Pratinidhi Odia

ଦେଶ

ଜମ୍ମୁ-କଶ୍ମୀରରେ ଭାଙ୍ଗିଲା ମେଣ୍ଟ ସରକାର: ଓହରିଲା ବିଜେପି

ଶ୍ରୀନଗର: ଜମ୍ମୁ-କଶ୍ମୀରରେ ଚାଲିଥିବା ମେଣ୍ଟ ସରକାର ଭାଙ୍ଗିଯାଇଛି। ସହଯୋଗୀ ଦଳ ବିଜେପି ସମର୍ଥନ ପ୍ରତ୍ୟାହାର କରିବା ପରେ ପିପଲ୍‌ସ ଡେମୋକ୍ରାଟିକ୍‌ ପାର୍ଟି (ପିଡିପି) ମୁଖ୍ୟ ମେହବୁବା ମୁଫ୍‌ତି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ଏଥିସହ ପିଡିପି-ବିଜେପି ମଧ୍ୟରେ ଗତ ତିନି ବର୍ଷ ଧରି ଜାରି ରହିଥିବା ରାଜନୈତିକ ସମ୍ପର୍କରେ ଭଟ୍ଟା ପଡ଼ିଛି। ସମର୍ଥନ ପ୍ରତ୍ୟାହାର ସଂକ୍ରାନ୍ତରେ ବିଜେପିର ସାଧାରଣ ସମ୍ପାଦକ ରାମ ମାଧବ ଦିଲ୍ଲୀରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ତିନି ବର୍ଷ ତଳେ କେତେକ ନିର୍ଦ୍ଦିଷ୍ଟ ଲକ୍ଷ୍ୟ ନେଇ ବିଜେପି ପିଡିପି ସହଯୋଗରେ ସରକାର ଗଠନ କରିଥିଲା। କିନ୍ତୁ ବର୍ତ୍ତମାନ ପରିସ୍ଥିତିରେ ପିଡିପି ସହ ବିଜେପି ତା’ର ସମର୍ଥନ ଜାରି ରଖିବା ପରିବେଶ ନାହିଁ ବୋଲି ରାମ ମାଧବ କହିଛନ୍ତି।

ରାହୁଲ୍‌ଙ୍କୁ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଁଛନ୍ତି ବରିଷ୍ଠ

ମୁମ୍ବାଇ: ସାଂପ୍ରତିକ ସମୟରେ ଦେଶର ରାଜନୈତିକ ଦୃଶ୍ୟପଟ୍ଟରେ କଂଗ୍ରେସ ଓ ବିଜେପି ଗୋଟିଏ ମୁଦ୍ରାର ଦୁଇଟି ପାର୍ଶ୍ବ ପରି ଅବସ୍ଥାରେ ରହିଛନ୍ତି। ଉଭୟ ନିର୍ବାଚନ ରଣାଙ୍ଗନରେ ମୁଖ୍ୟ ପ୍ରତିଦ୍ବନ୍ଦ୍ବୀ ଭାବେ ଉଭା ହୋଇଆସିଛନ୍ତି। ପ୍ରାୟତଃ ପ୍ରତିଦିନ ଉଭୟ ଦଳ ପରସ୍ପର ବିରୋଧରେ ଟିକାଟିପ୍ପଣୀମାନ ଦେଉଛନ୍ତି। ତେବେ କିଛିଦିନ ତଳେ କଂଗ୍ରେସ ସଭାପତି ରାହୁଲ୍‌ ଗାନ୍ଧି ପ୍ରଧାନମନ୍ତ୍ରୀ ହେବାକୁ ଚାହୁଁଛନ୍ତି ବୋଲି ଇଚ୍ଛା ପ୍ରକାଶ କରିଥିବା ବେଳେ ଏହାକୁ ସମାଜବାଦୀ ପାର୍ଟି (ସପା) ମୁଖ୍ୟ ଅଖିଳେଶ ଯାଦବ ସମର୍ଥନ କରିଥିଲେ। ସ୍ବାଭାବିକ ଭାବେ ବିଜେପି ଏହାକୁ ସମାଲୋଚନା କରିଥିଲା। କିନ୍ତୁ ଏବେ ବିଜେପି ସହ ଜଡ଼ିତ ଜନୈକ ବରିଷ୍ଠ ଉପଦେଷ୍ଟା ରାହୁଲ୍‌ ଗାନ୍ଧିଙ୍କୁ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଁଛନ୍ତି। ସେ ହେଉଛନ୍ତି ବିଜେପିର ଅନ୍ୟତମ ପ୍ରତିଷ୍ଠାତା ସଦସ୍ୟ ଲାଲ୍‌କୃଷ୍ଣ ଆଡଭାନୀଙ୍କ ଅତ୍ୟନ୍ତ ନିକଟତମ ସହଯୋଗୀ ସୁଧୀନ୍ଦ୍ର କୁଲ୍‌କର୍ଣ୍ଣୀ।

ଛୁଟିରେ ଯିବେ ଚନ୍ଦା କୋଚର: ସନ୍ଦୀପ ବଖ୍‌ଶୀ

ନୂଆଦିଲ୍ଲୀ: ଆଇସିଆଇସିଆଇ ବ୍ୟାଙ୍କ ଏକ ଗରୁତ୍ବପୂର୍ଣ୍ଣ ନିଷ୍ପତ୍ତିକ୍ରମେ ସନ୍ଦୀପ ବଖ୍‌ଶୀଙ୍କୁ ପୂର୍ଣ୍ଣକାଳୀନ ନିର୍ଦେଶକ ଓ ଚିଫ୍‌ ଅପରେଟିଂ ଅଫିସର (ସିଓଓ) ଭାବେ ନିଯୁକ୍ତି ଦେଇଛି। ବିବାଦ ଭିତରକୁ ଟାଣି ହୋଇ ଆସିଥିବା ଚନ୍ଦା କୋଚର ପୂର୍ବପରି ବ୍ୟାଙ୍କର ପରିଚାଳନା ନିର୍ଦେଶିକା ଓ ସିଇଓ ଭାବେ କାର୍ଯ୍ୟ କରିବେ ବୋଲି ବ୍ୟାଙ୍କ ପକ୍ଷରୁ କୁହାଯାଇଛି। ମାତ୍ର କୋଚରଙ୍କ ବିରୋଧରେ ଆସିଥବା ଅଭିଯୋଗର ପ୍ରାଥମିକ ତଦନ୍ତ ଶେଷ ପର୍ଯ୍ୟନ୍ତ ସେ ଛୁଟିରେ ରହିବା ନେଇ ମଧ୍ୟ ସ୍ଥିର ହୋଇଛି। ଗତ ମେ ୩୦ ତାରିଖରେ ତଦନ୍ତ ପାଇଁ ହୋଇଥିବା ନିଷ୍ପତ୍ତି ଆଧାରରେ କୋଚର ନିଜ ତରଫରୁ ଛୁଟିରେ ଯାଉଥିବା କୁହାଯାଇଛି। କୋଚରଙ୍କ ଅନୁପସ୍ଥିତିରେ ନବ ନିଯୁକ୍ତ ସିଓଓ ବାଖ୍‌ଶୀ ଦୈନଦିନ ରିପୋର୍ଟ ନେଇ ବୋର୍ଡକୁ ଜଣାଇବେ।

ବିଏସ୍‌ଏନ୍‌ଏଲ୍‌ର ଇଦ୍‌ ଅଫର୍‌: ୭୮୬ ଟଙ୍କାରେ ଦୈନିକ ୨ଜିବି
ରମ୍‌ଜାନ ମାସରେ କଶ୍ମୀରରେ ୪୧ ଜଣଙ୍କୁ ହତ୍ୟା, ୨୦
ଅନଶନ ବେଳେ ଦିଲ୍ଲୀ ମନ୍ତ୍ରୀ ସତ୍ୟେନ୍ଦ୍ର ଜୈନ୍‌ ଅସୁସ୍ଥ

ନୂଆଦିଲ୍ଲୀ: ସଂପ୍ରତି ଦିଲ୍ଲୀ ଲେଫ୍ଟନାଣ୍ଟ୍‌ ଗଭର୍ଣ୍ଣର୍‌ଙ୍କ ବାସଭବନରେ ଅନିର୍ଦ୍ଦିଷ୍ଟ କାଳ ପାଇଁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍‌ ଓ ତାଙ୍କ ମନ୍ତ୍ରିମଣ୍ଡଳର ସଦସ୍ୟମାନେ ଅନଶନରେ ବସିଛନ୍ତି। ତେବେ ରବିବାର ରାତିରେ ମନ୍ତ୍ରୀ ସତ୍ୟେନ୍ଦ୍ର ଜୈନ୍‌ ଅସୁସ୍ଥ ହୋଇପଡ଼ିଛନ୍ତି ଓ ତାଙ୍କୁ ତୁରନ୍ତ ହସ୍ପିଟାଲ୍‌ରେ ଭର୍ତ୍ତି କରାଯାଇଛି ବୋଲି କେଜରିୱାଲ୍‌ ଟ୍ବିଟ୍‌ କରି କହିଛନ୍ତି। ସେ ସୂଚନା ଦେଇ କହିଛନ୍ତି ଯେ ଆପ୍‌ ସରକାରରେ ୬ଟି ମନ୍ତ୍ରାଳୟ ଦାୟିତ୍ବରେ ଥିବା ଜୈନ୍‌ ଅନଶନ କାରଣରୁ ମୁଣ୍ଡବ୍ୟଥା ସହ ନିଃଶ୍ବାସ ନେବାରେ ସମସ୍ୟା ଅନୁଭବ କରିଥିଲେ। ତାଙ୍କୁ ତୁରନ୍ତ ଏଲ୍‌ଏନ୍‌ଜେପି ହସ୍ପିଟାଲ୍‌ରେ ଭର୍ତ୍ତି କରାଯାଇଛି। ପରୀକ୍ଷା ପରେ ଜୈନ୍‌ଙ୍କୁ ହସ୍ପିଟାଲ୍‌ରେ ଆଡମିଟ୍‌ କରାଯାଇଛି। ତାଙ୍କର ରକ୍ତଚାପ ସ୍ତର ସ୍ବାଭାବିକ ରହିଥିଲେ ହେଁ ନିଃଶ୍ବାସ ନେବାରେ କଷ୍ଟ ଅନୁଭବ କରୁଛନ୍ତି ବୋଲି ଡା.ଜେଏସ୍‌ ପାସେ କହିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!