ଅପରାଧ

ଭୁଲ୍‌ରେ ଆକାଉଣ୍ଟକୁ ଆସିଲା ୮୬ ଲକ୍ଷ, ଖର୍ଚ୍ଚ କରି ଦମ୍ପତି

ପେନସିଲ୍‌ଭାନିଆର ମଣ୍ଟୋସର୍ଭିଲ ସହରରେ ରହୁଥିବା ଜଣେ ଦମ୍ପତି ରବର୍ଟ ଓ ଟିଫିନୀ ଓ୍ବିଲଲିୟମ୍‌ଙ୍କ ବ୍ୟାଙ୍କ ଆକାଉଣ୍ଟରେ ମେ ୩୧ରେ ଜର୍ଜିଆର ଜଣେ ଗ୍ରାହକ ବିବି ଆଣ୍ଡ ଟି ବ୍ୟାଙ୍କରେ ଭୁଲ୍‌ ଆକାଉଣ୍ଟ ନମ୍ବର ଦେଇ ୧୨୦,୦୦୦ ଡଲାର (ପ୍ରାୟ ୮୬ ଲକ୍ଷ ଟଙ୍କା) ଜମା କରିଦେଇଥିଲେ। ପରେ ଆକାଉଣ୍ଟରେ ଜମା ହୋଇଥିବା ଟଙ୍କା ନ ଆସିବାରୁ ଯୁବକ ଜଣକ ବ୍ୟାଙ୍କ ସହ ସମ୍ପର୍କ କରିଥିଲେ। ଯାଞ୍ଚ ପରେ ଜଣାପଡିଥିଲା ଯେ ଉକ୍ତ ଟଙ୍କା ରର୍ବଟଙ୍କ ଆକାଉଣ୍ଟକୁ ଟ୍ରାନ୍ସଫର ହୋଇଯାଇଛି। ହେଲେ ସେତେବେଳକୁ ରବର୍ଟ ଓ ତାଙ୍କ ସ୍ତ୍ରୀ ବ୍ୟାଙ୍କକୁ ଏ ନେଇ ସୂଚନା ଦେବା ପରିବର୍ତ୍ତେ ସେହି ଟଙ୍କାକୁ ଖର୍ଚ୍ଚ କରିଦେଇଥିଲେ। ଏନେଇ ସ୍ଥାନୀୟ ଥାନାରେ ଯୁବକ ଜଣକ ଅଭିଯୋଗ କରିଥିଲେ। ଦମ୍ପତିଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିଲା। ସୋମବାର ଜିଲା କୋର୍ଟରେ ଏହି ମାମଲାରେ ଶୁଣାଣି ହୋଇଛି। ୨୫,୦୦୦ ଡଲାର ଜମା କରିବା ପରେ କୋର୍ଟ ଏହି ଦମ୍ପତିଙ୍କୁ ଜାମିନ ପ୍ରଦାନ କରିଛନ୍ତି।

୩୮ କୋଟି ଟଙ୍କା ଠକେଇ ଅଭିଯୋଗ: ଗୋଲ୍ଡମ୍ୟାନ୍ ସାକ୍ସ

ବେଙ୍ଗାଳୁରୁରେ ଥିବା ଆମେରିକାର ପୁଞ୍ଜି ନିବେଶକାରୀ କମ୍ପାନୀ ଗୋଲ୍ଡମ୍ୟାନ ସାକ୍ସ ବ୍ୟାଙ୍କ ଆକାଉଣ୍ଟରୁ ୩୮ କୋଟି ଟଙ୍କା ଠକେଇ ଅଭିଯୋଗ ହୋଇଛି। ଗୋଲ୍ଡମ୍ୟାନ୍ ସାକ୍ସ କମ୍ପାନୀର ଉପସଭାପତି ଅଶ୍ୱିନୀ ଉପାଧ୍ୟାୟ ବେଆଇନ ଅନଲାଇନ୍ ଟ୍ରାଞ୍ଜାକସନ ଜରିଆରେ ହଙ୍ଗକଙ୍ଗର ଏକ ବ୍ୟାଙ୍କକୁ ପଇସା ପଠାଉଥିବା ବେଳେ ଧରାପଡ଼ି ଗିରଫ ହୋଇଛନ୍ତି। ଏବେ ଠକେଇ ହୋଇଥିବା ସମସ୍ତ ଟଙ୍କା ଗୋଲ୍ଡମ୍ୟାନ ସାକ୍ସକୁ ଫେରାଇ ଦିଆଯାଇଛି। ଅଶ୍ୱିନୀ ଅନଲାଇନ୍ ଗେମ୍ ଖେଳି ୫୦ ଲକ୍ଷ ଟଙ୍କା କରଜ କରିଥିଲେ। ଏହାପରେ ଋଣ ସୁଝିବା ପାଇଁ ଏଭଳି ଠକେଇ କରିବା ପାଇଁ ଚିନ୍ତା କରିଥିଲେ ବୋଲି ଜଣାପଡ଼ିଛି। ଏହି ମାମଲାରେ ଗୋଲ୍ଡମ୍ୟାନ ସାକ୍ସର ପୂର୍ବତନ ଉପସଭାପତି ବେଦାନ୍ତ ରୁଙ୍ଗଟା ମଧ୍ୟ ଗିରଫ ହୋଇଛନ୍ତି। ସେ ଅନଲାଇନ୍ ଟ୍ରାଞ୍ଜାକସନ ମାଧ୍ୟମରେ ଠକେଇ କରିବା ପାଇଁ ଅଶ୍ୱିନୀଙ୍କୁ ଉସୁକାଇଥିଲେ ବୋଲି ଜଣାପଡ଼ିଛି। ପୋଲିସ ଏବେ ଉଭୟଙ୍କୁ ଗିରଫ କରିଛି।

ଗାଁ ଦାଣ୍ଡରେ ଯୁବକଙ୍କୁ ଗୋଡ଼ାଇ ଗୋଡ଼ାଇ ହତ୍ୟା

ରାଜଧାନୀ ଉପକଣ୍ଠ ରଙ୍ଗମାଟିଆ ଗାଁ ଦାଣ୍ଡରେ ଜଣେ ଯୁବକଙ୍କୁ ଗୋଡ଼ାଇ ଗୋଡ଼ାଇ ଅତି ନିର୍ମମ ଭାବେ ହତ୍ୟା କରାଯାଇଛି। ମୃତ ଯୁବକ ହେଲେ ଚକ୍ରଧର ବେହେରାଙ୍କ ପୁଅ ଦୀପକ ବେହେରା(୨୧)। ତାଙ୍କ ଘର ରଙ୍ଗମାଟିଆ ତଳସାହିରେ। ମଙ୍ଗଳବାର ରାତିରେ ଦୀପକ ଦୋକନ ବନ୍ଦ କରି ଘରକୁ ଫେରୁଥିବା ବେଳେ ତାଙ୍କ ଉପରେ ଦୁର୍ବୃତ୍ତମାନେ ସଂଘବଦ୍ଧ ଭାବେ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏନେଇ ଦୀପକଙ୍କ ପରିବାର ପକ୍ଷରୁ ଥାନାରେ ମାମଲା ରୁଜୁ କରାଯାଇଛି। ପୂର୍ବ ଶତ୍ରୁତାକୁ ନେଇ ହତ୍ୟାକାଣ୍ଡ ଘଟିଥିବା ପୋଲିସ୍‌ ଅନୁମାନ କରୁଛି। ହତ୍ୟାକାଣ୍ଡ ପରେ ରଙ୍ଗମାଟିଆରେ ଉତ୍ତେଜନା ଲାଗି ରହିଥିବାରୁ ସେଠାରେ ପୋଲିସ୍‌ ମୁତୟନ କରାଯାଇଛି।

ନାବାଳିକା ଦୁଷ୍କର୍ମ ଓ ହତ୍ୟା ମାମଲା: ଅଭିଯୁକ୍ତକୁ ଫାଶୀ


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ