ଯୁବ ଜଗତ

ପାଗଳ କରୁଛି କିକି ଚ୍ୟାଲେଞ୍ଜ, ଜାଣନ୍ତୁ କେତେ ବିପଦପୂର୍ଣ୍ଣ

ଏବେ ସୋସାଲ ମିଡ଼ିଆରେ ପରସ୍ପରକୁ ଚ୍ୟାଲେଞ୍ଜ ଦେବାର ଟ୍ରେଣ୍ଡ ଚାଲିଛି। ଏହା ପୂର୍ବରୁ ସୋସାଲ ମିଡିଆରେ ଆଇସ୍‌ ବକେଟ୍‌ ଚ୍ୟାଲେଞ୍ଜ ଚାଲିଥିଲା। ଯେଉଁଥିରେ ବାଲ୍ଟିରେ ବରଫ ଭର୍ତ୍ତି କରି ନିଜ ମୁଣ୍ଡ ଉପରେ ଢାଳିବାର ଥିଲା। ଏହା ପରେ ଆରମ୍ଭ ହୋଇଯାଇଥିଲା ବ୍ଲୁ ୱେଲ୍‌ ଚ୍ୟାଲେଞ୍ଜ। ଏହି ଚ୍ୟାଲେଞ୍ଜ ଭାରତ ସମେତ ସାରା ଦୁନିଆର ଅନେକ ପିଲାଙ୍କ ଜୀବନ ନେଇ ଯାଇଥିଲା। ଏବେ ସୋସାଲ ମିଡିଆରେ କିକି ଚ୍ୟାଲେଞ୍ଜ ଟ୍ରେଣ୍ଡ କରୁଛି। କାନାଡିଆନ ହିପ୍‌ ହପ୍‌ ସୁପରଷ୍ଟାର୍ ଡ୍ରେକ୍‌ଙ୍କ ଲାଟେଷ୍ଟ ଆଲ୍‌ବମ୍‌ ସ୍କର୍ପିୟନର ହିଟ୍‌ ଗୀତ ‘ଇନ୍‌ ମାଇ ଫିଲିଂ’ ଉପରେ ଆରମ୍ଭ ହୋଇଥିବା ଏହି କିକି ଚ୍ୟାଲେଞ୍ଜ ଏବେ ସାରା ବିଶ୍ବରେ ଭାଇରାଲ ହେବାରେ ଲାଗିଛି। ସେଲିବ୍ରିଟିଙ୍କଠାରୁ ଆରମ୍ଭ କରି ସାଧାରଣ ଲୋକଙ୍କ ପର୍ଯ୍ୟନ୍ତ ଏହି ଚ୍ୟାଲେଞ୍ଜ ପୂରା କରିବାକୁ ଚେଷ୍ଟା କରୁଛନ୍ତି। ସାଧାରଣତଃ ଯୁବପିଢ଼ି ଏହି ଚ୍ୟାଲେଞ୍ଜ ପୂରା କରିବାକୁ ଅଧିକ ଚେଷ୍ଟା କରୁଥିବା ଦେଖିବାକୁ ମିଳୁଛି।

ବୟଫ୍ରେଣ୍ଡଙ୍କ ଏହି ଡିମାଣ୍ଡକୁ ସିଧାସଲଖ କହନ୍ତୁ ନା

ଯେତେବେଳେ ପୁଅ ଓ ଝିଅଙ୍କ ମଧ୍ୟରେ ପ୍ରେମ ସମ୍ପର୍କ ଆରମ୍ଭ ହୁଏ, ସେମାନଙ୍କ ମଧ୍ୟରେ ପରସ୍ପରକୁ ନେଇ ଆଶା ଓ ଆକାଂକ୍ଷା ମଧ୍ୟ ବଢ଼ିଥାଏ। ପ୍ରେମ ନାମରେ ପାର୍ଟନର ଝିଅ ପାଖରେ ଅନେକ ଦାବି ମଧ୍ୟ କରିବାରେ ଲାଗନ୍ତି। କେତେକ ଦାବି ପୂରଣ କରାଯାଇପାରିବ, ତେବେ ଏମିତି କେତକ ଦାବି ରହିଛି ଯାହାକୁ ପୂରଣ କରିବା ପରେ ଆପଣଙ୍କୁ ପଶ୍ଚାତାପ କରିବାକୁ ପଡ଼ିପାରେ। ଝିଅମାନେ ପ୍ରେମକୁ ନେଇ ବହୁତ ମାତ୍ରାରେ ସିରିଅସ ହୋଇ ଯାଆନ୍ତି। ତେଣୁ ସେମାନେ ପ୍ରେମିକଙ୍କ ସମସ୍ତ ଦାବି ପୂରଣ କରିବାକୁ ଚେଷ୍ଟା କରିଥାନ୍ତି। କାରଣ ସେମାନେ ଡରନ୍ତି, କୌଣସି କାରଣ ପାଇଁ ବୟଫ୍ରେଣ୍ଡ ତାଙ୍କ ଉପରେ ନ ରାଗନ୍ତୁ। ଯଦି ଆପଣ ମଧ୍ୟ ଏପରି କରୁଛନ୍ତି, ତେବେ ସାବଧାନ ହୋଇଯାଆନ୍ତୁ। ଏମିତି ନ ହେଉ ବୟଫ୍ରେଣ୍ଡଙ୍କ ଦାବି ପୂରଣ କରୁ କରୁ ଆପଣ ନିଜତ୍ବ ହରାଇ ବସିବେ ଏବଂ ତାଙ୍କ ଇଚ୍ଛା ବଢ଼ିବାରେ ଲାଗିବ। ଚାଲନ୍ତୁ ଜାଣିବା ବୟଫ୍ରେଣ୍ଡଙ୍କ ସେହି ସବୁ ଦାବି ସମ୍ପର୍କରେ।

ସାରା ଦିନ ଇଣ୍ଟରନେଟ୍‌ରେ ବୁଡ଼ି ରହୁଥିଲେ ଏମିତି ଛଡ଼ାନ୍ତୁ

ବଦଳୁଥିବା ଜୀବନଶୈଳୀ ସହିତ ଇଣ୍ଟରନେଟ୍‌ ଏବେ ଲୋକଙ୍କ ଜୀବନରେ ଗୁରୁତ୍ବପୂର୍ଣ୍ଣ ଅଂଶରେ ପରିଣତ ହୋଇଛି। ଏହା ମାଧ୍ୟମରେ ସାରା ଦୁନିଆର ଖବର ଘରେ ବସି ନିମିଷକେ ଜାଣି ହେଉଛି। ମାତ୍ର ଏହାର ମାତ୍ରାଧିକ ବ୍ୟବହାର ସ୍ବାସ୍ଥ୍ୟ ଏବଂ ଜୀବନଶୈଳୀ ଉପରେ ପ୍ରଭାବ ପକାଇପାରେ। ଅତ୍ୟଧିକ ସମୟ ଇଣ୍ଟରନେଟ୍‌ରେ ବିତାଇବା ଅପେକ୍ଷା ଆପଣଙ୍କ ଛୋଟ ଭାଇ ଭଉଣୀ କିମ୍ବା ଅନ୍ୟ କେହି ପିଲାଙ୍କଠାରୁ ଏହି ଇଣ୍ଟରନେଟ୍‌ ଆଡିକ୍ସନ ଦୂରେଇବାକୁ ଚେଷ୍ଟା କରିବା ଉଚିତ। ଆବଶ୍ୟକ ସ୍ଥଳେ ଇଣ୍ଟରନେଟ୍‌ ବ୍ୟବହାର କରିବାରେ କୌଣସି ଅସୁବିଧା ନାହିଁ। ମାତ୍ର ଏହାର ମାତ୍ରାଧିକ ବ୍ୟବହାର କରିବା ଉଚିତ ନୁହେଁ। ବର୍ତ୍ତମାନ ସମୟରେ ଦେଖାଯାଉଛି ଯୁବପିଢ଼ି ୨୪ ଘଣ୍ଟା ଇଣ୍ଟରନେଟ୍‌ରେ ରହୁଛନ୍ତି। ଏହା ଧିରେ ଧିରେ ସେମାନଙ୍କ ପାଇଁ ନିଶାରେ ପରିଣତ ହେବାରେ ଲାଗିଛି। ଚାଲନ୍ତୁ ଜାଣିବା କିଭଳି ଭାବେ ଏହି ଖରାପ ଅଭ୍ୟାସଠାରୁ ଦୂରେଇ ପାରିବା।

ଅଷ୍ଟମ ଫେଲ୍‌ ତ୍ରିଶନୀତ ଫୋର୍ବସ୍‌ ତାଲିକାରେ ସାମିଲ
ଆଡଲ୍ଡ ସିନେମା ଦେଖୁଥିଲେ ହୋଇଯାଆନ୍ତୁ ସାବଧାନ!

ବଦଳୁଥିବା ଜୀବନଶୈଳୀ ସହିତ ଇଣ୍ଟରନେଟ୍‌ ମଣିଷ ଜୀବନରେ ଏକ ଗୁରୁତ୍ବପୂର୍ଣ୍ଣ ଅଂଶ ପାଲଟିଯାଇଛି। ବର୍ତ୍ତମାନ ସମୟରେ ଇଣ୍ଟରନେଟ୍‌ର ବ୍ୟବହାର ଏତେ ମାତ୍ରାରେ ବଢ଼ିଯାଇଛି ଯେ ଯୁବପିଢ଼ି କୌଣସି ବି କାମ କରିବା ଲାଗି ଇଣ୍ଟରନେଟ୍‌ର ସାହାରା ନେଉଛନ୍ତି। ବର୍ତ୍ତମାନ ଯୁବପିଢ଼ି ଖେଳକୁଦରେ ସମୟ ନ ବିତାଇ ସୋସାଲ ମିଡ଼ିଆ ଏବଂ ଇଣ୍ଟରନେଟ୍‌ରେ ବ୍ୟସ୍ତ ରହୁଛନ୍ତି। ପିଲାଠାରୁ ବୁଢ଼ା ଯାଏ ସମସ୍ତଙ୍କ ମଧ୍ୟରେ ଇଣ୍ଟରନେଟ୍‌ କ୍ରେଜ୍‌ ଦେଖିବାକୁ ମିଳୁଛି। ଯାହାର ଖରାପ ପ୍ରଭାବ ସ୍ବାସ୍ଥ୍ୟଠାରୁ ଆରମ୍ଭ କରି ଜୀବନ ଉପରେ ପଡ଼ୁଛି। କେତେକ ପିଲା ବିରକ୍ତ ହେବାରୁ ରକ୍ଷା ପାଇବା ଲାଗି ଚାଟିଂ ସହ ଆଡଲ୍ଟ ସିନେମା ଦେଖିଥାନ୍ତି। ଏହା ସ୍ବାସ୍ଥ୍ୟ ପ୍ରତି ବହୁତ କ୍ଷତିକାରକ। ଏକ ସର୍ଭେ ଅନୁସାରେ ବର୍ତ୍ତମାନ ସମୟରେ ପାଖାପାଖି ୭୦ ପ୍ରତିଶତ ଲୋକେ ଟ୍ରିପଲ୍‌ ଏକ୍ସ ସିନେମା ଦେଖୁଛନ୍ତି। ଚାଲନ୍ତୁ ଜାଣିବା ଆଡଲ୍ଟ ସିନେମା ଦେଖିବା ସ୍ବାସ୍ଥ୍ୟ ପ୍ରତି କେଉଁ ପ୍ରକାର କ୍ଷତି ପହଞ୍ଚାଉଛି।

ଶିବାଙ୍ଗୀ ପାଠକ ରଚିଲେ ଇତିହାସ, ମାଉଣ୍ଟ ଏଭରେଷ୍ଟ ଚଢ଼ି
ଏଥିପାଇଁ ବହୁତ କମ୍‌ ଛୁଟି ନେଉଛନ୍ତି ଭାରତୀୟ ଯୁବପିଢ଼ି

ଭାରତୀୟ ଯୁବପିଢ଼ି ଅନ୍ୟ ଦେଶ ତୁଳନାରେ ବହୁତ କମ୍‌ ଛୁଟି ନେଉଛନ୍ତି ବୋଲି ଏକ ଅନ୍‌ଲାଇନ୍‌ ଟ୍ରାଭେଲ୍‌ କମ୍ପାନୀ ପକ୍ଷରୁ କରାଯାଇଥିବା ଏକ ସର୍ଭେରୁ ଜଣାପଡ଼ିଛି। ରିପୋର୍ଟ ମୁତାବକ ଦ୍ରୁତ ଗତିରେ କ୍ୟାରିଅରରେ ଆଗକୁ ଯିବା ଲାଗି ସମୟର ପରୱା କରୁ ନାହାନ୍ତି ଭାରତୀୟ ଯୁବପିଢ଼ି। ଯାହାଫଳରେ ସେମାନେ ଘଣ୍ଟା ଘଣ୍ଟା ଧରି ଅଫିସ୍‌ରେ ବିତାଉଛନ୍ତି। କେବଳ ସେତିକି ନୁହେଁ, ଧିରେ ଧିରେ ଏହା ସେମାନଙ୍କ ଅଭ୍ୟାସରେ ପରିଣତ ହୋଇଯାଏ। ଯାହାଫଳରେ ସେମାନେ କମ୍ପାନୀ ପକ୍ଷରୁ ମିଳୁଥିବା ବାର୍ଷିକ ଛୁଟି ମଧ୍ୟ ଶେଷ କରି ପାରନ୍ତି ନାହିଁ। ବାର୍ଷିକ ଛୁଟି ଶେଷ କରିପାରୁ ନ ଥିବା ଯୁବପିଢ଼ି ତାଲିକାରେ ଭାରତ ଚତୁର୍ଥ ସ୍ଥାନରେ ରହିଥିବାବେଳେ ପ୍ରଥମ, ଦ୍ବିତୀୟ ଓ ତୃତୀୟ ସ୍ଥାନରେ ଯଥାକ୍ରମେ ଜାପାନ, ଆମେରିକା ଓ ଅଷ୍ଟ୍ରେଲିଆ ଭଳି ଦେଶ ରହିଛି। କମ୍ପାନୀ ପକ୍ଷରୁ ଛୁଟି ମିଳୁଥିଲେ ମଧ୍ୟ କାହିଁକି ଛୁଟି ନେଇ ପାରୁ ନାହାନ୍ତି ଯୁବପିଢ଼ି ଚାଲନ୍ତୁ ଜାଣିବା।

ବିବାହ ବିଳମ୍ବ କଲେ ହୋଇପାରେ ଏସବୁ ସମସ୍ୟା

ମଣିଷ ଜୀବନ ଅନେକ କିଛି ପାହାଚ ଦେଇ ଗତି କରେ। ଯେମିତିକି ବାଲ୍ୟାବସ୍ଥା, ଯୁବାବସ୍ଥା ଏବଂ ବୃଦ୍ଧାବସ୍ଥା। କୁହାଯାଏ ଜୀବନରେ ସବୁ କାମ ଠିକ୍‌ ସମୟରେ କରିବା ନିହାତି ଦରକାର। ସେହିପରି ବାହାଘର ପାଇଁ ମଧ୍ୟ ଉପଯୁକ୍ତ ବୟସ ରହିଛି। କମ୍‌ ବୟସରେ ବିବାହ କଲେ ଯେଭଳି ପରସ୍ପରକୁ ବୁଝିବାରେ ସମସ୍ୟା ହୋଇଥାଏ, ଠିକ୍‌ ସେହିପରି ଯୁବାବସ୍ଥା ଚାଲିଗଲା ପରେ ବିବାହ କଲେ ମଧ୍ୟ ଅନେକ ସମସ୍ୟା ଦେଖାଯାଏ। କ୍ୟାରିଅରର ବାହାନା କରି କେହି କେହି ବିଳମ୍ବରେ ବିବାହ କରିବା ଲାଗି ନିଷ୍ପତ୍ତି ନେଇଥାନ୍ତି। ତେବେ ଯୁବାବସ୍ଥାରେ ପତି ପତ୍ନୀଙ୍କ ମଧ୍ୟରେ ଭଲ ବୁଝାମଣା ରହିଲେ ହିଁ ବୃଦ୍ଧାବସ୍ଥାରେ ଉଭୟେ ଊଭୟଙ୍କ ସାହାରା ହୋଇପାରିବେ। ଯଦି ଆପଣଙ୍କର ମଧ୍ୟ ବିବାହ ବୟସ ଗଡ଼ି ଯାଉଛି ତେବେ ଜାଣନ୍ତୁ କ’ଣ ସବୁ କ୍ଷତି ହୋଇପାରେ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ପର ପତ୍ନୀ ଅପହରଣ ପାଇଁ
ନାଇଜେରିଆରେ ୱେଡେବ ନାମରେ ଗୋଟିଏ ଉପଜାତି ଅଛନ୍ତି। ବାଲ୍ୟକାଳରୁ ସେମାନଙ୍କ ବିବାହ ସମ୍ପନ୍ନ ହୋଇଥାଏ। କିନ୍ତୁ ସେପ୍ଟେମ୍ବର ମାସରେ ଗେରେଓ୍ୱଲ ପର୍ବରେ ବାସ୍ତବ ବିବାହ ଅନୁଷ୍ଠିତ ହୁଏ। ସମ୍ପ୍ରଦାୟର ସମସ୍ତ ଯୁବକ ଓ ଯୁବତୀ ସାତ ଦିନ ବ୍ୟାପୀ ଏହି ମେଳାରେ ଉପସ୍ଥିତ ହୁଅନ୍ତି। ପୁରୁଷମାନେ ଭଳିକି ଭଳି ରଙ୍ଗବେରଙ୍ଗର ପୋଷାକ ପିନ୍ଧି ନୃତ୍ୟ ପ୍ରତିଯୋଗିତାରେ ଭାଗନିଅନ୍ତି। ମହିଳାମାନେ ବିଚାରକ ରହନ୍ତି। ଏହି ପର୍ବରେ ମହିଳାମାନେ ପ୍ରାୟ ଉଲଗ୍ନ ରହିଥାନ୍ତି। କୌଶଳକ୍ରମେ ଯଦି କେହି ପୁରୁଷ କୌଣସି ମହିଳାକୁ ସଫଳତାର ସହିତ ଅପହରଣ କରିନିଏ, ସେମାନଙ୍କୁ ପତି ପତ୍ନୀ ଭାବେ ସ୍ବୀକୃତି ମିଳିଯାଏ। ଏହି ଉପଜାତିରେ ଆଉ ଏକ ପରମ୍ପରା ଅଛି। କୌଣସି ବି ମହିଳା ମନଇଛା ସ୍ବାମୀ ଗ୍ରହଣ କରିପାରିବେ। କିନ୍ତୁ କୌଣସି ପୁରୁଷଙ୍କ ନିମନ୍ତେ ଏ ନିୟମ ଲାଗୁ ହୁଏ ନାହିଁ।

ଜନମତ

ଶ୍ରୀମନ୍ଦିରରେ ସେବାୟତଙ୍କ ମନମୁଖୀ କାର୍ଯ୍ୟକଳାପ ଓ ପ୍ରଶାସନର ପରିଚାଳନାଗତ ତ୍ରୁଟିକୁ ରୋକିବା ଲାଗି ସୁପ୍ରିମକୋର୍ଟ ଯେଉଁ ପଦକ୍ଷେପ ନେଇଛନ୍ତି, ସେଥିରେ ଆପଣ ଏକମତ ତ ?