Pratinidhi Odia

ବିଶ୍ଵ

ଇରାନ୍‌ର ଶକ୍ତି ପ୍ରଦର୍ଶନ: ପରୀକ୍ଷଣ କଲା ବାଲିଷ୍ଟିକ୍‌ କ୍ଷେପଣାସ୍ତ୍ର

ତେହେରାନ୍‌: ଉତ୍ତର କୋରିଆ ଓ ଇରାନ୍‌ର ଆଣବିକ ପରୀକ୍ଷଣ ନେଇ ଆମେରିକା କଡ଼ା ଆଭିମୁଖ୍ୟ ଗ୍ରହଣ କରିଛି। ଏହି କ୍ରମରେ ଉଭୟ ଦେଶ ତଥା ଏହା ସହ ବ୍ୟବସାୟିକ ସମ୍ପର୍କ ରଖିଥିବା ଅନ୍ୟ ଦେଶଗୁଡ଼ିକ ଉପରେ ମଧ୍ୟ ସମାନ କଟକଣା ଲଗାଇଛି। ତେବେ ଉତ୍ତର କୋରିଆ ଏହାକୁ ଭ୍ରୂକ୍ଷେପ ନ କରି ଗୋଟିଏ ପରେ ଗୋଟିଏ କ୍ଷେପଣାସ୍ତ୍ର ପରୀକ୍ଷଣ କରିଚାଲିଥିବା ବେଳେ ଏବେ ଇରାନ୍‌ ମଧ୍ୟ ଏହି ଧାରା ଆରମ୍ଭ କରିଛି। ଶୁକ୍ରବାର ଇରାନ୍‌ ଏହାର ସେନା ପ୍ୟାରେଡ୍‌ରେ ଏକ ଅତ୍ୟାଧୁନିକ ବାଲିଷ୍ଟିକ୍‌ କ୍ଷେପଣାସ୍ତ୍ରର ପ୍ରଦର୍ଶନ କରିବାର କିଛି ଘଣ୍ଟା ପରେ ଏହାକୁ ପରୀକ୍ଷଣ କରିଥିବାର ଖବର ଜଣାପଡ଼ିଛି। ଏହି କ୍ଷେପଣାସ୍ତ୍ରର ୨ ହଜାର କିମି ଦୂର ଲକ୍ଷ୍ୟ ଭେଦ କରିବାର କ୍ଷମତା ରହିଛି। ଆମେରିକାକୁ କଡ଼ା ଜବାବ ଦେବା ଉଦ୍ଦେଶ୍ୟରେ ଇରାନ୍‌ ଏପରି ଉଦ୍ୟମ କରିଥିବା ଜଣାପଡ଼ିଛି। ଏହି କ୍ଷେପଣାସ୍ତ୍ର ପାଖରେ ପଶ୍ଚିମ ଏସିଆ ସହ ଇସ୍ରାଏଲ୍‌ ପର୍ଯ୍ୟନ୍ତ ଲକ୍ଷ୍ୟ ଭେଦ କରିବାର କ୍ଷମତା ରହିଛି।

କଶ୍ମୀର ପ୍ରସଙ୍ଗରେ ପାକିସ୍ତାନର ହାତ ଛାଡ଼ିଲା ଚୀନ୍‌
ଜାପାନ ଓପନ୍‌ ସେମିରେ ପ୍ରଣବ-ସିକ୍କି: ଶ୍ରୀକାନ୍ତ ଓ ପ୍ରଣୟ ବିଦା
ଟ୍ରମ୍ପ୍‌ଙ୍କ ମସ୍ତିଷ୍କ ବିକୃତି ଘଟିଛି: କିମ୍‌ ଜଙ୍ଗ-ଉନ୍‌

ପେଙ୍ଗ୍‌ୟାଙ୍ଗ୍‌: ନିକଟରେ ଆମେରିକା ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ୍‌ ନ୍ୟୁୟର୍କରେ ଚାଲିଥିବା ମିଳିତ ଜାତିସଂଘ ସାଧାରଣ ପରିଷଦ ବୈଠକ (ୟୁଏନ୍‌ଜିଏ)ରେ ଉତ୍ତର କୋରିଆର ଲଗାତର କ୍ଷେପଣାସ୍ତ୍ର ପରୀକ୍ଷା ପରିପ୍ରେକ୍ଷୀରେ କଡ଼ା ଚେତାବନୀ ଦେଇଥିଲେ। ନିଜର ସାମରିକ ଶକ୍ତି ବୃଦ୍ଧି ଉଦ୍ୟମରୁ ନ ଓହରିଲେ କିମ୍‌ ଜଙ୍ଗ-ଉନ୍‌ଙ୍କ ଉତ୍ତର କୋରିଆକୁ ଆବଶ୍ୟକ ପଡ଼ିଲେ ଆମେରିକା ଧ୍ବଂସ କରିଦେବ ବୋଲି ଟ୍ରମ୍ପ୍‌ କହିଥିଲେ। ଏବେ ଟ୍ରମ୍ପଙ୍କ ଏହି ଅଭିଭାଷଣ ନେଇ କଡ଼ା ପ୍ରତିକ୍ରିୟା ରଖିଛି ଉତ୍ତର କୋରିଆ। ଦେଶର ରାଷ୍ଟ୍ରମୁଖ୍ୟ କିମ୍‌ ଜଙ୍ଗ-ଉନ୍‌ ଟ୍ରମ୍ପ୍‌ଙ୍କୁ ଜଣେ ‘ମସ୍ତିଷ୍କ ବିକୃତ ରାଜନେତା’ ବୋଲି କହିବା ସହ ଏପରି ଅଭିଭାଷଣ ଆଦୌ ଗ୍ରହଣୀୟ ନୁହେଁ। ଟ୍ରମ୍ପ୍‌ଙ୍କ ଅଭିଭାଷଣ ଏକଦମ୍‌ ବକ୍‌ୱାସ୍‌ ଓ ଏଥିପାଇଁ ଆଗାମୀ ଦିନରେ ତାଙ୍କୁ ଭୟଙ୍କର କୁପରିଣାମର ସମ୍ମୁଖୀନ ହେବାକୁ ପଡ଼ିବ ବୋଲି ଜଙ୍ଗ-ଉନ୍‌ କହିଛନ୍ତି।

ହକି ବିଶ୍ବକପ୍‌ ପାଇଁ ଭାରତ ଆସିବନି ପାକିସ୍ତାନ!
ପାକିସ୍ତାନରେ ଶିଳ୍ପର ମାନ୍ୟତା ପାଇଲାଣି ଆତଙ୍କବାଦ: ଗମ୍ଭୀର

ନ୍ୟୁୟର୍କ: କିଛିଦିନ ତଳେ ଆମେରିକା ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ୍‌ ପାକିସ୍ତାନ ନିୟମିତ ଭାବେ ଆତଙ୍କବାଦକୁ ସମର୍ଥନ ଦେଇଆସିଥିବା ଅଭିଯୋଗ କରି ଆଗାମୀ ଦିନରେ ଏହାକୁ ଭୟାବହ କୁପରିଣାମ ଭୋଗ କରିବାକୁ ପଡ଼ିବ ବୋଲି କହିଥିଲେ। ଏବେ ଆମେରିକାରେ ଚାଲିଥିବା ମିଳିତ ଜାତିସଂଘ ସାଧାରଣ ପରିଷଦ ବୈଠକ (ୟୁଏନ୍‌ଜିଏ)ରେ ଭାରତ ପାକିସ୍ତାନରେ ଏବେ ଆତଙ୍କବାଦ ଶିଳ୍ପର ମାନ୍ୟତା ପାଇଲାଣି ବୋଲି କହିଛି। ଜାତିସଂଘରେ ଭାରତର ପ୍ରଥମ ସଚିବ ଇନାମ୍‌ ଗମ୍ଭୀର ଶୁକ୍ରବାର କହିଛନ୍ତି ଯେ ପାକିସ୍ତାନ ଏବେ ‘ଟେରରିସ୍ତାନ’ ପାଲଟିଗଲାଣି। ସେଠାରେ ଆତଙ୍କବାଦୀମାନେ ଖୁଲମ୍‌ଖୁଲ୍ଲା ବିଚରଣ କରୁଛନ୍ତି। ତେଣୁ ପାକିସ୍ତାନ ଏବେ ଆତଙ୍କବାଦକୁ ନିଜର ଏକ ଅବିଚ୍ଛେଦ୍ୟ ଅଙ୍ଗ ଭାବେ ଗ୍ରହଣ କରିଛି ବୋଲି ଗମ୍ଭୀର କହିଛନ୍ତି।

ଭାରତର ଅଭିନବ ଯୁଦ୍ଧ କୌଶଳକୁ ଦେଖି ପାକିସ୍ତାନ ଛାନିଆ

ନ୍ୟୁୟର୍କ: ଶତ୍ରୁପକ୍ଷର ଆଣବିକ ତଥା ଅନ୍ୟାନ୍ୟ ଆକ୍ରମଣକୁ ପ୍ରତିହତ କରିବା ଲାଗି ଭାରତୀୟ ସେନା ବିକଶିତ କରିଛି ନୂଆ ଯୁଦ୍ଧ କଳା କୌଶଳ। ଏହାକୁ କୋଲ୍ଡ ଷ୍ଟାର୍ଟ ଡକ୍ଟରିନ କୁହାଯାଉଛି। ଏହି ପଦ୍ଧତିରେ ମାତ୍ର ୪୮ ଘଣ୍ଟା ମଧ୍ୟରେ ଭାରତୀୟ ସେନା ଶତ୍ରୁପକ୍ଷକୁ ଧ୍ବସ୍ତ ବିଧ୍ବସ୍ତ କରିଦେବାର କ୍ଷମତା ରଖୁଛି। ଭାରତର ଏହି ଅଭିନବ ଯୁଦ୍ଧ କଳାକୌଶଳକୁ ଦେଖି ଛାନିଆ ହୋଇପଡ଼ିଛି ପାକିସ୍ତାନ। ନଚେତ ପାକିସ୍ତାନ ପ୍ରଧାନମନ୍ତ୍ରୀ ଶହୀଦ ଖାକନ ଆବ୍‌ବାସୀଙ୍କ ବୟାନରୁ ଏ ସମ୍ପର୍କିତ କଥା ବାହାରି ନ ଥାନ୍ତା। ଭାରତର ନାଁ ନ ନେଇ ସେ କହିଛନ୍ତି ଯେ ପାକିସ୍ତାନ ପାଖରେ ମଧ୍ୟ ସ୍ବଳ୍ପ ଦୂରଗାମୀ ପରମାଣୁ ଅସ୍ତ୍ର ରହିଛି ଯାହାକି ଶତ୍ରୁପକ୍ଷକୁ ଉପଯୁକ୍ତ ଜବାବ ଦେଇପାରିବ। ଏଥିରୁ ଜଣାପଡ଼ୁଛି ଭାରତର କୋଲ୍ଡ ଷ୍ଟାର୍ଟ ଡକ୍ଟରିନ ଖବର ଶୁଣିବା କ୍ଷଣି ସେ ପରୋକ୍ଷରେ ଭାରତକୁ ଚେତାବନୀ ଦେବାକୁ ପ୍ରୟାସ କରିଛନ୍ତି।

ପାକିସ୍ତାନୀ ବ୍ୟାଟ୍ସମ୍ୟାନ୍‌ ଖାଲିଦ୍‌ ୫ ବର୍ଷ ପାଇଁ ବାସନ୍ଦ


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

କରେନ୍ସି କନଭର୍ଟର


ଜନମତ

ଚଳିତ ପଞ୍ଚାୟତ ନିବର୍ବାଚନରେ ରାଜନୈତିକ ଦଳଗୁଡ଼ିକର ବେଲଗାମ ଖର୍ଚ୍ଚ ଉପରେ ବିମୁଦ୍ରାୟନ ଅଙ୍କୁଶ ଲଗାଇ ପାରିଛି କି?