Pratinidhi Odia

ରାଜନୀତି

ପ୍ରାକ୍‌ ନିର୍ବାଚନୀ ହିଂସାକୁ ନେଇ ବିଜେଡି-ବିଜେପି ମୁହାଁମୁହିଁ

ଶନିବାର ବିଜେପୁର ଉପନିର୍ବାଚନ। ଗୁରୁବାର ବିଳମ୍ବିତ ରାତ୍ରିରେ ଘଟିଛି ପ୍ରାକ୍‌ ନିର୍ବାଚନୀ ହିଂସା। ସୋହଲା ଥାନା ବନାବିରା ଗ୍ରାମର ହରିହରାନନ୍ଦ କ୍ରିୟାଯୋଗ କେନ୍ଦ୍ର ଆଶ୍ରମ ସାମନାରେ ଗୁଳିକାଣ୍ଡ ଘଟଣା ଘଟିଛି। ହିଂସାକାଣ୍ଡରେ ଶ୍ରମମନ୍ତ୍ରୀ ସୁଶାନ୍ତ ସିଂଙ୍କ ଭାଇ ସୁବ୍ରତ ସିଂଙ୍କ ସମେତ ଅନ୍ୟ ୩ ଜଣ ଗୁରୁତର ଆହତ ହୋଇଛନ୍ତି। ଆହତମାନେ ହେଉଛନ୍ତି କାର୍ତ୍ତିକ ନାଗ, ବିଚିଣ୍ଡା ଗାଁର ମାଝି ସାହୁ ଏବଂ ଜାମପାଲି ଗ୍ରାମର ଖଗେଶ୍ବର ମଲିକ। ମନ୍ତ୍ରୀଙ୍କ ଭାଇ ସୁବ୍ରତଙ୍କ ସମେତ ଅନ୍ୟ ତିନିଜଣ ଇଟା ପଥର ମାଡ଼ରେ ଆହତ ହୋଇଛନ୍ତି। ଆହତମାନଙ୍କୁ ବୁର୍ଲା ମେଡିକାଲରେ ଭର୍ତ୍ତି କରାଯାଇଛି। ମାଝୀ ସାହୁଙ୍କୁ ଛାଡ଼ିଦେଲେ ଅନ୍ୟ ସମସ୍ତେ ବିପଦ ବାହାରେ ଥିବା ମେଡିକାଲ ସୂତ୍ରରୁ ଜଣାଯାଇଛି। ଏହି ଘଟଣାରେ ପୋଲିସ ବାସୁଦେବ ନାୟକ, ଦିଗ୍‌ବିଜୟ ଓ ଜୟପ୍ରକାଶ ଅଗ୍ରୱାଲଙ୍କୁ ଗିରଫ କରିଛି। ଅନ୍ୟ ଅଭିଯୁକ୍ତମାନଙ୍କୁ ଧରିବା ପାଇଁ ୨ଟି ଟିମ୍‌ ବିଭିନ୍ନ ସ୍ଥାନକୁ ପଠାଯାଇଛି। ଘଟଣାସ୍ଥଳରୁ ଗୋଟିଏ ଜୀବନ୍ତ ଗୁଳି, ଦୁଇଟି ଖୋକା, ଗୋଟିଏ ବୁଲେଟ, ଦୁଇଟି କାର୍‌ ଜବତ କରାଯାଇଛି।

ସରିଲା ପ୍ରଚାର: ଅନ୍ଧାରିବିଜେ ନିର୍ଣ୍ଣୟ କରିବ

ବିଜେପୁର ଉପନିର୍ବାଚନର ଚର୍ଚ୍ଚିତ ବ୍ୟୟବହୁଳ ପ୍ରଚାର ଆଜି ସନ୍ଧ୍ୟାରୁ ସରିଛି। ପ୍ରଚାରର ତାତି କିନ୍ତୁ ଥଣ୍ଡା ପଡ଼ିନି। ପ୍ରଚାର ଶେଷଦିନରେ ବିଜେପି ଜିଲାପାଳଙ୍କୁ ଅବାଧ ଓ ମୁକ୍ତ ନିର୍ବାଚନ ପାଇଁ ସାକ୍ଷାତ ଆଲୋଚନା କରି ପରେ ଏକ ସାମ୍ବାଦିକ ସମ୍ମିଳନୀରେ ତୃତୀୟ ମହଲାକୁ ଟାର୍ଗେଟ କରିଛି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ବିଜେପୁରର ନିର୍ବାଚନରେ ରାଜନୈତିକ ଲଢ଼େଇ ହେଉନାହିଁ। ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଚାରିଜଣ ଅଧିକାରୀ ଏହି ଲଢ଼େଇ ଲଢ଼ୁଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ବାଚନ ପ୍ରଚାରରୁ ଫେରିବା ପରେ ତାଙ୍କ ବ୍ୟକ୍ତିଗତ ସଚିବ ଭି.କେ.ପାଣ୍ଡିଆନ ବଛା ବଛା ଶହେ ଜଣ ସରକାରୀ କର୍ମଚାରୀଙ୍କୁ ଛୁଟି ଦେଇ ବିଜେପୁରକୁ ବିଜେଡି ପ୍ରଚାର ପାଇଁ ପଠାଇଛନ୍ତି। ଭି.କେ.ପାଣ୍ଡିଆନ, ଡି.ଏସ.କୁଟ୍ଟେ, ରୁପା ରୋଷନ ସାହୁ, ଗୋପବନ୍ଧୁ ଦାସ ଓ ପ୍ରଦୀପ୍ତ ମହାପାତ୍ର ବିଜେଡିର ପ୍ରଚାରକ ସାଜିଛନ୍ତି। ନିର୍ବାଚନ ସରିବା ଯାଏ ଏମାନଙ୍କର ଗତିବିଧିକୁ ରେକର୍ଡିଂ କରାଯାଉ। ସୋସାଲ ମିଡିଆକୁ ଯାଞ୍ଚ କରାଯାଉ। ସେମାନଙ୍କ ଟେଲିଫୋନ କଲ, ଏସଏମ୍‌ଏସ, ହ୍ବାଟ୍‌ସଆପ ଓ ଟେଲିଗ୍ରାମ ଉପରେ ନଜର ରଖିବାକୁ ସାମ୍ବାଦିକ ସମ୍ମିଳନୀରେ ଦାବି କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଜୁଏଲ ଓରାମ।

ବିଜେପୁରରେ ଛାୟାଯୁଦ୍ଧ
ବିଜେପି ବିରୋଧରେ ସିଇଓଙ୍କ ନିକଟରେ ପୁଣି ଫେରାଦ ହେଲା
ବିଜେଡି ଉଭୟ ବିଜେପି ଓ କଂଗ୍ରେସଠାରୁ ସମଦୂରତା ରକ୍ଷା

୪ ଦିନିଆ ଦିଲ୍ଲୀଗସ୍ତର ନିର୍ଦ୍ଧାରିତ ସମୟର ଗୋଟିଏ ଦିନ ଆଗରୁ ଶୁକ୍ରବାର ଭୁବନେଶ୍ୱର ଫେରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଦିଲ୍ଲୀରେ ମୋଦି ଓ ନରସିଂହଙ୍କୁ ସାକ୍ଷାତ ସାକ୍ଷାତର ପଛରେ ସେପରି କୌଣସି ଉଦ୍ଦେଶ୍ୟ ନାହିଁ ବୋଲି ପ୍ରତିକ୍ରିୟା ରଖିଛନ୍ତି ନବୀନ। ନବୀନ କହିଛନ୍ତି, ବିଜେଡି ଉଭୟ ଓ ବିଜେପି ଓ କଂଗ୍ରେସଠାରୁ ସମଦୂରତା ରକ୍ଷା କରୁଛି। ସେହିପରି କୁନ୍ଦୁଲି ଘଟଣାର ଅବାଧ ଓ ମୁକ୍ତ ତଦନ୍ତ ପାଇଁ ଆମେ ପ୍ରତିଶ୍ରୁତିବଦ୍ଧ ବୋଲି କହିଛନ୍ତି ମୁଖ୍ୟମନ୍ତ୍ରୀ। ହାଇକୋର୍ଟକୁ ଏସ୍ଆଇଟି ତଦନ୍ତ କରି ନ୍ୟାୟ ଦେବାକୁ ଜଣାଇଛୁ ବୋଲି କହିଛନ୍ତି ନବୀନ। ଅନ୍ୟପଟେ ଓଡ଼ିଶା ରାଜ୍ୟପାଳ ଏସସି ଜମିରଙ୍କ ବିରୋଧରେ ଆସିଥିବା ଅଭିଯୋଗ ଉପରେ ମଧ୍ୟ ପ୍ରତିକ୍ରିୟା ରଖି ନବୀନ କହିଛନ୍ତି, ସେ ବିଷୟରେ ମୁଁ କିଛି ଜାଣିନାହିଁ।

୧୯ରେ ପଦ୍ମ ଧରିବେ ଅପରାଜିତା

ରାଜ୍ୟରେ ଏବେ ଦଳ ଡିଆଁ ରାଜନୀତି ବେଶ୍‌ କିଛି ଦିନ ଧରି ଲାଗି ରହିଛି। ରାଜ୍ୟର ପ୍ରମୁଖ ରାଜନୈତିକ ଦଳ ବିଜେଡି, ବିଜେପି ଓ କଂଗ୍ରେସ ମଧ୍ୟରେ ଚାଲିଛି ଏହି ପ୍ରତିଯୋଗିତା। ବର୍ତ୍ତମାନ ପରିସ୍ଥିତିରେ ନିଜର ଅଭିନୟ ଯାଦୁରେ ଲୋକମାନଙ୍କୁ ବାନ୍ଧି ରଖିଥିବା ଅଭିନେତା ଓ ଅଭିନେତ୍ରୀମାନଙ୍କୁ ଦଳରେ ସାମିଲ କରି ଲୋକଙ୍କୁ ଆକୃଷ୍ଟ କରିବା ପାଇଁ ଏକ ପ୍ରକାର ପ୍ରତିଯୋଗିତା ଚାଲିଥିବା ଦେଖିବାକୁ ମିଳୁଛି। ଏହି ପ୍ରତିଯୋଗିତାରେ ଆଉ ଏକ ଅଧ୍ୟାୟ ଯୋଡି ହେବାକୁ ଯାଉଛି। ନିକଟରେ କଂଗ୍ରେସର ହାତ ଛାଡ଼ିଥିବା ଲୋକପ୍ରିୟ ଅଭିନେତ୍ରୀ ଅପରାଜିତା ମହାନ୍ତି ଏବେ ପଦ୍ମ ଧରିବାକୁ ଯାଉଛନ୍ତି। ଆସନ୍ତା ୧୯ ତାରିଖରେ ସେ ବିଧିବଦ୍ଧ ଭାବେ ବିଜେପିରେ ଯୋଗଦେବ ବୋଲି ବିଜେପି ମୁଖପାତ୍ର ପୀତାମ୍ବର ଆଚାର୍ୟ୍ୟ ସୂଚନା ଦେଇଛନ୍ତି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଏକ ମିଶ୍ରଣ ପର୍ବରେ ସେ ସାମିଲ ହେବେ।

ବୁଲେଇ ବଙ୍କେଇ ବାଣ ମାରିଲେ ଦାମ

ବ୍ୟୁରୋକ୍ରାଟମାନେ ମନଇଚ୍ଛା ନିଷ୍ପତ୍ତି ନେଉଛନ୍ତି। ଲୋକ ପ୍ରତିନିଧି ବା ମନ୍ତ୍ରୀମାନଙ୍କ ମତାମତକୁ ମଧ୍ୟ ଅଣଦେଖା କରୁଛନ୍ତି। ଜଣେ ସରକାରୀ ପଦାଧିକାରୀଙ୍କର ଆଚରଣ ଓ କାର୍ଯ୍ୟଧାରାରେ ଅନୁମାନ କରୁଥିବା ବ୍ୟତିକ୍ରମକୁ ନେଇ ଯଦି କେହି କ୍ରୋଧ ପ୍ରକାଶ କଲା କିମ୍ବା ସେ ଅଧିକାରୀଙ୍କ ପ୍ରତି ଅସୌଜନ୍ୟ ଆଚରଣ ପ୍ରଦର୍ଶନ କଲା, ତେବେ ସମ୍ପୃକ୍ତ ସେବା ସଂଘ ଗୁଡ଼ିକ ଦୃଢ଼ ପ୍ରତିବାଦ କରି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କଲାବେଳେ ସମ୍ପୃକ୍ତ ପ୍ରଶାସନିକ ଅଧିକାରୀଙ୍କ କାର୍ଯ୍ୟ, ଆଚରଣ ଆଦି ସମ୍ପର୍କରେ ଚିନ୍ତା ପ୍ରକାଶ କରିବା ଉଚିତ ବୋଲି ବିଜେଡିର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଡା.ଦାମୋଦର ରାଉତ ଏକ ନିଜସ୍ବ ସ୍ତମ୍ଭ ଜରିଆରେ ପରାମର୍ଶ ଦେଇଛନ୍ତି। ଦାମୋଦର ଏକ ସ୍ତମ୍ଭ ଜରିଆରେ ବୁଲେଇ ବଙ୍କେଇ ପାଣ୍ଡିଆନଙ୍କୁ ବାଣ ମାରିଛନ୍ତି। ପ୍ରଶାସକଙ୍କୁ ସମାଲୋଚନା କରି ଆତ୍ମସମୀକ୍ଷା ପାଇଁ କହିଛନ୍ତି।

ଜମୁଛି ବିଜେପୁର ନିର୍ବାଚନ ପ୍ରଚାର: ହେଭିୱେଟ୍‌ ନେତାଙ୍କ ସହ
ଅହଂକାରୀ ଶାସକ ରାଜ୍ୟ ପାଇଁ ବିପଜ୍ଜନକ: ଧର୍ମେନ୍ଦ୍ର


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!