Pratinidhi Odia

ଦେଶ

ତାରକା ବୋଲର୍‌ ଝୁଲନ୍‌ଙ୍କ ଉପରେ ହେବ ବାୟୋପିକ୍‌

କୋଲ୍‌କାତା: ନିକଟ ଅତୀତରେ ଭାରତର ପୁରୁଷ କ୍ରିକେଟର୍‌ ସଚିନ୍‌ ତେନ୍ଦୁଲକର ଓ ମହେନ୍ଦ୍ର ସିଂହ ଧୋନିଙ୍କ ବାୟୋପିକ୍‌ ଦର୍ଶକଙ୍କ ଦ୍ବାରା ବେଶ୍‌ ଆଦୃତ ହୋଇଥିବା ବେଳେ ଏବେ ଆଉ ଜଣେ କ୍ରିକେଟର୍‌ଙ୍କ ଜୀବନୀ ଉପରେ ଚଳଚ୍ଚିତ୍ର ଦେଖିବାର ସୁଯୋଗ ପାଇବେ ପ୍ରଶଂସକ। ତେବେ ଏଥର କୌଣସି ପୁରୁଷ କ୍ରିକେଟର୍‌ ନୁହନ୍ତି, ବରଂ ଜଣେ ମହିଳା କ୍ରିକେଟର୍‌ଙ୍କ ଜୀବନୀ ଉପରେ ନିର୍ମାଣ ହେବାକୁ ଯାଉଛି ଚଳଚ୍ଚିତ୍ର। ସେ ଅନ୍ୟ କେହି ନୁହନ୍ତି, ଏହି ତାରକା କ୍ରିକେଟର୍‌ ଜଣକ ହେଉଛନ୍ତି ନିକଟରେ ଇଂଲଣ୍ଡରେ ଅନୁଷ୍ଠିତ ଆଇସିସି ବିଶ୍ବକପ୍‌ରେ ରନର୍ସଅପ୍‌ ହୋଇଥିବା ଭାରତୀୟ ମହିଳା ଦଳର ପ୍ରମୁଖ ଦ୍ରୁତ ବୋଲର ଝୁଲନ୍‌ ଗୋସ୍ୱାମୀ। ଇତିମଧ୍ୟରେ ୪ଟି ବିଶ୍ବକପ୍‌ରେ ଭାରତର ପ୍ରତିନିଧିତ୍ବ କରିଥିବା ବିଶ୍ବର ଏହି ସର୍ବାଧିକ ଦିନିକିଆ ୱିକେଟ୍‌ ହାସଲକାରୀ ବୋଲର୍‌ଙ୍କ କ୍ୟାରିୟର୍‌ରେ ମଧ୍ୟ ଅନେକ ସ୍ମରଣୀୟ ଘଟଣା ଘଟିଛି। ତେଣୁ ତାଙ୍କ ଜୀବନୀ ଉପରେ ବାୟୋପିକ୍‌ କରିବା ସକାଶେ ନିଷ୍ପତ୍ତି ହୋଇଛି।

ମୁମ୍ବାଇରେ ବର୍ଷାର ତାଣ୍ଡବ: ଜୀବନଯାତ୍ରା ପ୍ରଭାବିତ
ଖୋଲାରେ ମଳତ୍ୟାଗ କଲେ ୭୫ ହଜାର ଟଙ୍କାର ତଣ୍ଡ

ଭୋପାଳ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶରେ ସ୍ବଚ୍ଛତା ଉପରେ ଗୁରୁତ୍ବ ଦେଉଥିବା ବେଳେ କେନ୍ଦ୍ର ସରକାର ଏଥିପାଇଁ ଢେର୍‌ ଅର୍ଥ ଖର୍ଚ୍ଚ କରୁଛନ୍ତି। ପରିବେଶ ସ୍ବଚ୍ଛ ଓ ନିର୍ମଳ ରଖିବା ସକାଶେ ଖୋଲାରେ ମଳତ୍ୟାଗ ଅଭ୍ୟାସକୁ ରୋକିବା ସକାଶେ ଘରେ ଘରେ ପାଇଖାନା ନିର୍ମାଣ ପାଇଁ କେନ୍ଦ୍ର ସରକାର ଆର୍ଥିକ ସହାୟତା ମଧ୍ୟ ଯୋଗାଇ ଦେଉଛନ୍ତି। କିନ୍ତୁ ଦେଶର କେତେକ ସ୍ଥାନରେ ଲୋକେ ନିଜର ପୁରୁଣା ଅଭ୍ୟାସରେ ଏପରି ଅଭ୍ୟସ୍ତ ଯେ ସମସ୍ତ ପ୍ରକାର ସାହାଯ୍ୟ ସହଯୋଗ ସତ୍ତ୍ବେ ସେମାନେ ଘରେ ପାଇଖାନା ବ୍ୟବହାରର ସକାରାତ୍ମକ ଦିଗ ବିଷୟରେ କିଛି ବି ଜାଣିପାରୁନାହାନ୍ତି। ତେବେ ମଧ୍ୟପ୍ରଦେଶର ଏକ ଗ୍ରାମପଞ୍ଚାୟତରେ ସ୍ଥାନୀୟ ଲୋକଙ୍କ ମଧ୍ୟରେ ଖୋଲାରେ ମଳତ୍ୟାଗ ନ କରିବା ସକାଶେ ସଚେତନତା ସୃଷ୍ଟି କରିବା ପାଇଁ ଏକ ନୂଆ ତରିକା ଆପଣାଯାଇଛି। ଏଠାକାର କୌଣସି ଲୋକ ଖୋଲାରେ ମଳତ୍ୟାଗ କଲେ ପରିବାର ଉପରେ ୭୫ ହଜାର ଟଙ୍କା ପର୍ଯ୍ୟନ୍ତ ଜରିମାନା ଆଦାୟ କରାଯାଉଛି। ସ୍ଥାନୀୟ ବେତୁଲ ଜିଲ୍ଲାର ଏକ ଗ୍ରାମ ପଞ୍ଚାୟତର ମୁରବୀମାନେ ଏପରି ନିଷ୍ପତ୍ତି ନେଇଛନ୍ତି।

ଦୀପାବଳୀ ସୁଦ୍ଧା ତୈଳ ଦର କମିବା ସମ୍ଭାବନା: ଧର୍ମେନ୍ଦ୍ର

ଅମୃତସର: ସାମ୍ପ୍ରତିକ ସମୟରେ ପେଟ୍ରୋଲ୍‌ ଓ ଡିଜେଲ୍‌ର ଦରବୃଦ୍ଧି ସବୁଠି ଚର୍ଚ୍ଚାର ବିଷୟ ହୋଇଥିବା ବେଳେ ଆସନ୍ତା ମାସରେ ଦର ହ୍ରାସ ହେବାର ସମ୍ଭାବନା ରହିଛି ବୋଲି କହିଛନ୍ତି ବିଭାଗୀୟ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କେନ୍ଦ୍ର ସରକାର ତୈଳ ଦରର ନିୟମିତ ବୃଦ୍ଧି/ହ୍ରାସ ପ୍ରକ୍ରିୟା ଆରମ୍ଭ କରିବା ପରେ ଇତିମଧ୍ୟରେ ପେଟ୍ରୋଲ୍‌ ଦର ୭୦ ଟଙ୍କା ପାଖାପାଖି ହେଲାଣି। ସମାନୁପାତିକ ଭାବେ ଡିଜେଲ୍‌ ଦର ମଧ୍ୟ ବଢ଼ିଚାଲିଛି। ଏପରି ଦର ବୃଦ୍ଧିକୁ ବିଭିନ୍ନ ମହଲରେ ସମାଲୋଚନା କରାଯାଉଥିବା ବେଳେ ଏହା ପ୍ରତିବାଦରେ କେନ୍ଦ୍ରରେ ବିଜେପି ସରକାରକୁ ସମର୍ଥନ ଦେଉଥିବା ଶିବସେନା ମଧ୍ୟ କ୍ଷୋଭ ପ୍ରକାଶ କରିଛି। ତେବେ ଆସନ୍ତା ଦୀପାବଳୀ ବେଳକୁ ଏହି ଦର ହ୍ରାସ ହେବା ନେଇ ପୂର୍ବାନୁମାନ କରିଛନ୍ତି ପ୍ରଧାନ। ଏଠାରେ ଏକ କାର୍ଯ୍ୟକ୍ରମରେ ଭାଗନେବା ଅବସରରେ ସେ କହିଛନ୍ତି ଯେ ଆମେରିକାର ବନ୍ୟା ପରିପ୍ରେକ୍ଷୀରେ ତୈଳ ଉତ୍ପାଦନ ହାର ୧୩ ପ୍ରତିଶତ ପର୍ଯ୍ୟନ୍ତ ହ୍ରାସ ହୋଇଥିବାରୁ ରିଫାଇନାରୀ ତୈଳର ଦର ବୃଦ୍ଧି ପାଇଛି।

ସନ୍ଦେହଜନକ ସ୍ଥିତିରେ ସ୍କୁଲ୍‌ ଛାତ୍ରୀଙ୍କ ମୃତ୍ୟୁ: ହତ୍ୟା ଅଭିଯୋଗ ଆଣିଲେ ପିତା
ଇନ୍‌ଫୋସିସ୍‌ ଉପାଧ୍ୟକ୍ଷ ପଦରୁ ରାଜଗୋପାଲନ୍‌ଙ୍କ ଇସ୍ତଫା


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

କରେନ୍ସି କନଭର୍ଟର


ଜନମତ

ଚଳିତ ପଞ୍ଚାୟତ ନିବର୍ବାଚନରେ ରାଜନୈତିକ ଦଳଗୁଡ଼ିକର ବେଲଗାମ ଖର୍ଚ୍ଚ ଉପରେ ବିମୁଦ୍ରାୟନ ଅଙ୍କୁଶ ଲଗାଇ ପାରିଛି କି?