Pratinidhi Odia

ନିମ୍ନ ରକ୍ତଚାପ ପାଇଁ ସତର୍କ ରହନ୍ତୁ

ଜୀବନଶୈଳୀ ଓ ଖାଦ୍ୟପେୟରେ ନିୟନ୍ତ୍ରଣ ହିଁ ଏହାର ଉପାୟ

ମନ ଓ ଶରୀର ମଧ୍ୟରେ ଚାଲିଥିବା ପରିବର୍ତ୍ତନର ପ୍ରଭାବ କେବେ କେବେ ସ୍ବାସ୍ଥ୍ୟ ଉପରେ ପଡ଼ିଥାଏ । ‘ଲୋ ବ୍ଲଡ୍‌ପ୍ରେସର’ ବା ନିମ୍ନ ରକ୍ତଚାପ ମଧ୍ୟ ଏହି କାରଣରୁ ହୋଇଥାଏ । ଖାଦ୍ୟ ପାନୀୟ ଓ ଲାଇଫ୍‌ ଷ୍ଟାଇଲ୍‌ରେ ପରିବର୍ତ୍ତନ ସହିତ ସତର୍କତା ଅବଲମ୍ବନ କରାଗଲେ ହିଁ ନିମ୍ନ ରକ୍ତଚାପକୁ ନିୟନ୍ତ୍ରଣ କରାଯାଇପାରିବ । ଲକ୍ଷଣ ଦେଖି ସତର୍କ ରହନ୍ତୁ ।
ଲକ୍ଷଣ ଦେଖି ସତର୍କ ରହନ୍ତୁ
-ମୁଣ୍ଡ ବୁଲାଇବା, ମୁଣ୍ଡ ବୁଲାଇ ତଳେ ପଡ଼ିଯିବା, ଏକାଗ୍ରତା ନ ରହିବା, ଠିକ୍‌ରେ ଦେଖା ନ ଯିବା, ତ୍ବଚା ଥଣ୍ଡା ପଡ଼ିଯିବା, ତ୍ବଚା ତେଲିଆ ଓ ହଳଦିଆ ପଡ଼ିଯିବା, ନିଶ୍ବାସ୍‌-ପ୍ରଶ୍ବାସ୍‌ରେ ସମସ୍ୟା, ଥକା ଲାଗିବା ଆଦି ନିମ୍ନ ରକ୍ତଚାପର ଲକ୍ଷଣ । 

କେମିତି ଜାଣିବେ
ନିମ୍ନ ରକ୍ତଚାପ ବା ‘ହାଇପୋଟେନ୍‌ସନ୍‌’ରେ ରକ୍ତ ଚାପ ୯୦/୬୦ରୁ କମ୍‌ ହୋଇଯାଇଥାଏ । ଯଦି କୌଣସି ଲକ୍ଷଣ ଦେଖା ନ ଗଲା ତେବେ ବିଶେଷ କିଛି ଅସୁବିଧା ହେବନି । କିନ୍ତୁ ଯଦି ଏହାର ଲକ୍ଷଣ ସ୍ପଷ୍ଟ ଦେଖାଗଲା ଏବଂ ବାରମ୍ବାର କଷ୍ଟ ଅନୁଭବ ହେଲା, ତେବେ ଏହା ଧିରେ ଧିରେ ଆପଣଙ୍କୁ ସମସ୍ୟା ଆଡ଼କୁ ଟାଣି ନେବାର ସମ୍ଭାବନା ରହିଛି । କାରଣ ଏତଦ୍ବାରା ମସ୍ତିଷ୍କ, ହୃଦୟ ତଥା ଅନ୍ୟ ପ୍ରମୁଖ ଅଙ୍ଗକୁ ରକ୍ତ ପ୍ରବାହ ଠିକ୍‌ରେ ହୋଇପାରି ନ ଥାଏ । ବିଶେଷକରି ବୟସ ବଢ଼ିବା ସହ ଏହି ସମସ୍ୟା ବଢ଼ିପାରେ । ଅନେକ ସମୟ ଧରି ବସି ରହିଲେ, ଶୋଇ ରହିଲେ କିମ୍ବା ଠିଆ ହୋଇ ରହିଲେ ମଧ୍ୟ ନିମ୍ନ ରକ୍ତଚାପ ହେବାର ସମ୍ଭାବନା ରହିଛି । ଏହାକୁ ‘ପୋଶ୍ଚରଲ ହାଇପୋଟେନ୍‌ସନ’ କୁହାଯାଏ । ଏହାଛଡ଼ା ଅନ୍ୟ କିଛି କାରଣ ଯେପରି ଗର୍ଭାବସ୍ଥା, ଥାଇରଏଡ୍‌ ଓ ମଧୁମେହ ଭଳି ହର୍ମୋନଜନିତ  ରୋଗ, କିଛି ଔଷଧ, ଅଧିକ ମାଦକଦ୍ରବ୍ୟ ସେବନ, ହୃଦ୍‌ଜନିତ ସମସ୍ୟା, ରକ୍ତ ବାହିକା ଚଉଡ଼ା ହୋଇଯିବା  ଏବଂ ପେଟ ରୋଗ ଆଦି ମଧ୍ୟ ନିମ୍ନ ରକ୍ତଚାପର କାରଣ ହୋଇପାରେ ।

କିପରି ମୁକ୍ତି ପାଇବେ
ଜୀବନଶୈଳୀରେ ପରିବର୍ତ୍ତନ ଓ ଖାଦ୍ୟପେୟରେ ନିୟନ୍ତ୍ରଣ ଏଥିରୁ ମୁକ୍ତି ପାଇବାର ସବୁଠାରୁ ବଡ଼ ଉପାୟ । ପ୍ରଚୁର ପାଣି ପିଅନ୍ତୁ । ଯାହାଫଳରେ ରକ୍ତର ମାତ୍ରା ବଢ଼ିବା ସହ ଡିହାଇଡ୍ରେସନ୍‌ ସହିତ ଲଢ଼ିବାରେ ସାହାଯ୍ୟ କରିଥାଏ । ଅଧିକ ସମୟ ବସିବା ପରେ ଧିରେ ଧିରେ ଉଠନ୍ତୁ । ଶୋଇବା ପରେ ହଠାତ୍‌ ନ ଉଠି ଶୋଇବା ଅବସ୍ଥାରେ ପ୍ରଥମେ ଲମ୍ବା ନିଶ୍ବାସ ପ୍ରଶ୍ବାସ ନିଅନ୍ତୁ । ତା’ ପରେ ଧିରେ ଧିରେ ଉଠି ବସନ୍ତୁ । ମୁଣ୍ଡକୁ ପତଳା ତକିଆରେ ରଖି ରଖି ଶୋଇଲେ ଭଲ । ଡାକ୍ତରଙ୍କଠାରୁ ପରାମର୍ଶ ନେଇ ନିୟମିତ ବ୍ୟାୟାମ କରନ୍ତୁ । ଅଳ୍ପ ଅଳ୍ପ ଖାଆନ୍ତୁ। ଆଳୁ, ଭାତ, ପାସ୍ତା, ନୁଡଲ୍ସ ଏବଂ ବ୍ରେଡ୍‌ ଭଳି ଅଧିକ କାର୍ବୋହାଇଡ୍ରେଟ୍‌ଯୁକ୍ତ ଖାଦ୍ୟ କମ୍‌ ଖାଆନ୍ତୁ । ମାଦକ ଦ୍ରବ୍ୟଠାରୁ ଦୂରେଇ ରହନ୍ତୁ । ଚା’ ଓ କଫି ପିଇପାରନ୍ତି, କିନ୍ତୁ ଡାକ୍ତରଙ୍କଠାରୁ ପରାମର୍ଶ ନିଅନ୍ତୁ । ହ୍ବାଇଟ୍‌ କିଡ୍‌ନୀ ବିନ୍ସ, ସାଦା ଦହି, କ୍ବିୱି ଫ୍ରୁଟ୍‌, କଦଳୀ, ଲାଲ୍‌ କ୍ୟାପ୍‌ସିକମ୍‌, ବ୍ରୋକଲି, ଶକରକନ୍ଦ, କ୍ବିନୋଆ, ଏଭାକୋଡ୍ ଆଦି ନିମ୍ନ ରକ୍ତଚାପ ପାଇଁ ସୁପରଫୁଡ୍‌ ସଦୃଶ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

କରେନ୍ସି କନଭର୍ଟର


ଜନମତ

ଚଳିତ ପଞ୍ଚାୟତ ନିବର୍ବାଚନରେ ରାଜନୈତିକ ଦଳଗୁଡ଼ିକର ବେଲଗାମ ଖର୍ଚ୍ଚ ଉପରେ ବିମୁଦ୍ରାୟନ ଅଙ୍କୁଶ ଲଗାଇ ପାରିଛି କି?