Pratinidhi Odia

ମନୋରଞ୍ଜନ

ରାସ୍ତା କଡ଼କରେ ପାମ୍ପଡ଼ ବିକୁଛନ୍ତି ହ୍ରିତିକ୍‌

ବଲିଉଡ୍‌ର ମୋଷ୍ଟ ହ୍ୟାଣ୍ଡସମ୍‌ ସୁପରହିରୋ କୁହାଯାଉଥିବା ହ୍ରିତିକ ରୋଶନ ଆଜିକାଲି ରାସ୍ତାକଡ଼ରେ ପାମ୍ପଡ଼ ବିକୁଥିବା ନଜର ଆସୁଛନ୍ତି। ତେବେ ଏକ ସିନେମାର ଶୁଟିଂ ପାଇଁ ସେ ପାମ୍ପଡ଼ ବିକୁଛନ୍ତି। ହ୍ରିତିକ ଏବେ ସୁପର ୩୦ ସିନେମାର ଶୁଟିଂରେ ବ୍ୟସ୍ତ ଅଛନ୍ତି। ଏହି ସିନେମା ପାଇଁ ସେ ଏଭଳି ବେଶ ପୋଷାକ ହେଉଛନ୍ତି ଯଦ୍ବାରା ଚିହ୍ନିବା କଷ୍ଟକର ହୋଇପଡ଼ୁଛି। ସୋସାଲ ମିଡିଆରେ ଭାଇରାଲ ହୋଇଥିବା ହ୍ରିତିକଙ୍କ ଏହି ପାମ୍ପଡ଼ ବିକ୍ରି କରୁଥିବାର ଫଟୋ ମଧ୍ୟ ଉକ୍ତ ସୁପର ୩୦ ସିନେମାର ଏକ ଦୃଶ୍ୟ। ସୂଚନାଯୋଗ୍ୟ ଯେ ଏହି ସିନେମାଟି ବିହାରର ଗଣିତଜ୍ଞ ଆନନ୍ଦ କୁମାରଙ୍କ ଜୀବନୀ ଉପରେ ଆଧାରିତ। ଯିଏ ପ୍ରତ୍ୟେକ ବର୍ଷ ଆଇଆଇଟି ପାଇଁ ୩୦ ଜଣ ଗରିବ ତଥା ପଛୁଆ ବର୍ଗ ପିଲାଙ୍କୁ କୋଚିଂ ଦେଉଛନ୍ତି। ଏହି କୋଚିଂ ସେଣ୍ଟରରେ ପଢ଼ି ଏପର୍ଯ୍ୟନ୍ତ ୪୦୦ରୁ ଊର୍ଦ୍ଧ୍ବ ଛାତ୍ର ଆଇଆଇଟି ପ୍ରବେଶିକା ପରୀକ୍ଷାରେ ଉତ୍ତୀର୍ଣ୍ଣ ହୋଇସାରିଛନ୍ତି।

ପୋଷାକକୁ ନେଇ ପୁଣି ଚର୍ଚ୍ଚାରେ ପ୍ରିୟଙ୍କା

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଶର୍ଟ ଡ୍ରେସ୍‌ରେ ନଜର ଆସିବା ପରେ ବଲିଉଡ୍‌ ଅଭିନେତ୍ରୀ ପ୍ରିୟଙ୍କା ଚୋପ୍ରା ବିବାଦରେ ଫସିଥିଲେ। ଏବେ ପୁଣି ଥରେ ପ୍ରିୟଙ୍କା ପୋଷାକକୁ ନେଇ ଅଡ଼ୁଆରେ ପଡ଼ିଛନ୍ତି। ନିକଟରେ ଆସାମ ଟ୍ୟୁରିଜିମ୍‌ ଡେଭଲପମେଣ୍ଟ କର୍ପୋରେସନ୍‌ ଏକ ନୂଆ କ୍ୟାଲେଣ୍ଡର ରିଲିଜ୍‌ କରିଛି। ଏଥିରେ ପ୍ରିୟଙ୍କାଙ୍କ ଫଟୋ ରହିଛି। ଏହି ଫଟୋରେ ପ୍ରିୟଙ୍କା ପିନ୍ଧିଥିବା ପୋଷାକକୁ ନେଇ କଂଗ୍ରେସର ଜଣେ ନେତା ବିରୋଧ କରିଛନ୍ତି। ପ୍ରିୟଙ୍କା ଆସାମର ସଭ୍ୟତାକୁ ଭୁଲ୍‌ ଭାବେ ଉପସ୍ଥାପନ କରୁଛନ୍ତି ବୋଲି କଂଗ୍ରେସ ନେତା ଜଣକ ଅଭିଯୋଗ କରିଛନ୍ତି। ଏହି ଫଟୋରେ ପ୍ରିୟଙ୍କା ଏକ ଫ୍ରକ୍‌ ପିନ୍ଧିଛନ୍ତି। ସୂଚନାଯୋଗ୍ୟ ଯେ ପ୍ରିୟଙ୍କା ଆସାମ ଟ୍ୟୁରିଜିମ୍‌ର ବ୍ରାଣ୍ଡ ଆମ୍ବାସଡ଼ର ଅଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!