ଅପରାଧ

ମିଆଁମାରରେ ନରସଂହାର: ସୁରକ୍ଷାକର୍ମୀଙ୍କ ଗୁଳିରେ ୧୮ ମୃତ

ମିଆଁମାରରେ ନରସଂହାର ଘଟି ୧୮ ଜଣ ଲୋକଙ୍କ ଜୀବନ ଯାଇଛି। ଏଥିସହିତ ୩୦ରୁ ଊର୍ଦ୍ଧ୍ବ ଲୋକ ଆହତ ହୋଇଥିବା ନେଇ ସୂଚନା ଆସିଛି। ଅଙ୍ଗ ସାନ ସୁ କୀଙ୍କ ନିର୍ବାଚିତ ସରକାରକୁ ଗତ ଫେବ୍ରୁଆରୀ ୧ ତାରିଖରେ ଦେଶର ସେନାବାହିନୀ ଗାଦିଚ୍ୟୁତ କରିବା ପରେ ଦେଶର ଅସନ୍ତୁଷ୍ଟ ଜନସାଧାରଣ ରାଜରାସ୍ତାକୁ ଓହ୍ଲାଇଛନ୍ତି। ପ୍ରତିଦିନ କୌଣସି ନା କୌଣସି ଠାରେ ଜନତାନିର୍ବାଚିତ ସରକାରକୁ ଫୁଣି ଥରେ ଫେରାଇ ଆଣିବା ଦାବିରେ ଆନ୍ଦୋଳନ ଜାରି ରଖିଛନ୍ତି। ତେବେ ଆନ୍ଦୋଳନ ଶାନ୍ତିପୂର୍ଣ୍ଣ ରହିଥିଲା ବେଳେ ସୁରକ୍ଷାକର୍ମୀ ରବିବାର ସେମାନଙ୍କ ଉପରକୁ ଗୁଳିଚାଳନା କରିବାରୁ ୧୮ ଜଣଙ୍କ ପ୍ରାଣହାନି ଘଟିଛି। ୟାଙ୍ଗୁନ, ଦାୱଇ, ମଣ୍ଡାଲୟା, ମୈକ, ବାଗୋ ଓ ପୋକକୁ ସହରରେ ଆନ୍ଦୋଳନକାରୀ ଶାନ୍ତିପୂର୍ଣ୍ଣ ଭାବେ ବିକ୍ଷୋଭ କରୁଥିଲା ବେଳେ ସୁରକ୍ଷାକର୍ମୀ ସେମାନଙ୍କୁ ଛତ୍ରଭଙ୍ଗ କରାଇବା ପାଇଁ ଗୁଳିଚାଳନା କରିଥିବା ପ୍ରତ୍ୟକ୍ଷଦର୍ଶୀ କହିଛନ୍ତି।

ପାକିସ୍ତାନରେ ଅଜଣା ବନ୍ଧୁକଧାରୀ ନେଲେ ମୌଲବୀଙ୍କ ସମେତ ୩ ଜୀବନ

ପାକିସ୍ତାନ ରାଜଧାନୀ ଇସଲାମାବାଦର ଉପକଣ୍ଠରେ ଶନିବାର ବିଳମ୍ବିତ ରାତି ଏକ ଅଭାବନୀୟ ଘଟଣା କ୍ରମେ ୩ ଜଣ ଲୋକଙ୍କ ଜୀବନ ଯାଇଛି। ଅଜଣା ଆତତାୟୀ ଆଖିବୁଜା ଗୁଳି ଚଳାଇବା ଫଳରେ ଏହି ୩ ଜଣଙ୍କ ପ୍ରାଣବାୟୁ ଉଡ଼ିଯାଇଛି। ମୃତକମାନଙ୍କ ମଧ୍ୟରେ ଜଣେ ମୌଲବୀ ରହିଥିବା ବେଳେ ଅନ୍ୟ ଦୁଇ ଜଣଙ୍କ ମଧ୍ୟରୁ ଜଣେ ଉକ୍ତ ମୌଲବୀଙ୍କ କୁନି ପୁତ୍ର ଏବଂ ଆର ଜଣକ ଛାତ୍ର ବୋଲି ଜଣାପଡ଼ିଛି। ଶନିବାର ବିଳମ୍ବିତ ରାତିରେ ମୌଲବୀ ଜଣକ ନିଜର ୧୩ ବର୍ଷର ପୁଅ ଓ ଅନ୍ୟ ଜଣେ ଛାତ୍ରଙ୍କ ସହ କାର୍ ନିକଟକୁ ଯାଉଥିବା ବେଳେ ଅଚାନକ ୩ ଜଣ ଆତତାୟୀ ସେମାନଙ୍କ ଉପରକୁ ଗୁଳି ଚଳାଇଥିଲେ। ଏଥିରେ ୩ ଜଣଯାକ ଗୁରୁତର ଭାବେ ଆହତ ହୋଇଥିଲେ। ଗୁଳିମାଡ଼ କରି ଉକ୍ତ ଆତତାୟୀମାନେ ଘଟଣାସ୍ଥଳରୁ ତୁରନ୍ତ ଫେରାର ହୋଇଯାଇଥିଲେ। ଆହତ ତିନି ଜଣଙ୍କୁ ଡାକ୍ତରଖାନା ନିଆଯାଇଥିଲେ ହେଁ ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।

ବାଜ୍ୟାପ୍ତି ହେବ ସିସୋରର ୬୫୦ କୋଟିର ସମ୍ପତ୍ତି
ନୀରବ ମୋଦୀଙ୍କୁ ଝଟକା: ପ୍ରତ୍ୟର୍ପଣ ନିର୍ଦେଶ ଦେଲେ ବ୍ରିଟେନ କୋର୍ଟ

ହଜାର ହଜାର କୋଟି ଟଙ୍କାର ବ୍ୟାଙ୍କ୍ ଋଣ ପଇଠ ନ କରି ଫେରାର୍ ହୋଇଯାଇଥିବା ବିଶିଷ୍ଟ ହୀରା ବ୍ୟବସାୟୀ ନୀରବ ମୋଦୀଙ୍କୁ ଗୁରୁବାର ଜବରଦସ୍ତ ଝଟକା ଲାଗିଛି। କାରଣ ବ୍ରିଟେନ କୋର୍ଟ ଏହି ପଳାତକ ଘୋଷିତ ବ୍ୟବସାୟୀଙ୍କୁ ଭାରତ ପ୍ରତ୍ୟର୍ପଣ ପାଇଁ ରହିଥିବା ଶେଷ ବାଧାକୁ ଦୂର କରିଦେଇଛନ୍ତି। ପଞ୍ଜାବ ନ୍ୟାସନାଲ୍ ବ୍ୟାଙ୍କ୍ (ପିଏନବି)ରୁ ହଜାର ହଜାର କୋଟି ଟଙ୍କା ଠକିନେଇଥିବା ନୀରବ ଏହି ମାମଲାରେ ୱାଣ୍ଟେଡ ଅଛନ୍ତି। ଗୁରୁବାର ଏହି ମାମଲାର ବିଚାର ବେଳେ ବିଚାରପତି ସାମୁଏଲ୍ ଗୁଜି କହିଛନ୍ତି ଯେ ନୀରବଙ୍କ ବିରୋଧରେ କୋର୍ଟରେ ଯାହା ସବୁ ତଥ୍ୟ ଦାଖଲ ହୋଇଛି, ସେଥିରେ ସେ ବେଶ୍ ସନ୍ତୁଷ୍ଟ। ଏହି ତଥ୍ୟ ନୀରବ ମନି ଲଣ୍ଡରିଂ ବିବାଦରେ ସାମିଲ୍ ଥିବାର ପ୍ରମାଣ ମିଳିଛି ବୋଲି ବିଚାରପତି କହିଛନ୍ତି। ଏଥିସହ ବିଚାରପତି ଗୁଜି ତାଙ୍କ ନିର୍ଦେଶନାମାର ଏକ ନକଲ ବ୍ରିଟେନ ବିଦେଶ ସଚିବ ପ୍ରୀତି ପଟେଲଙ୍କ ନିକଟକୁ ପଠାଇଦେବେ ବୋଲି ମଧ୍ୟ କହିଛନ୍ତି।

ଗିରଫ ହୋଇପାରନ୍ତି ଟିକାୟତ, ୯ ବର୍ଷ ତଳ ମାମଲାରେ ପରୱାନା ଜାରି

ସମ୍ପ୍ରତି ରାଜଧାନୀ ଦିଲ୍ଲୀ ସୀମାବର୍ତ୍ତୀ ଅଞ୍ଚଳରେ ଚାଲିଥିବା ଚାଷୀ ଆନ୍ଦୋଳନ ସହ ଜଡ଼ିତ ଭାରତୀୟ କିସାନ୍ ୟୁନିଅନ (ବିକେୟୁ)ର ନେତା ରାକେଶ ସିଂ ଟିକାୟତ ଗିରଫ ହୋଇପାରନ୍ତି। କାରଣ ତାଙ୍କ ବିରୋଧରେ ୯ ବର୍ଷ ତଳର ଏକ ମାମଲାରେ ମଧ୍ୟ ପ୍ରଦେଶ କୋର୍ଟ ଗିରଫ ପରୱାନା ଜାରି କରିଛନ୍ତି। ମଧ୍ୟ ପ୍ରଦେଶର ଅନୁପ୍ପୁର୍ ଜିଲ୍ଲାରେ ଗତ ୨୦୧୨ରେ ଟିକାୟତଙ୍କ ବିରୋଧରେ ଏକ ହତ୍ୟା ଓ ଦଙ୍ଗା ସୃଷ୍ଟି ଉଦ୍ୟମ ନେଇ ଅଭିଯୋଗ ରହିଛି। ଏହି ମାମଲାରେ ଗୁରୁବାର ମଧ୍ୟ ପ୍ରଦେଶ କୋର୍ଟ ଟିକାୟତଙ୍କ ବିରୋଧରେ ଗିରଫ ପରୱାନା ଜାରି କରିଛନ୍ତି। ତେଣୁ ଆସନ୍ତା ମାର୍ଚ୍ଚ ୮ ତାରିଖରେ ଟିକାୟତ ଗିରଫ ହେବାର ସମ୍ଭାବନା ରହିଛି। ଉକ୍ତ ଦିନ ଟିକାୟତ ଶିଓପୁର, ରେୱା ଓ ଦେୱାସଠାରେ ଚାଷୀମାନଙ୍କ ପକ୍ଷରୁ ଆୟୋଜିତ ରାଲିରେ ଟିକାୟତ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ବିକେୟୁର ମଧ୍ୟପ୍ରଦେଶ ଶାଖା ସାଧାରଣ ସମ୍ପାଦକ ଅନୀୟ ଯାଦବ ଏହା କହିଛନ୍ତି। ଗତ ୨୦୧୨ରେ ମଧ୍ୟପ୍ରଦେଶର ଜୈତାରୀ ଅଞ୍ଚଳରେ ବିକେୟୁର ଏକ ଆନ୍ଦୋଳନ ଟିକାୟତଙ୍କ ନେତୃତ୍ବରେ ଚାଲିଥିଲା। ଉକ୍ତ ଅଞ୍ଚଳରେ ଏକ ପାୱାର୍ ପ୍ଲାଣ୍ଟର ପ୍ରତିଷ୍ଠା ବିରୋଧରେ ବିକେୟୁ ଏହି ଆନ୍ଦୋଳନ କରୁଥିଲା। ତେବେ ଉକ୍ତ ଆନ୍ଦୋଳନରେ ପରବର୍ତ୍ତୀ ସମୟରେ ହିଂସାକାଣ୍ଡ ଘଟିବା ଫଳରେ ଏଥିରେ ପୋଲିସ୍ କର୍ମଚାରୀମାନେ ଆହତ ହୋଇଥିଲେ। ଏହାଛଡ଼ା ଉତ୍ତ୍ୟକ୍ତ ଆନ୍ଦୋଳନକାରୀମାନେ ପୋଲିସ୍ ଗାଡ଼ି ମଧ୍ୟ ପୋଡ଼ିଦେଇଥିଲେ।

ପ୍ରଦୀପ ପାଣିଗ୍ରାହୀଙ୍କୁ ମିଳିଲା ଜାମିନ୍
ଗିରଫ ହୋଇପାରନ୍ତି ଟିକାୟତ, ୯ ବର୍ଷ ତଳ ମାମଲାରେ ପରୱାନା ଜାରି

ସମ୍ପ୍ରତି ରାଜଧାନୀ ଦିଲ୍ଲୀ ସୀମାବର୍ତ୍ତୀ ଅଞ୍ଚଳରେ ଚାଲିଥିବା ଚାଷୀ ଆନ୍ଦୋଳନ ସହ ଜଡ଼ିତ ଭାରତୀୟ କିସାନ୍ ୟୁନିଅନ (ବିକେୟୁ)ର ନେତା ରାକେଶ ସିଂ ଟିକାୟତ ଗିରଫ ହୋଇପାରନ୍ତି। କାରଣ ତାଙ୍କ ବିରୋଧରେ ୯ ବର୍ଷ ତଳର ଏକ ମାମଲାରେ ମଧ୍ୟ ପ୍ରଦେଶ କୋର୍ଟ ଗିରଫ ପରୱାନା ଜାରି କରିଛନ୍ତି। ମଧ୍ୟ ପ୍ରଦେଶର ଅନୁପ୍ପୁର୍ ଜିଲ୍ଲାରେ ଗତ ୨୦୧୨ରେ ଟିକାୟତଙ୍କ ବିରୋଧରେ ଏକ ହତ୍ୟା ଓ ଦଙ୍ଗା ସୃଷ୍ଟି ଉଦ୍ୟମ ନେଇ ଅଭିଯୋଗ ରହିଛି। ଏହି ମାମଲାରେ ଗୁରୁବାର ମଧ୍ୟ ପ୍ରଦେଶ କୋର୍ଟ ଟିକାୟତଙ୍କ ବିରୋଧରେ ଗିରଫ ପରୱାନା ଜାରି କରିଛନ୍ତି। ତେଣୁ ଆସନ୍ତା ମାର୍ଚ୍ଚ ୮ ତାରିଖରେ ଟିକାୟତ ଗିରଫ ହେବାର ସମ୍ଭାବନା ରହିଛି। ଉକ୍ତ ଦିନ ଟିକାୟତ ଶିଓପୁର, ରେୱା ଓ ଦେୱାସଠାରେ ଚାଷୀମାନଙ୍କ ପକ୍ଷରୁ ଆୟୋଜିତ ରାଲିରେ ଟିକାୟତ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ବିକେୟୁର ମଧ୍ୟପ୍ରଦେଶ ଶାଖା ସାଧାରଣ ସମ୍ପାଦକ ଅନୀୟ ଯାଦବ ଏହା କହିଛନ୍ତି। ଗତ ୨୦୧୨ରେ ମଧ୍ୟପ୍ରଦେଶର ଜୈତାରୀ ଅଞ୍ଚଳରେ ବିକେୟୁର ଏକ ଆନ୍ଦୋଳନ ଟିକାୟତଙ୍କ ନେତୃତ୍ବରେ ଚାଲିଥିଲା। ଉକ୍ତ ଅଞ୍ଚଳରେ ଏକ ପାୱାର୍ ପ୍ଲାଣ୍ଟର ପ୍ରତିଷ୍ଠା ବିରୋଧରେ ବିକେୟୁ ଏହି ଆନ୍ଦୋଳନ କରୁଥିଲା। ତେବେ ଉକ୍ତ ଆନ୍ଦୋଳନରେ ପରବର୍ତ୍ତୀ ସମୟରେ ହିଂସାକାଣ୍ଡ ଘଟିବା ଫଳରେ ଏଥିରେ ପୋଲିସ୍ କର୍ମଚାରୀମାନେ ଆହତ ହୋଇଥିଲେ। ଏହାଛଡ଼ା ଉତ୍ତ୍ୟକ୍ତ ଆନ୍ଦୋଳନକାରୀମାନେ ପୋଲିସ୍ ଗାଡ଼ି ମଧ୍ୟ ପୋଡ଼ିଦେଇଥିଲେ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ