Pratinidhi Odia

ଛୋଟ ଛୋଟ କଥା

କଠିନ ପରୀକ୍ଷାର ବେଳ
ବିନ୍ଦାସ୍‌ ଭାଲୁଭାଇନା
ମୁଣ୍ଡିଆଳଙ୍କୁ ମୁଣ୍ଡିଆ

ବୁଝିଲେ ଆଞା କଥାରେ ଅଛି ମୁଣ୍ଡିଆଳ ବଡ଼ ବଡ଼ିଆଙ୍କୁ ଯାଉଣୁ ଆସୁଣୁ ମୁଣ୍ଡିଆଟେ ପକେଇ ଦେଉଥିଲେ ତାଙ୍କର ଶୁଭଦୃଷ୍ଟିଟା ନିଶ୍ଚିତ ଭାବେ ଅଜାଡ଼ି ହେଇ ପଡ଼ିବ। ସେଇ ମେଥଡ୍‌ଟାକୁ ଆମ ସାଧାରଣିଆ ମନ୍ତ୍ରୀ ପ୍ରଫୁଲ୍ଲ ବାବୁ ଆପଣାଇଛନ୍ତି। ଏମିତି ତ ପ୍ରଫୁଲ୍ଲବାବୁ ଆମର କାଲୁଆ ଲୋକ। ଧୀରଚାଲି ଧୀରକଥା ପାଇଁ ନବୀନ ବାବୁ ଆଉ ଥରେ ତାଙ୍କ ଉପରେ କୃପା କରି ପଦଟିକୁ ଦେଇଛନ୍ତି। ତେଣୁ ସେ ସମସ୍ତଙ୍କ ସହିତ ମାପିଚୁପି ସମ୍ପର୍କ ରଖୁଛନ୍ତି। ତା’ପରେ ସେ ହେଲେ ସ୍ବୟଂ ନରସିଂହ ବାବୁ ବଜ୍ର ଭଳିଆ କଥା ତାଙ୍କର ଆଉ ଭାରି ପୋଖତ ନେତା। ପୁଣି ଏବେ ବିରୋଧୀଦଳର ନେତା। ତେଣୁ ରାଜଭବନରେ ଏକ ଉତ୍ସବରେ ମୁହାଁମୁହିଁ ବେଳେ ପ୍ରଫୁଲ୍ଲ ବାବୁ ଆମର ଧିଇରିକିନା ନଇଁକି ମୁଣ୍ଡିଆଟିଏ ପକେଇ ଦଉଛନ୍ତି। ନ ହେଲେ କେତେବେଳେ ହାଉସୁ ଭିତରେ ଗୁଡ଼େଇ ତୁଡ଼େଇ ପ୍ରଶ୍ନବାଣ ମାରି ପକେଇବେ।

ପଛେ ପଛେ ମୁଁ

ଅଧୁନା ଓଡ଼ିଶାରେ ଯେଉଁ ବାତାବରଣ ଚାଲିଛି ଏଥିରୁ ଆଉ କ’ଣ ବୁଝିବା କୁହନ୍ତୁ। ବିଜେପି ଆଉ ବିଜେଡି ଭିତରେ ଯେମିତି ଛକାପଞ୍ଝା ଚାଲିଛି। କେତେବେଳେ ନବୀନ ପାଦେ ଆଗକୁ ଚାଲିଲା ବେଳେ ତାଙ୍କୁ ପୂରା ପିଛା କରିଛନ୍ତି ଭାବି ମୁଖ୍ୟମନ୍ତ୍ରୀ କୁହାଯାଉଥିବା ଧର୍ମେନ୍ଦ୍ର ପ୍ରଧାନ। ସବୁଠି ସବୁ ଜାଗାରେ ଦୁହିଁଙ୍କ ଭିତରେ ଟକରା ଟକରି। ଏମିତି ବି ରାଷ୍ଟ୍ରପତି ଓଡ଼ିଶା ଗସ୍ତରେ ବିମାନବନ୍ଦରରେ ମଧ୍ୟ ଅନୁରୂପ ଦୃଶ୍ୟ ଦେଖିବାକୁ ମିଳିଥିଲା। କେନ୍ଦ୍ରମନ୍ତ୍ରୀ ପ୍ରଧାନ ତା ଭିତରକୁ ଧସେଇ ପଶିଯାଇଥିଲେ। ମାନେ ମହାମହିମଙ୍କ କାର୍ଯ୍ୟସୂଚୀ ପରିବର୍ତ୍ତନ କରାଯାଇ କେନ୍ଦ୍ରମନ୍ତ୍ରୀଙ୍କୁ ସେଠାରେ ଉପସ୍ଥିତ କରାଯାଇଥିଲା। ନ ହେଲେ ମହାମହିମଙ୍କ ପ୍ରଥମ ଗସ୍ତରେ ନବୀନ ସବୁତକ ପ୍ରଶଂସା ନେଇଯାଇଥାନ୍ତେ। ଦେଖାଯାଉ ଗୋଡ଼ାଗୋଡ଼ି ହୋଇ ଏମାନେ କେତେବାଟ ଯାଉଛନ୍ତି।

ଗେରୁଆ ଟୋପିରେ ଗଉରୀ ନାନୀ

ସତରେ ପରିବେଶଟା ଥିଲା ଠିକ୍‌ ସେମିତିକା। ଗୌରୀନାନୀ କହିଲେ ଓଡ଼ିଆ ଲୋକେ ଆଖି ବୁଜିଦେଇ ମହାଶ୍ବେତାଙ୍କୁ ବୁଝିବେ। ଖାଲି ସେତିକି ନୁହେଁ, ଲାଲପାନ ବିବି, କଣ୍ଢେଇ, ଶାମୁକା, ଚୁମୁକି ଏମିତି କେତେ ନାଁ ତାଙ୍କ ସହିତ ଯୋଡ଼ାହେଇଛି। ତାଙ୍କୁ ବିଜେପି କାର୍ଯ୍ୟାଳୟରେ ପାଇ ତଳଠାରୁ ଉପର କାର୍ଯ୍ୟକର୍ତ୍ତା ସବୁତକ ଖୁସିରେ କୁରୁଳୁଥାନ୍ତି। ସେ ରାଜନୀତିରେ ପୋଖତ ନ ହେଲେ ମଧ୍ୟ ତାଙ୍କ ଉପସ୍ଥିତି ହିଁ ଯଥେଷ୍ଟ ବୋଲି ବିଜେପି କାର୍ଯ୍ୟକର୍ତ୍ତାଙ୍କ ମୁଖମଣ୍ଡଳରୁ ବାରିହୋଇ ପଡ଼ୁଥିଲା। ଆଉ ଯେତେବେଳେ ଆମ ତେଲ ଓ ଗ୍ୟାସ ମନ୍ତ୍ରୀ ଗେରୁଆ ଟୋପିଟିକୁ ତାଙ୍କୁ ପିନ୍ଧାଇ ଦେଇଥେଲେ, ତାଙ୍କ ମୁହଁରେ ବି ଚମକ। ହବନି କମିତି କହୁନା। ସହଜେ ତ ଏବେ ମିଶାମିଶି ପର୍ବ ଚାଲିଛି। ଏଣୁ ମିଶ୍ରଣ ପର୍ବରେ ମହାଶ୍ବେତା ଦେବୀ ନିଶ୍ଚିତ ଭାବେ ମୁକୁଭାଇଙ୍କୁ ଶାମୁକାରୁ ମୁକ୍ତା ପାଇଲା ଭଳି ନାଗୁଥେବ।

ମରଣକୁ ବରଣ କଲେ ମାଷ୍ଟ୍ରେ


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!