ନର୍ସ ନିହାରିକା ହତ୍ୟା ମାମଲା: ପୁରୁଷ ବନ୍ଧୁଙ୍କ ବାପା-ଭାଇଙ୍କ

ଜଗତସିଂହପୁର: ଜଗତ୍‌ସିଂହପୁର ଜିଲ୍ଲା ବିରିଡ଼ି ଥାନା ଅନ୍ତର୍ଗତ କୁଳକଇଜଙ୍ଗା ପଞ୍ଚାୟତ ନୂଆପାରୀ ଗ୍ରାମ ନିକଟ ବିଲୁଆଖାଇ ନଦୀପଠାରୁ ନର୍ସ ନିହାରିକାଙ୍କ ମୃତଦେହ ମିଳିବା ଘଟଣାରେ ପୋଲିସ୍‌କୁ ମିଳିଛି ନୂଆ ସୁରାକ୍‌। ନିହାରିକାଙ୍କ ମୃତ୍ୟୁକୁ ନେଇ ସସପେନ୍ସ ଲାଗି ରହିଥିବା ବେଳେ ୬ ଜଣଙ୍କୁ ରାତି ଅଧିଆ ଉଠାଇ ଆଣିଛି ପୋଲିସ୍‌। ନର୍ସ ନିହାରିକାଙ୍କ ହତ୍ୟାକାରୀ କିଏ? ହତ୍ୟା ପଛର ପ୍ରକୃତ ରହସ୍ୟ କ’ଣ? ସେ ସବୁର ଛାନ୍‌ଭିନ୍‌ ଆରମ୍ଭ କରିଛି ପୋଲିସ୍‌। ତେବେ ନିହାରିକାଙ୍କ ହତ୍ୟା ପରେ ପୁରୁଷ ବନ୍ଧୁ କିଶୋର ଚନ୍ଦ୍ର ଅଞ୍ଚଳର ହାତ ଥିବା ସନ୍ଦେହ ଘନୀଭୂତ ହୋଇଛି। ଏହି ଘଟଣାରେ ବିରିଡ଼ି ଥାନା ପୋଲିସ୍‌ ୬ ଜଣଙ୍କୁ ଅଟକ ରଖି ପଚରାଉଚରା କରୁଛି। ସେମାନେ ହେଲେ କିଶୋର, ତା’ର ବାପା ଓ ୪ ଜଣ ସାଙ୍ଗ।

ପାକ୍‌ ବାୟୁସୀମାର ଉପଯୋଗ ପାଇଁ ଭାରତର ଅନୁରୋଧ

ନୂଆଦିଲ୍ଲୀ: ଆସନ୍ତା ସେପ୍ଟେମ୍ବର ୨୧ରୁ ୨୭ ତାରିଖ ପର୍ଯ୍ୟନ୍ତ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଆମେରିକା ଗସ୍ତ କାର୍ଯ୍ୟକ୍ରମ ଚୂଡ଼ାନ୍ତ ହୋଇଛି। ଏହି ଗସ୍ତ ସମୟରେ ମୋଦି ହଷ୍ଟନ୍‌ଠାରେ ‘ହାଓଡି ମୋଦି’ କାର୍ଯ୍ୟକ୍ରମରେ ଯୋଗଦେବେ, ଯେଉଁଥିରେ ୫୦ ହଜାର ଦର୍ଶକ ଉପସ୍ଥିତ ରହିବେ। ତା’ଛଡ଼ା ଆମେରିକା ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ୍‌ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହିବେ ବୋଲି ହ୍ବାଇଟ୍‌ ହାଉସ୍‌ ପକ୍ଷରୁ ସୂଚନା ଦିଆଯାଇଛି। ତେବେ ଏହି ଗସ୍ତ ପାଇଁ ମୋଦିଙ୍କ ବିମାନକୁ ପାକିସ୍ତାନ ବାୟୁସୀମାର ଉପଯୋଗ କରିବା ସକାଶେ ଅନୁମତି ଦେବାକୁ କୁହାଯାଇଛି। ଏନେଇ ଭାରତ ପକ୍ଷରୁ ଏକ ବିଧିବଦ୍ଧ ଅନୁରୋଧ ପତ୍ର ପାକିସ୍ତାନ ସରକାରଙ୍କ ନିକଟକୁ ପଠାଯାଇଛି। ଏହା ଉପରେ ବିଚାରବିମର୍ଶ ପରେ ଯାହା କିଛି ନିଷ୍ପତ୍ତି ନେବାକୁ ମଧ୍ୟ ପାକିସ୍ତାନ ସରକାର କହିଥିବା ସେଠାକାର ଗଣମାଧ୍ୟମ ରିପୋର୍ଟରେ ପ୍ରକାଶ ପାଇଥିବା ଜଣାପଡ଼ିଛି।
୫ ବର୍ଷରେ ୫୦ ମହତ୍ତ୍ବପୂର୍ଣ୍ଣ ନିଷ୍ପତ୍ତି
ଗତ ୫ ବର୍ଷର ଶାସନ କାଳ ମଧ୍ୟରେ ୫୦ଟି ମହତ୍ତ୍ବପୂର୍ଣ୍ଣ ନିଷ୍ପତ୍ତି ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତର ଭାଗ୍ୟ ବଦଳାଇଦେଇଛନ୍ତି। ୨୦୧୩ ପର୍ଯ୍ୟନ୍ତ ଉପା ସରକାର ଅମଳରେ ପ୍ରତିଦିନ କୌଣସି ନା କୌଣସି ସ୍କାମ୍‌ ପଦାକୁ ଆସୁଥିଲା। ଦେଶର ସୀମା ସମ୍ପୂର୍ଣ୍ଣ ଭାବେ ଅସୁରକ୍ଷିତ ହୋଇପଡ଼ିଥିଲା। ପଡ଼ୋଶୀ ଦେଶର ସେନା ନିୟମିତ ଭାବେ ଭାରତୀୟ ସେନାର ଯବାନଙ୍କ ଗଳା କାଟୁଥିଲେ ଓ ଦେଶ ସୁରକ୍ଷା ଦାୟିତ୍ବରେ ଥିବା ସୁରକ୍ଷାକର୍ମୀଙ୍କୁ ଅପମାନିତ ହେବାକୁ ପଡ଼ୁଥିଲା ବୋଲି କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ୍‌ ଶାହ ମତ ଦେଇଛନ୍ତି। ଅଲ୍‌ ଇଣ୍ଡିଆ ମ୍ୟାନେଜ୍‌ମେଣ୍ଟ୍‌ ଆସୋସିଏସନ୍‌ (ଏଆଇଏମ୍‌ଏ)ରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ଶାହ କହିଛନ୍ତି ଯେ ଗତ ଉପା ସରକାରରେ ପ୍ରତିଟି ମନ୍ତ୍ରୀ ନିଜକୁ ପ୍ରଧାନମନ୍ତ୍ରୀ ବୋଲି ବିବେଚନା କରୁଥିଲେ। କିନ୍ତୁ ପ୍ରଧାନମନ୍ତ୍ରୀ ନିଜକୁ ପ୍ରଧାନମନ୍ତ୍ରୀ ବୋଲି ବିଚାର କରୁ ନ ଥିଲେ। ପ୍ରଧାନମନ୍ତ୍ରୀ ଭାବେ ମୋଦି କୌଣସି ନିଷ୍ପତ୍ତି ଭୋଟ୍‌ ବ୍ୟାଙ୍କ୍‌କୁ ନଜରରେ ରଖି ନେଇନାହାନ୍ତି, ବରଂ ଦେଶବାସୀଙ୍କ କଲ୍ୟାଣକୁ ଦୃଷ୍ଟିରେ ରଖି ଗ୍ରହଣ କରିଛନ୍ତି ବୋଲି ଶାହ କହିଛନ୍ତି।
ଧର୍ମେନ୍ଦ୍ରଙ୍କ ଦୃଢ଼ୋକ୍ତି: ପ୍ରଭାବିତ
ସାଉଦି ଆରବର ତୈଳ ଖଣିରେ ବଡ଼ ଧରଣର ଡ୍ରୋନ୍‌ ଆକ୍ରମଣ ପରେ ସେଠାରେ ତୈଳ ଉତ୍ତୋଳନ ପାଖାପାଖି ୫୦ ପ୍ରତିଶତ ହ୍ରାସ ପାଇଛି। ତେଣୁ ସାଉଦି ଆରବରୁ ତୈଳ ଆମଦାନି କରୁଥିବା ରାଷ୍ଟ୍ରଗୁଡ଼ିକ ମନରେ ଛନକା ପଶିଥିଲା ବେଳେ ଭାରତ ମଧ୍ୟରୁ ଏଥିରୁ ବାଦ ପଡ଼ି ନାହିଁ। ମାତ୍ର ଏହିପରି ଏକ ସ୍ଥିତିରେ କେନ୍ଦ୍ର ପେଟ୍ରୋଲିଅମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ସେ ସାଉଦି ଆରବର ତୈଳ ଉତ୍ତୋଳନ କରୁଥିବା ବଡ଼ ସଂସ୍ଥା ଅର୍ମାକୋର ମୁଖ୍ୟ କାର୍ଯ୍ୟନିର୍ବାହୀଙ୍କ ସହ କଥା ହୋଇଛନ୍ତି। ଅର୍ମାକୋ ପକ୍ଷରୁ ପ୍ରତିଶ୍ରୁତି ଦିଆଯାଇଛି ଯେ ଭାରତକୁ ଯେଉଁ ତୈଳ ରପ୍ତାନୀ ହେଉଥିଲା ସେଥିରେ କୌଣସି ଉଣା କରାଯିବ ନାହିଁ। ଭାରତ ତା’ର ଆବଶ୍ୟକତା ଅନୁସାରେ ତୈଳ ପାଇବାରେ କୌଣସି ଅସୁବିଧା ନାହିଁ। ଏଣୁ ଦେଶରେ ତୈଳ ଯୋଗାଣକୁ ଏହା କୌଣସି ମତେ କରିପାରିବ ନାହିଁ ବୋଲି ଧର୍ମେନ୍ଦ୍ର କହିଛନ୍ତି।
ସେପ୍ଟେମ୍ବର ୨୬ରୁ ୨୯ ବନ୍ଦ ରହିବ
ଚଳିତ ମାସ ଶେଷ ଭାଗରେ ବ୍ୟାଙ୍କିଂ ପ୍ରତିଷ୍ଠାନଗୁଡ଼ିକ ୪ ଦିନ ପାଇଁ ବନ୍ଦ ରହିବ। ଆସନ୍ତା ସେପ୍ଟେମ୍ବର ୨୬ରୁ ୨୯ ତାରିଖ ପର୍ଯ୍ୟନ୍ତ ଏକାଧିକ କାରଣରୁ ଗ୍ରାହକଙ୍କୁ ବ୍ୟାଙ୍କିଙ୍ଗ୍‌ ସେବା ମିଳିପାରିବ ନାହିଁ। ନିକଟରେ କେନ୍ଦ୍ର ସରକାର ୧୦ଟି ରାଷ୍ଟ୍ରାୟତ୍ତ ବ୍ୟାଙ୍କ୍‌ର ବିଲୟ ଘଟାଇ ଏହାକୁ ୪କୁ କମାଇଦେବେ ବୋଲି ଘୋଷଣା କରିଥିବା ବେଳେ ବିଭିନ୍ନ ବ୍ୟାଙ୍କିଙ୍ଗ୍‌ ସଂଘ ଏହାକୁ ତୀବ୍ର ବିରୋଧ କରିଛନ୍ତି। ଏହା ପ୍ରତିବାଦରେ ଏକାଧିକ ସଂଘ ଆନ୍ଦୋଳନ ପାଇଁ ଆହ୍ବାନ ଦେଇଛନ୍ତି। ଏଥିରେ ଅଲ୍‌ ଇଣ୍ଡିଆ ବ୍ୟାଙ୍କ୍‌ ଅଫିସର୍ସ କନ୍‌ଫେଡେରେସନ୍‌ (ଏଆଇବିଓସି), ଅଲ୍‌ ଇଣ୍ଡିଆ ବ୍ୟାଙ୍କ୍‌ ଅଫିସର୍ସ ଆସୋସିଏସନ୍‌ (ଏଆଇବିଓଏ), ଇଣ୍ଡିଆନ୍‌ ନ୍ୟାସନାଲ୍‌ ବ୍ୟାଙ୍କ୍‌ ଅଫିସର୍ସ (ଆଇଏନ୍‌ବିଓସି, ନ୍ୟାସନାଲ୍‌ ଅର୍ଗାନାଇଜେସନ୍‌ ଅଫ୍ ବ୍ୟାଙ୍କ୍‌ ଅଫିସର୍ସ (ଏନ୍‌ଓବିଓ) ସାମିଲ୍‌ ହେବ। ଏହି ସଂଘଗୁଡ଼ିକ ଆସନ୍ତା ୨୬ରୁ ଦୁଇ ଦିନ ପାଇଁ ଆନ୍ଦୋଳନ କରିବେ ବୋଲି ଘୋଷଣା କରିଛନ୍ତି। ଏହି ଦୁଇ ଦିନ ଗୁରୁବାର ଓ ଶୁକ୍ରବାର ପଡ଼ୁଥିବା ବେଳେ ସେପ୍ଟେମ୍ବର ୨୮ ଓ ୨୯ ଯଥାକ୍ରମେ ଚତୁର୍ଥ ଶନିବାର ଓ ରବିବାର ରହିଛି। ତେଣୁ ଉକ୍ତ ଦିନଗୁଡ଼ିକରେ ଦେଶର ଜନସାଧାରଣଙ୍କୁ ବ୍ୟାଙ୍କିଙ୍ଗ୍‌ ସେବା ମିଳିପାରିବ ନାହିଁ।
ଆଇସିସି ଟେଷ୍ଟ୍‌ ରାଙ୍କିଙ୍ଗ୍‌
ରବିବାର ଦ ଓଭାଲ୍‌ଠାରେ ଶେଷ ହୋଇଛି ଇଂଲଣ୍ଡ-ଅଷ୍ଟ୍ରେଲିଆ ଆଶେସ୍‌ ସିରିଜ୍‌। ଶେଷ ମ୍ୟାଚ୍‌କୁ ଇଂଲଣ୍ଡ ୧୩୫ ରନ୍‌ରେ ଜିତି ୨-୨ରେ ସିରିଜ୍‌ ବରାବର କରିଛି। ୧୯୭୨ ମସିହା ପରଠାରୁ ପ୍ରଥମ ଥର ପାଇଁ ଆଶେସ୍‌ ସିରିଜ୍‌ ଡ୍ର’ ହୋଇଛି। ୧୯୭୨ରେ ଉଭୟ ଦଳ ୨ଟି ଲେଖାଏଁ ମ୍ୟାଚ୍‌ ଜିତିଥିଲେ। ତେବେ ଏହି ସିରିଜ୍‌ରେ ଅଷ୍ଟ୍ରେଲିଆର ପୂର୍ବତନ ଅଧିନାୟକ ତଥା ବଲ୍‌ ଟ୍ୟାମ୍ପରିଂ ଅଭିଯୋଗରେ ବର୍ଷେ ଦଣ୍ଡାଦେଶ କାଟିବା ପରେ ଟେଷ୍ଟ୍‌ କ୍ରିକେଟ୍‌କୁ ପ୍ରତ୍ୟାବର୍ତ୍ତନ କରିଥିବା ଷ୍ଟିଭେନ୍‌ ସ୍ମିଥ୍‌ ଚମତ୍କାର ପ୍ରଦର୍ଶନ ପୂର୍ବକ ୭୭୪ ରନ୍‌ ସଂଗ୍ରହ କରି ପ୍ଲେୟର୍‌ ଅଫ୍ ଦ ମ୍ୟାଚ୍‌ ବିବେଚିତ ହୋଇଛନ୍ତି। ଶେଷ ଟେଷ୍ଟ୍‌ରେ ସ୍ମିଥ୍‌ ୮୦ ଓ ୨୩ ରନ୍‌ କରିବା ସହ ଆଇସିସି ପକ୍ଷରୁ ସୋମବାର ଘୋଷିତ ସଦ୍ୟ ଟେଷ୍ଟ୍‌ ରାଙ୍କିଙ୍ଗ୍‌ରେ ତାଙ୍କର ସ୍ଥିତିକୁ ଆହୁରି ମଜଭୁତ କରିଛନ୍ତି। ସେ ଦ୍ବିତୀୟ ସ୍ଥାନରେ ଥିବା ଭାରତୀୟ ଅଧିନାୟକ ବିରାଟ କୋହଲିଙ୍କଠାରୁ ୩୪ ପଏଣ୍ଟ୍‌ ଆଗରେ ରହିଛନ୍ତି। କୋହଲିଙ୍କର ରାଙ୍କିଙ୍ଗ୍‌ ପଏଣ୍ଟ୍‌ ସଂଖ୍ୟା ୯୩୭ ଥିବା ବେଳେ ସ୍ମିଥ୍‌ଙ୍କ ପଏଣ୍ଟ୍‌ ସଂଖ୍ୟା ୯୭୧ରେ ପହଞ୍ଚିଛି।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ଜାକିର୍‌ଙ୍କ ପ୍ରତ୍ୟର୍ପଣ ପାଇଁ ଭାରତ
ବିବାଦୀୟ ବୟାନ କାରଣରୁ ଭାରତ ଛାଡ଼ି ମାଲେସିଆରେ ବସବାସ କରୁଥିବା ଜଣାଶୁଣା ମୁସଲିମ୍‌ ଧର୍ମଗୁରୁ ଜାକିର୍‌ ନାଏକଙ୍କ ପ୍ରତ୍ୟର୍ପଣ ପାଇଁ ଭାରତ ସେତେଟା ଆଗ୍ରହୀ ନ ଥିବା ଅନୁଭବ କରିଛନ୍ତି ମାଲେସୀୟ ପ୍ରଧାନମନ୍ତ୍ରୀ ମାହାଥିର ମହମଦ କହିଛନ୍ତି। ମଙ୍ଗଳବାର ଏକ ରେଡିଓ କାର୍ଯ୍ୟକ୍ରମରେ ସାକ୍ଷାତକାର ଦେବା ଅବସରରେ ମହମଦ କହିଛନ୍ତି ଯେ ଚଳିତ ମାସ ପ୍ରାରମ୍ଭରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମାଲେସିଆ ଗସ୍ତ କରିଥିବା ଅବସରରେ ଜାକିର୍‌ଙ୍କ ପ୍ରତ୍ୟର୍ପଣ ପାଇଁ କୌଣସି ପ୍ରକାର ଅନୁରୋଧ କରିନାହାନ୍ତି। ଜାକିର୍‌ଙ୍କ ପରି ଜଣେ ବିବାଦୀୟ ବ୍ୟକ୍ତିବିଶେଷ ବିଗତ ଦିନରେ ଭାରତ ପାଇଁ ସମସ୍ୟା ସୃଷ୍ଟି କରିଥିବାରୁ ଭାରତ ପୁନର୍ବାର ଏପରି ବିବାଦୀୟ ବ୍ୟକ୍ତିଙ୍କୁ ନିଜ ଦେଶକୁ ନେଇ ଅଧିକ ସମସ୍ୟାରେ ପଡ଼ିବାକୁ ଚାହୁଁନାହିଁ। ଏହି କାରଣରୁ ମୋଦି ତାଙ୍କୁ ପ୍ରତ୍ୟର୍ପଣ ପାଇଁ ଅନୁରୋଧ କରି ନ ଥିବା ସେ ଅନୁଭବ କରୁଛନ୍ତି ବୋଲି ୯୪ ବର୍ଷୀୟ ମହମଦ କହିଛନ୍ତି।
ଆଫଗାନ ରାଷ୍ଟ୍ରପତିଙ୍କ ନିର୍ବାଚନୀ ରାଲିରେ ବିସ୍ଫୋରଣ: ୨୪ ମୃତ, ୩୨ ଆହତ
ଆଫଗାନିସ୍ତାନ ରାଷ୍ଟ୍ରପତି ଅଶରଫ୍ ଗନୀ ମଙ୍ଗଳବାର କେନ୍ଦ୍ରୀୟ ପରୱାନ୍‌ ପ୍ରଦେଶରେ ନିର୍ବାଚନ ପାଇଁ ରାଲି କରୁଥିବା ବେଳେ ନିକଟରେ ବିସ୍ଫୋରଣ ହେବା ଫଳରେ ୨୪ ଜଣ ଲୋକ ପ୍ରାଣ ହରାଇଥିବା ବେଳେ ୩୨ ଜଣ ଗୁରୁତର ଭାବେ ଆହତ ହୋଇଥିବା ଜଣାପଡ଼ିଛି। ମୃତକଙ୍କ ମଧ୍ୟରେ ଅଧିକାଂଶ ମହିଳା ଓ ଶିଶୁ ରହିଥିବା ବେଳେ ସେମାନଙ୍କୁ ନିକଟସ୍ଥ ହସ୍ପିଟାଲ୍‌ରେ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ଜଣେ ସ୍ବାସ୍ଥ୍ୟ ଅଧିକାରୀ କହିଛନ୍ତି। ରିପୋର୍ଟ ଲେଖା ହେବା ପର୍ଯ୍ୟନ୍ତ ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ଆହତଙ୍କ ମଧ୍ୟରୁ ଅଧିକାଂଶଙ୍କ ଅବସ୍ଥା ସଙ୍କଟାପନ୍ନ ଥିବାରୁ ମୃତକଙ୍କ ସଂଖ୍ୟା ବୃଦ୍ଧି ପାଇବାର ଆଶଙ୍କା ବ୍ୟକ୍ତ କରିଛନ୍ତି ପ୍ରାଦେଶିକ ହସ୍ପିଟାଲ୍‌ର ମୁଖ୍ୟ ଅବଦୁଲ୍‌ କାସିମ୍‌ ସାଙ୍ଗିନ୍‌। ତେବେ ଏହି ବିସ୍ଫୋରଣରେ ଗନୀଙ୍କର କୌଣସି କ୍ଷତି ହୋଇ ନ ଥିବା ଜଣାପଡ଼ିଛି।
ପାକ୍‌ ହୋଟେଲ୍‌ରେ ହିନ୍ଦୁ ଛାତ୍ରୀଙ୍କ ମୃତଦେହ: ଭାଇ ଆଣିଲେ ହତ୍ୟା ଅଭିଯୋଗ
ପାକିସ୍ତାନର ସିନ୍ଧ୍‌ ପ୍ରଦେଶରେ ଏକ ହଷ୍ଟେଲ୍‌ରେ ରହି ପାଠ ପଢ଼ୁଥିବା ଜଣେ ହିନ୍ଦୁ ମେଡିକାଲ୍‌ ଛାତ୍ରୀଙ୍କ ଶବ ଉଦ୍ଧାର କରାଯାଇଛି। ସୋମବାର ଲାର୍‌କାନାସ୍ଥିତ ଏହି ହଷ୍ଟେଲ୍‌ରୁ ମୃତଦେହ ଉଦ୍ଧାର କରାଯାଇଥିବା ବେଳେ ଏହାକୁ ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ଅଭିଯୋଗ କରିଛନ୍ତି ଉକ୍ତ ମେଡିକାଲ୍‌ ଛାତ୍ରୀଙ୍କ ଭାଇ। ମୃତ୍ୟୁବରଣ କରୁଥିବା ଛାତ୍ରୀ ଜଣକଙ୍କ ନାମ ନମ୍ରିତା ଚନ୍ଦାନି ଓ ସେ ଘୋଟ୍‌କି ତାଲୁକା ଅନ୍ତର୍ଗତ ମୀରପୁର ମାଥେଲୋର ନିବାସୀ ବୋଲି ଜଣାପଡ଼ିଛି। ସେ ଲାର୍‌କାନାସ୍ଥିତ ବିବି ଆସିଫା ଡେଣ୍ଟାଲ୍‌ କଲେଜରେ ପାଠ ପଢ଼ୁଥିଲେ। ପୋଲିସ୍‌ ତାଙ୍କ ଶବକୁ ହଷ୍ଟେଲ୍‌ ରୁମ୍‌ ଭିତରେ ଏକ ଖଟ ଉପରେ ବନ୍ଧା ହୋଇଥିବା ଅବସ୍ଥାରେ ଜବତ କରିଛି। ତାଙ୍କ ରୁମ୍‌ଟି ଭିତର ପଟୁ ତାଲା ପଡ଼ିଥିବା ବେଳେ ହଷ୍ଟେଲ୍‌ ୱାଚ୍‌ମ୍ୟାନ୍‌ ଦରଜା ଭାଙ୍ଗିବା ପରେ ଖଟ ଉପରେ ଅମ୍ରିତାଙ୍କ ଶବ ପଡ଼ିଥିବା ଦେଖିବାକୁ ପାଇଥିଲେ। ତେବେ ଏହା ଏକ ହତ୍ୟାକାଣ୍ଡ କି ଆତ୍ମହତ୍ୟା, ତାହା କହିବା ବର୍ତ୍ତମାନ ସମୟରେ ସମ୍ଭବପର ନୁହେଁ ବୋଲି ପୋଲିସ୍‌ ପକ୍ଷରୁ କୁହାଯାଇଛି।

ଫଟୋ ଗ୍ୟାଲେରୀ

ବିଶ୍ବବାସୀଙ୍କୁ ପସନ୍ଦ ଆସୁଛି
ଭାରତର ସାସ୍କୃତିକ ବିବିଧତା ସହିତ ଐତିହ୍ୟ ଓ ଏଠିକାର ଖାଦ୍ୟପେୟ ଏବେ ବିଦେଶୀଙ୍କୁ ବହୁ ମାତ୍ରାରେ ଆକର୍ଷିତ କରୁଛି। ଭାରତୀୟ ଖାଦ୍ୟ ଅନେକ ଦୃଷ୍ଟିରୁ ବିଦେଶୀଙ୍କ ପାଇଁ ଅଦ୍ଭୁତ ହୋଇଥାଏ। କାରଣ ଅଧିକାଂଶ ଦେଶରେ ଏହି ଫୁଡ୍‌ ହ୍ୟାବିଟସ୍‌ ନାହିଁ, ଯାହା ଭାରତରେ ରହିଛି। ଯଦି ପିଜ୍ଜା, ବର୍ଗର ଓ ଫ୍ରାଇଜ୍‌କୁ ଛାଡ଼ିଦେବେ, ତେବେ ବିଦେଶୀ ଖାଦ୍ୟରେ ଅଧିକାଂଶ ଖାଦ୍ୟ ଏପରି ରହିଛି, ଯାହାକୁ ସ୍ପୁନ୍‌ କିମ୍ବା ଫୋର୍କ ସହାୟତାରେ ଖାଇହେବ। କିନ୍ତୁ ଭାରତୀୟମାନେ ରୁଟି, ପରଟାକୁ ତରକାରୀ କିମ୍ବା ଡାଲିରେ ବୁଡ଼ାଇ ଖାଇଥାନ୍ତି। ଏହା ଖାଇବା ଦ୍ବାରା ଆମକୁ ଅଲଗା ପ୍ରକାରର ସନ୍ତୁଷ୍ଟି ମିଳିଥାଏ। କିଛି ଦିନ ତଳେ ଭାରତୀୟ ଶୈଳୀରଖାଦ୍ୟପେୟ ଉପରେ ଏକ ସର୍ଭେ କରାଯାଇଥିଲା। ଏଥିରୁ ଜଣାପଡ଼ିଥିଲା ଯେ ହାତରେ ଖାଦ୍ୟ ଖାଇବା ଫଳରେ ବ୍ୟକ୍ତିଙ୍କୁ ଅଧିକ ତୃପ୍ତି ମିଳିଥାଏ।

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ