Pratinidhi Odia

ସହଜରେ ପରଷନ୍ତୁ ଦହି କବାବ

ଅନ୍ୟ ଆମିଷ ଓ ନିରାମିଷ କବାବ୍ ଭଳି ଏହାର ସ୍ବାଦ ନିଆରା

ପାର୍ଟି ସ୍ନାକ୍ସ ଭାବେ ଜଣାଶୁଣା ଭିନ୍ନ ଭିନ୍ନ କବାବ୍‌ର ସବୁବେଳେ ଚାହିଦା ରହିଛି । ତନ୍ମଧ୍ୟରେ ମୁର୍ଗ ପାଲକ କୋର୍ମା, ଗଲୌଟି, ଶମି, ସୀଖ୍ କବାବ୍ ଭଳି ଆମିଷ କବାବ୍ ଏବଂ ପଟାଟୋ ମଶ୍ରୁମ୍ ଚଟ୍‌ପଟି କୋକୋନଟ୍, ହରା ମସାଲା, ରାଜ୍‌ମା, ପିଆଜି କବାବ୍ ଭଳି ନିରାମିଷ କବାବ୍ ବେଶ୍ ଜଣାଶୁଣା । ସେହିପରି ଦହି କବାବ୍ ଏକ ନିରାମିଷ କବାବ୍, ଯାହାର ସ୍ବାଦ ନିଆରା । ସହଜରେ ଘରେ ଏହ କବାବ୍ ତିଆରି କରି ଖାଆନ୍ତୁ ଓ ଖୁଆନ୍ତୁ ।

କ’ଣ ଦରକାର
୩ କପ୍ ବସା ଦହି, ୧ଟା କଟା ପିଆଜ, ୨୦ ଗ୍ରାମ୍ କଟା ଅଦା, ୩-୪ଟି କଞ୍ଚା ଲଙ୍କା, ଅଧ ଚାମଚ ହଳଦୀ ଗୁଣ୍ଡ, ୧ ଚାମଚ ଶୁଖିଲା ଲଙ୍କା ଗୁଣ୍ଡ, ୧ ଚାମଚ ଗରମ ମସଲା, ଅଧ ଚାମଚ କସୁରି ମେଥି, ଦୁଇ ଚାମଚ କଟା ଧନିଆ ପତ୍ର, ୧ କପ୍ କର୍ଣ୍ଣଫ୍ଲୋର, ୨ଟି କଟା ଟମାଟୋ, ୧ କପ୍ ବ୍ରେଡ୍ କ୍ରମ୍ପସ୍, ଛାଣିବା ପାଇଁ ତେଲ ଓ ଲୁଣ ସ୍ବାଦାନୁସାରେ ।

ପ୍ରସ୍ତୁତି ପ୍ରଣାଳୀ
ପ୍ରଥମେ ଏକ ପାତ୍ରରେ ଦହି ରଖନ୍ତୁ । ଏଥିରେ କଟା ପିଆଜ, ଅଦା ଏବଂ କଞ୍ଚା ଲଙ୍କା, ହଳଦୀ ଗୁଣ୍ଡ, ଲଙ୍କା ଗୁଣ୍ଡ, କସୁରି ମେଥି, ଗରମ ମସଲା ଏବଂ ଧନିଆ ପତ୍ର ପକାଇ ଭଲ ଭାବେ ମିଶାନ୍ତୁ । ଏବେ ଏଥରେ କର୍ଣ୍ଣଫ୍ଲୋର ପକାଇ ଗୋଳାନ୍ତୁ । ଏହାକୁ ସମାନ ଭାବରେ ବାଣ୍ଟି ନିଜ ପସନ୍ଦ ମୁତାବକ ଆକାର ଦିଅନ୍ତୁ । ଏହାକୁ ବ୍ରେଡ୍ କ୍ରମ୍ପସ୍‌ରେ  ରୋଲ୍ କରନ୍ତୁ । ତେଲ ଗରମ କରି ଏଥିରେ କବାବକୁ ଗୋଲ୍ଡେନ୍ ହେବା ପର୍ଯ୍ୟନ୍ତ ଛାଣନ୍ତୁ   । ଏହାକୁ ଆପଣ କମ୍ ତେଲରେ ଫ୍ରାଏ ବି କରିପାରିବେ । ପ୍ଲେଟ୍କୁ ବାହାର କରି କଟା ଟମାଟୋରେ ସଜାନ୍ତୁ । ନିଜ ପସନ୍ଦର ଚଟଣୀ ସହିତ ଗରମ ଗରମ ପରଷନ୍ତୁ ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

କରେନ୍ସି କନଭର୍ଟର


ଜନମତ

ଚଳିତ ପଞ୍ଚାୟତ ନିବର୍ବାଚନରେ ରାଜନୈତିକ ଦଳଗୁଡ଼ିକର ବେଲଗାମ ଖର୍ଚ୍ଚ ଉପରେ ବିମୁଦ୍ରାୟନ ଅଙ୍କୁଶ ଲଗାଇ ପାରିଛି କି?