ମନୋରଞ୍ଜନ

ବଲିଉଡ୍‌ ଡେବ୍ୟୁ କରିବେ ବିରାଟ!

ବଲିଉଡ୍‌ ଅଭିନେତ୍ରୀ ଅନୁଷ୍କା ଶର୍ମା ଓ ଭାରତୀୟ କ୍ରିକେଟ୍‌ ଟିମ୍‌ର ଅଧିନାୟକ ବିରାଟ କୋହଲିଙ୍କ ବାହାଘର ପରେ ଉଭୟଙ୍କୁ ନେଇ ନୂଆ ନୂଆ ଖବରମାନ ଶୁଣିବାକୁ ମିଳିଛି। କିନ୍ତୁ ଏବେ ଯେଉଁ ଖବର ମିଳିଛି, ତାହା ସମସ୍ତଙ୍କୁ ଆଚମ୍ବିତ କରିଦେବା ଭଳି। କ୍ରିକେଟ୍‌ ପଡ଼ିଆରେ ଖେଳାଳିଙ୍କୁ କଡ଼ା ଟକ୍କର ଦେଉଥିବା ବିରାଟ ଏବେ ନିଜ ପତ୍ନୀ ଅନୁଷ୍କାଙ୍କୁ ଟକ୍କର ଦେବାକୁ ସ୍ଥିର କରିଥିବା କୁହାଯାଉଛି। ଦେଶରେ ସବୁଠାରୁ ଅଧିକ ପସନ୍ଦ କରାଯାଉଥିବା ଯୋଡ଼ି ବିରାଟ ଓ ଅନୁଷ୍କାଙ୍କୁ ଭାରତରେ ବଲିଉଡ୍‌-କ୍ରିକେଟ୍‌ କନେକ୍ସନର ଏକ ସୁନ୍ଦର ଉଦାହରଣ ଭାବେ ଗ୍ରହଣ କରାଯାଉଛି। ଉଭୟେ ନିଜ ନିଜ କ୍ଷେତ୍ରରେ ଟପ୍‌ରେ ଅଛନ୍ତି। ମାତ୍ର ମଣିଷ ପ୍ରକୃତି ହିସାବରେ ସମସ୍ତେ ନିଜ ଫିଲ୍ଡ ଛାଡ଼ି ଅଲଗା କିଛି ଫିଲ୍ଡରେ ମଧ୍ୟ ନାମ କମାଇବା ଲାଗି ଇଚ୍ଛା ରଖନ୍ତି। ଏମିତି କିଛି ହୋଇଛି ବିରାଟଙ୍କ ସହ। ଲାଗୁଛି ବିରାଟ ଖୁବ୍‌ଶୀଘ୍ର ବଲିଉଡ୍‌ରେ ଡେବ୍ୟୁ କରିବାକୁ ଯାଉଛନ୍ତି।

ମନମର୍ଜିୟାଁ ଫିଲ୍ମକୁ ବିରୋଧ କଲେ ଶିଖ୍‌ ସଙ୍ଗଠନ, ଅନୁରାଗ

ଫିଲ୍ମ ନିର୍ମାତା ତଥା ନିର୍ଦେଶକ ଅନୁରାଗ କଶ୍ୟପଙ୍କ ସିନେମା ‘ମନମର୍ଜିୟାଁ’ର ଏକ ଦୃଶ୍ୟକୁ ବିରୋଧ କରି ସୁପ୍ରିମ୍‌ ଶିଖ୍‌ ସଙ୍ଗଠନ ମଙ୍ଗଳବାର ଜମ୍ମୁ-କଶ୍ମୀରର ହାଇକୋର୍ଟରେ ଏକ ଅଭିଯୋଗ ଦାଏର କରିଛନ୍ତି। ଫିଲ୍ମର ଏକ ଦୃଶ୍ୟରେ ଶିଖ୍‌ ଭୂମିକାରେ ଅଭିନୟ କରୁଥିବା ଅଭିଷେକ ବଚ୍ଚନ ପଗଡ଼ି ବାହାର କରିବା ପରେ ସିଗାରେଟ୍‌ ଟାଣୁଥିବା ଦେଖିବାକୁ ମିଳୁଛି। ଏହି ଦୃଶ୍ୟ ଉପରେ ଶିଖ୍‌ ସମ୍ପ୍ରଦାୟ ଆପତ୍ତି କରିଛନ୍ତି। ଅଭିଯୋଗକାରୀ ସଙ୍ଗଠନର କହିବାନୁସାରେ ଏହି ଦୃଶ୍ୟ ଶିଖ୍‌ମାନଙ୍କ ଧାର୍ମିକ ଭାବନାକୁ ଆଘାତ ପହଞ୍ଚାଉଛି। ସେମାନଙ୍କ କହିବାନୁସାରେ ଯଦି କୌଣସି ରୋଲ୍‌ ମଡେଲ୍‌ କିମ୍ବା ଅଭିନେତା ଏପରି କରନ୍ତି, ତେବେ ଯୁବପିଢ଼ିଙ୍କ ଉପରେ ଏହା ଖରାପ ପ୍ରଭାବ ପକାଏ। ଏହାଦ୍ବାରା ସମାଜକୁ ଏକ ଭୁଲ୍‌ ସନ୍ଦେଶ ଯାଉଛି ବୋଲି ଶିଖ୍‌ ସମ୍ପ୍ରଦାୟ ପକ୍ଷରୁ ଅଭିଯୋଗ କରାଯାଇଛି।

୨୦୨୦ରେ ଆସିବ ‘ସଡ଼କ ୨’ର
ବିବାଦ ପରେ ବଦଳିଲା ‘ଲବରାତ୍ରୀ’ ସିନେମାର ନାମ

ଏବେ ଯେ କୌଣସି ସିନେମା ବିବାଦ ଘେରକୁ ଆସିଯିବା ସାଧାରଣ କଥାରେ ପରିଣତ ହୋଇଛି। ଫିଲ୍ମ ନିର୍ମାତା ତଥା ନିର୍ଦେଶକ ସଞ୍ଜୟ ଲୀଲା ଭନ୍‌ସାଲୀଙ୍କ ବିଗ୍‌ ବଜେଟ୍‌ ସିନେମା ‘ପଦ୍ମାବତ୍‌’କୁ ନେଇ ଦୀର୍ଘ ଦିନ ଧରି ବିବାଦ ମଧ୍ୟରେ ରହିବା ପରେ ଏହାର ନାମ ବଦଳାଇବାକୁ ପଡ଼ିଥିଲା। ଏବେ ବଲିଉଡ୍‌ ଭାଇଜାନ୍‌ ସଲମାନ ଖାନଙ୍କ ଭିଣୋଇ ଆୟୁଷ ଶର୍ମାଙ୍କ ସିନେମା ‘ଲଭରାତ୍ରୀ’କୁ ନେଇ ବିବାଦ ଆରମ୍ଭ ହୋଇଥିଲା। ଏହା ଦେଖିବା ମାତ୍ରେ ସଲମାନ ସିନେମାର ନାମ ବଦଳାଇଦେଇଥିବା ଜଣାପଡ଼ିଛି। ସୂଚନାଯୋଗ୍ୟ ଯେ ‘ଲଭରାତ୍ରୀ’ ନାମଟି ହିନ୍ଦୁ ପାର୍ବଣ ନବରାତ୍ରୀ ସହିତ କିଛି ମାତ୍ରାରେ ମେଳ ଖାଉଥିବା ଅଭିଯୋଗ କରି କିଛି ଦିନ ପୂର୍ବରୁ ଏହାର ବିରୋଧ କରାଯାଇଥିଲା। ଏହି ବିରୋଧର ସମାଧାନ କରିବା ଲାଗି ସିନେମାର ନାମ କରିବର୍ତ୍ତନ କରାଯାଇଛି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

ଶ୍ରୀମନ୍ଦିରରେ ସେବାୟତଙ୍କ ମନମୁଖୀ କାର୍ଯ୍ୟକଳାପ ଓ ପ୍ରଶାସନର ପରିଚାଳନାଗତ ତ୍ରୁଟିକୁ ରୋକିବା ଲାଗି ସୁପ୍ରିମକୋର୍ଟ ଯେଉଁ ପଦକ୍ଷେପ ନେଇଛନ୍ତି, ସେଥିରେ ଆପଣ ଏକମତ ତ ?