Pratinidhi Odia

ସ୍ବଳ୍ପ ବଜେଟ୍‌ରେ ବିଦେଶ ଭ୍ରମଣର ମଜା

ସମୟାନୁଯାୟୀ ସ୍ଥାନ ଚୟନରେ ହିଁ ଫାଇଦା ମିଳେ

ଗୁଲମାର୍ଗରେ ସ୍କିଇଙ୍ଗ
ଏଇ ସୁନ୍ଦର ପୃଥିବୀକୁ କିଏ ବା ବୁଲି ଦେଖିବାକୁ ନ ଚାହେଁ । କିନ୍ତୁ ବିଦେଶ ଭ୍ରମଣ କଥା ମନକୁ ଆସିଲେ ଏଥିରେ ବାଧା ସୃଷ୍ଟିକରେ ବଜେଟ୍‌ । ତେବେ ପୃଥିବୀ ବୁଲିବା ଏବେ ଆଉ ଏତେ ବି ମହଙ୍ଗା ନୁହେଁ । ଏବେଠାରୁ ସ୍ଥାନ ଚୟନ କରନ୍ତୁ, ପାଇପାରିବେ ଭ୍ରମଣର ଏକ ନିଆରା ଅନୁଭୂତି ।

ସୋଫିଆ, ବୁଲ୍‌ଗେରିଆ
ଏହି ପୂର୍ବ ୟୁରୋପିଆନ୍‌ ସ୍ଥାନ ଭ୍ରମଣରେ ଖର୍ଚ୍ଚ ଟଙ୍କା ବ୍ୟର୍ଥ ଗଲା ବୋଲି ଅନୁଭବ କରିବେନି । ଫ୍ରାନ୍ସ, ଇଂଲଣ୍ଡ ତୁଳନାରେ ବୁଲ୍‌ଗେରିଆ ବହୁତ ଶସ୍ତା । ଏଠାରେ ସ୍ବାଦିଷ୍ଟ ଖାଦ୍ୟ ସାଙ୍ଗକୁ ସୁନ୍ଦର ସୁନ୍ଦର ପାହାଡ଼ ମଧ୍ୟ ଦେଖିବାର ସୁଯୋଗ ପାଇବେ । ଶରତକାଳୀନ ଛୁଟିରେ ଏଠାକୁ ନିହାତି ଯାଆନ୍ତୁ।

କାରିବିୟନ୍‌, ୱେଷ୍ଟଇଣ୍ଡିଜ୍‌
ସୂର୍ଯ୍ୟ, ବାଲି ଓ ସର୍ଫିଙ୍ଗ ପାଇଁ ପାଗଳ ପର୍ଯ୍ୟଟକ ଏଠାକୁ ନିଶ୍ଚିତ ରୂପେ ଯାଆନ୍ତୁ । ଏସବୁ  ପାଇଁ କାରବିୟନ୍‌ ସମୁଦ୍ରକୂଳର ତୁଳନା ଆଉ କାହା ସହିତ କରାଯାଇ ନ ପାରେ । ଖରାଦିନେ ଜାମାଇକାରେ ମଜା କରିପାରିବେ । ଖରାଦିନ ଶେଷ ହୋଇଗଲେ, ଏଠାରେ ଥିବା ହୋଟେଲ ଏବଂ ରିଜର୍ଟସ ଜବରଦସ୍ତ ଅଫର ଦେଇଥାନ୍ତି। ଏହାର ଲାଭ ଉଠାଇ ପାରିବେ ।

କାନ୍‌କୁନ୍‌, ମେକ୍ସିକୋ
ମେକ୍ସିକୋର ଏହି ଭାଗରେ ଗରମ ସହିତ ବର୍ଷା ବି ହୋଇଥାଏ । ଅଗଷ୍ଟ-ଅକ୍ଟୋବର ମଧ୍ୟରେ ବଡ଼ ବଡ଼ ହୋଟେଲ, ରିଜର୍ଟସ ଓ ଫ୍ଲାଟ୍‌ସ ଶସ୍ତାରେ ମିଳିଯାଏ । ମାତ୍ର ଏହି ସମୟରେ ଏଠାର ଜଳବାୟୁ ଆପଣଙ୍କୁ ବିଚ୍‌ରେ ବସି  କକ୍‌ଟେଲ୍‌ର ମଜା ନେବାକୁ ଦେବନି ।

ନିୟୁ ଅର୍ଲିୟନ୍ସ, ୟୁଏସ୍‌ଏ
ଏଠାର ଇତିହାସ ଆପଣଙ୍କୁ ଭାବପ୍ରବଣ କରିଦେବ । ଲାସ୍‌ ଭେଗାସ୍‌ର ଜଳବାୟୁ ବର୍ଷସାରା ଏକାଭଳି ରହିଥାଏ। ମାତ୍ର ଆକ୍ଟୋବରରେ ଏହି ସ୍ଥାନ ଶସ୍ତାରେ ବୁଲିପାରିବେ । ଏହି ସମୟରେ ତାପମାତ୍ରା ବହୁତ ଭଲ ଥାଏ ।

ଏଥେନ୍ସ, ଗ୍ରୀସ୍‌
ଶରତକାଳରେ ବୁଲିବା ପାଇଁ ଏଥେନ୍ସଠାରୁ ଭଲ ବିକଳ୍ପ କିଛି ନାହିଁ । ଗ୍ରୀଷ୍ମ ଋତୁରେ ଲାଗିଥିବା ଭିଡ଼ ଏହି ସମୟରେ କମିଯାଇଥାଏ । ତାପମାତ୍ରା ବି ଆପଣଙ୍କୁ ଅସୁବିଧାରେ ପକାଇବ ନାହିଁ । ଗ୍ରୀକ୍‌ ଆଇଲ୍ୟାଣ୍ଡ ରିଜର୍ଟରେ ରହିବା ଶସ୍ତା ହେବ ।

ଫେଜ୍‌, ମରୋକ୍ବୋ
ଉତ୍ତର ଆଫ୍ରିକାର ଏହି ଭାଗରେ ଦେଖିବା ପାଇଁ ବହୁତ କିଛି ରହିଛି । ଶରତ କାଳରେ ଯେବେ ପବନ ବହେ, ଏହା ଏତେ ଥଣ୍ଡା ରହେ ଯେ ଆପଣଙ୍କୁ ଜ୍ୟାକେଟ୍‌ ପିନ୍ଧିବାକୁ ପଡ଼ିବ । ଏଠାରେ ସବୁ ଦାମରେ ହୋଟେଲ ମିଳିଯିବ ।

ନେପାଳ
ଏସିଆରେ ଏମିତି ଅନେକ ଦେଶ ରହିଛି, ଯେଉଁଠି ବୁଲିବା ପାଇଁ ବେଶୀ ଅର୍ଥର ଆବଶ୍ୟକତା ନାହିଁ । ନେପାଳରେ ବୁଲିବା ଆପଣଙ୍କୁ ଶସ୍ତା ରହିବ । ବିଶ୍ବର ସବୁଠାରୁ ସୁନ୍ଦର ଏବଂ ସୁଉଚ୍ଚ ପାହାଡ଼ ଏଠାରେ ରହିଛି । ବୁଲିବା, ରହିବା, ଖାଇବା ପାଇଁ ଆପଣଙ୍କୁ ଅଧିକ ଖର୍ଚ୍ଚ କରିବାକୁ ପଡ଼ିବ ନାହିଁ ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

କରେନ୍ସି କନଭର୍ଟର


ଜନମତ

ଚଳିତ ପଞ୍ଚାୟତ ନିବର୍ବାଚନରେ ରାଜନୈତିକ ଦଳଗୁଡ଼ିକର ବେଲଗାମ ଖର୍ଚ୍ଚ ଉପରେ ବିମୁଦ୍ରାୟନ ଅଙ୍କୁଶ ଲଗାଇ ପାରିଛି କି?