Pratinidhi Odia

ଅକାରଣେ ବିରକ୍ତ ହୁଅନ୍ତୁ ନାହିଁ

ସନ୍ତୁଳିତ ଜୀବନଶୈଳୀ ଏଥିରୁ ମୁକ୍ତି ପାଇବାର ଉପାୟ

ସବୁ କାମ ସରିଗଲା । ରାତ୍ରି ଭୋଜନ ପାଇଁ ବାହାରକୁ ଯିବାର ଇଚ୍ଛା ନାହିଁ । ଏହି ସପ୍ତାହରେ କୌଣସି ନୂଆ ଫିଲ୍ମ ବି ରିଲିଜ୍ ହୋଇନାହିଁ । କ’ଣ କରିବେ, କ’ଣ ନ କରିବେ, କୁଆଡ଼େ ଯିବେ ବୁଝି ପାରୁ ନାହାନ୍ତି । ଦ୍ବିଧାରେ ଅଛନ୍ତି । ଅର୍ଥାତ୍‌ ବ୍ୟକ୍ତି ମାନସିକ ସ୍ତରରେ ଖୁସି ଥିଲେ ବି ବେଳେବେଳେ କୌଣସି କାମରେ ମନ ଲାଗେନି । ତେବେ ଉତ୍ତମ ଜୀବନଶୈଳୀ ଅବଲମ୍ବନ କରିବାକୁ ହେଲେ ଏଥିରୁ ମୁକୁଳିବା ଆବଶ୍ୟକ । ସମସ୍ୟାର ମୂଳ କାରଣ ଯଦି କେବେ ଜୀବନଟା ରୋକିଗଲା ଭଳି ଲାଗେ, ସେଇଠି ଆରମ୍ଭ ହୁଏ ବିରକ୍ତି ଭାବ । ଆଜିର ବ୍ୟସ୍ତ ବହୁଳ ଜୀବନରେ ମଣିଷ ସମ୍ପୂର୍ଣ୍ଣ ଭାବେ କର୍ମ ସର୍ବସ୍ବ ହୋଇଯାଇଛି । ଏବେ ଲୋକେ କେବଳ ଦିନ ରାତି ମେଶିନ୍ ଭଳି କାମ କରିବାରେ ଲାଗି ପଡ଼ିଛନ୍ତି । କାମ ସରିଗଲା ମାତ୍ରେ ଏକୁଟିଆ ଅନୁଭବ ହେଉଛି ।

ବର୍ତ୍ତମାନ ସମୟରେ ଲୋକଙ୍କ ପାଖରେ ମନୋରଞ୍ଜନର ଭରପୂର ବିକଳ୍ପ ଥିଲେ ମଧ୍ୟ ଲୋକେ ଏହାକୁ ଉପଭୋଗ କରି ପାରୁନାହାନ୍ତି । ସବୁବେଳେ ବ୍ୟସ୍ତ ବିବ୍ରତ ରହୁଛନ୍ତି । ସୀମିତ ବିକଳ୍ପରେ ଖୁସି ରହିବା ବହୁତ ସହଜ । କିନ୍ତୁ ବିକଳ୍ପ ଅଧିକ ହେଲେ ଆମେ ଭ୍ରମରେ ପଡ଼ିବା ସ୍ବଭାବିକ। ଯାହାଫଳରେ ବିରକ୍ତି ଭାବନା ସୃଷ୍ଟି ହୁଏ । ବିରକ୍ତି ମନୋଭାବର ଲକ୍ଷଣ ଆଜିକାଲି ପିଲାମାନେ ଖୁବ୍‌ ଶୀଘ୍ର ବୋର୍ ହୋଇଯାଉଛନ୍ତି । ପୂର୍ବରୁ ପିଲାମାନେ ଗୋଟିଏ ଖେଳନାରେ ମାସ ମାସ ଧରି ଖେଳୁଥିଲେ । କିନ୍ତୁ ବର୍ତ୍ତମାନ ପିଲାମାନେ ଦୁଇ ଦିନରେ ନୂଆ ଖେଳନା ପାଇଁ ଜିଦ୍ କରୁଛନ୍ତି । ଏହାର ସବୁଠାରୁ ବଡ଼ କାରଣ ଏବେ ବାପା, ମା’ଙ୍କ ପାଖରେ ପିଲାଙ୍କୁ ଦେବା ପାଇଁ ସମୟ ନାହିଁ । ଏହି ସମସ୍ୟାରୁ ମୁକ୍ତି ପାଇବା ଲାଗି ବାପା, ମା’ ପିଲାଙ୍କୁ ଛୋଟବେଳୁ ସେମାନଙ୍କ ଇଚ୍ଛା ଅନୁସାରେ ବଞ୍ଚିବାର ସ୍ବାଧୀନତା ଦେଇ ଦେଉଛନ୍ତି । ଏଭଳି ସ୍ଥିତିରେ ପିଲାଙ୍କ ହତାଶାବୋଧ ବଢ଼ିବା ସହ ସହନଶୀଳତା ଲୋପ ପାଉଛି । ଯଦି ପରିବେଶ ତାଙ୍କ ପ୍ରତିକୂଳରେ ଯାଏ, ତେବେ ପାଞ୍ଚ ମିନିଟ୍‌ରେ ସେମାନେ ବୋର୍ ହୋଇଯାଉଛନ୍ତି । ଯଦି ଏହା ନିତିଦିନିଆ ହୋଇଯାଏ, ତେବେ ଏହା ନିଶ୍ଚିତ ଭାବେ ଚିନ୍ତାଜନକ । ସବୁପ୍ରକାର ନକରାତ୍ମକ ଚିନ୍ତାଧାରାର ମୂଳ ହେଉଛି ଏକୁଟିଆପଣ । ଏହାଦ୍ବାରା ବ୍ୟକ୍ତି ସ୍ବଭାବରେ ଚିଡ଼ଚିଡ଼ା ହୋଇଯାଏ । କାର୍ଯ୍ୟକ୍ଷମତା ଏବଂ ସମ୍ପର୍କ ଉପରେ ଏହାର ଖରାପ ପ୍ରଭାବ ପଡ଼େ ।

ଏହାଦ୍ବାରା ବ୍ୟକ୍ତି ଅବସାଦଗ୍ରସ୍ତ ହୁଏ । କେମିତି ମୁକ୍ତି ପାଇବେ ନିଜକୁ ବିରକ୍ତି ମନୋଭାବରୁ ମୁକ୍ତି ଦେବା ଲାଗି ଜୀବନଶୈଳୀରେ ସନ୍ତୁଳନର ଆବଶ୍ୟକତା ରହିଛି । ଯେମିତି ଅତ୍ୟଧିକ କାମ ମଣିଷ ପାଇଁ କ୍ଷତିକାରକ, ସେହିପରି ଅତ୍ୟଧିକ ଆରାମ ଏବଂ ମନୋରଞ୍ଜନ ମଧ୍ୟ ଖୁବ୍‌ ଶୀଘ୍ର ବ୍ୟକ୍ତିକୁ ବୋର୍ କରିଦିଏ । ଏହି ଦୁଇସ୍ଥିତିରୁ ମୁକ୍ତି ପାଇବା ଲାଗି ନିଜ ଜୀବନଚର୍ଯ୍ୟାରେ ସନ୍ତୁଳନ ରକ୍ଷା କରନ୍ତୁ । ଯେମିତି ଶରୀରକୁ ସୁସ୍ଥ ରଖିବା ଲାଗି ଆପଣ ବ୍ୟାୟାମ କରୁଛନ୍ତି, ଜିମ୍ ଯାଉଛନ୍ତି, ଠିକ୍ ସେହିପରି ମସ୍ତିଷ୍କକୁ ସୁସ୍ଥ ରଖିବା ମଧ୍ୟ ନିହାତି ଦରକାର । ସେଥିପାଇଁ ଖାଲି ସମୟରେ ଟିଭି ନ ଦେଖି କିଛି ଭଲ ବହି ପଢ଼ନ୍ତୁ । ନିଜର ଆତ୍ମୀୟଙ୍କ ସହ କଥାବାର୍ତ୍ତା ହୁଅନ୍ତୁ । ବଗିଚା କାମ କରନ୍ତୁ । ବୋରିଙ୍ଗ ପ୍ରଭାବରୁ ମୁକୁଳିବାର ଅନ୍ୟତମ ବଡ଼ ଅସ୍ତ୍ର ହେଉଛି ସହନଶୀଳତା ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!