ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା: ବାପାମା' ଛେଉଣ୍ଡ ପିଲାଙ୍କ

ଭୁବନେଶ୍ୱର: ବାପାମା' ଛେଉଣ୍ଡ ପିଲାଙ୍କ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆରମ୍ଭ କରିଛନ୍ତି ନୂଆ ଯୋଜନା। ବାପା, ମା' ବା ପରିବାରର ମୁଖ୍ୟ ଉପାର୍ଜନକାରୀଙ୍କୁ ହରାଇଥିବା ଶିଶୁମାନଙ୍କ ପାଇଁ ମୁଖ୍ୟମନ୍ତ୍ରୀଙ୍କ ନୂଆ ଯୋଜନା ‘ଆଶୀର୍ବାଦ’। ଏହି ଯୋଜନାରେ ଉଭୟ ପିତାମାତା ତଥା ସିଙ୍ଗଲ ପ୍ୟାରେଣ୍ଟଙ୍କୁ ହରାଇଥିବା ପିଲାଙ୍କୁ ମିଳିବ ମାସିକ ୨୫୦୦ ଟଙ୍କା। କେବଳ ମୁଖ୍ୟ ଉପାର୍ଜନକାରୀ ବାପା ବା ମା' ଜଣକୁ ହରାଇ ଥିବା ପିଲାଙ୍କୁ ମାସିକ ୧୫୦୦ ଟଙ୍କା । ଜଣେ ବି ଅସହାୟ ଶିଶୁ ଯେପରି ବାଦ୍ ନ ପଡନ୍ତି, ସେଥିପାଇଁ ଦୃଷ୍ଟି ଦେବାକୁ ମୁଖ୍ୟମନ୍ତ୍ରୀ ନିର୍ଦେଶ ଦେଇଛନ୍ତି। ଗତ ଏପ୍ରିଲ ପହିଲା ୨୦୨୦ ପରେ ଉଭୟ ବାପା ,ମା' ବା ପରିବାରର ମୁଖ୍ୟ ଉପାର୍ଜନକାରୀଙ୍କୁ ହରାଇ ଥିବା ପିଲାମାନଙ୍କ ଶିକ୍ଷାଦୀକ୍ଷା, ଭରଣପୋଷଣ ତଥା ଯତ୍ନ ପାଇଁ ମୁଖ୍ୟମନ୍ତ୍ରୀ ଏହି ଯୋଜନା ଘୋଷଣା କରିଛନ୍ତି।

ବିଦେଶିନୀଙ୍କୁ ଦୁଷ୍କର୍ମ ମାମଲା: ପୂର୍ବତନ ଏଆଇଏଡିଏମକେ

ଚେନ୍ନାଇ: ଏଆଇଏଡିଏମକେର ପୂର୍ବତନ ମନ୍ତ୍ରୀ ଏମ. ମଣିକାନ୍ଦନଙ୍କୁ ଚେନ୍ନାଇ ସିଟି ପୋଲିସ୍ ବେଙ୍ଗାଲୁରୁରୁ ଗିରଫ କରିଛି। ଏହି ପୂର୍ବତନ ମନ୍ତ୍ରୀଙ୍କ ବିରୋଧରେ ଜଣେ ବିଦେଶିନୀ ଦୁଷ୍କର୍ମ ଅଭିଯୋଗ ଆଣିବା ପରେ ସ୍ଥାନୀୟ ପୋଲିସ୍ ଏପରି ପଦକ୍ଷେପ ଗ୍ରହଣ କରିଛି। ପାଖାପାଖି ଦୁଇ ସପ୍ତାହ ତଳେ ଜଣେ ମାଲେସୀୟ ମହିଳା ତାଙ୍କ ପ୍ରତି ଦୁଷ୍କର୍ମ ହୋଇଥିବା ନେଇ ଆଦ୍ୟାରସ୍ଥିତ ମହିଳା ଥାନାରେ ଅଭିଯୋଗ କରିଥିଲେ। ପେସାରେ ସେ ଜଣେ ଅଭିନେତ୍ରୀ ହୋଇଥିବା .ବେଳେ ମଣିକାନ୍ଦନ ବର୍ଷ ବର୍ଷ ଧରି ତାଙ୍କ ସହ ସମ୍ପର୍କ ସ୍ଥାପନ କରିଆସିଛନ୍ତି। ସେମାନଙ୍କ ମଧ୍ୟରେ ଜାରି ରହିଥିବା ଏହି ସମ୍ପର୍କ ସମୟରେ ମଣିକାନ୍ଦନ ତାଙ୍କୁ ଏକାଧିକ ବାର ଗର୍ଭବତୀ କରିବା ସହ ତାଙ୍କର ଜୋରଜବରଦସ୍ତି ଗର୍ଭପାତ କରାଇଥିବା ମାଲେସୀୟ ମହିଳା ଜଣକ ତାଙ୍କ ଅଭିଯୋଗରେ ଦର୍ଶାଇଛନ୍ତି। ତାଙ୍କୁ ବିବାହର ପ୍ରଲୋଭନ ଦେଖାଇ ମଣିକାନ୍ଦନ ତାଙ୍କ ସହିତ ଶାରୀରିକ ସମ୍ପର୍କ ରଖିଥିଲେ ବୋଲି ସେ କହିଛନ୍ତି। ତେବେ ଗର୍ଭବତୀ ହେବା ପରେ ମଣିକାନ୍ଦନ ତାଙ୍କୁ ଏକାଧିକ ବାର ଧମକଚମକ ଦେଇଥିଲେ। ତାଙ୍କ ସହ ସମ୍ପର୍କ ରହିଛି ବୋଲି କେଉଁଠି ପ୍ରକାଶ ନ କରିବାକୁ ତାଙ୍କୁ ଧମକଚମକ ମଧ୍ୟ ଦେଇଥିଲେ ବୋଲି ମହିଳା ଥାନାରେ ଦାଖଲ କରିଥିବା ଏଫଆଇଆରେ ଉକ୍ତ ମାଲେସୀୟ ଅଭିନେତ୍ରୀ ଜଣକ ଦର୍ଶାଇଥିବା ଜଣାପଡ଼ିଛି।

ଚୀନୀ ଚମତ୍କାର: ୨୮ ଘଣ୍ଟାରେ ଛିଡ଼ାହେଲା ୧୦

ବେଜିଂ: ନିକଟରେ ଚୀନର ଯନ୍ତ୍ରୀମାନେ ଏକ ଆଶ୍ଚର୍ଯ୍ୟଚକିତ କରିବା ପରି ଏକ କାର୍ଯ୍ୟ କରି ଦେଖାଇଛନ୍ତି। ମାତ୍ର ୨୮ ଘଣ୍ଟା ଭିତରେ ସେମାନେ ଏକ ୧୦ ମହଲା ବିଶିଷ୍ଟ କୋଠା ଛିଡ଼ା କରାଇପାରିବାରେ ସକ୍ଷମ ହୋଇଛନ୍ତି। ଚୀନର ଏକ ରିଅଲ୍ ଇଷ୍ଟେଟ୍ ଡେଭଲପର୍ ଏହି କରିସ୍ମା କରି ଦେଖାଇଛି। ଏହି କୋଠାର ନିର୍ମାଣ ସମୟର ଦୃଶ୍ୟ ସୋସାଲ୍ ମିଡିଆରେ ବେଶ୍ ଭାଇରାଲ୍ ହୋଇଛି। ଚୀନର ଚାଙ୍ଗଶା ସହରରେ ଏହି କୋଠାଟି ନିର୍ମାଣ କରାଯାଇଥିବା ବେଳେ ନିଜେ ରିଅଲ୍ ଡେଭଲପର୍ ସଂସ୍ଥା ବ୍ରଡ୍ ଗ୍ରୁପ୍ ଏହାକୁ ସୋସାଲ୍ ମିଡିଆରେ ଭାଇରାଲ୍ କରିଛି। ଏହି ୧୦ ମହଲା ବିଶିଷ୍ଠା କୋଠାଟି ଏକ ଭୂମିକମ୍ପ ନିରୋଧୀ କୋଠା ହୋଇଥିବା ବେଳେ ବ୍ରଡ୍ ଗ୍ରୁପ୍ ପୂର୍ବରୁ ନିର୍ମାଣ କରାଯାଇଥିବା ମହଲା ବଡ଼ ବଡ଼ କ୍ରେନ୍ ସହାୟତାରେ ଫିଟିଙ୍ଗ୍ କରିଥିବା ଉକ୍ତ ଭିଡିଓରେ ଦେଖାଯାଇଛି। ଏକ କାରଖାନାରେ କୋଠାର ବିଭିନ୍ନ ରୁମ୍ ଓ ବିଲଡିଂ ମୋଡ୍ୟୁଲ୍ ପ୍ରସ୍ତୁତ ହେବା ପରେ ସେଗୁଡ଼ିକୁ ଟ୍ରକ୍ ମାଧ୍ୟମରେ ଉକ୍ତ କୋଠା ନିର୍ମାଣସ୍ଥଳକୁ ଅଣାଯାଇଥିଲା। କୌଣସି ଜାହାଜର କଣ୍ଟେନର୍ ଆକାର ପରି ପ୍ରତି ମହଲାର ମୋଡ୍ୟୁଲ୍ ରହିଥିବା ବେଳେ ସେଗୁଡ଼ିକୁ ଆବଶ୍ୟକ ପଡ଼ିଲେ ଫୋଲ୍ଡ ମଧ୍ୟ କରାଯାଇପାରିବ। ଏହାଦ୍ବାରା ଏହିସବୁ ବିଲ୍ଡିଂ ମୋଡ୍ୟୁଲର ପରିବହନ ବେଶ୍ ସହଜ ହୋଇପାରିବ।
ମୋଦୀ ସରକାରଙ୍କ ୭ ବର୍ଷ ପୂର୍ତ୍ତି
ଆଜିକୁ ୭ ବର୍ଷ ତଳେ ୨୦୧୪ ମସିହା ଆଜିର ଦିନରେ ଦେଶର ପ୍ରଧାନ ସେବକ ଭାବେ ପ୍ରଧାନମନ୍ତ୍ରୀ ଦାୟିତ୍ୱ ଗ୍ରହଣ କରିଥିଲେ ନରେନ୍ଦ୍ର ମୋଦୀ। ସେବା ହିଁ ସଂଗଠନକୁ ମୁଳମନ୍ତ୍ର କରି ପ୍ରଧାନମନ୍ତ୍ରୀ ମୋଦୀ ପ୍ରଥମ ଦିନରୁ ସେବା କାର୍ଯ୍ୟରେ ଲାଗିପଡ଼ିଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କ ଅକ୍ଳାନ୍ତ ପରିଶ୍ରମ, ଦୃଢ ନିଷ୍ପତ୍ତି ଏବଂ ଦୃଢ ସଙ୍କଳ୍ପ କାରଣରୁ ଭାରତ ଆଜି ସମଗ୍ର ବିଶ୍ୱରେ ସ୍ବତନ୍ତ୍ର ସ୍ଥାନ ଅଧିକାର କରିବା ସହ ଦେଶ ବିଦେଶରେ ବାସ କରୁଥିବା ପ୍ରତ୍ୟେକ ଭାରତୀୟଙ୍କ ମନରେ ଗର୍ବ ଆଣି ଦେଇଛନ୍ତି। ଏହି ୭ ବର୍ଷର ଶାସନ କାଳରେ ପ୍ରଧାନମନ୍ତ୍ରୀ ମୋଦୀ ଦେଶରେ ବିଭିନ୍ନ ଜନ ଓ ଗରୀବକଲ୍ୟାଣକୁ ସଫଳତାର ସହ କାର୍ଯ୍ୟାନ୍ବୟନ କରି ଦେଶବାସୀଙ୍କ ଆସ୍ଥା ଭାଜନ ହୋଇଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କ ୨ୟ ପାଳିର ୨ ବର୍ଷ ପୂର୍ତ୍ତି ତଥା ୭ ବର୍ଷ ପୂର୍ତ୍ତି ଅବସରରେ ଆଜିର ଦିନକୁ ଭାରତୀୟ ଜନତା ପାର୍ଟି ଦେଶବ୍ୟାପୀ ସେବା ଦିବସ ଭାବେ ପାଳନ କରୁଛି। କୋରୋନା ସଂକ୍ରମଣଜନିତ ଲକ୍‌ଡାଉନ/ ଶଟ୍‌ଡାଉନ୍‌ କାରଣରୁ ସେବା ଦିବସକୁ ରବିବାର ଓ ସୋମବାର ୨ ଦିନ ଧରି ପାଳନ କରାଯିବାକୁ ନିଷ୍ପତ୍ତି ନିଆଯାଇଛି।
ପୁଣି ବଢ଼ିଲା ତୈଳ ଦର:
ନୂଆଦିଲ୍ଲୀ: ଦେଶରେ ହୁ ହୁ ହୋଇ ବଢ଼ିଚାଲିଛି ତୈଳ ଦର। ନିୟମିତ ଭାବେ ପେଟ୍ରୋଲ୍ ଓ ଡିଜେଲ୍ ଦର ବଢ଼ିଚାଲିବା ଫଳରେ ଏହା ଦିନକୁ ଦିନ ଗ୍ରାହକଙ୍କ ପାଇଁ ଅସହ୍ୟ ହୋଇପଡ଼ିଲାଣି। ଫଳସ୍ବରୂପ ଦେଶର କେତେକ ସ୍ଥାନରେ ପେଟ୍ରୋଲ୍ ଲିଟର ପିଛା ଶହେରୁ ଅଧିକ ହୋଇଛି। ନିକଟରେ ତୈଳ ଦର ବଢ଼ିବା ଫଳରେ ବାଣିଜ୍ୟନଗରୀ ମୁମ୍ବାଇରେ ପ୍ରଥମ ଥର ପାଇଁ ପେଟ୍ରୋଲ୍ ଦର ଶହେ ଟଙ୍କା ଅତିକ୍ରମ କରିଥିଲା। ଏବେ ରବିବାର ପୁଣିଥରେ ଦର ବଢ଼ିବାରୁ ମୁମ୍ବାଇରେ ପେଟ୍ରୋଲ୍ ଲିଟର ପିଛା ୧୦୧ ଟଙ୍କା ୨୫ ପଇସା ଗ୍ରାହକଙ୍କୁ ଖର୍ଚ୍ଚ କରିବାକୁ ପଡ଼ିବ। ସେହିପରି ଏଠାରେ ଡିଜେଲ୍ ଦର ଲିଟର ପିଛା ୯୩ ଟଙ୍କା ୩୦ ପଇସା ରହିଥିବା ବେଳେ ଦୁଇ ଦିନ ତଳେ ମୁମ୍ବାଇରେ ପେଟ୍ରୋଲ୍ ଓ ଡିଜେଲ୍ ଦର ଯଥାକ୍ରମେ ୧୦୧ ଟଙ୍କା ୯୮ ପଇସା ଓ ୯୨ ଟଙ୍କା ୯୯ ପଇସା ଥିଲା। ଗତ ମେ’ ୨୯ ତାରିଖରେ ପ୍ରଥମ ଥର ପାଇଁ ମୁମ୍ବାଇରେ ପେଟ୍ରୋଲ୍ ଲିଟର ପିଛା ଶହେ ଟଙ୍କାକୁ ଅତିକ୍ରମ କରିଥିଲା। ସେହିପରି ସଦ୍ୟ ଦର ବୃଦ୍ଧି ଫଳରେ ଦିଲ୍ଲୀରେ ପେଟ୍ରୋଲ୍ ଦର ଲିଟର ପିଛା ୯୫ ଟଙ୍କା ୩ ପଇସାରେ ପହଞ୍ଚିଯାଇଛି।
ପେଟ୍ରୋଲ୍ ଲିଟର ପିଛା ଶହେ
ଶୁକ୍ରବାର କ୍ରମାଗତ ଭାବେ ୪ ଦିନ ଧରି ଦେଶର ତୈଳ ବିତରଣକାରୀ କମ୍ପାନୀମାନେ ପେଟ୍ରୋଲ୍ ଓ ଡିଜେଲ୍ ଦର ବଢ଼ାଇବା ଫଳରେ ପେଟ୍ରୋଲ୍ ଲିଟର ପିଛା ଶହେ ଟଙ୍କାକୁ ଟପିଯାଇଛି। ଫଳସ୍ବରୂପ ଗତ ମାର୍ଚ୍ଚ ୨୪ରୁ ଏପ୍ରିଲ୍ ୧୫ ମଧ୍ୟରେ ତୈଳ ଦର ଯେତିକି ହ୍ରାସ ପାଇଥିଲା, ଶୁକ୍ରବାରର ବୃଦ୍ଧି ପରେ ଯାନବାହନ ଚାଳକଙ୍କ ପକେଟ୍ ଉପରେ ବେଶ୍ ବୋଝ ପଡ଼ିବା ନିଶ୍ଚିତ ହୋଇଛି। ଶୁକ୍ରବାର ପେଟ୍ରୋଲ୍ ଦର ଲିଟର ପିଛା ୨୮ ପଇସା ବଢ଼ିଥିବା ବେଳେ ଡିଜେଲ୍ ଦର ୩୧ ପଇସା ବଢ଼ିଛି। ଏଥିସହ ଗତ ୪ ଦିନ ମଧ୍ୟରେ ପେଟ୍ରୋଲ୍ ଓ ଡିଜେଲ୍ ଦରରେ ପାଖାପାଖି ଏକ ଟଙ୍କା ବୃଦ୍ଧି ଘଟିସାରିଛି। ଫଳସ୍ବରୂପ ଦେଶର କେତେକ ସ୍ଥାନରେ ପେଟ୍ରୋଲ୍ ଦର ଶହେ ଅତିକ୍ରମ କରିଛି। ରାଜସ୍ଥାନର ଶ୍ରୀ ଗଙ୍ଗାନଗରଠାରେ ଗାଡ଼ି ଚାଳକମାନଙ୍କୁ ଏକ ଲିଟର ପେଟ୍ରୋଲ୍ ପାଇଁ ୧୦୨ ଟଙ୍କା ୧୫ ପଇସା ଖର୍ଚ୍ଚ କରିବାକୁ ପଡ଼ୁଥିବା ବେଳେ ମଧ୍ୟ ପ୍ରଦେଶର ଅନୁପ୍ପୁରଠାରେ ଏହି ଦର ୧୦୧ ଟଙ୍କା ୮୬ ପଇସାରେ ପହଞ୍ଚିଥିବା ଜଣାପଡ଼ିଛି। ସେହିପରି ରାଜଧାନୀ ଦିଲ୍ଲୀରେ ପେଟ୍ରୋଲ୍ ଦର ଗୁରୁବାର ୯୦ ଟଙ୍କା ୯୯ ପଇସା ଥିବା ବେଳେ ଏବେ ତାହା ୯୧ ଟଙ୍କା ୨୭ ପଇସାରେ ପହଞ୍ଚିଛି। ଏହାଛଡ଼ା ମୁମ୍ବାଇରେ ବର୍ତ୍ତମାନ ପେଟ୍ରୋଲ୍ ଦର ଲିଟର ପିଛା ୯୭ ଟଙ୍କା ୬୧ ପଇସାରେ ପହଞ୍ଚିଥିବା ବେଳେ ଅନ୍ୟାନ୍ୟ ମେଟ୍ରୋ ସହର କୋଲକାତା ଓ ଚେନ୍ନାଇରେ ପେଟ୍ରୋଲ୍ ଦର ଲିଟର ପିଛା ଯଥାକ୍ରମେ ୯୧ ଟଙ୍କା ୪୧ ପଇସା ଓ ଚେନ୍ନାଇରେ ୯୩ ଟଙ୍କା ୧୫ ପଇସାରେ ପହଞ୍ଚିଛି।
ଡବ୍ଲୁଟିସି ଫାଇନାଲରେ ପ୍ରତିକୂଳ
ଭାରତ-ନ୍ୟୁଜିଲାଣ୍ଡ ବିଶ୍ବ ଟେଷ୍ଟ ଚାମ୍ପିଅନଶିପ ଫାଇନାଲ ମ୍ୟାଚଟି ଦ୍ବିତୀୟ ଦିନରେ ବି ପ୍ରତିକୂଳ ପାଗ ପାଇଁ ବାଧାପ୍ରାପ୍ତ ହୋଇଛି। ପ୍ରଥମ ଦିନଟି ସମ୍ପୂର୍ଣ୍ଣ ଭାବେ ବର୍ଷାରେ ଧୋଇଯିବା ପରେ ଦ୍ବିତୀୟ ଦିନରେ ବି ଖରାପ ଆଲୋକ ପାଇଁ ବାରବାର ଖେଳ ସ୍ଥଗି ରହିବାରୁ ଭାରତ ୧୪୬/୩ ରେ ସୀମୀତ ରହିଛି। ଦ୍ବିତୀୟ ସେସନରେ ଖରାପ ଆଲୋକ ପାଇଁ ଚା’ପାନ ବିରତିକୁ ଆଗୁଆ ଘୋଷଣା କରାଯାଇଥିଲା। ମାତ୍ର ଅନ୍ତିମ ସେସନରେ ଖରାପ ଆଲୋକ ପାଇଁ ମ୍ୟାଚ ଆଗେଇ ପାରି ନ ଥିଲା। ବାରମ୍ବାର ଖେଳ ବନ୍ଦ ରହିବାକୁ ନେଇ ଅଧିନାୟକ କୋହଲି ବିରକ୍ତି ପ୍ରକାଶ କରିବା ଦେଖିବାକୁ ମିଳିଥିଲା। ଦ୍ବିତୀୟ ଦିନରେ କେବଳ ୬୪.୪ ଓଭର ବୋଲିଂ ସମ୍ଭବ ହୋଇଥିଲା ବେଳେ ଭାରତୀୟ ଦଳ ୧୪୬/୩ରେ ସୀମିତ ରହିଛି। କୋହଲି ୪୪ ଓ ରାହାଣେ ୨୯ ରନ କରି ଅପରାଜିତ ରହିଛନ୍ତି।
ୟୁରୋ ୨୦୨୦: ଫ୍ରାନ୍ସ-ହଙ୍ଗେରୀ
ଆଣ୍ଟୋନି ଗ୍ରୀଜମାନଙ୍କ ଗୋଲ ଜରିଆରେ ଫ୍ରାନ୍ସ ହଙ୍ଗେରୀ ବିପକ୍ଷ ମୁକାବିଲାକୁ ଡ୍ର’ କରି ଚଳିତ ୟୁରୋ କପ-୨୦୨୦ର ରାଉଣ୍ଡ ୧୬କୁ ଉନ୍ନୀତ ହେବା ଆଶା ଉଜ୍ଜ୍ବଳ କରିଛି। ଗ୍ରୁପ ଏଫରେ ଅନୁଷ୍ଠିତ ଏହି ମୁକାବିଲା ଦେଖିବା ପାଇଁ ପୁସକାସ ଏରେନା ଷ୍ଟାଡିୟମରେ ପ୍ରାୟ ୬୫ ହଜାର ହଙ୍ଗେରୀ ଦର୍ଶକ ଉପସ୍ଥିତ ରହିଥିଲେ। କୋରୋନା ମହାମାରୀ ଆତଙ୍କ ଟଳିବା ପରେ ପ୍ରଥମ କରି ଏପରି ଏକ ବଡ଼ ମୁକାବିଲା ଦେଖିବାକୁ ବହୁତ ସଂଖ୍ୟାରେ ଦର୍ଶକ ଷ୍ଟାଡିୟମକୁ ଆସିଥିଲେ। ଆଉ ଏହି ରୋମାଞ୍ଚକର ମୁକାବିଲାରେ ଘରୋଇ ଦର୍ଶକଙ୍କୁ ପ୍ରଭାବିତ କରିବା ଭଳି ହଙ୍ଗେରୀ ଖେଳାଳିମାନେ ପ୍ରଦର୍ଶନ କରିବାରେ ଆଦୌ ତ୍ରୁଟି କରି ନଥିଲେ। ପ୍ରଥମାର୍ଦ୍ଧରେ ଆଟିଲା ଫ୍ଲୋରା ଗୋଲ କରି ଦଳକୁ ୧-୦ରେ ଆଗୁଆ କରିଥିଲେ।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ମମତାଙ୍କ ଜିଦ୍: ବନ୍ଦୋପାଧ୍ୟାୟଙ୍କୁ
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିକଟରେ ପ୍ରଧାନମନ୍ତ୍ରୀଙ୍କ ଦ୍ବାରା ଆହୂତ ବାତ୍ୟା ସମୀକ୍ଷା ବୈଠକରେ ବିଳମ୍ବରେ ପହଞ୍ଚିବା ନେଇ କେନ୍ଦ୍ର ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ମଧ୍ୟରେ ଟକରାଟକରି ଆରମ୍ଭ ହୋଇଯାଇଛି। ଏହି ବୈଠକରେ ପଶ୍ଚିମବଙ୍ଗ ମୁଖ୍ୟ ସଚିବ ଆଲାପନ୍ ବନ୍ଦୋପାଧ୍ୟାୟ ମଧ୍ୟ ବିଳମ୍ବରେ ପହଞ୍ଚିଥିବାରୁ ତାଙ୍କୁ କେନ୍ଦ୍ର ସରକାର ତୁରନ୍ତ ଫେରିଯିବା ସକାଶେ ନିର୍ଦେଶ ଦେଇଥିଲେ। କିନ୍ତୁ ମମତା ସରକାର ମୁଖ୍ୟ ସଚିବଙ୍କୁ କେନ୍ଦ୍ରକୁ ଫେରିଯିବାର ସୁଯୋଗ ଦେବେ ନାହିଁ ବୋଲି ଜିଦ୍ ଧରିଛନ୍ତି। ଏ ସଂକ୍ରାନ୍ତରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଲେଖିଥିବା ଚିଠିରେ ଏହା ଦର୍ଶାଇଛନ୍ତି। ବର୍ତ୍ତମାନର କଷ୍ଟସାଧ୍ୟ ସମୟରେ ଜଣେ ମୁଖ୍ୟ ସଚିବ ପରି ଗୁରୁତ୍ବପୂର୍ଣ୍ଣ ସରକାରୀ ଅଧିକାରୀଙ୍କୁ କେନ୍ଦ୍ରକୁ ଫେରାଇ ଦିଆଯିବା ସମ୍ଭବପର ନୁହେଁ ବୋଲି ମମତା ଉକ୍ତ ଚିଠିରେ ଲେଖିଛନ୍ତି। ସେହିପରି ମମତା ପ୍ରଧାନମନ୍ତ୍ରୀ ମୋଦୀଙ୍କୁ ବନ୍ଦୋପାଧ୍ୟାୟଙ୍କୁ କେନ୍ଦ୍ରକୁ ଫେରାଇ ନେବା ସକାଶେ ନେଇଥିବା ନିଷ୍ପତ୍ତିର ପୁନର୍ବିଚାର କରିବା ସହ ତୁରନ୍ତ ନିର୍ଦେଶନାମା ପ୍ରତ୍ୟାହାର କରିନେବାକୁ ମଧ୍ୟ ନିବେଦନ କରିଛନ୍ତି। ତା’ଛଡ଼ା ଏପରି ଏକ ନିର୍ଦେଶନାମାରେ ସେ ଚକିତ ହୋଇଛନ୍ତି ବୋଲି ମଧ୍ୟ ମମତା କହିଛନ୍ତି।
ୟୁପିରେ ଅଭାବନୀୟ ଦୃଶ୍ୟ: ନଦୀକୁ
କିଛି ଦିନ ତଳେ ଗଙ୍ଗା ଓ ଯମୁନା ନଦୀରେ କେତେକ ଶବ ଭାସୁଥିବା ଦେଖାଯିବା ପରେ କୋଭିଡ୍ ସଂକ୍ରମଣ କାରଣରୁ ମୃତ୍ୟୁବରଣ କରୁଥିବା ଲୋକମାନଙ୍କୁ ଦାହ ସଂସ୍କାର ନ କରି ନଦୀରେ ଫିଙ୍ଗିଦିଆଯାଉଛି ବୋଲି ସନ୍ଦେହ କରାଯାଉଥିଲା। ତେବେ ରବିବାର ଭାଇରାଲ୍ ହୋଇଥିବା ଏକ ଭିଡିଓ ଏପରି ସନ୍ଦେହକୁ ଅଧିକ ଘନୀଭୂତ କରିଛି। କାରଣ ରବିବାର ଉତ୍ତର ପ୍ରଦେଶରେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ପିପିଇ ପିନ୍ଧିଥିବା ଜନୈକ ବ୍ୟକ୍ତି ଅନ୍ୟ ଜଣେ ବ୍ୟକ୍ତିଙ୍କ ସହଯୋଗରେ ଏକ ଶବକୁ ନଦୀକୁ ଫିଙ୍ଗିଦେଉଥିବା ସମୟର ଦୃଶ୍ୟ କ୍ୟାମେରାରେ କଏଦ୍ ହୋଇଛି। ବଳରାମପୁରର କୋତୱାଲି ଅଞ୍ଚଳରେ ଘଟିଥିବା ଜଣାପଡ଼ିଛି। ସେହିପରି ସ୍ଥାନୀୟ ପୋଲିସ୍ ମୃତକ ଜଣକ ଶୋହରାତଗଡ଼ ସିଦ୍ଧାରଥନଗରର ନିବାସୀ ପ୍ରେମନାଥ ବୋଲି ଚିହ୍ନଟ କରିଛନ୍ତି। ଏ ସଂକ୍ରାନ୍ତରେ ବଳରାମପୁର ମେଡିକାଲର ମୁଖ୍ୟ ଚିକିତ୍ସାଧିକାରୀ(ସିଏମ୍ଓ) କହିଛନ୍ତି ଯେ ପ୍ରେମନାଥ ଗତ ମେ’ ୨୫ ତାରିଖରେ ହସ୍ପିଟାଲରେ ଆଡମିଟ୍ ହୋଇଥିଲେ। କୋଭିଡ୍ ସଂକ୍ରମିତ ଭାବେ ଚିହ୍ନଟ ହେବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ତେବେ ଗତ ମେ’ ୨୮ ତାରିଖରେ ଚିକିତ୍ସାଧୀନ ଅବସ୍ଥାରେ ସଂକ୍ରମଣ କାରଣରୁ ତାଙ୍କର ମୃତ୍ୟୁ ହୋଇଥିଲା।
ଚାପ ଦୂର କରିବ ଯୋଗ ନିଦ୍ରା
ଅନ୍ତର୍ଜାତୀୟ ଯୋଗ ଦିବସ ପ୍ରତ୍ୟେକ ବର୍ଷ ୨୧ ଜୁନରେ ପାଳନ କରାଯାଏ। କୋରୋନା ଭାଇରସ ପାଇଁ ଚଳିତ ବର୍ଷ ଅନଲାଇନରେ ଏହି ଦିବସ ପାଳନ କରାଯିବ। ଶରୀର ଓ ମନକୁ ସୁସ୍ଥ ରଖିବାରେ ଯୋଗ ସାହାଯ୍ୟ କରିଥାଏ। ଏପରିକି ସ୍ବାମୀ ବିବେକାନନ୍ଦ ମଧ୍ୟ ଯୋଗର ମହିମା ସମ୍ପର୍କରେ ବର୍ଣ୍ଣନା କରିବା ସହ ଏହା ଆୟୁ ବୃଦ୍ଧି କରିଥାଏ ବୋଲି କହିଛନ୍ତି। କୋରୋନା କାଳରେ ଲୋକେ ଭୟଙ୍କର ଭାବେ ମାନସିକ ଚାପ, ଅବସାଦ ଓ ଚିନ୍ତାଗ୍ରସ୍ତ ଅଛନ୍ତି। ଏପରିକି କୋରୋନାରୁ ସୁସ୍ଥ ହେବା ପରେ ବି ଅସ୍ତବ୍ୟସ୍ତ ଲାଗିବା ଓ ଚିନ୍ତା ଭଳି ସମସ୍ୟାର ସାମ୍ନା କରୁଛନ୍ତି। ତେଣୁ ଯୋଗ ନିଦ୍ରା ଏହି ସମସ୍ୟାରୁ ମୁକ୍ତି ଦେବାରେ ସାହାଯ୍ୟ କରିବ। ଏହା ବହୁ ପ୍ରାଚୀନ ପଦ୍ଧତି। ଏହାଦ୍ବାରା ମସ୍ତିଷ୍କ ଶାନ୍ତ ରହେ। ମନ ଭିତରେ ଚାଲିଥିବା ନକାରାତ୍ମକ ଚିନ୍ତାଧାରା ଉପରେ ନିୟନ୍ତ୍ରଣ ଆଣିପାରିବେ।
ସିକନ୍ଦରଙ୍କ ବଂଶଜଙ୍କ ଏହି ଗାଁରେ
ବିଶ୍ବରେ ଅନେକ ରହସ୍ୟ ଭରିରହିଛି, ଯାହା ଉପରୁ ଆଜିଯାଏ ପରଦା ହଟିପାରି ନାହିଁ। ଏମିତି ନୁହେଁ ଯେ ଆଜିଯାଏ ଏହି ରହସ୍ୟ ଉପରୁ ପରଦା ଉଠାଇବାକୁ କେହି ଚେଷ୍ଟା କରିନାହାନ୍ତି। କିନ୍ତୁ ଯେତେ ଥର ଏହାର ସତ୍ୟତା ଜାଣିବାକୁ ଗବେଷକମାନେ ଚେଷ୍ଟା କରିଛନ୍ତି, ସେତେଥର ପୁଣି ରହସ୍ୟ ଭିତରେ ଛନ୍ଦି ହୋଇପଡ଼ିଛନ୍ତି। ଆମ ଦେଶ ଭାରତ ସାରା ବିଶ୍ବରେ ଗାଁର ଦେଶ ଭାବେ ଜଣାଶୁଣା। କିନ୍ତୁ ଏହି ଗାଁରେ ବି ଅନେକ ରହସ୍ୟ ଲୁଚି ରହିଛି, ଯାହା ଉପରୁ ଆଜିଯାଏ ପରଦା ହଟିପାରି ନାହିଁ। ଏଠାରେ ଏଭଳି ଏକ ରହସ୍ୟମୟ ଗାଁ ସମ୍ପର୍କରେ କୁହାଯାଇଛି। ହିମାଚଳ ପ୍ରଦେଶର ମଲାଣା ଏଭଳି ଏକ ଗାଁ। ହିମାଳୟ ଶୃଙ୍ଗ ଭିତରେ ଅବସ୍ଥିତ ମଲାଣା ଗାଁ ଚାରିପାଖରେ ଗଭୀର ଖାଇ ଓ ବରଫ ପାହାଡ଼ ଘେରି ରହିଛି।

ଫଟୋ ଗ୍ୟାଲେରୀ

୯୦ ବର୍ଷ ବୟସରେ ସାହସକୁ ସଲାମ
କୋରୋନା କାଳରେ ସ୍ବାସ୍ଥ୍ୟକର ଜୀବନଶୈଳୀ ସମସ୍ତଙ୍କ ପାଇଁ ଜରୁରୀ। କୌଣସି ବି ରୋଗକୁ ହରାଇବା ଲାଗି ସୁସ୍ଥ ରହିବା ଦରକାର। କିନ୍ତୁ ବର୍ତ୍ତମାନ ସମୟର ଖାଦ୍ୟପେୟରେ ହେଉଥିବା ଅପମିଶ୍ରଣ କାରଣରୁ ଲୋକଙ୍କ ସ୍ବାସ୍ଥ୍ୟ ଉପରେ ଖରାପ ପ୍ରଭାବ ପଢ଼ୁଛି। ପୂର୍ବାପେକ୍ଷା ଆଜିକାଲିର ଲୋକମାନଙ୍କ ଡାଏଟ ବହୁତ ଅସ୍ବାସ୍ଥ୍ୟକର ହେବାରେ ଲାଗିଛି। ଯେଉଁଥିପାଇଁ ଅଧିକାଂଶ ଲୋକ କୌଣସି ନା କୌଣସି ରୋଗର ଶିକାର ହେବାରେ ଲାଗିଛନ୍ତି। ସେହିପରି ବୟସ୍କମାନେ ଯେତିକି ସୁସ୍ଥ ବର୍ତ୍ତମାନର ଯୁବପିଢ଼ି ମଧ୍ୟ ସେତିକି ସୁସ୍ଥ ନାହାନ୍ତି। ଏଭଳି ଏକ ଉଦାହରଣ ସୃଷ୍ଟି କରିଛନ୍ତି ଜାପାନର ୯୦ ବର୍ଷୀୟା ଜଣେ ମହିଳା। ୯୦ ବର୍ଷରେ ପହଞ୍ଚିଲାବେଳକୁ ଗୋଟିଏପଟେ ଲୋକେ ବିଛଣା ଲଗା ହୋଇଯାଉଥିବା ବେଳେ ଏହି ମହିଳା ଜଣକ ନିଜ ଫିଟନେସ ପାଇଁ ଚର୍ଚ୍ଚାରେ ରହିଛନ୍ତି। ଜାପାନର ତାକିଶିମା ମିକା ପ୍ରତ୍ୟେକ ଦିନ ଲୋକଙ୍କୁ ବ୍ୟାୟାମର ପ୍ରଶିକ୍ଷଣ ଦେଉଥିବା ନଜର ଆସୁଛନ୍ତି।
ଷ୍ଟାଇଲିଶ ଲୁକ ପାଇଁ ୱାର୍ଡରୋବକୁ
ଆଗରୁ ଲୋକେ ଷ୍ଟାଇଲିଶ ଦେଖାଯିବା ଲାଗି ବିଭିନ୍ନ ପ୍ରକାରର ଚେଷ୍ଟା କରିଥାନ୍ତି। ସୁନ୍ଦର କପଡ଼ା, ମେକଅପ, ଫ୍ୟାଶନ ସବୁକିଛି ସୌନ୍ଦର୍ଯ୍ୟ ବଢ଼ାଇବା ପାଇଁ ବ୍ୟବହାର କରାଯାଏ। କିନ୍ତୁ ଏବେ ସମୟ ବଦଳି ଗଲାଣି। ଦୁନିଆ ସ୍ମାର୍ଟ ଓ ଷ୍ଟାଇଲିଶ ଲୋକଙ୍କ ପଛରେ ଦୌଡ଼ୁଛି। ଏପରିସ୍ଥଳେ ମହିଳାଙ୍କ ପସନ୍ଦ ମଧ୍ୟ ବଦଳିଗଲାଣି। ସୁନ୍ଦର ଦେଖାଯିବା ବଦଳରେ ଅଧିକ ସ୍ମାର୍ଟ ଓ ଷ୍ଟାଇଲିଶ ଦେଖାଯିବାକୁ ଚେଷ୍ଟା କରୁଛନ୍ତି। ଷ୍ଟାଇଲିଶ ଲୁକ ଆତ୍ମବିଶ୍ବାସ ବଢ଼ାଇଥାଏ ଓ ଅଧିକ ପ୍ରଫେସନାଲ ନଜର ଆସିଥାନ୍ତି। ଯଦି ଆପଣ ଷ୍ଟାଇଲିଶ ଓ ସ୍ମାର୍ଟ ଦେଖାଯିବାକୁ କପଡ଼ା ଚୟନ କରୁଛନ୍ତି, ଏଠାରେ କେତେକ ଉପାୟ ଦିଆଯାଇଛି। ଅଫିସରେ କୁଲ ଓ ସହକର୍ମୀଙ୍କ ଗହଣରେ ସ୍ମାର୍ଟ ଦେଖାଯାଇପାରିବେ।
ଜାଣନ୍ତୁ କୀର୍ତ୍ତିଙ୍କ ଫିଟନେସ ସିକ୍ରେଟ
ବର୍ଷ ୨୦୧୪ରେ ଫିଲ୍ମ ‘ହିରୋପନ୍ତୀ’ରୁ ବଲିଉଡରୁ ଡେବ୍ୟୁ କରିଥିବା ଅଭିନେତ୍ରୀ କୀର୍ତ୍ତି ସେନନ ଧିରେ ଧିରେ ବଲିଉଡର ଟପ ଅଭିନେତ୍ରୀଙ୍କ ମଧ୍ୟରେ ସ୍ଥାନ ସୃଷ୍ଟି କରିବାରେ ସଫଳ ହୋଇଛନ୍ତି। ‘ବରେଲି କୀ ବର୍ଫି’, ‘ପାନିପତ’ ଭଳି ଫିଲ୍ମରେ କୀର୍ତ୍ତି ପ୍ରମାଣିତ କରି ଦେଇଛନ୍ତି ଯେ ବଲିଉଡରେ କେବଳ ପ୍ରତିଭା ରାଜ କରୁଛି। କୀର୍ତ୍ତି ନିଜର ଜବରଦସ୍ତ ଅଭିନୟ ଓ ଡ୍ୟାନ୍ସ ମୁଭ ପାଇଁ ଜଣାଶୁଣା। ଏଥିସହିତ ତାଙ୍କର ଫିଗର ମଧ୍ୟ ସମସ୍ତଙ୍କୁ ଆକର୍ଷିତ କରିଥାଏ। କୀର୍ତ୍ତି ସବୁବେଳେ ନିଜ ଟୋନଡ ଓ ଫିଟ ବଡ଼ି ଦ୍ବାରା ପ୍ରଶଂସକଙ୍କୁ ପ୍ରଭାବିତ କରିଥାନ୍ତି। ମିଡିଆ ରିପୋର୍ଟ ମୁତାବକ କୀର୍ତ୍ତି ନିଜର ପରଫେକ୍ଟ ଫିଗର ପାଇଁ ହାର୍ଡକୋର ବ୍ୟାୟାମ ସହିତ କଠୋର ଡାଏଟ ପ୍ଲାନ ଅନୁସରଣ କରନ୍ତି।

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ