ଅନ୍‌ଲାଇନ୍‌ରେ ବିଧାନସଭା ପ୍ରଶ୍ନୋତ୍ତର କାର୍ଯ୍ୟକ୍ରମ

ଭୁବନେଶ୍ବର: ଫେବ୍ରୁଆରୀ ତୃତୀୟ ସପ୍ତାହରୁ ଆରମ୍ଭ ହେବାକୁ ଯାଉଛି ଓଡ଼ିଶା ବିଧାନସଭାର ବଜେଟ୍ ଅଧିବେଶନ। ଚଳିତ ଅଧିବେଶନକୁ ପେପରଲେସ୍‌ କରିବା ପାଇଁ ନିଷ୍ପତ୍ତି ହୋଇଥିବା ବେଳେ ଏଥିପାଇଁ ସମସ୍ତ ପ୍ରକାର ପଦକ୍ଷେପ ନିଆଯାଉଥିବା ସୂଚନା ଦେଇଛନ୍ତି ବାଚସ୍ପତି ସୂର୍ଯ୍ୟନାରାୟଣ ପାତ୍ର। ମିଳିଥିବା ସୂଚନା ଅନୁସାରେ ଆଉ ବିଧାୟକମାନଙ୍କୁ ଲିଖିତ ପ୍ରଶ୍ନ ପଚାରିବାକୁ ପଡ଼ିବନି। କିମ୍ବା ବିଧାନସଭା ପକ୍ଷରୁ ‌ବିଧାୟକମାନଙ୍କୁ ଲିଖିତ ଉତ୍ତର ଦେବାକୁ ପଡ଼ିବନି। ଏସବୁ କାମ ଏଣିକି ଅନ୍‌ଲାଇନ୍‌ରେ ଚାଲିବ। ବିଧାୟକମାନେ ଅନ୍‌ଲାଇନ୍‌ରେ ପ୍ରଶ୍ନ କରିବେ। ନିଜ ମୋବାଇଲ୍‌ରେ ତାହାର ଉତ୍ତର ବି ପାଇଯିବେ। ଇ-ବିଧାନସଭା ପ୍ରକଳ୍ପର ଏକ ଅଂଶ ଭାବେ ଏହି ପଦକ୍ଷେପ ନିଆଯାଇଛି। ନାଭା ଆପ୍‌ ଜରିଆରେ ପ୍ରଶ୍ନୋତ୍ତର ଅନ୍‌ଲାଇନ୍‌ରେ ହେବ ବୋଲି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ସୂଚନା ଦେଇଛନ୍ତି। ଆସନ୍ତା ବଜେଟ୍‌ ଅଧିବେଶନରେ ହିଁ ଏହି ନୂଆ ଧାରାରେ ପ୍ରଶ୍ନୋତ୍ତର ଚାଲିବ ବୋଲି ଜଣାପଡ଼ିଛି।
ରାତି ସାରା ଥାନରେ ବସିଲେ ବିଜେପି ନେତା
ରାଜ୍ୟ ସରକାରଙ୍କ ଚାଷୀମାରଣ ନୀତି ଓ ଧାନକିଣାରେ ବ୍ୟାପକ ଅବ୍ୟବସ୍ଥା ପ୍ରତିବାଦରେ ଆନ୍ଦୋଳନ କରୁଛି ବିଜେପି। ଗୁରୁବାର ଦିନ ଟୋକନ୍ ଓ ମଣ୍ଡି ବ୍ୟବସ୍ଥା ନେଇ ୩୭ଟି ବିଧାନସଭା କ୍ଷେତ୍ରର ଚାଷୀ ସମ୍ବଲପୁର ଆର୍‌ଡିସି ଅଫିସ୍‌ ଘେରାଉ କରିଥିବା ବେଳେ ବିଶାଳ ଚାଷୀ ସମାବେଶ କରିଛି ବିଜେପି। ମଣ୍ଡିରୁ ଧାନ ନ ଉଠିବା ପର୍ଯ୍ୟନ୍ତ ବିଜେପି ଆନ୍ଦୋଳନ ଜାରି ରଖିବ ବୋଲି ଚେତାବନୀ ଦେଇଥିବାବେଳେ ବିଜେପିର ଏକାଧିକ ବରିଷ୍ଠ ନେତା ସମ୍ବଲପୁର ଟାଉନ୍‌ ଥାନା ପରିସରରେ ଉଜାଗର ରହି ପ୍ରତିବାଦ କରିଛନ୍ତି। ରାଜ୍ୟ ବିଜେପି ସଭାପତି ସମୀର ମହାନ୍ତି, ବିରୋଧୀ ଦଳ ନେତା ପ୍ରଦୀପ୍ତ ନାଏକ, ବରଗଡ଼ ସାଂସଦ ସୁରେଶ ପୂଜାରୀ, ସମ୍ବଲପୁର ବିଧାୟକ ଜୟନାରାୟଣ ମିଶ୍ରଙ୍କ ନେତୃତ୍ୱରେ ଅନେକ ନେତା ଓ କର୍ମୀ ସମ୍ବଲପୁର ଟାଉନ ଥାନା ପରିସରରେ ଶୀତକାକରରେ ବସି ରହିଛନ୍ତି।
ଓଡ଼ିଶାକୁ ନିଶାମୁକ୍ତ ଘୋଷଣା କରନ୍ତୁ ସରକାର: ନିରଞ୍ଜନ
ମହାତ୍ମା ଗାନ୍ଧିଙ୍କ ପ୍ରଥମ ଓଡ଼ିଶା ଆଗମନ ଓ ଉତ୍କଳ କଂଗ୍ରେସର ୧୦୦ ବର୍ଷ ପୂର୍ତ୍ତିକୁ ବେଶ୍‌ ଧୁମ୍‌ଧାମ୍‌ରେ ପାଳନ କରିବ କଂଗ୍ରେସ। ବର୍ଷ ତମାମ୍ ଏହାକୁ ଉତ୍ସବ ଭଳି ପାଳନ କରାଯିବ ବୋଲି ଗୁରୁବାର ସାମ୍ବାଦିକ ସମ୍ମିଳନୀରେ କହିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ। କଂଗ୍ରେସ ଓ ଗାନ୍ଧିଜୀଙ୍କ ଓଡ଼ିଶା ଆଗମନର ୧୦୦ ବର୍ଷକୁ ରାଜ୍ୟ, ଜିଲ୍ଲା ଓ ବ୍ଲକ୍‌ ସ୍ତରରେ ବିଭିନ୍ନ ପ୍ରକାରରେ ପାଳନ କରାଯିବ। ଦେଶର ସ୍ୱାଧିନତା ସଂଗ୍ରାମୀ, ମହାତ୍ମା ଗାନ୍ଧି, ଜବାହରଲାଲ ନେହେରୁଙ୍କ ଜୀବନୀ ଓ ବଳିଦାନ, ଦେଶର ବିକାଶରେ କଂଗ୍ରେସର ଅବଦାନ ଇତ୍ୟାଦି ଉପରେ ବର୍ଷ ତମାମ ସେମିନାର, ପଦଯାତ୍ରା, ପ୍ରଶିକ୍ଷଣ ଶିବିର ଆଦି ଆୟୋଜନ କରାଯିବ ବୋଲି ପଟ୍ଟନାୟକ କହିଥିଲେ।
ଆଜିଠୁ ଜାତୀୟ ସ୍ତରୀୟ ହସ୍ତତନ୍ତ
କଳା, ସ୍ଥାପତ୍ୟର ଦେଶ ଭାବେ ଭାରତ ବିଶ୍ବବିଦିତ। ଭାରତ ମଧ୍ୟରେ କଳାନୈପୁଣ୍ୟତା ପାଇଁ ଓଡ଼ିଶାର ସ୍ଥାନ ସ୍ବତନ୍ତ୍ର। ସେଥିପାଇଁ ଏକଦା ଓଡ଼ିଶା ଉତ୍କର୍ଷ କଳାର ରାଜ୍ୟ ‘ଉତ୍କଳ’ ନାମରେ ଆଦୃତ ଲାଭ କରିଛି। ଓଡ଼ିଶା ବସ୍ତ୍ର ମଧ୍ୟରେ ମୁଖଃତ ବାନ୍ଧକଳାର ବୈଭବ କେବଳ ଆମ ରାଜ୍ୟ ନୁହେଁ ସମଗ୍ର ଦେଶ ତଥା ବିଶ୍ବକୁ ରୁଦ୍ଧିମନ୍ତ କରିପାରିଛି। ଓଡ଼ିଶାର ବାନ୍ଧବସ୍ତ୍ର ପରି ପଶ୍ଚିମବଙ୍ଗର ଜାମଦାନି ଓ ଟାଙ୍ଗାଇଲ୍, ଗୁଜୁରାଟର ପଟୋଲା, ଲକ୍ଷ୍ମୌର ଚିକେନ୍‌ କାରୀ, ଜମ୍ମୁ-କଶ୍ମୀରର ପଶ୍ମିନା-ସାଲ୍, ତାମିଲ୍‌ନାଡ଼ୁର କାଞ୍ଜିବରମ୍ ପାଟଶାଢ଼ି, ଦିଲ୍ଲୀ, ହରିୟାଣାର ଫର୍ନିସିଙ୍ଗ୍ ବସ୍ତ୍ର, ପଞ୍ଜାବର କମ୍ବଳ ଓ କର୍ଣ୍ଣାଟକର ସିଲକ୍ ଶାଢ଼ି ଆଦି ହସ୍ତତନ୍ତ ବସ୍ତ୍ର ଭାରତ ବୟନ କଳା ବିଭବକୁ ଆହୁରି ରୁଦ୍ଧିମନ୍ତ ଓ ସୁଦୂରପ୍ରସାରୀ କରାଇପାରିଛି। ଏହି ସମସ୍ତ ବୟନ କଳାକୁ ଗୋଟିଏ ସ୍ଥାନରେ ପ୍ରଦର୍ଶିତ କରାଇବା ପାଇଁ ତଥା ଏହାର ବାଣିଜ୍ୟିକ ଆଭିମୁଖ୍ୟକୁ ତ୍ବରାନ୍ବିତ କରି ଏଥିରୁ ସମ୍ପୃକ୍ତ ବୁଣାକାରମାନଙ୍କ ସର୍ବାଙ୍ଗୀନ ଉନ୍ନତିକଳ୍ପେ, ଓଡ଼ିଶା ସରକାରଙ୍କ ଦ୍ବାରା ଆୟୋଜିତ ବୟନିକା ଦ୍ବାରା ଜାତୀୟ ସ୍ତରୀୟ ହସ୍ତତନ୍ତ ମେଳାର ଆୟୋଜନ କରାଯାଇଛି।
ଇଂଲଣ୍ଡ ଟେଷ୍ଟ ସିରିଜ: ଟିମକୁ
ଅଷ୍ଟ୍ରେଲିଆ ମାଟିରେ ଭାରତୀୟ ଦଳର ଐତିହାସିକ ଟେଷ୍ଟ ସିରିଜ ବିଜୟକୁ ନେଇ ସାରା ଦେଶରେ ଖୁସିର ଲହରି ପ୍ରକାଶ ପାଇଥିଲା ପରବର୍ତ୍ତୀ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ଖେଳିବା ପାଇଁ ଦଳ ଘୋଷଣା ହୋଇଛି। ଚେତନ ଶର୍ମାଙ୍କ ନେତୃତ୍ବାଧୀନ ନୂଆ ଚୟନ କମିଟି ଘରୋଇ ମାଟିରେ ଇଂଲଣ୍ଡ ବିପକ୍ଷରେ ଖେଳାଯିବାକୁ ଥିବା ଟେଷ୍ଟ ସିରିଜର ପ୍ରଥମ ଓ ଦ୍ବିତୀୟ ଟେଷ୍ଟ ପାଇଁ ୧୮ ଜଣିଆ ଦଳ ଘୋଷଣା କରିଛନ୍ତି। ଅଧିନାୟକ ବିରାଟ କୋହଲି ଦଳକୁ ଫେରିବା ସହ ଅଧିନାୟକ ପଦକୁ ଫେରିଛନ୍ତି। ସେହିପରି ମାତ୍ର ସପ୍ତାହକ ତଳେ ବାପାଙ୍କୁ ହରାଇ ମ୍ରିୟମାଣ ହୋଇଥିବା ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ଚୟନ କମିଟି ଆସ୍ଥା ସ୍ଥାପନ କରିଛି। ଟେଷ୍ଟ ମ୍ୟାଚ ପାଇଁ ପ୍ରଥମ ଚଏସ ବୋଲର ଈଶାନ୍ତ ଶର୍ମା ଫିଟ ହୋଇ ପୁଣି ଥରେ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି। ଅଷ୍ଟ୍ରେଲିଆ ଗସ୍ତରେ ଆହତଜନିତ ସମସ୍ୟା ପାଇଁ ବାଦ ପଡ଼ିଥିବା ଲୋକେଶ ରାହୁଲ ମଧ୍ୟ ଫିଟ ଘୋଷିତ ହେଇ ଦଳରେ ସ୍ଥାନ ପାଇଛନ୍ତି।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ଚାଷୀଙ୍କୁ ନେଇ ପୁଣି ବିଜେପି-ବିଜେଡି ମୁହାଁମୁହିଁ
ଚାଷୀ ପ୍ରସଙ୍ଗକୁ କେନ୍ଦ୍ରକରି ପୁଣିଥରେ ମୁହାଁମୁହିଁ ହୋଇଛନ୍ତି ବିଜେପି ଓ ବିଜେଡି। ଗତ ଦୁଇଦିନ ତଳେ ରାଜ୍ୟରେ ବଳକା ଉଷୁନା ଚାଉଳକୁ ନେଇ ଉଭୟ ଦଳ ମଧ୍ୟରେ ଆରୋପ ଓ ପ୍ରତ୍ୟାରୋପ ହୋଇଥିବା ବେଳେ ଆଜି ମଧ୍ୟ ପୁଣିଥରେ ସମାନ ପରିସ୍ଥିତି ଉପୁଜିଛି। ଉଭୟ ଦଳ ସାମ୍ବାଦିକ ସମ୍ମିଳନୀ କରି ଚାଷୀ ପ୍ରସଙ୍ଗରେ ଉଭୟ ଉଭୟଙ୍କୁ ଦୋଷାରୋପ କରିଛନ୍ତି। ରାଜ୍ୟ ସରକାରଙ୍କ ଚାଷୀ ବିରୋଧୀ ନୀତି ବିରୋଧରେ ଗୁରୁବାର ସମ୍ବଲପୁର ଆର୍‌ଡିସି ଅଫିସ୍‌ ଘେରାଉ କରିବ ବୋଲି ବିଜେପି ଘୋଷଣା କରିଥିବା ବେଳେ ଏହାର ଜବାବ ରଖିଛି ବିଜେଡି। କେନ୍ଦ୍ରର କୃଷି ଆଇନକୁ ନେଇ ହେଉଥିବା ଦେଶବ୍ୟାପି ବିରୋଧରୁ ନଜର ହଟାଇବା ପାଇଁ ରାଜ୍ୟ ବିଜେପି ଏବେ ଧାନ ସଂଗ୍ରହର ଆଳ ଦେଖାଇ ଆରଡିସି ଅଫିସ୍ ଘେରିବା ନାଟକ କରୁଥିବା ବିଜେଡି କହିଛି।
ସୀମା ବିବାଦ: ସୀମାନ୍ତ ଗ୍ରାମରେ ସ୍ଥିତି ପରଖିବ ଗୃହ କମିଟି
ସୀମା ଲଙ୍ଘୁଛନ୍ତି ପଡ଼ୋଶୀ। ଓଡ଼ିଶା ସମୀକୁ ଲାଗି ରହିଥିବା ରାଜ୍ୟଗୁଡ଼ିକ ମଧ୍ୟରେ ବହୁ ଦିନ ଧରି ସୀମା ବିବାଦ ଲାଗି ରହିଛି। ଆନ୍ଧ୍ର, ଛତିଶଗଡ଼, ପଶ୍ଚିମବଙ୍ଗ ସରକାର ବିଭିନ୍ନ ସମୟରେ ଓଡ଼ିଶାର ସୀମା ଭିତରକୁ ପଶି ସୀମାବର୍ତ୍ତୀ ଗାଁ ଉପରେ କବଜା କରି ପ୍ରଭୁତ୍ବ ଜାରି କରୁଛନ୍ତି। ବିଭିନ୍ନ ପ୍ରକାର ସରକାରୀ ସହାୟତା ଠାରୁ ଆରମ୍ଭ କରି ବିଭିନ୍ନ ପ୍ରକାର ଯୋଜନାର ଲୋଭ ଦେଖାଇ ନିଜ ଆଡ଼କୁ ଆକର୍ଷିତ କରିବାକୁ ଚେଷ୍ଟା କରୁଛନ୍ତି। ଯାହାର ସମାଧାନ କରିବା ପାଇଁ ଓଡ଼ିଶା ସରକାରଙ୍କ ପକ୍ଷରୁ ଆରମ୍ଭ ହୋଇଛି ଉଦ୍ୟମ। ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ପଡ଼ୋଶୀ ରାଜ୍ୟ ସହ ଲାଗି ରହିଥିବା ସୀମା ବିବାଦ ଉପରେ ବିଶାଦ ଆଲୋଚନା ହୋଇଛି। ଏଥିସହ ସୀମାନ୍ତ ଗ୍ରାମ ଗୁଡ଼ିକରେ ବାସ୍ତବ ସମସ୍ୟା ଉପରେ ଅବଗତ ହେବା ପାଇଁ ଗୃହ କମିଟି ସୀମା ବିବାଦ ଥିବା କୋଟିଆ ଗ୍ରାମପୁଞ୍ଜ ସହ ଅନ୍ୟାନ୍ୟ ଅଞ୍ଚଳ ଗସ୍ତ କରିବା ନେଇ ଗୃହ କମିଟି ବୈଠକରେ ନିଷ୍ପତ୍ତି ହୋଇଛି। ଗୃହ କମିଟିର ପରବର୍ତ୍ତୀ ବୈଠକରେ ରାଜସ୍ୱ ଆଇନ, ଗୃହ ଏବଂ ପଞ୍ଚାୟତିରାଜ ବିଭାଗର ସଚିବମାନେ ଯୋଗଦେଇ ସମ୍ପୃକ୍ତ ଅଞ୍ଚଳରେ କିଭଳି ବିକାଶ ପ୍ରକ୍ରିୟାକୁ ତ୍ୱରାନ୍ୱିତ ହୋଇଛି, ସେ ସମ୍ପର୍କରେ ଗୃହ କମିଟିକୁ ଅବଗତ କରିବେ।

ଫଟୋ ଗ୍ୟାଲେରୀ

ଅନେକଙ୍କ ଆଖି ଖୋଲିଦେଲେ ଖୋଲି: ଇଜିପ୍ଟର ପ୍ରଥମ ମହିଳା ମୋଟର ମେକାନିକ
ମହିଳାଙ୍କୁ ନେଇ ବର୍ତ୍ତମାନ ସମୟର ଲୋକଙ୍କ ଚିନ୍ତାଧାରା ବଦଳିବାରେ ଲାଗିଛି। ଆଜି ସେମାନେ ପୁରୁଷଙ୍କ ସମକକ୍ଷ ହୋଇ କାମ କରୁଛନ୍ତି। ସମାଜ ଯଦିଓ ମହିଳାଙ୍କୁ କାମ କରିବାକୁ ସ୍ବାଧୀନତା ଦେଇଛି, କିନ୍ତୁ କେଜାଣି କାହିଁକି ଲୋକେ ନିଜ ମସ୍ତିଷ୍କରେ ମହିଳା କେତେକ ସୀମିତ କ୍ଷେତ୍ରରେ କାମ କରିପାରିବେ ବୋଲି ଚିନ୍ତାଧାରା ରହିଛି। ଅର୍ଥାତ ମହିଳାମାନେ ଅଫିସରେ କାମ କରିବା ଠିକ ରହିବ ବୋଲି ଭାବିଥାନ୍ତି। କିନ୍ତୁ ଯଦି ମହିଳାମାନେ ରିପେୟାର ୱାର୍କଶପରେ କାମ କରୁଥିବା ଦେଖନ୍ତି, ତେବେ ଲୋକେ ତାଙ୍କ ବିଷୟରେ କଥା ହେବା ଆରମ୍ଭ କରନ୍ତି। ଏହି ଆଧୁନିକ ଯୁଗରେ ମଧ୍ୟ ମହିଳାଙ୍କ ପାଇଁ ସାମାଜିକ ଶିକୁଳି ଛିଣ୍ଡିନି। କିନ୍ତୁ ଏସବୁ ମଧ୍ୟରେ ଇଜିପ୍ଟର ଲେଖା ଅଲ ଖୋଲି ନାମ୍ନୀ ଜଣେ ମହିଳା ଅନ୍ୟ ମହିଳାଙ୍କ ପାଇଁ ପ୍ରେରଣା ପାଲଟିବା ସହ ଅନେକଙ୍କ ଆଖି ଖୋଲି ଦେଇଛନ୍ତି।
ସାହସରୁ ମିଳିଲା ବିଜୟ: ଜାଣନ୍ତୁ ଇଲାଭରାସିଙ୍କ ପ୍ରେରଣାଦାୟୀ କାହାଣୀ
ଜୀବନରେ ମଣିଷ ଏଭଳି କିଛି କାମ କରିଥାଏ, ଯାହା ନିଜ ପାଇଁ ସ୍ବପ୍ନ ହୋଇଥାଏ। କେହି ଟଙ୍କା ସଞ୍ଚୟ କରିବାକୁ ସ୍ବପ୍ନ ଦେଖିଥାନ୍ତି ତ କେହି ବ୍ୟବସାୟ କରିବାକୁ। ଯଦି ଆପଣ ଦିନ ରାତି ପରିଶ୍ରମ କରି କିଛି ଅର୍ଜିଛନ୍ତି ଆଉ ତାହା ଚୋରି ହୋଇଯାଏ, ତେବେ ଆପଣଙ୍କ ଅବସ୍ଥା ଖରାପ ହୋଇଯିବ। ଏପରି ଘଟଣା ଘଟିବା ପରେ ଯେ କେହି ହାର ମାନିଥାନ୍ତି। ଯଦି ଜୀବନ ପରୀକ୍ଷା ନେଉଛି, ଏଥିରେ ଧୈର୍ଯ୍ୟହରା ନ ହୋଇ ବରଂ ଏଥିସହ ସାମ୍ନା କରିବା ଉଚିତ। ପରିଶ୍ରମ କରି ଲକ୍ଷ୍ୟସ୍ଥଳରେ ପହଞ୍ଚିବା ଉଚିତ। ଏମିତି କିଛି ହୋଇଥିଲା ତାମିଲନାଡ଼ୁରେ ରହୁଥିବା ଇଲାଭରାସି ଜୟକାନ୍ତଙ୍କ ସହିତ। ଇଲାଭରାସି ଅନେକ ସ୍ବପ୍ନ ଦେଖିଥିଲେ। କିନ୍ତୁ ଏମିତି ଏକ ଦିନ ଆସିଥିଲା, ତାଙ୍କ ଜୀବନ ଏପଟସେପଟ ହେବା ଉପରେ ପହଞ୍ଚି ଥିଲା। କିନ୍ତୁ ଏତେ ସବୁ ହୋଇଯିବା ପରେ ସେ ହାର ମାନି ନ ଥିଲେ। ଚାଲନ୍ତୁ ଜାଣିବା ଏଭଳି ମହିଳାଙ୍କ କାହାଣୀ ସମ୍ପର୍କରେ।

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ