Pratinidhi Odia

ରାଜନୀତି

ଶପଥ ଗ୍ରହଣ ଉତ୍ସବକୁ କାହିଁକି ଯିବେନି ନବୀନ

କର୍ଣ୍ଣାଟକରେ ୟେଦୁରପ୍ପା ସରକାର ଆସ୍ଥା ଭୋଟ ପୂର୍ବରୁ ଇସ୍ତଫା ଦେବା ପରେ ରାଜ୍ୟପାଳ ସରକାର ଗଢ଼ିବା ପାଇଁ କଂଗ୍ରେସ-ଜେଡି(ଏସ୍‌) ମେଣ୍ଟକୁ ନିମନ୍ତ୍ରଣ କରିଛନ୍ତି। ବୁଧବାର ଏହି ମେଣ୍ଟ ପକ୍ଷରୁ ଏଚ.ଡି.କୁମାରସ୍ବାମୀ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି। ଶପଥ ଗ୍ରହଣ ସମାରୋହକୁ ଅଣବିଜେପି ଶକ୍ତିମାନଙ୍କର ଶକ୍ତି ପ୍ରଦର୍ଶନ ପାଇଁ ପୁଡୁଚେରି, ପଞ୍ଜାବ ଓ ପରିବାର ମଧ୍ୟରେ ସୀମିତ ରହିଯାଇଥିବା କଂଗ୍ରେସ ଦଳ ଯୋଗାଡ଼ରେ ଲାଗିପଡ଼ିଛି। ଶପଥ ଗ୍ରହଣ ସମାରୋହରେ ଅଣବିଜେପି ନେତାମାନଙ୍କ ଦ୍ବାରା ୩୩୯ ଲୋକସଭା ଆସନରେ କିଭଳି ଶକ୍ତି ରହିଛି, ତାହା ବିଜେପି ଆଗରେ ଉପସ୍ଥାପିତ କରାଯିବ ବୋଲି ଜେଡିଏ(ସ୍‌) ଓ କଂଗ୍ରେସର ନେତାମାନେ କହିଛନ୍ତି। ୨୦୧୯ ଲୋକସଭା ନିର୍ବାଚନକୁ ଆଖି ଆଗରେ ରଖି ଅଣବିଜେପି ନେତାଏ ଏକାଠି ହୋଇ ଶକ୍ତି ପ୍ରଦର୍ଶନ କରିବେ। ସେ ଦିଗରେ କଂଗ୍ରେସ ସମସ୍ତ ପ୍ରକାର ବ୍ୟବସ୍ଥା କରିଛି।

କୁସୁମିତ ନା କଣ୍ଟକିତ କୁମାରସ୍ବାମୀଙ୍କ ରାସ୍ତା!

ଆସ୍ଥାଭୋଟ ପୂର୍ବରୁ ଇସ୍ତଫା ଦେଲେ କର୍ଣ୍ଣାଟକ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିବା ବିଏସ ୟେଦୁରପ୍ପା। ଏଚଡି କୁମାରସ୍ବାମୀଙ୍କ ମୁଖ୍ୟମନ୍ତ୍ରୀ ହେବା ଏବେ ଏକପ୍ରକାର ନିଶ୍ଚିତ। ୭୮ ଆସନରେ ବିଜୟୀ କଂଗ୍ରେସ ମୁଖ୍ୟମନ୍ତ୍ରୀ ଅଫର ଦେଇ ଜେଡି(ଏସ) ସହ ମେଣ୍ଟ କରୁଥିଲେ ହେଁ ଅସଲରେ କଂଗ୍ରେସ ଯେ ତାର ଖେଳ ଦେଖାଇବ, ଏହା ସ୍ପଷ୍ଟ ହେବାରେ ଲାଗିଛି। ମନ୍ତ୍ରୀ ପରିଷଦ ଗଠନର ଚିତ୍ର ସାମ୍ନାକୁ ଆସି ନ ଥିବା ବେଳେ ଜେଡି(ଏସ) ମୁଖ୍ୟମନ୍ତ୍ରୀ ପଦବୀ ସହିତ ୧୩ଟି ମନ୍ତ୍ରୀ ପଦ ନେବାକୁ ଚାହୁଁଥିବା ଜଣାଯାଇଛି। କଂଗ୍ରେସ ହାତରେ ଉପମୁଖ୍ୟମନ୍ତ୍ରୀ ପଦବୀ ସମେତ ୨୦ଟି ମନ୍ତ୍ରୀ ପଦ ରହିବ। କଂଗ୍ରେସ ଓ ଜେଡିଏସ ମଧ୍ୟରେ ପୂରା ୫ ବର୍ଷର ମେଣ୍ଟ ଅତୁଟ ରହିବାକୁ ନେଇ ଦଳର ଶୀର୍ଷସ୍ତରୀୟ ନେନତାମାନେ ଭରସା ଦେଇଥିଲେ ହେଁ ଅନେକ ବିଧାୟକ ମନ୍ତ୍ରୀପଦ ନ ପାଇଲେ ଜହର ଓଗାଳିବାକୁ ସଜ ହେଲେଣି। କଂଗ୍ରେସ ଓ ଜେଡିଏସ ମେଣ୍ଟକୁ ସମର୍ଥନ କରୁଥିବା ଦୁଇ ସ୍ବାଧୀନ ସଭ୍ୟ ଓ ଜଣେ ବହୁଜନ ସମାଜ ପାର୍ଟିର ବିଧାୟକଙ୍କୁ କିଭଳି ସନ୍ତୁଷ୍ଟ କରାଯାଇ ମେଣ୍ଟରେ ରଖାଯାଇ ପାରିବ, ତାକୁ ନେଇ ମଧ୍ୟ ମୁଣ୍ଡବ୍ୟଥା ସୃଷ୍ଟି ହେବାର ସମ୍ଭାବନା ରହିଛି। ଲିଙ୍ଗାୟତ ସମ୍ପ୍ରଦାୟର କଂଗ୍ରେସ ଓ ଜେଡିଏସ୍‌ ବିଧାୟକମାନେ ନିଜ ସମ୍ପ୍ରଦାୟର ଚାପରେ ରହି ମେଣ୍ଟକୁ ବିରୋଧ ଯେ ନ କରିବେ ତାହା ବର୍ତ୍ତମାନ ଠାରୁ କହିହେଉନି।

କର୍ଣ୍ଣାଟକ: କ୍ଷମତା ପାଇଁ ଭଙ୍ଗାଯୋଡ଼ା
ଶଙ୍ଖ ଭୋଟରଙ୍କୁ କୃଷି ୠଣ!
ବିଜେଡି କାଟିବ ୫୦ ପ୍ରତିଶତ ସାଂସଦଙ୍କ ଟିକେଟ!

ବିଜୁ ଜନତା ଦଳ ନିର୍ବାଚନ ପରିଚାଳନା କରିବାରେ ମାହିର। କୁହାଯାଏ ଯେ ନିର୍ବାଚନ ସରିବା ଦିନଠାରୁ ଦଳ କୁଆଡ଼େ ପରବର୍ତ୍ତୀ ନିର୍ବାଚନର ପ୍ରସ୍ତୁତିରେ ଲାଗିଯାଏ। ଭଳିକି ଭଳି ଭୋଟରଙ୍କୁ ଆକର୍ଷିତ କରିବାର ଯୋଜନାର ଥୋପ ପକାଇ ଦଳ ବଡ଼ ଶିକାର କରୁଥିବା କାହାକୁ ଅଛପା ନୁହେଁ। ଆସନ୍ତା ମେ ୨୧ ତାରିଖରେ ନବୀନ ସରକାରଙ୍କ ଚତୁର୍ଥ ପାଳିର ଚତୁର୍ଥ ବର୍ଷ ପୂରିବ। ସାଧାରଣ ନିର୍ବାଚନ ଆଉ ବର୍ଷେ ବାକି। ନବୀନ ଭୋଟରଙ୍କୁ ପ୍ରଲୁବ୍ଧ କରିବା ପାଇଁ ଚଳିତ ବର୍ଷ ଅଣ ବଜେଟ ଯୋଜନାରେ ବ୍ୟାପକ ଖର୍ଚ୍ଚ କରିବାର ଆଭାସ ଦେଲେଣି। ସଚିବାଳୟରେ ଯୋଜନାରେ ବ୍ୟାପକ ଖର୍ଚ୍ଚ କରିବାର ଆଭାସ ଦେଲେଣି। ସଚିବାଳୟରେ ୧୦-୧୫ ମିନିଟ ବସି ଆମ ଗାଁ ଆମ ବିକାଶ ନାମରେ ଲକ୍ଷ ଲକ୍ଷ ଟଙ୍କାର ପ୍ରକଳ୍ପ ବାଣ୍ଟିବାରେ ଲାଗିଛନ୍ତି। ଏବେ ଚାଲିଛି ବିଭାଗୀୟ ସମୀକ୍ଷା। ସମୀକ୍ଷା ଆଳରେ ଭୋଟରଙ୍କୁ ଆକର୍ଷିତ କଲା ଭଳି ଥିବା ଯୋଜନାରେ ସାମାନ୍ୟ ବାଧା ଦେଖିଲେ ଟଙ୍କା ବାଣ୍ଟିବାକୁ ବିଜେଡି ସମ୍ପୂର୍ଣ୍ଣ ସୁଯୋଗ ସୃଷ୍ଟି କରିଛି। ବିରୋଧୀ ଦଳ ଦେଖିବେ ପ୍ରତିବାଦ କରିବେ କିନ୍ତୁ ଅଟକାଇ ପାରିବେନି। ସେପଟେ ଦିଲ୍ଲୀର ଏକ ଘରୋଇ ସଂସ୍ଥା ଉଭୟ ବିଧାନସଭା ଓ ଲୋକସଭା ଆସନ ସକାଶେ ସର୍ଭେ ଚଳାଇଛି। ବିଜୁ ଜନତା ଦଳର ବିଧାନସଭା ଓ ଲୋକସଭା ପ୍ରାର୍ଥୀଙ୍କ କ୍ଷେତ୍ରରେ ଏକ ବଡ଼ ଧରଣର ପରିବର୍ତ୍ତନ ଘଟିବାକୁ ଯାଉଥିବା ଅନୁମାନ କରିହେଉଛି।

ହଁ..ହଁ..ମୁଁ ପ୍ରଧାନମନ୍ତ୍ରୀ ହେବି

କର୍ଣ୍ଣାଟକରେ ଭୋଟଦାନକୁ ଆଉ ୫ ଦିନ ବାକି। ନିର୍ବାଚନ ପ୍ରଚାର ଶେଷ ପର୍ଯ୍ୟାୟ ଦେଇ ଗତିକରୁଛି। ସମସ୍ତ ଦଳ ନିଜ ନିଜ କୌଶଳରେ ପ୍ରଚାରେ ମାତିଛନ୍ତି। ସଭା, ଶୋଭାଯାତ୍ରା ଜରିଆରେ ଭୋଟରଙ୍କୁ ନିଜ ଆଡ଼କୁ ଟାଣୁଛନ୍ତି। କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ଠାରୁ ଆରମ୍ଭ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପର୍ଯ୍ୟନ୍ତ କର୍ଣ୍ଣାଟକରେ ତୋଫାନୀ ରାଲି ଚାଲିଛି। ମଙ୍ଗଳବାର ରାହୁଲ ଥିଲେ ବେଙ୍ଗାଳୁରୁରେ। ଏଠାରେ ଲୋକଙ୍କ ସହ କଥାବାର୍ତ୍ତା ଛଳରେ ରାହୁଲ ଦେଇଛନ୍ତି ବଡ଼ ବୟାନ। ରାହୁଲ କହିଛନ୍ତି ଯେ ଯଦି ୨୦୧୯ରେ କଂଗ୍ରେସ ଏକକ ସଂଖ୍ୟାଗରିଷ୍ଠତା ପାଇବ ତେବେ ସେ ପ୍ରଧାନମନ୍ତ୍ରୀ ହେବେ। ଯେତେବେଳେ ସାମ୍ବାଦିକମାନେ ଏ କଥାକୁ ନେଇ ରାହୁଲଙ୍କୁ ପ୍ରଶ୍ନ କଲେ, କ’ଣ ରାହୁଲ ପ୍ରଧାନମନ୍ତ୍ରୀ ହେବେ କି? ତ ସେତେବେଳେ ରାହୁଲ ସ୍ପଷ୍ଟ ଭାବେ ଉତ୍ତର ଦେଇ କହିଲେ କଂଗ୍ରେସ ଦଳ କ୍ଷମତାକୁ ଆସିବା ପରେ ଏପରି ହୋଇପାରିବ ଏବଂ କାହିଁକି ନୁହେଁ। ସେ ସୂଚାଇଥିଲେ ଯେ ୨୦୧୯ରେ କଂଗ୍ରେସ କ୍ଷମତାକୁ ଆସିଲେ ସେ ପ୍ରଧାନମନ୍ତ୍ରୀ ହୋଇପାରିବେ।

ପ୍ରାୟୋଜିତ ଆନ୍ଦୋଳନ!

ଦିନେ ନୁହେଁ କି ଦୁଇଦିନ ଦୁହେଁ ଗତ ପାଞ୍ଚଦିନ ଧରି ଚାଲିଛି ଆନ୍ଦୋଳନ। ରାୟଗଡ଼ା ଜିଲା ଥେରୁବାଲିସ୍ଥିତ ଇମ୍ଫା କାରଖାନା ଆଗରେ ଆନ୍ଦୋଳନକାରୀମାନେ ବସିରହିଛନ୍ତି। ଖଣ୍ଡା ଓ ଅନ୍ୟାନ୍ୟ ମାରଣାସ୍ତ୍ର ଧରି ବୁଲୁଛନ୍ତି ଆନ୍ଦୋଳନକାରୀ। ପୋଲିସ ଓ ଜିଲା ପ୍ରଶାସନ ନିରବଦ୍ରଷ୍ଟା ସାଜିଛନ୍ତି। ପୋଲିସ ସାମ୍ନାରେ ଆନ୍ଦୋଳନକାରୀମାନେ କାରଖାନା ଫାଟକରେ ଲାଗିଥିବା ସିସିଟିଭି କ୍ୟାମେରାକୁ ପିଟି ପିଟି ଚୁରମାର କରିଦେଇଛନ୍ତି। ପୋଲିସ ଓ ପ୍ରଶାସନ କୌଣସି ପଦକ୍ଷେପ ନେଉ ନ ଥିବାରୁ ସାଧାରଣରେ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। ଏହା ପଛରେ ପାଣ୍ଡିଆନ ଅଛନ୍ତି ବୋଲି ବିଜେପି ନେତା ତଥା ପୂର୍ବତନ ସାଂସଦ ଜୟରାମ ପାଙ୍ଗି ଖୋଲାଖୋଲି ଅଭିଯୋଗ କରିଛନ୍ତି। ବିଜେପି ସାଧାରଣ ସମ୍ପାଦକ ଭୃଗୁ ବକ୍ସିପାତ୍ର ଏକ ସାମ୍ବାଦିକ ସମ୍ମିଳନୀ ଜରିଆରେ ଶାସକ ବିଜେଡି ଦଳ ଓ ରାଜ୍ୟସଭା ସାଂସଦ ଏନ.ଭାସ୍କର ରାଓଙ୍କୁ ଏଥିପାଇଁ ଦାୟୀ କରିଛନ୍ତି। ରାୟଗଡ଼ା ଜିଲା ଆଦିବାସୀ ସଂଘର ସଭାପତି ଆପଲ ସ୍ବାମୀ କାଡ୍ରାକା ହିଂସାତ୍ମକ ଆନ୍ଦୋଳନ ପଛରେ ଆଦିବାସୀ ନ ଥିବା ସ୍ପଷ୍ଟ କରିଛନ୍ତି। ଶାସକ ଦଳର ପ୍ରରୋଚନାରେ ଏହା ଚାଲିଥିବା ସେ ସୂଚନା ଦେବା ସହ ଗଣତାନ୍ତ୍ରିକ ପଦ୍ଧତିରେ ଆନ୍ଦୋଳନ କରିବାକୁ ପରାମର୍ଶ ଦେଇଛନ୍ତି।

ବିଦା ହେବେ ୪୩ ବିଜେଡି ବିଧାୟକ!

ଆଗକୁ ଆସୁଛି ୨୦୧୯ ସାଧାରଣ ନିର୍ବାଚନ। ଗୋଟିଏ ନିର୍ବାଚନ ସରିବା ପରେ ପରେ ଅପେକ୍ଷା ନ କରି ଆଉ ଏକ ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିଦେଉଥିବା ବିଜେଡି ୨୦୧୯ ନିର୍ବାଚନ ପାଇଁ ମଧ୍ୟ ପ୍ରସ୍ତୁତି ଆରମ୍ଭ କରିଦେଇଛି। ପଞ୍ଚମ ଥର ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ହେବେ କି ନାହିଁ, ଭୋଟରଙ୍କ ମନ ଜାଣିବାକୁ ଏକ ଘରୋଇ ସଂସ୍ଥା ମାଧ୍ୟମରେ ବିଜେଡି ରାଜ୍ୟବ୍ୟାପୀ ସର୍ଭେ କରିଛି। ଦିଲ୍ଲୀର ଏକ ପେସାଦାର ସଂସ୍ଥା ୨୧ଟି ଲୋକସଭା ଓ ୪୭ଟି ବିଧାନସଭା ଆସନର ସର୍ଭେ ଆରମ୍ଭ କରି ଏହାରି ଭିତରେ ଲୋକସଭା ଆସନ ଗୁଡ଼ିକର ସର୍ଭେ ସାରିଛି ବୋଲି କୁହାଯାଉଛି। ସେହି ସଂସ୍ଥାର ପ୍ରାକ୍‌ ରିପୋର୍ଟକୁ ନେଇ ବିଜେଡି ଶିବିରରେ ଭ୍ରୁକୁଞ୍ଚନ ପ୍ରକାଶ ପାଇଛି। ରାଜ୍ୟରେ ସରକାର ବିରୋଧୀ ହାୱା ବହୁଛି। ଏପରିକି ଅନେକ ସ୍ଥାନରେ ବିଜେଡି ସାଂସଦ ଓ ବିଧାୟକଙ୍କ ପ୍ରତି ଲୋକଙ୍କ ଆସ୍ଥା ନ ଥିବାର ପ୍ରମାଣ ମିଳୁଛି। ସର୍ଭେର ସତ୍ୟାସତ୍ୟକୁ ନେଇ ବିଜେଡି ସୁପ୍ରିମୋଙ୍କୁ ଜଣାଇବା ଲାଗି ଦିଲ୍ଲୀର ସେହି ପେସାଦାର ସଂସ୍ଥା ଅଧିକାଂଶ ସ୍ଥାନରେ ଲୋକଙ୍କ କଥାବାର୍ତ୍ତାର ଭିଡିଓ ରେକର୍ଡିଂ କରିଥିଲା। ସେହି ଭିଡିଓ ରେକର୍ଡିଂର ସର୍ଭେ ରିପୋର୍ଟ ଦେଖିବା ପରେ ବିଜେଡି ଶିବିରରେ ଛନକା ପଶିଛି। ସେହି ରିପୋର୍ଟର ସତ୍ୟାସତ୍ୟ ପରଖିବା ପାଇଁ ନବୀନଙ୍କ ଦିଲ୍ଲୀର ଜଣେ ସାମ୍ବାଦିକ ବନ୍ଧୁ ହସ୍ତକ୍ଷେପ କରୁଥିବା ନେଇ ଆଲୋଚନା ହେଉଛି।

ପୁରସ୍କାର, ପୁସ୍ତକ ପରେ ଏବେ ନବୀନ ସିନେମା!

ପଞ୍ଚାୟତ ନିର୍ବାଚନ ପରେ ଡରି ଯାଇଥିଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ। ବିଜେପିର ଅଗ୍ରଗତିକୁ ନେଇ ଚିନ୍ତିତ ଥିଲେ ବିଜେଡି ନେତୃତ୍ବ। ତା ପରଠାରୁ ବିଜେଡି ତା’ର କୌଶଳ ବଦଳାଇବା ସହ ବିଭିନ୍ନ ପ୍ରକାର ରଣନୀତି କରି ଆଗକୁ ମାଡ଼ୁଛି। ଏବେ ୨୦୧୯ ସାଧାରଣ ନିର୍ବାଚନ ପାଖେଇ ଆସୁଥିବାରୁ ଶଙ୍ଖ ଅଧିପତି ନିଜ ଭାବମୂର୍ତ୍ତି ବଜାୟ ରଖିବା ପାଇଁ ନିଜ ଉପରେ ଏକ ଚଳଚ୍ଚିତ୍ର ପ୍ରସ୍ତୁତିକୁ ଅନୁମତି ଦେଇଛନ୍ତି। ‘ନିମପୁରରୁ ନବୀନ ନିବାସ’ ଶୀର୍ଷକରେ ଏହି ସିନେମାକୁ ନିର୍ମାଣ କରୁଛନ୍ତି ସୁଶାନ୍ତ ମଣି। ସୁଶାନ୍ତ ଯେଉଁ ବିଷୟବସ୍ତୁ ଚୟନ କରିଛନ୍ତି, ତାହା ମୁଖ୍ୟମନ୍ତ୍ରୀଙ୍କୁ କେନ୍ଦ୍ରକରି ଗଢ଼ିଉଠିଛି। ନିମ୍‌କି ନାମକ ଜଣେ ଯୁବତୀ ନିମପୁରରୁ ନବୀନ ନିବାସ ଆସୁଛନ୍ତି। ନିମ୍‌କି ଭୂମିକାରେ ଅଭିନୟ କରୁଛନ୍ତି ବିଜେଡି ସାଂସଦ ତଥା ଅଭିନେତା ଅନୁଭବ ମହାନ୍ତିଙ୍କ ପତ୍ନୀ ବର୍ଷା ପ୍ରିୟଦର୍ଶିନୀ।

ମହାନଦୀ ନା ବିଜେପି, କାହା ଚିନ୍ତାରେ ବିଜେଡି?

ମହାନଦୀ ଟ୍ରିବ୍ୟୁନାଲ ଗଠନ ପରେ ଓଡ଼ିଶାର ଲୋକେ ଆଶ୍ବସ୍ତ ହୋଇଛନ୍ତି ବୋଲି ବିଧାନସଭାରେ ଘୋଷଣା କରିଥିଲେ ସରକାର। ସୁପ୍ରିମକୋର୍ଟ ଟ୍ରିବ୍ୟୁନାଲ ପାଇଁ ନିର୍ଦେଶ ଦେଇଥିବାରୁ ଓଡ଼ିଶାର ବିଜୟ ଘଟିଛି ବୋଲି ବିଜୁ ଜନତା ଦଳର ବହୁ ନେତା ଦମ୍ଭୋକ୍ତି ପ୍ରକାଶ କରିଥିଲେ। ମାର୍ଚ୍ଚ ୧୨ରେ କେନ୍ଦ୍ର ସରକାର ଜଷ୍ଟିସ ଖାନୱିଲକରଙ୍କ ଅଧ୍ୟକ୍ଷତାରେ ୩ ଜଣିଆ ଟ୍ରିବ୍ୟୁନାଲ ଗଠନ କରିଥିଲେ। କିନ୍ତୁ ଟର୍ମସ ଆଣ୍ଡ ରେଫରେନ୍‌ସକୁ ନେଇ ରାସ୍ତାକୁ ଓହ୍ଲାଇଥିଲା ବିଜୁ ଜନତା ଦଳ। ତେବେ ଇତିମଧ୍ୟରେ କେନ୍ଦ୍ର ସରକାର ଟ୍ରିବ୍ୟୁନାଲର ଅଧ୍ୟକ୍ଷଙ୍କୁ ସର୍ତ୍ତାବଳୀ ଦେଇସାରିଛନ୍ତି। ବଲ୍‌ ଏବେ ଟ୍ରିବ୍ୟୁନାଲ କୋର୍ଟକୁ ଗଡ଼ିସାରିଛି। ହାତରୁ ଏକ ବଡ଼ ଅସ୍ତ୍ର ଚାଲିଯିବା ଆଶଙ୍କାରେ ବିଜୁ ଜନତା ଦଳ ପୁଣି ଆନ୍ଦୋଳନକୁ ଯିବା ଲାଗି ନିଷ୍ପତ୍ତି ନେଇଛି। ନିଜେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦ୍ବିତୀୟ ପର୍ଯ୍ୟାୟ ମହାନଦୀ ଆନ୍ଦୋଳନକୁ ଲୋକଙ୍କ ପାଖକୁ ନେବା ଲାଗି ଦଳୀୟ ନେତାମାନଙ୍କୁ ପରାମର୍ଶ ଦେଇଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!