ନିର୍ଭୟା କାଣ୍ଡରେ ସାନି ଡେଥ୍ ୱାରେଣ୍ଟ୍‌: ଫେବ୍ରୁଆରୀ ୧ରେ

ନୂଆଦିଲ୍ଲୀ: ୨୦୧୨ ନିର୍ଭୟା ଗଣଦୁଷ୍କର୍ମ ଘଟଣାରେ ତିହାର ଜେଲ୍‌ରେ ମୃତ୍ୟୁକୁ ଅପେକ୍ଷା କରିଥିବା ୪ ଅଭିଯୁକ୍ତଙ୍କ ମଧ୍ୟରୁ ମୁକେଶ କୁମାର ସିଂହର ରାଜକ୍ଷମା ଆବେଦନ ରାଷ୍ଟ୍ରପତି ଖାରଜ କରିଦେବା ପରେ ସେମାନଙ୍କ ଫାଶୀ ପାଇବା ନିଶ୍ଚିତ ହୋଇଥିଲା। ପରେ ପଟିଆଲା ହାଉସ୍‌ କୋର୍ଟ ଆସନ୍ତା ଫେବ୍ରୁଆରୀ ୧ ତାରିଖରେ ଫାଶୀ ଖୁଣ୍ଟରେ ଅଭିଯୁକ୍ତମାନଙ୍କୁ ଝୁଲାଇବା ସକାଶେ ପୁନର୍ବାର ଡେଥ୍ ୱାରେଣ୍ଟ୍‌ ଜାରି କରିବା ପରେ ଏହି ପ୍ରସଙ୍ଗରେ ଏକରକମ ପୂର୍ଣ୍ଣଚ୍ଛେଦ ପଡ଼ିଛି ବୋଲି କୁହାଯାଇପାରେ। ୩୨ ବର୍ଷୀୟ ମୁକେଶ କୁମାର ସହ ୨୬ ବର୍ଷୀୟ ବିନୟ ଶର୍ମା, ୩୧ ବର୍ଷୀୟ ଅକ୍ଷୟ କୁମାର ସିଂହ ଓ ୨୫ ବର୍ଷୀୟ ପୱନ୍‌ ଗୁପ୍ତାକୁ ଫେବ୍ରୁଆରୀ ୧ ତାରିଖ ଭୋର୍‌ ୬ଟା ସମୟରେ ଫାଶୀଖୁଣ୍ଟରେ ଝୁଲାଇବା ସକାଶେ ଏହି ୱାରେଣ୍ଟ୍‌ରେ କୋର୍ଟ କହିଛନ୍ତି।

ରାଜକୋଟରେ ଗର୍ଜିଲେ ରାହୁଲ୍‌, ଧୱନ୍‌ ଓ କୋହଲି: ଅଷ୍ଟ୍ରେଲିଆକୁ ବଡ଼ ଟାର୍ଗେଟ୍‌

ରାଜକୋଟ: ଏଠାକାର ସୌରାଷ୍ଟ୍ର କ୍ରିକେଟ୍‌ ଆସୋସିଏସନ୍‌ ଷ୍ଟାଡିୟମ୍‌ରେ ଧୂମ୍‌ ଚାଲିଛି ଭାରତୀୟଙ୍କ ବ୍ୟାଟ୍‌। ଭ୍ରମଣକାରୀ ଅଷ୍ଟ୍ରେଲିଆ ଚଳିତ ଦିନିକିଆ ସିରିଜ୍‌ର ଦ୍ବିତୀୟ ମ୍ୟାଚ୍‌ରେ ଭାରତକୁ ପ୍ରଥମେ ବ୍ୟାଟିଂ ପାଇଁ ଆମନ୍ତ୍ରଣ କରିବା ପରେ ଘରୋଇ ଦଳ ବ୍ୟାଟ୍ସମ୍ୟାନ୍‌ ଏହାର ଭରପୂର ଫାଇଦା ଉଠାଇଛନ୍ତି। ବିଶେଷକରି ଓପନର ଶିଖର ଧୱନ୍‌, ମଧ୍ୟମକ୍ରମରେ ବ୍ୟାଟିଂ କରିଥିବା ଲୋକେଶ ରାହୁଲ୍‌ ଓ ଅଧିନାୟକ ବିରାଟ କୋହଲି ନିଜ ନିଜ ବ୍ୟାଟିଂର ଯାଦୁ ଦେଖାଇବା ଫଳରେ ଅଷ୍ଟ୍ରେଲିଆ ଆଗରେ ଏକ ବଡ଼ ଟାର୍ଗେଟ୍‌ ଧାର୍ଯ୍ୟ ହୋଇଛି। ଭାରତ ୬ ୱିକେଟ୍‌ ହରାଇ ୩୪୦ ରନ୍‌ କରିବା ଫଳରେ ସିରିଜ୍‌ ଜିତିବା ସକାଶେ ଅଷ୍ଟ୍ରେଲିଆକୁ ୩୪୧ ରନ୍‌ କରିବାକୁ ପଡ଼ିବ। ଅନ୍ୟପକ୍ଷରେ ସିରିଜ୍‌ ବଞ୍ଚାଇବା ସକାଶେ ଭାରତୀୟ ବୋଲର୍‌ଙ୍କୁ ଅଷ୍ଟ୍ରେଲିଆର ଶକ୍ତିଶାଳୀ ବ୍ୟାଟିଂ ଲାଇନ୍‌କୁ ୩୪୦ ଭିତରେ ସୀମିତ ରଖିବାକୁ ପଡ଼ିବ।
ମିଶୁସ୍ତିନ୍‌ ରୁଷିଆର ନୂଆ
ଦେଶର ସମ୍ବିଧାନରେ ଆମୂଳଚୂଳ ପରିବର୍ତ୍ତନ ପାଇଁ ରୁଷିଆର ରାଷ୍ଟ୍ରପତି ଭ୍ଲାଦିମିର୍‌ ପୁଟିନ୍‌ ପ୍ରସ୍ତାବ ଦେବା ପରେ ଗୁରୁବାର ପ୍ରଧାନମନ୍ତ୍ରୀ ପଦରୁ ଦିମିତ୍ରୀ ମେଦ୍‌ଭେଦେଭ୍‌ ଇସ୍ତଫା ଦେଇଥିଲେ। ଏଥିସହ ପୁଟିନ୍‌ଙ୍କ ନିଷ୍ପତ୍ତି କ୍ରମେ ରୁଷିଆ ସଂସଦ ଭାଙ୍ଗିଥିବା ବେଳେ ସରକାର ଇସ୍ତଫା ଦେଇଛନ୍ତି। ଏଥିସହ ସଂସଦରେ ବହୁମତ ଆଧାରରେ ଦେଶର ପରବର୍ତ୍ତୀ ପ୍ରଧାନମନ୍ତ୍ରୀ ଭାବେ ମିଖାଇଲ୍‌ ମିଶୁସ୍ତିନ୍‌ଙ୍କୁ ଦାୟିତ୍ବ ଦିଆଯାଇଛି। ସଂସଦରେ ୩୮୩ ଜଣ ସାଂସଦ ମିଶୁସ୍ତିନ୍‌ଙ୍କ ସପକ୍ଷରେ ମତଦାନ କରିଥିବା ବେଳେ ଜଣେ ବି ସାଂସଦ ତାଙ୍କୁ ବିରୋଧ କରିନାହାନ୍ତି। କିନ୍ତୁ ୪୧ ଜଣ ସାଂସଦ ଭୋଟ୍‌ ବେଳେ ସଂସଦରେ ଉପସ୍ଥିତ ରହିବାକୁ ଉଚିତ ମଣି ନ ଥିଲେ। ଉକ୍ତ ୪୧ ଜଣଯାକ ସାଂସଦ ରୁଷିଆର କମ୍ୟୁନିଷ୍ଟ ପାର୍ଟିର ସାଂସଦ ବୋଲି ଜଣାପଡ଼ିଛି। ଗୁରୁବାର ସନ୍ଧ୍ୟାରେ ପୁଟିନ୍‌ ରାଷ୍ଟ୍ରପତି ଭାବେ ମିଶୁସ୍ତିନ୍‌ଙ୍କ ନିଯୁକ୍ତିରେ ଚୂଡ଼ାନ୍ତ ମୋହର ଲଗାଇଥିଲେ।
ଏସ୍‌ସିଓ ପାଇଁ ଇମ୍ରାନଙ୍କୁ ନିମନ୍ତ୍ରଣ
ଭାରତ ଓ ପାକିସ୍ତାନ ମଧ୍ୟରେ ସମ୍ପର୍କ ବେଳକୁ ବେଳ ଅଧିକ ତିକ୍ତ ହୋଇ ଚାଲିଥିଲା ବେଳେ ଆସନ୍ତା ସଂଘାଇ କୋପରେସନ୍‌ ଅର୍ଗାନାଇଜେସନ (ଏସ୍‌ସିଓ) ବୈଠକ ପାଇଁ ଭାରତ ସରକାର ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ନିମନ୍ତ୍ରଣ କରିବେ ବୋଲି ଜଣାପଡ଼ିଛି। ପ୍ରଥମ ଥର ପାଇଁ ଭାରତ ଏହି ଏସ୍‌ସିଓ ଆୟୋଜନ କରିବା ପାଇଁ ଯାଉଥିଲା ବେଳେ ଭାରତ ସରକାର ତିକ୍ତତା ସତ୍ତ୍ବେ ଇମ୍ରାନଙ୍କୁ ନିମନ୍ତ୍ରଣ କରିବେ ବୋଲି ଜଣାପଡ଼ିଛି। ବୈଦେଶିକ ବିଭାଗ ମୁଖପାତ୍ର ରବୀଶ କୁମାର କହିଛନ୍ତି ଯେ ଏହି ଏସ୍‌ସିଓର ସଦସ୍ୟ ରାଷ୍ଟ୍ରମାନଙ୍କୁ ନେଇ ହେଉଥିବା ବୈଠକରେ ରାଷ୍ଟ୍ରମୁଖ୍ୟ ଯୋଗ ଦେବାର ବ୍ୟବସ୍ଥା ରହିଛି। ମାତ୍ର ବେଳେ ବେଳେ ସଦସ୍ୟ ରାଷ୍ଟ୍ର ସେମାନଙ୍କ ପ୍ରତିନିଧି ଭାବେ ରାଷ୍ଟ୍ରମୁଖ୍ୟଙ୍କ ସ୍ଥାନରେ ବୈଦେଶିକ ମନ୍ତ୍ରୀଙ୍କୁ ପଠାଇଥାନ୍ତି। ଭାରତ ସର୍ବଦା ଏସ୍‌ସିଓ ବୈଠକକୁ ବୈଦେଶିକ ମନ୍ତ୍ରୀମାନଙ୍କୁ ପଠାଇ ଆସିଛି।
ବେଜୋସ୍‌ଙ୍କ ଭାରତ ଗସ୍ତକୁ
ବିଶ୍ବର ଅନ୍ୟତମ ପ୍ରମୁଖ ଅନ୍‌ଲାଇନ୍‌ ଶପିଙ୍ଗ୍‌ କମ୍ପାନୀ ଆମାଜନ୍‌ଡଟ୍‌କମ୍‌ ଇଙ୍କ୍‌ର ପ୍ରତିଷ୍ଠାତା ଜେଫ୍ ବୋଜୋସ୍‌ ଆସନ୍ତା ସପ୍ତାହରେ ଭାରତ ଗସ୍ତରେ ଆସୁଛନ୍ତି। ସେ ତାଙ୍କ କମ୍ପାନୀର ଏକ ନିର୍ଦ୍ଦିଷ୍ଟ କାର୍ଯ୍ୟକ୍ରମରେ ଯୋଗଦେବା ସକାଶେ ଏଠାକୁ ଆସୁଥିବା ବେଳେ ଏଠାରେ କେତେକ ସରକାରୀ ଅଧିକାରୀଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ମଧ୍ୟ ରହିଛି। ତେବେ ବେଜୋସ୍‌ଙ୍କ ଏହି ଗସ୍ତ ବେଳେ ତାଙ୍କୁ ଦେଶର ହଜାର ହଜାର ସଂଖ୍ୟାରେ କ୍ଷୁଦ୍ର ବ୍ୟବସାୟୀ ବିରୋଧ କରିବେ ବୋଲି ଜଣାପଡ଼ିଛି। ରାଜଧାନୀ ଦିଲ୍ଲୀରେ ଆମାଜନ୍‌ର ଏକ ଇଭେଣ୍ଟ୍‌ରେ ବେଜୋସ୍‌ ଅଂଶଗ୍ରହଣ କରିବେ। ଏହି କାର୍ଯ୍ୟକ୍ରମରେ ଭାରତର କ୍ଷୁଦ୍ର ଓ ମଧ୍ୟମ ଧରଣର ଉଦ୍ୟୋଗୀମାନଙ୍କୁ ଆମାଜନ୍‌ ସହ ଯୋଡ଼ିବା ସକାଶେ ଆଲୋଚନା ହେବ। ଏହି ଅବସରରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ମଧ୍ୟ ଆଲୋଚନା କରିବାର ସମ୍ଭାବନା ରହିଛି।
ଦ୍ବିତୀୟ ଦିନିକିଆରୁ ବାଦ୍‌ ପଡ଼ିଲେ
ଚଳିତ ଅଷ୍ଟ୍ରେଲିଆ ଓ ଭାରତ ଦିନିକିଆ ସିରିଜ୍‌ ମଙ୍ଗଳବାରଠାରୁ ଆରମ୍ଭ ହୋଇଥିବା ବେଳେ ପ୍ରଥମ ମ୍ୟାଚ୍‌ରେ ଭ୍ରମଣକାରୀ ଦଳ ବେଶ୍‌ ସହଜ ବିଜୟ ହାସଲ କରିଛି। ଦୁଇ ଓପନର ଡେଭିଡ୍‌ ୱାର୍ଣ୍ଣର୍‌ ଓ ଅଧିନାୟକ ଆରୋନ୍‌ ଫିଞ୍ଚ୍‌ଙ୍କ ଅପରାଜିତ ଶତକ ବଳରେ ଅଷ୍ଟ୍ରେଲିଆ ୧୦ ୱିକେଟ୍‌ରେ ବିଜୟୀ ହୋଇ ୩ ମ୍ୟାଚ୍‌ ବିଶିଷ୍ଟ ସିରିଜ୍‌ରେ ୧-୦ରେ ଆଗୁଆ ରହିଛି। ସିରିଜ୍‌ର ଦ୍ବିତୀୟ ମ୍ୟାଚ୍‌ ଆସନ୍ତା ଶୁକ୍ରବାର ରାଜକୋଟଠାରେ ଖେଳାଯିବ। ତେବେ ଏହି ମ୍ୟାଚ୍‌ରେ ଭାରତର ନିୟମିତ ୱିକେଟ୍‌କିପର୍‌ ୠଷଭ ପନ୍ତ୍‌ ଖେଳିବେ ନାହିଁ। କାରଣ ଗତ ମ୍ୟାଚ୍‌ରେ ସେ ଆହତ ହୋଇଥିଲେ ଓ ଦ୍ବିତୀୟ ମ୍ୟାଚ୍‌ ପାଇଁ ସେ ଫିଟ୍‌ ହୋଇପାରିବେ ନାହିଁ। ଦଳ ବୁଧବାର ରାଜକୋଟରେ ପହଞ୍ଚିଥିବା ବେଳେ ପନ୍ତ୍‌ ବେଙ୍ଗାଳୁରୁ ଅଭିମୁଖେ ଯାତ୍ରା କରିଛନ୍ତି। ସେଠାରେ ଜାତୀୟ କ୍ରିକେଟ୍‌ ଏକାଡେମୀ (ଏନ୍‌ସିଏ)ରେ ତାଙ୍କର ରିହାବିଲିଟେସନ୍‌ ହେବ ବୋଲି ବିସିସିଆଇ ପକ୍ଷରୁ ଜାରି ଏକ ବିବୃତିରେ କୁହାଯାଇଛି।
ଭାରତ ପାଇଁ ଫିଞ୍ଚ୍‌, ୱାର୍ଣ୍ଣର କାଫି
ଓପ୍‌ନର ଡେଭିଡ ୱାର୍ଣ୍ଣର ଓ ଅଧିନାୟକ ଆରୋନ ଫିଞ୍ଚ୍‌ଙ୍କ ଅପରାଜିତ ଶତକ ବଳରେ ଅଷ୍ଟ୍ରେଲିଆ ୧୦ ୱିକେଟ୍‌ରେ ଭାରତକୁ ପରାସ୍ତ କରି ୩ ମ୍ୟାଚ୍‌ ବିଶିଷ୍ଟ ସିରିଜ୍‌ରେ ୧-୦ରେ ଆଗୁଆ ହୋଇଛି। ଆଗକୁ ଟି-୨୦ ବିଶ୍ବକପ୍‌ ଆସୁଥିଲା ବେଳେ ଶକ୍ତିଶାଳୀ ଅଷ୍ଟ୍ରେଲିଆ ବିପକ୍ଷରେ ଭାରତର ବୋଲିଂ ଦୁର୍ବଳତା ମଧ୍ୟ ପଦାକୁ ଆସିଛି। ଭାରତ ଦୁଇ ପ୍ରିମିୟର ବୋଲର ଜସପ୍ରୀତ ବୁମ୍‌ରା ଓ ମହମ୍ମଦ ଶମୀ ଅଷ୍ଟ୍ରେଲିଆ ଦୁଇ ଓପନରଙ୍କ ୱାର୍ଣ୍ଣର ଓ ଫିଞ୍ଚ୍‌ଙ୍କ ଉପରେ ସାମାନ୍ୟ ପ୍ରଭାବ ପକାଇବାରେ ବିଫଳ ହୋଇଛନ୍ତି। ଫଳରେ ଅଷ୍ଟ୍ରେଲିଆ ପ୍ରଥମ ଥର ପାଇଁ ଭାରତ ପରି ଚାମ୍ପିଅନ୍‌ ଦଳ ବିପକ୍ଷରେ ୧୦ ୱିକେଟରେ ରେକର୍ଡ ବିଜୟ ହାସଲ କରିଛି। କେବଳ ବୋଲିଂ ନୁହେଁ, ବ୍ୟାଟିଂରେ ମଧ୍ୟ ଷ୍ଟାର ଖଚିତ ଭାରତୀୟ ମିଚେଲ ଷ୍ଟାର୍କ, ପ୍ୟାଟ୍ଟ୍‌ କମିନ୍ସ ଓ ଆଡାମ ଜାମ୍ପାଙ୍କୁ ସାମ୍ନା କରିବାରେ ବିଫଳ ହୋଇଥିବା ଦେଖିବାକୁ ମିଳିଛି।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ନିର୍ଭୟା କାଣ୍ଡରେ ସାନି ଡେଥ୍
୨୦୧୨ ନିର୍ଭୟା ଗଣଦୁଷ୍କର୍ମ ଘଟଣାରେ ତିହାର ଜେଲ୍‌ରେ ମୃତ୍ୟୁକୁ ଅପେକ୍ଷା କରିଥିବା ୪ ଅଭିଯୁକ୍ତଙ୍କ ମଧ୍ୟରୁ ମୁକେଶ କୁମାର ସିଂହର ରାଜକ୍ଷମା ଆବେଦନ ରାଷ୍ଟ୍ରପତି ଖାରଜ କରିଦେବା ପରେ ସେମାନଙ୍କ ଫାଶୀ ପାଇବା ନିଶ୍ଚିତ ହୋଇଥିଲା। ପରେ ପଟିଆଲା ହାଉସ୍‌ କୋର୍ଟ ଆସନ୍ତା ଫେବ୍ରୁଆରୀ ୧ ତାରିଖରେ ଫାଶୀ ଖୁଣ୍ଟରେ ଅଭିଯୁକ୍ତମାନଙ୍କୁ ଝୁଲାଇବା ସକାଶେ ପୁନର୍ବାର ଡେଥ୍ ୱାରେଣ୍ଟ୍‌ ଜାରି କରିବା ପରେ ଏହି ପ୍ରସଙ୍ଗରେ ଏକରକମ ପୂର୍ଣ୍ଣଚ୍ଛେଦ ପଡ଼ିଛି ବୋଲି କୁହାଯାଇପାରେ। ୩୨ ବର୍ଷୀୟ ମୁକେଶ କୁମାର ସହ ୨୬ ବର୍ଷୀୟ ବିନୟ ଶର୍ମା, ୩୧ ବର୍ଷୀୟ ଅକ୍ଷୟ କୁମାର ସିଂହ ଓ ୨୫ ବର୍ଷୀୟ ପୱନ୍‌ ଗୁପ୍ତାକୁ ଫେବ୍ରୁଆରୀ ୧ ତାରିଖ ଭୋର୍‌ ୬ଟା ସମୟରେ ଫାଶୀଖୁଣ୍ଟରେ ଝୁଲାଇବା ସକାଶେ ଏହି ୱାରେଣ୍ଟ୍‌ରେ କୋର୍ଟ କହିଛନ୍ତି।
ନିର୍ଭୟା ଅଭିଯୁକ୍ତଙ୍କୁ ନିସ୍ତାର ନାହିଁ
୭ ବର୍ଷରୁ ଊର୍ଦ୍ଧ୍ବ ସମୟ ଧରି କୋର୍ଟକଚେରୀ ଦୌଡ଼ୁଥିବା ବହୁଚର୍ଚ୍ଚିତ ନିର୍ଭୟା ଗଣଦୁଷ୍କର୍ମ ପୀଡ଼ିତାଙ୍କ ମା’-ବାପାଙ୍କୁ ଶୁକ୍ରବାର ଆଶ୍ବସ୍ତି ମିଳିଛି। କାରଣ ସେମାନଙ୍କ ନିରୀହ କନ୍ୟାଙ୍କୁ ଯେଉଁ ନରପିଶାଚମାନେ ନିଜର କାମବାସନା ଚରିତାର୍ଥ କରିବା ସକାଶେ ଗଣଦୁଷ୍କର୍ମ କରିଥିଲେ, ସେମାନେ ଫାଶୀଖୁଣ୍ଟରେ ଝୁଲିବା ନିଶ୍ଚିତ ହୋଇଛି। ଆଇନର ଗଳାବାଟ ଦେଇ ଏହି ଗଣଦୁଷ୍କର୍ମ ଅଭିଯୁକ୍ତମାନେ ଆଜି ପର୍ଯ୍ୟନ୍ତ ବିଭିନ୍ନ ପ୍ରକାରେ ଦଣ୍ଡାଦେଶକୁ ବିଳମ୍ବିତ କରିଥିଲେ ହେଁ ବର୍ତ୍ତମାନ ସେମାନଙ୍କୁ ଆଉ ନିସ୍ତାର ନାହିଁ। କାରଣ ଅନ୍ୟତମ ଅଭିଯୁକ୍ତ ମୁକେଶ କୁମାର ସିଂହର ରାଜକ୍ଷମା ଆବେଦନକୁ ରାଷ୍ଟ୍ରପତି ରାମନାଥ କୋବିନ୍ଦ ଖାରଜ କରିଦେଇଛନ୍ତି। ଏଥିସହ ୪ ଅଭିଯୁକ୍ତଙ୍କ ଫାଶୀ ବାଟରେ ଥିବା କଣ୍ଟା ପରିଷ୍କାର ହୋଇଯାଇଛି।

ଫଟୋ ଗ୍ୟାଲେରୀ

ସାବାସ୍‌ ସଙ୍ଗୀତା: ଦୁର୍ଘଟଣାର
ଟିକ୍‌ ଟକ୍‌ରେ ଜଣେ ଲୋକପ୍ରିୟ ମୋଟିଭେସନାଲ ସ୍ପିକର ଭାବେ କମାଉଛନ୍ତି ଲକ୍ଷ ଲକ୍ଷ ଟଙ୍କା ସୋସାଲ ମିଡିଆ ଏଭଳି ଏକ ପ୍ଲାଟଫର୍ମ, ଯେଉଁଠି ଲୋକେ କେବଳ ମନୋରଞ୍ଜନ କରି ନ ଥାନ୍ତି ବରଂ ଲୋକପ୍ରିୟ ହେବା ସହିତ ଲକ୍ଷ ଲକ୍ଷ ଟଙ୍କା ମଧ୍ୟ ଆୟ କରୁଛନ୍ତି। ଏଥିମଧ୍ୟରୁ ଗୋଟିଏ ହେଉଛି ଟିକ୍‌ ଟକ୍‌ ଆପ୍‌। ଯାହା ଆଜିକାଲି କେବଳ ସାଧାରଣ ଲୋକଙ୍କ ମଧ୍ୟରେ ନୁହେଁ ବରଂ ସେଲିବ୍ରିଟିଙ୍କ ମଧ୍ୟରେ ମଧ୍ୟ ଚର୍ଚ୍ଚାରେ ରହିଛି। ଏହି ପ୍ଲାଟଫର୍ମରେ ଲୋକେ ଶର୍ଟ ଭିଡ଼ିଓ ତିଆରି କରି ବେଶ୍‌ ଚର୍ଚ୍ଚିତ ହେବା ସହିତ ପ୍ରତ୍ୟେକ ଦିନ ଲକ୍ଷ ଲକ୍ଷ ଟଙ୍କା ମଧ୍ୟ ଆୟ କରୁଛନ୍ତି। ଆଜିକାଲି ଟିକ୍‌ ଟକ୍‌ରେ ଅନେକ ଲୋକ ଭିଡ଼ିଓ ତିଆରି କରି ଲୋକପ୍ରିୟ ହେବାରେ ଲାଗିଛନ୍ତି। ସେହିପରି ଟିକ୍‌ ଟକ୍‌ରେ ଜଣେ ମୋଟିଭେସନାଲ ସ୍ପିକର ଓ ଇଂରାଜୀ ଟିଚର ସଙ୍ଗୀତା ଜୈନ୍‌ଙ୍କ କାହାଣୀ ସାମ୍ନାକୁ ଆସିଛି, ଯିଏ ଅନ୍ୟ ଲୋକଙ୍କୁ ଜୀବନ ବଞ୍ଚିବାର ଏକ ନୂଆ ଉପାୟ ଶିଖାଉଛନ୍ତି। ସଙ୍ଗୀତା ଜୈନ ଫିଲ୍ମ ଇଣ୍ଡଷ୍ଟ୍ରୀରେ ନିଜ କ୍ୟାରିଅର ତିଆରି କରିବାକୁ ଚାହୁଥିଲେ। କିନ୍ତୁ ଏକ ଦୁର୍ଘଟଣା କାରଣରୁ ତାଙ୍କର ସମସ୍ତ ସ୍ବପ୍ନ ଭାଙ୍ଗି ଯାଇଥିଲା। ଦୁର୍ଘଟଣାରେ ନିଜ ଗୋଡ଼ ହରାଇବା ପରେ ସଙ୍ଗୀତା ଯିବା ଆସିବା କରି ପାରୁ ନ ଥିଲେ। ଜୀବନରେ ଆସିଥିବା ଏତେ ବଡ଼ ଧକ୍କା ପରେ ମଧ୍ୟ ସେ ହାର୍‌ ମାନି ନ ଥିଲେ। ଏବେ ସେ ନିଜର ଏକ ଭିନ୍ନ ପରିଚୟ ସୃଷ୍ଟି କରିଛନ୍ତି।
ହୀନାଙ୍କଠାରୁ ନିଅନ୍ତୁ ଏହି ଡ୍ରେସ୍‌
ଟିଭି ଇଣ୍ଡଷ୍ଟ୍ରୀରେ ନିଜ ପରିଚୟ ସୃଷ୍ଟି କରିବା ପରେ ହୀନା ଖାନ ଏବେ ବଲିଉଡ୍‌ରେ ପାଦ ରଖିବା ଲାଗି ପୂରା ପ୍ରସ୍ତୁତ ଅଛନ୍ତି। ନିଜ ପ୍ରଶଂସକଙ୍କ ସହିତ ଯୋଗାଯୋଗରେ ରହିବା ପାଇଁ ସେ ସୋସାଲ ମିଡିଆରେ ନିୟମିତ ଭାବେ ଫଟୋ ଶେୟାର କରିବାରେ ଲାଗିଥାନ୍ତି। ଏହି ସବୁ ଫଟୋରେ ସେ ବହୁତ ଅଲଗା ଡ୍ରେସ୍‌ରେ ନଜର ଆସିବା ସହିତ ନିଜ ପ୍ରଶଂସକଙ୍କୁ ଫ୍ୟାଶନ୍‌ ଗୋଲ୍ସ ଦେବାରେ ଲାଗିଥାନ୍ତି। ସେହିପରି ହୀନାଙ୍କ ଏହି ଡ୍ରେସ୍‌କୁ ବୁଝିବା କେତେକ ଲୋକଙ୍କ ପାଇଁ କେବଳ କଷ୍ଟକର ନୁହେଁ, ଅସମ୍ଭବ ମଧ୍ୟ। କାରଣ ସେ କ’ଣ ପିନ୍ଧିଛନ୍ତି, ତାହା ଅନେକ ଲୋକ ବୁଝି ପାରି ନ ଥାନ୍ତି। ଏହି ଡ୍ରେସ୍‌କୁ ଦେଖି ଆପଣ ମଧ୍ୟ କୌଣସି ପାର୍ଟି କିମ୍ବା କାର୍ଯ୍ୟକ୍ରମ ପାଇଁ ଆଇଡିଆ ନେଇ ନିଆରା ଡ୍ରେସ୍‌ ତିଆରି କରିପାରିବେ।

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ