ଅପରାଧ

ଭିଜିଲାନ୍ସ ଜାଲରେ ୩୪ ଜଣ କ୍ଲାସ୍‌ ୱାନ୍‌ ଅଧିକାରୀ

ରାଜ୍ୟରେ ଦିନକୁ ଦିନ ଦୁର୍ନୀତି ବୃଦ୍ଧି ପାଉଥିବାରୁ ଦୁର୍ନୀତିଗ୍ରସ୍ତ ଅଧିକାରୀଙ୍କୁ ଧରିବାକୁ ଜାଲ ବିଛାଇଛି ଭିଜିଲାନ୍ସ ବିଭାଗ। ରାଜ୍ୟରେ ଚଳିତ ବର୍ଷ ଅକ୍ଟୋବର ମାସ ସୁଦ୍ଧା ୪୧୮ ଜଣଙ୍କୁ ଧରିଛି ଭିଜିଲାନ୍ସ ବିଭାଗ। ସେମାନଙ୍କ ମଧ୍ୟରେ ଅଛନ୍ତି ୩୪ ଜଣ କ୍ଲାସ୍‌ ୱାନ୍‌ ଅଫିସର୍‌। ଯେଉଁମାନେ ଲାଞ୍ଚ ନେବା ସହ ଆୟ ବର୍ହିଭୂତ ସମ୍ପତ୍ତି ଠୁଳ କରିଛନ୍ତି। ସେହିପରି ୨୪ ଜଣ ୨ୟ ଶ୍ରେଣୀ ଅଧିକାରୀ, ୨୩୫ ଜଣ ୩ୟ ଶ୍ରେଣୀ ଓ ୫ ଜଣ ୪ର୍ଥ ଶ୍ରେଣୀ କର୍ମଚାରୀ ରହିଛନ୍ତି। ସେହିପରି ୨୮ ଜଣ ଅନ୍ୟାନ୍ୟ ସରକାରୀ କର୍ମଚାରୀ ଏବଂ ୯୨ ଜଣ ଘରୋଇ ବ୍ୟକ୍ତି ରହିଛନ୍ତି। ୨୫୦ ମାମଲା ମଧ୍ୟରୁ ୫୨ଟି ଆୟ ବହିର୍ଭୁତ୍ତ ସମ୍ପତ୍ତି ଠୁଳ ସଂକ୍ରାନ୍ତରେ ରହିଛି। ଏସବୁ ମାମଲାରେ ମୋଟ ୬୨ କୋଟି ୮୩ ଲକ୍ଷ ଟଙ୍କା ଜବତ ହୋଇଥିବା ଭିଜିଲାନ୍ସ ବିଭାଗ ପକ୍ଷରୁ ସୂଚନା ଦିଆଯାଇଛି।

ନିର୍ଭୟା କାଣ୍ଡରେ ରାଜକ୍ଷମା ଆବେଦନ ପାଇଁ ଅଭିଯୁକ୍ତଙ୍କୁ

ବହୁଚର୍ଚ୍ଚିତ ନିର୍ଭୟା ଗଣବଳାତ୍କାର ଘଟଣାରେ ୪ ଜଣ ଅଭିଯୁକ୍ତ ଫାଶୀ ଦଣ୍ଡାଦେଶ ପାଇଥିବା ବେଳେ ସେମାନେ ଏବେ ତିହାର ଜେଲ୍‌ରେ ରହିଛନ୍ତି। ଗତ ୨୦୧୨ ଡିସେମ୍ବର ୧୬ ତାରିଖ ରାତିରେ ଘଟିଥିବା ଏହି ଲୋମହର୍ଷଣକାରୀ ଗଣବଳାତ୍କାର ଘଟଣାର ଅଭିଯୁକ୍ତ ମୁକେଶ (୩୧), ପୱନ୍‌ ଗୁପ୍ତା (୨୪), ବିନୟ ଶର୍ମା (୨୫) ଓ ଅକ୍ଷୟ କୁମାର ସିଂହ (୩୩)ଙ୍କୁ ଶେଷ ଥର ପାଇଁ ରାଜକ୍ଷମା ଆବେଦନ କରିବାକୁ ୭ ଦିନର ସମୟ ଦିଆଯାଇଛି। ତିହାର ଜେଲ୍‌ କର୍ତ୍ତୃପକ୍ଷ ସେମାନଙ୍କୁ ଏହି ସମୟ ଦେଇଥିବା ବେଳେ ଏହାପରେ ସେମାନଙ୍କୁ ଆଉ କୌଣସି ପ୍ରକାର ନ୍ୟାୟିକ ସହାୟତା ମିଳିବ ନାହିଁ ବୋଲି ସ୍ପଷ୍ଟ କରିଛନ୍ତି। ଇତି ମଧ୍ୟରେ ସେମାନେ ସମସ୍ତ ପ୍ରକାର ଆଇନଗତ ସହାୟତାର ସୁଯୋଗ ହାତଛଡ଼ା କରିସାରିଥିବା ବେଳେ କେବଳ ରାଜକ୍ଷମା ପାଇଁ ରାଷ୍ଟ୍ରପତିଙ୍କୁ ଆବେଦନ କରିପାରିବେ। ଆଗାମୀ ସପ୍ତାହକ ମଧ୍ୟରେ ସେମାନେ ଏହି ଆବେଦନ ନ କଲେ, ପରବର୍ତ୍ତୀ ସମୟରେ ସେମାନଙ୍କୁ ଆଉ କୌଣସି ସୁଯୋଗ ଦିଆଯିବ ନାହିଁ ବୋଲି ଜେଲ୍‌ କର୍ତ୍ତୃପକ୍ଷ ଅଭିଯୁକ୍ତମାନଙ୍କୁ ପଠାଇଥିବା ନୋଟିସ୍‌ରେ ଦର୍ଶାଇଛନ୍ତି।

ଆତଙ୍କବାଦୀଙ୍କ ନିୟନ୍ତ୍ରଣରେ ପିଓକେ: ସ୍ଥଳସେନା ମୁଖ୍ୟ

ପାକିସ୍ତାନ ଅଧିକୃତ କଶ୍ମୀର (ପିଓକେ) ଓ ଗିଲଗିଟ୍‌-ବଲଟିସ୍ତାନରେ ପାକିସ୍ତାନର କୌଣସି ନିୟନ୍ତ୍ରଣ ନାହିଁ। ଏହା ସମ୍ପୂର୍ଣ୍ଣ ଭାବେ ଆତଙ୍କବାଦୀଙ୍କ ଦ୍ବାରା ନିୟନ୍ତ୍ରିତ ହେଉଛି ବୋଲି କହିଛନ୍ତି ସ୍ଥଳସେନା ମୁଖ୍ୟ ଜେନେରାଲ ବିପିନ ରାୱତ। ପିଓକେ ଓ ଗିଲଗିଟ-ବଲଟିସ୍ତାନକୁ ଆମ ପଡ଼ୋଶୀ ରାଷ୍ଟ୍ର ନିୟନ୍ତ୍ରଣକୁ ନେବା ପରେ ଏହାକୁ ଆତଙ୍କବାଦୀଙ୍କ ହାତରେ ଟେକି ଦେଇଛି। କଶ୍ମୀରରେ ଆତଙ୍କବାଦୀଙ୍କୁ ଅନୁପ୍ରବେଶ କରାଇବା ସହ ସୀମାରେ ଅଶାନ୍ତି ସୃଷ୍ଟି କରି ଚାଲିଛି। ଧାରା ୩୭୦ ଉଚ୍ଛେଦ ପରେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଥିଲେ ଯେ ଯଦି କେବେ ପାକିସ୍ତାନ ସହ କଥା ହେବାର ଆବଶ୍ୟକତା ପଡ଼େ, ତାହେଲେ ଏହା କେବଳ ପିଓକେ ବାବଦରେ ହେବ। ଏହାରି ପରଠାରୁ ଭାରତ ପରବର୍ତ୍ତୀ ଲକ୍ଷ୍ୟ ପିଓକେକୁ ଜମ୍ମୁ-କଶ୍ମୀରରେ ମିଶ୍ରଣ ବୋଲି ଜେନେରାଲ ରାୱତ ଅନେବାର କହି ସାରିଲେଣି।

୧୬ ବାଂଲାଦେଶୀଙ୍କୁ ଫାଶୀ ଦଣ୍ଡାଦେଶ: ଯୁବତୀଙ୍କୁ ଜୀଅନ୍ତା

ବାଂଲାଦେଶର ଜନୈକା ଯୁବତୀଙ୍କୁ ଅତି ଅମାନବୀୟ ଭାବେ ଜୀଅନ୍ତା ଜାଳିଦେଇଥିବା ଅଭିଯୋଗରେ ୧୬ ଜଣ ଅଭିଯୁକ୍ତଙ୍କୁ ଫାଶୀ ଦଣ୍ଡାଦେଶ ହୋଇଛି। ଚଳିତ ବର୍ଷ ଏପ୍ରିଲ୍‌ରେ ଏହି ଅଭିଯୁକ୍ତମାନେ ନୁସରତ୍‌ ଜହାଁ ରଫି ନାମ୍ନୀ ୧୮ ବର୍ଷୀୟା ଯୁବତୀଙ୍କୁ କିରାସିନି ଢାଳି ନିଆଁ ଲଗାଇଦେଇଥିଲେ। ଏପରି ଜଘନ୍ୟ ହତ୍ୟାକାଣ୍ଡ ମାମଲାର ବିଚାର କରି ଗୁରୁବାର ବାଂଲାଦେଶର ଫେନି କୋର୍ଟ ମୃତ୍ୟୁଦଣ୍ଡାଦେଶ ଦେବା ପରେ ସମଗ୍ର ଦେଶରେ ଏହା ହଇଚଇ ସୃଷ୍ଟି କରିଛି। ନୁସରତ୍‌ ପାଠ ପଢ଼ୁଥିବା ମଦ୍ରସାର ମୁଖ୍ୟଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଆଣିଥିଲେ। କିନ୍ତୁ ଏପରି ଏକ ଅଭିଯୋଗକୁ ତୁରନ୍ତ ପ୍ରତ୍ୟାହାର କରିବା ସକାଶେ ତାଙ୍କୁ ଉପରେ ଲଗାତର ଚାପ ସୃଷ୍ଟି କରାଯାଉଥିଲା। କିନ୍ତୁ ନିଜ ଜିଦ୍‌ରେ ନୁସରତ୍‌ ଅଟଳ ରହିବା ଫଳରେ ତାଙ୍କୁ ଅଭିଯୁକ୍ତମାନେ ଜୀବନ୍ତ ଜାଳିଦେଇଥିଲେ।

ଟ୍ରକ୍‌ ଡାଲାରୁ ୩୯ ଶବ ଉଦ୍ଧାର ମାମଲା: ମୃତକମାନେ ଚୀନ୍‌

ନିକଟରେ ଲଣ୍ଡନରେ ରାସ୍ତା ଉପରେ ଛିଡ଼ା ହୋଇଥିବା ଏକ ଟ୍ରକ୍‌ ଡାଲାରେ ୩୯ଟି ଶବ ରହିଥିବା ଜଣାପଡ଼ିବା ପରେ ସ୍ଥାନୀୟ ପୋଲିସ୍‌ ଏନେଇ ତଦନ୍ତ ଆରମ୍ଭ କରିଥିଲା। ମୃତକଙ୍କ ମଧ୍ୟରେ ୩୮ ଜଣ ବୟସ୍କ ଓ ଜଣେ ଶିଶୁ ଥିଲେ। ସ୍ଥାନୀୟ ପୋଲିସ୍‌ ଟ୍ରକ୍‌ ଡ୍ରାଇଭର୍‌ ନର୍ଦର୍ଣ୍ଣ ଆୟରଲାଣ୍ଡ୍‌ର ବାସିନ୍ଦା ମୋ ରବିନ୍‌ସନ୍‌କୁ ଗିରଫ କରିଥିବା ବେଳେ ତାଙ୍କଠାରୁ ମୃତକମାନଙ୍କ ପରିଚୟ ଜାଣିବାକୁ ଚେଷ୍ଟା ଜାରି ରଖିଛି। ତେବେ ପ୍ରାଥମିକ ପର୍ଯ୍ୟାୟରେ ଏହି ଶବଗୁଡ଼ିକ ଚୀନ୍‌ ଲୋକଙ୍କର ବୋଲି ପୋଲିସ୍‌ ଜାଣିବାକୁ ପାଇଛି। ମୃତକଙ୍କ ମଧ୍ୟରେ ୩୧ ଜଣ ପୁରୁଷ ଓ ୮ ଜଣ ମହିଳା ଥିବା ବେଳେ ୨୫ ବର୍ଷୀୟ ରବିନ୍‌ସନ୍‌ ବେଲ୍‌ଜିୟମ୍‌ ଜିବ୍ରୁଗ୍‌ରୁ ଏହି ଟ୍ରକ୍‌କୁ ଆଣି ଏସେକ୍ସର ୱାଟର୍‌ଗ୍ଲେଡ୍‌ ଶିଳ୍ପୋଦ୍ୟାନଠାରେ ରଖିଦେଇଥିଲେ। ସ୍ଥାନୀୟ ଲୋକେ ଏଥିରେ ଶବ ରହିଥିବା ଜାଣିବା ପରେ ପୋଲିସ୍‌କୁ ଖବର ଦେଇଥିଲେ।

ଭଙ୍ଗାହେବ ରୂପେଶଙ୍କ ବେଆଇନ ଗେଷ୍ଟ୍‌ ହାଉସ୍‌: ଲାଗିଲା

ଯାଜପୁର ଜିଲ୍ଲା ଧର୍ମଶାଳା ବ୍ଲକ୍‌ ହରିଦାସପୁର ପିଇଓ ସ୍ମିତାରାଣୀ ବିଶ୍ୱାଳ ମୃତ୍ୟୁ ମାମଲାର ମୁଖ୍ୟ ଅଭିଯୁକ୍ତ ରୂପେଶ ଭଦ୍ରଙ୍କ ବହୁ ଚର୍ଚ୍ଚିତ ‘ରଙ୍ଗଶାଳା’ ବା ଗେଷ୍ଟ୍‌ ହାଉସ୍‌କୁ ଭାଙ୍ଗିବ ପ୍ରଶାସନ। ତେବେ ତଦନ୍ତ ଚାଲିଥିବାରୁ ଗେଷ୍ଟ ହାଉସ୍‌ ଭଙ୍ଗାଯିବ ନାହିଁ। ତଦନ୍ତ ଶେଷ ପରେ ଗେଷ୍ଟ ହାଉସ୍‌ ଭଙ୍ଗାଯିବ ବୋଲି ଯାଜପୁର ଜିଲ୍ଲାପାଳ ରଞ୍ଜନ କୁମାର ଦାସ କହିଛନ୍ତି। ଗେଷ୍ଟ୍‌ ହାଉସ୍‌ ସରାକରୀ ଜମିରେ ନିର୍ମିତ ହୋଇଛି ବୋଲି ତହସିଲଦାରଙ୍କ ରିପୋର୍ଟରୁ ସ୍ପଷ୍ଟ ହୋଇଥିବା ଜିଲ୍ଲାପାଳ କହିଛନ୍ତି। ତଦନ୍ତ ଚାଲିଥିବାରୁ ଏବେ ଗେଷ୍ଟ୍‌ ହାଉସ ଭଙ୍ଗାଯିବ ନାହିଁ। ବର୍ତ୍ତମାନ ପାଇଁ ଗେଷ୍ଟ୍‌ ହାଉସ ଚାରିପଟେ ୧୪୪ ଧାରା ଜାରି କରାଯାଇଛି। ଗେଷ୍ଟ୍‌ ହାଉସ୍‌ ଭିତରକୁ ପ୍ରବେଶ ଉପରେ ରୋକ ଲଗାଯାଇଛି। ଗେଷ୍ଟ୍‌ ହାଉସ୍‌ ଭିତରେ ଲାଗିଥିବା ସିସିଟିଭି କୁଆଡେ ଗଲା ପ୍ରଶ୍ନରେ ଜିଲ୍ଲାପାଳ କହିଥିଲେ, ବର୍ତ୍ତମାନ ମାମଲାର ତଦନ୍ତ ଚାଲିଥିବାରୁ ସେ ସମ୍ପର୍କରେ କିଛି କହିହେବ ନାହିଁ।

ଲଣ୍ଡନରେ ଲରିରୁ ମିଳିଲା ୩୯ ଶବ: ଡ୍ରାଇଭର୍‌ ଗିରଫ

ବୁଧବାର ସକାଳେ ଏକ ଲରି କଣ୍ଟେନର୍‌ ଭିତରେ ୩୮ଟି ମୃତଦେହ ରହିଥିବା ନେଇ ସ୍ଥାନୀୟ ପୋଲିସ୍‌ ଜାଣିବା ପରେ ଏନେଇ ତଦନ୍ତ ଆରମ୍ଭ କରିଛି। ମୃତଦେହ ମଧ୍ୟରେ ୩୮ଟି ବୟସ୍କ ଲୋକଙ୍କର ହୋଇଥିବା ବେଳେ ଗୋଟିଏ ଜଣେ ଶିଶୁର ବୋଲି ଜଣାପଡ଼ିଛି। ଏହି ଘଟଣା ପଛରେ ମାନବ ଚାଲାଣ ରାକେଟ୍‌ର ଭୂମିକା ଥିବା ସନ୍ଦେହ କରାଯାଉଥିବା ବେଳେ ସ୍ଥାନୀୟ ଏସେକ୍ସ ପୋଲିସ୍‌ ଜଣେ ୨୫ ବର୍ଷୀୟ ନର୍ଦର୍ଣ୍ଣ ଆୟର୍‌ଲାଣ୍ଡ୍‌ ଯୁବକକୁ ସନ୍ଦେହରେ ଅଟକ ରଖିଥିବା ଜଣାପଡ଼ିଛି। ମଙ୍ଗଳବାର ବିଳମ୍ବିତ ରାତି ପ୍ରାୟ ୧ଟା ୪୦ ମିନିଟ୍‌ ସମୟରେ ଏସେକ୍ସ ପୋଲିସ୍‌ ଏହି କଣ୍ଟେନର୍‌ ସମ୍ପର୍କରେ ଖବର ପାଇଥିଲା। ଏହା ଲଣ୍ଡନଠାରୁ ପୂର୍ବ ଦିଗରେ ୩୫ କିମି ଦୂରବର୍ତ୍ତୀ ଗ୍ରେଜ୍‌ସ୍ଥିତ ଇଷ୍ଟର୍ଣ୍ଣ ଆଭେନ୍ୟୁର ୱାଟର୍‌ଗ୍ଲେଡ୍‌ ଶିଳ୍ପୋଦ୍ୟାନ ଅଞ୍ଚଳରେ ରହିଥିଲା। ସେଥିରେ ମୃତଦେହ ଥିବା ଦେଖିବା ପରେ ସ୍ଥାନୀୟ ଲୋକେ ପୋଲିସ୍‌କୁ ସୂଚନା ଦେଇଥିଲେ।

୨୦୧୭ରେ ୫୦ ଲକ୍ଷରୁ ଊର୍ଦ୍ଧ୍ବ ଅପରାଧିକ ମାମଲା

ଗତ ୨୦୧୬ରେ ଦେଶରେ ଯେତିକି ଅପରାଧ ସଂଘଟିତ ହୋଇଥିଲା, ତା’ ତୁଳନାରେ ୨୦୧୭ରେ ସାମାନ୍ୟ ଅଧିକ ଅପରାଧ ଘଟଣା ଘଟିଛି। ୨୦୧୬ ତୁଳନାରେ ୨୦୧୭ରେ ୩.୬ ପ୍ରତିଶତ ଅପରାଧ ବୃଦ୍ଧି ପାଇଛି ବୋଲି ଜାତୀୟ ଅପରାଧ ରେକର୍ଡ ବ୍ୟୁରୋ (ଏନ୍‌ସିଆର୍‌ବି) ପକ୍ଷରୁ ସୋମବାର ପ୍ରକାଶିତ ରିପୋର୍ଟରେ ଦର୍ଶାଯାଇଛି। ୨୦୧୭ ବର୍ଷରେ ୫୦ ଲକ୍ଷରୁ ଊର୍ଦ୍ଧ୍ବ ଅପରାଧିକ ମାମଲା ସଂଘଟିତ ହୋଇଥିବା ବେଳେ ଏନ୍‌ସିଆର୍‌ବି ପାଖାପାଖି ବର୍ଷେ ବିଳମ୍ବରେ ୨୦୧୭ ବର୍ଷର ଅପରାଧିକ ରେକର୍ଡ ପ୍ରକାଶ କରିଛି। ଏହି ରିପୋର୍ଟ ଅନୁସାରେ ପୂର୍ବ ବର୍ଷ ତୁଳନାରେ ୨୦୧୭ରେ ହତ୍ୟାକାଣ୍ଡ ଘଟଣାରେ ୫.୯ ପ୍ରତିଶତ କମିଛି। ଆଲୋଚ୍ୟ ବର୍ଷରେ ଦେଶର ବିଭିନ୍ନ ସ୍ଥାନରେ ସର୍ବମୋଟ ୨୮ ହଜାର ୬୫୩ଟି ହତ୍ୟାକାଣ୍ଡ ଘଟିଛି। ୨୦୧୬ରେ ଏହା ୩୦ ହଜାର ୪୫୦ ଥିଲା।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ