ଖେଳକୁଦ

ବିଡବ୍ଲ୍ୟୁଏଫ୍‌ ୱାର୍ଲ୍ଡ ଚାମ୍ପିଅନ୍‌ଶିପ୍‌: ପ୍ରିକ୍ବାର୍ଟର୍‌ରେ ସାଇନା

ଚୀନ୍‌ର ନାନ୍‌ଜିଙ୍ଗ୍‌ଠାରେ ସୋମବାରଠାରୁ ଆରମ୍ଭ ହୋଇଛି ବିଡବ୍ଲ୍ୟୁଏଫ୍‌ ୱାର୍ଲ୍ଡ ବ୍ୟାଡ୍‌ମିଣ୍ଟନ୍‌ ଚାମ୍ପିଅନଶିପ୍‌। ଏଥିରେ ପ୍ରଥମ ଦିନରେ ପୁରୁଷ ସିଙ୍ଗଲ୍ସରେ ଭାରତର ଏଚ୍‌ଏସ୍‌ ପ୍ରଣୟ, ସମୀର ବର୍ମା ଓ ସାଇ ପ୍ରଣୀତ୍‌ ପ୍ରଥମ ରାଉଣ୍ଡ୍‌ ଅତିକ୍ରମ କରି ଦ୍ବିତୀୟ ରାଉଣ୍ଡ୍‌ରେ ପ୍ରବେଶ କରିଛନ୍ତି। ମଙ୍ଗଳବାର ମହିଳା ସିଙ୍ଗଲ୍ସରେ ବିଶ୍ବର ପୂର୍ବତନ ଏକ ନମ୍ବର ଖେଳାଳି ତଥା ଭାରତର ଅଲିମ୍ପିକ୍‌ ପଦକ ବିଜେତା ସାଇନା ନେହ୍ବାଲ୍‌ ବିଜୟୀ ହୋଇ ତୃତୀୟ ରାଉଣ୍ଡ୍‌ରେ ପ୍ରବେଶ କରିଛନ୍ତି। ଗତବର୍ଷ ଏଠାରେ ବ୍ରୋଞ୍ଜ୍‌ ପଦକ ଜିତିଥିବା ସାଇନା ତୁର୍କୀର ଆଲିୟେ ଡେମିରବାଗ୍‌ଙ୍କୁ ୨୧-୧୭, ୨୧-୮ ଗେମ୍‌ରେ ପରାସ୍ତ କରିଛନ୍ତି। ପ୍ରଥମ ରାଉଣ୍ଡ୍‌ରେ ବାଇ ପାଇଥିବା ସାଇନା ପ୍ରିକ୍ବାର୍ଟର୍‌ରେ ୨୦୧୩ ସଂସ୍କରଣର ଚାମ୍ପିଅନ୍‌ ଥାଇଲାଣ୍ଡ୍‌ର ରାଚାନୋକ୍‌ ଇନ୍ତାନନ୍‌ଙ୍କୁ ଭେଟିବେ।

ଶେଷ ଲିଗ୍‌ ମ୍ୟାଚ୍‌ ଡ୍ର’ ରଖି କ୍ବାର୍ଟର୍‌ ଆଶା ଉଜ୍ଜୀବିତ ରଖିଲା
ଇମ୍ରାନଙ୍କୁ କ୍ରିକେଟ୍‌ ଦୁନିଆରୁ ବଧେଇ

ପାକିସ୍ତାନର ଭାବି ପ୍ରଧାନମନ୍ତ୍ରୀ ଇମ୍ରାନ ଖାନ୍‌ ନିକଟକୁ କ୍ରିକେଟ୍‌ ଦୁନିଆରୁ ଶୁଭେଚ୍ଛାର ସୁଅ ଛୁଟିଛି। ତାଙ୍କ ନିଜ ଦଳର ପୁରୁଣା ସହଯୋଗୀଙ୍କ ସମେତ ଭାରତ ପାଇଁ ପ୍ରତିନିଧିତ୍ବ କରିଥିବା ତାଙ୍କର କେତେକ ସମସାମୟିକ କ୍ରିକେଟର ଇମ୍ରାନଙ୍କୁ ଟ୍ବିଟ୍‌ ଯୋଗେ ଶୁଭେଚ୍ଛା ଜଣାଇଛନ୍ତି। ଦୀର୍ଘ ବର୍ଷ ଧରି ଇମ୍ରାନଙ୍କ ପ୍ରମୁଖ ବୋଲିଂ ପାର୍ଟନର ଭାବେ ଖେଳିଥିବା ୱାସିମ୍‌ ଆକ୍ରମ ଟ୍ବିଟ୍‌ ଯୋଗେ ଇମ୍ରାନଙ୍କୁ ଆଗୁଆ ବଧେଇ ଜଣାଇବା ସହ ପାକିସ୍ତାନର ନୂଆ ପ୍ରଧାନମନ୍ତ୍ରୀ ବୋଲି ଅଭିହିତ କରିଛନ୍ତି। ଇମ୍ରାନଙ୍କ ନେତୃତ୍ବରେ ପାକିସ୍ତାନ ୧୯୯୨ରେ ବିଶ୍ବ ଚାମ୍ପିଅନ୍‌ ହୋଇଥିଲା, ଏବେ ଆମକୁ ବିଶ୍ବରେ ଏକ ଶକ୍ତିଶାଳୀ ଗଣତାନ୍ତ୍ରିକ ରାଷ୍ଟ୍ର ଭାବେ ଉଭା କରାଇବା ପାଇଁ ଇମ୍ରାନଙ୍କ ସକାଶେ ଆହ୍ବାନ ଆସିଛି ବୋଲି ଆକ୍ରମ ଉଲ୍ଲେଖ କରିଛନ୍ତି।

ଜୋକୋଭିଚ୍‌ ଜିତିଲେ ୪ର୍ଥ ୱିମ୍ବଲଡନ୍‌ ଟାଇଟଲ୍‌: ହାରିଲେ
କର୍ବର ପ୍ରଥମ ଥର ୱିମ୍ବଲଡନ୍‌ ମହିଳା ଚାମ୍ପିଅନ୍‌
ୱିମ୍ବଲଡନ୍‌ ପୁରୁଷ ସିଙ୍ଗଲ୍ସ: ନାଡାଲ୍‌ଙ୍କୁ ହରାଇ ଫାଇନାଲ୍‌ରେ
ଦିନିକିଆରେ ଧୋନିଙ୍କ ଡବଲ୍‌ ରେକର୍ଡ: ୩ ଶହତମ କ୍ୟାଚ୍ ଓ

ଲଣ୍ଡନ: ଭାରତୀୟ ଦଳର ପୂର୍ବତନ ଅଧିନାୟକ ତଥା ୱିକେଟ୍‌କିପର୍‌-ବ୍ୟାଟ୍ସମ୍ୟାନ୍‌ ମହେନ୍ଦ୍ର ସିଂହ ଧୋନି ଚଳିତ ଇଂଲଣ୍ଡ ଗସ୍ତରେ ଶନିବାର ଦୁଇଟି ରେକର୍ଡ କରିଛନ୍ତି। ପୂର୍ବରୁ ସେ ଚଳିତ ଗସ୍ତରେ ଟି-୨୦ ସିରିଜ୍‌ରେ ୫ ଶହତମ ଅନ୍ତର୍ଜାତୀୟ ମ୍ୟାଚ୍‌ ଖେଳିବା ସହ ଟି-୨୦ରେ ୫୦ତମ କ୍ୟାଚ୍‌ ଧରିଥିଲେ। ଏହାଛଡ଼ା ତୃତୀୟ ଟି-୨୦ରେ ସେ ଗୋଟିଏ ଇନିଂସରେ ୫ଟି କ୍ୟାଚ୍‌ ଧରି ରେକର୍ଡ ସଫଳତା ପାଇଛନ୍ତି। ଶନିବାର ସେ ଏହି ଧାରାକୁ ଆଗକୁ ବଢ଼ାଇ ଦିନିକିଆରେ ଡବଲ୍‌ ରେକର୍ଡ ହାସଲ କରିଛନ୍ତି। ପ୍ରଥମତଃ ଭାରତୀୟ ଦଳର ଫିଲ୍‌ଡିଂ ବେଳେ ସେ ଇଂଲିଶ୍‌ ବ୍ୟାଟ୍ସମ୍ୟାନ୍‌ ଜୋସ୍‌ ବଟଲର୍‌ଙ୍କୁ ଆଉଟ୍‌ କରି ଦିନିକିଆରେ ୩୦୦ତମ କ୍ୟାଚ୍‌ ଧରିଛନ୍ତି। ଏହି ତାଲିକାର ଶୀର୍ଷରେ ଅଛନ୍ତି ୪୧୭ କ୍ୟାଚ୍‌ ଧରିଥିବା ଅଷ୍ଟ୍ରେଲିଆର ଆଡାମ୍‌ ଗିଲଖ୍ରିଷ୍ଟ। ଧୋନି ତାଲିକାର ଚତୁର୍ଥ ସ୍ଥାନରେ ଥିବା ବେଳେ ତାଙ୍କ ଉପରେ ଅଛନ୍ତି ଶ୍ରୀଲଙ୍କାର କୁମାର ସାଙ୍ଗାକାରା ଓ ତାଙ୍କର କ୍ୟାଚ୍‌ ସଂଖ୍ୟା ୪୦୨ ଏବଂ ଦ୍ବିତୀୟ ସ୍ଥାନରେ ଅଛନ୍ତି ଦକ୍ଷିଣ ଆଫ୍ରିକାର ମାର୍କ ବାଉଚର୍‌ ଯିଏକି ୪୦୩ଟି କ୍ୟାଚ୍‌ ଧରିଛନ୍ତି।

ଇଂଲଣ୍ଡକୁ ୨-୦ରେ ହରାଇ ତୃତୀୟ ସ୍ଥାନରେ ରହିଲା

ସେଣ୍ଟ୍‌ ପିଟର୍ସବର୍ଗ: ଚଳିତ ଫିଫା ବିଶ୍ବକପ୍‌ରେ ଶନିବାର ତୃତୀୟ ସ୍ଥାନ ପାଇଁ ହୋଇଛି ମୁକାବିଲା। ଏଥିରେ ସେମିଫାଇନାଲ୍‌ ମୁକାବିଲାରେ ପରାଜୟ ବରଣ କରିଥିବା ବେଲ୍‌ଜିୟମ୍‌ ଓ ଇଂଲଣ୍ଡ ମଧ୍ୟରେ ମୁକାବିଲା ହୋଇଥିଲା। ଏଥିରେ ୨-୦ ଗୋଲ୍‌ରେ ବିଜୟୀ ହୋଇ ବେଲ୍‌ଜିୟମ୍‌ ତୃତୀୟ ସ୍ଥାନରେ ରହିଛି। ବିଶ୍ବକପ୍‌ ଇତିହାସରେ ଏହା ବେଲ୍‌ଜିୟମ୍‌ର ସର୍ବଶ୍ରେଷ୍ଠ ପ୍ରଦର୍ଶନ। ପୂର୍ବରୁ ଦଳ ୧୯୮୬ ସଂସ୍କରଣରେ ଚତୁର୍ଥ ସ୍ଥାନରେ ରହିଥିଲା, ଯାହାକି ଅଦ୍ୟାବଧି ଏହାର ଶ୍ରେଷ୍ଠ ପ୍ରଦର୍ଶନ ରହିଆସିଥିଲା। ଅନ୍ୟପକ୍ଷରେ ଏକ ଯୁବ ଦଳକୁ ଚଳିତ ବିଶ୍ବକପ୍‌ରେ ଉତ୍ତାରିଥିଲେ ମଧ୍ୟ ପ୍ରଭାବଶାଳୀ ଫଳାଫଳ ପାଇଥିବା ଇଂଲଣ୍ଡ କୋଚ୍‌ ଗାରେଥ୍ ସାଉଥ୍‌ଗେଟ୍‌ଙ୍କୁ ଲଗାତର ଦ୍ବିତୀୟ ପରାଜୟର ସମ୍ମୁଖୀନ ହେବାକୁ ପଡ଼ିଛି। ମ୍ୟାଚ୍‌ ପାଇଁ ଇଂଲଣ୍ଡ ଦଳରେ ୫ ଜଣ ଖେଳାଳିଙ୍କୁ ଓ ବେଲ୍‌ଜିୟମ୍‌ ଦଳରେ ଦୁଇ ଜଣ ଖେଳାଳିଙ୍କୁ ପରିବର୍ତ୍ତନ କରାଯାଇଥିଲା।

ୱିମ୍ବଲଡନ୍‌ର ସବୂଠୁ ଲମ୍ବା ସେମିଫାଇନାଲ୍‌ରେ ଇସନର୍‌ଙ୍କୁ

ଲଣ୍ଡନ: ଚଳିତ ୱିମ୍ବଲଡନ୍‌ ଚାମ୍ପିଅନ୍‌ଶିପ୍‌ରେ ଶୁକ୍ରବାର ସବୁଠୁ ଲମ୍ବା ସେମିଫାଇନାଲ୍‌ ତଥା ଦ୍ବିତୀୟ ଲମ୍ବା ମ୍ୟାଚ୍‌ ଖେଳାଯାଇଛି। ଦକ୍ଷିଣ ଆଫ୍ରିକାର କେଭିନ୍‌ ଆଣ୍ଡର୍‌ସନ୍‌ ଓ ଆମେରିକାର ଜନ୍‌ ଇସନର୍‌ଙ୍କ ମଧ୍ୟରେ ଖେଳାଯାଇଥିବା ଏହି ମ୍ୟାଚ୍‌ଟି ୬ ଘଣ୍ଟା ୩୬ ମିନିଟ୍‌ ଧରି ଚାଲିଥିଲା। କେବଳ ପଞ୍ଚମ ସେଟ୍‌ଟି ୨ ଘଣ୍ଟା ୫୦ ମିନିଟ୍‌ ଲମ୍ବା ସମୟ ଧରି ଚାଲିଥିଲା। ପୂର୍ବରୁ ୱିମ୍ବଲଡନ୍‌ରେ ସବୁଠାରୁ ଲମ୍ବା ମ୍ୟାଚ୍‌ ୨୦୧୦ରେ ଜନ୍‌ ଇସନର୍‌ ଓ ନିକୋଲାସ୍‌ ମାହୁତ୍‌ଙ୍କ ମଧ୍ୟରେ ଖେଳାଯାଇଥିଲା। ଏହି ମ୍ୟାଚ୍‌ଟି ୧୧ ଘଣ୍ଟା ୫ ମିନିଟ୍‌ ଧରି ଚାଲିଥିଲା ଓ ଶେଷରେ ଇସନର୍‌ ବିଜୟୀ ହୋଇଥିଲେ। କିନ୍ତୁ ୱିମ୍ବଲଡନ୍‌ର ଦୁଇଟି ଦୀର୍ଘତମ ମ୍ୟାଚ୍‌ରେ ସାମିଲ୍‌ ଥିବା ଇସନର୍‌ ଶୁକ୍ରବାର ଆଣ୍ଡର୍‌ସନ୍‌ଙ୍କଠାରୁ ପରାସ୍ତ ହୋଇ ପ୍ରତିଯୋଗିତାରୁ ବିଦାୟ ନେଇଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

ଶ୍ରୀମନ୍ଦିରରେ ସେବାୟତଙ୍କ ମନମୁଖୀ କାର୍ଯ୍ୟକଳାପ ଓ ପ୍ରଶାସନର ପରିଚାଳନାଗତ ତ୍ରୁଟିକୁ ରୋକିବା ଲାଗି ସୁପ୍ରିମକୋର୍ଟ ଯେଉଁ ପଦକ୍ଷେପ ନେଇଛନ୍ତି, ସେଥିରେ ଆପଣ ଏକମତ ତ ?