ବାଣିଜ୍ୟ ଓ ଅର୍ଥନୀତି

ପ୍ରତ୍ୟର୍ପଣ ମାମଲାରେ ସେପ୍ଟେମ୍ବର ୧୨ ପର୍ଯ୍ୟନ୍ତ ବଢ଼ିଲା

୯ ହଜାର କୋଟି ଟଙ୍କାର ୠଣ ଠକେଇ କରି ଭାରତରୁ ପଳାୟନ କରି ସଂପ୍ରତି ଲଣ୍ଡନରେ ବସବାସ କରୁଥିବା ବିଶିଷ୍ଟ ମଦ୍ୟ ବ୍ୟବସାୟୀ ବିଜୟ ମାଲ୍ୟାଙ୍କୁ ପ୍ରତ୍ୟର୍ପଣ ମାମଲାରେ ମଙ୍ଗଳବାର ଆଶ୍ବସ୍ତି ମିଳିଛି। କାରଣ ଏଠାକାର ୱେଷ୍ଟ୍‌ମିନିଷ୍ଟର୍‌ ମାଜିଷ୍ଟ୍ରେଟ୍‌ କୋର୍ଟ ତାଙ୍କୁ ପୂର୍ବରୁ ପ୍ରଦାନ କରିଥିବା ଜାମିନ୍‌ର ଅବଧିକୁ ଆସନ୍ତା ସେପ୍ଟେମ୍ବର ୧୨ ତାରିଖ ପର୍ଯ୍ୟନ୍ତ ବଢ଼ାଇ ଦେଇଛନ୍ତି। ମଙ୍ଗଳବାର ମାମଲାର ଶୁଣାଣି ବେଳେ ମାଲ୍ୟା ତାଙ୍କ ପୁଅ ସିଦ୍ଧାର୍ଥଙ୍କ ସହ ଉପସ୍ଥିତ ଥିଲେ। ଏହି ହାଇପ୍ରୋଫାଇଲ୍‌ ମାମଲାର ପରବର୍ତ୍ତୀ ଶୁଣାଣି ଆସନ୍ତା ସେପ୍ଟେମ୍ବର ୧୨ ତାରିଖରେ ହେବ ବୋଲି କୋର୍ଟ କହିଛନ୍ତି। ଏଥିସହ କୋର୍ଟ ସମ୍ଭାବ୍ୟ ପ୍ରତ୍ୟର୍ପଣ ପରେ ମାଲ୍ୟାଙ୍କୁ ରଖାଯିବାକୁ ଥିବା ମୁମ୍ବାଇର ଆର୍ଥର୍‌ ରୋଡ୍‌ ଜେଲ୍‌ର ଏକ ଭିଡିଓ ଦୃଶ୍ୟ ଦାଖଲ କରିବା ସକାଶେ ଭାରତ ସରକାରଙ୍କୁ କହିଛନ୍ତି।

ଡଲାର୍‌ ତୁଳନାରେ ରେକର୍ଡ ନିମ୍ନ ସ୍ତରକୁ ଖସିଲା ରିଆଲ୍‌ ମୂଲ୍ୟ

ଇରାନ୍‌ ମୁଦ୍ରା ରିଆଲ୍‌ର ମୂଲ୍ୟ ଡଲାର୍‌ ତୁଳନାରେ କ୍ରମଶଃ ହ୍ରାସ ପାଇଚାଲିଥିବା ବେଳେ ରବିବାର ରେକର୍ଡ ସ୍ତରକୁ ଖସିଛି। ଇରାନ୍‌ ଉପରେ ଆମେରିକା ଏକାଧିକ କଟକଣା ଲାଗୁ କରିଥିବାରୁ ଏହାର ପ୍ରଭାବ ଦେଶର ଅର୍ଥନୀତି ଉପରେ ପଡ଼ୁଛି। ଏହି କାରଣରୁ ଡଲାର୍‌ ତୁଳନାରେ କ୍ରମଶଃ ରିଆଲ୍‌ ଦୁର୍ବଳ ହୋଇଚାଲିଛି। ରବିବାର ଗୋଟିଏ ଡଲାର୍‌ର ମୂଲ୍ୟ ୧ ଲକ୍ଷ ରିଆଲ୍‌ରେ ପହଞ୍ଚିଯାଇଛି। ଇରାନ୍‌ ମୁଦ୍ରାର ମୂଲ୍ୟ ନିର୍ଦ୍ଧାରଣ କରୁଥିବା ଏକ ପ୍ରମୁଖ ସଂସ୍ଥା ବୋନ୍‌ବାଷ୍ଟ୍‌ ପକ୍ଷରୁ ଏହି ସୂଚନା ଦିଆଯାଇଛି। ଏଥିସହ ଗତ ୪ ମାସ ମଧ୍ୟରେ ରିଆଲ୍‌ର ମୂଲ୍ୟ ଡଲାର୍‌ ତୁଳନାରେ ପାଖାପାଖି ୫୦ ପ୍ରତିଶତ ହ୍ରାସ ପାଇସାରିଲାଣି। କାରଣ ଗତ ମାର୍ଚ୍ଚ ମାସରେ ଗୋଟିଏ ଡଲାର୍‌ର ମୂଲ୍ୟ ୫୦ ହଜାର ରିଆଲ୍‌ ସମକକ୍ଷ ଥିଲା।

୧୫୦ ନିୟୁତ ଡଲାର୍‌କୁ ଖସିବ ଆମେରିକାର ପାକ୍‌ ସହାୟତା

ବିଗତ ଦିନରେ ପାକିସ୍ତାନକୁ ଦେଇଆସୁଥିବା ସହାୟତା ରାଶିକୁ ଇତିମଧ୍ୟରେ ଆମେରିକା ବହୁ ଗୁଣ ହ୍ରାସ କରିଥିବା ବେଳେ ଏହା ଆସନ୍ତା ବର୍ଷ ଆହୁରି କମିଯିବ ବୋଲି ବିଶେଷଜ୍ଞମାନେ ପୂର୍ବାନୁମାନ କରିଛନ୍ତି। ସେମାନଙ୍କ କହିବାନୁସାରେ, ଆସନ୍ତା ବର୍ଷ ପାକିସ୍ତାନକୁ ଆମେରିକା ୭ ଶହ ନିୟୁତ ଡଲାର୍‌ ପରିବର୍ତ୍ତେ ମାତ୍ର ୧୫୦ ନିୟୁତ ଡଲାର୍‌ ଆର୍ଥିକ ସହାୟତା ଦେବ। ପାକିସ୍ତାନକୁ ଆତଙ୍କବାଦ ବିରୋଧରେ ଠୋସ୍‌ ପଦକ୍ଷେପ ନେବା ସକାଶେ ଆମେରିକା ପୂର୍ବରୁ ଏହି ଆର୍ଥିକ ସହାୟତା ଯୋଗାଇ ଆସୁଥିଲା। କିନ୍ତୁ ଏହି ଦେଶ ଆତଙ୍କବାଦର ମୂଳୋତ୍ପାଟନ ନ କରି ବରଂ ଏହାକୁ ପ୍ରୋତ୍ସାହନ ଦେଉଥିବା ଜଣାପଡ଼ିବା ପରେ ଆମେରିକା ଧୀରେ ଧୀରେ ଏହି ପରିମାଣ ହ୍ରାସ କରିଚାଲିଛି। ଚଳିତ ବର୍ଷ ପ୍ରାରମ୍ଭରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ପ୍ରଥମେ ପାକିସ୍ତାନକୁ ଦିଆଯାଉଥିବା ଆର୍ଥିକ ସହାୟତା ହ୍ରାସ ନେଇ ଟ୍ବିଟ୍‌ କରି ସୂଚନା ଦେଇଥିଲେ।

୧ କୋଟି ନିଯୁକ୍ତି ସୃଷ୍ଟି ନେଇ ଇମ୍ରାନଙ୍କ ପ୍ରତିଶ୍ରୁତି
ଏୟାରସେଲ୍‌-ମ୍ୟାକ୍ସିମ୍‌ ଦୁର୍ନୀତି ମାମଲା: ଚିଦାମ୍ବରମ୍‌ ପିତା-
ଭୋଟ୍‌ ହାତେଇବାକୁ ଭାରତ ସରକାର ପ୍ରତ୍ୟର୍ପଣ ଚାହୁଁଛି

ବ୍ୟାଙ୍କ୍‌ରୁ ୯ ହଜାର କୋଟି ଟଙ୍କାର ଠକେଇ କରି ଲଣ୍ଡନ ପଳାଇଥିବା ମଦ ସମ୍ରାଟ ବିଜୟ ମାଲ୍ୟ କହିଛନ୍ତି ଯେ ତାଙ୍କୁ ଭାରତ ପ୍ରତ୍ୟର୍ପଣ କରାଇ କେନ୍ଦ୍ର ସରକାର ଅଧିକ ଭୋଟ ହାତେଇବା ପାଇଁ ଚାହୁଁଛନ୍ତି। ସେ ୠଣ କରିଥିବା ସମସ୍ତ ଟଙ୍କା ଫେରାଇ ଦେବାକୁ ଚାହାଁନ୍ତି। ତାଙ୍କ ପାଖରେ ୠଣ ଟଙ୍କା ଫେରାଇବା ପାଇଁ ସମ୍ପତ୍ତି ଓ ସାମର୍ଥ୍ୟ ରହିଛି। ମାତ୍ର ତଦନ୍ତକାରୀ ସଂସ୍ଥାର କାର୍ଯ୍ୟନୁଷ୍ଠାନ ତାଙ୍କ ପାଇଁ ୠଣ ପରିଶୋଧ କରିବା ଦିଗରେ ଅନ୍ତରାୟ ସୃଷ୍ଟି କରୁଛି। ପୁଣି ବିଟ୍ରେନ୍‌ରେ ଥିବା ସମ୍ପତ୍ତି ସିଜ୍‌ ପାଇଁ ତଦନ୍ତକାରୀ ସଂସ୍ଥାର ଉଦ୍ୟମ ପରିପ୍ରେକ୍ଷୀରେ ମାଲ୍ୟା କହିଛନ୍ତି ଯେ ତାଙ୍କ ସମ୍ପତ୍ତି ସିଜ୍‌ କରିବାରେ ତାଙ୍କର କୌଣସି ଆପତ୍ତି ନାହିଁ। ମାତ୍ର ସେମାନେ ଯେଉଁ ସମ୍ପତ୍ତି ଉପରେ ଆଖି ପକାଇ ତାଙ୍କୁ ବେଘର କରିବା ପାଇଁ ଚାହୁଁଛନ୍ତି, ତାହା ପୂରଣ ହୋଇପାରିବ ନାହିଁ। କାରଣ ଲକ୍‌ଜୁରୀ ହାଉସ୍‌ ତାଙ୍କ ପିଲାମାନଙ୍କ ନାଁରେ ରହିଛି। ଲଣ୍ଡନରେ ସେ ଯେଉଁ ଘରେ ରହୁଛନ୍ତି, ତାହା ତାଙ୍କ ମା’ଙ୍କ ନାଁରେ ରହିଛି। ତେଣୁ ଏହି ସମ୍ପତ୍ତିକୁ ତଦନ୍ତକାରୀ ସଂସ୍ଥା କୌଣସି ପ୍ରକାରେ ସିଜ୍‌ କରିପାରିବେ ନାହିଁ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ପର ପତ୍ନୀ ଅପହରଣ ପାଇଁ
ନାଇଜେରିଆରେ ୱେଡେବ ନାମରେ ଗୋଟିଏ ଉପଜାତି ଅଛନ୍ତି। ବାଲ୍ୟକାଳରୁ ସେମାନଙ୍କ ବିବାହ ସମ୍ପନ୍ନ ହୋଇଥାଏ। କିନ୍ତୁ ସେପ୍ଟେମ୍ବର ମାସରେ ଗେରେଓ୍ୱଲ ପର୍ବରେ ବାସ୍ତବ ବିବାହ ଅନୁଷ୍ଠିତ ହୁଏ। ସମ୍ପ୍ରଦାୟର ସମସ୍ତ ଯୁବକ ଓ ଯୁବତୀ ସାତ ଦିନ ବ୍ୟାପୀ ଏହି ମେଳାରେ ଉପସ୍ଥିତ ହୁଅନ୍ତି। ପୁରୁଷମାନେ ଭଳିକି ଭଳି ରଙ୍ଗବେରଙ୍ଗର ପୋଷାକ ପିନ୍ଧି ନୃତ୍ୟ ପ୍ରତିଯୋଗିତାରେ ଭାଗନିଅନ୍ତି। ମହିଳାମାନେ ବିଚାରକ ରହନ୍ତି। ଏହି ପର୍ବରେ ମହିଳାମାନେ ପ୍ରାୟ ଉଲଗ୍ନ ରହିଥାନ୍ତି। କୌଶଳକ୍ରମେ ଯଦି କେହି ପୁରୁଷ କୌଣସି ମହିଳାକୁ ସଫଳତାର ସହିତ ଅପହରଣ କରିନିଏ, ସେମାନଙ୍କୁ ପତି ପତ୍ନୀ ଭାବେ ସ୍ବୀକୃତି ମିଳିଯାଏ। ଏହି ଉପଜାତିରେ ଆଉ ଏକ ପରମ୍ପରା ଅଛି। କୌଣସି ବି ମହିଳା ମନଇଛା ସ୍ବାମୀ ଗ୍ରହଣ କରିପାରିବେ। କିନ୍ତୁ କୌଣସି ପୁରୁଷଙ୍କ ନିମନ୍ତେ ଏ ନିୟମ ଲାଗୁ ହୁଏ ନାହିଁ।

ଜନମତ

ଶ୍ରୀମନ୍ଦିରରେ ସେବାୟତଙ୍କ ମନମୁଖୀ କାର୍ଯ୍ୟକଳାପ ଓ ପ୍ରଶାସନର ପରିଚାଳନାଗତ ତ୍ରୁଟିକୁ ରୋକିବା ଲାଗି ସୁପ୍ରିମକୋର୍ଟ ଯେଉଁ ପଦକ୍ଷେପ ନେଇଛନ୍ତି, ସେଥିରେ ଆପଣ ଏକମତ ତ ?