Pratinidhi Odia

ମୁଖ୍ୟ ଖବର

ଭିଏଆର ପେନାଲ୍ଟିରେ ଅଷ୍ଟ୍ରେଲିଆକୁ ୨-୧ ଗୋଲ୍‌ରେ ହରାଇଲା ଫ୍ରାନ୍ସ

କାଜାନ: ଫିଫା ଟାଇଟଲ ଦାବିଦାର ଫ୍ରାନ୍ସ ଏକ ରୋମାଞ୍ଚକର ମୁକାବିଲାରେ ଅଷ୍ଟ୍ରେଲିଆକୁ ୨-୧ ଗୋଲ୍‌ରେ ପରାସ୍ତ କରି ଅଭିଯାନ ଆରମ୍ଭ କରିଛି। ଚଳିତ ବିଶ୍ବକପ୍‌ରେ ପ୍ରଥମ ଥର ପାଇଁ ଲାଗୁ ହୋଇଥିବା ଭିଏଆର୍‌ ଟେକ୍ନାଲୋଜି ସହାୟତାରେ ଫ୍ରାନ୍ସ ଅଷ୍ଟ୍ରେଲିଆକୁ ହରାଇବାରେ ସମର୍ଥ ହୋଇଛି। ଅଷ୍ଟ୍ରେଲିଆର ରକ୍ଷଣାତ୍ମ ପ୍ରଦର୍ଶନ ପାଇଁ ପ୍ରଥମାର୍ଦ୍ଧରେ ଟାଇଟଲ ଫେଭରିଟ୍‌ ଫ୍ରାନ୍ସଗୋଲ୍‌ କରିବା ପାଇଁ ସୁଯୋଗ ପାଇ ନଥିଲା। ମ୍ୟାଚର ୫୮ତମ ମିନିଟ୍‌ରେ ଫ୍ରାନ୍ସର ପେନାଲ୍ଟି ଆବେଦନକୁ ରେଫରୀ ଖାରଜ କରିବାରୁ ଭିଏଆର ଟେକ୍ନୋଲୋଜି ଆପଣା ଯାଇଥିଲା। ଆଉ ଏଥିରେ ରେଫରୀଙ୍କ ନିଷ୍ପତ୍ତି ଭୁଲ ଥିବା ଜଣାପଡ଼ିବା ମାତ୍ରେ ଫ୍ରାନ୍ସକୁ ପେନାଲ୍ଟି ମିଳିଥିଲା। ଆଉ ଏଥିରୁ ପୂର୍ଣ୍ଣ ଫାଇଦା ଉଠାଇ ଆଣ୍ଟୋନି ଗ୍ରିଜମାନ୍‌ ଗୋଲ୍‌ କରି ଦଳକୁ ୧-୦ରେ ଆଗୁଆ କରିଥିଲେ।

ଚିଲିକାରେ ଡଙ୍ଗାବୁଡ଼ି ଘଟଣା: ୬ ମୃତଦେହ ଉଦ୍ଧାର

ଖୋର୍ଦ୍ଧା: ଚିଲିକା ଡଙ୍ଗାବୁଡ଼ି ଘଟଣାରେ ସମସ୍ତ ନିଖୋଜଙ୍କ ମୃତଦେହ ଉଦ୍ଧାର କରାଯାଇଛି।ଏହି ଘଟଣାରେ ମୋଟ ୬ ଜଣଙ୍କ ମୃତ୍ୟୁ ହୋଇଛି। ଶନିବାର ୨ ଜଣଙ୍କ ମୃତଦେହ ଉଦ୍ଧାର ହୋଇଥିବା ବେଳେ ରବିବାର ଆଉ ନିଖୋଜ ୪ ଜଣଙ୍କ ମୃତଦେହ ଉଦ୍ଧାର ହୋଇଛି। ସେମାନଙ୍କ ମଧ୍ୟରେ ଜଣେ ମହିଳା, ୨ ଯୁବତୀ ଓ ଜଣେ ଶିଶୁପୁତ୍ର ଅଛନ୍ତି। ଉଦ୍ଧାର କାର୍ଯ୍ୟରେ ଦମକଳ ବାହିନୀ ସହ ନୌସେନା, ଓଡ୍ରାଫ୍ ଓ ସ୍ଥାନୀୟ ମତ୍ସ୍ୟଜୀବୀ ସାମିଲ ହୋଇଥିଲେ। ସମସ୍ତ ମୃତଦେହ ଉଦ୍ଧାର ପରେ ସର୍ଚ୍ଚ ଅପରେସନକୁ ବନ୍ଦ ରଖାଯାଇଛି। ଶୁକ୍ରବାର ଉଦ୍ଧାର ହୋଇଥିବା ୧୦ ଜଣଙ୍କୁ ଚିକିତ୍ସା ପାଇଁ ବାଲୁଗାଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ୨ ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି।

ଫିଫା ବିଶ୍ବକପ୍‌: ଉରୁଗୁଏ ଇଜିପ୍ଟକୁ ୧-୦ରେ ହରାଇଲା
ଆଜିଠୁ ଫିଫା ବିଶ୍ବକପ୍‌: ରୁଷିଆ-ସାଉଦି ଆରବ ଉଦ୍‌ଘାଟନୀ ମୁକାବିଲା

ମସ୍କୋ: ବିଶ୍ବର ଅନ୍ୟତମ ବୃହତ ପ୍ରତିଯୋଗିତା ଫିଫା ବିଶ୍ବକପ୍‌ର ୨୧ତମ ସଂସ୍କାରଣ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ୩୨ଟି ଦଳକୁ ନେଇ ଏକମାସ ଧରି ଅନୁଷ୍ଠିତ ହେବାକୁ ଥିବା ଏହି ମହାମୁକାବିଲା ଦେଖିବା ପାଇଁ ବିଶ୍ବର କୋଟି କୋଟି ଫୁଟ୍‌ବଲପ୍ରେମୀ ଉତ୍ସୁକତାର ସହ ଅପେକ୍ଷା କରିଛନ୍ତି। ଆୟୋଜକ ରାଷ୍ଟ୍ର ରୁଷିଆ ଓ ସାଉଦି ଆରବ ମଧ୍ୟରେ ଉଦଘାଟଟନୀ ମୁକାବିଲା ଅନୁଷ୍ଠିତ ହେବ। ଉଦ୍‌ଘାଟନୀ ମୁକାବିଲା ପୂର୍ବରୁ ମସ୍କୋର ଲୁଝନିକି ଷ୍ଟାଡିୟମରେ ଦର୍ଶକ ରଙ୍ଗାରଙ୍ଗ ଉଦ୍‌ଘାଟନୀ ଉତ୍ସବ ଦେଖିବାର ସୁଯୋଗ ପାଇବେ। ଉଦଘାଟନୀ ଉତ୍ସବରେ ବ୍ରାଜିଲର କିମ୍ବଦନ୍ତୀଫୁଟବଲର ରୋନାଲ୍ଡୋ, ବ୍ରିଟ୍ରିଶ ପପ୍‌ଷ୍ଟାର ରୋବି ୱିଲିୟମ୍ସ ମୁଖ୍ୟ ଆକର୍ଷଣ ସାଜିବେ। ପପ୍‌ଷ୍ଟାର ୱିଲୟିମ୍ସ ସ୍ପେଶାଲ ଶୋ’ ସମେତ ହଲିଉଡ଼ ଷ୍ଟାର ୱିଲ୍‌ ସ୍ମିଥ୍‌ ଟୁର୍ଣ୍ଣାମେଣ୍ଟର ଆନ୍ଥେମ୍‌ ପରିବେଷଣ କରି ଉପସ୍ଥିତ ଦର୍ଶକଙ୍କ ସମେତ କୋଟି କୋଟି ଟେଲିଭିଜନ ଦର୍ଶକଙ୍କ ମନ ମୋହିବେ। ଭାରତୀୟ ସମୟ ସନ୍ଧ୍ୟା ୬ଟ ୩୦ରୁ ବିଭିନ୍ନ ଚ୍ୟାନେଲ ଜରିଆରେ ଉଦ୍‌ଘାଟନୀ ଉତ୍ସବର ସିଧାପ୍ରସାଣ ସାରା ବିଶ୍ବବାସୀ ଦେଖିବାର ସୁଯୋଗ ପାଇବେ।

ଆଜି ପହିଲି ରଜ: ପିଠାପଣା, ରଜ ଦୋଳିରେ ଗ୍ରାମାଞ୍ଚଳ ଜୀବନ

ଭୁବନେଶ୍ବର: ଐତିହ୍ୟ ଓ ସଂସ୍କୃତିସମ୍ପନ୍ନ ଓଡ଼ିଶା ରାଜ୍ୟରେ ବାର ମାସରେ ତେର ପର୍ବ ପାଳନ କରାଯାଇଆସୁଛି। ଏଥି ମଧ୍ୟରୁ ଅନ୍ୟତମ ବିଶେଷ ପର୍ବ ହେଉଛି ରଜ। ତିନିଦିନ ଧରି ରାଜ୍ୟର ବିଭିନ୍ନ ସ୍ଥାନରେ, ବିଶେଷ କରି ଗ୍ରାମାଞ୍ଚଳରେ ରଜର ଆସର ଜମିଛି। ରଜ ପର୍ବରେ ଗାଁଗଣ୍ଡାରେ ସ୍ତ୍ରୀ ପୁରୁଷ ପିଲାଛୁଆ ସମସ୍ତେ ବିଭିନ୍ନ ପ୍ରକାର ମଉଜ ମଜଲିସରେ ମାତିଯାଇଥାନ୍ତି। ତିନି ଦିନଯାକ କୌଣସି ପ୍ରକାର କାର୍ଯ୍ୟ ନିଷେଧ ଥିବାରୁ ଏହାର ଭରପୂର ଫାଇଦା ଉଠାଇଛନ୍ତି ଗ୍ରାମାଞ୍ଚଳର ଲୋକେ। ନାନା ରକମର ପିଠାପଣା ସହ ଦୋଳି ଖେଳରେ ମଜା ନେଉଛନ୍ତି। ବିଶେଷକରି କୁଆଁରୀ ଝିଅମାନେ ନୂଆ ପୋଷାକ ପରିଧାନ କରିବା ସହ ରଜପାନ ସହ ରଜ ଦୋଳିରେ ନାନା ରକମର ଗୀତ ଗାଇ ପରିବେଶକୁ ଉତ୍ସବମୁଖର କରିଦେଇଛନ୍ତି। ତା’ଛଡ଼ା ଘରେ ଘରେ ଆମ୍ବ, କଦଳୀ ଓ ପଣସର ମହକ ଜମିଥିବା ବେଳେ ରଜପାନ ଖାଇ ଘରର ଘରଣୀମାନେ ରଜ ମଉଜରେ ମାତିଯାଇଛନ୍ତି।

ଐତିହାସିକ ଟେଷ୍ଟ୍‌ ଆରମ୍ଭ: ଧୱନ୍‌ଙ୍କ ଶତକ, ଆଫଗାନୀ

ବେଙ୍ଗାଳୁରୁ: ସ୍ଥାନୀୟ ଏମ୍‌ଏ ଚିଦାମ୍ବରମ୍‌ ଷ୍ଟାଡିୟମ୍‌ଠାରେ ଆଜିଠାରୁ ଆରମ୍ଭ ହୋଇଛି ଐତିହାସିକ ଭାରତ-ଆଫଗାନିସ୍ତାନ ଟେଷ୍ଟ୍‌। ଗତବର୍ଷ ଟେଷ୍ଟ୍‌ ମାନ୍ୟତା ପାଇବା ପରେ ଏହି ମ୍ୟାଚ୍‌ରୁ ଆଫଗାନସ୍ତାନ ନିଜର ୫ଦିନିଆ ଫର୍ମାଟ୍‌ରେ କ୍ୟାରିୟର୍‌ ଆରମ୍ଭ କରିଛି। ତେଣୁ ଏହି ଐତିହାସିକ ଟେଷ୍ଟ୍‌ରେ ଦଳ ନିଜର ଦମ୍‌ଦାର ପ୍ରଦର୍ଶନ ସହ ପ୍ରଶଂସକଙ୍କୁ ପ୍ରଭାବିତ କରିବାକୁ ଉଦ୍ୟମ କରିବ। ତେବେ ଭାରତ ଟସ୍‌ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇ ମଧ୍ୟାହ୍ନଭୋଜନ ବିରତି ସୁଦ୍ଧା ଦମ୍‌ଦାର ବ୍ୟାଟିଂ କରି ୨୭ ଓଭର୍‌ରେ ବିନା କୌଣସି କ୍ଷତିରେ ୧୫୮ ରନ୍‌ର ବଳିଷ୍ଠ ସ୍କୋର୍‌ କରିପାରିଛି। ଭାରତୀୟ ଓପନର ଶିଖର ଧୱନ୍‌ ଓ ମୁରଲୀ ବିଜୟ ଆଫଗାନୀ ବୋଲର୍‌ଙ୍କୁ ନିର୍ଧୁମ ପ୍ରହାର କରି ଦଳର ପଦାର୍ପଣକୁ ପାଣିଚିଆ କରିଦେଇଛନ୍ତି।

ତୃତୀୟ ପୂର୍ବ ଏସିଆ ସମ୍ମିଳନୀକୁ ଉଦଘାଟନ କଲେ କେନ୍ଦ୍ରମନ୍ତ୍ରୀ

ଭୁବନେଶ୍ବର: ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ସାମୁଦ୍ରିକ ସୁରକ୍ଷା ଏବଂ ସହଯୋଗ ସମ୍ବନ୍ଧୀୟ ତୃତୀୟ ପୂର୍ବ ଏସିଆ ସମ୍ମିଳନୀ ଭୁବନେଶ୍ବରଠାରେ ଉଦଘାଟିତ ହୋଇଯାଇଛି। କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ବାଷ୍ପ, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ସମ୍ମିଳନୀକୁ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି। ଏହି ସମ୍ମିଳନୀରେ ସୁରକ୍ଷିତ ସାମୁଦ୍ରିକ ବାଣିଜ୍ୟ ଏବଂ ପାରସ୍ପରିକ ସମ୍ପର୍କ ବୃଦ୍ଧି ପ୍ରସଙ୍ଗରେ ବ୍ୟାପକ ଚର୍ଚ୍ଚା ହେବ। ସମ୍ମିଳନୀରେ ଭାରତ ସମେତ ଅଷ୍ଟ୍ରେଲିଆ, ବ୍ରୁନେଇ ଦାରୁସାଲାମ, କାମ୍ବୋଡିଆ, ଚୀନ, ଇଣ୍ଡୋନେସିଆ, ଜାପାନ, ଲାଓପିଡ଼ିଆର, ମାଲେସିଆ, ମିଆଁମାର, ନ୍ୟୁଜିଲାଣ୍ଡ, ଫିଲିପାଇନ୍ସ, ରୁଷିଆ, ସିଙ୍ଗାପୁର, ଦକ୍ଷିଣ କୋରିଆ, ଥାଇଲାଣ୍ଡ, ଭିଏତନାମ ଓ ଆମେରିକା ଆଦି ୧୬ଟି ଦେଶର ପ୍ରତିନିଧି ଅଂଶଗ୍ରହଣ କରୁଛନ୍ତି।

ରାଜୀବ ଗାନ୍ଧିଙ୍କ ପରି ମୋଦିଙ୍କୁ ହତ୍ୟା କରିବାକୁ ଯୋଜନା

ପୁଣେ: ପାକିସ୍ତାନର ପ୍ରତିବନ୍ଧିତ ସଂଗଠନ ଜମାତ୍‌-ଉଦ୍‌-ଦାୱାର ଜଣେ ପ୍ରମୁଖ ସଦସ୍ୟ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ହତ୍ୟା କରାଯିବ ବୋଲି କହିବାର କିଛି ଘଣ୍ଟା ପରେ ବିଶ୍ବର ଏହି ଅନ୍ୟତମ ଲୋକପ୍ରିୟ ବ୍ୟକ୍ତିବିଶେଷ ମାଓବାଦୀଙ୍କ ଟାର୍ଗେଟ୍‌ରେ ଥିବା ଜଣାପଡ଼ିଛି। ୧୯୧୧ ମସିହା ମେ’ ମାସରେ ତତ୍କାଳୀନ ପ୍ରଧାନମନ୍ତ୍ରୀ ରାଜୀବ ଗାନ୍ଧିଙ୍କୁ ଯେପରି ହତ୍ୟା କରାଯାଇଥିଲା, ମୋଦିଙ୍କୁ ସେହି ପ୍ରକାରେ ହତ୍ୟା କରିବା ସକାଶେ ମାଓବାଦୀମାନେ ଯୋଜନା କରିଥିଲେ ବୋଲି ପୁଣେ ପୋଲିସ୍‌ ପକ୍ଷରୁ କୁହାଯାଇଛି। ମୋଦିଙ୍କୁ ଏକ ରୋଡ୍‌ ଶୋ’ରେ ଟାର୍ଗେଟ୍‌ କରିବା ସକାଶେ ମାଓବାଦୀମାନେ ନିଷ୍ପତ୍ତି ନେଇଥିବା ନେଇ ଜନୈକ ମାଓ ନେତାଙ୍କୁ ଲେଖାଯାଇଥିବା ଚିଠିରୁ ଜଣାପଡ଼ିଛି। ପୁଣେ ପୋଲିସ୍‌ ହାତରେ ଏହି ଚିଠି ପଡ଼ିବା ପରେ ଏପରି ସାଂଘାତିକ ଯୋଜନା ନେଇ ତଥ୍ୟ ପଦାକୁ ଆସିଛି।

ରତ୍ନଭଣ୍ଡାର ଚାବି ହଜିବା ମାମଲାରେ ମୁଖ୍ୟମନ୍ତ୍ରୀ ଚୁପ୍ କାହିଁକି
ଶିବସେନାର ନିଷ୍ପତ୍ତି ଶାହ ବଦଳାଇ ପାରିବେ ନାହିଁ: ସଞ୍ଜୟ

ମୁମ୍ବାଇ: ଶିବସେନା ମୁଖ୍ୟ ଉଦ୍ଧବ ଠାକ୍‌ରେଙ୍କୁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ସାକ୍ଷାତ କରିବା ନେଇ ରାଜନୈତିକ ମହଲରେ ଚର୍ଚ୍ଚା ଜୋର ଧରିଥିଲାବେଳେ ସେନାର ବରିଷ୍ଠ ନେତା ସଞ୍ଜୟ ରାଉତଙ୍କ ମନ୍ତବ୍ୟ ବିଜେପି ନେତାଙ୍କୁ ନିରାଶ କଲାଭଳି ହୋଇଛି। ସଞ୍ଜୟ ଗୁରୁବାର କହିଛନ୍ତି ଯେ ବିଜେପି ସଭାପତିଙ୍କ ସାକ୍ଷାତ ଅନ୍ୟ ଦଳର ସଭାପତିଙ୍କ ନିଷ୍ପତ୍ତିକୁ ବଦଳାଇ ପାରିବ ନାହିଁ। କେବଳ ସେନା ମୁଖ୍ୟ ଉଦ୍ଧବ ଠାକ୍‌ରେ ହିଁ ଏ ବାବଦରେ ଚୂଡ଼ାନ୍ତ ନିଷ୍ପତ୍ତି ନେବେ। ଏଥିସହ ସଞ୍ଜୟ କହିଛନ୍ତି ଯେ ଗତ ଜାନୁଆରୀ ପାର୍ଟିର କାର୍ଯ୍ୟକାରିଣୀରେ ସଭାପତି କହିଥିଲେ ଆମେ ଏଣିକି ସମସ୍ତ ନିର୍ବାଚନ ଏକାକୀ ଲଢ଼ିବା, କୌଣସି ଦଳ ସହ ମେଣ୍ଟ କରିବା ନାହିଁ। ବିଜେପି ସଭାପତି ସହଯୋଗୀ ଶିବସେନାର ସଭାପତି ଉଦ୍ଧବଙ୍କୁ ସାକ୍ଷାତ ନେଇ ଯେଉଁ କଳ୍ପନାଜଳ୍ପନା ପ୍ରକାଶ ପାଇଛି, ତାହାକୁ ସେ ଖଣ୍ଡନ କରିଛନ୍ତି। ଏହା ବିଜେପିର ସୃଷ୍ଟି ବୋଲି ସଞ୍ଜୟ କହିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!