Pratinidhi Odia

ବାଣିଜ୍ୟ ଓ ଅର୍ଥନୀତି

ପିଏନ୍‌ବି ମହାଠକେଇ ମାମଲାରେ ନିରବଙ୍କ ଅଭିଯୋଗ ନେଇ

ମୁମ୍ବାଇ: ଗତ ସପ୍ତାହରେ ପାଖାପାଖି ସାଢ଼େ ୧୧ ହଜାର କୋଟି ଟଙ୍କାର ମହାଦୁର୍ନୀତି ପଦାକୁ ଆସିବା ପରେ ଦେଶର ଦ୍ବିତୀୟ ସର୍ବବୃହତ୍‌ ରାଷ୍ଟ୍ରାୟତ୍ତ ବ୍ୟାଙ୍କ୍‌ ପଞ୍ଜାବ ନ୍ୟାସନାଲ୍‌ ବ୍ୟାଙ୍କ୍‌ (ପିଏନ୍‌ବି) ଚର୍ଚ୍ଚାର କେନ୍ଦ୍ରବିନ୍ଦୁ ହୋଇଛି। ବ୍ୟାଙ୍କ୍‌ର କେତେକ ଅଧିକାରୀ ଓ କର୍ମଚାରୀଙ୍କ ସହାୟତାରେ ବିଶିଷ୍ଟ ହୀରା ଗହଣା ବ୍ୟବସାୟୀ ନିରବ ମୋଦି ଓ ତାଙ୍କ ମାମୁ ମେହୁଲ୍‌ ଚୋକ୍‌ସି ଏହି ଟଙ୍କା ଠକିନେଇଛନ୍ତି। ତେବେ ନିକଟରେ ନିରବ ତାଙ୍କୁ ଋଣ ପରିଶୋଧ ପାଇଁ ଯଥେଷ୍ଟ ସମୟ ଦେଇନାହିଁ ଓ ତାଙ୍କ ସମ୍ପର୍କରେ ସାର୍ବଜନୀନ ଭାବେ ପ୍ରଚାର କରି ବ୍ୟାଙ୍କ୍‌ ସମସ୍ତ ସମ୍ଭାବନାରେ ପୂର୍ଣ୍ଣଚ୍ଛେଦ ପକାଇ ଦେଇଛି ବୋଲି କହିଥିଲେ। ଏବେ ଏହି ପ୍ରସଙ୍ଗରେ ବ୍ୟାଙ୍କ୍‌ ପକ୍ଷରୁ କୁହାଯାଇଛି ଯେ ଆଇନ ଅନୁସାରେ ଋଣ ପରିଶୋଧ ପାଇଁ ଯାହା ପଦକ୍ଷେପ ନିଆଯିବା କଥା, ସେହି ଅନୁସାରେ ହିଁ ସବୁକିଛି କରାଯାଇଛି।

ପଦାକୁ ଆସିଲା ଆଉ ଏକ ମହାଠକେଇ: ବାସୁମତି ଚାଉଳ

ନୂଆଦିଲ୍ଲୀ: ସଂପ୍ରତି ପିଏନ୍‌ବି ମହାଠକେଇ ମାମଲା ସବୁ ସ୍ତରରେ ଆଲୋଚନାର ମୁଖ୍ୟ ବିଷୟବସ୍ତୁ ହୋଇଥିବା ବେଳେ ଏବେ ପୁଣି ଏକ ମହାଠକେଇ ଘଟଣା ପଦାକୁ ଆସିଛି। ଏଥର ବାସୁମତି ଚାଉଳ ପ୍ରକ୍ରିୟାକରଣ ଫାର୍ମ ହଜାର ହଜାର କୋଟି ଟଙ୍କା ବିଭିନ୍ନ ବ୍ୟାଙ୍କ୍‌ରୁ ଠକିନେଇଥିବା ଜଣାପଡ଼ିଛି। ବୁଧବାର ଏହି ଘଟଣାରେ ସମ୍ପୃକ୍ତିକୁ ନେଇ ବୁଧବାର ପ୍ରବର୍ତ୍ତନ ନିର୍ଦେଶାଳୟ (ଇଡି) କେବଳ ଗୋଟିଏ କମ୍ପାନୀର ଶହେ କୋଟି ଟଙ୍କାର ସମ୍ପତ୍ତି ଜବତ କରିଛି। ବାସୁମତି ଚାଉଳ ପ୍ରକ୍ରିୟାକରଣ କରୁଥିବା ମେସର୍ସ ଆର୍‌ଇଆଇ ଆଗ୍ରୋ ଲିମିଟେଡ୍‌ ଉପରେ ତଦନ୍ତକାରୀ ଏଜେନ୍ସି ପକ୍ଷରୁ ଏହି ଚଢ଼ାଉ କରାଯାଇଥିଲା। ପ୍ରିଭେନ୍‌ସନ୍‌ ଅଫ୍‌ ମନି ଲଣ୍ଡରିଂ ଆଇନ (ପିଏମ୍‌ଏଲ୍‌ଏ) ଅଧୀନରେ ଏହି ମାମଲା ରୁଜୁ କରାଯାଇଥିବା ଜଣାପଡ଼ିଛି।

ରୋଟୋମାକ୍‌ ‌ପେନ୍ସ କମ୍ପାନୀ ମୁଖ୍ୟ ବିକ୍ରମ କୋଠାରୀଙ୍କୁ ଗିରଫ
ଭାରତୀୟ ବଜାରରେ ମୋଟୋ ଜେଡ୍‌୨ ଫୋର୍ସ: ବ୍ୟାଟେରୀ


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!