମୋଟ ସଂକ୍ରମଣ ସଂଖ୍ୟା ମଧ୍ୟ ୨.୯୦ ଲକ୍ଷ ଟପିଛି।
ଭୁବନେଶ୍ୱର: କୁଆଁର ପୁନେଇଁ ଜହ୍ନ ଗୋ…ଫୁଲ ବଉଳ ବେଣୀ। ସନ୍ଧ୍ୟା ହେଉ ହେଉ ଝିଅମାନେ ଏହି ଗୀତ ବୋଲିବେ। କିଏ ଗୀତ ଗାଇ ମୁରୁକି ହସି ଦେବ ତ ଆଉ କିଏ ଭୋକ ଉପସାରେ ଚାନ୍ଦ ମୁହଁକୁ ଟିକେ ଦେଖିବା ଲାଗି ଆଉଟୁ ପାଉଟୁ ହେଉଥିବ। ତୁଳସୀ ଚଉରା ମୂଳରେ କୁମାରୀ ଝିଅମାନଙ୍କ ମେଳରେ ଏହି ଓଷା ବଡ଼ ଧୁମ୍ଧାମରେ ପାଳିତ ହେବ। କାରଣ ଆଜି ହେଉଛି ପବିତ୍ର କୁମାର ପୂର୍ଣ୍ଣିମା। ଆଶ୍ବିନ ମାସ ପୂର୍ଣ୍ଣିମୀ ତିଥିରେ ଏହି ପର୍ବଟି ପାଳିତ ହୁଏ। ଏହି ପୂର୍ଣ୍ଣିମା ଶରତ ଋତୁରେ ପଡ଼ୁଥିବାରୁ କେତେକ ସ୍ଥାନରେ ଏହାକୁ ଶରତ ପୂର୍ଣ୍ଣିମା ମଧ୍ୟ କୁହାଯାଏ। ଏହିଦିନ ଜଗନ୍ମାତା ମା’ ଲକ୍ଷ୍ମୀ ଦେବୀଙ୍କର ଆରାଧନା କରାଯାଉଥିବାରୁ ଏହାକୁ ଗଜଲକ୍ଷ୍ମୀ ପୂଜା ମଧ୍ୟ କୁହାଯାଏ। ତେବେ ଗତକାଲିଠାରୁ ଧରାକୁ ଓହ୍ଲାଇଛନ୍ତି ଐଶ୍ବର୍ଯ୍ୟ ଦେବୀ ଗଜଲକ୍ଷ୍ମୀ। ନିରାଡ଼ମ୍ବର ଭାବେ ପାଳିତ ହେଉଛି ମା’ ଲକ୍ଷ୍ମୀଙ୍କ ପୂଜା।
ଭୁବନେଶ୍ବର: ଆଉ ୨ ଦିନ ପରେ ଉପନିର୍ବାଚନ। ସମୟ ଯେତିକି ପାଖେଇ ଆସୁଛି ନିର୍ବାଚନୀ ଉଷ୍ମତା ସେତିକି ବଢ଼ିବାରେ ଲାଗିଛି। ଶୁକ୍ରବାର ତିର୍ତ୍ତୋଲରେ ବିଜେପି ପାଇଁ ପ୍ରଚାର ମଇଦାନକୁ ଓହ୍ଲାଇଥିଲେ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ରୋଡ୍ ଶୋ’ କରି ଦଳୀୟ ପ୍ରାର୍ଥୀ ରାଜକିଶୋର ବେହେରାଙ୍କ ପାଇଁ ଜନତାଙ୍କ ଆଶୀର୍ବାଦ ଲୋଡ଼ିଥିଲେ। ତିର୍ତ୍ତୋଲ ନିର୍ବାଚନ ମଣ୍ଡଳିର ଶଙ୍ଖେଶ୍ୱର ହାଟ ପଡ଼ିଆ, ତିର୍ତ୍ତୋଲ ବଜାର, ରଘୁନାଥପୁର ବଜାର, ବିରିଡ଼ି ବଜାର, ବସନ୍ଦରା ଗାନ୍ଧି ଛକ ଏବଂ ମଙ୍ଗୁଳିର ବିଭିନ୍ନ ସ୍ଥାନରେ ଦଳୀୟ ପ୍ରାର୍ଥୀ ରାଜକିଶୋର ବେହେରାଙ୍କ ସମର୍ଥନରେ ପ୍ରଚାର କରିଥିଲେ। ଦୀର୍ଘ ଦୁଇ ଦଶନ୍ଧି ଧରି ଏହି ଅଞ୍ଚଳରେ ବିକାଶ ଠପ୍ ହୋଇଯାଇଛି। ତିର୍ତ୍ତୋଲରେ ସ୍ପିନିଂ ମିଲ ବନ୍ଦ, ଜମିକୁ ଜଳସେଚନ ସୁବିଧା ଯୋଗାଇ ଦିଆ ନ ଯିବା ଯୋଗୁ ଚାଷ ଜମିରେ ଫସଲ ହାନି, ଯୁବ ପିଢ଼ି ଙ୍କୁ ନିଯୁକ୍ତି ନାହିଁ, ସ୍ୱାସ୍ଥ୍ୟ ସେବା ନାହିଁ ଏହି ଅପାରଗତାକୁ ନେଇ ରାଜ୍ୟ ସରକାର ଯେଉଁ ଡିଣ୍ଡିମ ପିଟୁଛନ୍ତି ତାହାକୁ ସେ ତୀଵ୍ର ସମାଲୋଚନା କରିଥିଲେ। ଧର୍ମେନ୍ଦ୍ର କହିଥିଲେ, ବିକାଶର ଧାରା ଆରମ୍ଭ ହୋଇଛି। ପ୍ରିୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆତ୍ମନିର୍ଭରଶୀଳ ଯୋଜନାରେ ଏହି ଅଞ୍ଚଳ ହସିବା ଆରମ୍ଭ କରିବ। ଏଣୁ ଆମର ପ୍ରିୟ ପ୍ରାର୍ଥୀ ରାଜକିଶୋର ବେହେରାଙ୍କୁ ବିପୁଳ ଭୋଟ୍ରେ ବିଜୟ କରିବା ପାଇଁ ସେ ଜନସାଧାରଣଙ୍କୁ ନିବେଦନ କରିଥିଲେ। ଧର୍ମେନ୍ଦ୍ର ପ୍ରଥମେ ମା’ ଶାରଳା ମନ୍ଦିରକୁ ଯାଇ ସେଠାରେ ମାଙ୍କୁ ଦର୍ଶନ କରି ରୋଡ୍ ଶୋ’ କରିଥିଲେ।
ଇସ୍ତାନବୁଲ: ତୁର୍କୀ ଓ ଗ୍ରୀସରେ ବଡ଼ ଧରଣର ଭୂକମ୍ପ ଓ ସୁନାମୀ ଅନୁଭୂତ ହୋଇଛି। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୭ ବୋଲି କୁହାଯାଉଛି। ଫଳରେ ଦୁଇ ଦେଶରେ ଅନେକଗୁଡ଼ିଏ ପୁରୁଣା କୋଠାବାଡ଼ି ଭାଙ୍ଗିବା ସହ ୧୪ ଜଣଙ୍କ ପ୍ରାଣହାନି ହୋଇଥିଲା ବେଳେ ଶତାଧିକ ଲୋକ ଆହତ ହୋଇଛନ୍ତି। ପ୍ରାରମ୍ଭିକ ସୂଚନାନୁସାରେ ତୁର୍କୀରେ ୧୨ ଜଣଙ୍କର ଗ୍ରୀସରେ ୨ ଜଣଙ୍କର ମୃତ୍ୟୁ ଘଟିଛି। ଗ୍ରୀସରେ ଭୂକମ୍ପ ପ୍ରଭାବରେ ସୁନାମୀ ଆସି ଅନେକ କ୍ଷୟକ୍ଷତି କରିଛି। ମାତ୍ର ରିପୋର୍ଟ ଲେଖାଯିବା ପର୍ଯନ୍ତ ଭୂକମ୍ପ ଓ ସୁନାମୀ ପାଇଁ ୨ ଦେଶରେ କେତେ ଜୀବନହାନି କ୍ଷ କ୍ଷତି ହୋଇଛି, ତାହା ଜଣାପଡ଼ି ନାହିଁ। ତୁର୍କୀ ପ୍ରାକୃତିକ ବିପର୍ଯ୍ୟୟ ବିଭାଗ ପକ୍ଷରୁ ଏହି ବିବୃତି ଦିଆଯାଇଛି। ମାତ୍ର ମୃତାହତ ସଂଖ୍ୟା ଆଗକୁ ବଢ଼ିବ ବୋଲି ମଧ୍ୟ ଆଶଙ୍କା କରାଯାଇଛି। ଭଗ୍ନସ୍ତୁପ ଭିତରେ ଫସି ରହିଥିବା ଲୋକଙ୍କୁ ଯୁଦ୍ଧକାଳୀନ ଭତ୍ତିରେ ଉଦ୍ଧାର କରି ମେଡିକାଲ ପହଞ୍ଚାଇବା କାର୍ଯ୍ୟ ଜାରି ରହିଛି। ଦେଶର ସେନାବାହିନୀ ଠାରୁ ଆରମ୍ଭ କରି ସାଧାରଣ ଲୋକେ ମଧ୍ୟ ଉଦ୍ଧାର କାର୍ଯ୍ୟରେ ଲାଗି ପଡ଼ିଛନ୍ତି। ୨୫ରୁ ୩୦ ସେକେଣ୍ଡର ଏହି ଭୂକମ୍ପରେ ଗ୍ରୀସବାସୀ ଭୟଭୀତ ହୋଇଯାଇଛନ୍ତି।
ଅବୁ ଧାବୀ: ଚଳିତ ଆଇପିଏଲର ୫୦ତମ ମ୍ୟାଚରେ ରାଜସ୍ଥାନ ରୟାଲ୍ସ ୭ ୱିକେଟରେ କିଙ୍ଗସ ଏକାଦଶ ପଞ୍ଜାବକୁ ପରାସ୍ତ କରିଛି। ଫଳରେ ପଞ୍ଜାବ ଏହି ମ୍ୟାଚ ଜିତି ପ୍ଲେ ଅଫ ସକାଶେ ସିଧସାଳଖ ଯୋଗ୍ୟତା ନେଇ ଥିବା ସୁଯୋଗ ହାତଛଡ଼ା କରିଛି। ଅନ୍ୟପକ୍ଷରେ ପ୍ଲେ-ଅଫ ଆଶା ଉଜ୍ଜୀବିତ ସକାଶେ ରାଜସ୍ଥାନ ଏହି ମ୍ୟାଚରେ ନିଶ୍ଚିତ ବିଜୟ ଦରକାର କରୁଥିଲା ବେଳେ ତାହା ପୂରଣ କରିଛି। ବର୍ତ୍ତମାନ ସ୍ଥିତିରେ ଗୋଟିଏ ଲେଖାଏଁ ଲିଗ ମ୍ୟାଚ ବାକି ଥାଇ କୋଲକାତା, ରାଜସ୍ଥାନ ଓ ପଞ୍ଜାବ ପ୍ରତେକ ୧୨ ପଏଣ୍ଟ ଲେଖାଏଁ ପାଇଥିବାରୁ ଏମାନଙ୍କ ମଧ୍ୟରୁ କିଏ ପ୍ଲେ ଅଫ ପାଇଁ ଯୋଗ୍ୟତା ହାସଲ କରିବ, ତାହା ଶେଷ ଲିଗ ମ୍ୟାଚ ପରେ ସ୍ପଷ୍ଟ ହେବ। ଟେବଲ ଟପ୍ପର ମୁମ୍ବାଇ ୧୬ ପଏଣ୍ଟ ପାଇ ପ୍ଲେ ଅଫ ଯୋଗ୍ୟତା ନିଶ୍ଚିତ କରିଥିଲା ବେଳେ ନମ୍ବର ୨ ଉପରେ ଉଭୟ ବାଙ୍ଗାଲୋର ଓ ଦିଲ୍ଲୀ କ୍ୟାପିଟାଲ୍ସ ନଜର ରଖିଛନ୍ତି।
ନୂଆଦିଲ୍ଲୀ: ସୋସାଲ ମିଡିଆରେ ପୋଷ୍ଟିଂ ପାଇଁ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇ ପାରିବ ନାହିଁ ବୋଲି ସ୍ପଷ୍ଟ କରିଛନ୍ତି ସୁପ୍ରିମକୋର୍ଟ। ଜଷ୍ଟିସ ଡି.ୱାଇ.ଚନ୍ଦ୍ରଚୂଡ଼ ଓ ଜଷ୍ଟିସ ଇନ୍ଦିରା ବାନାର୍ଜୀଙ୍କୁ ନେଇ ଗଠିତ ଦୁଇ ଜଣିଆ ଖଣ୍ଡପୀଠ ଦିଲ୍ଲୀର ଜଣେ ମହିଳାଙ୍କ ପିଟିସନ ଆଧାରରେ ଏପରି ନିର୍ଦେଶନାମା ଜାରି କରିଛନ୍ତି। ଏଠାରେ ସୂଚନାଯୋଗ୍ୟ ଯେ ଦିଲ୍ଲୀର ଜଣେ ମହିଳା ସୋସାଲ ମିଡିଆରେ ପୋଷ୍ଟ କରି ବେଙ୍ଗଲ ସରକାରକୁ ଲକଡାଉନ ପାଳନ ଠିକ ଭାବେ କରାଯାଉନି ବୋଲି କହି ସମାଲେଚନା କରିଥିଲେ। ଆଉ ଏହା ପରଠାରୁ ସମ୍ପୃକ୍ତ ମହିଳାଙ୍କ ପାଖକୁ କୋଲକାତା ପୋଲିସ ବାରମ୍ବାର ନୋଟିସ ପଠାଇବା ସହ ବ୍ୟକ୍ତିଗତ ଭାବେ ହାଜର ହୋଇ ପକ୍ଷ ରଖିବାକୁ ନିର୍ଦେଶ ଦେଉଥିଲା। ଆଉ ଏହାକୁ ଚ୍ୟାଲେଞ୍ଜ କରି ସମ୍ପୃକ୍ତ ମହିଳା ସୁପ୍ରିମକୋର୍ଟଙ୍କ ଦ୍ବାରସ୍ଥ ହେବା ପରେ ଦୁଇ ଜଣିଆ ଖଣ୍ଡପୀଠ ଏହାର ଶୁଣାଣି କରି ବେଙ୍ଗଲ ସରକାରଙ୍କୁ ଭର୍ତ୍ସନା କରିଛନ୍ତି।
ଇସଲାମାବାଦ: ଜମ୍ମୁ-କଶ୍ମୀର ପୁଲୱାମା ଆକ୍ରମଣକୁ ପାକିସ୍ତାନର ଏକ ବଡ଼ ସଫଳତା କହି ମାନିଛନ୍ତି ଦେଶର ମନ୍ତ୍ରୀ ଫୱାଦ ଚୌଧୁରୀ। ଇମ୍ରାନ ଖାନଙ୍କ ମନ୍ତ୍ରିମଣ୍ଡଳରେ କ୍ୟାବିନେଟ ମନ୍ତ୍ରୀ ଭାବେ କାମ କରୁଥିବା ଫୱାଦ ଚୌଧୁରୀ ଏହା ପୁଣି ଦେଶର ନ୍ୟାସନାଲ ଆସେମ୍ବଲିରେ କହିଛନ୍ତି। ଦେଶର ତମାମ ବିରୋଧୀଦଳ ଇମ୍ରାନ ହଟାଓ ଅଭିଯାନକୁ ଜୋରଦାର କରିଥିଲା ବେଳେ ସରକାରଙ୍କ ବାହାବା କଥା କହିବାକୁ ଯାଇ ଫୱାଦ ପୁଲୱାମା ସଫଳତା କଥା କହି ନିଜ ଗୋଡ଼ରେ କୁରାଢ଼ି ମାରିଛନ୍ତି। କାରଣ ଭାରତ ସରକାର ପୁଲୱାମା ଆକ୍ରମଣ ପଛରେ ପାକିସ୍ତାନର ହାତ ରହିଛି ବୋଲି ଅନ୍ତର୍ଜାତୀୟ ରାଷ୍ଟ୍ର ସମୂହକୁ ଅବଗତ କରାଇ ଆସୁଥିଲା ବେଳେ ପାକିସ୍ତାନ ସରକାର ଏହାର ପ୍ରମାଣ ଦେବାକୁ କହି ଭାରତୀୟ ଆରୋପକୁ ପ୍ରତ୍ୟାଖ୍ୟାନ କରି ଆସୁଥିଲେ। ହେଲେ ଦେଶର ଜଣେ କ୍ୟାବିନେଟ ନ୍ୟାସନାଲ ଆସେମ୍ବଲିରେ ଏହା କହିବା ପରେ ପାକିସ୍ତାନର ଅସଲ ଚେହେରା ପଦାକୁ ଆସିଛି।
ଭୁବନେଶ୍ବର: ଗୋଟିଏ ପଟେ ରାଜ୍ୟରେ କୋରୋନାର ଦୈନିକ ସଂକ୍ରମଣ ୨ ହଜାର ତଳେ ରହୁଥିବାବେଳେ କିନ୍ତୁ ମୃତ୍ୟୁସଂଖ୍ୟା କମିବାର ନାଁ ଧରୁନି। ଗତକାଲି ରାଜ୍ୟରୁ ୧୨ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ଆଜି ଆଉ ୧୧ ଜଣଙ୍କ ମୃତ୍ୟୁ ହୋଇଛି। ଫଳରେ ଆଜିର ମୃତକଙ୍କୁ ମିଶାଇ ରାଜ୍ୟରେ କୋରୋନା ମୃତ୍ୟୁସଂଖ୍ୟା ୧୩ ଶହ ଡେଇଁଛି। ତେବେ ସବୁଠାରୁ ଅକ୍ଟୋବର ମାସ ଘାତକ ସାଜିଛି। ଅକ୍ଟୋବର ୩୦ ଦିନରେ ୪୬୬ ଆକ୍ରାନ୍ତଙ୍କର ମୃତ୍ୟୁ ହୋଇଥିବା ସରକାରୀ ଭାବେ କୁହାଯାଇଛି। ତେବେ ସବୁଠାରୁ ଚିନ୍ତାର ବିଷୟ ପାଲଟିଛି ଖୋର୍ଦ୍ଧା ଜିଲ୍ଲା। ଜିଲ୍ଲାରେ ପ୍ରତିଦିନ ଏକାଧିକ ଆକ୍ରାନ୍ତଙ୍କର ମୃତ୍ୟୁ ହେଉଛି। ଆଜି ମୃତ୍ୟୁବରଣ କରିଥିବା ୧୧ ଜଣଙ୍କ ମଧ୍ୟରୁ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୩ ଜଣ ରହିଥିବା ବେଳେ କଟକ ଜିଲ୍ଲାରୁ ୨ ଜଣଙ୍କର ମୃତ୍ୟୁ ହୋଇଛି। ସେହିପରି ଅନୁଗୁଳ, ଗଞ୍ଜାମ, ଝାରସୁଗୁଡ଼ା, କନ୍ଧମାଳ, ନୂଆପଡ଼ା ଓ ରାୟଗଡ଼ା ଜିଲ୍ଲାରୁ ଜଣେ ଲେଖାଏଁ କୋରୋନା ଆକ୍ରାନ୍ତଙ୍କର ମୃତ୍ୟୁ ହୋଇଛି।
ଭୁବନେଶ୍ବର: ରାଜ୍ୟରେ କୋରୋନା ସ୍ଥିତିରେ ସାମାନ୍ୟ ସୁଧାର ଆସିଥିଲେ ମଧ୍ୟ ବିପଦ ଟଳିନାହିଁ। କାରଣ ଆଗକୁ ଶୀତଋତୁ ଆସୁଥିବାରୁ ସଂକ୍ରମଣ ପୁଣି ଉପରମୁହାଁ ହେବା ନେଇ ବିଶେଷଜ୍ଞମାନେ ଆଶଙ୍କା ବ୍ୟକ୍ତ କରୁଛନ୍ତି। ଗତକାଲି ରାଜ୍ୟରୁ ୧୬୧୭ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ପୁଣି ଚିହ୍ନଟ ହୋଇଛନ୍ତି ୧୫୪୭ ଆକ୍ରାନ୍ତ। ତେବେ ଦୀର୍ଘଦିନ ପରେ ଖୋର୍ଦ୍ଧା ଜିଲ୍ଲାରେ ସଂକ୍ରମଣ ହ୍ରାସ ପାଇଛି। ଖୋର୍ଦ୍ଧା ଜିଲ୍ଲାରେ ଆଜି ସଂକ୍ରମଣ ୨ ଶହ ତଳକୁ ଖସିଛି। ସେହିପରି ଖୋର୍ଦ୍ଧାକୁ ଛାଡ଼ିଦେଲେ ଅନ୍ୟ କୌଣସି ଜିଲ୍ଲାରେ ଶତକ ଡେଁଇନି କୋରୋନା। ଆଜିର ଆକ୍ରାନ୍ତଙ୍କୁ ମିଶାଇ ଏହି ୩୦ ଦିନରେ ୬୯ ହଜାର ୫୨୭ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି କ୍ବାରେଣ୍ଟାଇନ୍ ସେଣ୍ଟର୍ରୁ ୮୯୧ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସ୍ଥାନୀୟ ସଂକ୍ରମଣ ୬୫୬ ରହିଛି। ଅନ୍ୟପକ୍ଷରେ ସଂକ୍ରମଣ ତୁଳନାରେ ସୁସ୍ଥ ରୋଗୀଙ୍କ ସଂଖ୍ୟା ବଢ଼ିବାରେ ଲାଗିଛି। ଫଳରେ ଚିକିତ୍ସାଧୀନ ରୋଗୀଙ୍କ ସଂଖ୍ୟା ମଧ୍ୟ କମିବାରେ ଲାଗିଛି। ଗତକାଲି ୧୯୦୮ ଆକ୍ରାନ୍ତ ସୁସ୍ଥ ହୋଇଥିବା ବେଳେ ଏବେ ରାଜ୍ୟରେ ମୋଟ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୧୫ ହଜାରକୁ ଚାଲି ଆସିଛି। ସେହିପରି ରାଜ୍ୟରେ ମୋଟ ସଂକ୍ରମଣ ସଂଖ୍ୟା ମଧ୍ୟ ୨.୮୮ ଲକ୍ଷ ଟପିଛି।
ପୁରୀ: ରବିବାରଠାରୁ ଆରମ୍ଭ ହେବ କାର୍ତ୍ତିକ ମାସ। ତେବେ ଏହା ପୂର୍ବରୁ ଶ୍ରୀମନ୍ଦିରରେ ଆରମ୍ଭ ହୋଇଗଲାଣି କାର୍ତ୍ତିକ ବ୍ରତ। ପ୍ରତିଦିନ ରାଧାଦାମୋଦର ବେଶରେ ସଜେଇ ହେଉଛନ୍ତି ଶ୍ରୀଜୀଉ। ତେବେ ପବିତ୍ର କାର୍ତ୍ତିକ ମାସରେ ଶ୍ରୀଜିଉଙ୍କୁ ପୂଜାର୍ଚ୍ଚନା କରିବା ସହ ମୋକ୍ଷ ପ୍ରାପ୍ତି ଉଦ୍ଦେଶ୍ୟରେ ହବିଷ ବ୍ରତ ପାଳନ କରିଥାନ୍ତି ହବିଷ୍ୟାଳୀ। ପ୍ରତିବର୍ଷ କାର୍ତ୍ତିକ ମାସରେ ବହୁ ସଂଖ୍ୟାରେ ହବିଷ୍ୟାଳୀଙ୍କ ଭିଡ଼ ହୋଇଥାଏ ଶ୍ରୀକ୍ଷେତ୍ରରେ। ତେବେ ଚଳିତ ବର୍ଷ କୋରୋନା ପାଇଁ ସବୁ ଫିକା ପଡ଼ିଛି। ଏଭଳି ପରିସ୍ଥିତିରେ ପୁରୀ ନ ଆସିବାକୁ ହବିଷ୍ୟାଳୀଙ୍କୁ ଅନୁରୋଧ କରିଛି ପୁରୀ ଜିଲ୍ଲା ପ୍ରଶାସନ। କୋରୋନା ମହାମାରୀ ଦୃଷ୍ଟିରୁ ପୁରୀ ନ ଆସିବାକୁ ଅନୁରୋଧ କରିଛି ପୁରୀ ପ୍ରଶାସନ। ପୁରୀ ନ ଆସି ନିଜ ନିଜ ଘରେ ରହି କାର୍ତ୍ତିକ ବ୍ରତ କରିବାକୁ ଅନୁରୋଧ କରାଯାଇଛି। ଏବର୍ଷ ପୁରୀରେ ହବିଷ୍ୟାଳୀ ଶିବିର ନ କରିବାକୁ ମଧ୍ୟ ପ୍ରଶାସନ ପକ୍ଷରୁ ନିଷ୍ପତ୍ତି ହୋଇଛି।
ଭୁବନେଶ୍ୱର: ଆଉ ୪ ଦିନ ପରେ ଭୋଟ୍। ବାଲେଶ୍ବର ସଦର ଓ ତିର୍ତ୍ତୋଲ ବିଧାନସଭା ଆସନ ପାଇଁ ଆସନ୍ତା ୩ ତାରିଖରେ ହେବ ଉପନିର୍ବାଚନ। ଏଥିପାଇଁ ଜୋରଦାର୍ ହୋଇଛି ପ୍ରଚାର। ତିନି ପ୍ରମୁଖ ରାଜନୈତିକ ଦଳ ପ୍ରଚାରକୁ ଜୋର୍ଦାର କରିଛନ୍ତି। ଏହି ପରିପ୍ରେକ୍ଷୀରେ ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ୍ ମାଧ୍ୟମରେ ତିର୍ତ୍ତୋଲରେ ପ୍ରଚାର କରିଥିବା ବେଳେ ଗୁରୁବାର ବାଲେଶ୍ବରରେ ପ୍ରଚାର କରିଛନ୍ତି। ଭର୍ଚୁଆଲ୍ କ୍ୟାମ୍ପେନ୍ ମାଧ୍ୟମରେ ବିଜେଡି ସୁପ୍ରମୋ ନବୀନ ପଟ୍ଟନାୟକ ଦଳୀୟ ପ୍ରାର୍ଥୀ ସ୍ୱରୁପ ଦାସଙ୍କ ଲାଗି ପ୍ରଚାର କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତ, ଆପଣମାନେ ବିଜେଡିକୁ ଭୋଟ୍ ଦିଅନ୍ତୁ। ବାଲେଶ୍ବର ବିକାଶ ମୋ ଦାୟିତ୍ବ। ବିଜେପୁର ପରି ବାଲେଶ୍ୱର ଦାୟିତ୍ୱ ମୁଁ ବ୍ୟକ୍ତିଗତ ଭାବେ ନେବି। ବାଲେଶ୍ବର ବିକାଶକୁ ପରବର୍ତ୍ତୀ ସ୍ତରକୁ ନିଆଯିବ, ବାଲେଶ୍ବର ପ୍ରତି ସ୍ବତନ୍ତ୍ର ଧ୍ୟାନ ଦିଆଯିବ ବୋଲି କହି ଏଭଳି ଢଙ୍ଗରେ ଭୋଟ ଭିକ୍ଷା କରିଛନ୍ତି ନବୀନ।
ତରୈୟା/ଭୁବନେଶ୍ୱର: କଂଗ୍ରେସର ଶାସନ କାଳରେ ବିହାରର ତିଳେମାତ୍ର ବିକାଶ ହୋଇନାହିଁ ବୋଲି ଗୁରୁବାର ବିହାରରେ ଦ୍ୱିତୀୟ ପର୍ଯ୍ୟାୟ ନିର୍ବାଚନୀ ପ୍ରଚାର କରିବା ଅବସରରେ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ବିହାରର ତରୈୟା, ମଧୁବନ, ରୋସଡ଼ା ଓ ପିପରାର ବିଭିନ୍ନ ଅଞ୍ଚଳରେ ନିର୍ବାଚନୀ ପ୍ରଚାର କରିବା ଅବସରରେ ଧର୍ମେନ୍ଦ୍ର କହିଛନ୍ତି, ବିହାରର ଜନତା ସଚେତନ ଅଛନ୍ତି। ଦେଶ ଏବଂ ବିହାରକୁ ନିଜର ଜାଗୀର ଭାବୁଥିବା ଜଙ୍ଗଲ ରାଜର ଯୁବରାଜ ଏବଂ କଂଗ୍ରେସର ଯୁବରାଜ ବିହାରରେ ନିର୍ବାଚନ ପ୍ରଚାର କରୁଛନ୍ତି। ତେବେ ବିହାରବାସୀ ଜଙ୍ଗଲରାଜ ନୁହେଁ ବରଂ ମୋଦି ଓ ନୀତିଶଙ୍କ ପରି ଏକ ମଜବୁତ୍ ଓ ପ୍ରଗତିଶୀଳ ସରକାର ଚାହୁଁଛନ୍ତି ବୋଲି ସେ କହିଛନ୍ତି।
ଦୁବାଇ: ଆଇପିଏଲର ୪୯ତମ ମ୍ୟାଚରେ ଚେନ୍ନାଇ ସୁପରକିଙ୍ଗସ ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କ ବିସ୍ଫୋରକ ୩୧ ରନ ବଳରେ କୋଲାକାତା ନାଇଟ ରାଇଡର୍ସକୁ ୬ ୱିକେଟରେ ପରାସ୍ତ କରିଛି। ଶେଷ ଦୁଇ ଓଭରରେ ଜାଡେଜା ବିସ୍ଫୋରକ ବ୍ୟାଟିଂ ଜରିଆରେ ମାତ୍ର ୧୧ଟି ବଲରୁ ୩ଟି ଛକା ଓ ୨ଟି ଚୌକା ଜରିଆରେ ଅପରାଜିତ ୩୧ ରନ କରି ଦଳକୁ ୪ ୱିକେଟରେ ୧୭୮ ରନରେ ପହଞ୍ଚାଇ ଶେଷ ବଲରେ ବିଜୟୀ କରାଇଥିଲେ। ପ୍ଲେ-ଅଫରୁ ବାଦ ପଡ଼ିଥିବା ଚେନ୍ନାଇ ପକ୍ଷରୁ ଋତୁରାଜ ଗାଏକ୍ବାଡ ୫୩ଟି ବଲରୁ ସର୍ବାଧିକ ୭୨ ରନ କରି ଦଳକୁ ବିଜୟ ପଥେ ବାଟ କଢ଼ାଇବାରେ ଉଲ୍ଲେଖନୀୟ ଭୂମିକା ଗ୍ରହଣ କରିଥିଲେ। ଅମ୍ବାତି ରାୟୁଡୁ ୩୮ ରନ କରିଥିଲା ବେଳେ ଅଧିନାୟକ ଧୋନି ମାତ୍ର ୧ ରନ କରି ବରୁଣ ଚକ୍ରବର୍ତ୍ତୀଙ୍କ ବଲରେ ବୋଲ୍ଡ ହୋଇଥିଲେ। ଦାୟିତ୍ୱବାନ ବ୍ୟାଟିଂ ପାଇଁ ଗାଏକ୍ବାର୍ଡ ମ୍ୟାନ ଅଫ ଦ ମ୍ୟାଚ ହୋଇଛନ୍ତି।
ଭୁବନେଶ୍ବର: ଗୋଟିଏ ପଟେ ରାଜ୍ୟରେ କୋରୋନାର ଦୈନିକ ସଂକ୍ରମଣ ୨ ହଜାର ତଳେ ରହୁଥିବାବେଳେ କିନ୍ତୁ ମୃତ୍ୟୁସଂଖ୍ୟା କମିବାର ନାଁ ଧରୁନି। ଗତକାଲି ରାଜ୍ୟରୁ ୧୨ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ଆଜି ଆଉ ୧୩ ଜଣଙ୍କ ମୃତ୍ୟୁ ହୋଇଛି। ଫଳରେ ଆଜିର ମୃତକଙ୍କୁ ମିଶାଇ ରାଜ୍ୟରେ କୋରୋନା ମୃତ୍ୟୁ ୧୨୯୭ ହୋଇଛି। ଏଥିସହ ଅକ୍ଟୋବର ୨୯ ଦିନରେ ୪୫୫ ଆକ୍ରାନ୍ତଙ୍କର ମୃତ୍ୟୁ ହୋଇଥିବା ସରକାରୀ ଭାବେ କୁହାଯାଇଛି। ତେବେ ସବୁଠାରୁ ଚିନ୍ତାର ବିଷୟ ପାଲଟିଛି ଖୋର୍ଦ୍ଧା ଜିଲ୍ଲା। ଜିଲ୍ଲାରେ ପ୍ରତିଦିନ ଏକାଧିକ ଆକ୍ରାନ୍ତଙ୍କର ମୃତ୍ୟୁ ହେଉଛି। ଆଜି ମୃତ୍ୟୁବରଣ କରିଥିବା ୧୩ ଜଣଙ୍କ ମଧ୍ୟରୁ ଖୋର୍ଦ୍ଧା, କଟକ, ନୂଆପଡ଼ା, ଅନୁଗୁଳ ଓ ବାଲେଶ୍ବର ଜିଲ୍ଲାରୁ ୨ ଜଣ ଲେଖାଏଁ ଆକ୍ରାନ୍ତଙ୍କର ମୃତ୍ୟୁ ହୋଇଛି। ସେହିପରି କେନ୍ଦୁଝର, ଜଗତ୍ସିଂହପୁର ଓ ସମ୍ବଲପୁର ଜିଲ୍ଲାରୁ ଜଣେ ଲେଖାଏଁ ଆକ୍ରାନ୍ତ ପ୍ରାଣ ହରାଇଥିବା ଜଣାପଡ଼ିଛି।
ଅଧିକ ଦେଖନ୍ତୁ
