ଅପରାଧ

ମାର୍ଚ୍ଚ ୩ରେ ଫାଶୀଖୁଣ୍ଟରେ ଝୁଲିବେ ନିର୍ଭୟା ଦୋଷୀ, ସାନି

ଦୁଇ ଦୁଇ ଥର ଡେଥ୍ ୱାରେଣ୍ଟ୍‌ ଜାରି ହୋଇଥିଲେ ମଧ୍ୟ ବହୁଚର୍ଚ୍ଚିତ ନିର୍ଭୟା ଗଣଦୁଷ୍କର୍ମ ଘଟଣାର ୪ ଦୋଷୀଙ୍କୁ ଅଦ୍ୟାବଧି ଫାଶୀ ଖୁଣ୍ଟରେ ଝୁଲାଯାଇ ପାରିନାହିଁ। ତେବେ ନିର୍ଭୟାଙ୍କ ମା’ ଆଶା ଦେବୀ ତାଙ୍କ ଆଇନଗତ ଲଢ଼େଇ ଜାରି ରଖି ନିୟମିତ ଭାବେ ଦିଲ୍ଲୀ କୋର୍ଟରେ ତାଙ୍କ ଦାବିକୁ ଜୋର୍‌ଦାର କରିଆସିଛନ୍ତି। ଶେଷରେ ଆସନ୍ତା ମାର୍ଚ୍ଚ ୩ ତାରିଖରେ ନିର୍ଭୟା କାଣ୍ଡର ୪ ଦୋଷୀଙ୍କୁ ଫାଶୀ ଖୁଣ୍ଟରେ ଝୁଲାଯିବା ସକାଶେ ସୋମବାର ପଟିଆଲା ହାଉସ୍‌ କୋର୍ଟ ନିର୍ଦେଶ ଦେଇଛନ୍ତି। ଅତିରିକ୍ତ ଦୌରାଜଜ୍‌ ଧର୍ମେନ୍ଦର ରାଣା ସାନି ଡେଥ୍‌ ୱାରେଣ୍ଟ୍‌ ଜାରି କରି ମାର୍ଚ୍ଚ ୩ ତାରିଖ ଭୋର୍‌ ୬ଟା ବେଳେ ୪ ଦୋଷୀଙ୍କୁ ଫାଶୀଖୁଣ୍ଟରେ ଝୁଲାଇବା ସକାଶେ ରାୟ ଶୁଣାଇଛନ୍ତି। ତେବେ ପୂର୍ବରୁ ନିର୍ଭୟା ଦୋଷୀମାନେ ଭାରତୀୟ ଆଇନ ବ୍ୟବସ୍ଥାର ଦୁର୍ବଳ ଦିଗର ଫାଇଦା ଉଠାଇ ଫାଶୀ ପାଇବାରୁ ବର୍ତ୍ତିଯାଇଥିବା ବେଳେ ମାର୍ଚ୍ଚ ୩ ତାରିଖରେ ଫାଶୀ ଦଣ୍ଡାଦେଶ କାର୍ଯ୍ୟକାରୀ ହେଉଛି କି ନାହିଁ, ତାହା ଦେଖିବାର କଥା।

ମା’-ଝିଅଙ୍କୁ ହତ୍ୟା ମାମଲାରେ ଖୋଲୁଛି ଗୋଟିକ ପରେ

କଳ୍ପନା ଦାଶ ଓ ତାଙ୍କ ନାବାଳିକା ଝିଅ ପ୍ରଭାତିଙ୍କୁ ହତ୍ୟା ଘଟଣାରେ ବିଜେଡିର ପୂର୍ବତନ ବିଧାୟକ ଅନୁପ ସାଏ ତାଙ୍କ ଡ୍ରାଇଭର ବର୍ଦ୍ଧନ ଟପ୍ପୋଙ୍କୁ ଛତିଶଗଡ଼ ପୋଲିସ୍‌ ଗିରଫ କରିବା ପରେ ଗୋଟିଏ ପରେ ଗୋଟିଏ ତଥ୍ୟ ସାମ୍ନାକୁ ଆସିବାରେ ଲାଗିଛି। ଏହି ଘଟଣାରେ ଆଉ ଏକ ଚାଞ୍ଚଲ୍ୟକର ତଥ୍ୟ ହସ୍ତଗତ ହୋଇଛି। ହତ୍ୟା ପରେ ସେମାନଙ୍କ ଉପରେ ବାରମ୍ବାର ଗାଡ଼ି ଚଢ଼ାଯାଇଥିବା ବ୍ୟବଚ୍ଛେଦ ରିପୋର୍ଟରୁ ଜଣାପଡ଼ିଥିଲା। ତେବେ ଏହି ଡବଲ୍‌ ମର୍ଡର ଘଟଣାରେ ୨ଟି ଗାଡ଼ିର ବ୍ୟବହାର ହୋଇଥିଲା ବୋଲି ଜଣାପଡ଼ିଛି। ଗୋଟିଏ ବୋଲେରୋ ଅନ୍ୟଟି ଇନୋଭା ବୋଲି ତଦନ୍ତ କରୁଥିବା ଛତିଶଗଡ଼ ଚକ୍ରଧରନଗର ପୋଲିସ୍‌ କହିଛି। ଏହି ୨ଟି ଯାକ ଗାଡ଼ିର ମାଲିକାନା ଖୋଦ୍ ଅନୁପଙ୍କ ପାଖରେ ଥିଲା ବୋଲି ପୋଲିସ୍‌ ଜାଣିବାକୁ ପାଇଛି। ତେଣୁ ଏହି ହତ୍ୟାକାଣ୍ଡରେ ଏକାଧିକ ବ୍ୟକ୍ତିଙ୍କ ସଂପୃକ୍ତି ରହିଥିବା ସୁରାକ୍‌ ମିଳିଛି। ଅନ୍ୟପକ୍ଷରେ ଗିରଫ ଡ୍ରାଇଭର ବର୍ଦ୍ଧନକୁ ଘଟଣାସ୍ଥଳକୁ ନେଇ ହତ୍ୟାକାଣ୍ଡର ଡେମୋ ଦେଖାଇଛି।

ବାଙ୍କୀ ଡବଲ୍‌ ମର୍ଡର ଘଟଣା: ଭଗବାନଙ୍କ ମୃତ୍ୟୁ ପୂର୍ବର ଭିଡିଓ

ବାଙ୍କୀ ଡବଲ୍‌ ମର୍ଡର ଘଟଣାର ମୃତ୍ୟୁ ପୂର୍ବର ଭିଡିଓ ଭାଇରାଲ ହେଉଛି। ଆମ୍ବୁଲାନ୍ସରେ କଟକ ଅଣାଯାଉଥିବା‌ ବେଳେ ସରପଞ୍ଚଙ୍କ ସ୍ବାମୀ ଭଗବାନ ସ୍ବାଇଁଙ୍କ ଭିଡିଓ ରେକର୍ଡ କରାଯାଇଥିଲା। ଯେଉଁଥିରେ ମୃତ୍ୟୁ ପୂର୍ବରୁ ସେ ହତ୍ୟାକାଣ୍ଡ ସମ୍ପର୍କରେ କହିଛନ୍ତି ଶେଷ କଥା। ଯେଉଁଥିରେ ରହିଛି ହତ୍ୟାକାଣ୍ଡ ସମ୍ପର୍କିତ ଚାଞ୍ଚଲ୍ୟକର ତଥ୍ୟ। ହତ୍ୟାକାଣ୍ଡରେ ୧୫ରୁ ୨୦ଜଣ ଥିବା ଅନୁମାନ କରାଯାଉଛି। କାଳିଆ, ଦୀପୁ, ପାଣ୍ଡବ ଭଳି ଅନେକ ନାଁ ମଧ୍ୟ ରହିଛି ଭିଡିଓରେ। ତାର ଟାଣିଦେଲେ ଓ ଗୋଡ ଦୁଇଟିକୁ ହାଣିଦେଲେ.. ଭଳି ଗୋଟିଏ ମିନିଟର ଭିଡିଓରେ ଥିବା ଅନେକ ଲୋମଟାଙ୍କୁରା ତଥ୍ୟ ଆଜି ସୋସାଲ ମିଡିଆରେ ଭାଇରାଲ ହେବାରେ ଲାଗିଛି। ରାଜନୀତି ଓ ଠିକାକାମକୁ ନେଇ ଶନିବାର ସ୍ପଷ୍ଟ ଦିବାଲୋକରେ ଘଟିଥିବା ବାଙ୍କୀର ଲୋକଟାଙ୍ଗୁରା ଡବଲ୍‌ମର୍ଡର ଘଟଣାକୁ ନେଇ ସ୍ତବ୍‌ଧ ହୋଇଛି ନୂଆଗାଁ। ରବିବାର ଅପରାହ୍ନରେ ଗାଁରେ ସରପଞ୍ଚଙ୍କ ସ୍ବାମୀ ଭଗବାନ ସ୍ବାଇଁ (୫୦) ଓ ସାମ୍ବାଦିକ ଆଦିତ୍ୟ କୁମାର ରଣସିଂହ (୩୫)ଙ୍କ ମୃତଦେହ ପହଞ୍ଚିବା ପରେ ଲୁହରେ ଭିଜିଛି ନୂଆଗାଁ। ସାରା ଗାଁ ଏବେ ପୋଲିସ୍‌ ପହରାରେ ରହିଛି। ହେଲେ, ଘଟଣାର ୨୪ ଘଣ୍ଟା ପରେ ବି ପୋଲିସ୍‌ ହାତ ଖାଲି। ଏହାକୁ ନେଇ ମୃତକଙ୍କ ପରିବାର ଓ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖିବାକୁ ମିଳିଛି। ସେପଟେ, ଗିରଫଦାରୀ ଭୟରେ ହତ୍ୟାକାଣ୍ଡ ପରଠାରୁ ବିପକ୍ଷ ଗୋଷ୍ଠୀ ଶିବିର ପୁରୁଷଶୂନ୍ୟ ହୋଇଯାଇଛି।

ରାଜଧାନୀରେ ରୋଡ ରୋମିଓ କନ୍‌ଷ୍ଟେବଲଙ୍କୁ ବହେ ଛେଚିଲେ

ଅସୁରକ୍ଷିତ ରାଜଧାନୀ ଭୁବନେଶ୍ୱର। ରୋଡ ରୋମିଓମାନଙ୍କ ଦୌରାତ୍ମ୍ୟ ଦିନକୁ ଦିନ ବଢିବାରେ ଲଗିଛି। ଆଜି ରାଜଧାନୀ ଭୁବନେଶ୍ୱରରେ ଏମିତି ଏକ ଘଟଣା ଘଟିଛି। ରାଜଧାନୀରେ ଖାକି ବାବୁଙ୍କୁ ପ୍ରେମ ରୋଗ ଛାଡୁନି। ମାସକ ଭିତରେ ୩ ପୋଲିସ କର୍ମଚାରୀ ପ୍ରେମ ଓ ବଳାତ୍କାର ମାମଲାରେ ଗିରଫ ହୋଇଥିବାବେଳେ ରବିବାର ରାଜଧାନୀ ରାଜରାସ୍ତାରେ ଆଉ ଏକ ଖାକି କାର୍‌ନାମା ଦେଖିବାକୁ ମିଳିଛି। ଜଣେ ଯୁବକ ନିଛାଟିଆ ରାସ୍ତାରେ ଯାଉଥିବା ଯୁବତୀଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି। ଅବଶ୍ୟ ଏପରି କାମ ତାଙ୍କ ପାଇଁ ମହଙ୍ଗା ପଡ଼ିଛି। କାରଣ ଯୁବତୀଜଣକ ତାଙ୍କୁ ଏମିତି ଉତ୍ତମ ମଧ୍ୟମ ଦେଇଛନ୍ତି, ସାରା ଜୀବନ ତାଙ୍କର ମନେ ରହିବ। ଲୋକଙ୍କ ମାଡ଼ ସହ ଅସଦାଚରଣର ଶିକାର ଯୁବତୀଙ୍କ ଯୋତା ଓ ଗୋଇଠା ମାଡ଼ରେ ତାଙ୍କର ପ୍ରେମ ନିଶା ଉତୁରି ଯାଇଛି। ଏହାର ଭିଡିଓ ଏବେ ଭାଇରାଲ ହୋଇଛି। ଯୁବକ ଜଣକ ଏସ୍‌ଏସ୍‌ବି ପୋଲିସ୍‌ କନ୍‌ଷ୍ଟେବଲ ବୋଲି ଜଣାପଡ଼ିଛି।

ମା’-ଝିଅଙ୍କୁ ହତ୍ୟା ଘଟଣା: ଅଧିକ ତଦନ୍ତ ପାଇଁ ଓଡ଼ିଶା ଆସିବ

କଳ୍ପନା ଦାଶ ଓ ତାଙ୍କ ନାବାଳିକା ଝିଅ ପ୍ରଭାତିଙ୍କୁ ହତ୍ୟା ଘଟଣାରେ ବିଜେଡିର ପୂର୍ବତନ ବିଧାୟକ ଅନୁପ ସାଏଙ୍କୁ ଜେଲ୍‌ ପଠାଇବା ପରେ ତାଙ୍କ ଡ୍ରାଇଭର ବର୍ଦ୍ଧନ ଟପ୍ପୋକୁ ଉଠାଇ ନେଇଛି ଛତିଶଗଡ଼ ପୋଲିସ୍‌। ଏଥିସହିତ ଏହି ଘଟଣାର ଅଧିକ ଖୋଳତାଡ଼ କରିବା ପାଇଁ ଓଡ଼ିଶା ଆସୁଛି ଛତିଶଗଡ଼ ପୋଲିସ୍‌ର ସ୍ପେଶାଲ୍‌ ଟିମ୍‌। ଅନୁପ ସାଏ ଘଟାଇଥିବା ଏହି ଜଘନ୍ୟ ହତ୍ୟାକାଣ୍ଡର ଅଧିକ ଖୋଳତାଡ଼ କରିବ। ଓଡ଼ିଶାର ବିଭିନ୍ନ ସ୍ଥାନରେ ଜୋରଦାର୍‌ ହେବ ଛାନ୍‌ଭିନ୍‌। ଏହି ଘଟଣାରେ ଆଉ କେଉଁମାନେ ସାମିଲ୍‌ ଅଛନ୍ତି ସେ ନେଇ ତଦନ୍ତ କରିଛି ଛତିଶଗଡ଼ ପୋଲିସ୍‌। ତଦନ୍ତ ପାଇଁ ପର୍ଯ୍ୟାୟକ୍ରମେ ଛତିଶଗଡ଼ର ୩ଟି ଟିମ୍‌ ଓଡ଼ିଶା ଆସି ଖୋଳତାଡ଼ କରିବ। ବିଭିନ୍ନ ସ୍ଥାନ ବୁଲି ଯାଞ୍ଚ କରିବ ଛତିଶଗଡ଼ ପୋଲିସ୍‌ର ୩ଟି ସ୍ୱତନ୍ତ୍ର ଟିମ୍। ହତ୍ୟାକାଣ୍ଡର ସମ୍ପୃକ୍ତି ସହ ବିଭିନ୍ନ ଦିଗ ଉପରେ କରାଯିବ କରାଯିବ ବୋଲି ସୂଚନା ଦେଇଛନ୍ତି ରାୟଗଡ ଏସ୍‌ପି ସନ୍ତୋଷ ସିଂ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ