Pratinidhi Odia

ଅପରାଧ

ଟାର୍ଗେଟରେ ଅପରାଧୀ

ଗଞ୍ଜାମରେ ଚୋର ଓ ପୋଲିସଙ୍କ ଖରାଛାଇ ଖେଳ ଚାଲିଛି। କେଉଁଠି ପୋଲିସକୁ ନାକେଦମ ହେବାକୁ ପଡ଼ୁଛି ତ କେଉଁଠି ଆଣ୍ଠେଇ ପଡ଼ୁଛି ଅପରାଧୀ। ଛତ୍ରପୁରରେ ବିଜେଡି କାଉନସିଲରଙ୍କୁ ଖଣ୍ଡାରେ ହାଣି ହତ୍ୟା କରାଯିବାର ୪୮ ଘଣ୍ଟା ନ ପୂରୁଣୁ ବ୍ରହ୍ମପୁର ଉପକଣ୍ଠରେ ଘଟିଯାଇଛି ପୁଣି ଏକ ହତ୍ୟାକାଣ୍ଡ। ସଦର ଥାନା ଅନ୍ତର୍ଗତ ଆମ୍ବଗଡ଼ ଗ୍ରାମରେ ରବିବାର ବିଳମ୍ବିତ ରାତିରେ ସଂଘବଦ୍ଧ ଆକ୍ରମଣରେ ଗ୍ରାମର ଜଣେ ଯୁବକ ଏମ ବୁଡୁ ପାତ୍ରଙ୍କ ପ୍ରାଣ ଯାଇଛି। ୧୦-୧୨ ଜଣ ସଶସ୍ତ୍ର ଯୁବକ ବିଳମ୍ବିତ ରାତିରେ ବୁଡ଼ୁର ଘର ଭିତରେ ପଶି ସଂଘବଦ୍ଧ ଭାବେ ଶାବଳ, ଠେଙ୍ଗା ଓ ଖଣତିରେ ଆକ୍ରମଣ କରି ତାଙ୍କୁ ହତ୍ୟା କରିଥିଲେ। ଗୁରୁତର ଅବସ୍ଥାରେ ବୁଡ଼ୁକୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଥିବା ବେଳେ ସୋମବାର ସକାଳେ ବୁଡ଼ୁର ପ୍ରାଣବାୟୁ ଉଡ଼ିଯାଇଥିଲା। ଏହି ଦୁଇ ଘଟଣାର ଅପରାଧୀମାନଙ୍କୁ ଚିହ୍ନଟ କରାଯାଇଛି। ଖୁବ୍‌ ଶୀଘ୍ର ଅପରାଧୀଙ୍କୁ ଧରିବା ଦିଗରେ ପୋଲିସ ସକ୍ଷମ ହେବ ବୋଲି ପୋଲିସ କହିଛି। ଜିଲାରେ ପୂଜା ପୂର୍ବରୁ ସବୁ ୱାରେଣ୍ଟିଙ୍କୁ ବନ୍ଧାଯିବା ପାଇଁ ନିର୍ଦେଶ ମିଳିବା ପରେ ପୋଲିସ ସଜାଗ ହୋଇଯାଇଛି। ଅପରାଧୀମାନେ ପୋଲିସର ରଣକୌଶଳ ଜାଣି ସେ ଅନୁଯାୟୀ ପଦକ୍ଷେପ ନେଉଥିବା ବେଳେ ମଙ୍ଗଳବାର ପୁଣି ଜଣେ କୁଖ୍ୟାତ ଡକାୟତ ଏନକାଉଣ୍ଟରର ଶିକାର ହୋଇଛି।

ପ୍ରିୟଙ୍କା ତନେଜାରୁ ହନିପ୍ରୀତ, ଏବେ ମୋଷ୍ଟ ୱାଣ୍ଟେଡ ନମ୍ବର

ଡେରା ସଚ୍ଚା ସୌଦା ମୁଖ୍ୟ ଗୁରମିତ ରାମରହିମର ଦୁଷ୍କର୍ମ ମାମଲାର ରାୟ ଆସିବା ପରେ ହରିୟାଣା, ପଞ୍ଜାବ ଓ ଦିଲ୍ଲୀ ସମେତ ଅନ୍ୟାନ୍ୟ ଅଞ୍ଚଳରେ ଆରମ୍ଭ ହୋଇଯାଇଥିଲା ହିଂସା। ହିଂସାକୁ ଉସୁକାଉଥିବା ଓ ସଂପୃକ୍ତ ଥିବା ୪୩ ଜଣ ମୋଷ୍ଟ ୱାଣ୍ଟେଡଙ୍କ ତାଲିକା ସୋମବାର ପ୍ରକାଶ କରିଛି ହରିୟାଣା ପୋଲିସ। ଅଦାଲତରୁ ବାହାରିବା ସମୟରେ କୋଡ୍‌ ୱାର୍ଡ ଜରିଆରେ ଲାଲ ସୁଟକେଶ ଦେଖାଇଥିଲେ ବାବାଙ୍କ ତଥାକଥିତ ପୋଷ୍ୟାକନ୍ୟା ହନିପ୍ରୀତ ଓରଫ ପ୍ରିୟଙ୍କା ତନେଜା। ଲାଲ ସୁଟକେଶର ଅର୍ଥ ଥିଲା ବିଦ୍ରୋହ। ତା’ପରେ ସିର୍ସା, ପଞ୍ଚକୁଲାରେ ଜଳିଥିଲା ନିଆଁ। ପୋଲିସ କଷ୍ଟଡିରୁ ରାମରହିମଙ୍କୁ ଖସାଇ ନେବା ପାଇଁ ହନିପ୍ରୀତ ରଚିଥିଲେ ଷଡ଼ଯନ୍ତ୍ର। ଯଦି ତାହା ସଫଳ ହୋଇଥାନ୍ତା, ତେବେ ଆଜି ଜେଲ ବଦଳରେ ଗୁମ୍ଫାରେ ଅୟସ କରୁଥାନ୍ତେ ଏହି ଭଣ୍ଡବାବା। ତଥାକଥିତ ବାବାଙ୍କୁ ଖସାଇ ନେବା ପାଇଁ ଷଡ଼ଯନ୍ତ୍ର ରଚନା କରୁଥିବା ଅପରାଧରେ ପୋଲିସ ଡେରାର ଏହି ମୁକୁଟବିହୀନ ସାମ୍ରାଞୀଙ୍କୁ ମୋଷ୍ଟ ୱାଣ୍ଟେଡ ତାଲିକାର ନମ୍ବର ୱାନରେ ରଖିଛି। ତାଙ୍କ ନାମରେ ଲୁକ ଆଉଟ ନୋଟିସ ମଧ୍ୟ ଜାରି କରିଛି। ବିହାର-ନେପାଳ ସୀମାରେ ରଖାଯାଇଛି ସତର୍କ ନଜର। କୁହାଯାଉଛି ଡେରା ସଚ୍ଚା ସୌଦା ମୁଖ୍ୟ ଗୁରୁମିତଙ୍କ ଏହି ପାଳିତା କନ୍ୟାଜଣକ ନେପାଳ ଖସିଯାଇଛନ୍ତି।

ବିଶ୍ବାସରେ ବିଷ: କଳାକନା ବୁଲାଇଦେଲା ଚାକରାଣୀ

୧୫ ନଭେମ୍ବର ୨୦୧୫ରେ ରାଜଧାନୀ ଭୁବନେଶ୍ବରରେ ଘଟିଥିଲା ଏକ ନାରକୀୟ ଘଟଣା। ଶୈଳଶ୍ରୀ ବିହାରରେ ରହୁଥିବା ଡାକ୍ତର ଦମ୍ପତି ପ୍ରଫୁଲ୍ଲ ମିଶ୍ର ଓ ସୁଷମା ମିଶ୍ରଙ୍କ ଘରୁ ଚୋରି କରିବାର ଯୋଜନା କରିଥିଲା ଘରର ଚାକରାଣୀ କୁଲଶ୍ରୀ ବେହେରା। କୁଲଶ୍ରୀଙ୍କୁ ଏଭଳି କାମରେ ପ୍ରବର୍ତ୍ତାଇବା ସହ ସହଯୋଗ କରିଥିଲା ଡାକ୍ତର ଦମ୍ପତିଙ୍କ ଘରେ ଆଗରୁ କାମ କରୁଥିବା ପୁରୁଣା ଚାକରାଣୀ ଟିକିନା ବେହେରା। ଦୁଇ ଚାକରାଣୀ ଘରୁ ଟଙ୍କା ସୁନା ଲୁଟି ନେବା ସାଙ୍ଗକୁ ପ୍ରମାଣ ନଷ୍ଟ କରିବା ପାଇଁ ପ୍ରଫୁଲ୍ଲ ଓ ସୁଷମା ମିଶ୍ରଙ୍କୁ ଜଘନ୍ୟ ଭାବରେ ହତ୍ୟା କରିବାକୁ ବି ପଛେଇ ନ ଥିଲେ। ହତ୍ୟାକାଣ୍ଡର ମାତ୍ର ତିନି ଦିନ ପୂର୍ବରୁ ଚାକରାଣୀ ଭାବେ ଯୋଗଦେଇଥିବା କୁଲଶ୍ରୀକୁ ଡାକ୍ତର ଦମ୍ପତି କିଭଳି ବିଶ୍ବାସ କରିନେଲେ ତାକୁନେଇ ଉଠିଥିଲା ପ୍ରଶ୍ନ। ଘର ମାଲିକମାନେ ଚାକରାଣୀ ରଖିବା ପ୍ରସଙ୍ଗରେ କ’ଣ ସବୁ ପଦକ୍ଷେପ ନେବା କଥା ତାକୁ ନେଇ ମିଡିଆ ବ୍ୟାପକ ଚର୍ଚ୍ଚା କରିଥିଲା। ଏତେ ଚର୍ଚ୍ଚା ଓ ସଚେତନତା ପରେ ଇତିହାସ ପୁଣି କଡ଼ ଲେଉଟାଇଛି। କଟକରେ ରହୁଥିବା ଜଣେ ଡାକ୍ତରଙ୍କ ଘରୁ ସେହି ଘରର ଚାକରାଣୀ ୪୦ ଲକ୍ଷ ଟଙ୍କା ଲୁଟି ନେବାରେ ସଫଳ ହୋଇଛି। କିଛିଦିନ କାମ କରିବା ଭିତରେ ନିଜ ବ୍ୟବହାରରେ ସମସ୍ତଙ୍କର ବିଶ୍ବାସ ଜିତି ପରେ ବିଷ ଦେବାକୁ ପଛାଇ ନାହିଁ ଚାକରାଣୀ ପୂଜା ଓରଫ ନେତ୍ରମଣି।

ବ୍ଲୁ ହ୍ବେଲ ମୁକାବିଲା ରଣନୀତି ସଫଳ ହେବ ତ!

ରାଜ୍ୟ ସାରା କାୟା ବିସ୍ତାର କରିଚାଲିଛି ବ୍ଲୁ ହ୍ବେଲ ଚାଲେଞ୍ଜ ଗେମ୍‌। ଏହାର ମୁକାବିଲା ପାଇଁ ଅଣ୍ଟା ଭିଡ଼ିଛି ରାଜ୍ୟ ସୂଚନା ଓ ପ୍ରଯୁକ୍ତି ବିଦ୍ୟା, ଗୃହ ଓ ବୈଷୟିକ ଶିକ୍ଷା ବିଭାଗ। ମଙ୍ଗଳବାର ପରେ ଗୁରୁବାର ମଧ୍ୟ ଏହାକୁ ନେଇ ବିଭାଗୀୟ ମନ୍ତ୍ରୀ ଚନ୍ଦ୍ର ସାରଥୀ ବେହେରାଙ୍କ ଅଧ୍ୟକ୍ଷତାରେ ସଚିବାଳୟରେ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ ଆୟୋଜିତ ହୋଇଯାଇଛି। ଏହାର ଗୋଟିଏ ଦିନ ପୂର୍ବରୁ ପୋଲିସ ପକ୍ଷରୁ ବ୍ୟାପକ ପ୍ରସ୍ତୁତି ଓ ଯୋଜନା ଆରମ୍ଭ ହୋଇଛି। ଯାବତୀୟ ସତର୍କତା ସତ୍ତ୍ବେ ବ୍ଲୁ ହ୍ବେଲ ଗେମ୍‌ ରାଜ୍ୟରେ ଜଣକ ପରେ ଜଣେ ନିରୀହ କିଶୋରଙ୍କୁ ଶିକାର କରି ଚାଲିଥିବାରୁ ସ୍ଥିତିକୁ ସମ୍ଭାଳିବା ପାଇଁ ପୋଲିସ ପକ୍ଷରୁ ରାଜ୍ୟର ସମସ୍ତ ଥାନାଧିକାରୀଙ୍କୁ ସତର୍କ ରହିବାକୁ ନିର୍ଦେଶନାମା ଜାରି କରାଯାଇଛି। ବିଭିନ୍ନ ଶିକ୍ଷାନୁଷ୍ଠାନଉପରେ ନଜର ରଖିବାକୁ କୁହାଯାଇଛି। ଶିକ୍ଷାନୁଷ୍ଠାନ ମୁଖ୍ୟମାନଙ୍କୁ ଡକାଇ ଏ ବାବଦରେ ଜଣାଇବାର ଭାର ଆଇଆଇସିମାନଙ୍କୁ ଦିଆଯାଇଛି।

ବ୍ଲୁ ହ୍ବେଲର ପଞ୍ଝା: ମୃତ୍ୟୁ ପଥରୁ ଉଦ୍ଧାର ହେଲେ ଛାତ୍ର


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

କରେନ୍ସି କନଭର୍ଟର


ଜନମତ

ଚଳିତ ପଞ୍ଚାୟତ ନିବର୍ବାଚନରେ ରାଜନୈତିକ ଦଳଗୁଡ଼ିକର ବେଲଗାମ ଖର୍ଚ୍ଚ ଉପରେ ବିମୁଦ୍ରାୟନ ଅଙ୍କୁଶ ଲଗାଇ ପାରିଛି କି?