Pratinidhi Odia

ତିନି ବର୍ଷ ହେଲା ରାତ୍ରି ଜଗୁଆଳକୁ ନେଇ ଚାଲିଛି ସରକାରୀ ଆୟୁର୍ବେଦିକ ଡାକ୍ତରଖାନା


ମୁନିଗୁଡ଼ା: ଦୁର୍ଗମ ଅଞ୍ଚଳରେ ସ୍ୱାସ୍ଥ୍ୟସେବା କିଭଳି ଆଣ୍ଠେଇ ପଡ଼ିଛି ତାର ଆଉ ଏକ ନମୁନା ଦେଖିବାକୁ ମିଳିଛି ରାୟଗଡ଼ା ଜିଲ୍ଲାରେ । ଜିଲ୍ଲାର ସବୁଠୁ ଦୁର୍ଗମ ଅଞ୍ଚଳ କୁହାଯାଉଥିବା ଚନ୍ଦ୍ରପୁର ବ୍ଲକର ହନୁମନ୍ତପୁର ଠାରେ ଥିବା ସରକାରୀ ଡାକ୍ତରଖାନା ବିଗତ ୩ ବର୍ଷ ଧରି ଡାକ୍ତରଙ୍କୁ ଦେଖିବାକୁ ପାଇନାହିଁ ।  ଦୀର୍ଘ ତିନି ବର୍ଷ ହେଲା ଏଠାରେ ଘର ଅଛି, ଫଳକ ଲାଗିଛି ଓ ରାତ୍ରି ଜଗୁଆଳ ମୁତୟନ ହୋଇଛନ୍ତି କିନ୍ତୁ ଡାକ୍ତର ଓ ଫାର୍ମାସିଷ୍ଟଙ୍କ ଦେଖାନାହିଁ ।

ରାତ୍ରି ଜଗୁଆଳ ବିଭୀଷଣ କଅଁର ପାଣି ଗଳୁଥିବା ଭଙ୍ଗା ସରକାରୀ ଡାକ୍ତରଖାନାକୁ ଜଗି ବସିଛନ୍ତି । ସେଠାରେ ସ୍ୱାସ୍ଥ୍ୟ ଉପକରଣ ବଦଳରେ ରହିଛି ହାଣ୍ଡି, ଚୁଲି, କାଠ ଓ ବାଲତି । ତିନି ବର୍ଷ ପୂର୍ବରୁ ଜଣେ ଡାକ୍ତର ଦାୟିତ୍ୱରେ ଥାଇ ବେଳେ ବେଳେ ଚିକିତ୍ସାଳୟକୁ ଆସୁଥିଲେ। ତାଙ୍କର ବଦଳି ପରେ ଆଉ କେଉଁ ଡାକ୍ତରଙ୍କ ଦେଖାନାହିଁ । ସରକାର  ହନୁମନ୍ତପୁର ଠାରେ ଏକ ନୂଆ କୋଠା ନିର୍ମାଣ କରିଛନ୍ତି କିନ୍ତୁ ଡାକ୍ତରଖାନା ଏଠାକୁ ସ୍ଥାନାନ୍ତରିତ ହୋଇନାହିଁ । ଲୋକେ ସ୍ୱାସ୍ଥ୍ୟ ସୁବିଧା କିମ୍ବା ପରାମର୍ଶ ପାଉ ନ ଥିବାରୁ ଧୀରେ ଧୀରେ ହନୁମନ୍ତପୁରର ବନ୍ଦ ଥିବା ଆୟୁର୍ବେଦିକ ଚିକିତ୍ସାଳକୁ ଭୁଲିଗଲେଣି ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

କରେନ୍ସି କନଭର୍ଟର


ଜନମତ

ଚଳିତ ପଞ୍ଚାୟତ ନିବର୍ବାଚନରେ ରାଜନୈତିକ ଦଳଗୁଡ଼ିକର ବେଲଗାମ ଖର୍ଚ୍ଚ ଉପରେ ବିମୁଦ୍ରାୟନ ଅଙ୍କୁଶ ଲଗାଇ ପାରିଛି କି?